“Hazırda Ukraynanın alyansa qəbulu məsələsində NATO-da birlik görmürəm”

Cebhe.info-nun məlimatına görə, bunu ABŞ Prezidenti Cozef Bayden “CNN”ə müsahibəsində deyib.

ABŞ lideri Ukraynaya alyansa qoşulmağa hazırlaşmağa kömək etməyə, həmçinin müvəqqəti olaraq təhlükəsizlik zəmanətləri verməyə hazırdır.

Türkiyə Prezidenti Rəcəb Tayyib Ərdoğan Ukrayna Prezidenti Volodimir Zelenski ilə danışıqlardan sonra Ukraynanın Şimali Atlantika Müqaviləsi Təşkilatına qoşulmaq hüququna malik olduğunu bildirib./Report

Albaniya Respublikasının Prezidenti Bayram Beqayın Azərbaycan Respublikasına rəsmi səfəri iyulun 8-də başa çatıb.

AZƏRTAC xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülmüşdü.
Albaniya Prezidenti Bayram Beqayı və xanımı Armanda Beqayı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Fariz Rzayev və digər rəsmi şəxslər yola saldılar.

Rusiya Prezidenti Vladimir Putin Türkiyəyə səfər edəcək.

Bu barədə Türkiyə Prezidenti Rəcəb Tayyib Ərdoğan İstanbulda Ukrayna Prezidenti Volodimir Zelenski ilə birgə mətbuat konfransı zamanı bildirib.

“Gələn ay Putin Tükiyəyə səfər edəcək. Cənab Putinlə məhbus mübadiləsi ilə bağlı məsələləri yenidən müzakirə edəcəyik. Ümid edirəm ki, taxıl dəhlizinə dair prosesin uzadılması ilə bağlı nəticə əldə edəcəm”, - deyə Ərdoğan qeyd edib.
Mənbə: Haber Global

Azərbaycana səfər edən İranın xarici işlər naziri Hüseyn Əmir Abdullahian iki ölkə arasında münasibətlərin yumşaldılması yönündə müəyyən mesajlar verib.

Bunlardan biri də Zəngəzur dəhlizinin açılmasına dair müzakirələrdir. Tərəflər bu məsələdə ortaq mövqeyə gələ bilsə, Azərbaycanla İran arasında gərginlik yaradan əsas problemlərdən biri aradan qalxmış olar.

Abdullahian Azərbaycan Prezidenti İlham Əliyevlə görüşdə Şimal-Cənub Nəqliyyat Dəhlizinin inkişaf etdirilməsi və Şərqi Zəngəzur İqtisadi rayonu ilə Naxçıvan MR arasında kommunikasiya əlaqələrinin qurulması məsələsini müzakirə edib. Qeyd edilib ki, tezliklə iki ölkənin müvafiq nümayəndə heyətlərinin görüşü baş tutacaq.

Bundan başqa, Hüseyn Əmir Abdullahian Qoşulmama Hərkatına daxil olan ölkələrin xarici işlər nazirlərinin görüşündə çıxışı zamanı bildirib ki, İran Azərbaycanla Ermənistan arasında münasibətlərin sülh yolu ilə həllinə, eləcə də kommunikasiyların açılmasına tərəfdardır.

Lakin İranın XİN rəhbəri bu fikrinin ardınca, əlavə şərt səsləndirib. O bildirib ki, İran regionda sərhədlərin dəyişdirilməsinə qarşıdır. Bununla da İran tərəfi ali rəhbər Ayətullah Seyid Əli Xameneyinin “Zəngəzur dəhlizi İranın “qırmızı xətti”dir” tezisinə yenidən qayıdıb. Bu da xarici işlər nazirinin öz açıqlamasında səmimiliyinə şübhə yaradır.

Politoloq Natiq Miri Cebhe.info-ya açıqlamasında bildirib ki, İranın səmimiyyətinə inanmaq olmaz. Rəsmi Tehran daha çox Şərqi Zəngəzur İqtisadi rayonu Naxçıvan MR arasında əlaqənin İran vasitəsilə təmin olunamasında maraqlıdır: “Çünki bu vəziyyət Azərbaycanı İrandan asılı edər. İran etimad göstəriləcək bir dövlət deyil. İranın Azərbaycanla normal münasibətlər məcrasını hara qədər davam etdirəcəyi böyük bir sualdır. Ona görə ki, İran regiondakı poseslərə dağıdıcı təsir edən mənfi güc mərkəzi kimi tanınıb. İrana türk dövlətlərinə qarşı həmişə balanslaşdırıcı güc kimi baxılıb və bu yanaşma indi də davam edir.

Abdullahian sərhədlərin açılmasına müsbət baxdığını ona görə deyir ki, regionda kommunikasiyaların açılması İranın iradəsindən asılı məsələ deyil.

Ermənistan Rusiya ilə razılaşdığı təqdirdə İran istəsə də, istəməsə də, nəqliyyat-kommunikasiya marşrutları açılacaq. Sadəcə olaraq, İran bu prosesin Ermənistanın suverenliyi çərçivəsində həyata keçirilməsini istəyir. Çünki İran Ermənistanla sərhədinin quru dəhlizi vasitəsilə bağlanmasından və ya bu marşrutun türk dövlətlərinin nəzarətinə keçməsindən ehtiyat edir. Yəni bu məsələdə Ermənistanın dediklərini İran da təkrar edir. Əslində, İran Naxçıvanla Azərbaycanın qərb hissəsi arasında əlaqənin öz ərazisindən keçməklə təmin olunmasının tərəfdarıdır. Belə olduğu təqdirdə, qazanan tərəf İran ola bilər.

Ticarət yüklərinin daşınması İrana tranzit gəlirləri üçün çox sərfəlidir". O bildirib ki, hazırda Azərbaycanın İran kimi böyük qonşu ilə düşmən olması da doğru deyil:

"Ancaq bütün hallarda Azərbaycan tədbirini əldən verməli deyil. Çünki İran yalnız güc dilini anlayır. Azərbaycan İrana etimad göstərmək üçün Tehrandakı Azərbaycan səfirliyinə terror hücumu təşkil edənlər aşkara çıxarılmalı, həqiqi cəzasını almalıdır. Yoxsa Azərbaycan vətəndaşını qətlə yetirən bir nəfər terroçunun məhkəmə qarşısına çıxarılması bizi qane edə bilməz. Səfirliyə hücum sifarişini verən güc orqanları, SEPAH kimi terror təşkilatı var. İran bunun cavabını verə biləcəkmi? İran rəsmiləri Azərbaycan diplomatını qətlə yetirən şəxsi dəli adlandırırdı. İndi həmin şəxs ağıllandımı ki, onun əməlinə hüquqi qiymət vermək istəyirlər? İran etimad göstəriləcək ölkə deyil. Ona görə də Azərbaycan “dəyənəyi” əlindən yerə qoymamalıdır”.

Natiq Miri hesab edir ki, Abdullahian Naxçıvanla Şərqi Zəngəzur İqtisadi rayonu arasında nəqliyyat əlaqəsinin açılmasından danışarkən əslində Zəngəzurdan keçəcək dəmir yoluna deyil, hərəkətin İran ərazisindən keçməklə reallaşmasının vacibliyinə işarə vurur:

“İran-Azərbaycan münasibətləri gərgin müstəviyə keçməzdən öncə iki ölkə arasında Araz çayının üzərindən keçməklə iki körpününü tikintisi və bu yoldan dəhliz statusunda istifadə etməklə Naxçıvanla əlaqələrin və daşımaların həyata keçirlməsinə dair müqavilə imzalanıb. Sonradan İranın vəziyyəti gərginləşdirməsi bu razılaşmanın baş tutmasına mane oldu. İranın Şimal-Cənub nəqliyyat dəhlizinə ehtiyacı var. Burada da əsas tranzit ölkə Azərbaycandır. Yəni İran Azərbaycana möhtacdır. Onlar yaxşı bilirlər ki, İranın iradəsindən asılı olmayaraq, Zəngəzur dəhlizi işə düşə bilər. Ona görə də münasibətləri normal məcraya daşımaqla kommunikasiyaların İran ərazisindən keçməsinə nail olmaq istəyirlər. Lakin İran kimi terrorçu dövlət Azərbaycana qarşı hər zaman təxribat törədə bilər. Bu baxımdan, Azərbaycana hər zaman alternativ kommunikasiyalar lazımdır”.

Azərbaycanın xarici işlər naziri Ceyhun Bayramov Qoşulmama Hərəkatı Əlaqələndirici Bürosunun Nazirlər iclasında iştirak etmək üçün ölkəmizdə səfərdə olan Belarusun xarici işlər naziri Sergey Aleynik ilə görüşüb.

Bu barədə Azərbaycan Xarici İşlər Nazirliyindən bildirilib.

Görüş zamanı iki ölkə arasında müxtəlif sahələrdə mövcud ikitərəfli, habelə çoxtərəfli platformalarda əməkdaşlıq müzakirə edilib.

Həmkarını bu yüksək vəzifəyə təyinatı münasibətilə bir daha təbrik edən Ceyhun Bayramov iki ölkə arasında bütün səviyyələrdə səmərəli təmasların mövcud olduğunu qeyd edib. Ceyhun Bayramov həm ikitərəfli, həmdə çoxtərəfli müstəvilərdə iki ölkə arasında bir birinin maraqlarını nəzərə alan səmərəli təmasların və əməkdaşlığın mövcud olduğunu söyləyib.
Öz növbəsində Sergey Aleynik ölkələrimiz arasında diplomatik münasibətlərin qurulmasının 30-cu ildönümünün bir sıra mötəbər tədbirlərlə qeyd edildiyini məmnunluqla vurğulayıb. Belarus xarici işlər naziri habelə ölkələr arasında kənd təsərrüfatı, turizm, maşınqayırma və digər sahələrdə geniş tarixi əməkdaşlıq əlaqələrinin mövcud olduğunu bildirib.

Görüş zamanı digər qarşılıqlı maraq doğuran məsələlər ətrafında fikir mübadiləsi aparılıb.

Brüssel görüşündə müəyyən razılaşmalar mümkündür
“Sülh müqaviləsinin bağlanması üçün Paşinyan hökuməti Xankəndi erməniləri ilə Azərbaycan hökuməti arasına girməməlidir"

"Ermənistan Azərbaycanla danışıqlarda öz qeyri-konstruktiv mövqeyindən geri çəkilmir".
Bu barədə "Sherg.az"a politoloq Məhəmməd Əsədullazadə deyib. Analitik vurğulayıb ki, İrəvan hökuməti sərhədlərin delimitasiya və demarkasiya prosesində anklavlarla bağlı məsələni qəsdən gərginləşdirir:
"İrəvan 1975-ci il xəritəsinin üzərində dayanır. Həmçinin sərhəddə qoşunların "Güzgü prinsipi"nə uyğun geri çəkilməsini istəyir. Çünki qoşunların çəkilməsi Ermənistanın maraqlarına cavab verir. Digər yandan Xankəndi-Bakı arasında beynəlxalq missiyanın iştirakı ilə danışıqların aparılmasını tələb edir. Bununla Qarabağ məsələsini gündəmdə saxlamaq, gələcəkdə yenidən Azərbaycana təzyiq göstərmək məqsədi güdür. Ona görə də 2023-cü il ərzində iki ölkə arasında sülh müqaviləsinin bağlanması gözlənilmir".

Siyasi şərhçi bəyan edib ki, liderlərin növbəti görüşü Avropa İttifaqının vasitəçiliyi ilə olacaq: "Növbəti görüşdə müəyyən kiçik razılaşmalar mümkündür. Təmaslarda ciddi irəliləyiş olmur. Bu da ermənilərin dərin düşmənçiliyindən, Ermənistanın Azərbaycana qarşı ifrat nifrət siyasətindən qaynaqlanır. Ancaq Avropa İttifaqının vasitəçiliyi ilə liderlərin görüşündə Ermənistanın Qarabağ separatçıları ilə bağlı mövqeyində dəyişiklik mümkündür. Sülh müqaviləsinin bağlanması üçün Paşinyan hökuməti Xankəndi erməniləri ilə Azərbaycan hökuməti arasına girməməlidir".

İranın xarici işlər naziri Hüseyn Əmir Abdullahiyanın Azərbaycana səfəri başlayıb.

“Report” xəbər verir ki, səfərin məqsədi Qoşulmama Hərəkatı Əlaqələndirmə Bürosunun nazirlər səviyyəsində keçiriləcək iclasında iştirak etməkdir.

Nazir tviterdə qeyd edib ki, Qoşulmama Hərəkatı yeni qlobal çağırışların həlli üçün çoxtərəfliliyi və ümumi düşüncəni gücləndirmək üçün xüsusi imkanlara malikdir: “Bu səfər regionda qonşuluq siyasətini izləmək və inkişaf etdirmək üçün bir fürsət olacaq”.

Bundan başqa, səfər çərçivəsində nazirin Azərbaycan rəsmiləri ilə ikitərəfli görüşlər keçirməsi planlaşdırılır.

Xatırladaq ki, Bakıda iyulun 5-6-da Qoşulmama Hərəkatının Əlaqələndirmə Bürosunun nazirlərinin iclası keçiriləcək. İclas “Qoşulmama Hərəkatı: yaranan çağırışlara qarşı vahidlik və sarsılmazlıq” mövzusuna həsr olunacaq.

Ukrayna hakimiyyətinin Gürcüstanın səfiri Giorgi Zakaraşviliyə Gürcüstanın eks-prezidenti Mixail Saakaşvili ətrafındakı vəziyyətlə bağlı məsləhətləşmələr üçün Tiflisə qayıtmağı tövsiyə etməsi münasibətlərin kəskinləşməsinin ifrat formasıdır.

Bu barədə Gürcüstan Xarici İşlər Nazirliyinin bəyanatında deyilir.

“Gürcüstan Xarici İşlər Nazirliyi Ukrayna hakimiyyətinin Gürcüstan səfirinin məsləhətləşmələr üçün ölkəni tərk etməsinə dair qərarından dərin narahatlığını bildirir. Bu hərəkət diplomatik münasibətlərin kəskinləşməsinin ifrat formasıdır və dost dövlətə və xalqa münasibətdə rəsmi Kiyevin bu addıma əl atması təəssüf doğurur”, – bəyanatda bildirilir.

Nazirlikdən vurğulanıb ki, Ukrayna hakimiyyətinin qərarı iki ölkə arasında strateji münasibətlərə ciddi ziyan vurur və suveren dövlətin daxili işlərinə birbaşa müdaxilədir.

Yaponiya Yuri Trutnevin İturup adasına səfəri ilə bağlı Rusiyaya etiraz edib.

APA-nın Rusiya bürosu xəbər verir ki, bu barədə Yaponiyanın "Kyodo" agentliyi məlumat yayıb.

Qeyd edək ki, Rusiya Baş nazirin müavini, Prezidentin Uzaq Şərq Federal Dairəsi üzrə səlahiyyətli nümayəndəsi Yuri Trutnev Kuril adalarında yerləşən bir neçə sənaye obyektinə baş çəkib və adalarda güzəştli rejimin fəaliyyətinə dair müşavirə keçirib.

Xatırladaq ku, 1949-cu ildə İkinci dünya müharibəsindən sonra SSRİ-nin Kuril adalarını işğal etməsi və orada yaşayan Yaponiya vətəndaşlarının adadan çıxarılması Kuril adaları probleminin əsasını qoyub. İkinci dünya müharibəsinin sonunda ABŞ-nin Yaponiyanı işğalı etməsi nəticəsində Yaponiya 1951-ci ildə San-Fransisko müqaviləsinə imza atmaq məcburiyyətində qalıb və bu müqaviləyə əsasən, Yaponiya Kuril adaları üzərində olan bütün haqqlarından imtina edib. Amma keçmiş SSRİ bu müqaviləni imzalamadığına görə o, etibarsız sayılıb. Ukrayna müharibəsi başlayana qədər Rusiya ilə Yaponiya arasında sülh müqaviləsi çərçivəsində Kuril adaları məsələsi ilə bağlı danışıqlar aparılıb. Lakin Ukrayna müharibəsinə görə Tokya Rusiya qarşı sanksiyalara qoşulduğundan sülh müqaviləsi ilə bağlı danışıqlar dayandırılıb.