Rusiya Hərbi Hava Qüvvələrinə aid hərbi təyyarə Füzuli hava limanına eniş edir.

Gununsesi.info axar.az-a istinadla bildirir ki, bu barədə məlumatı “44th Ranger Regiment” Teleqram kanalı yayıb.

Bildirilir ki, Azərbaycan ərazi bütövlüyünü tamamilə bərpa etdiyindən və Qarabağdakı ermənilərin əksəriyyətinin bölgəni tərk etməsindən sonra Rusiya sülhməramlılarının orada saxlanılması üçün bir səbəb qalmayıb. Ehtimal edilir ki, Rusiya hərbi nəqliyyat təyyarəsi hərbçi və texnika daşınmasını həyata keçirir.

Qeyd edək ki, bu gün rus sülhməramlıları Qarabağda iki daimi və bir müvəqqəti müşahidə məntəqəsini bağlayıb.

MiQ-31 qırıcısı ABŞ Hərbi Dəniz Qüvvələrinin "P-8A Poseydon" təyyarəsinin Barents dənizi üzərində Rusiya dövlət sərhədini pozmasına icazə verməyib.

Axar.az xəbər verir ki, bu barədə Rusiya Müdafiə Nazirliyi məlumat yayıb.

“Bu gün Norveç dənizi üzərində Rusiyanın hava məkanına nəzarət vasitələri Rusiya Federasiyasının dövlət sərhədinə yaxınlaşan hava hədəfi aşkar edib.Hava hədəfini müəyyən etmək və Rusiyanın dövlət sərhədinin pozulmasının qarşısını almaq üçün MiQ-31 qırıcısı havaya qaldırılıb və ABŞ təyyarəsinin qarşısı alınıb", - məlumatda qeyd olunub.

Rusiya qoşunları iş adamı Rinat Axmetovun “Metinvest” şirkəti tərəfindən hazırlanıb Ukrayna Silahlı Qüvvələrinə təhvil verilən ilk 250 model texnikanın yarıdan çoxunu artıq məhv edib.

Bu barədə “The Wall Street Journal” nəşri yazır.

“Rusiya qoşunları “Metinvest” şirkətinin Ukrayna hərbçiləri üçün istehsal etdiyi hərbi texnika modellərinin təxminən yarısını məhv edib. Şirkət rəhbərləri bu “avadanlığın” böyük hissəsini rus qoşunlarının almasını istəyirlər”, – nəşr yazır.

Maketlər sərt penoplastdan, santexnika elementləri və metal qırıntılarından hazırlanır. Onun istehsalının məntiqi belədir: maketləri məhv edən hər bir rus raketi, mərmisi və ya pilotsuz təyyarəsi real texnikaya və hərbi personala hücum etmək üçün bir az raket, mərmi və ya pilotsuz təyyarədir. Həmçinin, bu maketlər düşmənin koordinatlarını da ciddi itki vermədən müəyyən etməyə yardım edir.

Ukraynalı komandirlərdən biri jurnalistlərə bildirib ki, onun bölməsi digər Ukrayna qüvvələrinin onu hədəfə ala bilməsi üçün Rusiya artilleriyasının haradan atəş açdığını dəqiqləşdirmək üçün maketlərdən istifadə edib. Keçən il isə Rusiyanın “Lancet” pilotsuz təyyarəsinin Ukrayna radar sisteminə zərbə endirməsinin videosunu yayımlanmışdı ki, bunun da qəzaya uğramış avtomobildən hazırlanmış maket olduğu ortaya çıxıb.

Şirkətin baş əməliyyat direktoru Aleksandr Mironenko deyir: “Rusiyanın işğalından sonra Ukrayna ordusu maketlər hazırlamaq xahişi ilə Ukraynanın ən böyük polad istehsalçısı “Metinvest”ə müraciət edib.

Jurnalistlər xatırladırlar ki, aldatma həmişə hərbi əməliyyatların tərkib hissəsi olub. Əfsanəvi hadisələrdən biri İkinci Dünya Müharibəsi zamanı, müttəfiqlərin general Corc S. Pattonun komandanlığı altında bütöv bir “kabuslar” ordusu idi. Aldatmada məqsəd almanları “Pas de Calais2 vasitəsilə Fransaya daxil olacaqlarına inandırmaq idi. İngiltərənin cənub-şərq sahilləri boyunca müttəfiqlər tank və təyyarələrin, saxta hərbi kazarmaların və təchizat anbarlarının minlərlə karton və rezin dummiyalarını yığdılar. Bu vaxt, qərbdə Müttəfiqlər Normandiyaya həqiqi qoşunları çıxarmağa hazırlaşırdılar.

Fransanın xarici işlər naziri İrəvanda deyib ki, ölkəsi Ermənistanla hərbi saziş imzalamağa və Ermənistana hərbi texnika satmağa hazırdır. Narahat olmağa dəyməz, əksinə Fransanın Ermənistana silah satmaq istəyi digər Avropa ölkələrinin Azərbaycana silah və hərbi texnika satmaq yolunu açacaq. Çünki uzun illər Avropa Birliyi ölkələrinin Azərbaycana və Ermənistana silah və hərbi texnika satılmaması barədə ortaq qərarı var idi. Fransa bu qeyri-rəsmi embarqo qərarını Ermənistanın xeyrinə pozacaqsa, digər Avropa ölkələri Azərbaycanın siah və hərbi texnika satmaq istəyəcəklər. Bu sırada ilk növbədə İtaliyanın adını çəkə bilərik. Şərqi Avropa ölkələrinin də müxtəlif silah və hərbi texnika istehsalı mövcuddur.
Elxan Şahinoğlu
Teref.az

Rusiya nüvə enerjisi ilə işləyən “Burevestnik” raketini sınaqdan keçirməyi planlaşdırır.

Axar.az xəbər verir ki, bu barədə "Nyu York Tayms" nəşri məlumat yayıb.

Bildirilib ki, Rusiyanın planını Arktikadakı bazanın vizual məlumatları sübut edir:

Qeyd olunur ki, Rusiya Prezidenti Vladimir Putin “Burevestnik” raketini hələ 2018-ci ildə elan edib.

Məlumata görə, o, havada manevr edəcək və hava hücumundan müdafiə sistemləri ilə vurula bilməyəcək. Eyni zamanda, heç kim bu silahın prototipini belə görməyib.

Ağ ev Kremlin Qərbin Ukraynaya yardımdan yorğunluğunun artacağı və Kiyevin Qərb tərəfdaşları arasında ziddiyyətlərin artacağı ilə bağlı iddialarını rədd edib.

“Report” “C-SPAN”a istinadən xəbər verir ki, bu barədə Ağ evin mətbuat katibi Karin Jan-Pyer brifinqdə deyib.

Jan-Pyer rusiyalı həmkarına Ukraynanın arxasında güclü ittifaqın olduğunu xatırladıb:

“Ukraynanın arxasında güclü, çox güclü beynəlxalq koalisiya var. Əgər Putin bizi üstələyə biləcəyini düşünürsə, yanılır”.

O həmçinin bildirib ki, Vaşinqton tezliklə Ukraynaya yeni yardım paketi elan edəcək.

Xatırldaq ki, daha öncə Rusiya Prezidentinin mətbuat katibi Dmitri Peskov “müxtəlif ölkələrin, o cümlədən ABŞ-nin Kiyev rejiminə tamamilə absurd sponsorluqdan yorğunluğunun artacağını” demişdi. Onun fikrincə, “bu yorğunluq siyasi isteblişmentin parçalanmasına və ziddiyyətlərin artmasına gətirib çıxaracaq”.

Kreml sevinir, Ukrayna mediasında isə “qanqaraçılıqdır”: Bayden ABŞ-ın 45 günlük “müvəqqəti büdcəsini” imzalayıb, bu büdcəyə Ukrayna üçün maliyyə vəsaiti daxil deyil. Amma hər şey bizim üçün bu qədər pisdirmi? Həqiqətən, yox. Ən azından, hələ yox.

Məsələ burasındadır ki, Birləşmiş Ştatlar növbəti nağd boşluqdan qaçıb - ölkə uzun müddət borc içində yaşayır və xərcləri ödəmək üçün dövlət borcunun səviyyəsi hər il artırılmalıdır ki, bu da müntəzəm böhrana gətirib çıxarır. "Maliyyə kilidi" yaratmamaq üçün demokratlar və respublikaçılar oktyabrın 1-ə qədər kompromis axtarmalıdırlar. Əks halda, qorunan maddələr istisna olmaqla, bütün ölkə üçün maliyyələşməni dayandırmaq lazım gələcək.

Bir sözlə, ən qızğın müzakirələrə əsas və səbəb yoxdur, çünki bu, müvəqqəti və məcburi tədbirdir.

İlk növbədə, ona görə orada həm demokratların, həm də respublikaçıların seçki kampaniyasının əsasını təşkil edən heç bir şey yoxdur. Seçki zamanı konkret ehtiyaclar üçün mütləq əlavə qanun layihələri olacaq, lakin oktyabrın 1-dən sonra və tələsmədən.

Bayden adminstrasiyası bu pulu necə “tapıb”? Təkcə qənaət hesabına deyil, həm də 2022-ci ildə Ukraynaya göstərilən yardımın retroaktiv yenidən qiymətləndirilməsi səbəbindən - hər yenidən qiymətləndirmədən sonra birdən məlum olur ki, o zaman silahlar əslində olduğundan daha yüksək qiymətləndirilib və fərq büdcəyə daxil edilir - növbəti ödənişlər üçün.

Bu yolla, arxa planda bir və ya iki dəfə yardımı “çox qiymətləndirə” bilərsiniz. Beləliklə, ilin sonuna qədər ABŞ-dan yeni irimiqyaslı tədarüklər gözləməməlisiniz. Lakin Ukrayna ABŞ-ın köməyindən məhrum olmayacaq. Eyni zamanda, Bayden, Pentaqon və hətta respublikaçılar və demokratların birgə qrupu respublikaçı spiker Makkartidən Ukraynaya 6 milyard məbləğində yardım üçün ayrıca qanun qəbul etməyi tələb edirlər. Lakin bu vəsait olmasa belə, Ukraynanın sabit təchizatı üçün ilin sonunadək pul var...

Əsas məsələlər gələn ilin büdcəsi ətrafındadır. Bayden gələn il Ukraynaya 24 milyard dollar ayırmaq istəyir. Təyyarə və raketlərin gözlənilən tədarükü fonunda bu, kifayət qədər təvazökar rəqəmdir. Respublikaçılar təbii ki, bunun əleyhinədirlər. Mötədil respublikaçılar xərcləri azaltmağı və Ukrayna xərclərinə nəzarəti gücləndirməyi xahiş etsələr də, Tramp tərəfdarları Ukraynaya dəstəyi tamamilə dayandırmağı tələb edirlər.

Baydenin reytinqini tamamilə məhv etmək üçün ABŞ-ın tam “kilidlənməsini” gözləyirdilər. Lakin Makkarti və digər mötədil respublikaçılar əslində öz partiyadaşlarından üstün olub, mötədil demokratlarla sövdələşiblər...

Təchizat kəsilməyəcək, baxmayaraq ki, yeni bahalı "tənzimləmələr" gözləməməliyik. Amma Baydenin məcbur etdiyi bu tədbir ABŞ-da maliyyə sabitliyini qorudu ki, bu da bizim üçün faydalıdır. Biz gələn ilin büdcə layihəsini gözləyirik, ona güvənirik və bu, Ukrayna üçün vacib olacaq.

Ancaq “Lend-Lease” ilə təchizat variantı həmişə olacaq - bu, indiki kimi hədiyyə olaraq deyil, kreditlə deməkdir. Cari “Lend-Lease” proqramı payızda başa çatsa da, onu uzatmaq çətin olmayacaq, təbii ki, arzu edilərsə. Beləliklə, bütün bunlar xoşagəlməzdir, lakin hələ də bizim üçün kritik deyil.

Müəllif: Andrey Popov - Jurnalist, siyasi analitik.
Mənbə: UNİAN
Tərcümə AYNA-ya məxsusdur

Qarabağda atəşkəs rejiminin pozulması qeydə alınıb.

Bu barədə Rusiya Federasiyasının Müdafiə Nazirliyi məlumat yayıb.

Məlumata görə, Xankəndi şəhərində naməlum şəxs Rusiya-Azərbaycan birgə patruluna snayper silahından atəş açıb.

Hadisə nəticəsində ölən və yaralananlar olmayıb.