İntensiv leysan xarakterli yağışlar Astarada Pensərçayın yatağında suyun həcminin artmasına səbəb olub.

Hadisə nəticəsində rayonun Şiyəkəran kəndində çayın sol sahilində yerləşən avtomobil yolunun kənarı uçub.

Avtomobil yolu çayın sol sahilində yerləşən evlərin 10 metr yaxınlığınadək uçub. Bu səbəbdən yaxınlıqda yaşayan ailələr təhlükə ilə üz-üzədirlər.
“ATV Xəbər”in mövzu ilə bağlı hazırladığı süjeti təqdim edirik:

Sovet ordusu 1945-ci ilin may ayında Berlinə daxil olanda faşist Almaniyasının lideri Adolf Hitler bunkerdə gizlənmişdi, ancaq günlər keçdikcə bunkerdən qaçanların sayı artırdı. Hitler özünü öldürdükdən sonra qaçış sürətləndi, onun partiyadakı sağ əli Borman bunkerdən qaçmaq istəyərkən öldürüldü, digər nasist liderlərdən Gerinq sovet hərbçilərinin əlinə düşməmək üçün gedib amerikalılara təslim oldu, milyonlarla insanı düşərgələrdə ölümə məhkum edən Himler isə daha əvvəldən qaçaraq Borman kimi amerikalılara təslim olmuşdu. Xeyri olmadı, Himler və Borman zəhər içərək özlərini öldürdülər. Eyni ilə Qarabağdakı separatçılardan da bir neçə gündür xəbər yoxdur, ya Xankəndidəki bunkerlərdə gizləniblər, ya da qaçmaq üçün imkan axtarırlar. Laçın sərhəd-keçid məntəqəsindən bu mümkün olmayacaq, ya hansısa gizli dərələrdən sərhədi keçməyə çalışa bilərlər, bu halda ələ keçmək və öldürülmək risqi var, ya da Rusiya hərbi kontingentinə yalvarmalıdırlar ki, helikopterlə Ermənistana keçsinlər. Rus hərbçiləri ya Kremldən aldıqları təlimat əsasında, ya da rüşvətlə separatçıları qaçırda bilərlər. Misal üçün separatçıların keçmiş “müdafiə naziri”, Xocalı canilərindən biri Samvel Babayan artıq İrəvandadır.
Elxan Şahinoğlu
Teref.az

Bakının Sabunçu rayonunun Ramana qəsəbəsində toy mərasimində yaranan mübahisə kütləvi dava ilə nəticələnib, 27 yaşlı gənc ağır xəsarət alıb.

“Report”un məlumatına görə, hadisə zamanı 1996-cı il təvəllüdlü Musaqulu Mübariz oğlu Bəşirov xəsarət alıb.

Yaralı təcili tibbi yardımın köməkliyi ilə huşsuz vəziyyətdə xəstəxanaya çatdırılıb. Müayinə zamanı ona üz-baş və bədənin çoxsaylı hematoması diaqnozu qoyulub.
Faktla bağlı araşdırma aparılır.

“İstirahət günü sizinlə sertifikasiyanın müsahibə mərhələsindəki başıma gələnləri bölüşüm. Qulaqlığı qulaqlarıma taxana kimi hər şey qaydasında idi. Monitorun digər tərəfində iki sifətini turşutmuş müəllimlə qarşılaşdım. Biri sona kimi danışır, səni sorğu - sual edir. Biri də susur sona kimi, bu psixoloq idi. (Şərti olaraq onları danışan və susan müəllim adlandıracağam status boyunca) O, sənin cavab qaytarmaq tərzini, ünsiyyət bacarığını, hal-vəziyyətini və s. yoxlayır. Ona görə də müsahibəyə gedərkən maksimum təbəssümlü olun. Hər nə qədər o danışan müəllim sizi hövsələdən çıxarsa da”.

Cebhe.info xəbər verir ki, bunu sertifikasiyanın müsahibə mərhələsində iştirak edən müəllim Elgün Əfəndiyev sosial şəbəkə hesabında yazıb.

“Danışan müəllim düzgün cavab versəniz də, sizinlə xoş danışmır. Deyir, "BİBÖ nədir?" İzah edirəm. Sanki səhv cavab vermişəmmiş kimi əlini əsəbi şəkildə alnına vurur, aqressiv hərəkətlər edir, adamın konkret olaraq əsəbləri ilə oynayır. İcmal mövzularını hazırlayıb getmişəm, deyir danış, dəftərə baxma. Yəni bunları o qədər acıqlı şəkildə deyir ki, adam çox məyus olur, həqiqətən. Ən pisi də odur ki, sona yaxın susan müəllim heç bir şey demədən ekranı söndürüb gedir, danışan müəllim də adamla normal sağollaşamadan, sadəcə, "Gedə bilərsiniz" deyib səni yola verir”,-deyə müəllim yazıb.

O bildirib ki, bu kimi şeyləri hörmətsizlik kimi qəbul edir:

“Müəllimlə bu cür müsahibə etmək qarşındakını aşağılamaqdır. Sanki deyirlər ki, səni 35 faizə həsrət qoyacağam”.

Fransada sürət qatarlarından istifadə sərnişinlər üçün təhlükəyə çevrilib.

Belə ki, nəqliyyat vasitələrini gənələr bürüyüb.

Sərnişinlər bu həşəratları Parisdən Lill və Nitsa istiqamətində hərəkət edən qatarların vaqonlarında görüblər.

Kadrlar sosial şəbəkələrdə yayılıb.

Sinəsində "Artsax qəhrəmanı" ordeni gəzdirən Zori Balayanın ağlına gəlməzdi, yatsa yuxusuna girməzdi ki, onun ideoloji lider olduğu, müəllifi olduğu Miatsum konsepsiyasına Yevlaxda son qoyulacaq.
Prezident 3 il öncə həm də məhz ona mesaj vermişdi ki, sinəsindəki dəmir-dümürü tullasın.
Amma o hələ yaşayır. Şuşada rəqsindən sonra onu gördüm deyən olmayıb.
Onlardan nə desən gözləmək olar, iflas müqaviləsinə qol çəkməyə Yevlaxa gələ də bilər.
İmkanı olanlar, hər ehtimala bu fotonu Yevlax postuna çatdırarsınız, lütfən..
Osman Gunduz
Teref.az

Sabah rəsmi Bakının təklif etdiyi kimi, ölkəmizin Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə Yevlaxda görüş keçiriləcək.

Teref.az “Qafqazinfo”ya istinadən xəbər verir ki, görüş yerinin Yevlax şəhərinə təyin edilməsi maraqla qarşılanıb və sosial şəbəkələrdə bununla bağlı müzakirələr gedir.

“Niyə məhz Yevlax?” sualı hazırda sosial şəbəkələrdə ən aktual suallardan biridir və bununla bağlı hərə öz mülahizəsini irəli sürür.

Əvvələ xatırladaq ki, rəsmi Bakının təklifi əsasında Yevlaxda Azərbaycan tərəfinin nümayəndələri ilə Qarabağda yaşayan erməni sakinlərin nümayəndələri arasında görüşün keçirilməsi avqustun əvvəllərində razılaşdırılmış və bütün logistik məsələlər yekunlaşmışdı.

Lakin bütün bu razılıqlara baxmayaraq, Qarabağın erməni sakinlərinin nümayəndələri razılıqları son anda pozmuşdu.

Bundan başqa, ermənilər görüşün neytral zonada keçirilməsi istəyirdi ki, Azərbaycan da bunun müzakirə mövzusu belə ola bilməyəcəyini bildirmişdi. Çünki Azərbaycanın daxili məsələsi heç vaxt neytral məkanda müzakirə oluna bilməzdi!

Görüşün Yevlaxa təyin olunmasına gəlincə, bunun sadəcə, məsəfə baxımından həm əlverişli, həm də logistik olaraq uyğun olduğu bildirilir.