 |
|
|
Baş nazir Nikol Paşinyanın həyat yoldaşı Anna Hakopyan erməni qadınlarını özünün yaratdığı sülh kampaniyasına qoşulmamaqda günahlandırıb.
Yenisabah.az xəbər verir ki, bu barədə Anna Hakopyanın özü sosial şəbəkə hesabında məlumat verib.
“2018-ci ilin yayında “Qadınlar sülh naminə” kampaniyasının təşəbbüskarı olmuşam.
Kampaniya mesajım belə idi. “Qadınlar və analar olaraq Qarabağ münaqişəsində iştirak edən bütün tərəfləri və vasitəçi ölkələri heç vaxt və heç vaxt hərbi əməliyyatların yenidən başlanmasına imkan verməməyə, gənc erməni və azərbaycanlı əsgərlərin həyatını təhlükəyə atmamağa çağırırıq. Biz bütün qadınları, güclü və nüfuzlu qadınları, dövlət başçılarının xanımlarını bu təşəbbüsə qoşulmağa çağırırıq ki, onların sayəsində bu kampaniya daha güclü və qüdrətli olacaq”.
Bəs nə oldu? Baş verənlər onu göstərdi ki, hələ başlanğıc mərhələsində olan “Qadınlar Sülh naminə” kampaniyası erməni qadınlarının ölümcül susqunluğu ilə darmadağın edildi. Təbii ki, erməni analar kampaniyanın mesajı ilə razılaşmayıb deyə bilməzdilər ki, yox, biz istəyirik ki, həm özümüzün, həm də azərbaycanlı övladlarımız müharibədə həlak olsunlar. Belə bir şey mümkün deyil.
Bəs problem nə idi? Problem ondan ibarət idi ki, kampaniyanın başlanmasına paralel olaraq aşağıdakı tezis başlandı: “Sən kim idin ki, erməni qadınları adından sülh diləyirsən? Erməni qadını sülh dilənçisi deyil, sülhün mühafizəçisidir. Erməni qadını təkcə dişi aslandan deyil, həm də erkək aslandan doğulub. Lazım gəlsə, döyüş meydanında silaha sarılacaq, oğlu ilə birlikdə özünü qurban verəcək, ancaq sülh dilənməyəcək.
Mən də dedim ki, aprel döyüşlərini işıqlandırarkən həm erməni, həm də azərbaycanlı 18-20 yaşlı əsgərlərin gözündə tamamilə eyni qorxu gördüm. Buna cavab olaraq daha bir tezis üzə çıxdı. “Nə qorxu, necə cəsarətlə bizim əsgərlə Azərbaycan əsgəri arasında bərabərlik işarəsi qoyursan, erməni anası ancaq qorxmaz, cəsur əsgər dünyaya gətirir” və s.
Bu boş cümlələr erməni qadınlarını nəzarətdə saxlamaq və cilovlamaq üçün kifayət edirdi. Onların “satqınlar siyahısına” düşəcəkləri, sülh dilənməkdə günahlandırılacaqları, erməni və azərbaycanlı uşaqları arasında bərabərlik işarəsi qoyacaqları qorxusu belə güclü idi.
Cümlələr isə boş idi, müharibə vaxtı göründü. Ermənistanda yaşı 18-dən yuxarı olan 1 milyon 231 min 584 qadın yaşayır. Mən hətta diasporda yaşayan bir neçə milyon erməni qadını demirəm. İki il ərzində “Qadınlar sülh naminə” kampaniyasına kifayət qədər səy göstərmədiyimi düşünürəm. Düşünürdüm ki, ölkə rəhbərinin xanımının sözü, inadkarlığı kifayət etməlidir.
“Qadınlar Sülh Naminə” kampaniyasının müharibəni dayandırması təbii ki, fakt deyil. Amma hərəkət etmədiyimiz üçün bilmirik. Problem onda deyil, problem məsuliyyəti öz üzərinə götürmək və heç olmasa öz övladının həyat və ölümü məsələsi həll olunanda mövqe bildirmək üçün cəsarət göstərməkdir.
İnanmaq istəmirəm ki, erməni qadınının bacara biləcəyi maksimum şey dua etmək və ya söymək, ya da qəhrəmanlarının ölümündən sonra ağlamaqdır”.
Kürdəxanıda iki qadın qısqanclıq zəminində əlbəyaxa davaya çıxıb.
DİA.AZ-ın “Qafqazinfo”ya istinadən məlumatına görə, hadisə ötən ay qəsəbədə yerləşən “Yaşıl bağ” kafesində baş verib.
Kafedə işləyən Telnaz Qayıbova (şərti) onunla birlikdə çalışan Nazilə Cəlilovanın (şərti) sevgilisi Muradı (şərti) kafedə görüb. Həmin vaxt Muraddan işlə bağlı onu dənizkənarına aparmasını istəyib. Onun bu təklifi Nazilənin xoşuna gəlməyib. Sevgilisini qısqanan N.Cəlilova Telnazla mübahisə edib. Mübahisə zamanı T.Qaylbova həmcinsini döyərək ona xəsarətlər yetirib.
Hadisə ilə bağlı cinayət işi başlanıb və iş baxılması üçün Sabunçu Rayon Məhkəməsinə göndərilib.
Telnaz məhkəmədəki ifadəsində özünü təqsirli bilib: “Kafedə olarkən orada ofisiant işləyən Nazilənin sevgilisi Murad da orada idi. Kafeyə kababçı lazım olduğundan Murada dedim ki, sənə benzin alacağam, məni maşınla Pirşağıda dəniz kənarında işləyən kababçı ilə iş barəsində danışmağa apar. Bunu eşidən Nazilə məsələni düz qavramayıb. Düşünüb ki, onun sevgilisinə dənizdə çimməyi təklif etmişəm.
Birinci dəfə mübahisə edəndə məsələnin qəlizləşməməsi xatirinə kafeni tərk etdim. İkinci dəfə kafeyə qayıdanda Nazilə yenə mənimlə mübahisəni davam etdirdiyindən əsəbiləşib onu döydüm. Üzünə şillə vurub, saçını yolaraq sol biləyini dişlədim. Nazilə də məni vuraraq saçımı yoldu. Törətdiyim əməldən peşmanam”.
Nazilə isə məhkəmədə deyib ki, Telnaz həmin vaxt Murada təklif edib ki, onu dəniz kənarına aparsın: “Murad ona işləri olduğundan apara bilməyəcəyini dedi. Telnazın bu təkilifi bir qadın kimi qüruruma toxundu. Mübahisə etdik, üzərimə hücum edib məni döydü, bədənimə xəsarətlər yetirdi, saçımı yolub biləyimi dişlədi. Onunla barışmamışam, amma həbs olunmasını da istəmirəm”.
Məhkəmə Tibb Ekspertizası müəyyən edib ki, zərərçəkmiş şəxs sol said və qarın nahiyələrindən, sağ gözündən, hər iki bazudan, sağ dizindən zədə alıb. Xəsarətlər bərk küt əşya ilə törədilib. Məhkəmə T.Qayıbovanı Cinayət Məcəlləsinin 128-ci maddəsi (qəsdən sağlamlığa yüngül zərər vurma) ilə təqsirli bilərək ona 300 saat ictimai işlər görmək cəzası verib.
Üç həftədən artıqdır İranda davam edən kütləvi aksiyalar fonunda Zəncan şəhərində kəşfiyyat qüvvələri tərəfindən saxlanılan feminist fəal Səfiyə Qarabaği 8 gün həbsdən sonra müvəqqəti olaraq sərbəst buraxılıb. Qarabaği oktyabr ayının 1-də iş yerində nəzarət altına alınmışdı.
Onu həyat yoldaşı Ruzbeh Səadətinin öz Twitter hesabında paylaşdığı açıqlamaya əsasən, Qarabaği şənbə günü günortadan sonra saat 4-də mülki zəmanət qarşılığında azad edilib.
Səfiyə Qarabağı nəzarət müddətində Zəncan həbsxanasında saxlanılısa da, gündüzləri sorğu-sual üçün İranın Kəşfiyyat Nazirliyinin Zəncandakı şöbəsinə aparılıb. Onun, “rejimə qarşı təbliğat fəaliyyəti” göstərməkdə ittiham olunduğu bildirilir.
İllərdir İran Azərbaycanında gender bərabərliyi, türk dili haqları, erkən nikah problemi, ətraf mühit məsələsi və siyasi məhbusları müdafiə üzrə fəaliyyət göstərən Səfiyə Qarabaği və həyat yoldaşı bundan əvvəl də fəaliyyətləri üzündən basqılara məruz qalmış və mühakimə olunublar.
Gənc qadın Məhsa Əmininin sentyabrın 16-da Tehranda əxlaq polisinin nəzarətində ikən ölümündən sonra İran Azərbaycanı daxil olmaqla, ölkənin müxtəlif vilayətlərində baş qaldıran kütləvi aksiyalarda onlarla etirazçı öldürülüb.
Hüquq müdafiəçiləri aksiyalar ilə əlaqədar İran Azərbaycanında yüzlərlə vətəndaşın saxlanıldığını deyirlər. Amerikanın Səsinə danışan hüquq müdafiəçisi Jalə Təbrizli Təbriz kimi şəhərlərdə aksiyalar zamanı yaralanan bir çox etirazçının nəzarət altına alınaraq hərbi xəstəxanalara yerləşdirildiyini bildirib.
amerikaninsesi
İYİ Partiya sədri Meral Akşener yeni açıqlamaları ilə diqqət mərkəzinə düşüb.
Hurriyyet.Az xəbər verir ki, o, əvvələr siqaret aludçəsisi olduğunu etiraf edib.
Partiya sədri bir vaxtlar gündə 2 qutu yarım siqaret çəkdiyini deyib. Akşenerin sözlərinə görə həyatındakı önəmli dəyişikliklər məhz siqaret çəkməyi tərgitdikdən sonra başlayıb. O, bunun ardından dietaya başladığını və 13 kilo çəki ataraq 81-dən 68 kiloya düşdüyünü söyləyib.
Qeyd edək ki, Meral Akşenerin son zamanlarda xeyli arıqlaması diqqət çəkir. O, da məhz bu məsələyə toxunaraq bəzi etiraflar edib.
Akşenerin etirafları sosial şəbəkələrdə geniş şəkildə müzakirələrə səbəb olub. Hətta istifadəçilər onun 2020-2022-ci ildə çəkilən şəkillərini yan-yana qoyaraq necə arıqladığına diqqət çəkiblər.
Türkiyəli məşhur aktrisa Bensu Soralın son halı hər kəsi təəccübləndirib.
Bakupost.az xəbər verir ki, ekranlara qayıtmağa hazırlaşan aktrisa "Instagram"da paylaşdığı yeni fotoları ilə diqqət çəkib.
Bensunun üzünə estetik müdaxilə etdirdiyi anlaşılıb.
31 yaşlı aktrisanın yanaq, çənə və dodaq nahiyəsindəki dəyişikliklər diqqətdən yayınmayıb.
İsmayıllıda şantaj edildiyini bildirən qadın oktyabrın 4-də polisə müraciət edib.
DİA.AZ “Qafqazinfo”ya istinadla xəbər verir ki, rayon sakini, 1959-cu il təvəllüdlü S.Quliyeva bildirib ki, sevgi münasibətində olduğu M.Məcidov 2017-2022-ci illər ərzində onu dəfələrlə hədələyərək pul alıb. O, həmin şəxsin 5 il ərzində ondan fotolarını yayacağı hədəsi ilə ümumilikdə 2590 manat aldığını bildirib.
Hədələrin davam etdiyini deyən qadın həmin şəxsin məsuliyyətə cəlb edilməsini xahiş edib.
Müraciətlə bağlı İsmayıllı Rayon Polis Şöbəsində araşdırma aparılır.
Müəllimədən dəhşətli işgəncə: ögey qızının başını...
Rusiyada, Volqoqrad vilayətində 40 yaşlı yerli sakin səkkiz yaşlı ögey qızına işgəncə verməkdə təqsirli bilinir.
Bu barədə Rusiya İstintaq Komitəsinin regional idarəsindən məlumat verilib.
İdarədən verilən məlumata görə, bu ilin may ayından iyun ayına kimi Krasnıy Oktyabr kəndinin Komsomolskaya küçəsindəki fərdi yaşayış evində ögey anası qıza nifrət etdiyi üçün onu mütəmadi olaraq döyüb. V1.ru nəşrinin aydınlaşdırdığı kimi, qadın uzun illər informatika müəlliməsi işləyib. Bundan əlavə, o, bir dəfə isti ütü götürərək uşağın başına qoyub, bundan sonra qızı huşunu itirənə qədər döyüb.
İyun ayında təqsirləndirilən şəxs ögey qızını əvvəlcə əlləri və ayaqları ilə döyüb, sonra isə başını tualetə salaraq suyu buraxıb. Sonra isə qızı kəmərlə qamçılayıb.(milli.az)
Zərərçəkmiş zorakılığa dözə bilməyib evdən qaçaraq nənəsinin yanına gəlib və başına gələnləri danışıb. Nənəsi hüquq-mühafizə orqanlarına müraciət edib, bundan qızın ögey anası saxlanılaraq istintaq təcridxanasına yerləşdirilib.
Şahzadə Diana borşu digər yeməklərdən daha çox sevirdi.
Bu xörək onun üçün xüsusi reseptlə hazırlanırdı.
Sosial şəbəkələrdə Bukingem sarayının möhürü və məlumatı olan, ətraflı reseptin əks olunduğu sənəd dərc olunub.
Ledi Dinin reseptinə görə borşa çuğundur, qatıq, soğan, toyuq suyu, süd, xama, duz və istiot qatılıb.
Məlumata görə, bu resept ingilis aşpazları ilə birgə yaradılıb.
