 |
|
|
Dekabrın 23-də Fransa Respublikasının Prezidenti Emmanuel Makron Azərbaycan Respublikasının Prezidenti İlham Əliyevə zəng edib.
AZƏRTAC xəbər verir ki, telefon danışığı əsnasında Emmanuel Makron Ermənistan və Azərbaycan arasındakı münasibətlərə, həmçinin Azərbaycanın Laçın rayonundan keçərək Xankəndi şəhərinə gedən yoldakı vəziyyətə toxunub.
Dövlətimizin başçısı Azərbaycanın Laçın rayonundan keçərək Xankəndi şəhəri istiqamətində olan yoldakı vəziyyət ilə bağlı qeyd edib ki, Azərbaycanın vətəndaş cəmiyyəti nümayəndələri Rusiya sülhməramlılarının müvəqqəti yerləşdiyi ərazilərimizdə faydalı qazıntı yataqlarının qanunsuz istismarına və bunun nəticəsində ətraf mühitə vurulmuş ciddi zərərə etiraz edirlər.
Prezident İlham Əliyev Rusiya sülhməramlılarının müvəqqəti yerləşdiyi ərazilərimizdə yaşayan sakinlərin bu yoldan mülki və humanitar məqsədlər üçün istifadəsi üçün maneənin olmadığını, başqa təsisatlara lüzum olmadan Beynəlxalq Qırmızı Xaç Komitəsinin yerli ofisinin xətti ilə tibb maşınlarının keçidlərinin təmin edildiyini vurğulayıb.
Dövlətimizin başçısı vətəndaş cəmiyyəti nümayəndələrinin əsas tələbinin faydalı qazıntı yataqlarının qanunsuz istismarının dayandırılması və ərazidə ekoloji monitorinq fəaliyyətinin aparılmasının təmin edilməsi olduğunu bildirib.
Söhbət əsnasında Prezident İlham Əliyev, həmçinin Ermənistanın Azərbaycana məxsus 8 kəndi hələ də işğal altında saxladığını qeyd edib.
Emmanuel Makron Fransanın Ermənistanla Azərbaycan arasında münasibətlərin normallaşdırılmasına, sülh müqaviləsi üzrə danışıqların davam etdirilməsinə dəstək verməyə hazır olduğunu bildirib.
Prezident İlham Əliyev regional məsələlərə münasibətdə tarazlı və qərəzsiz davranışın vacibliyinə toxunaraq, Frankofoniya və bəzi başqa beynəlxalq təşkilatlarda Azərbaycan əleyhinə olan fəaliyyətlərin təəssüf doğurduğunu diqqətə çatdırıb.
Azərbaycanın ATƏT-dəki daimi nümayəndəliyi Ermənistan nümayəndəsinin BMT TŞ-də səsləndirdiyi fikirlərə cavab olaraq Xankəndi-Laçın yolundakı vəziyətlə bağlı bəyanat yayıb.
Bəyanatda Ermənistan nümayəndəsinin BMT Təhlükəsizlik Şurasındakı çıxışında Azərbaycanın beynəlxalq səviyyədə tanınmış ərazilərinin saxtalaşdırılması və bunun beynəlxalq hüquqa zidd olduğu bildirilib.
Vurğulanıb ki, Ermənistan nümayəndəliyinin bəyanatlarındakı heç bir tarixi və hüquqi əsası olmayan coğrafi adlara istinadlar bu ölkənin Azərbaycana qarşı ərazi iddialarının davam etdiyini bir daha sübut edir.
Qeyd olunub ki, Ermənistanın Azərbaycandakı ekoloji terroruna qarşı Laçın yolundakı aksiyanın dinc xarakter daşıyır və Ermənistanın blokada ilə bağlı iddiaları əsassızdır.
Sənəddə həmçinin Ermənistanın Üçtərəfli Bəyanat üzrə öhdəliklərinin yerinə yetirilməsinə çağırış edilib. Bildirilib ki, Ermənistanın ittihamları növbəti dəfə beynəlxalq ictimaiyyəti çaşdırmaq məqsədi güdür və bütün bunlar ikitərəfli münasibətlərin normallaşması prosesini pozmağı, regionda vəziyyəti gərginləşdirməyi hədəfləyir.
Fransa prezidenti Emanuel Makronun rəsmi Moskvaya təhlükəsizlik zəmanəti verməsi ilə bağlı dedikləri ölümcül strateji səhvdir. Çünki Rusiya Federasiyası NATO və ya Ukraynanın hücumu ilə təhdid edilmir.
Bu barədə Polşa xarici işlər nazirinin müavini Pavel Yablonski açıqlamasında bildirib.
“Fransa prezidenti Emmanuel Makronun Rusiyaya təhlükəsizlik təminatının verilməsi zərurəti ilə bağlı bəyanatları ölümcül strateji səhv kimi qiymətləndirilir. Rusiya kənardan hücumla təhdid edilmir, ona əlavə təminat lazım deyil, çünki heç bir şey onu təhdid etmir”, - Yablonski bəyan edib.
O, həmçinin vurğulayıb ki, Rusiya prezidenti Vladimir Putinlə hər hansı danışıqların mənası yoxdur.
“ABŞ prezidenti Co Bayden tamamilə haqlıdır ki, Rusiya ilə söhbətin məntiqli olması üçün o, dürüst və etibarlı olmalıdır. Hazırda Rusiya etibarlı tərəf deyil, onun məqsədi müharibəni bitirmək və sülh yaratmaq deyil”, - polşalı diplomat qeyd edib.
Xatırladaq ki, bu gün Fransa lideri Emmanuel Makron növbəti dəfə müharibə başa çatdıqdan sonra Rusiyaya təhlükəsizlik zəmanətinin verilməsinin zəruriliyindən danışıb.
Bundan əlavə, Amerika Müharibənin Tədqiqi İnstitutunun (ISW) analitikləri hesab edirlər ki, Makronun bu cür ritorikası Rusiyanın informasiya əməliyyatının tərkib hissəsidir.
Mənbə: rbc.ua
Zelenski ABŞ-a səfər edib
Ağ Evdə Ukrayna Prezidenti Vladimir Zelenski ilə ABŞ Prezidenti Cozef Bayden arasında görüş baş tutub.
AYNA xəbər verir ki, bu, müharibə başlayandan bəri Ukrayna rəhbərinin ilk xarici səfəri çərçivəsində baş tutub.
Prezidentlər Rusiyanın təcavüzünə qarşı mübarizədə gələcək əməkdaşlığı müzakirə ediblər.
Türkiyədə Azərbaycan Respublikasının müdafiə naziri general-polkovnik Zakir Həsənov, Türkiyə Respublikasının milli müdafiə naziri Hulusi Akar və Gürcüstanın müdafiə naziri Cuanşer Burçuladze arasında üçtərəfli görüşün yekun Bəyannaməsi imzalanıb.
Bu barədə Missiya.Az Report-a istinadən xəbər verir.
Xatırladaq ki, dekabrın 21-də Türkiyədə Azərbaycan Respublikasının müdafiə naziri general-polkovnik Zakir Həsənov, Türkiyə Respublikasının milli müdafiə naziri Hulusi Akar və Gürcüstanın müdafiə naziri Cuanşer Burçuladze arasında üçtərəfli formatda görüş keçirilib.
Görüşdə hər üç ölkənin müdafiə nazirləri regionda cərəyan edən hərbi-siyasi vəziyyət, üçtərəfli formatda hərbi əməkdaşlığın inkişaf etdirilməsi, ikitərəfli və üçtərəfli birgə təlimlərin keçirilməsinin vacibliyi, eləcə də regional layihələrin təhlükəsizliyinin təmin olunması məsələlərini müzakirə ediblər.
Avropa Parlamentinin (AP) Qətər nümayəndələrinə qarşı təklif etdiyi tədbirlər, xüsusən də AP binalarından çıxarılma əmirliyin Aİ ilə münasibətlərinə və beynəlxalq enerji təhlükəsizliyi ilə bağlı müzakirələrə mənfi təsir göstərəcək.
“Report” “İnterfax”a istinadən xəbər verir ki, bunu Qətər diplomatı bildirib.
Onun sözlərinə görə, məhkəmə qərarı olmadan Qətərə qarşı belə bir ayrı-seçkilik tədbirinin tətbiqi, regional və qlobal təhlükəsizlik əməkdaşlığına, enerji təhlükəsizliyi ilə bağlı davam edən müzakirələrə mənfi təsir göstərəcək.
Qeyd edək ki, Avropa Parlamenti Qətərlə bağlı qanunvericilik sənədləri üzərində, xüsusən də Qətərlə viza liberallaşdırılması və Aİ-nin aviasiya sazişi ilə bağlı bütün işlərin, habelə planlaşdırılan səfərlərin vəziyyətə aydınlıq gətirilənə qədər dərhal dayandırılmasını tələb edən qətnamə qəbul edib.
Bundan əlavə, deputatlar məhkəmə araşdırmasının nəticələri məlum olana qədər Qətəri nümayəndələri üçün Avropa Parlamentinə daxil olması üçün verilən vəsiqələrin qüvvədən düşməsini xahiş ediblər.
Xatırladaq ki, Avropa Parlamentinin sədr müavini Eva Kayli və daha üç nəfər Belçikanın paytaxtı Brüsseldə cari dünya çempionatı ilə əlaqəli korrupsiya işi ilə bağlı saxlanılıb.
İranın Maku şəhərində İran və Türkiyə nümayəndə heyətlərinin görüşü baş tutub.
Bu barədə “Anadolu” agentliyi xəbər verir. Danışıqların əsas mövzusu sərhəd təhlükəsizliyi və ticarət məsələləri olub. Türkiyə nümayəndə heyətinə İğdır valisi Hüseyn Engin Sarıibrahim başçılıq edib.
O, çıxışı zamanı qeyd edib ki, Türkiyə ilə İran arasında dostluq və mehriban qonşuluq münasibətlərinin, o cümlədən mədəni, sosial və ticarət sahələrində inkişaf edəcəyini gözləyir. Danışıqların nəticəsi olaraq müvafiq protokol hazırlanıb.
“Azərbaycan, Türkiyə və Türkmənistan prezidentlərinin Birinci Üçtərəfli Zirvə Görüşünün nəticələrindən böyük məmnunluğumuzu bildirmək istərdim. Bu Zirvə görüşü üç qardaş xalqın bir araya gəlməsi, əlaqələrin möhkəmləndirilməsi və Türk Dünyasının daha parlaq gələcəyə sahib olması üçün səylərə dəstək vermək üçün çox mühüm fürsətdir”.
“Report” xəbər verir ki, bunu Türk Dövlətləri Təşkilatının (TDT) Baş katibi Kubanıçbek Ömüraliyev Azərbaycan, Türkiyə və Türkmənistan dövlət başçılarının Üçtərəfli Zirvə Görüşünün yekunlarına dair bəyanatında bildirib.
“Azərbaycan, Türkiyə və Türkmənistan liderləri arasında əldə olunan razılaşmalar və ticarət, mədəniyyət, enerji, nəqliyyat kimi sahələrdə imzalanmış müxtəlif sənədlər, şübhəsiz ki, TDT çərçivəsində hərtərəfli əməkdaşlığımızın möhkəmlənməsinə və qarşılıqlı fəaliyyətin artırılmasına öz töhfəsini verəcəkdir”.
O qeyd edib ki, Azərbaycan, Türkiyə və Türkmənistan arasında əlaqələrin genişləndirilməsi qardaş dövlətlər arasında onsuz da mövcud olan güclü həmrəyliyin möhkəmlənməsinə xidmət edəcək və bütün Türk Dünyasının birləşməsi və inteqrasiyası prosesində irəliyə doğru çox mühüm addım olacaq.
Bu gün Türkmənbaşıda Azərbaycan, Türkiyə və Türkmənistan liderləri - İlham Əliyev, Rəcəb Tayyib Ərdoğan və Sərdar Berdımühəmmədovun görüşündə üçtərəfli sənədlər paketi imzalanıb.
Dövlət başçıları üç ölkə liderinin birinci sammitinin birgə bəyanatını imzalayıblar.
Ticarət-iqtisadi əməkdaşlığa dair üçtərəfli hökumətlərarası saziş imzalanıb.
Həmçinin elm, təhsil və mədəniyyət sahələrində hökumətlərarası əməkdaşlığa dair çərçivə proqramı təsdiq edilib.
Tərəflər gömrük əməkdaşlığı sahəsində birgə məşvərət komissiyasının yaradılmasına dair hökumətlərarası anlaşma memorandumunu imzalayıblar.
Enerji sahəsində əməkdaşlığın inkişafına dair hökumətlərarası anlaşma memorandumu da imzalanıb.
Bununla yanaşı, nəqliyyat sahəsində əməkdaşlığın inkişafına dair idarələrarası memorandum imzalanıb.
Yeganə Hacıyeva
Teref.az
“Goranboy rayon Buzluq kənd tam orta məktəbi korrupsiya yuvasına çevrilib. Məktəb direktoru heç bir qanuni əsası olmadan, qanunvericilik tələbləri pozularaq 2 ildir, təqaüdə çıxmış 68 yaşında, işini yarıtmayan yaşlı adamı yenidən məktəbə müəllim götürüb”.
DİA.AZ bildirir ki, bu barədə Goranboy rayon Buzluq kənd tam orta məktəbinin riyaziyyat müəllimi Kəmalə Novruzova tərfindən Bizim.Media-ya daxil olan şikayətdə deyilir.
Müəllim iddia edir ki, məktəb direktoru Rəşad Ələkbərov iki müəllim ola-ola 68 yaşlı müəllimi işə qaytarıb onların saatlarını kəsib:
“Məktəbdə iki nəfər riyaziyyat müəllimi və 10 saat vakant dərs var idi. Noyabr ayının axırına qədər əsas dərs kimi 15 saat birimizə, 5 saat da birimizə vermişdilər. İndi həmin dərsləri bizim əlimizdən alıb və 68 yaşında bir müəllimlə (Məmmədov Oqtay) yenidən müqavilə bağlayaraq vakant dərsləri ona veriblər. Həmin müəllim iki ildir ki, məktəbdən də uzaqdır. Məktəbdə iki müəllim ola-ola niyə dərsləri vakant yer çıxarıb başqa müəllimə verməlidirlər?”
Direktor Rəşad Ələkbərov Bizim.Media-ya açıqlamasında səsləndirilən fikirlərlə razılaşmayıb və onun müəllim götürmək səlahiyyətinin olmadığını deyib:
“Müəllim 68 yox, 66 yaşındadır. Əmək Məcəlləsinə müvafiq olaraq müddətli müqavilə ilə işləyir. Barəmdə Korrupsiyaya qarşı Mübarizə Baş İdarəsində araşdırma aparılıb və onun nəticəsi əlimdədir. Müəllimlə müqavilə mərkəzləşmiş qaydada regional təhsil idarəsinin razılığı ilə prosedur qaydalarına uyğun olaraq həyata keçirilir. Şikayətçi Kəmalə Novruzova ixtisasından 8 bal toplamış müəllimdir. Siz bir avlideyn olaraq öz övladınızı ona etibar edərsinizmi?! Buna baxmayaraq müəllimə artıqlaması ilə dərs saatı verilib”.
Direktor bildirib ki, bu problem uzunmüddətdir ki, var. Şikayətçi müəllimin tələbi odur ki, o müəllimi çıxarıb dərs saatlarını onlara verək.
Gəncə-Daşkəsən Regional Təhsil İdarəsinin mətbuat xidmətindən verilən açıqlamaya görə, riyaziyyat müəllimi Kəmalə Novruzovanın şikayəti araşdırılıb:
“Bildiririk ki, Goranboy rayonu Buzluq kənd tam orta məktəbdə 2022-2023-cü tədris ilində riyaziyyat fənnindən dərs yükü müəllimlərin diaqnostik qiymətləndirmə nəticəsinə uyğun olaraq bölünüb, müəllimlər arasında dərs bölgüsü həyata keçirildikdən sonra artıq olan 10 saat riyaziyyat fənnindən dərs yükü 2022-2023-cü tədris ilində müəllimlərin işə qəbulu müsabiqəsində vakant elan edilib, lakin vakant yerə təyin edilən namizəd olmayıb. Qeyd edilən dərs yükünü tədris etmək üçün Goranboy rayonu Buzluq kənd sakini, ötən tədris illərində də həmin məktəbdə riyaziyyat müəllimi vəzifəsində çalışmış Məmmədov Oqtay Baba oğlu Gəncə-Daşkəsən Regional Təhsil İdarəsinə müraciət edib. Məktəbdə kadr çalışmazlığı və Oqtay Məmmədovun pedaqoji təcrübəsi nəzərə alınaraq Goranboy rayonu Buzluq kənd tam orta məktəbdə tədris ilinin sonunadək müddətli əsaslarla riyaziyyat fənnindən vakant olan dərs saatlarını tədris etməsinə razılıq verilib”.
Yaş həddinə çatmış müəllim ilə əmək müqaviləsinin bağlanması məsələsinə qaldıqda isə idarənin cavabı belə olub:
“Azərbaycan Respublikasının Əmək Məcəlləsinin 10-1-ci maddəsinin 10-1.1 və 10-1.2 bəndlərinə əsasən Dövlət büdcəsindən maliyyələşən müəssisələrdə çalışmanın yaş həddi 65-dir, dövlət büdcəsindən maliyyələşən müəssisənin 65 yaşına çatmış işçisinin həmin müəssisədə çalışma müddəti müvafiq dövlət orqanının rəhbəri tərəfindən hər dəfə 1 ildən çox olmayaraq uzadıla bilər. Çalışma müddətinin 5 ildən çox uzadılmasına yol verilmir.
Həmçinin bildirək ki, çalışmanın yaş həddinə çatmış şəxslə bağlanmış müddətli əmək müaviləsi bitdikdən sonra həmin şəxsin 1 (bir) il müddətinə pedaqoji fəaliyyətə fasilə verməsi, həmin şəxslə yenidən müddətli əmək müaviləsi bağlanılmasına Azərbaycan Respublikasının Əmək Məcəlləsində heç bir məhdudiyyət və qadağa qoyulmayıb”.