Bura Şəfaət Mehdiyev küçəsidir. Axşam maşınımı (99-HL-821) burada saxlamışdım. Səhər görürəm cərimə gəlib. Dayanma-durma qaydalarını pozduğuma görə. Dayanma-durma qaydalarını pozmaqla bağlı yazılan protokolların şəkillərində müvafiq nişanın şəkli mütləq olur. Amma burada o şəkil yoxdur.
Bilənlər iddia edir ki, bu xətt həm də avtobuslar üçün ayrılmış xəttdir, yəni mən dayanma durmanı yox, "xüsusi zolağa girməni" pozmuşam, lakin o xətanın cəriməsi 40 manatdır, 20 manat deyil. Deyirlər, girib sürməmisən, saxlamısan o zolaqda ona görə 20 yazılıb, bu da absurddur. Belə çıxır ki, avtobuslar üçün ayrılmış xüsusi zolağa 10 saniyəlik girəndə 40 manat, 3 saatlıq girəndə isə 20 manat cərimə olunursan.
Bütün bu qəribəliklərə rəğmən, mən qaydanı pozduğumla razılaşa və mənə yazılan cərimənə ödəyə bilərəm. Təki ədalət bərqərar olsun. Ədalət isə, kar-kasıbın 20 manatı ilə çətin bərqərar ola. Əgər düz mənim maşınımın böyründə, 3000-4000 manatlıq xəta törədəni görülüb, ona cərimə ödətdirilmirsə, mənə 20 manatlıq cərimə yazılırsa, ədalət çətin ki, bərqərar ola!
Gəlin açıqlayım. Mənim maşınımın tam arxasında "Maşa" restoranının girişini görürsünüz. Restoran, yəni restoranın sahibi olan sahibkar, hüquqi şəxs İXM-nin 354.0.5 bəndini kobud şəkildə pozub. O bənddə nə deyilir : "Avtomobil yollarında hərəkət təhlükəsizliyinə aid olmayan nişanların və göstəricilərin, reklam lövhələrinin və transparantların qurulmasına, “Yol hərəkəti haqqında” Azərbaycan Respublikası Qanununun tələblərinə uyğun olmayan yol nişanlarının yerləşdirilməsinə, həmçinin “Avtomobil yolları haqqında” Azərbaycan Respublikasının Qanunu ilə müəyyən olunmuş qaydalar pozulmaqla, reklam və digər məlumat qurğularının yerləşdirilməsinə görə..."
Bəli, şəkildən də çox aydın göründüyü kimi, MAŞA restoranı yolun hərəkət hissəsini tamamilə tutub. Mən o zolaqda maşın saxlamasam belə, orada hərəkət mümkün deyil. Bəs necə olur, DYP-nin milyonlarla pul xərclənib alınıb quraşdırılan kameraları o boyda restoranın girişini yox. mənim maşınımı görür? Hanı ədalət ???
Mən cəriməmi ödəyəcəm, amma əvvəlcə mənə qanunu daha pis formada pozanların ödədiyi cərimələr göstərilsin. Mən maşını sırf ona görə saxlamışam ki, oranın yol olması, o zolaqda hərəkət olması mümkün görünmür.
Hörmətli DYP-mizin necə ki, öz gözləri bahalı maşınların qayda pozuntularını, imkanlı şəxslərin, nə bilim müğənni tayfasının yüz minlik maşınlarının etdiyi qanunsuzluqları görmürdü, indi də kameraları özlərinə oxşadıblar. Onlar da ancaq kasıb -kusubu "görür" deyəsən.
O dəfə cəmi 3 dəqiqəlik dayanıb adam düşürdüyümə görə cərimə yazmışdılar, ASANPAY-dan şikayət elədim, bir ay keçdi, zəng edib bir maraqlanan da olmadı ki, dərdin nədi, niyə şikayət edirsən? Əvvəl heç olmasa zəng edib maraqlanırdılar, indi ona da ərinirlər.
Görəsən düzələcəkmi???
Azərbaycan Respublikasının Daxili İşlər Nazirliyi, zəhmət olmasa diqqətə alın!
Çingiz Özgür
Teref.az

Dünyanın ən böyük fatehləri arasına adını yazdıranlardan biri də Əmir Teymur idi. Bəs bilirsinizmi, o niyə “xan”, “xaqan” ismi ilə yox, əmir titulu ilə tanınıb?
Bunun çox sadə bir səbəbi var: qədim dövrün Türk gələnəklərinə görə, xan və ya xaqan titulları irsi yolla keçirdi. Hər yoldan keçən şəxs bütün dünyanı alsa belə, elit tayfadan gəlmirdisə, xan ola bilməzdi (Yeri gəlmişkən, eyni gələnək Qazaxıstanda indiyədək yaşamaqdadır). Teymur da Çingiz xanın nəvəsi olmadığı üçün bu titulu daşımaq hüququna malik deyildi. Ona görə də özünə “əmir”, yəni tayfa başçısı titulu götürmüşdü və özünü də əmir kimi aparırdı.
Bu günün Azərbaycanda isə hətta “156 Evakuasiya Xidməti” belə xanlıq iddiasındadır. Təsəvvür edin, iş adamı ondan 3 məhkəmə orqanına şikayət edib. Əvvəl Nizami rayon Məhkəməsinə, sonra Mediasiya Xidmətinə, ən nəhayət isə Kommersiya Məhkəməsinə. Amma “156 Evakuasiya Xidməti” bu məhkəmələrin heç birini saya salıb çağırışlarına belə məhəl qoymayıb. Yəni özünü nəinki qanunlardan, həm də hakimiyyətin ən mühüm qollarından sayılan məhkəmələrdən belə üstün tutub.
Bu özbaşınalığın arxasında kim dayanır?
İnşallah, bu sualın cavabını axtarmağa çalışacağam. Ümidvaram ki, Ali Məhkəmənin sədri hörmətli İnam Kərimov da, Ədliyyə naziri hörmətli Fikrət Məmmədov da bu məsələdə mənə ən böyük yardımçı olacaqlar. Ən azı ona görə ki, hansısa yoldan keçən burnu selikli “xan” özünü onlardan üstün tutur.
Heydər Oğuz
Teref.az

Oktyabr ayının 17-də - yəni cəmi 3 gün əvvəl "DogruXeber.az" informasiya portalında cənub bölgəsinin - Yardımlı rayonunun Separadi kəndi, Lənkəran rayonunun Alazəpin kəndi, Cəlilabad rayonunun Darılıq kəndi və Astara rayonunun Ərçivan qəsəbəsinin palçıqlı yollarından bəhs edərək, yazdığımız məlumatların "Kanal14" YouTube kanalında yayımlanan görüntülərini də sizlərə təqdim etmişdik.

İnkişafa "yox deyənlər" - Cənub bölgələrində yolların vəziyyəti // FOTO+VİDEO

Qeyd edək ki, sözügedən görüntülər "Kanal14"ün canlı efirində "Kamalın zamanı" proqramında yayımlanan kimi, şərh bölməsində bir çox izləyicilər, "bizim yol bundan da betərdir", "bizim küçəmizə oxşayır" və sair kimi fikirlər bildirirdilər. Bu isə o, deməkdir ki, izləyicilərimizin bir çoxlarının həssas yerinə toxunmuşuq. Elə həmin izləyicilərimizdən biri olan - müharibə əlili Hidayət Quliyev redaksiyamıza videogörüntü təqdim edib.

Onun bildirdiyinə görə sözügedən görüntüləri Xızı rayonunda, şəhid ailəsinin yaşadığı və şəhid Ravil Novruzovun adını yaşadan küçədə lentə alınıb.

Görüntülərdən də aydın görünür ki, sözügedən küçədə uzun illərdir ki, yolun təmiri - daha doğrusu bərpası işi aparılmayıb. Hətta, ümumiyyətlə aparılmayıb təsirini bağışlayır. Yağmursız quru vəziyyəti bu cür bərbad olan bir küçənin, yağışdan sonrasını təsəvvür etdikdə adamın o, küçədə yaşayan sakinlərə ürəyi ağrıyır.

Hələ bu azmış kimi, üstəlik yolun bir tərəfində "zibillik paliqonu"nun və çirkab sularının yaratdığı mənzərə, həmçinin havaların soyumasına baxmayaraq o mənzərənin ətrafa saçdığı üfunətli qoxu...

Qələmlə təsvir edərkən belə adamın ürəyi bulanır. Hələ, isti yay aylarında o çirkaba toplaşan böcəkləri demədik...

Bir sözlə, infeksiya mənbəyi...

Əlqərəz...
Küçənin mövcud durumunu bu qədər aydın təsvir etməkdə məqsədimiz sizləri iyrəndirmək deyil, məqsədimiz Xızı rayon İcra Hakimiyyəti başçısı Xəzər Aslanovun, eləcə də yerli bələdiyyənin diqqətinə təkrar çatdırmaq, yaddaşlarını təzələməkdir. Çünki, vətəndaş görüntülərdə özü də bildirir ki, bu barədə dəfələrlə yerli bələdiyyəyə də, Rayon İcra Hakimiyyətinə də müraciət edilib, lakin bu günə qədər mövcud problemin həlli istiqamətində hər hansı bir addım atılmayıb.

Şəhidin adını daşıyan və şəhid ailəsinin yaşadığı küçənin hazırkı vəziyyətinə aidiyyatı üzrə bələdiyyənin, İcra Hakimiyyətinin biganəliyi yerli sakinlərdə də onlara qarşı haqlı aqressiya yaradır.

Ümid edirik ki, ən qısa zamanda Xızı rayon İcra Hakimiyyətinin başçısı Xəzər Aslanov mövcud problemin həlli üçün lazımi tədbirlərin görülməsinə başlayacaq.
Belə olan halda redaksiyamıza göndərilərsə biz küçənin yeni görüntülərini də izləyicilərimizə təqdim edəcəyik.

Redaksiyamız hər kəsin söz haqqını tanıyır.

DogruXeber.az

Kafe və restoranlarda müştəriyə qulluq edən ictimai iaşə müəssisəsinin işçisinə servis haqqı verilməsi narazılığa səbəb olur.

Son zamanlar xidmət haqqının yazılı şəkildə menyuların sonunda da rast gəlirik.

Ən azı ümumi məbləğin üç faizini təşkil edən xidmət haqqı bəzən 20 faizə qədər yüksəlir.
İqtisadçılar mövzu ilə bağlı bildiriblər ki, bu məsələdə bəzən biznes subyektləri, inhisarçı səlahiyyətlərindən istifadə edərək xoşagəlməz hallara yol verirlər.

AzTV-nin mövzu ilə bağlı hazırladığı süjeti təqdim edirik:

İki prezident sərəncamıəndan və bir fərmandan güclü olan kimdir?
Xəzər dənizinin sahil zolağının özəlləşdirilməsi, vətəndaşların çimərliklərdən maneəsiz və
ödənişsiz istifadə edə bilməsi üçün indiyədək ölkə Prezidenti tərəfindən 2 sərəncam və 1
fərman imzalanıb. Lakin problem hələ də həll olunmamış qalır. Qanunların icrasına cavabdeh
olan qurumların və məmurların bu məsələdəki məsuliyyətini sorğulamaq isə qeyri-mümkün
səviyy
16-cı əsrdə İngiltərədə torpaq sahibləri kəndlilərin istifadə etmədiyi torpaqları qoyun otarmaq
üçün çəpərləməyə başladılar. Onlar kəndlilər üzərində imtiyazlarından istifadə edirdilər.
Kəndlilərin torpaqlarından zorakılıqla qovulması “çəpərləmə” adı ilə tarixə düşdü. Torpaq
sahələrinə yaxın buraxılmayan kəndlilər öz əmlakını, yəni əmək alətini, evini və torpağını itirirdi.
İngilis filosof və şair Tomas Morun “Qoyunlar adamları yeyir” ifadəsi həmin dövrdə yaranmışdı.
XVI əsrdə İngiltərədə çəpərləmə nəticəsində torpağı və əmək aləti olmayan çoxlu azad adamlar
meydana çıxdı. Onlar kapitalistlər üçün ucuz işçi qüvvəsi idi…

“Hər yer bağlıdı. Dənizə getmək üçün uzun bir yol qət etməlisən. Sahilə girişi hər tərəfdən
bağlayıblar. Pulsuz çimərliklər üçün kiçik bir yer qoyublar, ora da getmək üçün taksiyə 5-10
manat verməlisən”, – bunu adının çəkilməsini istəməyən Buzovna sakini deyir.
Buzovna qəsəbəsində yaşayanlar deyirlər ki, qayalıq olan ərazilər əvvəlki illərlə müqayisədə
sadə insanların üzünə açıqdı. Amma orada şərait yoxdu. Onların fikrincə, ərazidə müəyyən qədər
təmizlik işləri aparılıb, amma çimərlik mövsümü başlayanda ailə üzvləri ilə pulsuz yerlərdən
istifadə etmək o qədər münasib deyi
İrəliləyiş var, amma…
Buzovna və Bilgəh qəsəbələrində girişi pullu olan çimərliklərin sayı-hesabı yoxdu. Sahil boyu
sırayla düzülən istirahət mərkəzləri göz oxşayır. Yoldan ötənləri valeh edir, amma qapıda duran
gözətçiyə yaxınlaşıb qiymətlərlə maraqlananda üzündəki sevinc hissi kədərlə əvəzlənir.
Hər qəsəbədə pulsuz çimərliklər var. Əmması odur ki, bu çimərliklər sadə insanlar üçün əlverişli
deyil. Elə Buzovna qəsəbəsindəki qayalıq deyilən ərazidəki pulsuz çimərliyi götürək. Sakinlər
deyir ki, əvvəlki illərlə müqayisədə indi gəlib çimə, istirahət edə, hətta balıq da tuta bilərlər.
Amma ərazidəki natəmizlik, yaxınlıqdakı bağ evlərindən, eləcə də istirahət mərkəzlərindən axan
kanalizasiya suları ətrafı üfunətə bürüyür. Sanki bilərəkdən edilir, insanlar onlar üçün ayrılan
balaca, yöndəmsiz pulsuz çimərliklərdən yox, hər addımı pul olan xidmətlərdən yararlansın.

Ağlar və qaralar
Bilgəh qəsəbəsində Bilgəh sanatoriyası deyilən ərazidə çimərlikdən istifadə etmək olar, amma
necə? Əgər qəsəbədə, yaxınlıqda yaşayan deyilsənsə, pulsuz çimərliyə gedən yolu tapa
bilməyəcəksən. Girişdə nə elan var, nə də buna işarə edən hər hansı söz. Kənardan keçəndə
sadəcə sanatoriyanın həyətinə bir giriş olduğunun fərqinə varırsan. Bir avtomobilin hərəkət edə
biləcəyi yerdən keçmək üçün gözətçilərə 2 manat ödəyib, sahilə düşürsən. Həngamə də bundan
sonra başlayır.
Bir tərəfdə sırayla düzülən pullu çimərliklər, o biri üzdə “Bilgəh Beach” istirahət mərkəzinin
ərazisidi. Bunların arasında heç 100 nəfərin dincələ bilməyəcəyi uzun, ensiz pulsuz çimərlik.
Qanunla qadağan olunsa da, “Bilgəh Beach” öz ərazisini hasara alıb, necə deyərlər, çəpərləyib.
Dəniz sahilində futbol, voleybol, günəşdən qorumaq üçün ərazilər xüsusi dəmir lövhələrlə ayrılıb.
Düzdür, buradakı pullu çimərlik hasara alınmayıb. Amma əraziyə ayaq basırsansa, hansısa
xidmətdən istifadə etməlisən. Beləliklə, bir tərəfdə “Bilgəh Beach”in hasara alınmış ərazisi, o biri
tərəfdə pullu çimərlik və ortada yöndəmsiz, girişi yasaq olmayan kiçik çimərlik. Yuxarıdan
baxanda çimərlik ərazisi şahmat taxtasına bənzəyir: ağlar və qaralar. Ağlar yenə üstün tərəfdi.


20 ildir icra olunmayan sərəncam
Bəs qanun nə deyir? Hələ 2003-cü ildə Heydər Əliyev Xəzər dənizi sahilinin 130 metrlik
zolağında yerləşən torpaqların Azərbaycan Respublikasının qanunvericiliyi ilə müəyyən edilmiş
inzibati və ya məhkəmə qaydasında, hüquqi və fiziki şəxslərin istifadəsindən və icarəsindən geri
alınmasını təmin edilməsi barəsində sərəncam vermişdi. Sərəncama əsasən dəniz sahilinin 130
metrlik məsafəsində heç bir iaşə obyekti, bağ evi və başqa obyektlər tikilə, fəaliyyət göstərə
bilməz. Amma bu sərəncamın üzərindən 20 il ötsə də görünən odur ki, problem həllini tapmayıb.
Düzdür, ötən illərlə müqayisədə pulsuz çimərliklər, bəzi yerlərdə hasarlanmış ərazilərin
sökülməsi var, amma ümumilikdə problem hələ də qalmaqdadı. Bilgəh, Buzovna, Şıx, Nardaran,
eləcə Bakının digər sahil qəsəbələrində dənizin qarşısı kəsilib. Obyektlər, bağ evləri dənizə
gedən yolları keçilməz hala salıb.
Baxmayaraq ki, 2003-cü ildə Prezident Heydər Əliyev tərəfindən imzalanan sərəncamda məhz
bu amillər nəzərə alınmışdı.

Eyni problemlə bağlı 2015-ci il 18 dekabr tarixində Prezident İlham Əliyev də “İnzibati Xətalar
Məcəlləsində dəyişiklik edilməsi haqqında” fərman imzalayıb.
Fərmanla Xəzər dənizinin Azərbaycan sahilində gediş-gəlişi məhdudlaşdıranların
cəzalandırılması ilə bağlı qanun qüvvəyə minib.
Dəyişikliklərə əsasən, Xəzər dənizinin Azərbaycana məxsus olan bölməsində sahilboyu 20-50
metr zolağın altında olan torpaq sahələri ilə bağlı tələblərin pozulmasına görə cərimələr
müəyyənləşib. Bu cür pozuntuya yol verən fiziki şəxslər 4 min, vəzifəli şəxslər 8 min, hüquqi
şəxslər 40 min manat cərimə olunmalıdır.
Məhz bu fərman qüvvəyə minəndən sonra Xəzər dənizinin bəzi sahilyanı ərazilərində obyektlər
söküldü, “çəpərlər” dağıdıldı, amma bir müddət sonra, ərazidə yaşayanların dediklərinə görə,
başqa bir formada yenidən bərpa edildi. Necə deyərlər, işbazlar iş başına
Avropa və biz…

Mütərəqqi dünyanın hər yerində dəniz, göl ətrafında obyektlər inşa edilir, vətəndaşlara və
turistlərə xidmət göstərir. Təbii ki, icazəylə yaradılan, inşa edilən istirahət mərkəzlərindən
istifadə haqqı da olmalıdır. Bir iş adamı nəsə qurursa, burdan qazanc götürməlidir.
Amma birincisi, bu, bazar qiymətlərinə uyğun olmalıdır, ikincisi də bütün sahil boyu ərazilər iş
adamlarına həvalə edilə bilməz. Yəni sadə vətəndaşların da pulsuz və maneəsiz obyektlərə girişi
olmalıdır. Amma Azərbaycanda bunun tam əksidir.

Uşaqlığı dəniz sahilində keçənlər…
Bilgəhdə taksi fəaliyyəti göstərən kənd sakini deyir ki, sanatoriyanın aşağı hissəsində çimərliyə
giriş sərbəstdir. Amma orada elə bir şərait var ki, istər-istəməz məcburiyyətdən pullu
çimərliklərə üz tutursan. Onların sözlərinə görə, ya girişdən bir kilometrə yaxın məsafəni piyada
getməlisən, ya da avtomobilə görə 2 manat ödəniş etməlisən.
“Maşını olanlar onu harada saxlasın? Yol kənarında dayanmağa icazə yoxdur, gəlib cərimə
edirlər. İçəri də keçirsənsə, ödəniş etməlisən. Allahın dənizinə də insanları buraxmaq üçün pul
alınmalıdır? Niyə insanlar, burada doğulub boya-başa çatanlar, uşaqlığı dəniz sahilində
keçənlər indi dəniz buraxılmamalıdır? Nədən onlardan pul tələb edilməlidir?”, – taksi sürücüsü
deyir.

Niyə, necə və nə cür?
Bilgəh, Buzovna qəsəbələrində uzun-uzadı sahil zolağı obyektlərlə insanların üzünə qapadılıb.
Vətəndaşın obyekti adlayıb sahilə getməsi üçün imkan yoxdu. Bəzən kilometrlərlə yol qət edib,
kiçik bir yolla sahilə çıxmağa imkanı var. Amma orada da sərbəst deyilsən, yenə sağ-sol pullu
fəaliyyət göstərən obyektlərdi. Bəs, bu obyektlər necə fəaliyyət göstərir? Kimlər buna icazə verir?
Bilgəh və Buzovnada üz tutduğumuz obyektlərin sahibləri danışmaqdan imtina etdilər. Onlar
qanuni fəaliyyət göstərdiklərini, “aidiyyəti qurumlardan” icazə aldıqlarını dilə gətirdilər. Amma
bunun necə olduğunu demədilər.

İnsanlar hələ də ümidlidirlər, inanırlar ki, bir gün Xəzər dənizi onların üzünə taybatay açıq olacaq.
Necə deyərlər, ümid sonda ölür…
Ramin Deko
pressklub