 |
|
|
Azərbaycanın Qarabağ bölgəsində müvəqqəti yerləşdirilən Rusiya sülhməramlılarına yeni komandan təyin olunub.
"Report" xəbər verir ki, bu barədə Ermənistan mətbuatı məlumat yayıb.
Məlumata görə, bu vəzifəyə müdafiə naziri Sergey Şoyqunun müşaviri, general-polkovnik Aleksandr Lentsov təyin edilib.
Ətraflı
Ad - 00:23
O, bu vəzifədə Andrey Volkovu əvəz e dəcək.
***
Rusiya hakimiyyəti Azərbaycanın Qarabağ bölgəsində müvəqqəti yerləşdirilən Rusiya sülhməramlılarının komandanı Andrey Volkovu geri çağırmaq qərarına gəlib.
“Report” xəbər verir ki, bu barədə İrəvanın “Hraparak” qəzeti məlumat yayıb.
Qeyd olunub ki, Rusiya sülhməramlılarının yeni komandanı general-polkovnik, təcrübəli hərbçi, Rusiya müdafiə naziri Sergey Şoyqunun ən etibarlı adamlarından biridir.
Rusiya gəmiləri Ukraynada döyüşən qoşunları tədarük etmək üçün İrandan Xəzər dənizi vasitəsilə külli miqdarda artilleriya mərmisi və digər döyüş sursatları daşıyır.
UNİAN xəbər verir ki, bu barədə “The Wall Street Journal” məlumat yayıb.
Qeyd edilib ki, son 6 ayda Rusiya yük gəmiləri İrandan Rusiyaya 300 mindən çox artilleriya mərmisi və bir milyon patron daşıyıb.
Məlumatlı mənbələrə görə, tədarüklər barədə məlumatlar ABŞ tərəfindən ötürülüb.
İran silahlarının Rusiya üçün sonuncu partiyasının martın əvvəlində göndərildiyi vurğulanıb.
Kiyev Moskva ilə hərbi əsirlərin mübadiləsi ilə bağlı “hamının hamıya" formatında danışıqlar aparır. Bunu RBC-Ukraynaya müsahibəsində Ukrayna Müdafiə Nazirliyinin Kəşfiyyat Baş İdarəsinin rəhbəri Kirill Budanov deyib. Onun sözlərinə görə, hazırda tərəflər müvafiq razılaşmaların icrasına yaxınlaşır. K. Budanov onu da aydınlaşdırıb ki, bu günə qədər Kiyev 2200-dən çox insanı mübadilə edə bilib.
Bundan əvvəl Ukrayna prezidentinin ofisinin rəhbəri Andrey Yermak bildirib ki, Rusiya ilə böyük Pasxa bayramı zamanı əsirlərin dəyişdirilməsi zamanı 130 nəfər ölkəyə qayıdıb.
O qeyd edib ki, mübadilə ediləcəklərin siyahısına xüsusilə Soledar, Artyomovsk, Xerson və Zaporojye istiqamətlərində gedən döyüşlər zamanı əsir düşən çavuşlar və sıravi əsgərlər daxildir.
“Ukrayna ordusu atəş gücü çatışmazlığı ilə üzləşib”.
Jamaz.info xəbər verir ki, bunu “The Times”ın köşə yazarı Ketrin Filp öz məqaləsində qeyd edib.
“Qərb əlavə silah tələbinə cavab verməsə, Kiyev öz hava məkanına nəzarəti itirmək riski ilə üzləşir”, – o yazıb.
Filpin sözlərinə görə, Ukrayna Silahlı Qüvvələrində zenit sursatlarının olmaması o qədər kəskindir ki, Ukrayna gələn ayın əvvəlində səmaya nəzarəti itirə bilər. Eyni zamanda müəllif Pentaqonun şəbəkəyə sızan məxfi sənədlərinə istinad edib.
Məqalədə həmçinin bildirilir ki, Rusiya Silahlı Qüvvələri Ukrayna ordusunun PUA-ları ilə necə davranmağı öyrənib və bu, onların istifadəsini təhlükə altına qoyur. Filp qeyd edir ki, bu, sonda Ukrayna artilleriyasını hədəfə almaqda çətinliklərə gətirib çıxaracaq və daha çox mərmi istifadəsini tələb edəcək ki, bu da məhduddur.
Britaniya Müdafiə Nazirliyinin bazar günü Twitter hesabında paylaşdığı son kəşfiyyat məlumatına əsasən, Rusiya Ukraynaya qarşı hücumunda döyüşmək üçün “həqiqi kişiləri” cəlb etmək haqda düşünür.
Nazirlik bildirib ki, reklam lövhələrində, televiziyada və sosial şəbəkələrdə yayımlanan yeni kampaniyada Rusiya ordusuna yazılmağın pul mükafatları vurğulanır, lakin buna baxmayaraq, Rusiyanın 400 min könüllü cəlb etmək hədəfinə çatması “böyük ehtimalla” mümkün deyil.
Bu arada, Ukrayna “Rusiya təcavüzünü dəstəkləyən və ya ona sərmayə qoyan” fiziki və hüquqi şəxslərə qarşı yeni sanksiyalar elan edib. Ukrayna prezidenti Volodimir Zelenski şənbə videomüraciətində bildirib ki, Kyiv Ukraynaya qarşı Rusiya ordusu üçün silah və hərbi komponentlər istehsal edən 322 şirkətə qarşı sanksiya tətbiq edib.
Zelenski əlavə edib ki, Rusiyaya qarşı sanksiyalardan yayınmağa kömək edən fiziki və hüquqi şəxslərə qarşı əlavə sanksiyalar tətbiq edilib.
“Məqsəd Rusiyanın sanksiyalardan yan keçməsi üçün istənilən fürsəti aradan qaldırmaqdır” - deyə, o bildirib: “Rusiyanın müharibə iqtisadiyyatına qarşı sanksiyalar nə qədər sərt olarsa, təcavüzün sonu bir o qədər tez olar”.
Hələlik Qərbin Rusiyaya qarşı sanksiyaları rusiyalı milyarderlərinin sərvətinə mənfi təsir göstərməyib.
Forbes-un nəşr etdiyi dünya milyarderlər siyahısına əsasən, 2023-cü ildə Rusiya milyarderlərinin sərvəti təxminən yarım trilyon dollara qədər artıb. Rus milyarderlərinin ümumi sərvəti 2022-ci ildəki 353 milyard dollar idisə, 2023-cü ildə 505 milyard dollar təşkil edib. Əlavə olaraq, Rusiya milyarderlərinin siyahısına daha 22 nəfər salınıb və ümumi say 110 nəfərə yüksəlib. Bu rəqəmlərə Rusiya vətəndaşlığından imtina etmiş milyarderlər daxil deyil. Forbes bildirir ki, Qərbin sanksiyaları Rusiya iqtisadiyyatının 2.1 faiz azalmasına səbəb olub.
amerikaninsei
Türkiyənin öz istehsalı olan ilk "Altay" tankı test edilmək üçün orduya təhvil verilib.
Musavat.com xəbər verir ki, təqdimetmə mərasimində çıxış edən Türkiyə Prezidenti Rəcəb Tayyib Ərdoğan ordunun testindən keçdikdən sonra "Altay" tanklarının kütləvi istehsalına başlanılacağını bildirib.
Ərdoğan Türkiyənin yaxın tarixdəki hədəfini də açıqlayıb. O, bildirib ki, hədəf müstəqil müdafiə sənayesini yaratmaqdır.
"Modern savaş tankı olan "Altay"la nailiyyətlərimizi taclandırdıq. Yeni Altay tankımız 10 il əvvəl ortaya çıxan prototipdən çox fərqli və üstün imkanlara malikdir. Digər müdafiə layihələrimiz kimi "Altay" tankının hazırlanması zamanı da çətinliklərlə qarşılaşdıq. Layihəmizə mane olmağa çalışdılar. Hər bir strateji məhsulda olduğu kimi, ona da "çirkab" atıldı. Gizli və açıq embarqolarla prosesi sabotaj etməyə çalışdılar. Bütün hücumlara məruz qalsaq da, təslim olmadıq, bir addım da geri çəkilmədik. Bu şəkildə ortaya çıxan tankımızı silahlı qüvvələrimizə çatdırırıq. Ordumuz sınaqlarını başa vurduqdan dərhal sonra tanklarımızın kütləvi istehsalına başlayacağıq", - Ərdoğan deyib.
Musavat.com
Danimarka Müdafiə Nazirliyi krallığın yaxınlığındakı təhdidlərlə mübarizə aparmaq üçün bütün hərbi mütəxəssisləri İraq və Suriya ərazisindən çıxaracaq.
Teleqraf.com xarici KİV-ə istinadən xəbər verir ki, bu barədə nazirlik məlumat yayıb.
Danimarkalı hərbi mütəxəssislər 2016-cı ildən İraq və Suriya ərazisində olub və İslam Dövləti terror təşkilatına qarşı mübarizədə iştirak ediblər. Onlar əsasən hava hücumundan müdafiə sahəsində çalışırdılar.
Danimarkanın Hava Hücumundan Müdafiə Birliyinin Hava Nəzarət Qanadının rəhbəri, polkovnik Bjarke Lomborg deyib ki, bölmələr qismən geri çəkilir, çünki bu ölkələrdə İD döyüşçülərinin sayı o qədər azalıb ki, onlara ehtiyac qalmayıb və bölmə döyüşləri bərpa etməlidir.
Avropa İttifaqı ölkələri Ukrayna üçün döyüş sursatının alınması üçün nəzərdə tutulan 1 milyard avronun necə xərclənəcəyi ilə bağlı fikir ayrılığına düşüblər. “Politico” nəşri öz mənbələrinə istinadən qeyd edib ki, Fransa və Polşa sursatların alınması üçün Aİ-nin birgə müqavilələrini kimin alması barədə mübahisə edir - yalnız Avropa firmaları və ya ABŞ və Böyük Britaniya şirkətləri.
Digər tərəfdən Fransa qurumdakı bəzi dövlətləri qıcıqlandıraraq, blokda pul saxlamaq uğrunda mübarizəyə rəhbərlik edir. Avropalı diplomatların sözlərinə görə, Fransanın Aİ-dəki səfiri Polşalı həmkarını mətbuatda Parisi yekun razılaşmaya mane olmaqda ittiham etdiyinə görə tənqid edib. Polşa rəsmisi cavabında deyib ki, Fransa yalnız davam edən danışıqları çətinləşdirir.
Nəhayət, isveçlilər müqavilənin yenilənmiş mətnini təklif ediblər. Nəşrin məlumatına görə, bu məsələ ilə bağlı danışıqların gələn həftə davam etdirilməsi ehtimalı var.
Rusiya Prezidentinin sözçüsü Dmitri Peskovun oğlu Nikolay “Vaqner” özəl hərbi şirkətinin sıralarında döyüşüb.
“Report” xəbər verir ki, bu barədə “Vaqner”in qurucusu Yevgeni Priqojın hərbi müxbir Aleksandr Simonova müsahibəsində bildirib.
“Bütün tanışlarımdan bir nəfər, bir vaxtlar axırıncı liberal kimi tanınan Dmitri Sergeyeviç Peskov, həyatının bir hissəsini Amerikada və ya, yanılmıramsa, İngiltərədə keçirmiş oğlunu gətirib deyir: “Onu sıravi artilleriyaçı kimi götürün”, - hərbi qruplaşmanın rəhbəri qeyd edib.
Priqojının sözlərinə görə, 33 yaşlı Nikolay “tamamilə normal” xidmət edib: “Dizinə qədər çirkdə, nəcisdə, "Uraqan"da. Çox adam bunu bilmir”.
Xatırladaq ki, ötən ilin sentyabrında Rusiyada qismən səfərbərlik elan edildikdən sonra mətbuatda Rusiya Prezidentinin sözçüsü Dmitri Peskovun oğlu Nikolayın hərbi komissarlığa getməkdən imtina etməsinə dair məlumat yayılmışdı. Kremlin nümayəndəsi bu iddiaları yalanlamışdı.
Ukrayna əsgərləri Rusiya qoşunlarına güclü zərbələr endirib, mühüm hədəfləri vurublar.
Axar.az xəbər verir ki, bu barədə Ukrayna Silahlı Qüvvələrinin Baş Qərargahının məlumatında bildirilib.
Qərargahın məlumatına görə, raket qoşunları və artilleriyaçılar rusların iki sursat anbarını və hərbi texnika və canlı qüvvəsinin cəmləşdiyi ərazini vurub.