 |
|
|
Ukrayna hakimiyyəti Ukraynanın hava hücumundan müdafiə vasitələrinin çərşənbə axşamı səhər tezdən Kiyevə böyük bir Rusiya hava hücumunu uğurla dəf etdiyini açıqladı. Paytaxta yönəlmiş 18 raketin hamısı tutuldu və məhv edildi, bu da qurbanların qarşısını aldı. Hücum, Ukraynanın hava hücumundan müdafiə imkanlarını yatırmağa yönəlmiş görünən hava, dəniz və qurudan atılan Rusiya raketlərinin birləşməsini əhatə edirdi. Qərbdən gətirilən silahların olması hücumdan uğurlu müdafiəyə kömək etdi.
Kiyevə artan hücum, Avropa liderlərinin Rusiyanı davam edən qarşıdurmaya görə məsuliyyətə cəlb etmək üçün əlavə tədbirləri araşdırdığı və Çin səfirinin dəstək üçün dinc təklifə müraciət etdiyi bir vaxtda baş verdi. Kiyev Hərbi Administrasiyasının rəhbəri Sergey Popko hücumu ən qısa müddətdə ən çox raket atan “sıxlığı müstəsna” olaraq xarakterizə etdi.
İngiltərənin Ukraynadakı səfiri Melinda Simmons, atəşə tutulmağı şəhərə təsirini vurğulayaraq “olduqca sıx” olaraq xarakterizə etdi.
Bu, Rusiya qoşunlarının bu ay Kiyevə səkkizinci hava hücumu oldu ki, bu da nisbi sakitlikdən sonra və gözlənilən Ukrayna əks-hücumu ərəfəsində əhəmiyyətli bir eskalasiyanı təmsil edir. Ukrayna Prezidenti Vladimir Zelenski bu yaxınlarda əsas müttəfiqlərlə əlaqələri gücləndirmək və əlavə hərbi yardım almaq məqsədi ilə Avropa ölkələrinə turunu başa vurub.
Hücumda MİG-31k təyyarəsindən atılan altı “xəncər” aeroballistik raket, Qara dənizdəki gəmilərdən atılan doqquz qanadlı raket və paytaxta yönəlmiş üç S-400 quru əsaslı qanadlı raket iştirak etdi. Bundan əlavə, Rusiya qoşunları İran istehsalı olan “Şahed” zərbə dronlarını yerləşdirib və hava kəşfiyyatı aparıb.
Atəş nəticəsində dağıntılar Kiyevin müxtəlif bölgələrində yanğınlara səbəb olsa da, itki barədə məlumat verilməyib. Ukraynanın qərb müttəfiqləri tərəfindən tədarük olunan Amerika istehsalı Patriot raketləri də daxil olmaqla müasir hava hücumundan müdafiə sistemlərinin tətbiqi paytaxtın ölkənin digər bölgələrində görülən geniş miqyaslı dağıntılardan qorunmasında həlledici rol oynadı.
Rusiya Müdafiə Nazirliyinin sözçüsü, hücum zamanı Kiyevdəki Patriot raket batareyasının məhv edildiyini və bunu “xəncər” raketi ilə əlaqələndirdiyini söylədi. Lakin bəyanatda yoxlanıla bilən sübutlar yox idi. Hərbi ekspertlərin fikrincə, gücləndirilmiş hava hücumundan müdafiə imkanları Rusiya aviasiyasını Ukrayna ərazisinə daxil olmaqdan çəkindirib ki, bu da münaqişənin gedişatına təsir edib.
Hücum baş verərkən, Avropa liderləri Avropa Şurasının İnsan Hüquqları problemlərinin həllinə və Ukraynadakı Rusiya qoşunlarının gələcək kompensasiya tələbləri üçün vurduğu zərərin sənədləşdirilməsi mexanizmlərinin yaradılmasına yönəlmiş sammitinə hazırlaşırdılar.
Paralel olaraq, yaxın günlərdə Çinin səfiri Li Huinin fevral ayında Çinin təklif etdiyi sülh planını irəli sürmək üçün Ukrayna və Rusiyaya səfər edəcəyi planlaşdırılırdı. Çinin elan etdiyi bitərəfliyə və vasitəçi kimi çıxış etmək istəyinə baxmayaraq, onun Rusiyaya siyasi dəstəyi, Rusiyanın tam miqyaslı işğalından 14 aydan çox vaxt keçsə də, münaqişədə irəliləyiş əldə etməyi mümkünsüz edir.
Ukrayna Prezidenti Administrasiyasının məlumatına görə, bazar ertəsindən çərşənbə axşamı səhərədək Rusiyanın Ukrayna regionlarına hücumları ən azı yeddi dinc sakinin ölümünə və daha 14 nəfərin yaralanmasına səbəb olub.(Turan)
Priqojin Ukrayna kəşfiyyatı ilə əməkdaşlıq etmək niyyətindədir.
Bu barədə Ukrayna Baş Kəşfiyyat İdarəsinin rəisi Budanov məlumat verib.
“Priqojinin sözlərinin 80%-i doğrudur. Vaqner maksimum effektivlik nümayiş etdirdi. Rusiya ordusu isə maksimum səmərəsizlik göstərdi ki, bu da Rusiya Federasiyasının hərbi rəhbərliyində münaqişəni daha da gərginləşdirdi”, – Budanov deyib.
Yevgeni Priqojin bildirib ki, o, Ukrayna hərbi kəşfiyyatının rəhbəri Kirill Budanov vasitəsilə Ukrayna Silahlı Qüvvələrinin sıralarında döyüşmüş, Baxmut uğrunda döyüşlərdə həlak olan amerikalı könüllü Nikolas Duyen Meymerin cəsədini təhvil verəcək.
“Mən bir amerikalının cəsədini təhvil edəcəyəm. Bunu xüsusi olaraq “The Washington Post” üçün edəcəm.
Sorğuma cavab verdilər. Bu gün şəxsi mesajda bütün adları, parolları, bildirişləri aldım. İndi onlarla işləyəcəyik. Və əlbəttə, mən bunu Kirill Budanov vasitəsilə edəcəyəm”, – deyə Priqojin bildirib. \\KONKRET.az
Azərbaycanla sərhəddə yerləşdirilmiş Ermənistan ordusu dünəndən etibarən “mavi döyüş” vəziyyətinə gətirilib. TEREF.AZ JAMAZ.İNFO-ya istinadla xəbər verir ki, bu barədə Ermənistan parlamentinin deputatı, milli müdafiə və təhülkəsizlik komissiyasının sədri Andranik Koçaryan məlumat yayıb.
O bildirib ki, hazırda sərhəddə nisbi sakitlikdir. “Nə demək istdəyimi anlayanlar anladı. Ordumuz sərhədlərimizi qoruyur. Onlara xidmət müddətində uğurlar arzulayıram”.
Qeyd edək ki, “mavi döyüş” vəziyyəti ordunun döyüş hazırlığ vəziyyətinə gətirilmə hallarından biridir. Bu zaman müdafiə deyil, hücum taktikasına üstünlük verilir. Görünür, Ermənistan Brüssel danışıqlarında verdiyi vədlərin üzərindən qaçmaq üçün yenidən təxribata əl atmağı düşünür. Çünki İrəvan hökumətində bu adi hala çevrilib.
"Rusiyanın Birləşmiş Qoşun Qruplaşması Ukraynada yarana biləcək operativ şəraitə uyğun cavab vermək üçün döyüş qabiliyyəti olan mobil ehtiyat yarada bilməyib..."
"Rusiya qüvvələrinin hərbi müdaxilə başlanandan indiyədək hava əməliyyatlarını aparmaq inkanları məhduddur..."
Rusiya ordusu təcrübəli hərbi mütəxəssislər baxımından qıtlıq keçirir və öz qoşunlarını Ukraynada səmərəli şəkildə əlaqələndirə bilmir.
Moderator.az xəbər verir ki, bu barədə Böyük Britaniya Müdafiə Nazirliyinin analitik hesabatında deyilir.
Britaniyalı kəşfiyyatçıları qeyd edib ki, Rusiyanın Birləşmiş Qoşun Qruplaşması formal olaraq 446 gün öncə hərbi müdaxilə başlananda olduğu kimi təşkil edilib.
"Birləşmiş Qoşun Qruplaşması, ehtimal ki, əvvəlkitək 200 mindən artıq şəxsi heyətdən, beş qoşun qruplaşmasına bölünmüş 70 alay və bruqadadan ibarətdir.
Lakin 2022-ci ilin fevralında Birləşmiş Qoşun Qruplaşması peşəkar əsgərlərdən ibarət olub, kifayət qədər müasir texnika ilə təchiz edilib və mürəkkəb əməliyyatları işləyib hazırlamaq üçün müntəzəm olaraq məşq edib", - Böyük Britaniya kəşfiyyatı qeyd edib.
Göstərilir ki, Rusiya qüvvələrinin həm o zaman, həm də indi hava əməliyyatlarının aparılmasında imkanları məhduddur.
Hazırda Birləşmiş Qoşun Qruplaşması, əsasən, ehtiyatdan səfərbər edilmiş və pis təlim keçmiş əsgərlərdən ibarətdir və getdikcə daha çox köhnəlmiş avadanlıqdan asılı olur.
Bu zaman onların bir çox bölmələri hiss ediləcək qədər yarımçıq komplektləşdirilib. Həm də hazırda rusiyalılar yalnız çox bəsit piyada əməliyyatları aparmağa qadirdir.
Britaniya kəşfiyyatı "son dərəcə mühüm amilə" diqqət çəkib. Belə ki, Birləşmiş Qoşun Qruplaşmasının Ukraynada yarana biləcək operativ şəraitə uyğun cavab vermək üçün böyük, döyüş qabiliyyətli mobil ehtiyat yarada biləcəyi az ehtimal olunur.
"Birləşmiş Qoşun Qruplaşmasının 1200 km-lik cəhbə xətti boyunca stres şəraitində genişmiqyaslı hərbi əməliyyatları səmərəli şəkildə koordinasiya etməsi az ehtimal olunur", - Britaniya kəşfiyyatı izah edib.
Ukrayna Prezidenti Volodimir Zelenski ölkəsinin əks-hücum əməliyyatları aparmaq üçün kifayət qədər silaha malik olub-olmamasından danışıb.
Prezident bunu Almaniya kansleri Olaf Şoltsla birgə keçirdiyi brifinqdə deyib.
Dövlət başçısının sözlərinə görə, bunun üçün Ukraynanı lazımi silah və texnika ilə təmin etməli olan xarici tərəfdaş ölkələrə daha bir neçə səfər etmək lazımdır.
"Daha bir neçə səfər və vəssalam", - o deyib.
Bu kontekstdə Zelenski Almaniyanın Ukraynaya verdiyi dəstək baxımından Amerika Birləşmiş Ştatlarından sonra ikinci ölkə olduğunu vurğulayıb.
O, Ukraynanın Almaniyanın birinci olması üçün hər şeyi edəcəyini vurğulayıb. Dövlət başçısının sözlərinə görə, Almaniya Ukraynanın təhlükəsizliyini dəstəkləməkdə davam etmək üçün bu və ondan sonrakı illər üçün 11 milyard avrodan çox vəsait ayırıb.
UNİAN
Azərbaycan Ordusunun dəqiq artilleriya zərbələri nəticəsində Ermənistan Silahlı Qüvvələrinin (SQ) Basarkeçər rayonundakı avtomobil texnikası və minaatan heyətinin məhv edilməsinin görüntüləri yayılıb.
AzVision.az xəbər verir ki, bu görüntüləri “Calibr” nəşri yayıb.
Birinci videoda düşmənin “KamAZ” markalı yük maşınına dəqiq zərbə göstərilir. Qeyd olunub ki, zərbə zamanı düşmənin canlı qüvvəsi yük maşınında olub. İkinci videoda isə Azərbaycan Ordusu Ermənistan SQ-nin minaatan heyətini dəqiq zərbə ilə məhv edir.
Ermənistan silahlı qüvvələrinin ordumuza hücum zamanı istifadə etdikləri əldəqayırma PUA-ların idarə olunduğu komanda – qərargah məntəqəsi Ordumuz tərəfindən məhv edilib.
Oxu.Az-ın əldə etdiyi videodan aydın olur ki, komanda – qərargah məntəqəsinin yerləşdiyi yük avtomobili sərrast atəş nəticəsində partladılıb.
Bununla da həmçinin, Ermənistan silahlı qüvvələri bölmələrinin şərti dövlət sərhədində törətdiyi təxribat nəticəsində Azərbaycan Ordusunun şəhid olan hərbçisi Orxan Novruzəlizadənin intiqamı alınıb.
Bununla bağlı görüntüləri təqdim edirik:
Şimali İraqda "Pəncə-kilit" əməliyyatı zamanı bir əsgər şəhid olub.
32gun.az Türkiyə mətbuatına istinadən xəbər verir ki, müqaviləli piyada əsgər Məhəmməd Küçük terror qruplarının təşkil etdiyi raket hücumunda şəhid olub.
Bu acı xəbər Məhəmmədin ailəsinə verilib.
Qəzza zolağında buraxılan raketin İsrailin Rehovot şəhərində yaşayış binasına düşməsi nəticəsində 5 nəfər xəsarət alıb, onlardan birinin vəziyyəti ağırdır.
Axar.az xəbər verir ki, bu barədə İsrailin təcili tibbi yardım xidməti məlumat yayıb.
Əlavə məlumat verilmir.
Rosqvardiyanın 96-cı operativ təyinatlı alayı Qroznıdan Ukraynaya hərbi əməliyyatlarda iştirak etmək üçün yola düşüb.
Axar.az xəbər verir ki, bu barədə Çeçenistan rəhbəri Ramzan Kadırov deyib.
“Bu gün onlar döyüş mövqelərində olan əsgər yoldaşlarını dəyişmək üçün cəbhəyə gediblər”, - deyə Kadırov bildirib.
Onun sözlərinə görə, bu, Maqomed Tuşayevin rəhbərliyi altında böyük uğurlar qazanan Rosqvardiyanın ən döyüşə hazır və effektiv bölmələrindən biridir.