Xəbər verdiyimiz kimi, Rusiyanın himayəsi altında Azərbaycan Respublikasının bir hissəsində bəslənən separatçı-terrorçu hayk rejiminin üzdəniraq bir neçə “deputat” və digər nümayəndələri Kəlbəcər rayonunun Dəvədaşı, Heyvalı və Yayıcı kəndlərində məskunlaşmış soydaşlarıyla görüş keçiriblər.

TEREF.AZ moderator.az-a istinadla xəbər verir ki, News.am-ın yaydığı məlumata görə, görüş zamanı separatçı məmur və "deputat"lar Azərbaycan torpağındakı hayklarla Laçın yolunun bağlanması səbəbindən yaranmış problemləri müzakirə edib, onları anti-Rusiya hərəkətlərindən; istər hər hansı etiraz aksiyalarından, istərsə də sosial şəbəkələrdəki yazılardan çəkinməyə çağırıblar...

Xəbərdə o da bildirilir ki, sakinlər üçün prioritet təhlükəsizlik məsələsidir və guya lazım gələrsə, silaha sarılmağa hazırdırlar...

“Başqasına güvənmək səhvdir. Biz özümüzü qoruya bilməsək, başqa kim qorumalıdır ki? Rusların burada olmasının böyük əhəmiyyəti var. Biz onlarla birləşməliyik, bizim əsas müttəfiqimiz ruslardır. Ruslar bizi qorumalıdır ki, biz də müqavimət göstərə bilək”, - Kəlbəcər rayonunun hayların “Poqosaqomer” adlandırdığı Dəvədaşı kəndində sülənən Mişa Davtyan belə deyib...

Azərbaycan Laçın dəhlizini açmır və 9 noyabr 2020-ci il tarixli üçtərəfli bəyanatdan irəli gələn öhdəliyi kobud şəkildə pozur. Bu, Bakının müqaviləni yerinə yetirməyə qadir olmamasından xəbər verir. Bu barədə cümə axşamı Ermənistanın baş nazir Nikol Paşinyan hökumətin iclasında bildirib.

Paşinyan dəhlizlə hərəkətin sərbəst olması, lakin həm də Azərbaycan tərəfdən nəzarətin olacağı barədə Bakının bəyanatlarına münasibət bildirməyib.

Paşinyan beynəlxalq birliyi və qoşunları Qarabağda olan Rusiyanı Laçın yoluna nəzarəti ona qaytarmağa çağırıb. O həmçinin Qarabağa və Laçın dəhlizinə beynəlxalq faktaraşdırıcı missiyanın göndərilməsinin tərəfdarı olduğunu bildirib.

Öz növbəsində Qarabağın “dövlət naziri” Ruben Vardanyan beynəlxalq birliyi Bakıya təzyiq göstərməyə və Xocalıda ermənilər üçün hava limanının açılmasına nail olmağa çağırıb.

O, Rusiya sülhməramlılarının fəaliyyətsizliyindən narazılığını bildirib və təsdiqləyib ki, ermənilər Bakının Azərbaycan tərəfinin nəzarəti altında Laçın yolu ilə hərəkət etmək təklifini qəbul etmirlər.

Xatırladaq ki, Azərbaycan vətəndaş fəallarının Laçın yolunda etiraz aksiyası 25-ci gündür ki, davam edir. Ötən sutka hər iki istiqamətdə yolu sülhməramlıların ondan çox yük maşını keçib.
Eyni zamanda Ermənistandan Qarabağa Qırmızı Xaçın 6 maşını gedib. (Turan)

Yarım saat əvvəl Xankəndidə yenidən elektrik enerjisi, eləcə də mobil internet kəsilib.

Musavat.com xəbər verir ki, bu barədə redaksiyaları Xankəndidə yerləşən erməni Telegram kanalları məlumat yayıb.

“Ermənilərin Sərsəng su anbarından Suqovuşan su anbarına verilən suyun həcmini azaltması barədə yayılan məlumat həqiqəti əks etdirmir”.

Bunu açıqlamasında Tərtərçay Hidroqovşağının İstismar İdarəsinin baş mühəndisi Mehman Kərimov deyib.

O bildirib ki, su anbarındakı təmir işləri ilə əlaqədar suyun həcmi bilərəkdən azaldılıb.

“Göldə suyun səviyyəsinin aşağı düşməsinə səbəb orada aparılan təmir işləri ilə əlaqədardır. Gölün bir qapısı təmir edildiyindən suyun səviyyəsi bizim tərəfimizdən məqsədyönlü şəkildə azaldılıb. Sərsəng su anbarından buraxılan 8-10 kubmetr su əvvəlki qaydada Tərtər çayına axıdılır və oradan da təsərrüfatlara paylanılır. Əvvəl hansı rejimdə işləyirdiksə, indi də həmin qaydada davam edirik”, – M.Kərimov deyib.

Xatırladaq ki, bu gün bəzi sosial şəbəkələrdə Sərsəng su anbarından Suqovuşan su anbarına gələn suyun ermənilər tərəfindən azaldılması barədə məlumatlar yayılıb. (Trend)

“Üçtərəfli razılaşmanın imzalandığı gündən Laçın dəhlizinin açılması ilə bağlı heç bir şübhəm olmayıb. Zəngəzur dəhlizinin açılması isə həm də iqtisadi sərmayədir”.

Teref.az yazır ki, bu sözləri politoloq Yeganə Hacıyeva Baku TV-yə açıqlaması zamanı deyib.


O qeyd edib ki, Fransa prezidenti Makron Nikol Paşinyandan istifadə edərək Cənubi Qafqazda hərbi mövcudluq yaratmaq istəyib.

Daha ətraflı süjetdə:

Paşinyan Laçın yolunun açılması ilə bağlı Rusiyadan “yol xəritəsi” tələb edir. Ermənistan Baş naziri Nikol Paşinyan hökumətin iclasında deyib ki, Rusiya sülhməramlı kontingenti Laçın yolundakı situasiya ilə bağlı müfəssəl açıqlama ilə çıxış etməlidir. Paşinyan hesab edir ki, Rusiya obyektiv, yaxud subyektiv səbəblərdən Qarabağda təhlükəsizliyi təmin edə bilmirsə, BMT Təhlükəsizlik Şurasında sülhməramlı kontingentin BMT mandatı alması və ya bölgəyə əlavə çoxmillətli sülhməramlı kontingentin göndərilməsi üçün məsələ qaldırmalıdır. Kremlin mətbuat katibi Dmitri Peskov isə deyib ki, beynəlxalq sülhməramlıların Qarabağa göndərilməsi üçün hər iki tərəfin - həm Ermənistanın, həm də Azərbaycanın razılığı olmalıdır: "Hər iki tərəf razıdırsa, beynəlxalq sülhməramlılar cəlb oluna bilər. Tərəflər isə tək Ermənistan yox, həm də Azərbaycandır”. Kremlin sözçüsü Ermənistanın Rusiyanın yaxın müttəfiqi, Azərbaycanın isə çox dəyərli tərəfdaş olduğunu vurğulayıb.
TEREF.AZ-ın məlumatına görə, politoloq Azər Qasımov "Şərq"ə açıqlamasında vurğulayıb ki, Paşinyanın Qarabağ ermənilərinin taleyi ilə bağlı "qayğılarını" təbii qəbul etmək lazımdır. Ekspertə görə, Paşinyanın müxtəlif yollarla "ermənilərin mənafeyini qorumağa" çalışacağı aydın məsələdir: "Bunun üçün ağlagələn və gəlməyən yollara baş vuracaq. Baş nazir istəyir ki, tək Rusiyadan asılı vəziyyətdə qalmasınlar. BMT mandatı adı altında bir neçə ölkənin kontingenti də Qarabağa yerləşsin ki, nisbətən özlərini rahat hiss eləsinlər. Həmçinin bu kontingentin arasına Fransanın əsgərlərini də yerləşdirsinlər. Amma bunlar boş xəyallardır. Bir şeyi unudurlar ki, Qarabağ beynəlxalq hüquqa görə Azərbaycan ərazisidir və ora hansısa kontingentin gəlməsi Azərbaycanın razılığı olmadan mümkün deyil. Bunu Lavrov da qeyd edib ki, bu məsələ Azərbaycanla razılaşdırılmalıdır. Azərbaycanın isə belə bir addımı atmağa nə tələbi, nə də marağı var. Azərbaycan beynəlxalq kontingentdən daha yaxşı Qarabağ ermənilərinin təhlükəsizliyini qorumaq iqtidarındadır. Rus sülhməramlıları ərazidən çıxandan sonra bunu edəcəyik. BMT kontingentini azərbaycanlıları Qərbi Zəngəzura köçürəndə dəvət edərik. Onda daha yaxşı effekt verəcək, çünki ermənilərin verəcəyi təhlükəsizlik vədinə ümid etmək olmaz".