 |
|
|
Mətbuat Şurasının İdarə Heyəti Prezident İlham Əliyevə Azərbaycanın dövlət başçısı seçilməsinin iyirmi illiyi ilə bağlı müraciət ünvanlayıb.
"DogruXeber.az" xəbər verir ki, müraciətdə deyilir:
"Möhtərəm cənab Prezident!
Sizin ölkəmizə rəhbərliyinizin 20 ili tamam olur.
Siz ötən iyirmi ildə hər bir azərbaycanlının Prezidenti, lideri olmağı bacarmış dövlət başçısısınız. Bu, yalnız sözdə ifadə olunan deyim yox, mütləq gerçəklik, danılmaz reallıqdır. Elə bir reallıq ki, özündə canlı tarixi yaşadır. Sizin sayənizdə ölkəmizin son iyirmi ili hər bir vətəndaşın, qəlbi Azərbaycan sevdası ilə döyünən hər bir şəxsin düşüncəsində böyük və şanlı tarixdir. Bu tarixi yaradan Siz olmusunuz!
Azərbaycanın bütün sahələrdə tərəqqisi və dinamik inkişafı, dünya dövlətləri sırasında özünə layiqli yer tutması fədakar əməyinizin qürur dolu məhsuludur. Cəmiyyətimizin bütün təbəqələrinin təmsilçiləri kimi, media nümayəndələri də bu qüruru və fəxarət hissini yaşayırlar. Prinsipial və qətiyyətli mövqeyinizin böyük Azərbaycan davası naminə olduğunu görmək və duymaq bizləri bəxtiyar edir. Dövlətimizin mövqeyini, Prezident və Ali Baş Komandan kimi fikirlərinizi son dərəcə səlis şəkildə bəyan etməklə, bütövlükdə siyasi nitqin, ictimai-publisistik üslubun mükəmməl örnəyinə imza atmısınız. Qəlbimizi Sizə olan dərin rəğbət hissi ilə dolub-daşdıran həm də budur.
Jurnalistikaya diqqətiniz, peşənin nüfuzunun yüksəldilməsinə həssas yanaşmağınız, onun ölkəmizin həqiqətlərinin təbliği istiqamətindəki missiyasına verdiyiniz dəyər yüksək qədirbilənlik nümunəsidir. Dövlət idarəçiliyində, beynəlxalq münasibətlərdə, milli mənafe naminə mübarizədə medianın rolunu, jurnalistlərlə məqsədyönlü ünsiyyətin nə dərəcədə yüksək önəm daşıdığını bütün aydınlığı ilə nümayiş etdirmisiniz. Ona görə media ilə bağlı çıxışlarınızda səsləndirdiyiniz hər bir fikri sahənin daha da inkişafına yönələn yol xəritəsi kimi qəbul edirik. Media və mətbuata göstərdiyiniz həssas münasibət jurnalistlərlə işgüzar təmaslara verdiyiniz önəm bu il Milli Mətbuat Günündə müqəddəs, əziz Şuşamızda gerçəkləşən Beynəlxalq Media Forumunda da örnək sayılacaq təcəssümünü tapdı.
Siz jurnalist əməyinə dövlət səviyyəsində ali qiymət verilməsini ənənə halına gətirən, jurnalistikamızın potensialını dövlətimizin və cəmiyyətimizin maraq və mənafelərinin qorunmasına səfərbər edən mükəmməl institusional baza yaratmısınız. Həyata keçirdiyiniz islahatlar nəticəsində bu gün peşəmiz təşkilatlanmış struktura malikdir. Sərəncamınız əsasında yaradılmış Medianın İnkişafı Agentliyinin reallaşdırdığı fəaliyyət, beynəlxalq standartlara cavab verən “Media haqqında” Qanunun qəbulu sahəyə fundamental yanaşmanı ortaya qoymaqdadır. Bütün bunlar isə qarşımızda yeni vəzifələr müəyyənləşdirməkdədir. Çalışacağıq ki, etimadınızı gözləntiləriniz səviyyəsində doğruldaq. Əlbəttə, onu da yaxşı dərk edirik ki, Sizin kimi, sözün əsl mənasında, dünya miqyaslı dövlət adamının etimadını doğrultmaq son dərəcə müstəsna məsuliyyətdir.
Möhtərəm cənab Prezident!
Siz həm dahi siyasi xadim, böyük hərbi strateq, həm də informasiya cəbhəsində, media-mətbuat müstəvisində haqlı savaş aparmağın ustası olaraq təkrarsız nümunələr göstərdiniz. Vətən müharibəsi günlərində dünyanın nüfuzlu media orqanlarına, tanınmış jurnalistlərə müsahibələriniz, televiziya ilə çıxışlarınız xalqımıza və ordumuza döyüş ruhu, möcüzəvi qələbə əzmi aşılamaqla yanaşı, istər siyasi xadimlərə, istərsə də media nümayəndələrinə əsl ustad dərsləri kimi tarixə həkk olundu. Gərgin əməyinizin nəticəsi gözlərimiz önündədir.
Bu gün Siz xəyalların gerçəkləşdiyi böyük Azərbaycana rəhbərlik edirsiniz. Ötən iyirmi ildəki arzu və ideyalarda başlıca xətti isə Qarabağ amalı təşkil edib. Əminliklə deyə bilərik ki, liderlik keyfiyyətləriniz bu amalı vahid hərəkat halına gətirdi. Elə bir hərəkat ki, xalqımızı xoşbəxtlik, Sizi Müzəffərlik məqamına ucaltdı. Bu gün əminliklə onu da deyə bilərik ki, Ümummilli liderimiz Heydər Əliyevin ruhu şaddır. Çünki onun başladığı Qarabağ davası müasir liderlik xarakterinizdən irəli gələn xüsusiyyətlər nəticəsində məntiqi sonluğuna – Zəfərinə qovuşub. Bu səbəbdən Sizə dövlət başçısı kimi fəaliyyətinizin iyirmi illiyi ilə bağlı ürəkdən gələn düşüncələrimizi çatdırarkən, Azərbaycan torpaqlarının işğaldan tamamilə azad edilməsi, dövlətimizin suverenliyinin bütün ərazilərimizdə bərpası münasibətilə dərin təşəkkürümüzü də bildirməyi özümüzə borc sayırıq.
Möhtərəm cənab Prezident!
Ölkəmizə rəhbərliyiniz dövründə millətimizə nəhayətsiz sevinc və qürur hissləri yaşatdığınız üçün Sizə Azərbaycanın çoxminli jurnalistlər ordusu adından sonsuz minnətdarlığımızı çatdırır və qarşıdan gələn dövrdə Sizin rəhbərliyiniz ilə xalqımızın daha böyük nailiyyətlər əldə edəcəyinə, dövlətimizin şanlı qələbələr qazanacağınıza əmin olduğumuzu bildiririk.
Tanrı Sizi qorusun!
Tanrı Vətənimizi qorusun!".
Deputat: “Nazirliyin bu addımı tələsik qərar idi... Əgər vəziyyət belədirsə, bu, əmək qanunvericiliyinə ziddir”
Sabiq nazir: “Bu, nə absurd yanaşmadır?! Dərhal problem öz həllini tapmalıdır”
2022-ci ilin yanvar ayında Azərbaycanda fəaliyyət göstərən uşaq bağçaları Elm və Təhsil Nazirliyinin (ETN) tabeliyinə keçdi. 10 illik fasilədən sonra məktəbəqədər tədris müəssisələrinin yenidən Nazirliyin balansına verilməsi müəyyən ümidlər yaratsa da, ETN “sürprizləri” ilə təhsil ictimaiyyətini yenidən təəccübləndirdi.
Belə ki, qeyri-ixtisas tərbiyəçi-müəllimlərin vəzifə dərəcələrinin və maaşlarının azaldılması ilə bağlı qərar qəbul edildi və bu, kəskin etirazlara səbəb oldu. Bundan sonra Nazirlik tərəfindən qeyri-ixtisasların dərəcələri və əməkhaqları təkrar bərpa olundu.
Lakin... Bu qərar yalnız Bakı şəhəri ərazisində icra edilməyə başladı. Sumqayıt, Abşeron və digər regionlarda çalışan bağça işçiləri bu haqlarından məhrum qaldılar.
Və yenə ortaya absurd mənzərə çıxır. Belə ki, qeyri-paytaxt üzrə bağçalarda çalışan, dərəcə və maaşları azaldılan tərbiyəçi-müəllimlərdən yalnız ETN-ə rəsmi müraciət edən, narazılığını bildirənlərin haqları özlərinə qaytarılır, digərləri haqsızlıqla üz-üzə qalmaqda davam edirlır.
Bütün bunlarla bağlı AYNA-ya Sumqayıt, Abşeron və digər bölgələrdən onlarla şikayət məktubu daxil olub.
Təsəvvür edin: vətəndaşların maaş və dərəcələrinin kəsilməsi qərarı dərhal və bütün ölkə üzrə icra olunur, amma bu ədalətsiz qərarın ləğvi barədə ikinci qərarın icrası fərdi şəkildə və insanları süründürməçiliyə məruz qoymaqla həyata keçirilir.
Əgər qərar ümumidirsə, niyə hamıya şamil olunmur? Nazirlik niyə məhz müraciət edən müəllim və tərbiyəçilərin dərəcə və maaşlarını artırır? Bu qayda hansı qanunvericilikdə və təcrübədə nəzərdə tutulub? Yəni, “ağlamayan pəpə yoxdur”? Budurmu qanunlara və vətəndaşlara hörmət?!
Milli Məclisin Elm və təhsil komitəsinin üzvü, professor Kamilə Əliyeva AYNA-ya açıqlamasında eyib ki, məktəbəqədər tədris müəssisələrinin ETN-in balansına verilməsi müsbət addımdır: “Məlumdur ki, uşaq bağçaları uzun müddət Təhsil Nazirliyinin tərkibində olub. Sonradan bu müəssisələri yerli icra hakimiyyətərinin balansına verdilər. Məktəbəqədər tədris müəssisələrinə nəzarət faktiki olaraq bir əldə cəmləşmirdi. Bu isə idarəetmə zamanı müəyyən problemlərə yol açırdı. Bu xüsusda uşaq bağçalarının yenidən Elm və Təhsil Nazirliyinin tərkibinə qaytarılması labüd idi. Çünki uşağ bağçaları da tədris müəssisəsidir”.
“Təbii ki, yaxşı olardı ki, məktəbəqədər tədris müəssisələrində ixtisaslı kadrlar çalışsınlar. Ya da bu müəssisələrdə çalışanların ixtisasartırma kurslarında iştirakı təmin olunsun. Ancaq bu, zaman məsələsidir. Bu baxımdan mövcud işçilərin hüquqlarının qorunması vacibdir”, - deyə deputat bildirib.
Həmsöhbətimizin fikrincə, qeyri-ixtisas tərbiyəçi-müəllimlərin vəzifə dərəcələrinin və maaşlarının azaldılması ilə bağlı qərar tələsik qərar idi: “Məhz buna görə də Nazirlik sonradan bu qərarı ləğv etdi. Bu qərar bütün Respublika ərazisinə şamil olunub. Şəxsən məndə məlumat yoxdur ki, Bakı və Sumqayıt şəhərlərindən başqa digər bölgədən olan qeyri-ixtisas və müəllimlərin vəzifə dərəcələri və maaşları bərpa olunmayıb. Əgər həqiqətən də vəziyyət belədirsə, bu, əmək qanunvericiliyinə ziddir”.
“Hesab edirəm ki, Elm və Təhsil Nazirliyi bu məsələni diqqətdə saxlayacaq və ədalətsizliyi aradan qaldıracaq. Son dövrlər Azərbaycanda təhsil sahəsində ciddi islahatlar aparılır və bunu alqışlamaq lazımdır. Düşünmürəm ki, bu vəziyyət uzun müddət belə davam edəcək. Hesab edirəm ki, məktəbəqədər tədris müəssisələrinin də fəaliyyətində dönüş yaradılmalıdır”, - deyə Əliyeva vurğulayıb.
Sabiq təhsil naziri, professor Firudin Cəlilov isə fərqli düşünür. O, AYNA-ya şərhində söyləyib ki, məktəbəqədər tədris müəssisələrinin ETN-in balansına qaytarılması doğru qərar deyildi: “Ona görə ki, bu nazirlik kifayət qədər yüklənib. Ümumtəhsil məktəbləri, ali və orta ixtisas məktəbləri və elm subyektləri bunların nəzarətindədir. Bu müəssisələri doğru-düzgün idarə edə bilmirlər. Üstəlik uşaq bağçalarını da bunlara veriblər. Onlar da idarəetməni təmin edə bilmir və ortaya bu cür biabırçı hallar çıxır”.
“Əgər qərar varsa, bütün respublikaya şamil olunmalıdır. Əvvəla radikal addımlarla nəyəsə nail olmaq olmaz. Məktəbəqədər tədris müəssisələrində çalışan qeyri-ixtisas tərbiyəçi-müəllimlərin vəzifə dərəcələrinin və maaşlarının azaldılması ilə bağlı qərar səhv idi. Sonradan özləri də başa düşdülər ki, səhv ediblər və qərarı geri oxudular. Bir halda ki, qərar geri oxunub, zəhmət çəkin bu qərara əməl edin”, - deyə mütəxəssis qeyd edib.
Onun sözlərinə görə, ölkənin təhsil sahəsinə rəhbərlik etdiyi dövrdə vəziyyət fərqli idi: “O zaman məktəbəqədər tədris müəssisələri müəyyən müəssisələrin tabeliyində fəaliyyət göstərirdi. Misal üçün, Tağıyev adına Kombinatın nəzdində uşaq bağçası mövcud idi. Bu müəssisədə çalışan və oraya bağlı şəxslərin övladları həmin bağçalarda məktəbəqədər tədrisə cəlb olunurdular. Sonradan bu sistemi dağıtdılar. Məqsəd də o idi ki, həmin bağçaları satışa çıxarsınlar. Etdilər də və bu gün həmin bağçaların yerində marketlər, şirkətlər, biznes subyektləri fəaliyyət göstərir”.
“Müstəqilliyimizin 32-ci ilinə qədəm qoysaq da, çox təəssüf ki, bağçalar heç zaman normal idarə olunmayıb. Buna son qoymaq lazımdır. Necə yəni, kim şikayət edirsə, onun dərəcə və maaşlarını artırırlar?! Bu, nə absurd yanaşmadır?! Tezliklə problem öz həllini tapmalıdır”, - deyə Cəlilov fikrini yekunlaşdırıb.
Müəllif: Azər Niftiyev
“Ertagro” Məhdud Məsuliyyətli Cəmiyyəti tərəfindən Türkiyədən idxal edilən 18840 kq limon, 2448 kq portağal, 963 kq qreypfurt məhsulunda “Citrus tristeza virus” (Sitrus tristeza virusu) aşkarlansa da, satışı həyata keçirilib.
Qaynarinfo-nun məlumatına görə, Qida Təhlükəsizliyi Agentliyi (AQTA) Bakı Regional Bölməsinin 11 avqust 2023-cü il tarixlə qərarı ilə “ERT AGRO” MMC-nin rəhbərliyi barəsində İnzibati Xətalar Məcəlləsinin 544.2-ci maddəsilə 4000 manat məbləğində inzibati cərimə cəzası tətbiq edilib.
“ERT AGRO” MMC-nin qanuni təmsilçisi Quliyev Məmmədəli Musa oğlu AQTA-nın qərarından məhkəməyə şikayət verib. Şirkətin direktoru hadisəyə görə AQTA-nı günahlandırıb:
“AQTA-nın Qida Fitosanitar Labaratoriyası tərəfindən verilmiş sınaq protokollarına baxış keçirilərkən onlar tərəfindən olunan müraciət tarixləri ilə sınağın bitdiyi və protokolun təsdiq tarixləri, həmçinin həmin nəticələr əsasında qərarın çıxarılaraq onlara təqdim edilməsi orta hesabla 15 gün çəkib. Həmin tarixdə məhsulları havanın isti keçdiyi günlərdə (iyun-avqust ayları) saxlaya bilməzdik. Həmçinin bizə gec cavab daxil olduğu üçün məhsulların xarab olmasını gözləmədən, artıq labaratoriya nəticələrinin müsbət olduğunu düşünərək satışınınə həyata keçirmişik”.
Sahibkar hesab bildirib ki, bu da onların deyil, AQTA-nın günahı səbəbindən baş verib və tərtib olunan protokol əsassızdır.
AQTA-nın Bakı Regional Bölməsinin nümayəndəsi isə sahibkarın açıqlamasının əsassız olduğunu bildirib.
Məhkəmə MMC-nin direktoru barəsində qəbul edilən 11 avqust 2023-cü il tarixli protokolu dəyişdirmədən saxlayıb.
Azərbaycanda məmurların əksəriyyətinin vəzifə səlahiyyətlərindən sui-istifadə edərək böyük biznesə, var-dövlətə sahiblənməsi artıq adi hala çevrilib. Belə məmurlardan biri də Xətai rayon Mənzil Kommunal Təsərrüfat Birliyinin rəis müavini İntiqam Cümşüdovdur.
İntiqam Cümşüdov Xətai rayonunda “Oliqarx” ləqəbi ilə tanınır. İntiqam Cümşüdovun Xətai rayon Gəncə prospektində çoxsaylı obyektlərinin olduğu bildirilir. Aylıq əmək haqqısı 1000-1500 manat arasında dəyişən kiçik bir məmurun milyonlarla manat qiyməti olan obyektlərə necə və hansı pullarla sahib olması maraqlıdır.
Əldə etdiyimiz digər məlumatda isə bildirilir ki, Xətai rayonunda obyekt, ev və sair tikililərin icra hakimiyyətindən “icazə” alınması məsələlərinə də İntiqam Cümşüdov baxır.
Məsələ ilə bağlı araşdırmamız davam edir.
Qarşı tərəfin mövqeyini dərc etməyə hazırıq./azfakt.com/
Sahil Babayev əsas bu suallara kim cavab verəcək? Sahil Babayev deyir ki, Azərbaycanda insanlar pensiya yaşına çıxandan 15 il sonra yaşayırlar. Azərbaycanın əmək və əhalinin sosial müdafiə naziri bu gün Milli Məclisdə çıxışında deyir ki, bəzilərinin düşündüyü kimi ölkədə pensiya yaşını 50-55 endirmək gələcək illərdə fəaləktə gətirib çıxara bilər. Açığı mən bilmirəm hansı ekspert və ya ictimai şəxs belə bir təklif edib. Lakin bildiyimiz başqa həqiqətlər var. Və bu həqiqətləri illərdir ki, ifadə edirik. Görək bu dəfə əsas suallara cavab verən tapılacaqmı?
GUNDEMİNFO.AZ xəbər verir ki, bu barədə iqtisaçı ekspert Razi Abasbəyli açıqlamasında qeyd edib.
O daha sonra yazır:
- Rəsmi açıqlamaya görə, bu ilin əvvəlinə Azərbaycanda gözlənilən ömür uzunluğu 73.6 ildir.
Qadınların orta ömür uzunluğu 76 yaşa, kişilərdə isə 71 yaşdır. Azərbaycanda qadınların kişilərdən 5 il çox yaşadığı güman edilir.
Son illərdə ömür uzunluğu ilə bağlı göstəricilər daha da pisləşib. Məsələn 2019-cu ildə Azərbaycanda ömür uzunluğu 76.4 ilə bərabər idi.
Amma son 3 ildə ölkədə ömür uzunluğu ciddi şəkildə azalıb. 2022-ci ildə qeydə alınan ömür uzunluğuna dair rəsmi statistika 2010-cu ilin səviyyəsinə qədər enib.
İndi Azərbaycanda təyin olunan pensiya yaşı ilə bağlıdır. Sahil Babayev iddia edir ki, Azərbaycanda effektiv pensiyada olma müddəti 15 ildir və bu rəqəm dünyada olan ən yüksək rəqəmlərdəndir. Məhz Sahil Babayevin çıxış etdiyi 15 illik pensiya ili hansı statistikaya əsaslanır məlum deyil. Əgər ölkədə qadınlar üçün pensiyaya çıxma yaşı 63.5, kişilər üçünsə 65 yaşdırsa, o zaman normalda ömür uzunluğuna dair statistika, yəni pensiya alma dövrünə görə qadınlar üçün (63.5+15=78.5) 78.5 yaş, kişilər üçünsə (65+15=80) 80 yaş olmalıdır.
Lakin rəsmi statistikada qadınlar üçün ömür uzunluğu 73.6 yaş müəyyən dilib. Kişilər üçünsə 71 yaş ömür uzunluğu. Deməli Sahil Babayevin dediyi 15 illik pensiya yaşı azı 5 il saxtalaşdırlmış faktdır.
Bu saxta statistika özünü pensiya təyinatında da göstərir. Məsələn sadə dildə desək, sizin pensiya kapitalınız var və pensiyaya çıxmalısınız. Statistika Komitəsi və ya Sahil Babayev rəsmən açıqlayır ki, pensiya yaşama müddəti 15 ildir. Bu zaman sizin illərlə toplanan pensiyanız 15 ilə bölünür və sizə pensiya təyin olunur. Əgər sizin pensiya kapitalınız 15 ilə yox, reallıqda olduğu kimi 8 və ya ən çoxu 10 ilə bölünsə ən azı ölkədə əmək pensiyalarının minimum həddi 550 manat olar.
Amma rəsmi statistikaya əsasən pensiya təyin olunur və hesab edirlər ki, siz 65 yaşdan sonra 15 il yaşayacaqsınız. Düzdür indiyə qədər ölkədə pensiyaya çıxanlara pensiya təyin edilən zaman onların pensiyaları 144-ə, yəni 12 ilə bölünür. Lakin Sahil Babayev hesab edir ki, siz 15 il yaşayaraq prnsiya alırsınız.
Heç 12 il də pensiya ala bilmək üçün rəsmi statistikada ömür uzunluğu kimi göstərilmir. Yəni rəsmən ölkədə kişilər 65 yaşdan sonra 71 yaşa qədər, yəni 6 il, qadınlar isə 64 yaşdan 76 yaşa qədər, yəni 12 il pensiya ala bilirlər. Baxmayaraq ki, hər il 6 ay artırılmaqla 2026-cı ildə qadınların pensiyaya çatma yaşı 65 olacaq.
Bu ömür uzunluğu statistikası da pensiyaların məbləğinin aşağı təyin edilməsinə səbə olur.
Başqa bir statistika da var. 2022-ci ildə rəsmi statistikaya əsasən ötən il Azərbaycanda 76 min 878 nəfər vəfat edib.
Onların 30 min 544 nəfəri, yəni 40 faizi 65 yaşa çatmayanlardır. Pensiya ala bilmədən vəfat edənlərin 47 faizi kişilər, 32 faizi isə qadınlardır.
Vəfat edən insanların pensiya kapitalının istifadəsinə dair isə hələ də Azərbaycanda müvafiq qanun qəbul edilməyib.
Ölüm göstəricisi tək ortayaşlı şəxslər arasında deyil, gənclər arasında da yetərincə çoxdur. Ötən il vəfat edən 3 min 300 nəfərin yaşı 29-dan az olub. Bu, bütün ölümlərin 4 faizi deməkdir. 27 min 255 nəfər 30-64 yaş arasında ölənlərin sayıdır.
Ötən il dünya üzrə doğulanda gözlənilən ömür uzunluğu 75 il olub. Deməli, Azərbaycan dünya ortalamasından 1.4 il geri qalır.
Dünyada qitələr üzrə ən aşağı göstərici Afrikada qeydə alınıb. 2021-ci ildə Afrikada doğulan kişilər üçün gözlənilən ömür uzunluğu 63, qadınlar üçünsə 66 yaşdır.
Bu, qitələr arasında ən aşağı göstəricidir. Ən yüksək göstərici Şimali Amerikada qeydə alınıb. Ötən il Şimali Amerikada doğulan kişilərin orta gözlənilən ömür müddəti 75 il, qadınlarda isə 81 il olub.
Qonşu ölkələrdən Ermənistanda kişilər üçün doğulanda gözənilən ömür uzunluğu 73 il, qadınlarda 80 ildir. Deməli, Ermənistan hər iki cins üzrə göstəricisi Azərbaycandan daha yüksəkdir.
Gürcüstanda isə kişilərin gözlənilən ömür müddəti kişilər üçün 70 il, qadınlar üçün 78 ildir. Başqa sözlə, gürcü qadınların azərbaycanlı həmcinsləriylə müqayisədə daha çox yaşaması ehtimal edilir.
Deməli Sahil Babayevin dediyi kimi əslində heç kim demir ki, ölkədə pensiya yaşı 50 və ya 55 olsun. Sadəcə pensiya təyinatında ömür uzunluğu statistikası ədalətli olsun. Toplanan kapitala görə pensiya 144 və ya ondan çox aya deyil, 96 aya bölünsün ki, əmək pensiyalarının həcmi artsın. Heç olmasa pensiya yaşına çatanlar yerdə qalan ömürlərini (kişilər 6 il, qadınlar 11 il) normal məbləğdə pensiya ala bilsinlər.
Məsələ bu qədər sadədir.
DİA.AZ: - Azərbaycan Dövlət Pedoqoji Universietinin (ADPU) əsas korpusunda 3 gündür ki, tələbələrə qeyri-adi qadağa qoyulub. Bu barədə DİA.AZ-a daxil olan müraciətdə deyilir.
Müraciət müəllifləri qeyd edir ki, fotoda gördüyümüz şəxs tələbələrin bufetdə kitab oxumalarını qanunsuz olaraq qadağan edib.
ƏLAQƏDAR VİDEO: https://www.facebook.com/eduaz/videos/361610959665309
Tələbələrin müraciəində deyilir: "Bu adam bufetə girib qabağında kitab olan bütün tələbələri qovur. Səbəb də onu gətirir ki, bufetdə oturmağa yer yoxdur.
Hətta kitab bağlı olsa belə, masada kitab görsə belə, sərt formada zaldan qovmağa çalışır, xüsusən də qız tələbələri.
Deyir ki, oxu zalı var, orada oxuyun. Biz magistratura imtahanına hazırlaşan tələbələrik, o testləri müzakirə edə bilək deyə açıb işləyirik...
Oxu zalında 2 nəfərin pıçıldaşmağına belə icazə verilmir... Necə müzakirə edə bilərik ki?"
Məsələ ilə bağlı dia.az olaraq əlaqədar qurum və şəxsləri də dinləməyə hazırıq...
Siyəzən rayon sakini Dünyamalıyev Elxan Sabir oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, "Alov" və "Vətən" mühafizə xidmətlərində haqsızlıqla qarşılaşıb:
"Mən, Dünyamalıyev Elxan Sabir oğlu, Siyəzən rayon sakiniyəm, 2016-ci ildən “Riyad” Mühafizə Xidmətində işləmişəm. Hansı ki, vergi vermədiyi üçün dövlət bu mühafizə xidmətini ləğv etdi. Onlar yenidən "Alov" və "Vətən" adlı mühafizə xidmətlərii yaradıb, fəailiyyətə başladılar.
Bölgələrə rəislər təyin edildi. Rəis yaxşı işləsə hər kəs də yaxşı pul alırdı.
2016-cı ildən Bakıda və bütün rayonlarda nə qədər internat məktəbləri varsa, hamısının mühafizəsi İlqar Rzayevə həvalə edildi. Çünki onun tələbə yoldaşı Rauf Orucov Təhsil Nazirliyində Maliyə idarəsinin rəisidir. Məktəblərə mühafizə lazım olarsa, bu iş İlqar Rzayevə verilirdi.
Mən mühafizə xidmətindən özüm çıxdım, bəzi haqsızlıqlara dözmədim. Bizə tapşırıldı ki, kim rayonlarda və Bakıda müqavilə bağlasa idarəyə hər ay pul ödəməlidir. Bəzi həmkarlarım kimi, mən də işdən ayrıldım.
2022-ci ildə "Vətən" Mühafizə Xidmətinin rəis müavini Qüdrət Abıyev mənə zəng etib dedi ki, işləmək istəsən gəl işlə. Razılaşmadım, çünki orada yeyinti vardı və maaşların 6 ayı verilmirdi. Üstəlik, işçilərə kartla pul verilmirdi, çünki vergidən yayınırdılar.
Ötən il dekabr ayında İlqar Rzayev mənə zəng vurub bildirdi ki, “Elxan, səndən xahiş edirəm təcili işə gəl, mənə kömək lazımdır”. Dedi ki, sənə inanıram, xahiş edirəm get Siyəzənə, orada mühafizəçilər dalaşıblar. Bu barədə direktor Ruhiyyə müəllimə məlumat veribmiş. Ora getdim, işçiləri dəyişdim, yeni işçilər götürdüm, iş qaydasına düşdü. Əvvəl işdən çıxarılan işçilərin əmək haqqları verilməmişdi, mən də bu münasibətlə İlqar Rzayevə müraciət etdim. Ona bildirdim ki, işçilər deyirlər 6 aydır maaşımız verilmir. O, mənə dedi ki, “Elxan, mənim vəziyyətim pisdir, evimi, maşınımı satmışam, artıq sən tanıdığın İlqar deyiləm, metroyla gedib-gəlirəm işə”. Məni işə dəvət edəndə də bildirmişdi ki, vəziyyəti pisdi. Amma dedi ki, işlər düzəlsin, sənin maaşını da verəcəm. İnsanlıq halıdır deyib, ona kömək etmişdim.
Amma artıq mən də ailəliyəm, uşağım var, evimə çörək pulu aparmalıyam. Bunları İlqar müəllimə dedim. O isə mənə dedi ki, “sən işçilərin kartlarını götürərdin, hər ay onlara 250 manat pul verərdin, qalanını da özünə götürərdin. Sənə demişdim axı heç kəsə kart vermə, rayonlarda hər kəs bu yolla dolanır. Əlavə də 100 manat vurardım karta”. Əlbəttə, bununla razılaşmadım.
Artıq neçə ay idi işləyirdim, lakin pul almırdım. Ona bu iradımı yenidən bildirdim, mənə dedi ki, “məndən çox adam şikayətçidir, get sən də şikayətçi ol, heç kəs mənə heç nə edə bilməz”. Öz səs yazısını ona atdım, hansı kı, mənə işçilərin haqqına girməyi öyrədirdi. Başladı ki, heç kəsə heç nə demə, həll edək.
Bir müddət sonra xidmət rəisinin müavini Qüdrət Abıyev mənə zəng vurub dedi ki, Etibar Qasımov səninlə görüşmək istəyir. Dedim gəlməyəcəm, bezmişəm artıq sizin yalanlarınızdan. Mənə dedi ki, gəl, maaşını da verəcək. Getdim, görüşdük, söhbət etdik. Mənə əmək haqqımdan 1000 manat da pul verdi, dedi ki, İlqara da deyəcəm, gedib maaşını tam götürərsən.
Etibar Qasımov 2 gün sonra məni yenidən işə çağırdı. Maaşımı xatırlatdıqda, dedi ki, İlqarla aram dəyib, səbrli ol, veriləcək. Əlavə etdi ki, istəyirsən, gəl sənə iş verim, 350 manat maaşa işlə. Razılaşmadım, çünki eyni vəziyyətlə artıq 3-cü dəfə qarşılaşmaq istəmirdim.
Etibar Qasımov həmçinin bildirdi ki, “İlqarın qardaşı oğlu Rafiq Rzayev məni yarım milyon ziyana salıb, çaşıb vergiyə əsl sənədləri göndərib və məni cərmələyiblər”.
Mən onlardan haqqım olan maaşımı istəyirəm. Özlərinə də dedim ki, mənim pulumu verin, yoxsa şikayət edəcəm. İndi məndən maaş əvəzi verdikləri 1000 manatı tələb edirlər ki, pulu ver, sonra get hara istəyirsən şikayət et.
Əlimdə yetərincə sənədlər və səs yazıları var, xahiş edirəm mənə kömək edin, onların qanunsuz əməllərini aşkara çıxarım”.
Redaksiyadan: Yazıda adları qeyd olunan şəxslərin mövqeyini dərc etməyə hazırıq.
Ölkə başçısının tapşırığı ilə Azərbaycanın Qarabağda başlatdığı lokal antiterror əməliyyatının uğuru hər kəsə məlumdur. Ölkəmiz bu uğuru əldə edib düşmən ölkələrə göz dağı verdiyi bir vaxtda itkilərimizdə oldu.
Daimi baş tacmız olan bu əməliyyatlar zamanı 200 dən artıq şəhidlərimizə hörmətlə yanaşanlarda oldu, onların şəhid olduğu gün şənlik edib konsert verib çal-çağır edənlərdə...
Xatırlayırsızsa "Azərbaycan Reallığı" olaraq şəhidlərimizin şəhid olan gün bir neçə restorandan reportajlar yayımlayıb ictimai qınaq etmişdik. Bunu başa düşüb üzr istəyən restoran sahibləri də oldu, səhvini anlayıb efir vasitəsi ilə bu cür xoşagəlməz hal bir hada təkrarlamayacaqına söz verənlərdə oldu. Amma ən qəribəsi Nərimanov ərazisində yerləşən "Sahra Restoran"da baş verdi.
Deməli, bu məkanın Elçin Allahverdiyev adlı rəhbər şəxsi şəhidlərmiz olan gün restoranında konsert verib çal-çağır etdi, məsələ ictmailəşdikdə çıxıb şəhidlərimin ruhundan və onun ailələrindən üzr istəmək əvəzinə hörmətsizliyini ictimailəşdirən media nümayəndələri barəsində hüquq-mühafizə orqanlarına şikayət etməklə özünü çirkablı sulardan saf çıxarmağa çalışdı.
Elçin müəllim adını çəkmək istəmədiyimiz hüquq-mühafizə orqanlarından birinə şikayət edərək bildirir ki, guya biz onun "Sahra Restoran"ından paylaşım edərək onun şantaj etmişik, işgüzar nüfuzuna xələl vurmuşuq. Bunun restoranına gələn mini yupkalı, dodağı silikonlu, bahalı maşınlı müştərilərinin qarşısını almışıq. Müəllimin gedib hüquq-mühafizə orqanlarında uydurduğu bu əfsanələrə, bu cəfəngiyyatlara bişmiş toyuq gülməsin neyləsin?
Müəllim düşünür ki, 19 cu əsrdə yaşayır, bu gedib yalnış ifadə verəcək hüquq-mühafizə orqanlarını aldadacaq onlar da buna inanacaq. Yəqin ki, indi hansı dövrdə, texnalogiyanın necə inkişaf etdiyi bir əsrdə yaşadığımızı anlamır, müəllim düşünmür ki hüquq-mühafizə orqanları onun uydurmalarına yox faktlara söykənərək qərar verir.
Biz məsələnin nədən ibarət olduğunu yazandan sonra Elçin müəllimə hansı düşüncə hansı fikirlə yanaşdılarsa onu elə özü bilməsədə yaxşı olar. Çünki bizim polislərimiz gecə-gündüz xalqın keşiyindədir, xalqın təhlükəsizliyini qoruyur, son antiteror hadisələrində onlarla polisimiz qəhrəmancasına şəhid oldu. Təbii ki, cəsarətli və məğrur polisimizi şəhid verdiyimiz gün Elçin müəllimin etdiyi hərəkətə göz yumub onun xeyrinə hər hansı qərar verə bilməzdi.
Nəysə, bizdən hələlik bu qədər, bizim Elçin Allahverdiyevlə hər hansı düşmənçliyimiz yoxdur heç etmək niyyətində də deyilik amma görünür müəllim bu cür primitiv addımlar atmaqla bizim peşə fəaliyyətimizə təzyiq edə biləcəyin düşünür. Bu istiqamətdə ona kim göstəriş və tapşırıq verirsə Elçin müəllim biz dedik biləsiz sizi bərk aldadırlar.
Bütün bu yazılara baxmayaraq "Azərbaycan Reallığı" olaraq "Sahra Restoran" və onun rəhbəri Elçin Allahverdiyevində söz haqqın tanıyırıq
Bakının Yasamal rayonunda “alimlərin yataqxanası” kimi tanınan bina söküləndən sonra sakinlər çətin duruma düşüblər. Pilot layihəni həyata keçirən “İnşaat Konstruksiyaları” MMC yeni binanı 2016-cı ildən bəri tikib istifadəyə vermir. Sakinlər illərini kirayələrdə keçirir. Onların bəzisi beş ildir kirayə pulu da almadığını bildirir.
Bizimyol.info xəbər verir ki, “İnşaat Konstruksiyaları” MMC sakinlərə 1 il 6 ay ərzində yeni mənzillərinə köçə biləcəklərini vədini etmişdi. Binada görüləcək iş də az deyil. Üstəlik, bəzi mənzillərin bir neçə şəxsə satılması faktları ortaya çıxıb. Məsələyə Korrupsiyaya Qarşı Mübarizə Baş İdarəsi qarışıb.
Şikayətçilərdən Rəvanə Əsədova xatırlayır ki, yaşadıqları bina Yasamal Rayon İcra Hakimiyyətinin keçmiş başçısı İbrahim Mehdiyevin iştirakı ilə sakinlərin icazəsi olmadan sökülmüşdü: “Bizimlə o vaxt elə davrandılar, indi də belə. Nə qədər stres keçirmək olar?! Heç nəyə köklənmək olmur. Küçələrdə qalmışıq”.
Pərviz Bədəlov deyir ki, məhdud məsuliyyətli cəmiyyətdən konkret söz ala bilmirlər. “İnşaat Konstruksiyaları” daha 200 alıcıya mənzil satıb. İndi “alimlərin yataqxanası”nın sakinləri bilmir ki, kimin mənzili harada olacaq: “Binanın üstünü bəzəyiblər, amma içəridə arakəsmələr hörülməyib, işıq, su xətləri axıra qədər çəkilməyib. Binanın damında izolyasiyalar yekunlaşmayıb. Liftlər qoyulmayıb. Xərc aparan işlərin hamısı qalıb. Yalnız kosmetik addımlar atılıb. Görüntü yaratmaq istəyirlər ki, guya binada iş dayanmayıb. Burada heç vaxt 10-15 fəhlə işləməyib, uzağı 2-3 nəfər”.
Hacımurad Mirzəyev deyir ki, bu məsələyə görə həyatından bezib. Hər ay artıq 120 manat kirayə pulu verir: “Gül kimi təmirli evimizdə yaşayırdıq. Nə günə qoydular bizi...”
“İnşaat Konstruksiyaları” MMC-nin Nizami rayonunda inşa etdiyi binadan da şikayətlər var. Məhdud məsuliyyətli cəmiyyətin rəhbəri Rauf Əliyev mətbuata açıqlamasında haqqında danışılan binanın 2024-cü ilin martında təhvil veriləcəyini deyib. Onun sözlərinə görə, müvəqqəti maliyyə sıxıntıları olub, indi hər şey qaydasındadır: “Son tamamlama işləri qalıb. Onu da həll edəcəyik”.
Tikintidəki qanunsuzluqları Korrupsiyaya Qarşı Mübarizə Baş İdarəsinin araşdırması məsələnin qısa zamanda həllini tapmayacağını deyir. Üstəlik, oxşar halların baş verməsi şübhələri qalır. Şikayətçi Məzahir Cəfərov iddia edir ki, hələ də mənzillər bir neçə şəxsə satılır. //Bizimyol.info//