Dünya Çempionatı zamanı ukraynalı qadın qılıncoynadan rusiyalı həmkarının əlini sıxmaqdan imtina edib və onu qılıncla hədələyib.

Döyüşdə qalib gələn və yarışın 1/16 finalına yüksələn ukraynalı idmançı Olqa Xarlan rusiyalı Anna Smirnovanın əlini sıxmayıb. Xarlan qılıncını önə doğru uzadıb və ona tərəf gələn Smirnovanı dayandırıb, sonra isə döyüş meydançasını tərk edib.

Qaydalara görə, döyüşdən sonra idmançılar bir-birini salamlamalı və əl sıxmalıdırlar. Buna əməl edilmədikdə oyun başa çatmış hesab olunmur.

Beynəlxalq Qılıncoynatma Federasiyası bu səbəbdən ukraynalı oyunçunu yarışdan kənarlaşdırıb.




Mənbə: “Lenta dnya” “Telegram”

UEFA Çempionlar Liqasında II təsnifat mərhələsinin ilk matçlarına yekun vurulub.

"Report"un məlumatına görə, son oyun günündə 5 qarşılaşma baş tutub.

Azərbaycan təmsilçisi "Qarabağ" Polşada "Rakuv"a minimal fərqlə uduzub - 2:3.

Bu cütün qalibinin III raunddakı potensial rəqibləri olan Kipr "Aris"i ilə Belarus BATE-si arasında keçirilən matçda isə qapılara 8 top vurulub.

UEFA Çempionlar Liqası

II təsnifat mərhələsi, ilk oyunlar

26 iyul

21:00. "Şerif" (Moldova) - "Makkabi" (Hayfa, İsrail) - 1:0
Ətraflı
Ad - 00:23

Qol: Amin Talal, 28

21:00. "Aris" (Kipr) - BATE (Belarus) - 6:2

Qollar: Yannik Qomis, 17 (penalti); 60. Leo Benqtsson, 32. Sidi Bane, 40 (avtoqol). Ceyden Montnor, 83. Mariuş Stepinski, 90+1 (penalti) - Artyom Kontsevoy, 48. Ruslan Xadarkeviç, 65

22:15. "Rakuv" (Polşa) - "Qarabağ" (Azərbaycan) - 3:2

Qollar: Elvin Cəfərquliyev, 55 (avtoqol). Fabian Pyasetski, 71. Sonni Kittel, 90+1 - Redon Cica, 73; 75

22:45. "Luduqorets" (Bolqarıstan) - "Olimpiya" (Sloveniya) - 1:1

Qollar: Dominik Yankov, 44 - Timmi Elşnik, 14

22:45. "Klaksvik" (Farer adaları) - "Haken" (İsveç) - 0:0

Qeyd edək ki, II təsnifat mərhələsinin cavab oyunları 1-2 avqustda keçiriləcək.

"Açığı, oyunu tam izləmədim. Həmin saatlarda məşqimiz var idi. Ümumi təəssüratlar pis deyil".

Bunu "Qarabağ"ın baş məşqçisi Qurban Qurbanov oğlu Musa Qurbanlının İsveçin "Yurqorden" komandasındakı debüt oyunu ilə bağlı danışarkən deyib.

51 yaşlı mütəxəssis bildirib ki, indidən bu barədə ətraflı fikir bildirmək tezdir: "Bu komandaya gedənədək xeyli müzakirəmiz oldu. Təkcə Musanın oyunu ilə deyil, oradakı gedişatla, klubun iş prinsipləri ilə maraqlanıram. Məncə, faydalı olmalıdır. Amma yenə də zaman lazımdır. Qarşıdakı oyunlardan, təqribən 1-2 aydan sonra dəqiq fiir bildirmək olar".

Qeyd edək ki, Musa Qurbanlı "Yurqorden"lə 3 illik müqavilə imzalayıb. 21 yaşlı forvardın debüt oyunu "Elfsborq"la çempionat matçına (0:4) təsadüf edib.

Andorrada 16 yaşlı qızlar arasında keçirilən basketbol üzrə Avropa çempionatının qalibi olan Azərbaycan millisi evə qayıdarkən təyyarədə xoş sürprizlə üzləşib.

Belə ki, təyyarənin türkiyəli kapitanı sərnişinləri göyərtədə salamlayarkən qızlarımızı bu nailiyyət münasibətilə təbrik edib.

Pilot millimizin qələbəsinin onun üçün qürur mənbəyi olduğunu qeyd edib.
Xatırladaq ki, Avropa çempionatı C Divizionunun finalında ev sahibi Andorra seçməsini 45:57 hesabı ilə məğlub edən qızlarımız turnir ərzində heç bir oyunda məğlub olmayıblar və qitə çempionu adını qazanmaqla Azərbaycan qadın basketbolu tarixində bir ilkə imza atıblar.

“Əl Hilal” Mbappeyə mövsümdə 700 milyon avro və 2024-cü ildə Real Madridə pulsuz keçid təklif edir
“Əl Hilal” klubda bir mövsüm keçirdikdən sonra Kilian Mbappeni “Real Madrid”ə buraxmağa hazırdır. Daha əvvəl Səudiyyə klubunun Mbappe üçün PSJ-yə rekord məbləğdə 300 milyon avro təklif etdiyi bildirilirdi.
Qaynarinfo xəbər verir ki, CBS-nin jurnalisti Ceyms Benjinin məlumatına görə, “Əl-Hilal” Mbappeyə bir mövsüm üçün 700 milyon avro təklif etməyə hazırdır.
Bundan əlavə, hücumçu 2024-cü ilin yayında “Real Madrid”ə keçmək istəsə, klub sahibləri onu pulsuz buraxmağa hazır olacaqlar.
Eyni zamanda, Mbappe Səudiyyə Ərəbistanında daha uzun müddətə qalmaq istəsə, “Əl-Hilal” buna getməyə hazırdır.
Xatırladaq ki, PSJ müqaviləni yeniləməkdən imtina etdiyinə və 2024-cü ildə azad agent kimi klubdan ayrılmaq niyyətinə görə Mbappeni Yaponiya turnesinə götürməyib. Parislilər bu yay Mbappeni satmaq təkliflərini müzakirə etməyə hazırdırlar.

Kosovanın paytaxtı Priştina şəhərində 16 yaşlı oğlanlar arasında keçirilən basketbol üzrə Avropa çempionatı C divizionunun B qrupunda qərarlaşmış U-16 millimiz qrupdakı üçüncü oyununda Albaniya yığması ilə üz-üzə gəlib.

Gununsesi.info xəbər verir ki, qarşılaşmaya üstün başlayan U-16 yığmamız rəqibinə 87-67 hesabı ilə qalib gələrək qrupda ardıcıl ikinci qələbəsini qazanıb.

Millimizin qrupdakı sonuncu oyunu iddiasız San-Marino seçməsinə qarşı olacaq.

Oyun iyulun 24-də Bakı vaxtı ilə saat 19:30-da baş tutacaq.

“Rizəspor” “Qarabağ”ın futbolçusu Kevin Medina ilə danışıqları davam etdirir.

Bu barədə klubun mətbuat xidmətinin rəhbəri Həsən Yavuz Bakir bildirib.

O, qonağı olduğu radio proqramlarından birində “Kevin Medina ilə anlaşdınızmı” sualına cavab olaraq deyib:

“Kevin Medina çox dəyərli oyunçudur. Ona marağımız var. Həm futbolçunun özü, həm də “Qarabağ”la danışıqlarımız olub”.

Hasan Yavuz Bakır “Ajansspor”a açıqlamasında isə bunları söyləyib:

“Medina ilə razılıq əldə olunubmu? O, çox dəyərli futbolçudur. “Qarabağ” Çempionlar Liqasında “Linkoln”la oyuna çıxşdı.

Məsələ bundan sonra dəqiqləşəcək. Medina bizim üçün maraqlıdır. Ona görə klubu ilə danışıq aparmışıq. Özüylə də görüşümüz olub”.

Ötən mövsüm TFF I Liqada mübarizə aparan klub yeni sezondan Super Liqada qüvvəsini sınayacaq. Qara dəniz təmsilçisi kolumbiyalı legionerə 2 illik müqavilə təklif edib.

30 yaşlı müdafiəçi bu müddətdə 1 milyon dollar qazanacaq. Cənubi kolumbiyalı bu pulun marağındadır və Türkiyəyə yollanacağı günü iplə çəkir.

Onun Cəbbəllütariq klubu ilə cavab qarşılaşmasında forma geyinməməsi sırf bununla əlaqədardır. Qurban Qurbanov ruhən «Qarabağ»ı tərk etmiş legionerə meydan verməyə lüzum görmədi.

Bəs bu ayrılıq bir qədər uzanır? Azərbaycan çempionu hələ onun mövqeyinə alternativ tapıb.

Daha doğrusu, tapıb, sadəcə, danışıqlar aparılan əcnəbilərin heç biriylə tam razılığa gəlmək mümkün olmayıb. «Köhlən atlılar» yaranmış vəziyyətlə bağlı Rizə təmsilçisini bilgiləndirib.

Qarşı tərəfin nəzərinə çatdırılıb ki, axtarışlar bitənədək onları gözləsinlər. Bu isə 1 gün də çəkə bilər, 1 həftə də.

Hətta Medianın Türkiyəyə yollanması 1 ay vaxt da uda bilər. Necə deyərlər ki, hər şey bu mövqeyə nəzərdə tutulan legionerin nə zaman alınmasından asılıdır.(sportinfo.az)

Argentina's Lionel Messi (L) trains with Inter Miami CF teammates at the Florida Blue Training Center next to DRV PNK Stadium in Fort Lauderdale, Florida, on July 18, 2023. (Photo by Eva Marie UZCATEGUI / AFP) (Photo by EVA MARIE UZCATEGUI/AFP via Getty Images)
Lionel Messi “İnter Mayami”nin kapitanı seçilib.

Fanat.az xəbər verir ki, məlumatı “TyC Sports” yayıb.

Mənbə həmçinin bildirib ki, komanda ilə ilk məşqdən sonra Messi və Serxio Buskets gənc futbolçulara məsləhət vermək üçün meydanda qalıblar.

Argentinalı futbolçunun MLS klubu ilə müqaviləsi 2025-ci ilə qədər qüvvədə olacaq və o, 10 nömrəli futbolkada çıxış edəcək. Messinin yeni komandasında iyulun 21-də “Kruz Azulem”lə oyunda debüt edəcəyi gözlənilir.