|
Bir neçə gündür sosial şəbəkələrdə övladı ağır vəziyyətdə olan ana fəryad edərək dəstək və yardım istəyir.
Belə ki, oğlu ağır yataq xəstəsi olan qadın xəstənin bu vəziyyətə düşməsində həkimləri və konkret olaraq, MEDERA hospitalın neyrocərrah və həkimlərini ittiham edir.
“Medicina” xəbər verir ki, aadının sözlərinə görə, onun övladını Medera Hospitalın cərrah və həkimləri səhv əməliyyat edib və sağaltmaq əvəzinə, əksinə daha da ciddi fəsadlar yetiriblər.
16 yaşlı oğlum avtomobil qəzasına düşmüşdü. Onu Semaşkoya aparmışdılar. Orda saxlamayıb, özəl xəstəxanaya köçürdüm ki, orda daha yaxşı şərait var və həkimlər mənə söz verdi ki, bura gətir, bir sağaldacağıq. Semaşkoda ölməsin deyə, onu Medera hospitala köçürdüm.
Orda nə pul istədilər verdim, pula görə onun beynini əməliyyat etdilər. Beyin qapağını açdılar. Nəfəs alması üçün traxeyadan dəlik açanda, vurub boğazını, qida borusunu da deşdilər.
Mən Mehriban xanıma, prezidentə müraciət edirəm. Məni həkimlər və klinika aldadıb. Hər dəfə bu ay yaxşı olacaq, gələn ay sağaldacağıq deyə-deyə uşağımı əridib, koma vəziyyətində mənə verdilər. Uşağımın başında problem yox idi. 90 kiloluq uşaqdan 30 kilo qalıb.
” “MedEra hospital” uşağın qida borusunu deşdi, oğlumu şikəst etdi”
MedEraya gedib gəldim, uşağımı müalicə edin dedim, məni polislə ordan uzaqlaşdırdılar. Əvvəl 10 min təklif etdilər. Amma mən istəmədim. Çünki mənim övladımın dərdi 10 minlə sağalmır.
Məni aldatdılar ki, Azərbaycanda dərdinə dərman olmasa, Türkiyəyə göndərəcəyəm. Amma indi məni qapıdan qovurlar. Hər şeyi boyunlarından atırlar. Qida borusu salamat uşağımı deşiblər, nə yemək yeyə bilir, nə su. Əriyib gedir. Beyni salamat idi, beynini açıb qarnına tikdilər. Uşağımın sağalması üçün yalvarıram. Medera hospital məniçm evimi yıxdı”.
Azərbaycanda satılıan dərman və preparatların hədsiz baha və keyfiyyətsiz olması cəmiyyətdə ciddi sosial narazılıq yaratmaqdadır. Azərbaycan hökuməti vətəndaşlarda kütləvi narazılıq yaradan bu amillə bağlı özünün etibarlı mənbələri vasitəsilə artıq həyəcan siqnalı almaqdadır.
AzFakt.com xəbər verirki, Azərbaycan hökuməti dərman monopoliyasına qarşı qətiyyətli addımlara başlayıb.
İyun ayının 6-da Milli Məclisdə keçirilən iclasda “Azərbaycan Respublikasının 2023-cü il dövlət büdcəsi haqqında” qanuna təklif edilən dəyişikliyin müzakirəsi zamanı deputat Fazil Mustafanın səsləndirdiyi fikirləri bu qəbildən hesab etmək olar. Deputat çıxışında 100 manatlıq dərmanların 300 manata satıldığını bildirirdi.
Qeyd edək ki, Azərbaycanda ən böyük dərman monopolistlərindən biri də 9 saylı Binəqədi İkinci Seçki Dairəsindən deputat seçilən Kəmaləddin Qafarovdur.
Kəmaləddin Qafarov Milli Məclisdə dərman monopoliyası ilə məşğul olan iki deputatdan biridir. Yerli və xarici mediada yer alan məlumatlara görə Azərbaycanda dərman monopoliyasının əsas simasından biri də Cavanşir Feyziyevdir.
Vaxtilə parlamentə düşə bilən K.Qafarov və C.Feyziyevin qanunverici orqanda zaman-zaman dərman bazarını tənzimləyəcək qanunların əngəllənməsini təmin etdikləri iddia edilir.
Kəmaləddin Qafarov Milli Məclisdəki fəaliyyəti ilə yanaşı həm də Milli Onkologiya Mərkəzinin direktor müavinidir.
Səslənən iddialardan biri isə dərman monopoliyasının başında dayananların Azərbaycanda dərman satışından əldə etdikləri milyardarla vəsaiti xarici ofşorlara köçürmələridir.
Hökumətə yaxın “Haqqın.az” saytı isə dərman inhisarçılarından olan deputat Cavanşir Feyziyevlə bağlı məlumatında bildirirdi ki, Cavanşir Feyziyev və başqaları “Danske Bank” vasitəsilə xaricə milyardlar köçürüblər. Danimarkanın kommersiya bankı “Danske Bank” Azərbaycan və Rusiya da daxil olmaqla bir sıra keçmiş Sovet respublikalarından 200 milyard avrodan çox “çirkli pul” köçürmələrinin təşkilinə görə 2,2 milyard ABŞ dolları məbləğində cərimə ödəməyə razılaşıb. Görünür, Kəmaləddin Qafarovun adı da gündəmə təsadüfən gəlməyib.
Onu da qeyd edək ki, Kəmaləddin Qafarovun çoxsaylı dərman depolarının, apteklərinin və tibbi preparatların satışı ilə məşğul olan şirkətlərinin olduğu deyilir.
Xatırladaq ki, Kəmaləddin Qafarov 7 sentyabr 1976-cı ildə Naxçıvan şəhərində anadan olub. 2015-ci və 2020-ci illərdə 9 saylı Binəqədi İkinci Seçki dairəsindən V və VI çağırış Azərbaycan Respublikası Milli Məclisinin deputatı seçilib.
Milli Məclisin Səhiyyə Komitəsinin üzvüdür.