 |
|
|
İtaliyanın Kalabriya bölgəsinin şərq sahillərində miqrantların olduğu gəminin batması nəticəsində azı 30 nəfər ölüb.
Cebhe.info-nun İaliyanın ANSA xəbər agentliyinə istinadən məlumatına görə, Krotone əyalətindəki dənizkənarı kurort olan Steccato di Cutroda sahildə 27 cəsəd tapılıb. Daha üç cəsəd suda tapılıb.
“Adnkronos” xəbər agentliyi miqrantları daşıyan gəmidə 100-dən çox adamın olduğunu, 50-yə yaxın insanın xilas edildiyini bildirir.
İran, Pakistan və Əfqanıstandan olan miqrantları daşıyan gəmi pis hava şəraiti səbəbindən qayalara çırpılıb.
Cəlilabadda üç gün əvvəl zəhər içib sağ qalan şəxs özünü asıb.
Report-un Muğan bürosunun məlumatına görə, hadisə rayonun Üçtəpə kəndində qeydə alınıb.
Belə ki, kənd sakini, 1999-cu il təvəllüdlü Turan Qasımov özünü asaraq həyatına son qoyub.
Məlumata görə, mərhum 3 gün öncə də sıçovul əleyhinə olan zəhəri intihar məqsədilə içib.
İntiharın səbəbi hələlik məlum deyil.
Faktla bağlı araşdırma aparılır.
İctimai Televiziyada “Baş tutmayan tələ” sənədli filmi yayımlanıb.
Sənədli filmdə ermənilər tərəfindən yaradılmış “Henoket” analitik mərkəz barədə də məlumat verilib.
DTX rəsmisi bildirib ki, sözügedən analitik mərkəzin fəaliyyəti Azərbaycanın müdafiə qabiliyyəti barədə məlumatlar toplamaqdan ibarət olub.
Məlumata görə, sözügedən mərkəz Tiqran Abramyan tərəfindən yaradılıb. O, qondarma rejimin rəhbərinin sabiq müşaviri vəzifəsində işləyib.
DTX toplanmış materiallar əsasında həmin mərkəzdə çalışan, fəallığı ilə seçilən Alen Qulyan ətrafında əməliyyat tədbiri keçirilməsi barədə qərar qəbul edilib. Digərlərindən fərqli olaraq, Alen Qulyan sosial şəbəkələr vasitəsilə Azərbaycanda yaşayan şəxslərlə dostluq münasibəti yaratmağa cəhd götərir, əsasən, milli etnik azlıqlara üstünlük verir.
Bu hal nəzərə alınaraq əməliyyat keçirilib. Belə ki, DTX ölkəmizdə yaşayan etnik azlıq nümayənsi obrazı yaradaq onunla əlaqəyə keçib. O, yaradılan obrazla əlaqə quraraq çalışırdı ki, müxtəlif hərbi hissələrdə özünə mövqelər yaratsın.
Bu şəxslərin məqsədi pul müqabilində Azərbaycan haqqında məlumatlar toplamaqdan ibarət olub.
Daha ətraflı videoda:
[url=<iframe width="560" height="315" src="//ok.ru/videoembed/4694771894890" frameborder="0" allow="autoplay" allowfullscreen></iframe>]My Webpage[/url]
<iframe width="560" height="315" src="//ok.ru/videoembed/4694771894890" frameborder="0" allow="autoplay" allowfullscreen></iframe>
XalqXeber.Az
Bakıda baş verən ağır qəzada 1 nəfər ölüb, 6 nəfər xəsarət alıb.
APA xəbər verir ki, xəsarət alanlar Sabunçu Tibb Mərkəzinə yerləşdiriliblər.
Həmin şəxslərin adları aşağıdakı kimidir:
Əliyev Mürsəl İsmayıl oğlu (2002);
Aslanov Qismət Eyyub oğlu (1956);
Atakişiyev Nəsib Nəsib oğlu (1981);
Məmmədova Ofeliya İsmayıl qızı (2002);
Əlizadə Nicat Ramil oğlu (2001);
Əliyev Orxan İqbal oğlu.
Qəza nəticəsində ölən şəxs isə Yusifli Yusifdir.
***
24.02.2023
Saat 22:36
Bugun saat 22:00 radələrində paytaxtın Ziya Bünyadov prospektində bir neçə nəqliyyat vasitəsinin toqquşması nəticəsində zəncirvari ağır yol-nəqliyyat hadisəsi baş verib
APA xəbər verir ki, bu barədə DİN-in Baş DYP İdarəsinin şöbə rəisi, polis mayoru Rövşən Tağıyev məlumat verib.
Hadisə nəticəsində ilkin məlumata görə 1 nəfər dünyasını dəyişib, 4 nəfər müxtəlif dərəcəli bədən xəsarəti alıb.
Faktla bağlı araşdırma aparılır.
Artıq 10 ildir ki, Azərbaycanda yağıntının miqdarı azaldığı üçün quraqlıq keçir. Əgər Bakı şəhərinə əvvəl 200 millimetr miqdarında yağıntı olurdusa, indi o da düşmür. Dağlarda qar bu il yağmağa başlayıb. Buna görə növbəti aylarda suyun miqdarı bir az da olsa arta bilər.
Bunu Axar.az-a ekoloq Telman Zeynalov Azərbaycanda içməli suyun azalmasını şərh edərkən deyib.
Ekoloq suyun miqdarının azalmasının səbəbini dövlət qurumlarının məsuliyyətsizliyində görənlərin məsələyə doğru yanaşmadığını bildirib. Eyni zamanda bəzi məmurların hektarlarla ərazisi olduğunu və suyu burada suvarma üçün istifadə etdiklərini də vurğulayıb:
“Həmçinin, onlar balıq yetişdirmək üçün göllər yaradıblar. Bu da öz növbəsində çaylarda suyun azalmasına səbəb olan amillərdəndir.
Bunun qarşısını almaq üçün ancaq vətəndaş cəmiyyəti şurası yaradılmalıdır. Bu şura isə bütün Azərbaycanı gəzib prosesə nəzarət etməli, qanun pozuntularını müəyyən edib, onların qarşısını almalıdır”.
Masallıda 3 itin hücumuna məruz qalan 40 yaşlı kişi dünyasını dəyişib.
Teref.Az bildirir ki, bu barədə Qaynarinfo-ya rayonun Viləş kəndindən məlumat verilib. Kənd sakinlərinin sözlərinə görə, Ceyhun adlı kişi örüş sahəsində qoyun otarırmış. Həyət evlərindən çıxan 3 it ona hücum edib. Yaxınlıqda Ceyhunun səsini eşidən iki nəfər köməyə gəlib. Amma onlar hadisə yerinə çatana qədər 3 it Ceyhunu parçalayıb.
Sakinlər həmin şəxsin hadisə yerində can verdiyini deyib: "İtlər onu elə parçalamışdı ki, bağırsaqları bayırda idi. Apardılar xəstəxanaya, elə oradaca dünyasını dəyişib”.
Ceyhuna köməyə gələn iki nəfər xəstəxanaya yerləşdirilib və vəziyyətlərinin ağır olduğu bildirilir.
Azərbaycanda mütəşəkkil qruplar tərəfindən kredit dələduzluğu halları genişlənir.
TEREF.AZ FED.az-a istinadla xəbər verir ki, bir qədər əvvəl bankların adından saxta kredit təklifləri ilə vətəndaşlara qarşa edilən dələduzluq halları artıq qeyri-bank sektorunda da müşahidə edilir.
Artıq ölkədə vətəndaşlara telefon zəngi və ya bəzi sosial şəbəkələr vasitəsilə BOKT-lar adından kredit təklifləri başlayıb.
TEREF.AZ bildirir ki, belə kredit təşkilatlardan biri, ölkənin tanınmış Bank olmayan kredit təşkilatından (əsassız olaraq reputasiyasına zərər gəlməməsi üçün BOKT-un adı çəkilmir) məsələ ilə bağlı FED.az-a müraciət edib.
Müraciətdə bildirilir ki, son 2-3 gündə bəzi vətəndaşlar sözügedən BOKT-a müraciət edərək onlara kredit vəd edildiyini və buna görə xidmət haqqı da ödədiklərini bildirirlər.
BOKT tərəfindən aparılan ilkin araşdırma zamanı, vətəndaşların dələduzluq halı ilə rastlaşdığı və BOKT-un adı ilə aldadıldığı məlum olub. Məlum olub ki, vətəndaşların telefon nömrələrini əldə edən fırıldaqçılar özlərini BOKT nümayəndələri kimi qələmə verərək vətəndaşlara kredit vəd edib və bunun müqabilində xidmət haqqı tələb ediblər. Bəzi qrupların sosial şəbəkə – Tik-Tok və İnstagram üzərindən də vətəndaşlara saxta təkliflər etdiyi məlum olub.
Bəzi vətəndaşlar bu müraciətlərə inanaraq tələb edilən ödənişi yerinə yetiriblər.
BOKT tərəfindən bununla bağlı dərhal hüquq-mühafizə orqanlarına məlumat verilib. Hazırda araşdırma davam edir.
Maliyyə təşkilatı ölkə vətəndaşlarına belə müraciətlər edilərkən ehtiyatlı olmağı, ödəniş etməməyi və kart məlumatlarını paylaşmamağı tövsiyə edir.
BOKT bildirir ki, heç bir ciddi kredit təşkilatı kredit üçün ödənişi və ya komissiya haqqını əvvəlcədən tələb etmir. Komissiya haqqı yalnız kredit tam rəsmiləşdirildikdən sonra ödənilir.
Münaqişə zonasında və təbii fəlakət bölgəsində çalışan jurnalistlərin hazırladıqları məhsul auditoriyaya çatanadək xeyli yol keçir. Bu materiallarla tanış olan şəxslərin heç də hamısı onların hazırlanma mərhələsində jurnalistin üzləşdiyi çətinlikləri sorğulamır. Anlaşılandır. Auditoriyaya xəbər lazımdır və bu xəbərin hazırlanmasında media mənsubunun hansı əzablı yollardan keçməsi onu düşündürməyə bilər.
İllərdir, istər Azərbaycanda, istərsə də müxtəlif dövlətlərdə münaqişələri və etiraz aksiyalarını işıqlandıran jurnalist olaraq, bu dəfə Türkiyədəki təbii fəlakət ərazisində rastlaşdığım bəzi məqamları Pressklub.az-ın oxucuları ilə bölüşəcəyəm.
Etiraf edim, bu, peşə fəaliyyətim dövründə işıqlandırdığım ilk zəlzələ hadisəsi idi. Əminəm ki, istər Azərbaycandan, istərsə də dünyanın müxtəlif ölkələrindən olan həmkarlarımın da ilk təcrübəsi idi. Çünki bu, son illərin ən dəhşətli zəlzələsi idi, üstəlik, ərazinin böyüklüyü, dağıntıların və ölüm sayının yüksək olması vahimənin miqyasını daha da artırırdı.
Müharibədən fərqli olaraq, bu miqyasda təbii fəlakəti işıqlandırmaq qat-qat çətindir. Aydın məsələdir ki, birincisi insan “əməyinin məhsulu”dur, digəri isə təbiət hadisəsidir. Müharibə prosesinə təsir etmək olar, amma təbiətin şıltaqlıqları tamam fərqlidir. Jurnalistlər bu şəraitdə necə işləyirlər?
Zəlzələnin dağıtdığı yerdə yuyunmaq, dincəlmək, qızınmaq və normal qidalanmaq üçün şərait olmur. Bu kimi ehtiyacları qarşılamaq üçün zəlzələ olmayan bölgəyə getməlisən, başqa cür mümkün deyil.
Təbii fəlakət zonasına səfərimizin ilk günü, demək olar ki, yatmadıq. Əslində, buna psixoloji olaraq hazır idik, hara getdiyimizi bilirdik, buna görə də yuxu ehtiyacımızı qarşılamaq üçün təyyarədə, hava limanının gözləmə zalında və avtobusda yatmalı olduq. Yuyunmaq istəsək də, bunu edə bilməzdik, çünki zəlzələnin törətdiyi fəsadlar nəticəsində texniki sudan istifadə gigiyenik deyildi. Suyun tərkibi dəyişmişdi, onun təmizlənməsi isə mümkün deyildi, bunun üçün xeyli zaman lazım olduğu bildirilirdi. Ən yaxşı halda, içməli su ilə yuyunmaq və dişləri fırçalamaq olardı. Biz də səfərdə olduğumuz günlər ərzində bu qaydaya əməl etdik. Duş qəbulu, ümumiyyətlə, əlçatmaz xəyal idi.
Haşiyə: Ötən ilin martında Kiyevdə olanda metrostansiyasında sığınacaq şəraitində belə duş qəbul etmişdim. Qatar tunelə daxil olur ha, bax, elə həmin tunelə doğru bir otaq vardı. Orada hamam idi. İçərisində də saç və bədən üçün şampunlar düzülmüşdü. Kiyevdə müharibə gedirdi və əhali metrodan sığınacaq kimi istifadə edirdi.
Yatmaq üçün çadırlar əlverişli məkan olsa da, onun da çatışmayan cəhəti var idi, ələlxsus, odun peçi ilə qızınırdıq. Çünki gecə saatlarında, yuxunun şirin yerində soyuqdan titrəyə-titrəyə yuxudan ayılırdıq. Odun sobasının içindəki taxtalar yanıb kül olduqdan sonra çadır tez soyuyurdu. Buna görə də çadırlarda yatarkən yalnız ayaqqabılar çıxarılırdı, üst geyimimiz, hətta gödəkçə, şərf və papaq da üzərimizdə olurdu.
Çadırlardan əlavə, media mənsubları həm də bölgələrdə yerləşən AFAD inzibati binalarında gecələyirdilər. Burada isə birbaşa dəhlizdə yatmaq mümkün idi. Çadırlarda səhra çarpayısı olsa da, binalarda yalnız yerdə yatmaq olurduq, yəni daşın üzərində. Binalar da soyuq olduğundan altda qalın döşək, üstünüzdə yorğan olmasının da ciddi əhəmiyyəti yoxdur. Təhlükəsizlik tədbirlərinin artırılması üçün qazın verilişində məhdudiyyətlər vardı. Bəzi həmkarlarımız gecəni küçədə, ocaq qarşısında keçiriblər, gündüzlər isə vəzifə borclarını yerinə yetiriblər. Zəlzələdən əziyyət çəkənlərin çadırlarında elektrik sobaları olurdu. Ümid edirik ki, onlar üşümürdülər…
Biz bir gecəni də media avtobusunda keçirdik. Jurnalistlər buraya işləməyə gəlirdilər – məqalə yazır, fotolara baxış keçirirdilər. Xüsusi internetverici cihazlar ilə hazır materialları redaksiyaya göndərirdilər. Bölgədə internet yox idi.
Avtobus bütün gecəni işlək vəziyyətdə qalırdı. Yalnız bu yolla onun içərisini isti və işıqlı saxlamaq mümkün idi. İlk və son dəfə həmin gün uzun müddətdən sonra gödəkçəmi, şərfimi və papağımı çıxardım.
Media avtobusunun içərisində çay, kofe və bəzi çərəzlər var idi. Təbii ki, bütün həmkarlarımız avtobusda gecələmədi. Bir qismi şəxsi nəqliyyat vasitələrinə getdilər və bu avtomobillər də bütün gecə işlək vəziyyətdə idi. Əks halda, onların da içərisi bumbuz olacaqdı.
Türkiyəli həmkarlarımdan birindən maşında gecələmək barədə soruşdum. Cavabı bu oldu ki, indiki şərtlər daxilində ən yaxşısı budur. Bizim media avtobusu və digər nəqliyyatların dayanacağı yanacaq doldurma məntəqəsi idi. Bütün gecə boşalan yanacağı gündüz elə orada doldururdular. Yanımızda da İstanbuldan göndərilmiş yanğınsöndürənlər vardı. Zəlzələdən əziyyət çəkənlərin bir qismi də nəqliyyat vasitələrində gecələyirdi. Gündüzlər avtomobillərin arxa oturacaqlarındakı yorğan və döşəklər aydın görünürdü.
Qida ehtiyacımızı isə zəlzələdən əziyyət çəkənlərin toplaşdığı çadır şəhərciklərində və inzibati binalarda qarşılayırdıq. Cibimizdə pul olsa da, ərzaq almaq üçün mağaza yox idi… Balıq konservi, bulqur, plov, üzərində mal və toyuq əti, bir də mərci və pomidor şorbası.
Zəlzələ bölgəsində fövqəladə vəziyyət elan olunsa da, şəhərlərə giriş-çıxış intensivdir. Türkiyənin və dünyanın müxtəlif yerlərindən buralara yardımlar göndərilir. Bundan əlavə, ölkənin müxtəlif şəhərlərindən polis, jandarma, tibb heyəti əhaliyə xidmət üçün cəlb olunub. Bu halları həm Kahramanmaraş, həm də Hatayda müşahidə etdik. Təbii fəlakətdən istifadə edən bəzi qruplar dağıntılar arasında dalıb, oradan qızıl, pul və digər qiymətli əşyalar axtarırdılar. Buna görə də hər iki şəhərdə dağıntılar qarşısında əli silahlı əsgərlər keşik çəkirdi. Axşam saatlarında isə insanlara hücumlar barədə də eşidirdik. Buna görə də, əsasən Hatay vilayətində təhlükəsizlik tədbirləri ən yüksək səviyyədə idi.
Hərbçilər gecə-gündüz şəhər boyu patrul xidməti aparırdılar. Axşam Hatayın Antakya şəhəri “ruhlar şəhəri” nə çevrilirdi. Qaranlıq, ətrafda insan boyunu aşan dağıntılar, küçələrdə əllərində avtomat gəzən hərbçilər. Onlar naməlum obyekt görən kimi yaxınlaşır, ya da əllərindəki fənərin işığını həmin obyektin üzərinə salırdılar.
Xarabalıqlar arasında irəlilədikcə müxtəlif yerlərdə xilasedicilərlə rastalışırdıq. Onlar bu gün kiminsə ya canlı, kiminsə də cansız bədənini o dağıntılar altından çıxarıblar…
Dağıntılar altında insan cəsədləri vardı. Bəzən ya bilərəkdən, ya da bilməyərəkdən onların qarşısından keçir, yanındakı betonun üzərində fotolar da çəkirdik. İnfeksion xəstəliklərin yayılması riskini nəzərə alaraq, tibbi maskadan və spirtdən istifadə edirdik. Xoşbəxtlikdən bəzi məntəqələrdə bu tip vasitələri əldə edə bilirdik. Gigiyenik şərtlərin minimum səviyyədə olduğu bölgədə özümüzü qorumalıydıq.
Gözləyirlər…
Məsələnin emosional və psixoloji tərəfləri isə tamam başqa yazının mövzusudur. Təsəvvür edin, bir dağıntının qarşısında iki nəfər dayanırdı – onlardan biri kiminsə sağ çıxacağına ümidli idi, digəri isə artıq həyatda olmayan yaxınının cansız bədənini gözləyirdi.
Təcili tibbi yardım və cənazə maşınları eyni cür gözləyirdi. Bizə deyilirdi ki, təcili tibbi yardım maşınını təqib edin, bu o deməkdir ki, hansısa dağıntının altından kiminsə sağ çıxma ehtimalı var.
Bunlar zəlzələ bölgəsində fəaliyyət göstərərkən üzləşdiyimiz halların bir qismi idi, açıq desək, ifadə edə bildiklərimizi yazdıq. Qalanı isə bizdə qalsın…
Seymur Kazımov
Bakı-Ankara-Qaziantep-Kahramanmaraş-Hatay-İstanbul-Bakı
Milli Məclisin sabiq sədri Rəsul Quliyev 1990-cı illərin əvvəllərində Etibar Məmmədovun rəhbərlik etdiyi partiyaya “Mercedes” markalı avtomobil hədiyyə etdiyini qeyd edib.
“Etibar Məmmədovla dost idim. Daxili İşlər Nazirliyi üçün də 10 “Mercedes” almışdım”, - deyə R.Quliyev əlavə edib.
Məsələni dəqiqləşdirmək üçün AMİP siyasi şurasının üzvü Əli Orucovla əlaqə saxladıq.
TEREF.AZ-ın məlumatına görə, Ə.Orucov Cebhe.info-ya açıqlamasında deyib ki, o zaman Etibar Məmmədova bir maşın verilmişdi:
“Amma o maşının kim tərəfindən verildiyini dəqiq bilmirəm. Ola bilsin ki, Rəsul Quliyev verib. Etibar Məmmədova verilən maşının dövlət qeydiyyat nişanı isə “13 AQT” idi”.
Əli Orucov Rəsul Quliyevin hədiyyəsini isə Etibar Məmmədov təşəkkür etmək üçün verdiyini deyib:
“Etibar Məmmədov Rəsul Quliyevi də o vaxt müəyyən məsələlərlə bağlı Azərbaycanın sabiq daxili işlər naziri, mərhum İsgəndər Həmidovdan müdafiə etdi. Yəqin o maşını da təşəkkür niyyətində Etibar Məmmədova hədiyyə edib”.
İranın idman naziri Həmid Səccadi və onunla bərabər səyahət edən nümayəndələri daşıyan helikopterin qəza anının video görüntüsü yayılıb.
Qəza zamanı nazirin müşaviri İsmayıl Əhmədi dünyasını dəyişib.