ABŞ dövlət katibi Entoni Blinken yaxın həftələrdə Çinə səfər edəcək.

Teleqraf.com xəbər verir ki, bu barədə Dövlət Departamentinin mətbuat xidmətinin rəhbəri Ned Prays deyib.

Blinken Çinin yeni xarici işlər naziri Tsin Qanqla görüşəcək.

Xatırladaq ki, 2021-ci ilin iyul ayına kimi Tsin Qan Çinin ABŞ-dakı səfiri olub.

20 və 21 dekabrda Fransa və Ermənistan Azərbaycanın Laçın yolundakı vəziyyət ilə bağlı BMT Təhlükəsizlik Şurasının (TŞ) iclasını çağırdılar.

Qeyd edək ki, 2022-ci ilin sentyabr hadisələrindən sonra Ermənistanın müraciəti əsasında BMT TŞ-nın gündəliyində “Ermənistanın BMT yanında Daimi nümayəndəsinin məktubu” adlı bənd daxil edilib. Sözügedən müraciət əsasında TŞ-nın gündəliyinə bəndin daxil edilməsi Fransanın dəstəyi olmadan baş verə bilməzdi.

Fransa-Ermənistan cütlüyü hələ 2022-ci ilin sentyabrında baş vermiş hadisələrlə bağlı BMT TŞ-da sənəd qəbul etmək istəyirdi. O zaman bu baş vermədi.

Xatırlatmaq istərdik ki, 44 günlük müharibə vaxtı da belə cəhdlər olmuşdu.

Bunun özü ayrıca bir haqsızlıqdır ki, BMT TŞ-nın 4 qətnaməsi ola-ola 25 il BMT TŞ-nın Ermənistanın Azərbaycana təcavüzünə qarşı bir dəfə də olsun görüşü keçirilməmişdi. Bunu qoymayanlardan biri də məhz riyakar Fransa idi.

20-21 dekabr müzakirələrindən dərhal sonra Fransa BMT TŞ-nın daimi üzvü və hazırda TŞ-nın sədri kimi (daimi və qeyri-daimi üzvlərin hərəsi bir ay sədr olur) Laçın-Xankəndi yolundakı vəziyyəti humanitar fəlakət kimi təqdim edən riyakar və tam ermənipərəst mətn hazırlanmışdı. 10 gündür ki mətn üzərində sözün əsl mənasında qırğın gedir.

Prosesləri bilavasitə Fransa Prezident Administrasiyası və Makronun xarici siyasət məsələləri üzrə müşavirləri aparırdı.

Təsadüfi deyil ki, Prezident İlham Əliyev Qərbi Azərbaycan İcmasının üzvləri ilə görüşdə bir sıra beynəlxalq təsisatlarda Azərbaycana qarşı mərklli işlərin aparıldığına eyham etmişdi.

23 dekabrda Prezident İlham Əliyev Makron ilə telefon danışığında demişdi:

Emmanuel Makron Fransanın Ermənistanla Azərbaycan arasında münasibətlərin normallaşdırılmasına, sülh müqaviləsi üzrə danışıqların davam etdirilməsinə dəstək verməyə hazır olduğunu bildirib.

Prezident İlham Əliyev regional məsələlərə münasibətdə tarazlı və qərəzsiz davranışın vacibliyinə toxunaraq, Frankofoniya və bəzi başqa beynəlxalq təşkilatlarda Azərbaycan əleyhinə olan fəaliyyətlərin təəssüf doğurduğunu diqqətə çatdırıb.

Fransa düşünürdü ki, bu bəyanatı qəbul etdirəcək və bundan sonra növbəti addım kimi bunu qətnaməyə çevirəcək. Bu günlərdə Ermənistanın “dahi” diplomatı və çekisti Armen Qriqoryan da TŞ-da qətnamə qəbul edilməsinin Ermənistanın məqsədlərindən biri kimi müəyyən etmişdi.

Fransız və erməni cütlüyünün bu addımları Rusiyaya qarşı xəyanət, ABŞ-ın dəstəyi ilə sülh müqaviləsi üzrə aparılan danışıqlara hörmətsizlik və bütövlükdə beynəlxalq ictimaiyyətə hörmətsizlik idi.

Amma sözün əsl mənasında Fransa üçün bu proses ciddi rüsvayçılıq oldu. BMT TŞ-nın daimi üzvü və hazırda TŞ-nın sədri Fransa 10 gündür ki, bir bəayanatı qəbul etdirə bilmədi. Bəyanat fransızların ilkin təqdim etdiyi layihədən fərqli olaraq əsaslı dərəcədə dəyişdirilmişdir. Ermənipərəst tərzdə təşkil olunmuş bəyanatda Dağlıq Qarabağ ifadəsi çıxarılmış, humanitar yardım olarsa bu yalnız Azərbyacanın ərazi bütövlüyü və suverenliyinə hörmət əsasında ola bilər və Azərbyacanın ərazi bütövlüyünə dəstək kimi ifadələr daxil edilmişdir. Amma Azərbaycan tərəfi də bütün imkanlarından istifadə edərək Fransanı onun öz meydanında rüsvayçılıqla üzbəüz qoydu.

Fransanın hazırladığı 6-cı və ya 7-ci mətn dünən BMT TŞ qaydalarına uyğun olaraq sükut proseduruna yenidən qoyulmuşdu. Bu o deməkdir ki, sənəd hazırlanır və konkret saata qədər vaxt müəyyən edilir. İrad və ya təklif yoxdursa qəbul edilmiş hesab olunur. Bu sənəddə darmadağın edildi. Fransa Prezident Administrasiyasının xarici siyasət və diplomatik şöbəsi isterika halındadır. Hətta Fransanın BMT yanında Daimi nümayəndəsi və onun müavininin geri çağırılmaq məsələsi var. Argentinadan fərqli olaraq Azərbaycan Fransanı neytral meydanda deyil öz meydanında məğlub etdi.

Beynəlxalq ictimaiyyət, BMT TŞ-nın daimi və qeyri-daimi üzvləri də Fransaının necə ədalətsiz, qərəzli və riyakar olduğunu görürdülər və bunu açıq etiraf edirdilər.

Hətta Fransa və Ermənistan cütlüyünün sənədi qəbul olunsaydı belə, əvvəli təsir gücünü itirmişdi. Bu bəyanatın qəbul olunmasının əslində heç isti-soyuğu belə yoxdur.

Amma prinsiplər prinsiplərdir. Amma bu kimi vasitələrlə geosiyasi oyunlar naminə Qafqaza soxulmağa çalışan Fransa başa düşmür ki, hər bir belə addımı ilə Fransa regiondan daha təcrid olur.

Azərbaycanın gücünün və Fransanın öz meydanında onu məğlub etməsinin sirri: Prezident İlham Əliyev və onun şəxsi nüfuzu və onun sayəsində Azərbaycanın dünyadakı dostları!

Azərbaycanın haqlı mövqeyini və haqqı və ədalətli dəstəkləyən BMT TŞ-nın bütün daimi və qeyri-daimi üzvlərinə təşəkkürlər. Diplomatiya sükutu sevir! Ona görə onların adını çəkmirik!.

Cebhe.info

Finlandiyanın müdafiə naziri Antti Kaykkönen ölkəsinin gələn ilin yayına kimi NATO-ya üzv olacağını düşünür.

Modern.az xəbər verir ki, bu barədə "Kommersant" nəşri yazıb.

Kaykkönenin fikrincə, Finlandiyanın NATO-ya üzv olması alyansın 2023-cü il iyulun 11-12-də keçiriləcək Vilnüs sammitindən əvvəl baş verə bilər.

Nazir Finlandiyanın NATO-ya üzvlük meyarlarına cavab verdiyini, Finlandiya, İsveç və Türkiyənin Madrid sammitində imzaladığı anlaşma memorandumuna sadiq olduğunu vurğulayıb.

“Düşünürəm ki, Vilnüs sammiti zamanı Finlandiyanın NATO-ya üzv olacağına inanmaq üçün kifayət qədər əsaslar var”, - o qeyd edib.

“Çin hesab edir ki, Yaponiya siyasi razılaşmalara əməl etməli və buna görə də Tayvan adası ilə rəsmi əlaqələri dayandırmalıdır”.

Bu tələblə Çin Xarici İşlər Nazirliyinin rəsmi nümayəndəsi Van Venbin çıxış edib.

Eyni zamanda diplomat Yaponiya ilə Tayvan arasında münasibətlərin hansı sənədlərə əsasən bitməli olduğu ilə bağlı dəqiq açıqlama verməyib.

Bundan başqa, Yaponiya parlamenti üzvlərinin dekabrın 26-da başlayan səfəri Pekini qəzəbləndirib. Van Venbin Yaponiyanı “vahid Çin” prinsipinə əməl etməyə və adada “separatçı qüvvələrə yalan siqnallar göndərməməyə” çağırıb.

Tayvan 1949-cu ildən bəri öz administrasiyası tərəfindən idarə olunur. ÇXR hakimiyyəti isə adanın müstəqilliyini tanımır.

Mənbə: TASS

“İsveç və Finlandiya 2023-cü ildə NATO-ya qoşulacaq”. “Report” “RBC-Ukraina”ya istinadən xəbər verir ki, bunu NATO-nun Baş katibi Yens Stoltenberq deyib.

“Əminəm ki, İsveç və Finlandiyanın NATO-ya qoşulmaq üçün müraciətlərinin ratifikasiyası vaxtında başa çatacaq”, - Stoltenberq bildirib.

Bununla belə, Stoltenberq prosedurun tamamlanması üçün konkret müddət göstərməyib.

“Gün gələcək, Qərbi Azərbaycandan olan soydaşlarımız öz yerlərinə qayıdacaqlar”

“Gün gələcək, Qərbi Azərbaycandan olan soydaşlarımız öz yerlərinə qayıdacaqlar”. AYNA xəbər verir ki, Prezident İlham Əliyevin dediyi bu sözün Ermənistanda hansı ajiotajı yaradacağı, İrəvandakı isteriya Azərbaycan Televiziyasının (AzTV) Rövşən Məmmədovun təqdimatında efirə gedən “HƏFTƏ” verilişində təhlil edilib. Təhlildə bildirilir ki, Azərbaycan liderinin mesajları ilə bağlı üzümüzə gələn həftə erməni ekspertləri, yaxud Ermənistanın Avropadakı bacı və qardaşları hay - kül salacaqlar ki, bəs Azərbaycan Ermənistan torpaqlarına iddialıdır.

“HƏFTƏ”nin materialında gələn həftəni gözləmədən hayların cavabı indi verilir və bildirilir ki, söhbət müharibə aparmaqdan getmir. Söhbət Azərbaycan xalqının tarixin müxtəlif mərhələlərində zorla qovulduğu, deportasiya edildiyi ərazilərə, dədə - baba yurduna dönüşündən gedir. Söhbət tarixi ədalətin bərpasından gedir.

“Nə deyir tarix? Prezident İlham Əliyev bu suala konkret faktlarla, mərhələli şəkildə, bir - bir aydınlıq gətirdi. Bir sözlə, XX əsrin əvvəlindən etibarın azərbaycanlılara qarşı yürüdülən işğal, soyqırımı siyasətinin real mənzərəsini yaratdı”, - deyə təhlildə vurğulanır.

Ermənistan Xarici İşlər Nazirliyinin (XİN) Azərbaycan Respublikası Prezidentinin Qərbi Azərbaycan İcması ilə görüşü zamanı səsləndirdiyi fikirləri təhrif edən 24 dekabr 2022-ci il tarixli əsassız bəyanatını qətiyyətlə rədd edirik.

Bu barədə Azərbaycan Xarici İşlər Nazirliyindən Tereef.az-a verilən məlumatda bildirilir.

Ermənistan XİN-in Azərbaycanın bölgədə sülh və sabitlikdə maraqlı olmadığını, beynəlxalq hüququ pozduğunu iddia etməsi riyakarlıqdan başqa bir şey deyil. Ermənistan tərəfinə xatırlatmaq istərdik ki, Azərbaycan ərazilərinin 30 il ərzində Ermənistan tərəfindən işğal edilməsinə, yüz minlərlə əhalinin ərazilərimizdən qovulmasına və kütləvi qırğınlar törədilməsinə baxmayaraq, Azərbaycan tərəfi 25 il ərzində Ermənistanla münaqişənin danışıqlar və dinc yolla həll edilməsi istiqamətində danışıqlar prosesinə sadiq qalıb. 44 günlük Vətən müharibəsində tam qalibiyyətə və ərazilərin işğaldan azad olunmasına baxmayaraq, Ermənistanla sülh müqaviləsinin imzalanması təklifini də məhz Azərbaycan tərəfi irəli sürüb.

Azərbaycanın Praqa və Soçi razılaşmalarını pozması, sülh prosesinə maneçilik törətməsi fikri də eynilə əsassızdır. Qeyd edək ki, Praqa və Soçi razılaşmalarında bütün problemli məsələləri suverenlik, ərazi bütövlüyü və sərhədlərin toxunulmazlığının qarşılıqlı tanınması əsasında müzakirə və həll etmək barədə razılığa baxmayaraq, məhz Ermənistan tərəfi Azərbaycana qarşı ərazi iddialarından əl çəkməməklə yanaşı, Laçın yolu ətrafında yaranmış vəziyyətdən göründüyü kimi Azərbaycanın suverenliyinə qarşı müdaxilələrini davam etdirir. Bununla yanaşı, məhz Ermənistan tərəfinin dekabr ayında Brüsseldə liderlər arasında görüşə maneçilik törədən şərtlər irəli sürməsi, o cümlədən xarici işlər nazirlərinin 23 dekabr tarixli Moskva görüşünə getməkdən imtina etməsi sülh prosesinə hansı tərəfin maneçilik törətdiyini açıq-aşkar nümayiş etdirir.

Azərbaycan tərəfinin Ermənistanla delimitasiya olunmamış sərhəd istiqamətində daha əlverişli mövqelərə sahiblənməsinin guya Azərbaycanın Ermənistanın hər hansı bir ərazisini işğal etməsi kimi qiymətləndirilməsi təəccüb doğurur. Belə ki, Ermənistanın 30 il ərzində Azərbaycan ərazilərini işğal etməsi faktı, hələ də Azərbaycanın beynəlxalq səviyyədə tanınmış 8 kəndini işğal altında saxlaması və bir çox istiqamətlərdə hərbi mövqelərini məhz Azərbaycanın suveren əraziləri daxilində yerləşdirməsi nəzərə alınaraq, qeyd edilən ərazidə hər hansı bir mövqenin əvvəl məhz Ermənistana məxsus olması iddiasının heç bir əsasının olmadığını bir daha göstərir.

Bütün tarixi əsərlərdə, xəritələrdə və qəbul edilmiş sənədlərdə qeyd edildiyi kimi indiki Ermənistanda bir sıra ərazilərin Azərbaycanın tarixi torpaqları olması barədə fikirlərin Ermənistana qarşı ərazi iddiaları kimi qiymətləndirilməsi, habelə Azərbaycanın etnik təmizləmədə təqsirləndirilməsi riyakarlıqdır və Ermənistanın tarixi faktlardan xəbərsiz olduğunu sübut edir.
Ermənilərin son iki yüz il ərzində kütləvi şəkildə Cənubi Qafqaza köçürülməsi ilə azərbaycanlıların öz tarixi torpaqlarında sıxışdırılması tarixi faktdır. Mərhələ-mərhələ gerçəkləşdirilən bu plan nəticəsində azərbaycanlılar indi Ermənistan adlandırılan ərazidən – min illər boyu yaşadıqları öz doğma tarixi torpaqlarından qovularaq kütləvi qətl və qırğınlara məruz qalıb, xalqımıza məxsus minlərlə tarixi-mədəni abidə və yaşayış məskənləri məhv edilib, 2000-dən çox toponimlərin adları dəyişdirilib. Yalnız 1948-1953-cü illər ərzində 150 minə yaxın azərbaycanlı indiki Ermənistan ərazisində öz tarixi torpaqlarından kütləvi surətdə və zorakılıqla deportasiya olunub. Bununla yanaşı, 1988-1991-ci illərdə azərbaycanlıların tarixi-etnik torpaqlarından növbəti deportasiyası baş verib, nəticədə 200 mindən çox azərbaycanlı Ermənistandan qaçqın düşüb. Bütün bunlardan əlavə, Azərbaycanın beynəlxalq tanınmış ərazilərinin 30 ilə yaxın işğalı dövründə Ermənistan tərəfi 700 mindən artıq Azərbaycanlıya qarşı etnik təmizləmə siyasəti həyata keçirib, yalnız Xocalıda bir gecə ərzində 613 nəfəri kütləvi şəkildə amansızlıqla qətlə yetirib.

Laçın yolunun fəaliyyətinin bərpa olunması barədə çağırışlara gəldikdə, görünür ki, Ermənistan tərəfi qeyri-qanuni iqtisadi fəaliyyətə qarşı Laçın yolunda həyata keçirilən etirazların onun bu istiqamətdə fəaliyyətinə, etirazların Üçtərəfli Bəyanatın 4-cü bəndinə zidd olaraq Azərbaycan ərazisindən hələ də çıxarmayan erməni silahlı qüvvələrinin təchizatına, 6-cı bəndə zidd olaraq Laçın yolundan minaların daşınması kimi hərbi təxribatlarına maneçilik törətməsindən narahatdır.

Qeyd edək ki, Laçın yolunda etirazların humanitar böhran təhdidi yaratdığı və guya ermənilərin blokadada olduqları barədə iddiaların heç bir əsası yoxdur. Vətəndaşların, nəqliyyat vasitələrinin və yüklərin yol boyu hərəkət rejimi dəyişməz olaraq qalır. Videogörüntülər təcili yardım maşınları və humanitar yardım karvanları da daxil olmaqla müxtəlif növ nəqliyyat vasitələrinin maneəsiz keçidini əks etdirir. Bununla yanaşı, yerli sakinlərin istifadəsi üçün malların tədarükü və ya zəruri tibbi xidmətlərin göstərilməsi ilə bağlı heç bir maneə yoxdur. Azərbaycan hökuməti, həmçinin erməni sakinlərinin üzləşə biləcəyi bütün humanitar ehtiyacları operativ şəkildə həll etməyə hazır olduğunu bəyan edib.

Bir daha bəyan edirik ki, Azərbaycanın bölgədə sülh və təhlükəsizliyin bərqərar edilməsi niyyəti və sülh quruculuğu təşəbbüsləri qarşılığında Ermənistanın öz öhdəliklərinə zidd olaraq destruktiv fəaliyyəti davam etdirməsi, Azərbaycanın suverenliyinə və ərazi bütövlüyünə qarşı bəyanat və addımları bölgədə sülhün bərpasına xidmət etmir. Azərbaycan beynəlxalq hüququn ona verdiyi əsasla müvafiq sülh quruculuğu tədbirlərini davam etdirəcək.