 |
|
|
Mayın 4-də Astana məhkəməsi Qazaxıstanın eks-prezidenti Nursultan Nazarbayevin qardaşı oğlunun keçmiş arvadı Gülmira Satıbaldını özbaşınalıqda və adam oğurluğunda təqsirli bilinərək əmlakı müsadirə olunmadan 7 il müddətinə azadlıqdan məhrum edib. Bundan başqa, Satıbaldı Qazaxıstanın dövlət mükafatı - “Kurmet” ordenindən də məhrum ediləcək.
Bu iş üzrə ikinci təqsirləndirilən Satıbaldı Madi Batırşayevin sürücüsü də 7 il, üçüncü müttəhim, adam oğurluğunun səbəbkarı Rəşid Utebekov isə 5 il müddətinə azadlıqdan məhrum edilib.
İş üzrə zərərçəkənlər iki sahibkardı - “Galanz bottlers” ASC-nin təsisçisi Tursenqali Alaguzov və “Maxi Bottlers” LLP-nin keçmiş sahibi Aygül Mekeşevadır. Onların məhkəmə prosesi martın ortalarından başlamışdı.
Gülmira Satıbaldı 2022-ci il martın 16-da tutularaq Astanada müvəqqəti saxlama təcridxanasına yerləşdirilib. Korrupsiyaya Qarşı Mübarizə Agentliyi ona və bir sıra digər şəxslərə qarşı biznes obyektlərinin qanunsuz zəbt edilməsi ittihamı ilə istintaq başlayıb. 2023-cü ilin yanvarında məlum oldu ki, Satıbaldı adam oğurluğu və özbaşınalıqda ittiham olunur. İstintaqın məlumatına görə, Satıbaldı böyük içki şirkətlərinin səhmlərini ələ keçirməyə çalışıb, Mekeşevanı qaçırıb və uşaqlarını öldürməklə hədələyib. Onlara dəyən zərərin məbləği 6 milyard tengedən çox olub. Aprel ayında Satıbaldı və Mekeşeva istintaqla əməkdaşlığa gedərək günahlarını qismən etiraf ediblər.
Gülmira Satıbaldı əvvəllər Nazarbayevin qardaşı oğlu Kayrat Satıbaldı ilə evli olub. “Forbes” nəşri 2018-ci ildə onu Qazaxıstanın ən nüfuzlu iş adamları siyahısına daxil edib, onun sərvəti 163 milyon dollar dəyərində qiymətləndirilib. Kayrat Satıbaldı dövlət qulluğunda çalışıb, paytaxt merinin müavini olub, milli şirkətlərdə rəhbər vəzifələr tutub. O, 2022-ci ilin martında saxlanılıb və sentyabrda məhkəmə onu əmlakı müsadirə olunmaqla və 10 il müddətinə dövlət qulluğunda işləmək hüququndan məhrum edilməklə 6 il müddətinə cəzaya məhkum edib. O, vəzifə səlahiyyətlərindən sui-istifadədə və “Kazaktelekom” ASC-nin vəsaitlərini xüsusilə külli miqdarda mənimsəməkdə təqsirli bilinib.
Son zamanlar vloqları ilə məşhurluq qazanan bloger Aydan getdiyi klubda soyunub əylənməsinin səbəbini açıqlayıb.
DİA.AZ Milli.Az-a istinadən xəbər verir ki, "Aydanique" ləqəbi ilə tanınan bloger ictimai yerdə soyunub, alt paltarında əylənməsini belə izah edib:
"Son həftəsonun anları, çox maraqlı keçdi, hər şey əla. Bir tək klubun kondiseonersiz olması çox narahat edirdi, dözmədim üst geyimimi çıxartdım. Elə bil hamamda idik, hətta mağazadan "ventilyator" sifariş etdik. Çox qəribədir, təşkilatçılar necə bu nüansı unuda bilərdi? Yoxsa bu laqeyd yanaşma idi?".
2022-ci ilin fevralında Polşada casusluqda şübhəli bilinərək saxlanılan rus əsilli ispan jurnalist Pablo Qonzales (Pavel Rubtsov) çox güman ki, Rusiya hərbi kəşfiyyatının (QRU) Janna Nemtsovanın ətrafına yerləşdirdiyi casus olub.
“AzPolitika.info” xəbər verir ki, bu barədə Polşa mətbuatı yazıb.
Boris Nemtsov Fondundakı mənbənin və Rusiyada qətlə yetirilən müxalifətçi siyasətçinin qızının tanışının verdiyi məlumata görə, Qonzales Nemtsova ilə 2016-cı ildə Brüsseldə tanış olub və bundan sonra o, Fondun tədbirlərinə dəvət olunub.
Həbsdən sonra Polşa xüsusi xidmət orqanları jurnalistin rəqəmsal mediasına çıxış əldə edib. Məlumatların təhlilindən məlum olub ki, 2016-cı ildən başlayaraq Qonzales Nemtsova və onun dostlarının, fondun əməkdaşları və tərəfdaşlarının, həmçinin iştirak etdiyi yay jurnalistika məktəbinin tələbələrinin fəaliyyətini ətraflı təsvir edib.
Nəşrin həmsöhbəti bu yolla Qonzalesin xüsusi xidmət orqanlarındakı kuratorlarına hesabat verdiyini iddia edir. O, həmçinin Nemtsovanın təşkilata daxil olması ilə bağlı xərclərin ona ödənilməsini xahiş edib.
Hesabatlardan göründüyü kimi, ehtimal agent Ukrayna və ABŞ-dan gələn yay jurnalistika məktəbinin iştirakçıları ilə maraqlanıb.
Polşa təhqiqatı Qonzalesin qacetlərində Boris Nemtsovun məktublarını tapıb. Casus bu məktubları Nemtsova ilə ünsiyyətdə olarkən onun noutbukundan oğurlayıb. Nemtsov Fondundakı mənbə bildirib ki, bu epizoda görə istintaq Qonzalesə qarşı qeyri-qanuni məlumat əldə etmək ittihamını irəli sürməyə hazırlaşır.
Nemtsov Fondunun həmtəsisçisi Olqa Şorina isə Qonzalesin fondun rəhbərləri ilə əlaqə saxladığını və bir sıra tədbirlərdə iştirak etdiyini, lakin fondun sənədləri və məxfi məlumatlarına çıxışının olmadığını bildirib.
Rusiya və İspaniya pasportlarının sahibi Pablo Qonzales (Pavel Rubtsov) Sovet İttifaqında anadan olub. Otuzuncu illərdə SSRİ-yə aparılan ispan qızı – onun anası 80-ci illərin sonlarında İspaniyaya qayıdıb
2014-cü ildən Qonzales Krımın ilhaqını və Rusiyanın Donbasa müdaxiləsini işıqlandıran jurnalist kimi fəaliyyət göstərib. O, İspaniyanın “Público” qəzeti, EFE agentliyi, laSexta telekanalı, “Amerikanın Səsi”, DW və Bask nəşrləri olan “Naiz”, “Qara” ilə əməkdaşlıq edib.
2022-ci il fevralın 24-də - Rusiyanın Ukraynaya qarşı müharibəsinin başlamasına az qalmış Ukrayna Təhlükəsizlik Xidməti Qonzalesdən ölkəni tərk etməyi tələb edib. Dörd gün sonra Qonzales Polşanın Przemışl şəhərində, Ukrayna ilə sərhədə yaxın ərazidə saxlanılıb. Polşa rəsmiləri həbslə bağlı təfərrüatlı şərh vermədilər, onlar yalnız jurnalistin Rusiya hərbi kəşfiyyatında işlədiyini bildiriblər.
Şair Nazilə Səfərli evindən oğurluq edildiyini açıqlayıb.
Teref.az axşam.az-a istinadən xəbər verir ki, o, bu haqda "Ümid ilə gəl" verilişində danışıb. Nazilə bildirib ki, evinə çalışmaq üçün dəvət etdiyi xanım onun əşyalarını götürüb:
"Qızıllarımı, hətta geyimlərimi də götürüb. İndi evdə o qədər bir tayı olmayan sırğam var ki. Ona görə də evdə köməkçi işləməsinə qarşıyam".
Kaliforniyalı Culi Berkeley Universitetinin məzunu olan yaxşı təhsilli bir Latın amerikalıdır...
Donald Trampdan sonra ABŞ-ın hazırkı prezidenti, 80 yaşlı Co Bayden də gələn ilin 5 noyabrında keçiriləcək seçkilər üçün namizədliyini elan etib. Olduqca çətin keçəcəyi gözlənilən seçki marafonunda Bayden kampaniyasını Culi Çaves Rodrigesə əmanət edib.
Poliqon xarici mətbuata əsasən xəbər verir ki, Ağ Evin 45 yaşlı müşaviri Çavesin şöhrəti onun ailəsində üçüncü nəsil fəal olmasından irəli gəlir. Onun babası, Meksika əsilli Sezar Çaves 1960-70-ci illərdə amerikalı ferma işçilərinin və miqrant işçilərinin hüquqları uğrunda mübarizə aparan həmkarlar ittifaqı lideri, nənəsi Helen Fabela Çaves isə tanınmış əmək hüquqları müdafiəçisi olub. Culinin valideynləri də həmkarlar ittifaqı hərəkatında onun liderlik irsini davam etdirirlər və qızları ilə birlikdə 70-ci illərin sonlarında işçi hərəkatının görkəmli simaları olublar.
Bütün Amerikada latınların və işçilərin qəhrəmanı kimi tanınan Sezar Çavesin nəvəsi, kaliforniyalı Culi uşaq yaşlarında atası və babası ilə birlikdə etiraz aksiyalarına qatılmasına rəğmən, Berkeley Universitetinin məzunu olan yaxşı təhsilli bir Latın amerikalıdır. Vətəndaş cəmiyyətində və həm əyalət, həm də federal hökumətdəki işi ilə o, Amerika cəmiyyətində ikinci dərəcəli hesab edilən, lakin çox böyük səs faizinə malik olan Latın icmasında hörmətli bir yerə sahibdir. Bu baxımdan Baydenin ilk dönəmdə çox da məmnun edə bilmədiyi fəhlə və Latin icmasının səsəini qazanmaq üçün öz kampaniyasını amerikalı işçilər üçün simvolik adlardan birinə - Çaveslərə həvalə etməsi həm də strateji seçimdir.
Üstəlik, bu gün Ağ Evdə ən yüksək vəzifə olan latın titulu sahibi Culi Çaves Rodriges uzun illərdir ki, Demokratlar Partiyasında çalışır. Bir çox vəzifəni tutumuş Culi Barak Obamanın ictimaiyyətlə əlaqələr komandasında yer alıb və ABŞ vitse-prezidenti Kamala Harrisin prezidentliyə namizədlik kampaniyasının əyalət direktoru olub.
Ağ Evin Hökumətlərarası Əlaqələr Ofisinin direktoru olmazdan əvvəl Baydenin 2020-ci il seçki kampaniyasında iştirak edib və daha sonra onun baş məsləhətçisi olub. 2024-cü ildə o, ilk dəfə prezidentlik kampaniyasının rəhbəri olaraq Baydenə ikinci dəfə seçkini qazandırmaq kimi çox çətin vəzifəni yerinə yetirəcək.
Çavesin həmkarlar ittifaqı və aktivist köklərini tərk etdiyini deyən kiçik bir kəsim olsa da, onun siyasi münasibətlərdə güclü bir xarakter olduğu deyilir. Çavesin soyadının nə dərəcədə faydalı olacağı ilə bağlı şübhələr olsa da, onun ailəsindən miras aldığı döyüş ruhunun təsirinin görünəcəyi düşünülür.
pia.az
ABŞ-da dəhşətli cinayət baş verib. Belə ki, qadın sevgilisinin altı yaşlı qızını öldürüb, cəsədini də vedrədə gəzdirib.
Qorxunc hadisə Luiziana ştatının Cefferson qraflığında baş verib.
Məlumata görə, uşağın atası həmin səhər qızı və məşuqəsinin evdə olmadığını aşkar edib. O, narahat olub və polisə məlumat verib.
Uşağın meyiti bir neçə məhəllə aralıda yaşayan bioloji anasının evinin düz qarşısında plastik vedrədə tapılıb.
Sonradan müşahidə kameralarında kişinin sevgilisi Hanna Landonun sakit vəziyyətdə təkərli ağ vedrəni sürüdüyünü əks etdirən görüntülər yayılıb.
Qadın həbs edilib.
Şübhəlinin vedrəni sevgilisinin keçmiş arvadının evinə gətirməsinin səbəbi məlum deyil.
Mənbə: KP.ru
Bu gün görkəmli oftalmoloq alim, akademik Zərifə xanım Əliyevanın 100 illik yubileyidir.
“Report” xatırladır ki, Zərifə Əliyeva 1923-cü ilin 28 aprelində Naxçıvan Muxtar Respublikasının Şərur rayonunda anadan olub.
Belə ki, bu gün Azərbaycanın görkəmli alimi, Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın anadan olmasının 100 ili tamam olur.
Akademik Zərifə Əliyeva zəngin mənəviyyata sahib əsl ziyalı kimi mənalı ömür yolu keçib, əhatəli elmi fəaliyyəti ilə ölkəmizdə tibb sahəsinin inkişafına əhəmiyyətli töhfələr verib.
Alimin oftalmologiyanın aktual məsələlərinə dair uzunmüddətli araşdırmalarının uğurlu nəticəsi olan sanballı əsərləri həmişə təqdirlə qarşılanıb və yüksək qiymətə layiq görülüb.
Bu tədqiqatlarda irəli sürülən yeni və effektli müalicə metodları, kompleks profilaktik tədbirlər qısa müddətdə müvəffəqiyyətlə geniş tətbiqini tapıb. Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi tədqiqat laboratoriyası məhz akademik Zərifə Əliyevanın təşəbbüsü ilə yaradılıb.
Həkimlik etikasını bütün elmi və pedaqoji fəaliyyəti boyu daim diqqət mərkəzində saxlayan Zərifə Əliyeva respublikada yüksəkixtisaslı kadrların hazırlanması işinə gərgin əmək sərf edib, gənc alimlərin və həkim-oftalmoloqların böyük bir nəslini formalaşdırıb.
1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb.
Z.Əliyevanın Azərbaycanda oftalmologiya elminin inkişafında müstəsna xidmətləri var. O, vaxtilə Azərbaycanda geniş yayılmış traxomanın, dünya təcrübəsində birincilər sırasında peşə, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən “Terapevtik oftalmologiya”, “İridodiaqnostikanın əsasları” kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir. Z.Əliyeva yüksək ixtisaslı səhiyyə kadrları hazırlanmasına böyük əmək sərf edib.
Akademik Zərifə Əliyeva Ümumittifaq Oftalmoloqlar Cəmiyyəti Rəyasət Heyətinin, Sovet Sülhü Müdafiə Komitəsinin, Azərbaycan Oftalmologiya Cəmiyyəti İdarə Heyətinin, "Vestnik oftalmoloqii" (Moskva) jurnalı redaksiya heyətinin üzvü idi.
Yüksək elmi nailiyyətlərinə görə 1981-ci ildə SSRİ Tibb Elmlər Akademiyasının M.İ.Averbax adına mükafatına layiq görülüb.
1985-ci il aprel ayının 15-də Moskva şəhərində vəfat edən Zərifə Əliyevanın cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək Fəxri Xiyabanda, atasının qəbri yanında dəfn olunub.
Tailand vətəndaşı Sararat Ranqsiutaporn sevgilisi də daxil olmaqla 13 tanışını zəhərləməkdə şübhəli bilinir.
Lent.az-ın xarivi mediaya istinadla xəbərinə görə, polis əməkdaşları qadını Banqkokda həbs ediblər.
Sonuncu qurbanın yaxınları Sararatın sevgilisinin ölümünün təbii səbəbini sorğuladıqdan sonra polis araşdırmalara başlayıb. Aprelin əvvəlində qızlar Buddist ritualını yerinə yetirmək üçün birlikdə çaya gediblər. Zəhərləyənin rəfiqəsi huşunu itirərək sahildə ölüb.
Müayinə zamanı meyitdə sianid izləri aşkar edilib. Polis Sararatın daha 12 nəfəri öldürdüyündən şübhələnir. Qətllər 2020-ci ildə başlayıb, qurbanların hamısı şübhəli şəxslə tanış olub. Qətllərin səbəbləri maliyyədir. Dostlarından biri ona 250.000 baht (7 min dollardan çox) borc verib. Qadın birlikdə nahar edərkən qusub, huşunu itirib, lakin sağ qalıb.
Ölənlərin yaxınları da zinət əşyaları və nağd pulun itdiyini bildiriblər.
Sararitin keçmiş zabitinin keçmiş həyat yoldaşı olduğu bildirilir.
Kaliforniyadakı elm adamları analar tərəfindən söylənilən səsli laylaların körpələrdə stresi yenməyə, qəlb atışlarını normallaşdırmağa və qanın oksigenləşməsini dəstəkləməyə yardımçı olduğunu isbat ediblər.
Gununsesi.info xarici mətbuata istinadən xəbər verir ki, sınaqlara ağır nəzarət altında olan 106 körpə və anaları cəlb edilib.
Hər gün körpə uşaqlar müalicə edilərkən analar 15 dəqiqə boyunca onlara ənənəvi laylalar söyləyib. Bu zaman elm adamları körpələrin həyatı əlamətlərini ölçüblər.
Bəlli olub ki, ananın səsli mahnı – laylalar söyləməsi hərarəti normallaşdırıb. Ürək döyüntülərini tarazlayıb. Uşaqların qanındakı oksigenə doyumluluq artıb. Stres bədəndən atılıb və içəridəki orqanlar daha çox qidalanıblar.
Analarının səsli laylalar söyləməsini dinləyən yeni doğulan körpələrin 81%-i xəstəxanaya yatırdıldıqdan 5 gün sonra yaxşılaşıb.
Haqqında bəhs edəcəyimiz İradə Gülməmmədova barəsində onu qeyd edək ki, o, 30 sentyabr 1962-ci ildə Şuşa şəhərində anadan olub. 1969–1979-cu illərdə orta təhsil almış, 1979-cu ildən 1985-ci ilə qədər Nəriman Nərimanov adına Azərbaycan Dövlət Tibb İnstitutunun pediatriya ixtisası üzrə ali təhsilini davam etdirmişdir. İradə Gülməmmədova Yolçu Gülməmmədov ilə ailəlidir, Məhəmməd adında bir oğul və Vüsalə adında bir qız övladı var.
Məlumat üçün onu da qeyd edək ki, 1990-cı ildən indiyədək Azərbaycanda 4 xanım icta icra hakimiyyəti başçısı olub. 1993-2000-ci ildə Lənkəran şəhər İcra Hakimiyyəti başçısı Dilruba Camalova, 1999-2000-ci illərdə Sabirabad rayon İcra Hakimiyyətinə Səmayə Piriyeva, 1995-2005-ci illərdə Əli Bayramlı (indiki Şirvan) Şəhər İcra hakimiyyətinin başçısı Sədaqət Qəhrəmanova, 2003-cü ildən 2005-ci ilədək Binəqədi Rayon İcra Hakimiyyətinin başçısı vəzifəsində çalışmış Fidumə Hüseynova və 2015-2022-ci ildə İradə Gülməmmədova Abşeron rayonunun icra başçısı vəzifəsində çalışmışdır.
Sözümüzün canı odur ki, İradə Gülməmmədovaya dövlət tərəfindən böyük etimad göstərilib. Amma bu insan dövlətin ona göstərdiyi etimadı doğrultmayıb. Bu adam 8 ildə Abşeronda 8 iş yeri açmadı, 8 insanı işlə təmin etmədi. Amma... Əmması odur ki, yüzlərlə iş yeri açmaq istəyən insanı, sahibkarı, biznesmeni müflis elədi, şirkətləri çökdürdü.
Təsəvvür edirsiniz, İradə Gülməmmədova və yaxın ətrafı iş adamlarının layihələrini təzyiqlə tutub əllərindən alıblar hətta... Bəli, öz qohum-əqrəbasını həmin şirkətlərin payına şərik ediblər, özü də 50 faiz... Bu bilirsiniz nə deməkdir...?
Məmurun əlində inzibati resurslar var deyə, şirkət sahibinə deyir ki, təsisçi payının 50 faizini mənim qardaşıma, yaxud oğluma verməlisən... Bax, İradə Gülməmmədova Abşeronda fəaliyyət göstərmək istəyən iş adamlarına deyirdi ki, ən azı 50 faiz ortaq, şərik olmalıyıq. İcra başçısı olduğu dönəmdə bir sıra qalmaqallarla yadda qalan İradə Gülməmmədova rayonda “biznesledi” kimi də tanınırdı. Onun ailə üzvlərinin adına böyük şirkətlərinin olduğu da dəfələrlə mediada qeyd edilib.
Təsəvvür edirsiniz İradə Gülməmmədovanın ən yaxın adamı - Abşeron Rayon İcra Hakimiyyətinin Memarlıq və Tikinti şöbəsinin müdiri (baş memar) Akif Əliyev, bələdiyyə sədrləri, hətta bacısı oğlu Babək Alıyev həbs olunur. Amma İradə Gülməmmədovaya söz deyən olmur. Bir soruşan yoxdur ki, icra başçısının icazəsi olmadan baş memar, bələdiyyə sədri torpaq sata bilməz.
Sözün qısası, İradə Gülməmmədova son vaxtlar Abşerondakı obyektlərini satışa çıxarıb. Obyektlərindən birini 15 milyona hərraca qoyub. Soruşanlara deyir ki, yaxın zamanda böyük vəzifəyə gedəcəm, obyektləri satıram ki.....
Bəli, İradə Gülməmmədova yaxın rəfiqəsi olan bir xanımla falçılara, dua yazanlara xeyli pul buraxıb özü üçün karyera duası yazdırır... Deyirəm, bütün işlər dua yazdırmaqla əmələ gəlsəydi, onda şamanlar dünyaya rəhbərlik edərdi. Bu başqa yazının mövzusudur.
P.S. Biz İradə Gülməmmədovaya bir məşhur məsələni yada salmaq istəyirik. İradə xanım, mollanın inəyə dua yazmasını yəqin eşitmisən... Səkinə arvad süd verməyən inəyinə dua yazdırmaq üçün mollaya xahiş edəndə... Molla onun inəyinə bir dua yazır, yazır ki, İradə, pardon, Səkinə, sənin inəyin süd vermir mən nə edim. Amma Molla ona bir kağız parçası yazaraq verir ki, apar as inəyin buynuzundan. Vədə yetişir, inək dünyasını dəyişir. Həmin kağızı oxuyan evin kişisi arvadını balta ilə doğrayaraq, öldürür. Bu rəvayət uzun zamanlar bundan öncə baş vermişdir. //gundelik-baku.com//