 |
|
|
Rusiya hərbçiləri Ukraynanın Donetsk vilayəti istiqamətində bəzi mövqelərdən geri çəkilməyə məcbur olublar. İndi ukraynalı müdafiəçilər orada müdafiə mövqeləri qururlar.
Bunu Tavriç Müdafiə Qüvvələrinin mətbuat mərkəzinin rəhbəri Aleksey Dmitraşkovski deyib.
“Donetsk istiqamətində müdafiəçilərimizin yaxşı əlaqələndirilmiş və bacarıqlı hərəkətləri sayəsində düşmən bəzi mövqelərdən geri çəkildi, indi biz bu mövqeləri müdafiə əməliyyatları üçün təchiz edirik”, - o deyib.
Dmitraşkovski qeyd edib ki, Rusiya ordusu şəxsi heyət və texnika baxımından xeyli itki verir. Eyni zamanda, kəşfiyyat məlumatlarına görə, Verxnetoretski ərazisində texnikanın cəmlənməsi müşahidə olunur. Beləliklə, yaxın gələcəkdə Rusiya ordusunun bu istiqamətdə daha güclü hərbi əməliyyatlara başlamağa cəhd edə biləcəyi ehtimalı var.
Bundan əlavə, onun sözlərinə görə, “vaqner”çilərin Avdeyevka şəhərində görünməsi ilə bağlı məlumatlar ortaya çıxıb, lakin hələlik bunun təsdiqi yoxdur.
️İranla sərhəddə Pakistanın 4 əsgəri öldürülüb.
Aktualtv.az “Aljazeera”ya istinadən xəbər verir ki, bu barədə Pakistan ordusunun media orqanı ISPR məlumat yayıb. Bildirilib ki, İran tərəfdən fəaliyyət göstərən bir qrup terrorçu Pakistan təhlükəsizlik qüvvələrinin sərhəd patruluna hücum edib. Heç bir qruplaşma məsuliyyəti üzərinə götürməyib.
Qeyd edək ki, Pakistan-İran sərhədi 900 km uzunluğundadır. Daha əvvəl də İran – Pakistan sərhədində təhlükəsizlik insidentləri baş verib.
BMT baş katibinin tərksilah üzrə müavini İzumi Nakamitsu martın 31-də Təhlükəsizlik Şurasının iclası zamanı Rusiya Federasiyası, ABŞ və Birləşmiş Millətlər Təşkilatını yeni nüvə silahı müqaviləsinə qayıtmağı müzakirə etməyə çağırıb.
Editor.az bildirir ki, bu barədə GORDON-un müxbiri xəbər verib: “İndi nüvə silahından istifadə riski soyuq müharibədən bəri ən yüksək həddə çatıb. Ukraynadakı müharibə belə riskin ən acı nümunəsidir.
Dialoqun olmaması, tərksilah və silahlara nəzarət arxitekturasının aşınması təhlükəli ritorika ilə birləşib ki, bu da potensial riskin ən təsirli nümunəsi və faktorudur”, – Nakamitsu deyib. O, bütün dövlətlərin eskalasiyaya səbəb olan hər cür hərəkətlərdən çəkinməli olduğunu vurğulayıb. Nakamitsu Nüvə Silahlarının Yayılmaması Müqaviləsinə üzv olan bütün dövlətləri öhdəliklərini yerinə yetirməyə və nüvə münaqişəsi riskini azaltmaq üçün səy göstərməyə çağırıb.
"Ukrayna hərbçiləri Enerqodarı atəşə tutmur, MAQATE-nin baş direktoru Rafael Qrossinin Zaporojye Atom Elektrik Stansiyasına (ZAES) ikinci səfərindən sonra vəziyyət sakitləşib".
Bizimyol.info xəbər verir ki, bu barədə Rusiya mətbuatına “Biz Rusiya ilə birlikdəyik” hərəkatının sədri Vladimir Roqov məlumat verib.
Qrossinin səfərindən sonra Enerqodardakı vəziyyətlə bağlı sualı cavablandıran Roqov: “Vəziyyət dəyişməyib, Allaha şükür, sakit və sabitlikdir”, - deyib.
Onun sözlərinə görə, son bir həftə ərzində atışma Tokmak, Moloçansk, Veseli, eləcə də Melitopol ətrafında olub. “İntensivlik orta səviyyədədir, atəşlər davam edir", - Roqov əlavə edib.
Qrossi çərşənbə günü ZAES-ə baş çəkib və onun ərazisinə baxış keçirib. Rusiya mətbuatının verdiyi məlumata görə, ona Ukrayna Silahlı Qüvvələrinin atəşi nəticəsində zədələnmiş obyektlər göstərilib. Xüsusilə, o, dördüncü enerji blokunun soyuducu çənlərinin arasına düşən raketlərdən birinin qopma yerini görüb. Bu, Qrossinin ZAES-ə altı ayda ikinci səfəridir, birincisi 1 sentyabr 2022-ci ildə baş tutub.
2022-ci il avqustun 31-də MAQATE-nin baş direktoru Rafael Qrossinin rəhbərlik etdiyi missiyanın Zaporojye AES-ə ilk səfəri ərəfəsində Enerqodar stansiyası, eləcə də onun ərazisi dron və artilleriyadan atılan 100-dən çox zərbəyə məruz qalıb. Sentyabrın 1-də MAQATE və Rusiya nümayəndələrinin görüşməli olduğu ərazidəki Vasilyevkadakı keçidi atəşə tutulub.
Missiyanın orada olduğu müddətdə stansiya uğrunda döyüşlər olub. Hətta ZAES atəş atəşə tutulub.
Sentyabrın 2-də MAQATE missiyasının böyük hissəsi şəhəri tərk etdikdən sonra Silahlı Qüvvələr Enerqodara üç zərbə endirib. Sentyabrın 3-nə keçən gecə atəşə tutulması nəticəsində Ukraynadan keçən elektrik verilişi xətti zədələnib, ZAES müvəqqəti olaraq öz ehtiyaclarını təmin etməyə keçib.
Agentlik daha sonra hərbi əməliyyatlar nəticəsində baş verə biləcək qəzaların qarşısını almaq üçün stansiyanın ətrafında təhlükəsizlik zonasının yaradılmasını tələb edən hesabat yayıb. MAQATE ZAES-in haradan atəşə tutulduğunu dəqiqləşdirməyib.
Qadir, Bizimyol.info
TEREF.AZ yazır ki, müharibələrin taleyini demək olar ki, onlar həll edirlər.
“Kabus Ordusu” 2-ci dünya müharibəsində yaradılır.
Məxfi hərbi birlik uzun illər gizli saxlanılır.
Düşməni çaş-baş salan məxfi qrupla bağlı inanılmaz faktlar...
Teref.az
Lənkəran rayonu Osaküçə kənd sakini Səmədov Habil bildirir ki, 2022-ci ilin oktyabrında oğlu Rəvanı toy-bayramla hərbi xidmətə yola salıblar. İki ay sonra onun ciddi problemləri yaranıb xəstəxanalıq olub. Hazırda Müdafiə nazirliyinin Hərbi Hospitalında müalicə olunur. Amma ata oğlunun sağlıq durumundan çox narahatdır
Daha ətraflı aşağıdakı videoda:
Əsas vəzifə hərbi büdcənin maliyyələşdirilməsinə şərait yaratmaqdır. Ukraynanın dövlət büdcəsi 80 milyard qrivna (2,17 milyard dollar – red.) gəlir əldə edir və hərbi kampaniyaya ayda 130 milyard qrivna (3,53 mlrd – red.) xərclənir.
“RBC-Ukrayna” Avropa Biznes Assosiasiyasının (EBA) mətbuat xidmətinə istinadən yazır ki, bunu Ukrayna maliyyə naziri Serhi Marçenko bildirib.
EBA üzvləri ilə görüşdə Marçenko bildirib ki, ötən həftə Ali Rada hərbi ehtiyaclar üçün xərcləri artıran dövlət büdcəsinə dəyişiklikləri dəstəkləyib.
Nazirin sözlərinə görə, bu il nəzərdə tutulan vergilərin yığılması vacibdir, lakin kardinal vergi dəyişikliyi nəzərdə tutulmur.
Xatırladaq ki, Ali Rada Ukraynanın 2023-cü il dövlət büdcəsinə dəyişikliklər edərək, müdafiə xərclərini 518 milyard qrivna artırıb.
Krımın Simferopol şəhərində Ukraynaya aid olduğu güman edilən PUA vurulub.
Manset.az xəbər verir ki, bu barədə Krımın “rəhbəri” Sergey Aksyonov məlumat verob.
O, PUA-nın əkin sahəsinə düşdüyünü, tələfat və dağıntının olmadığı bildirilib.
Qeyd edək ki, martın 16-dqa Rusiya hava müdafiə sistemləri Krımın Sak rayonunda pilotsuz uçuş aparatını (PUA) vurub.
Çin Rusiyaya zirehli gödəkçələr istehsal etməyə kömək edir.
Redaktor.az xəbər verir ki, bu barədə "Politico" nəşri yazıb.
Bildirilir ki, Çinin köməyi ilə istehsal edilən zirehli gödəkçələr Ukraynadakı müharibədə istifadə olunur.
2022-ci ildə bir neçə Çin şirkəti, o cümlədən Pekində yerləşən KLASS şirkəti zirehli gödəkçələrdə istifadə edilən komponentləri Rusiyaya göndərib.
“Hər kilometr üçün 650 dollar” - Rusiya hərbçilərə müxtəlif bonuslar təklif edir...
Rusiya müharibədə iştirak edən hərbçilərə irəlilədikləri hər kilometr üçün 650 dollar təklif edir.
Teref.az xəbər verir ki, bu barədə Britaniya nəşrləri məlumat yayıb.
Məlumatda qeyd olunur ki, Kreml növbəti səfərbərlikdən yayınmaq üçün orduya çağrılan şəxslərə bir sıra əlavə güzəştlər və bonuslar təklif etməyə başlayıb. Həmin təkliflərin hökumət saytlarında, eləcə də bir sıra dövlət qurumları və təşkilatların internet resurslarında yerləşdirildiyi bildirilir.
Məsələn, Yaroslavl vilayətinin qərbindəki bir bələdiyyə administrasiyası tərəfindən dərc edilən elanda müharibəyə yollanmaq üçün qeydiyyatdan keçən hər hərbçiyə 3,800 dollar birdəfəlik bonus vəd edilib.
Əgər qeydiyyata alınan şəxs müharibəyə göndərilərsə, bu zaman o, aylıq 2500 dollar əmək haqqı, aktiv hücum əməliyyatlarında iştirak edərsə 100 dollar mükafat və hücum qruplarının tərkibində irəlilədiyi hər kilometr üçün əlavə olaraq 650 dollar qazana bilər.
azpolitika.info