Laçın səmasında bütöv Azərbaycan xəritəsi...
 |
|
|
Belə bir el deyimi var, "xalqın mədəniyyəti yoldan başlayır".
Bu məsəldə sürücü və piyadaların hərəkətləri ilə yanaşı, yolların səliqə-sahmanı da nəzərdə tutulur. Təəssüflə bildiririk ki, dünya ölkələrinin ayda su axtardığı 21-ci əsrdə, ölkəmizin bir çox bölgələrinin - xüsusilə cənub bölgəsinin yolları paytaxtın Neftçilər prospekti qədər şanslı deyillər. Belə ki, bu barədə zaman-zaman bir çox yerli mətbuatda tənqidi materiallar yayımlanır.
Hətta, yaxınlarda Cəlilabad rayonundan olan Şəhid Nəcməddin Quliyevin şəhadətindən əvvəl qan pulu ilə yaşadığı kəndin yolunun çəkilməsini vəsiyyət etməsi, onun ömrü boyu yolsuzluqdan əziyyət çəkməsinin göstəricisi idi.
Bundan əlavə, Lənkəran rayonunun Alazəpin kəndindən "DogruXeber.az"a müraciət edən şəhid Raqim Hadıyevin anası Nəzakət xanım Hadıyeva da yolsuzluq problemindən gileylənirdi və bildirirdi ki, Lənkəran rayon İcra Hakimiyyətinin başçısı hələ üç il əvvəl kəndin yollarının çəkiləcəyinə söz verib və bir daha o kəndə getməyib. Elə bu səbəbdəndir ki, Raqim Hadıyevin heçolmasa istər doğum günlərində, istərsə də anım günlərində kimsə gedib onun evini, məzarını ziyarət edə bilmir.
Şəhid anasına söz verən başçıya 3 ildir sözünü tutmağa nə mane olur? - VİDEO
Astara rayonunun Ərçivan qəsəbəsindən Fuad Nuriyev adlı qəsəbə sakini palçıqlı bərbad küçələri lentə alaraq, agentliyimizin tabeliyində fəaliyyət göstərən "Kanal14" YouTube kanalımızda yayımlanması üçün redaksiyamıza göndərib.
Görüntülərdə az yağışdan sonra bataqlığa dönüşmüş qəsəbə yolları sakinlərin hansı əziyyətlər çəkdiyini deyir. Görüntüləri qeydə alan Fuad Nuriyev onu da bildirir ki, Ərçivan bələdiyyəsinin sədri su kanalını torpaqla doldurub torpaq sahəsi kimi vətəndaşlara satıb.
Həmçinin Yardımlı rayonunun Separadi kənd sakini Hüseynov Mərahim bir qrup kənd sakinləri adından "DogruXeber.az" informasiya agentliyinə müraciət edərək, kəndin yollarının palçıqlı, keçilməz vəziyyətindən gileylənib. Bildirir ki, şəhid Müdrət Ağayev adına kənd orta məktəbinə gedilən yol azca yağış yağan kimi palçıq və gölməçələr səbəbilə gedilməz hala gəlir.
Məktəblilər və müəllimlər məktəbə "qaloş" və "sapoq" deyilən rezin çəkmələrlə məktəbə getmək məcburiyyətində qalırlar. Susuzluq problemi yaşayan kənd sakinləri uşaqlarının palçığa batmış paltarlarını yumağa su tapmırlar ki, bu da Separadi kəndinin daha bir dərdidir.
Mərahim Hüseynov bildirir ki, onlar illərdir ki, susuzluq problemi yaşayırlar və illərdir ki, aidiyyatı qurumlara müraciət edə-edə qalıblar. Nəhayət, 2017-ci ildə ölkə başçısının tapşırığına əsasən aidiyyatı qurum tərəfindən kəndin yaxınlığına su xətti çəkilib. Lakin, sakinlərin su sevinci yarımçıq qalıb. Kəndin yaxınlığına çəkilən su xətti elə oradaca dayandırılıb və istəyən hər kəsin öz vəsaiti hesabına evinə xətt çəkdirməli olduğu deyilib. Su sarıdan illərin min bir əziyyətini çəkən yerli sakinlər "buna da şükür" deyib, varını-yoxunu xərcləyib, su xətlərini öz vəsaiti hesabına çəkdiriblər, amma ki, bu 6 ildə o, xətlərlə onların evinə bir damcı da su gəlməyib. Çünki, aidiyyatı qurum "Azərsu" ASC-nin Regional nümayəndəsinin yayda onlara verəcək su olmadığı üçün, Separadi sakinlərini suya abunə edə bilmədiklərini deyib.
Qeyd edək ki, Mərahim Hüseynovun sözlərinə görə bu barədə kənd sakinləri aidiyyatı qurumlara dəfələrlə rəsmi müraciət ediblər, həmçinin Yardımlı rayonunu Milli məclisdə güya təmsil edən Millət vəkili Musa Qasımlıya məlumat verib, ondan köməklik istəyiblər.
Elə canlı yayımdaca Millət vəkilinin sözügedən problemlərlə bağlı hansı addımlar atdığını və hər hansı bir nəticənin olub-olmadığını öyrənmək məqsədilə, "DogruXeber.az" informasiya agentliyinin rəhbəri - eyni zamanda, "Kanal14" YouTube kanalında yayımlanan "Kamalın zamanı" proqramının aparıcısı Kamal Əsgərov millət vəkili Musa Qasımlıya zəng etdi. Millət vəkili zəngin haradan gəldiyini eşidən kimi toyda olduğunu bildirdi və məsələyə aidiyyatı olmasa da aid etməyə çalışdığı 3-5 kəlmə ilə sağollaşmağa çalışdı. Rayonun mövcud problemləri ilə bağlı hansı addımları atdığı və nə kimi nəticələrə nail olduğu barəsindəki suala "aidiyyatı üzrə müraciət etmişik, inşallah yaxşı olar" deyə, arzularla sağollaşdı...
Belə olan halda isə cənub bölgəsinə sözün əsl mənasında adamın ürəyi ağrıyır. Yol yox, su yox, hətta Cəlilabad rayonunun Darılıq kəndinin sakini Əli Qurbanovun redaksiyamıza bildirdiyinə görə onların kəndində, eləcə də Lerik rayonunun bəzi kəndlərində məktəb belə yox... Adam özünü lap, 20-ci əsrin əvvəllərində hiss edir...
"Allah səbr versin" desək, cənub bölgəsinin sakinlərinə "bəd dua" etmiş olarıq bəlkə də, görün neçə illərdir ki, onlar səbr edir?! Dəyişən isə sadəcə rayonların rəhbərləridir, rayonlarda heç nə...
Redaksiyamız hər kəsin söz haqqını tanıyır.
DogruXeber.az
DİA.AZ bildirir ki, Naxçıvan şəhər sakini İsmayılov Fariz Yusif oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, 7 aydır iflic olub, Şərur Rayon Mərkəzi Xəstəxanasının baş həkimi Adəm İmanov ona xəstəliyi ilə bağlı arayış vermir:
"Mən, İsmayılov Fariz Yusif oğlu, yazaraq sizdən xahiş edirəm ki, problemimi işıqlandırasınız.
7 aydır iflic xəstəsiyəm, yataqda yatıram, özüm özümü idarə edə bilmirəm. Belimdən aşağı fəlç olub.
Şərur Rayon Mərkəzi Xəstəxanasının baş həkimi Adəm İmanov arayış vermir ki, əlillik dərəcəsi alıb, pensiya düzəldim, o yolla müalicəmi edim.
Məni bu halımla Naxçıvandan Şərura göndərirlər. 3 dəfə yalandan yola xərçi verib, zülmlə gedib-gəlmişik.
Adəm həkim yeriməyimlə bağlı mənə ümid vermir. Deyir ki, orqanların fəaliyyətini itirib. Amma bu dediklərini sənədə yazmır.
İmkansız ailəyik, xahiş edirik bu məsələni ictimailəşdirin, həkimlərb izim sənədimizi versin".
Məsələ ilə bağlı Şərur Rayon Mərkəzi Xəstəxanasının baş həkimi Adəm İmanovla əlaqə saxlamaq mümkün olmadı.
Redaksiyadan: Qarşı tərəfin mövqeyini dərc etməyə hazırıq.
DİA.AZ bildirir ki, Sabirabad rayonu, Yaxabeşdəli kənd sakini Səmədov Pərviz Əlişəfa oğlu tərəfindən "Hürriyyət" qəzetinin redaksiyasına şikayət məktubu daxil olub. Şikayətçi iddia edir ki, Kür çayının daşması ilə əlaqədar evi ciddi zədələnsə də, rəsmi qurumlar yaşayış evinin vəziyyətini “qənaətbəxş” hesab ediblər:
"Mən, Səmədov Pərviz Əlişəfa oğlu, başıma gələn haqsızlığı işıqlandırmağınızı sizdən xahiş edirəm.
Təbii fəlakət, daha dəqiq desək Kür çayının daşması nəticəsində yaşayış evim yararsız vəziyyətə düşdü. Bununla əlaqədar müvafiq qurumlara müraciət etdim, baxış keçirildi və dəyən zərəri gördülər. Bir müddət sonra tikinti başlayacaqdı, lakin fikirlərini dəyişdilər, heç bir köməklik göstərmədilər. İndi heç qəzalı vəziyyətdə olan ev də yoxdur, qalmayıb, su yuyub aparıb.
Dövlət tərəfindən qarşılanmasın deyə, bəzi məmurların saxtakarlığını sizə sübüt edirəm. Hadisədən 10 il keçib, mənə indi məktub göndəriblər ki, “bizə təqdim etdiyiniz sənədlərə əsasən sizin fərdi yaşayış evinin vəziyyəti qənaətbəxş hesab edildiyindən, tərəfimizdən hər hansı bir tədbirin görülməsinə əsas yoxdur”.
Qeyd etdiyim kimi, hadisədən 10 il keçib artıq qəzalı vəziyyətdə olan ev yoxdur, qalmayıb, bunlar hansı “qənaətbəxş” hesab edilən evdən danışırlar, biz bilmirik”.
Redaksiyadan: Rəsmi qurumların mövqeyini dərc etməyə hazırıq.
Gədəbəy rayon İcra Hakimiyyətinin 01.10.2023-cü il tarixdə “Gədəbəy şəhərində şəhərdaxili küçələrin, dalanların və meydanların asfaltlaşdırılması” lotu üzrə sifarişçi olduğu satınalmaya yekun vurub.
Qlobal.az xəbər verir ki, bu satınalmanın məbləği 588.378 manat təşkil edib.
Satınalmada “BİRLİK-23” Məhdud Məsuliyyətli Cəmiyyəti (VÖEN: 1308155221) (MMC) qalib elan edilib.
“BİRLİK-23” MMC 2023-cü ilin yanvar ayının 26-da dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı Yasamal rayonu, Həsən bəy Zərdabi pr. ev 17/51, mənzil 22 ünvanı, qanuni təmsilçisi isə Dadaşbalayev Zöhrab Kamil oğludur.
Tender müqaviləsi üzrə Gədəbəy şəhərinin küçələrini asfaltlayacaq “BİRLİK-23” MMC-nin fəaliyyət profili, maddi-texniki bazası, mühəndis heyəti və işçi qüvvəsi barədə açıq internet resurslarında məlumat yoxdur.
Resurları barədə məlumat olmayan, 8 ay əvvəl təsis edilmiş MMC-nin Gədəbəy rayonunu hansı texniki baza ilə abadlaşdıracağı sual doğurur.
Qlobal.az məsələ ilə bağlı Gədəbəy rayon İcra Hakimiyyətindən mövqe öyrənməyə çalışıb. Gədəbəy rayon İcra Hakimiyyətinin tender komissiyasının sədri Nizami Piriyev məsələ ilə bağlı məlumat vermədi.
Məsələ ilə bağlı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətindən mövqe öyrəndik. Dövlət Xidməti məsələdən xəbərdar olduqlarını bildirdilər:
“Sözügedən müsabiqə “Dövlət Satınalmaalrı Haqqında” Azərbaycan Respublikasının Qanununun tələblərinin pozulması ilə keçirildiyindən nəticəsinin ləğv olunması barədə Dövlət Xidməti tərəfindən satınalan təşkilata 12.10.2023-cü il tarixli 3-21-1/2-209051/2023 nömrəli məktub göndərilmişdir”.
Xatırladaq ki, Gədəbəy rayon İcra Hakimiyyətinin başçısı Orxan Mürsəlovdur. O, 2022-ci ilin avqust ayından bu vəzifədədir.
DİA.AZ: - Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.
DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Bərdə rayon İcra Hakimiyyətidir.
Araşdırma materialında deyilir: "Bu rayonun sakinləri yerli icra hakimiyyəti və məmurların süründürməçiliyindən təngə gəldiklərini bildiriblər. İcra hakimiyyətinin fəaliyyətsizliyindən şikayətlənən vətəndaşların bildirdiyinə görə, Bərdə rayonu son dövrlər tamamilə diqqətdən kənarda qalıb və burada heç bir şikayətə, müraciətə məhəl qoyulmur.
İcra başçısı Vidadi İsayev 13 ilə yaxındır ki, bu rayona rəhbərlik edir, amma sakinlər indiyə qədər icra başçısı ilə normal görüşüb, ünsiyyətə nail ola bilmədiklərini deyirlər".
DİA.AZ bildirir ki, yerli sakinlər "yuxarılara" müraciətlərində təkcə Vidadi İsayevdən yox, onun təyin etdiyi kadrlardan da şikayət edirlər... Amma çifayda?.. Görünəni odur ki, özünü postunda arxayın hiss edən Vidadi İsayev bu gün həbsdə yatan icra başçılarının məlum aqibətlərindən dərs çıxarmayıb...
İddia olunanlarla bağlı dia.az olaraq qarşı tərəfi də dinləməyə hazırıq...
Sentyabrın 21-i Gəncə sakinlərini qorxuya salan hadisə ilə yadda qaldı. Belə ki, həmin gün Gəncə Mərkəzi Univermağın qanunsuz tikilən hissəsi çökmüşdü.
Gəncə Şəhər İcra Hakimiyyətindən bildirilib ki, çökən Gəncə Mərkəzi Univermağın bitişik tikili müvafiq icazə sənədi olmadan inşa edilib. Sözügedən tikili təxminən 100 kv.metrlik ərazini əhatə edir.
Bəs görəsən gecə-gündüz aparılan betonlama işləri aidiyyatı qurumlar tərəfindən niyə görülmürdü və ya görməməzlikdən gəlinirdi? Qeyd edək ki, bu ticarət mərkəzi illərdir böyük tıxaclara səbəb olub və problemin aradan qaldırlması üçün isə 2013-cü ildən bu günə qədər binanın alt hissəsində təhlükəsizlik qaydalarına əməl edilmədən böyük qazıntı işləri aparılıb. Bəs qazıntı və daşınma işlərini aparan irihəcimli texnikalar ərazidə işləyərəkən niyə heç kim bunu görməyib.
Bina qəzalı vəziyyətdə olduğu üçün hazırda orada söküntü işləri aparılır. Buna baxmayaraq, univermaq rəhbərliyi icarədarlara vəd verib ki, qısa müddətdə ticarət mərkəzi fəaliyyətini bərpa edəcək. Maraqlıdır, qəzalı vəziyyətdə olan binada faciə baş verərsə, bunun məsuliyyətini kim və necə öz üzərinə götürəcək? İnsan həyatı üçün təhlükəli olan binanın fəaliyyətinə kim icazə verəcək?
DİA.AZ: - "Araz" marketlər şəbəkəsi vaxtı keçmiş məhsulları endirimlə satmağı vərdişə çevirib. DİA.AZ bildirir ki, hər halda bu faktı artan şikayətlərdən də görmək olar.
Biz isə DİA.AZ olaraq narazı vətəndaşların gileyini çatdırmaqda davam edirik. "Müştəriyəm Şikayətim Var" sosial qrupundakı paylaşımında Kənan Türksoy adlı istifadəçi yazır:
"Bu məhsulu bir az əvvəl "Araz"dan aldım, evə gələndə baxıram ki, vaxtı keçib. Məhsul endirimdə idi ..
Ehtiyyatlı olun, "Araz"dan nəsə alanda belə vaxtı keçmiş məhsul almayasnız..."
İddia olunanlarla bağlı dia.az olaraq qarşı tərəfi də dinləməyə hazırıq...
Dəyərli həmkarlar,
QHT Agentliyi ilə bağlı cəmiyyətdə ciddi narazılığı hamımız yaxşı başa düşürük.
Buradakı nöqsanlar QHT sektorunun problemi deyil və kimlərinsə illərlə çəkdiyi zəhmətə xələl gətirə bilməz.
Agentlik QHT-lər üçün maliyyə resurslarından biridir.
Biz orada ötən dəfə etdikləri biyabırçılıqların dərhal qarşısının alınmas üçün əmək sərf etdik. Amma gələn reaksiyalar, üzərimizə trol hücumlarının, media yazılarının təşkili, bəzilərimizi ailə üzvlərimizlə təhdid və s. bir daha onu göstərdi ki, heç nə düzəlməyəcək.
Əksinə planlar hazırlanır, QHT Agentliyindən narazı olan QHT-ləri provakasiyaya çəkirlər. Xahişim ondan ibarətdir ki, bu günlərdə bir qədər ehtiyatlı olaq.
Bəzi QHT-lər ofisə gəlib söz alır, diktafona yazır və Agentlikdə "deep fake" hazırlayıb yuxarı ötürürlər.
Səbrli və ehtiyatlı olaq.
Samir Adigozelli
Teref.az
Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.
DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Masallı rayon İcra Hakimiyyətidir.
Araşdırma materialında deyilir: "Məlum olub ki, ən çox şikayətlərin olduğu icra hakimiyyəti Lənkərandır. Bu qurumun adı mətbuatda müxtəlif qalmaqallarda çəkilir. Taleh Qaraşovun kadrlarının özbaşınalığı isə yerli KİV-də DASTANA çevrilib... Təsadüfi deyil ki, ən çox məmur özbaşınalığı da məhz bu icra hakimiyyətində baş verir.
Rayonun icraatında olan kəndlərdəki sosial problemlərin qabardılması, təyinatı üzrə olmayan torpaqların bələdiyyə və ərazi nümayəndəliyi tərəfindən satışa çıxarılması, qanunsuz tikintilərin qarşısının alınmaması, vətəndaş şikayətləri və qazi müraciətlərinə məhəl qoyulmaması ilə bağlı faktlar isə icra hakimiyyətinin fəaliyyətsizliyini ortaya qoyur.
Təsadüfi deyil ki, Lənkəran sakinləri Qaraşovu Lənkəranın gününü qaraltmaqda ittiham edirlər.
Hər halda bu iddiaların hər birinin arxasında real faktlar dayanır. Amma nədənsə əlaqədar qurumlar Qaraşovla bağlı hansısa hüquqi ölçünü götürməyə tələsmir. Amma bu heç bir halda istisna hesab oluna bilməz..."
İddia olunanlarla bağlı dia.az olaraq qarşı tərəfi də dinləməyə hazırıq...
ƏLAQƏDAR YAZI: Masallıda ARAZ BULANIQDIR... - O DA HƏBSDƏN EHİYATLANMIR...