Futbol üzrə Türkiyə millisinin və “Fənərbaxça” klubunun qapıçısı Altay Bayındır karyerasını İngiltərənin “Mançester Yunayted” klubunda davam etdirəcək.

Qeyd olunur ki, 25 yaşlı “əlcək sahibi” Yunanıstanda tibbi yoxlanışdan keçəndən sonra İngiltərəyə yola düşəcək.

Türkiyə mətbuatı yazır ki, “Qırmızı şeytan” Altay Bayındırı həyətinə qatmaq üçün 7 milyon avro xərcləyiblər.

Məlumat üçün əlavə edək ki, “Fənərbaxça” Altay Bayındırı 2019-cu ilin yayında “Ankaragücü”dən transfer etmişdi.

Sumqayıtda 7 yaşlı uşağın məşq zamanı müəllimi tərəfindən öldürülməsinin səs-küyü yatmamış daha bir dəhşətli hadisə baş verib. Bu dəfə Sumqayıt şəhər 1 saylı Uşaq-Gənclər İdman Məktəbinin rəhbərliyi və müəllimi kriminal əməlləri ilə gündəmə gəliblər.

TEREF.AZ xəbər verir ki, Bakupost.az-ın əldə etdiyi məlumata görə, məktəbin cüdo bölməsinin müəllimi Əliyev Ceyhun Xasay oğlunun yanına məşqə gələn uşaqlara qarşı zor tətbiq etdiyi, qeyri-etik davrandığı aydın olub.

Məlumatlı mənbənin bildirdiyinə görə, valideynlərin şikayətindən sonra Sumqayıt şəhər 1 saylı Uşaq-Gənclər İdman Məktəbinin müəllimi Ceyhun Əliyev həbs edilib.

Məsələ ilə bağlı Sumqayıt şəhər 1 saylı Uşaq-Gənclər İdman Məktəbinini direktoru Fuad Aslanovla əlaqə saxladıq. F.Aslanov yaxın qohumunu xəstəxanaya gətirdiyi üçün danışmaq imkanı olmadığını, xəstəxanadan çıxdıqdan sonra bizimlə əlaqə saxlayacağını qeyd etdi.

Azərbaycan Cüdo Federasiyasının mətbuat katibi Ülkər Abbasova isə Bakupost.az–a bildirdi ki, hadisə ilə bağlı araşdırma aparılır:

“Ceyhun Əliyevin saxlanılması ilə bağlı məlumatımız var. Araşdırma aparılır. Amma rəsmi olaraq, hamı kimi cavab gözləyirik. Həbs olunma səbəbi ilə bağlı hansısa məlumatım yoxdur”.

Hadisənin detalları barədə əlavə məlumat verəcəyik…

Qeyd edək ki, 7 yaşlı uşağın ölümü ilə nəticələnən hadisənin baş verdiyi Hacı Zeynalabdin Tağıyev qəsəbəsindəki 19 saylı məktəbin də Fuad Aslanovun nəzarətində olduğu bildirilir.

Azərbaycan şahmatçısı Nicat Abasovun Bakıda təşkil olunan Dünya Kubokunda 3-cü yer uğrunda oyunda qarşılaşacağı rəqib müəyyənləşib.

“Report”un məlumatına görə, 28 yaşlı qrossmeyster yarımfinalda Rameşbabu Praqqnanandxaya (Hindistan) məğlub olan (2,5:3,5) Fabiano Karuana (ABŞ) ilə münasibətləri aydınlaşdıracaq. Hindistan təmsilçisi isə finalda norveçli Maqnus Karlsenlə qarşılaşacaq.

Qeyd edək ki, həlledici görüşlər avqustun 22-24-də baş tutacaq. Nicat Abasov yarımfinalda beşqat dünya çempionu Maqnus Karlsenə 0,5:1,5 hesabı ilə uduzub.

Azərbaycan şahmatçısı Nicat Abasov Bakıda təşkil olunan Dünya Kubokunda finala çıxa bilməyib.

“Report”un məlumatına görə, 28 yaşlı qrossmeyster yarımfinalda beşqat dünya çempionu, norveçli Maqnus Karlsenə iki oyunun cəmində məğlub olub.

İlk görüşdə rəqibinə uduzan Abasova cavab duelində mütləq qələbə lazım idi. Lakin o, ağ fiqurlarla heç-heçə edib. Nəticədə rəqibinə 0,5:1,5 hesabı ilə uduzan şahmatçımız avqustun 22-də üçüncü yer uğrunda mübarizə aparacaq.

Qeyd edək ki, Dünya Kubokuna avqustun 24-də yekun vurulacaq.

Türkiyə Super Liqasında II turun mərkəzi qarşılaşması “Qalatasaray” və “Trabzonspor” komandaları arasında baş tutub.

Oxu.Az xəbər verir ki, İstanbulda keçirilən oyun “sarı-qırmızılılar”ın qələbəsi ilə başa çatıb - 2:0.

Hər iki qolu Mauro İkardi vurub. Argentinalı forvard 23 və 90+3-cü dəqiqələrdə fərqlənərək “Qalatasaray”a qələbə qazandırıb.
Hazırda dörd xalı olan İstanbul klubu üçüncüdür. Üç xala sahib “Trabzonspor” səkkizinci sırada qərarlaşıb.

Azərbaycan şahmatçısı Nicat Abasov Bakıda təşkil olunan Dünya Kubokunda yarımfinal mərhələsinin ilk oyununu keçirib.

“Qafqazinfo” xəbər verir ki, 28 yaşlı qrossmeyster beşqat dünya çempionu, norveçli Maqnus Karlsenlə üz-üzə gəlib.

Qara fiqurlarla mübarizə aparan Abasov rəqibinə məğlub olub.

İkinci qarşılaşma sabah keçiriləcək.

İspaniyada təşkil olunan 3x3 basketbolu üzrə Dünya Qadın Seriyasının Melilya mərhələsində qrup oyunlarına start verilib.

Oxu.Az xəbər verir ki, D qrupunda yer alan Azərbaycan millisi Melilya mərhələsinin ilk görüşündə 6:22 hesabı ilə İspaniyaya məğlub olub.

B qrupunda mübarizə aparan “Neftçi” isə ilk oyunda Portuqaliya millisinə 21:17 hesabı ilə qalib gəlib.
Bakı klubu qrupdakı növbəti oyununu bu gün, saat 21:35-də Almaniya təmsilçisi “Düsseldorf Zoos”a qarşı keçirəcək. Azərbaycan millisi isə saat 23:40 -da “Yuanda” (Çin) klubu ilə qarşılaşacaq.

Qeyd edək ki, qruplarda ilk iki yeri tutan komandalar 1/4 finala vəsiqə qazanacaqlar.

“Hesabda geri düşsək də, qələbə qazana bildik. “Neftçi”nin yaxşı oyunçuları var”.

Oxu.Az xəbər verir ki, bu sözləri UEFA Avropa Konfrans Liqasının III təsnifat mərhələsinin “Beşiktaş” - “Neftçi” (2:1, ilk oyun - 1:3) oyunundan sonra təşkil edilən mətbuat konfransında Türkiyə klubunun baş məşqçisi Şenol Güneş deyib.

Mütəxəssis bildirib ki, “Neftçi”ni mübarizədən kənarlaşdırmaları normaldır:

“Mövsümün əvvəli olduğu üçün bəzən hər şey alınmaya bilir. İlk oyunda 75 dəqiqə yaxşı oynamışdıq. Bu gün isə əvvəldə yaxşı idik. Amma hücumda istədiyimizi edə bilmədik. Rəqib hücum edəndə qol buraxdıq. İkinci hissədə oyuna nəzarət etidk. Daha çox qol vura bilərdik. Amma “Neftçiyə” də icazə veriləndə oynamağı bacaran komandadır. Orta xətti çox hücumameyilli komandadır. Mərhələ keçdik. “Neftçi”yə uğur arzulayıram. Bu gün üstün olmağımızı normal sayıram. Arada güc və keyfiyyət fərqi var. Amma “Neftçi” də yaxşı komandadır”.

Ş.Güneş hesabda geri düşsələr də, doğru reaksiya verdiklərini söyləyib:
“Belə hallar olacaq. Heyətdə dəyişikliklər etmişdik. Oyun anlayışımız yaxşı idi. Rəqibə təzyiq edir, meydanın özünə aid hissəsindən çıxarmamağa çalışırdıq. Amma qol vəziyyəti yaratmağı bacarmırdıq. Öz qapımızda isə bəsit qol gördük. İkinci yarıda dəyişikliklər etdik. Bundan sonra keyfiyyət fərqi öz sözünü dedi”.

Çalışdırıcı Azərbaycanda keyfiyyətli oyunçuların olduğunu əlavə edib:

“Filip Ozobiç yaxşı oyunçudur, amma bu gün gözləntilərin altında oynadı. Kilian Lebon, Kenni Sayef yaxşı oyunçulardır. Emin Mahmudov milli komandanın üzvüdür, yaxşı texnikası var. Onlardan kimisə transfer edə biləcəyimizi deyə bilmərəm. Bizdə bahalı oyunçular var. Azərbaycanda futbolçulara çox pullar ödənilir. Orada bacarıqlı oyunçular var. Amma klublar çox transfer edirlər. Bu il “Neftçi”yə böyük yatırım var. Legioner çox olanda milli komanda zəifləyə bilər”.

Adrian Mutu ilə müqavilə imzalamazdan əvvəl "Neftçi" Sərgən Yalçınla danışıqlar aparsa da razılaşma əldə olunmamışdı.

Qaynarinfo-nun məlumatına görə, tərəflərin danışıqlarının alınmama səbəbi məlum olub. Bu barədə Türkiyə futbolunun canlı əfsanəsi yerli mətbuata açıqlama verib. O, "Neftçi" ilə maliyyə məsələsində anlaşmadıqlarını etiraf edib. 51 yaşlı mütəxəssis bunları söyləyib:

"Neftçi" ilə görüşdük. Əslində, gözəl görüş keçdi. Amma maddi problemlər var idi. Müqaviləmdən bəhs etmirəm. Komandanın büdcəsi istədiyimiz kimi deyildi. Azərbay