 |
|
|
36 yaşlı Lionel Messi Argentina millisindəki karyerasını nə vaxt başa vuracaqğını açıqlayıb.
“Əminəm ki, bu, tezliklə baş verəcək. Yaşımı nəzərə alsaq, bu, məntiqlidir. Amma doğru məqamın nə vaxt gələcəyini dəqiq bilmirəm. Mən hər günü zövqlə yaşayıram, məni əhatə edən gözəllikdən həzz alıram”, - deyə hücumçu bildirib.
O qeyd edib ki, hazırda milli ilə birlikdə istədiyi hər şeyə nail olub.
Cebhe.info
“Qarabağ”ın UEFA Çempionlar Liqasının II təsnifat mərhələsindəki potensial rəqibləri I raundda ilk oyunlarını keçiriblər.
“Report”un məlumatına görə, Polşada “Rakuv” və Estoniya “Flora”sı arasında baş tutan matçda meydan sahibləri 1:0 hesablı qələbə qazanıblar. Yeganə qolu 54-cü dəqiqədə Vladislav Koçergin vurub.
Polşa və Estoniya çempionlarının cavab görüşü iyulun 18-də Tallində gerçəkləşəcək.
Qeyd edək ki, “Qarabağ” I təsnifat mərhələsinin ilk matçında Cəbəllütariqdə “Linkoln”a 2:1 hesabı ilə məğlub edib.
Azərbaycan Dövlət Neft Şirkəti (SOCAR) Türkiyənin "Qalatasaray" komandasının sponsoru olub.
Klubun rəsmi saytı xəbər verir ki, tərəflər arasında 3 illik müqavilə imzalanıb. Əməkdaşlıq 2023/2024 mövsümündən etibarən başlayacaq.
Anlaşmaya əsasən, İstanbul təmsilçisinin avrokuboklarda istifadə edəcəyi formaların sinə hissəsində SOCAR-ın adı yazılacaq.
Madrid "Real"ı PSJ-nin hücumçusu Kilian Mbappenin transferi ilə bağlı danışıqları dayandırıb.
Offsideplus.az "Marca"ya istinadla xəbər verir ki, "kral klubu" fransız ulduz üçün 400 milyon avro xərcləmək niyyətində deyil.
Eyni zamanda məlumatda bildirilir ki, klubun lider oyunçuları da Mbappenin "Real"a transfer olunmasının futbolçular arasında problemlərə səbəb olacağını düşünürlər.
Qeyd edək ki, Mbappenin Paris təmsilçisi ilə 2024-cü ilə qədər müqaviləsi var.
İspaniya millisinin sabiq yarımmüdafiəçisi Luis Suares Miramontes 89 yaşında vəfat edib.
Keçmiş futbolçunun ölüm xəbərini La Liqanın rəsmi “Twitter” hesabı yayıb.
Suares karyerası ərzində “Deportivo”, “Barselona”, “İnter” və “Sampdoriya”da çıxış edib. 1960-cı ildə o, “Qızıl top”u qazanıb.
Futbolçu kimi karyerasını bitirdikdən sonra Suares “İnter”, “Kalyari”, SPAL, “Komo”, “Deportivo”, “Albasete” və İspaniya millisini çalışdırıb.
Niderland millisinin və "Ayaks"ın Əfsanəvi qapıçısı Edvin van der Sar Xorvatiyada istirahətdə olarkən beyin qanaması keçirib.
Bakupost.az xarici KİV-ə istinadən xəbər verir ki, keçmiş qapıçısı helikopterlə xəstəxanaya aparılıb, hazırda reanimasiyadadır.
Qeyd edək ki, 52 yaşlı qolkiper karyerası boyu “Ayaks”, “Yuventus”, “Fulhem” və “Mançester Yunayted”də çıxış edib. 2016-cı ilin noyabrından 2023-cü ilin may ayına qədər o, “Ayaks”ın baş direktoru vəzifəsində çalışıb.
“Fənərbaxça” klubunun gənc ulduzu Arda Gülərin Madrid “Real”ına keçidi rəsmi olaraq təsdiqlənib.
Xatırladaq ki, 18 yaşlı yarımmüdafiəçini transfer etmək uğrunda İspaniyanın digər nəhəngi “Barselona” da mübarizə aparırdı.
İstedadlı türkiyəli futbolçunun transferinə onun atası tərəfindən maraqlı reaksiya gəlib.
Futbolçunun atası Ümit Gülər “WhatsApp” statusunda “Barselona”ya yönəlik atmacalı status paylaşıb.
O, Türkiyənin məşhur “Çocuklar duymasın” serialının qəhrəmanının dilindən “Barselona”ya üstüörtülü mesaj göndərib.
Arda Gülərin ardınca “Fənərbağça” daha bir aparıcı futbolçusunu itirə bilər.
Söhbət İstanbul klubunun 25 yaşlı qapıçısı Altay Bayındırdan gedir.
Türkiyə mətbuatı yazır ki, Türkiyə millisinin də formasını geyinən qapıçı yaxın vaxtlarda İspaniya La Liqasında və ya İngiltərə Premyer Liqasında çıxış edə bilər.
Hələlik gənc qapıçının hansı klubların maraq dairəsində olduğu deyilməsə də, İspaniya və İngiltərədən gələn skautların “Fənarbağça” klubunun rəhbərliyi ilə intensiv danışıqlar apardığı dəqiqdir.
Məlumat üçün əlavə edək ki, bu günə qədər yalnız İngiltərənin “Mançester Yunayted” klubu Altay Bayındırla maraqlandığını rəsmi formada elan edib.
Mənbə: Haber Global
Bir neçə saat öncə Neftçi"yə yeni baş məşqçi təyin olunub".
"Report" xəbər verir ki, bunu rumıniyalı tanınmış mütəxəssis Marius Şumudike "Digi Sport"a açıqlamasında deyib.
52 yaşlı çalışdırıcının sözlərinə görə, Bakı klubunun rəhbərliyi 45-dən çox məşqçi arasından seçimini edib: "Məlumat alanda yolda idim. Adını bilmirəm. Amma anlaşdıqlarından xəbərim var. Yekun siyahıda Adrian Muta da daxil olmaqla, üç məşqçinin adı var idi".
Qeyd edək ki, "Neftçi"yə son olaraq Laurentsiu Regekampf başçılıq edib. Ötən mövsümün sonunda rumıniyalı mütəxəssislə yollar ayırılıb.