 |
|
|
Azərbaycan Uşaq Birliyinin sədri Kəmalə Ağazadə şantaj olunur.
DİA.AZ Lent.az-a istinadla xəbər verir ki, bu barədə Kəmalə Ağazadə özünün feysbuk səhifəsində paylaşım edib.
O bildirib ki, təhdidlər bir neçə gün öncə 2 yaşlı körpənin durumu ilə bağlı yazdığım statusdan sonra başlayıb:
DİA.AZ paylaşımı olduğu kimi təqdim edir:
"Son günlər fəaliyyətimlə bağlı bir neçə şəxs tərəfindən davamlı olaraq təhdid, şantaj olunuram, ölümlə hədələnirəm. Davamlı olaraq nüfuzuma xələl gətirən yalan məlumatlar paylaşılır. Artıq təhdidlərin məzmunu həyatıma,ailə üzvlərimə təhlükə yaradacağını ehtimal etdiyim üçün hüquq mühafizə orqanlarına müraciət etməyə qərar verdim. Əminəm ki, Daxili İşlər Nazirliyi, o cümlədən Baş Prokurorluq bu məsələni araşdıracaq və hüquqi qiymət verəcək.
Təhdidlər bir neçə gün öncə 2 yaşlı körpənin durumu ilə bağlı yazdığım statusdan sonra başlayıb".
Avstraliyada dörd yaşlı qız oyun avtomatından yumşaq oyuncaq çıxarmaq istəyərkən orada ilişib qalıb.
Məlumata görə, qızcığaz böyük bacısının məsləhətinə qulaq asaraq maşından oyuncaq ayı götürməyə qərar verib, lakin onun sözlərini səhv başa düşüb: mükafatını almaq üçün özü qutuya girib, lakin geri çıxa bilməyib.
Qızının düşdüyü vəziyyət görənlərdə, o cümlədən anasında gülüş yaradıb.
Uşağın atası dərhal köməyə gəlib və azad olmaq üçün ona nə etməli olduğunu deməyə başlayıb. Qızcığaz xəsarət almadan oradan çıxa bilib.
“Həyat yoldaşım dülgərdir, ona görə də dəqiq bilirdim ki, onu çıxaracaq. Mən isə gülür və olanları videoya çəkirdim. Bu, onun 18-ci ad günü üçün əla hekayə olacaq”, - deyə ana baş verənləri şərh edib.
O, hər cür köməklik göstərməyə çalışan ticarət mərkəzinin əməkdaşlarına da təşəkkür edib.
Mənbə: MSN
İranda hicabsızlığa qarşı saxta aksiya keçirilib.
Bu barədə “Azad İran” “Telegram” kanalında məlumat verilib.
Bildirilib ki, görüntüləri sosial şəbəkələrdə paylaşan xanım hadisənin Qum şəhərində baş verdiyini qeyd edib:
“Bir qrup axmaq və yanlarında da pozğunlar burada guya hicabsızlığa qarşı aksiya keçirirlər. Rəhbərin ofisinin siğəlikləridir”.
İsveç parlamentinin azərbaycanlı deputatı Aylin Fazelian video formatda öz ana dilində mənfur İran rejimini sərt tənqid edib.
Bu barədə “Azad İran” “Telegram” kanalı məlumat yayıb.
Ətraflı
Qeyd edək ki, Aylin Güney Azərbaycan davasının tanınmış simalarından olan Mahmud Bilginin qızıdır.
Həmin görüntüləri təqdim edirik:
Üçüncü dəfə ana olan dünya şöhrətli model Adriana Lima tanınmaz hala düşüb.
Publika.az xarici mediaya istinadən xəbər verir ki, hamiləliyi boyu qarnı açıq paltarlarda gəzən podium ulduzunun uzun müddət görünməsinin səbəbi məlum olub. Bildirilir ki, sevgilisi Andre Lemmersdən oğlu olan Adriana doğuşdan sonra artıq çəkilərini ata bilməyib.
Əvvəlki çəkisinə qayıtmasa da, braziliyalı gözəl keçən həftə "Qatar Fashion United by CR Runway" şousunda iştirak edib. Şou 2022 FIFA Dünya Çempionatı çərçivəsində Qətərdə keçirilib. Adriana Limanın şouda çəkilən fotoları internetdə böyük müzakirələrə səbəb olub. Adriana Lima podiuma qapalı ağ libasda və minimum makiyajda çıxıb, saçları isə arxaya toplayıb. İstənilən halda artıq çəkiləri modeli tanınmaz hala salıb. İndiyə qədər o, bu barədə heç bir şərh verməyib.
Yeri gəlmişkən, modelin 41 yaşı tamam olduğu üçün o, modellik karyerasını artıq başa vurmuş hesab olunur.
İranda məşhur aktrisa Təranə Əlidusti həbs edilib.
Mövzu ilə bağlı “Azad İran” “Telegram” kanalı süjet hazırlayıb.
İranda hazırkı xalq etirazlarının özəlliklərindən biri də onun lap başdan ölkənin bir çox tanınmış simaları tərəfindən dəstəklənməsidir.
Etirazlar genişləndikcə xalqın haqq səsinə səs verən sənət adamlarının, eləcə də idmançıların sayı artmaqda davam edib. Bunlardan biri də təkcə İranda deyil, dünya miqyasında tanınmış aktrisa Təranə Əlidusti olub.
Aktrisa etirazçı qadınlarla həmrəylik nümayiş etdirərək, hicabını atıb və buna görə rəsmi “Keyhan” qəzetinin xüsusi qəzəbinə tuş gəlib.
Bir neçə gün bundan öncə 23 yaşlı gənc Mohsen Şekarinin etirazlarda iştirakına görə edam olunmasına Təranə Əlidusti belə münasibət bildirib:
“İndi oturun və bu qaniçənliyin nəticələrini gözləyin”.
Bu cür mövqeyinə görə dekabrın 17-də İran təhlükəsizlik orqanları aktrisanın evinə basqın edərək onu azyaşlı qızının gözü qarşısında həbs edib, həmçinin mənzildə axtarış aparıb və bəzi əşyaları özləri ilə götürüblər.
“Sepah”a bağlı “Təsnim” agentliyinin yazdığına görə, Təranə Əlidusti yalan və təhrif olunmuş məlumatlar yaymaqda, vətəndaşları iğtişaşlara təhrik etməkdə və anti-İran qüvvələri dəstəkləməkdə ittiham olunur.
Daha ətraflı süjetdə:
Xəbər verdiyimiz kimi, bu gün Fövqəladə Hallar Nazirliyinin binasında xınayaxdı mərasiminin keçirilməsinə dair görüntülər yayılıb.
DİA.AZ bildirir ki, məsələ ilə bağlı fövqəladə hallar naziri, general-polkovnik Kəmaləddin Heydərov "Unikal"a açıqlama verib:
"Bu, şəhid ailəsinin qızının məclisdir. Burada nə var ki? Məgər burada içki, söyüş var? Hansı kollektivdə ad günü keçirmirlər? Burada nə problem var axı? Tərbiyəsiz hal var ki?
Ölkədə hər yerdə ad günü, nişan, xına mərasimləri keçirilir. Gəlib öz kiçik kollektivləri ilə qeyd edirlər də. Pandemiya olduğu üçün hamını dəvət etməyə imkan yoxdur. Burada artıq heç bir şey yoxdur. Buna kimsə ayrı don geyindirmək istəyirsə, cavabını alacaq", - deyə nazir qeyd edib.
Sosial şəbəkələrdə millət vəkili Məlahət İbrahımqızının pensiya yaşının 70 yaşadək artırılmasıyla bağlı təklif etdiyinə dair məlumatlar yer alıb.
Deputatın əhalinin sosial rifahının yaxşı olmasını əsas gətirərək, pensiya yaşının artırılmasının tərəfdarı olduğu deyilir.
Cebhe.info-ya danışan Milli Məclisin üzvü haqqında yayılan xəbərlərin yalnış olduğunu bildirib:
"Rəsmi bir adamın adından yalnış məlumatlar yaymaq olmaz. Mən elə söz deməmişəm, kim belə söz deyibsə, onu qınayıram. Pensiya yaşının artırılması hazırda heç cür mümkün deyil, azaldılması da bu gün gündəmdə deyil. Milli Məclisin Əmək və sosial siyasət komitəsinin üzvü, sədr müavini olaraq bildirirəm ki, pensiya yaşında dəyişikliklə bağlı komitəyə heç bir təklif gəlməyib".
Deputat bildirib ki, məsələ müzakirədə deyil, amma, gələcəkdə necə olacağını indidən deyə bilməz:
"İnsanlar erkən pensiyaya çıxıb nə edəcəklər ki? Aktiv həyat yaşamaları ilə seçilməlidirlər. Bu, tək millət vəkilinin də qərarı deyil. Pensiya yaşı kim necə istədisə, elə təyin edilmir. İnsanın sağlamlığı, orta ömür həddi və s. təhlil edilir, ondan sonra pensiyanın yaşla bağlı hissəsinə qərar verilir. Beynəlxalq Əmək Təşkilatının ekspertləri bunun üçün çoxlu rəylər verirlər. Hər ölkənin maddi durumu, həyat tərzi, xüsusiyyətləri nəzərə alındıqdan sonra pensiya yaşı müəyyən olunur".
Qeyd edək ki, deputat bir müddət öncə pensiya yaşının 65 yaşdan aşağı endirilməsinin tərəfdarı olmadığını açıqlayıb. O bildirib ki, bu gün cəmiyyətdə insanlarımız 65 yaşında həkim, müəllim işləyir. Onlar pensiyaya çıxmaq istəmirlər. Əksinə, bir az vaxtın uzanmasını istəyirlər. Özünün hazırda 63 yaşı olduğunu deyən deputat insanların həyatının ən məhsuldar çağında evdə oturmasını qınayıb:
"Azərbaycanda orta ömür həddi uzanıb. Bu, o deməkdir ki, sosial, maddi rifahda da yaxşılaşma var".
İranda türkmən qadın həkim təhlükəsizlik qüvvələri tərəfindən qətlə yetirilib. Bu barədə “Azad İran” “Telegram” kanalında məlumat verilib.
Bildirilib ki, dekabrın 17-də dəfn edilən əslən Türkmənsəhra türkmənlərindən olan və Tehranın “Çəmran” xəstəxanasında işləyən gənc həkim Ayda Rüstəmi təhlükəsizlik qüvvələri tərəfindən oğurlanıb və öldürülüb.
O, dekabrın 12-də işdən çıxdıqdan sonra yoxa çıxıb. Polis onun meyitini iki gün sonra ailəsinə təhvil verib və avtomobil qəzasında öldüyünü, sonra isə özünü körpüdən ataraq intihar etdiyini iddia edib.
Ayda Rüstəmiyə məxsus şəxsi əşyaların ailəsinə verilmədiyi, ailənin məsələni ictimailəşdirməməsi ilə bağlı təhdid edildiyi bildirilir.
İyirmi ildir BMT-də işləyən amerikalı aktrisa Ancelina Coli BMT-nin Qaçqınlar üzrə Ali Komissarlığının (UNHCR) xüsusi nümayəndəsi vəzifəsini tərk edəcək.
"DogruXeber.az" xəbər verir ki, bu barədə BMT-nin Qaçqınlar üzrə Ali Komissarlığı və aktrisanın cümə günü təşkilatın saytında dərc etdiyi birgə bəyanatda deyilir.
"Dünyada məcburi köçkünlərin hüquqları və müdafiəsini müdafiə edən BMT-nin Qaçqınlar üzrə Komissiyası ilə 20 ildən çox fədakar işindən sonra Ancelina Coli BMT QAK-ın Xüsusi Elçisi rolundan daha geniş spektrli humanitar və insan hüquqlarına keçid edir".
"Biz ona onilliklər boyu xidmətinə, fədakarlığına və qaçqınlar və qaçmağa məcbur olmuş insanlar üçün gördüyü işlərə görə minnətdarıq. BMT QAK ilə uzun və uğurlu əməkdaşlıqdan sonra onun missiyasını dəyişmək və qərarını dəstəkləmək istəyini yüksək qiymətləndirirəm" - Bu barədə BMT-nin Qaçqınlar üzrə Ali Komissarı Filippo Qrandi bildirib.
Aktrisa “BMT QAK-ın bu qədər görkəmli və fədakar işçiləri ilə işləmək imtiyazı və imkanına görə” minnətdarlığını bildirib və gələcəkdə “qaçqınlarla və yerli təşkilatlarla birbaşa əlaqə qurmaq” niyyətində olduğunu qeyd edib.
Coli 2001-ci ildən BMT QAK-da işləyir və 2012-ci ildə təşkilatın xüsusi nümayəndəsi təyin edilib. Açıqlamada aktrisanın BMT əməkdaşları ilə birlikdə Yəmən və Burkina Faso da daxil olmaqla 60-dan çox səhra missiyası həyata keçirdiyi qeyd olunub.