 |
|
|
Xəbər verdiyimiz kimi, Binə qəsəbəsində bir ailənin bütün üzvləri kolbasadan zəhərlənib. Bir çox məclis və süfrələrin ənənəvi təamı olan bu məhsuldan zəhərlənmə halları insanlar arasında narahatlıq doğurur.
Qida ekpertləri sözügedən mövzu ilə bağlı bir sıra məqamlara diqqət çəkirlər.
Qida məsələləri üzrə mütəxəssis ekspert Ağa Salamov Yenisabah.az-a bildirib ki, bir sıra ətlərdən hazırlanan kolbasa-sosiskalar təhlükəli hesab olunur:
“Qida zəhərlənmələrinə yol açan səbəblərə emal, istehsalat, saxlanma və daşınma prosesləri aiddir. Bunların hamısı qida üçün şərtdir. Çox vaxt qida zəncirinin əvvəlində mikroorqanizmaların ifraz etdiyi toksinlər nəticəsində qida çirklənir. İstehsalatda olan antisanitar vəziyyət, daşınma prosesində qaydalara əməl olunmaması və riskli qidaların daşınması, emal prosesində qidanın çarpaz çirklənməyə məruz qalması kimi amillər zəhərlənməyə səbəb olur.
Tərkibində mənşəyi bəlli olmayan, baytarlıq nəzarətindən keçməyən ətlərdən hazırlanan kolbasa-sosiskalar da təhlükəli hesab olunur. Çünki bu ətlər mikroorqanizmlərlə çirklənmiş olur. Həmin bakteriyalar isə həzm olunduqdan sonra daxildə toksinlər ifraz edir. Ağır nəticələnə bilən patogen bakteriyalara Salmonella, E- Coli , Listeria aiddir. Salmonella bakteriyasına daha çox toyuq əti tərkibli kolbasa və sosiskalarda rast gəlinir.
Nəticədə isə faciəvi son qaçınılmaz olur. Yəni, bu proses orqanizmdə zəhərlənməyə yol açır. Listeria bakteriyası isə sudan, torpaqdan, otdan heyvana yoluxur. Həmin heyvanın ətindən hazırlanan məhsullarda da bu bakteriya qalmış olur”.
Qida eksperti İsa Əliyev isə vurğulayıb ki, belə məhsullar istehsal edən firmaların keyfiyyətə nəzarət və keyfiyyət təminatı mexanizmləri olmalıdır:
“İlk növbədə ət və ət məhsulları, kolbasa-sosiska hazırlanan müəssisələrdə, istehsalat yerlərində sanitar-gigiyenik qaydalara riayət olunması çox önəmli məqamlardan biri sayılır. Çünki ətin tərkibində ən həssas olan Salmonella bakteriyasıdır. Əgər istehsal prosesində məhsulun içərisində məhv olmayıbsa, o zaman bu, birbaşa zəhərlənməyə səbəb olan amil hesab edilir. Ona görə də, sözügedən məhsullar hazırlanarkən mikrobiolojik cəhətdən siteril olmalıdır. İstehsal prosesi zamanı isə kolbasa-sosiska məhsulları təmiz qurğulardan keçməlidir. Kritik kontrol nöqtələri hər dəfə yoxlamadan keçməlidir. İstehsalçı firmada keyfiyyətə nəzarət və keyfiyyət təminatı mexanizmləri mövcud olmalıdır. Belə olduğu təqdirdə yaxşı məhsul ortaya çıxır və insan sağlamlığını təhlükəyə atmır”.
Aytac ŞAHİN
Paytaxtın Sabunçu rayonunda sakinlər içməli sudan sarılıq xəstəliyinə yoluxduqlarını iddia edirlər.
Xezerxeber.az-ın məlumatına görə, Əmircan və Bülbülə qəsəbə sakinləri içməli sudan sarılıq xəstəliyinə yoluxduqlarını və zəhərləndiklərini deyirlər.
Vətəndaşların şikayətləri ilə bağlı Tibbi Ərazi Bölmələrini İdarəetmə Birliyidən (TƏBİB)-bildiriblər ki, sözügedən ərazilərdən sarılıq xəstəliyi ilə bağlı müraciətlər daxil olub. Pasientlərə zəruri tibbi xidmət göstərilir. Məsələ isə diqqətdə saxlanılır.
Xatırladaq ki, əhalinin daha keyfiyyətli içməli su ilə təmin edilməsi üçün bir neçə il əvvəl Ceyranbatan Ultrasüzgəcli Sutəmizləyici Qurğular Kompleksi istifadəyə verilib. Bu layihə Pirallahı qəsəbəsi də daxil olmaqla, Bakı şəhəri və Abşeron yarımadasının digər yaşayış məntəqələrini dayanıqlı və keyfiyyətli içməli su ilə təmin etməli idi. İndi sudan zəhərlənmə və sarılıq xəstəliyinə yoluxma iddiaları suyun keyfiyyəti ilə bağlı şübhələr yaradır.
Məsələ ilə bağlı “Azərsu” Açıq Səhmdar Cəmiyyəti ilə də əlaqə saxladıq. Qurumun Mətbuat xidmətinin rəhbəri Anar Cəbrayıllı məlumatın həqiqəti əks etdirmədiyini dedi. Ümid edirik ki, məsələnin ciddiliyi nəzərə alınacaq və bu hal araşdırılacaq.
Ətraflı süjetdə:
Portağal ürək-damar sisteminin sağlamlığını qorumağa kömək edir.
Rusiya mediası xəbər verir ki, C vitamini qan damarlarının divarlarını gücləndirir, məhsulun tərkibində olan lif isə lipid mübadiləsini normallaşdırmağa kömək edir.
C vitamini ürək-damar sağlamlığı üçün faydalıdır. Damar divarının möhkəm və elastik qalmasına kömək edir. Portağaldakı lif, öz növbəsində, lipid mübadiləsini normallaşdırmağa kömək edir.
100 q portağal pulpasında tövsiyə olunan gündəlik C vitamininin təxminən 50%-i var. O, orqanizmi mövsümi tənəffüs xəstəliklərindən qoruyur və immunitet sistemini dəstəkləyir.
Bu meyvənin tərkibində A vitamini, B vitaminləri, kalium, kalsium, sink, efir yağları və meyvə turşuları da var. Eyni zamanda, portağalın kalorisi yüksək deyil.
Dietoloqlar xəbərdarlıq edir ki, bu məhsulun həddindən artıq istehlakı allergik reaksiyaya səbəb ola bilər.
Rusiya mediası xəbər verir ki, C vitamini qan damarlarının divarlarını gücləndirir, məhsulun tərkibində olan lif isə lipid mübadiləsini normallaşdırmağa kömək edir.
C vitamini ürək-damar sağlamlığı üçün faydalıdır. Damar divarının möhkəm və elastik qalmasına kömək edir. Portağaldakı lif, öz növbəsində, lipid mübadiləsini normallaşdırmağa kömək edir.
100 q portağal pulpasında tövsiyə olunan gündəlik C vitamininin təxminən 50%-i var. O, orqanizmi mövsümi tənəffüs xəstəliklərindən qoruyur və immunitet sistemini dəstəkləyir.
Bu meyvənin tərkibində A vitamini, B vitaminləri, kalium, kalsium, sink, efir yağları və meyvə turşuları da var. Eyni zamanda, portağalın kalorisi yüksək deyil.
Dietoloqlar xəbərdarlıq edir ki, bu məhsulun həddindən artıq istehlakı allergik reaksiyaya səbəb ola bilər.
Ət məhsullarının 90 faizində xərçəng yaradan mikroplastiklər aşkar edilib. Qida vasitəsilə hər il 11500 mikroplastik istehlak edilir.
AJMEDİA.İNFO xəbər verir ki, bu barədə Kolumbiya Universitetinin tədqiqatçıları araşdırma aparıblar.
Bildirilib ki, mikroplastiklər qablaşdırma prosesində qidalara qarışdırılır.
Araşdırma zamanı 16 növ zülal, o cümlədən toyuq göbələkləri, mal əti, balıq filesi və burgerlər sınaqdan keçirilib.
Tədqiqatlar nəticəsində mal ətində 90 rezin hissəcik, balıq əti nümunəsində isə 25 və 40 ədəd rezin hissəciklərinin olduğu müəyyən edilib.
Qeyd edək ki, həmin araşdırmaya əsasən, plastik qablarda satlan sularda 100 nanometr olan plastik hissəciklər aşkarlanıb.(Sfera.az)
“Nadir hallarda rast gəlinən və spesifik müalicə tələb edən xəstəliklərin müalicəsi üçün nəzərdə tutulan dərman vasitələrinin siyahısı”nda dəyişiklik edilib.
Bununla bağlı Səhiyyə Nazirliyinin Kollegiyası müvafiq qərar qəbul edib.
Siyahıya yeni 11 dərman adı əlavə edilib. Bununla da siyahıda yer ala dərmanların sayı 120-yə çatıb.
Qərarın icrasına nəzarət səhiyyə nazirinin müavini İlqar Qasımova həvalə edilib.
Dünya Səhiyyə Təşkilatının (DST) dərc etdiyi məlumatlara görə, dünyada 1 milyarddan çox artıq çəki və ya piylənmədən əziyyət çəkən xəstə var. 2035-ci ildə bu rəqəmin 4 milyardı keçəcəyi düşünülür. Ölkəmizdə də artıq çəkilərindən şikayət edənlərin sayı kifayət qədər çoxdur. Alimlər 1 ayda 7 kilo arıqlamanın sirrini açıqlayıblar.
Mütəxəssislərin fikrincə, arıqlamaq istəyənlər, ilk növbəə, gəzintini məsləhət görüblər. Gəzinti bədənin sinir, əzələ və həzm sisteminə təsir edir. Buna görə də sürətli gəzinti və qaçış arıqlama prosesində faydalıdır.
Mütəxəssislər arıqlamaq üçün asta yerişlərin kifayət etməyəcəyini vurğulayır və 30 dəqiqəlik sürətli gəzinti tövsiyə edirlər.Bu yolla 200 kalori yandırmaq mümkündür. Vaxtı 1 saata qədər artırsanız, 400 kalori yandıra bilərsiniz.
Sürətli gəzinti zamanı nəzərə alınmalı başqa bir məsələ fasilə verməməkdir. Gəzinti zamanı heç bir məşq tövsiyə edilmir. Məşqlər tempin aşağı düşməsinin qarşısını almaq üçün gəzintidən əvvəl və ya sonra edilməlidir.
Arıqlamaq üçün gəzinti hər gün təkrarlanmalıdır. İdmanın həftədə 3 gün edilməsi lazım olduğunu bildirən mütəxəssislərə görə, hər gün 1 saatlıq gəzinti və həftədə 3 gün müntəzəm idman arıqlama prosesinə ciddi töhfə verə bilər. Amma bunu edərkən sağlam qidalanmaya da mütləq diqqət yetirilməlidir. Bu yolla 1 aya 7 kilo arıqlamaq mümkündür.
Mütəxəssislərin fikrincə, arıqlamaq istəyənlər, ilk növbəə, gəzintini məsləhət görüblər. Gəzinti bədənin sinir, əzələ və həzm sisteminə təsir edir. Buna görə də sürətli gəzinti və qaçış arıqlama prosesində faydalıdır.
Mütəxəssislər arıqlamaq üçün asta yerişlərin kifayət etməyəcəyini vurğulayır və 30 dəqiqəlik sürətli gəzinti tövsiyə edirlər.Bu yolla 200 kalori yandırmaq mümkündür. Vaxtı 1 saata qədər artırsanız, 400 kalori yandıra bilərsiniz.
Sürətli gəzinti zamanı nəzərə alınmalı başqa bir məsələ fasilə verməməkdir. Gəzinti zamanı heç bir məşq tövsiyə edilmir. Məşqlər tempin aşağı düşməsinin qarşısını almaq üçün gəzintidən əvvəl və ya sonra edilməlidir.
Arıqlamaq üçün gəzinti hər gün təkrarlanmalıdır. İdmanın həftədə 3 gün edilməsi lazım olduğunu bildirən mütəxəssislərə görə, hər gün 1 saatlıq gəzinti və həftədə 3 gün müntəzəm idman arıqlama prosesinə ciddi töhfə verə bilər. Amma bunu edərkən sağlam qidalanmaya da mütləq diqqət yetirilməlidir. Bu yolla 1 aya 7 kilo arıqlamaq mümkündür.
Ev itinin dişləməsi sepsis və quduzluğa səbəb ola bilər.
32gun.az bildirir ki, bunu rusiyalı yoluxucu xəstəliklər üzrə mütəxəssisi Svetlana Serebryakova deyib.
Serebryakova it dişlədiyi halda nə edəcəyinizi xatırladıb. Bir dişləmə patogen bakteriyaların yaraya daxil olması səbəbindən son dərəcə təhlükəli ola bilər, irinli-iltihabi prosesləri tetikler, ən pis halda qan zəhərlənməsinə səbəb olacaqdır.
"Dişləndikdə öncə yara müayinə edilməlidir. Əgər dişləmə səthi olarsa, yara axan suyun altında yuyulmalı və antiseptiklə müalicə edilməlidir, ÜST isə yaranın təmizlənməsinə ən azı 15 dəqiqə sərf etməyi məsləhət görür. Yara dərindirsə, kənarları yırtılırsa, qan axırsa, həkim çağırmaq lazımdır. Həkimlər sizə tikiş tikib quduzluq peyvəndi verəcəklər. Həkim yolda olarkən qanın dayandırılması lazımdır: ya təzyiq edib qan tədarükünü pozun, ya da dişlənmiş yeri bədəndən yuxarıya qoyun".
Serebryakova qeyd edir ki, ev itlərinin ağızlarında patogen bakteriyalar var, onlar yaraya düşərsə, yumşaq toxumaların irinli iltihabı, meningit, sepsis, qanqren, quduzluq və tetanoz inkişaf edə bilər. Ölüm göstəricisi 100%-ə çatan quduzluqdan qorunmağın əsas yolu təkcə insanlar üçün deyil, həm də heyvanlar üçün peyvənddir. Bir şəxs müntəzəm və ya təcili peyvənd edilə bilər.
"Şəfa” Müalicəvi Diaqnostika Mərkəzi MMC barəsində iqtisadi fəaliyyət qaydaları əleyhinə olan (Valyuta tənzimi qaydalarının pozulması) inzibati xəta protokolu tərtib olunub.
32gun.az-ın məlumatına görə, protokol İnzibati Xətalar Məcəlləsinin 430.4-cü maddəsi ilə irəli sürülüb.
İnzibati Xətalar Məcəlləsinin 430.4-cü maddəsinə görə avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə vəzifəli şəxslər inzibati xətanın bilavasitə obyekti olmuş valyuta vəsaiti məbləğinin 10 faizindən 20 faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.
İşə Bakı Şəhəri Yasamal Rayon Məhkəməsinin hakimi Rauf Daşdəmirov sədrliyi ilə baxılacaq.
Bildirək ki, mərkəzin qanuni təmsilçisi KANAN ƏLİYEV ƏYYUB OĞLU, nizamnamə kapitalı 20 AZN-dir.
"Gənclərdə A qripindən ağırlaşmaların inkişafı ehtimalı çox azdır. Buna görə də 21 yaşlı konkisürən Anastasiya Seredanın ölüm səbəbini çox diqqətlə öyrənmək lazımdır”.
“Cebhe.info” xəbər verir ki, bunu Rusiyada çox müzakirə olunan 21 yaşlı konkisürən Anastasiya Seredanın ölümü ilə bağlı məsələyə münasibət bildirən tibb elmləri namizədi, immunoloq Nikolay Kryuçkov deyib. O, “Lenta.ru” ilə söhbətində A qripinin xüsusiyyətlərindən danışıb:
“Bu xəstəlik üç yaşa qədər uşaqlar, qocalar, xroniki xəstəlikləri olan insanlar və hamilə qadınlar üçün ən böyük təhlükədir”.
Xüsusi əsas risk faktorları olmayan yeniyetmələr, gənclər və hətta orta yaşlı insanlar üçün fəsadların riski çox aşağıdır:
“Bu, xüsusilə diqqətlə öyrənilməli olan bir işdir. Çünki bu, qrip üçün çox xarakterik deyil”.
İmmunoloqun sözlərinə görə, idmançının orqanizmində A tipli qripin aşkarlanması onun fəsadlara səbəb olan başqa, daha ciddi infeksiyaya yoluxma ehtimalını istisna etmir.
“Bundan əlavə, A qripinin özü zamanla ikincil bakterial infeksiya ilə əvəz edilə bilər ki, bu da proqnozun pisləşməsinə əhəmiyyətli dərəcədə kömək edə bilər. Bundan əlavə, ürək-damar sisteminə təsirlər ola bilər ki, bu da riskləri artırır. Pnevmoniya da inkişaf edə bilər”, - deyə o, sözlərini bitirib.
Xatırladaq ki, yanvarın 7-nə keçən gecə rusiyalı konkisürən Anastasiya Sereda 21 yaşında vəfat edib. O, rus şort-trek konkisürməsində ən perspektivli gənc idmançılardan biri idi. Sankt-Peterburq Konkisürmə Federasiyasının nümayəndəsi Nikolay Tretyakov bildirib ki, ölümün ilkin səbəbi beyində fəsadlar yaradan A qripi olub. Tretyakovun sözlərinə görə, idmançı təxminən bir aya yaxın komada olub.
7 günlük bayram tətili başa çatdı. Etiraf etməliyik ki, bayramlarda evdə olduğumuz zaman ən əsas işimiz yemək olur. Çünki bayram günlərində hamı çalışır ki, bacardığı qədər fərqli yeməklər, salatlar və şirniyyatlar hazırlasın. Bayramda çox yeyənlər 2-3 kq kökəlmiş ola bilər. Dietoloqların fikrincə, alınan yeni çəkiləri onlar yağa çevrilməmişdən öncə atmaq daha asandır.
Bizimyol.info bayramdan dərhal sonra forma almağınızı asanlaşdıracaq bəzi təklifləri təqdim edir:
1. Əgər bayramda nə yediyinizə fikir vermədiyinizi düşünürsünüzsə, maddələr mübadiləsinin işləməsinə indidən töhfə vermək vacibdir. Çox güman ki, siz çox şəkər və yağlı qidalar qəbul etmisiniz. Tərəvəz və meyvələrdən isə demək olar ki, istifadə etməmisiniz. Bunun üçün əskik olan qidaları kiçik hissələrdə gündəlik rasionunuza əlavə edə bilərsiniz.
2. Meyvə, süd, pendir, qatıq, tam buğda çörəyi, quru meyvələr, qoz və ya fındıq yaxşı alternativ ola bilər.
3. Axşam yeməyində ağır yeməklər yerinə yüngül yeməklər yemək vacibdir. Yeməklərinizin yağ və duzunu azalda, ədviyyatlarla zənginləşdirə bilərsiniz.
4. Yeməklərinizi yavaş-yavaş yemək və porsiyalarınızı azaldaraq mədənizə kömək etmək faydalı olacaq.
5. İdman etməyi unutmayın. Gündə 30-40 dəqiqə gəzinti çox vacibdir. Ancaq bunu açıq havada edirsinizsə, səhər tezdən və ya axşam edin. Hərəkəti artırmaq önəmlidir. Yəni yalnız qəbul etdiyiniz kalorilərə deyil, yandırdığınız kalorilərə diqqət yetirmək vacibdir.
Niyə su içməlisiniz?
Su istehlakı bədənimizi toksinlərdən azad edir, ödəmi azaldır, bədən istiliyini və böyrəklərin fəaliyyətini tarazlaşdırır. Odur ki, su istehlakınıza laqeyd yanaşmayın.
Bayramdan sonra pəhriz nümunəsi
Səhər:
1 dilim tam buğda çörəyi
Pomidor, xiyar, çoxlu göyərti
Arada:
2 təzə ərik, 15 badam
Günorta:
Səhər salat yeyə bilərsiniz.
Arada:
Meyvə-tərəvəz
1 dilim pendir
1 dilim buğda çörəyi
Axşam:
Limitsiz soyuq pomidor şorbası
1 dilim tam buğda çörəyi
Qatıq
Arada: qatıq, 3 qoz, alma.
QEYD: Bu pəhriz heç bir sağlamlıq problemi olmayan şəxslərə nümunə olaraq hazırlanmışdır. Zəhmət olmasa 3 gündən artıq müddətə müraciət etməyin və hər hansı bir sağlamlıq probleminiz varsa həkiminizlə məsləhətləşin.