"Hazırkı "Neftçi” istədiyim komandanın 60 faizi deyil”.

"Report”un məlumatına görə, bunu "Neftçi”nin baş məşqçisi Adrian Mutu Türkiyənin "Beşiktaş” klubuna qarşı keçiriləcək UEFA Konfrans Liqasının III təsnifat mərhələsinin ilk oyunu ərəfəsində mətbuat konfransında deyib.

Rumıniyalı mütəxəssis güclü rəqiblə qarşılaşacaqlarını bildirib: "Türkiyənin ən güclü komandalarından birinə qarşı bizi çətin oyun gözləyir. Azarkeşlərimiz əmin ola bilərlər ki, bu matçda yüz faiz gücümüzü ortaya qoymağa hazırıq. Üç gündən bir uğurlu çıxış etmək üçün komanda geniş heyətə malik olmalıdır. "Kəpəz”lə çempionat matçında yüz faiz gücümüzü ortaya qoymağa çalışdıq. Yorğunluq olsa belə, qələbə qazanmalı idik. Yəni bu səbəbin arxasında gizlənə bilmərik. "Beşiktaş”ın necə komanda olduğunu bilirik. Hər iki komanda öz ölkəsinin böyük komandasıdır. Avropa arenasında bu cür görüşlərdə hər şey baş verə bilər”.

O, yeni transferlər üzərində çalışmaların davam etdiyini vurğulayıb: "Müdafiənin sağ cinahı üçün Koffini transfer etmişdik. Təəssüf ki, ilk görüşdə gözlənilmədən zədələndi. Hazırda başqa bir neçə oyunçu ilə də danışıq aparırıq. Komandaya yeni futbolçular cəlb etməyə çalışırıq. Hər mövqedə rəqabətin artması üçün yeni transferlər lazımdır. Öncədən proqnozlaşdırılan komanda kimi görünmək istəmirik. Yerli çempionatda isə limit var, mütləq şəkildə 4 yerli çıxış etməlidir. Bunları da nəzərə alırıq”.

44 yaşlı məşqçi hücum xəttini gücləndirəcəklərini əlavə edib: "Hücumçu transferində gecikirik. Bir neçə maraqlı oyunçu ilə danışıq aparırıq. Müəyyən çətinliklər var. Ancaq hücum xəttinə də yaxşı futbolçular cəlb edəcəyik”.

Baş məşqçi azarkeşlərdən səbirli olmağı istəyib: "Neftçi” kimi böyük klubda hər məğlubiyyət komanda üzərində təzyiq yaradır. Fanatlar da başa düşməlidirlər ki, güclü komanda qurmaq istəyirik. Transferlərdə gecikmələrlə yanaşı, bəxtsizliklərlə də üzləşdik. Ömər Buludov, Eddi İsrafilov zədələndilər. Qarşıdakı görüşü buraxmalı olacaqlar. Azarkeşlər səbirli olsunlar, getdikcə daha güclü "Neftçi” olacağıq. Azarkeşlərimizin bizdən gözləntisinin çox olduğunu bilirəm. Amma vəziyyətə real baxmalıyıq. "Beşiktaş”la görüşdə də qələbə qazanmaq üçün əlimizdən gələni edəcəyik. Reallığa baxsaq, "Neftçi” hazırda qurulmaq dönəmində olan komandadır. Biz də hər oyunda qələbə ilə azarkeşlərimizi sevindirmək istəyirik”.

Adrian Mutu təkcə Rumıniyada futbolçu axtarışında olmadıqlarını söyləyib: "Rumıniya çempionatından iki oyunçu gətirmişik. Hazırda yalnız Rumıniya bazarına köklənməmişəm. Mənim üçün ən önəmlisi odur ki, "Neftçi”yə faydalı futbolçular gətirək”.

"Neftçi”nin baş məşqçisi avrokuboklarda uğurlu çıxış üçün çempionat görüşlərinin təxirə salınmasının onlar üçün vacib olduğunu sözlərinə əlavə edib: "Sabahkı üç oyun Azərbaycana ölkə olaraq vacibdir ki, avrokuboklarda yaxşı nəticələr qazanılsın. Fürsətdən istifadə edib çempionatı təşkil edən qurumdan da anlayışlı olmağı istəyirəm ki, avrokubok oyunlarına daha enerjili hazırlaşa bilək. Avrokuboklarda uğurlu olmaq istəyiriksə, dincəlməyə də vaxt ayırmaq lazımdır”.

Qeyd edək ki, avqustun 10-da keçiriləcək "Neftçi” – "Beşiktaş” görüşü saat 21:00-da başlayacaq.

Keçdiyimiz günlərdə böyük ümidlərlə Türkiyənin məşhur futbol klubu Fənərbağçadan İspaniyanın “Real Madrid” klubuna transfer olunan Arda Gülər cəbhəsində işlər yolunda getmir. Futbol dünyasının maraqla izlədiyi adlardan olan Arda Gülər ilk hazırlıq oyunundakı zədə səbəbindən sarsıldı. Məşhur ispaniyalı həkimin açıqlaması isə insanları məyus edib.
Referans.az futbol dünyasında şok təsir yaradan Arda Gülərin zədəsini və son məlumatları araşdırıb.

Fənərbağçadan Real Madridə transfer olan və təlimlərdə göstərdiyi performansına görə böyük marağa səbəb olan Arda Gülərə nəzər dəyib. Real Madriddə məşqlərdə göstərdiyi performansla qısa müddətdə özünü doğruldaraq böyük bəyəni toplayıb. Amma keçdiyimiz həftə qatıldığı təlimdə Eduardo Camavinqa ilə girdiyi rəqabətdə zədələnib. Sonrakı günlərdə isə gənc futbolçu komanda yoldaşlarına qatılmadan təlimlərə davam etməli olub. Barselona ilə oyundan əvvəl Arda komandada əzələ məşqinə üstünlük veririb. Amma reabilitasiya məşqlərinin davamında xoşagəlməz nümunələr ortaya çıxıb. Gənc ulduzdan götürülən testlər bütün planları alt-üst edib.

Sadə bir əzələ yorğunluğu kimi görünən bu hal sağ dizindəki iç qanamaya çevrilib. Hazırda gənc futbolçunun dizində ciddi bir zədə mövcuddur. Bu zədənin ardınca Real Madrid və komanda həkimi bir açıqlama verib. Zədəsinə görə Amerikadakı hazırlıq oyunlarında forma geyinə bilməyən Arda Gülərə yeni testlər edildiyini açıqlayan Real Madrid rəhbərliyi türkiyəli ulduzun zədəsinin olduqca ciddi olduğunu vurğulayıb. İtalyalı məşqçi Carlo Angelottie isə Barselona ilə oynanan oyundan sonra verdiyi açıqlamada “Arda Gülərin dizində bir problem var və bunu Madriddə sağalda bilərik – deyib.

Təəssüflər olsun ki, Arda Gülər uğursuz bir dövrdən keçir. Ulduz futbolçunun həkimi Luis Ripol çox vacib açıqlamalar verərkən oyunçunun daha əvvəllər də dizindən problem yaşadığı məlum olub. Arda Gülər əzələlərində meydana gələn həddindən çox yüklənməyə görə zədələnib və klub tərəfindən yaşıl meydanlardan nə qədər uzaq qalacağı mövzusunda net bir tarix verilməyib.

Əmaliyyat edilməsi qərara alınan Arda Gülərin təxminən 3 ay yaşıl meydanlardan uzaq qala biləcəyi bildirilir.

UEFA Çempionlar Liqasında III təsnifat mərhələsinə start verilib.

İlk oyun günündə 6 qarşılaşma baş tutub.

II raundda "Qarabağ"ı mübarizədən kənarlaşdıran "Rakuv" Polşada Kiprin "Aris" klubunu məğlub edib.

Türkiyənin turnirdəki yeganə təmsilçisi "Qalatasaray" Sloveniyada "Olimpiya"nın qapısından 3 cavabsız top keçirib. Bu cütün məğlubu Avropa Liqasının pley-off mərhələsində "Qarabağ" - HİK (Finlandiya) duelinin güclüsünə rəqib olacaq.

Azərbaycan millisinin hücumçusu Mahir Emrelinin çıxış etdiyi Xorvatiyanın "Dinamo" (Zaqreb) komandası isə Yunanıstanda AEK-lə qarşılaşmalı olsa da, azarkeşlər arasında baş vermiş insident nəticəsində yerli fanatın öldürülməsi səbəbindən qarşılaşma təxirə salınıb.

UEFA Çempionlar Liqası
III təsnifat mərhələsi, ilk oyunlar
8 avqust

22:00. "Rakuv" (Polşa) - "Aris" (Kipr) - 2:1
Qollar: Vladislav Koçergin, 7. Fabian Pyasetski, 63 - Mixlali Mayambela, 89

22:00. "Kopenhagen" (Danimarka) - "Sparta" (Çexiya) - 0:0

22:30. PSV (Niderland) - "Şturm" (Avstriya) - 4:1
Qollar: İsaak Babadi, 4. Luk de Yonq, 22; 32. İbrahim Sanqare, 73 - Con Qorents-Stankoviç, 40

22:45. "Klaksvik" (Farer adaları) - "Molde" (Norveç) - 2:1
Qollar: Arni Frederiksberq, 64; 86 - Maqnus Eykrem, 49

23:00. "Olimpiya" (Sloveniya) - "Qalatasaray" (Türkiyə) - 0:3
Qollar: Kerem Aktürkoğlu, 9. Dris Mertens, 48. Halil Dervişoğlu, 90+1

23:00. "Braqa" (Portuqaliya) - "Baçka Topola" (Serbiya) - 3:0
Qollar: Bruma, 17. Pitsi, 19. Tiaqu Calo, 87

Qeyd edək ki, III təsnifat mərhələsinin digər 3 oyunu bu gün keçiriləcək.

“Vest Hem” “Mançester Yunayted”in iki futbolçusu ilə maraqlanır.

Ötən ay Harry Maquayr üçün 20 milyon funt-sterlinq təklif edən komanda bu dəfə məbləği 30 milyona qaldırıb.

Müdafiəçi Premyer Liqada keçən mövsüm “Yunayted” üçün cəmi səkkiz oyuna çıxıb və bu yaxınlarda kapitanlıqdan məhrum edilib. Bu səbəbdən də Harrinin “Old Trafford”dan ayrılması güman edilir.
“Vest Hem” Maquayr ilə yanaşı, onun komanda yoldaşı Skott MakTominay ilə də maraqlanır. “Qırmızı şeytanlar” isə Fiorentinadan Sofian Amrabat və ya başqa bir yarımmüdafiəçini almaq üçün satışa ehtiyac duyur.

Mənbə: fapl.ru

“Bayern” yoldaşlıq oyununda Fransa təmsilçisi “Monako”ya qalib gəlib.

Oxu.Az xəbər verir ki, qarşılaşma almanların 4:2 üstünlüyü ilə başa çatıb.

Oyunda hesabı 29-cu dəqiqədə T.Minamino açıb. İki dəqiqə sonra K.Laymer oyunda tarazlığı bərpa edib. 42-ci dəqiqədə J.Musiala almanları hesabda önə çıxarıb. Qarşılaşmanın ilk hissəsinə əlavə olunmuş ikinci dəqiqədə S.Qnabri hesabı 3:1-ə çatdırıb.
İkinci hissədə (64-cü dəqiqə) bu dəfə fransızlar penaltidən fərqləniblər. B.Yedder hesab arasındakı fərqi azaldıb. Qarşılaşmanın yekun hesabını L.Sane 68-ci dəqiqədə vurduğu qolla təyin edib.

Premyer Liqanın ilk oyununda “Turan Tovuz” a 3:0 hesabı ilə məğlub olan "Araz-Naxçıvan" həm də cəza alıb. Bu haqda “Bizim Futbol” səhifəsi məlumat yayıb. Cəzaya səbəb geyim qaydasının pozulmasıdır. Komanda yeni transfer etdiyi Vandersonun adını Azərbaycan əlifbasına uyğun yazmadığı üçün cəzalanacaq. Onun adı geyindiyi formanın üzərində “W" hərfi ilə yazılıb.
Gundelik Naxcivan

Azərbaycan millisinin futbolçusu Renat Dadaşovun çıxış etdiyi “Qrasshopper” İsveçrə çempionatının üçüncü turunda “Bazel”i qəbul edib.

Oyun “Qrasshopper”in 3:1 hesablı qələbəsi ilə başa çatıb.
Start heyətdə meydana çıxan Azərbaycan millisinin hücumçusu Renat Dadaşov 37-ci dəqiqədə komandasının üçüncü qolunu vurub.