Ucar rayon, Alpı kənd sakini 3-cü qrup Vətən müharibəsi əlili
Rüstəmov Səfər Mikayıl oğlu tərəfindən


ŞİKAYƏT

Mən Vətən müharibəsində iştirak edib Şuşa uğurunda gedən döyüşlərdə ağır yaralanıb əlil olmuşam. Buna görə mənə 3-cü dərəcəli əlillik təyin olunub. Prezidentin sərəncamı ilə medallarla təltif edilmişəm. Vətən torpaqlarımızın azadlığı uğrunda canımdan keçməyə həmişə hazıram.
Şikayətim Ucar Rayon Mərkəzi Xəstəxanasının həkimi İlahə Ağayevanın qanunsuz əməlləri barədədir.

Belə ki, 11 noyabr 2024-cü il tarixdə xəstələndiyi üçün anam Məmmədova Yaqut Hüseynalı qızını Ucar Rayon Mərkəzi Xəstəxanasına gətirdim. Müalicə həkim anamım ulturasəs müayindən keçirilməsini məsləhət gördü.Buna görə növbə alamq üçün sənədi USM həkimi İlahə Ağayevaya təqdim etdikdə çox kobud cavab verib “mənim vaxtım yoxdur, mən baxa bilmərəm” dedi. Mən ona bildirdikdə ki, anam xəstədir özümdə qaziyəm dahada uca səslə kobudluq etməyə başladı. İlahə Ağayeva çox kobudluq etdi və anamı ulturasəs müayinəsi etmədi.Mən buna görə çox əsəb sarsıntısı keçirdim.Sonradan mənə dedilər ki, həkim İlahə Ağayeva hamı ilə belə kobud rəftar edir, qanunlara riayət etmək istəmir.

Həmçinin dedilər ki, onun ülturasəs müayinə aparatı köhnəldiyi üçün düzgün diaqnoz qoyulmur.Buna görə mən məcbur olub qonşu Göyçay rayon Mərkəzi Xəstəxanasına gedib anamı orada ulturasəs müayinədən keçirtdirdim.Göyçay MRX-nin əməkdaşları vətəndaşlarla çox mehriban münasibət göstərirlər.
İlahə Ağayevanın insanları saya salmaması, kobud rəftar etməsi və qanunlara riayət etməməsi yolverilməz bir haldır, həkimlik adına bir ləkədir. İlahə Ağayevanın qanunsuz əməlləri barədə Tibbi Ərazi Bölmələrini İdarəetmə Birliyinin icraçı direktoru
Vüqar Qurbanova şikayət ərizəsi ilə müraciət etmişəm. TƏBİB-in 1542 qaynar xəttinə zəng edib şikayətimin niyə araşdırılmamasını soruşanda bildirildi ki, guya mən İlahə Ağayevadan şikayətçi olmadığımı xəstəxananın direktoruna demişəm, guya anamı İlahə Ağayeva ülturasəs müayinə edib, Ancaq bunlar hamısı yalandır mənim anamı Göyçay mərkəzi xəstəxanasında ulturasəs müayinə ediblər ki, sənədi təqdim edirəm.
Həttda İlahə Ağayeva müayinəyə gələnlərə özünün yazdığı tərif ərizələrinə aldadıb imza etdirib TƏBİB-ə göndərib. Həmin İlahə Ağayeva qazi İbrahimov Taleh Şamil oğlunun anasına aldadıb özünün yazdığı tərif ərizəsinə imza etdirib.
Bu yaramaz həkimdən Ucar rayonunda heç kəs razı deyil, çünki insanlarla kobud rəftar etdiyi üçün demək olar ki, hamı ona nifrət edir. Subut kimi sosial şəbəkədə İlahə Ağayeva barədə edilən paylaşmın altından ucarlıların yazdığı rəyləri oxuyanda bilmək olur.
İlahə Ağayevanın barəsində çox şikayətlər olsada xəstəxananın direktoru onu müdafiə etdiyi üçüb barəsində indiyə qədər tədbir görülməyib. Çünki gün ərzində müayinədən yığdığı pulların bir hissəsini xəstəxananın direktoruna verir.
Qeyd edim ki, ulturasəs müayinələri İlahə Ağayeva pulla aparır, imkanı olmayanları isə acılayıb təhqqir edir, müayinə etmir. Belə faktlar çoxlusaydadır ki, hamı bunu təsdiqləyə bilər.
Zeynal Bayramlı bir neçə ay əvvəl Ucar xəstəxanasının direktoru vəzifəsindən çıxarılanda rayon sakinləri çox sevindi. Ancaq İlahə Ağayeva kimi yaramazın bu xəstəxanada işləməsi Ucar sakinlərinə qarşı hörmətsizlikdir.
Ucarlı vətən müharibəsi qaziləri mən, Taleh İbrahimov, Mirtusi Abbasov, Murad Məmmədov və Laçın Kərimov bizi qəbul etməsi üçün TƏBİB-in icraçı direktoru Vüqar Qurbanova ərizə ilə müraciət etmişik.
Mətbuat vasitəsi ilə Prezident cənab İlham Əliyevə, Mehriban xanım Əliyevaya və Vüqar Qurbanova müraciət ünvanlayıb xahiş edirik insanlarla kobud rəftar edən, korrupsiya əməlləri ilə məşğul olan həkim adına ləkə gətirən İlahə Ağayevanın barəsində ciddi tədbirlər görəsiniz.

Məmurların bizneslə məşğul olması ayrı-ayrı sahələri iflic edir. Kənd təsərrüfatında vəziyyət məlumdur. Məmurlar nə qədər aqroparklar yaradıb, bölgələrdə susuzluq mühiti formalaşdırılıb. Örüş yerləri ələ keçirilib. Başqa sahələrdə də bənzər vəziyyətdir. İnhisar orta və kiçik sahibkarlığın canını alır. İnsanlar məmurların əlindən ən bəsit təsərrüfatı da inkişaf etdirə bilmir. Kiçik obyektin işləməsi belə, ciddi problemdir.

Bizimyol.info xəbər verir ki, son vaxtlar cərimələrin məbləği xeyli artırılıb. Məsələn, kartdan karta əməliyyatlarına ciddi nəzarət edilir. Buna görə dövləti qınamaq olmaz. Vergidən yayınma halları çox artıb. Amma dövlət şirkətlərinə güldən ağır söz demədən orta və kiçik sahibkarlara hücum etmək doğru deyil. Məmur biznesinin iqtisadiyyata təsiri çox böyükdür. İri sahibkarlar, adətən, ya oliqarxlardır, ya da dövlət qurumlarının rəhbərlərinə arxalanan şəxslər. Sıravi adamların obyektləri hamıdan əvvəl hədəfə çevrilir.

Pul qıtlığı da orta və kiçik sahibkarlıq üçün ciddi əngəldir. İri sahibkarlar onsuz da imtiyazlar sayəsində biznesini irəli apara bilir. Orta və kiçik sahibkarlıqla məşğul olanların belə imkanı yoxdur. Ölkədə sosial-iqtisadi vəziyyət pisləşdikcə onlar da dalana dirənir.

Əslində, necə olmalıdır? Ölkədə inhisara heç bir halda imkan verilməməlidir. Həm ayrı-ayrı sahibkarlar bunun zərərini görür, həm də qiymət artımı baş verir. İnhisar iqtisadiyyata çox ağır zərbə endirir. Rəqabət mühitinin olması çox vacib şərtdir. Azərbaycanda məhz bu mühiti yaratmaq mümkün olmayıb. Orta və kiçik sahibkarlar bu istiqamətdə çox ümidsiz görünürlər. Məmur biznesi bütün qanunları tapdayıb keçməyi bacarır. Hər hansı işin inkişaf etdirilməsinə də ümid qalmır.

Bütün hallarda real mexanizmlər işə düşməlidir. İnsanar söz yığınından yorulub. Cəmiyyət gündəlik həyatda ədalət prinsiplərinin ciddi şəkildə gözlənilməsini istəyir. Sahibkarlığın inkişafı nağılına daha heç kim qulaq asmağı arzulamır.

Arzuman Xasməmmədli: “Psixi xəstə necə icra nümayəndəsi, Heydər Əliyev Mərkəzinin inzibatçısı işləyə bilərdi?”

Qazax rayon Ağköynək-Qarapapaq kənd Bələdiyyəsinin sədr müavini Arzuman Xasməmmədli 13 gün psixiatriya xəstəxanasında saxlandıqdan sonra noyabrın 20-də evinə buraxılıb. İki həftə ərzində Qazaxdakı Rayonlararası Psixiatriya Xəstəxanasında saxlanılan Arzuman Xasməmmədli hesab edir ki, başına gələnlər konkret sifariş əsasında həyata keçirilib.

“Whatsapp” statusunda arayışın şəklini paylaşıb, dəli olduğumu yazıb”.

Qarapapaq kənd sakini, 1957-ci il təvəllüdlü Arzuman Xasməmmədli Meydan TV-yə danışır ki, hələ bu hadisədən əvvəl bələdiyyə sədri Nəzakət Mansurova psixiatriya xəstəxanasına onunla bağlı müraciət edərək, şəxsi məlumatlarını istəyib. Baş həkim əvəzi Nahidə Osmanova da yazılı şəkildə arayış verib:

“Arayış alınıb ki, bu xəstəxanada stasionar müalicə alıb, diaqnozu budur. Birincisi, harada qaldı “həkim sirri” anlayışı? Nə ixtiyarla başqası haqqında məlumatlar kiməsə verilir? Bunların Hippokrat andına sadiqlik anlayışı budur? İkincisi, niyə mənim haqqımda məlumat toplanırdı? Sonra da bələdiyyə sədrinin qızı “Whatsapp” statusunda həmin arayışın şəklini paylaşıb, bələdiyyə sədrinin müavininin dəli olduğunu yazıb. Bu da sübut edir ki, mənim psixiatriya xəstəxanasına salınmağım əvvəldən planlaşdırılıb”.

Arzuman Xasməmmədli deyir ki, daha sonra Nahidə Osmanova onun məcburi müalicəyə ehtiyacı olması barədə yeni bir arayış tərtib edib. Həmin arayışı kənd icra nümayəndəsi noyabrın 6-da gətirib ona verib:
“Mən heç vaxt psixi xəstə olmamışam. Yeniyetmə vaxtlarımdan epilepsiyadan əziyyət çəkmişəm. Mən xəstəxanada pensiya ilə əlaqədar yatmışam. İyirmi birinci əsrdir, həkimdirlər, amma bunlara söz başa salmaq olmur. Əslində, başa düşürlər, sadəcə, sərf eləmir, ona görə başqa cür danışırlar. Psixi xəstə futbol komandasının təşkilatçı rəhbəri, məşqçisi, müharibədə könüllü özünümüdafiə dəstəsinin rəhbəri olar?! Psixi xəstə bir il icra nümayəndəsi, 4 il Heydər Əliyev Mərkəzində inzibatçı işləyər? Psixi xəstə bələdiyyə sədrinin müavini vəzifəsində necə işləyə bilərdi?”.

İcra nümayəndəsi arayışı verəndə deyib ki, bir gün ərzində könüllü şəkildə psixiatriya xəstəxanasına getməsə, məcburi qaydada aparılacaq. Ertəsi gün – noyabrın 7-də Qazax Rayon Polis Şöbəsindən ona zəng gəlib.

“Kənd sakinləri deyib ki, ayıb deyil, utanmırsınız?!”

Arzuman Xasməmmədli deyir ki, öncə polis şöbəsinə, oradan da polis əməkdaşı ilə birlikdə xəstəxanaya gedib. Xəstəxanada olanda polis bildirib ki, deyilən şəxsi gətiriblər.

Bir qədər sonra isə onu xəstəxanadan Qazax Rayon Məhkəməsinə aparıblar. Məhkəmədə hakim Nemət Musayevin sədrliyilə Arzuman Xasməmmədlinin məcburi şəkildə psixiatriya xəstəxanasına yerləşdirilməsi haqda baş həkimin ərizəsinə baxılıb.

Xəstəxanada Nahidə Osmanova iddia edib ki, Arzuman Xasməmmədli ətrafındakdakılar üçün ciddi təhlükə və böyük problemlər yarada bilər. Ona görə məcburi xəstəxanaya yerləşdirilməlidir.

Məhkəmədə o da məlum olub ki, bir gün əvvəl – noyabrın 6-da Qazax Rayon İcra Hakimiyyətindən psixiatriya xəstəxanasına məktub göndərilib. Orada iddia edilib ki, Ağköynək kəndinin sakinləri icra hakimiyyətinə şikayət edib, özlərinin, uşaqlarının Arzuman Xasməmmədlinin hərəkətlərindən qorxduqlarını bildirib və onun haqqında tədbir görülməsini istəyib:

“Əvvəl bizim öz kəndimizin sakinlərindən ərizələr almaq istəyiblər, mümkün olmayıb. Hamı deyib ki, ayıb deyil, utanmırsınız? Başqa kənd sakinləri adından ərizələr yazıblar. Hakim bütün məhkəmə prosesi boyu baş həkimə suallar verdi, özü də gördü ki, bütün bunlar quramadır, mənə qarşı sifarişin nəticəsidir. Amma gedib gəldi, əleyhimə qərarı oxudu. Oradan da məni xəstəxanaya qaytardılar”.

Məhkəmə qərarında göstərilib ki, Arzuman Xasməmmədli uzun müddətdir “Epilepsiya, tez-tez tutmalar, şəxsiyyət dəyişkənliyi” diaqnozu ilə stasionar müalicədə olub.

Amma bələdiyyə sədrinin müavini hesab edir ki, onu Qazax rayonunda baş verənləri açıq şəkildə dilə gətirdiyinə, çatışmazlıqları icra başçısı Rəcəb Babaşovun birbaşa özünə dediyinə və onun haqsızlıqlarına susmadığına görə cəzalandırılıb:

“Bir gün icra başçısına dedim ki, 14 aydır maaş almırıq. Dedi ki, səbəb? Bildirdim ki, camaat vergi vermir. Strateji əhəmiyyətli yerdir – Ağstafa-Qazax yolunun kənarı. Gəlir mənbələri var, amma heç biri vergi vermir. Nəyə güvənirlər?”

İcra başçısını tənqid etmişdi

Bundan başqa, Arzuman Xasməmmədli psixiatriya xəstəxanasına yerləşdirilməmişdən bir neçə gün əvvəl internet kanallarından birinə müsahibə verib. “Youtube”dakı “Qərb Region TV” adlı kanalda Qarapapaq kəndində qəbiristanlığın ətrafında təxminən bir hektar ərazidə zibillərin yayılması, torpaqların zəbt olunmasından bəhs olunub. Kənd sakinləri bununla əlaqədar narazılıqlarını bildiriblər. Deyiblər ki, kənddə qəbiristanlıq ətrafında, örüş torpaqlarında zibil poliqonu yaranıb. O torpaqlarda otarılan mal-qara zəhərlənib tələf olur, küləkdə zibillər qəbiristanlığa yayılır.
“Xanlıqlarla Ağköynək arasında torpaq zəbt olunub. Bələdiyyə də, kənd soveti də bilir ki, kimlər tərəfindən zəbt olunub. O yol bələdiyyənindir, amma gücü çatmır ki, öz torpağını alsın”, – sakinlər narazılıq edib.

Kənd sakinlərinin şikayətlərinə münasibət bildirən bələdiyyənin sədr müavini Arzuman Xasməmmədli onların haqlı olduğunu vurğulayıb. O müsahibəsində əlavə edib ki, kənd sakinlərini narahat edən problemləri Qazax Rayon İcra Hakimiyyətinin başçısı Rəcəb Babaşovun nəzərinə çatdırmağa çalışıb. Əvəzində icra başçısı onun özünü hədələyib:

“Deyilənlər haqlıdır. Çox təəssüf ki, heç vaxt əhaliyə hesabat verilmir, yığıncaq keçirilmir. Mən özüm də burada səslənən problemlərlə bağlı şikayətlər eləmişəm. İki həftə əvvəl icra başçısının qəbulunda olanda mənə deyir ki, “sən kimsən?””.

Arzuman Xasməmmədli 13 gün ərzində psixiatriya xəstəxanasında yaşananlar barədə də danışıb. O bildirib ki, xəstəxanada ağır dərmanlar verirdilər, lakin qəbul etmirdi:

“Dedim, bu yaşımda, mənə lazım olmayan dərmanları niyə içməliyəm? Bu, mənə təhqirdir. Bunları yaşamaq çox ağır idi. Deyirdim ki, ay ana, ay bacı, əgər dəliyəmsə, göndərin məni Maştağaya, gedim komissiyadan keçim, niyə eləmirsiniz?”

“Qardaşınız müxalifətçi olduğu halda, siz hələ də həkim işləyirsiniz?”

Arzuman Xasməmmədlinin həyat yoldaşı Zahidə Xasməmmədova onun başına gələnlərlə bağlı Meydan TV-yə müsahibə vermişdi. Zahidə Xasməmmmədova deyir ki, həyat yoldaşının psixiatriya xəstəxanasına salınması məsələsini ictimailəşdirəndən sonra icra başçısı onu və Arzuman Xasməmmədlinin bacısını çağırtdırıb:

“Mənim bir baldızım həkim-ginekoloqdur. Məni və həmin baldızımı icra hakimiyyətinə çağırtdırmışdı. Baldızımı da xəstəxananın baş həkimi vasitəsilə gətiriblər. Elə biliblər ki, qızım da Mədəniyyət İdarəsində işləyir, ora da adam göndəriblər. Görüblər ki, yox, orada işləmir. Rəcəb Babaşov bizi əvvəl mədəni şəkildə qəbul elədi. Sonra baldızımı qaldırdı, qayıtdı ki, “həkim, siz bilirsinizmi, qardaşınız müxalifətçidir?” O da dedi ki, xeyr. Ardınca dedi ki, “qardaşınız müxalifətçi olduğu halda, siz hələ də xəstəxanada işləyirsiniz, halbuki, mən istəsəm, çox şey eləyə bilərdim”. Baldızım da cavab verdi ki, “çox sağ olun, çox sağ olun, siz heç nə eləməmisiniz”. Mən güldüm. Qayıtdı ki, yoldaşın da belə güldüyünə görə dəlixanadadır. Birincisi, qardaşa görə bacını hədələmək nə deməkdir? İkincisi, bizi buna görə çağırmışdı? Bu davranışın özü rayondakı vəziyyətdən xəbər verir”.

Zahidə Xasməmmədova deyir ki, onu mediaya orqanlarına müsahibə verdiyinə görə qınayıblar. O isə cavabında baş verənləri ictimailəşdirməkdə haqlı olduğunu deyib.

Daha sonra ona həyat yoldaşı ilə bağlı ərizə yazdırıblar:

“Əvvəl yazılan ərizə ilə razılaşmadım. Guya mən Arzumana cavabdeh olacam, onu müalicə elətdirəcəm. Dedim, Arzumanda nə var ki, onu müalicə eləyim? Onun özü camaatı müalicə eləyir. Əvvəl söz verdilər ki, beşinci gün (noyabrın 15-də) çıxacaq. Getdim, çıxmadı. Başçının müavini Məmməd Alıyev dedi ki, birinci gün dəqiq çıxacaq. Birinci gün getdim xəstəxanaya, yenə də çıxmadı. Baş həkim dedi ki, mənlik bir şey yoxdur, mən razılıq vermişəm. Zəng elədim müavinə, bu dəfə telefonlara ümumiyyətlə, cavab vermədi. Nə isə, axır ki, ayın 20-də buraxdılar”.

Arzuman Xasməmmədli başına gələnlərlə bağlı məhkəməyə şikayət etmək niyyətindədir.

Qazax Rayon İcra Hakimiyyəti Meydan TV-nin iddialarla bağlı suallarını cavablandırmır.

Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…
facebook sharing button Sharetwitter sharing button Tweetemail sharing button Emailwhatsapp sharing button Sharesharethis sharing button Share
2024-11-22 19:07:05
Samux İcra Hakimiyyətinin tərkibində 600 min manatlıq qəribə “alış-veriş” – Kəlbətin, təkər, izolent, maşın yağı və s…
Samux Rayon İcra Hakimiyyətinin strukturunda olan Samux Mənzil Kommunal Təsərrüfatı İstehsalat Birliyi və Samux Şəhər İnzibati Ərazi Dairəsi Üzrə İcra Nümayəndəliyi oktyabr ayında 600min manatdan çox tender “alış-veriş”i edib.

Samux Mənzil-kommunal Təsərrüfatı İstehsalat Birliyi –
“UPSİLON” Məhdud Məsuliyyətli Cəmiyyəti –
Abadlaşdırma işlərinin görülməsi üçün mal-materialların satın alınması – Məbləğ: 153.575,47AZN



Bağlanan müqaviləyə əsasən sözügedən müəssisə avtomaşın yağı, Yağ filtiri, yanacaq filtiri, Təkər bobcat, Akumlyator və.s ilə təmin edilməlidir.

Samux Mənzil-kommunal Təsərrüfatı İstehsalat Birliyi – “UPSİLON” Məhdud Məsuliyyətli Cəmiyyəti
İşıqlandırma işlərinin görülməsi üçün mal-materialların satın alınması – Məbləğ:69.396,51 AZN

Bu tenderə əsasən şirkət icra orqanının tərkibindəki müəssisəni lampa, Kabel, Skop , Elektrik vilkası, İşıq plafonu işıq dirəyi üçün, Kəlbətin, izalent və.s ilə təmin etməlidir.

Bildirək ki, eyni ay və cəmi 1 həftə fərqlə icra hakimiyyətinin tərkibindəki müəssisədən 220 min manat alan şirkətin qanuni təmsilçi Fikrət Qafarov Eyvaz Oğlu, nizamnamə kapitalı 29640 AZN-dir.

Samux Şəhər İnzibati Ərazi Dairəsi Üzrə İcra Nümayəndəliyi –
“Elman” MMC –
“ Samux şəhər Heydər Əliyev prospekti və girişlərində yolların əsaslı təmir işləri “ – Məbləğ: 387.786,78 AZN.

Hesablama Palatası hələ 2022-ci ildə “İnnovasiya və Təchizat Mərkəzi” Publik Hüquqi Şəxsdə apardığı kənar dövlət maliyyə nəzarəti tədbiri zamanı Publik Hüquqi Şəxsin fəaliyyətinə dair nöqsanlar aşkarlamışdı. Həmin dövrdə qurumun yaydığı məlumatda bildirilirdi ki, Auditlə Mərkəz tərəfindən 2018-2021-ci illərdə alınmış 100 halda 3 milyon 342,5 min manat məbləğdə tibbi avadanlıq, inventar və ehtiyatlar, eləcə də, 2018-ci ildə 2 halda humanitar qaydada verilmiş 622,9 min manat məbləğdə hemodializ avadanlıqları, eləcə də cəmi 215 min manat məbləğdə tibbi ləvazimat və dərman vasitələrinin istifadə müddəti bitənədək anbarda istifadəsiz saxlanıldığı müəyyən edilib. Eləcə də, hüquqi aktların tələbləri pozularaq 1,2 milyon manat məbləğində dərman vasitəsinin istifadə təlimatları Azərbaycan dilinə tərcümə olunmayıb.
“Mərkəz tərəfindən qiymət intizamına nəzarət edilməyib, bir sıra hallarda obyektiv iqtisadi səbəblər olmadan bəzi malların alınması zamanı daha baha qiymətlər tətbiq olunub, eləcə də auditin əhatə etdiyi illərdə eyni mal üzrə fərqli qiymətlərlə alışlar həyata keçirilib, eyni dərman vasitələri bəzi müqavilələrdə və podratçılardan bir il daxilində fərqli qiymətlərlə alınıb. Tibbi avadanlıqların satınalınması zamanı ehtimal olunan qiymətin yüksək müəyyənləşdirilməsi halları, eləcədə audit sübutlarının toplanmasında yaranan məhdudiyyətlər və cinayət tərkibinin əlamətlərinin olma ehtimalı nəzərə alınaraq auditin nəticələri barədə müvafiq materiallar Baş Prokurorluğa göndərilib”, – məlumatda deyilir.
Üstündən iki il keçməsinə baxmayaraq “İnnovasiya və Təchizat Mərkəzi”ndə eyni qanun pozuntuları davam edir, eyni hallar yaşanır.
Dövlət satınalmalarının vahid internet portalı üzərindən apardığımız araşdırmada “İnnovasiya və Təchizat Mərkəzi” tərəfindən “Ümumprofilli müalicə müəssisələrində istifadə üçün nəzərdə tutulmuş dərman vasitələri”nin satın alınması üzrə “Referans Pharmaceuticals” Məhdud Məsuliyyətli Cəmiyyəti ilə 11.169.120,08 manat məbləğində satınalma müqaviləsi bağlayıb. Məlumat dövlət satınalmalarının vahid internet portalında 25.10.2024-cü il tarixdə dərc edilib.

Qeyd edək ki, “İnnovasiya və Təchizat Mərkəzi” tərəfindən nəzərdə tutulmuş dərman vasitələrinin satın alınması üzrə keçirilmiş açıq tenderdə ehtimal olunan qiyməti 31.669.508,65 manat müəyyən edilib.

Dövlət satınalmalarının vahid internet portalına yerləşdirilmiş bu məlumatdan görsəndiyi kimi satınalan təşkilatın müəyyən etdiyi ehtimal qiyməti ilə təchizatçının təklif etdiyi qiymətlər arasında kəskin fərq var.

Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.

Amma göründüyü kimi “İnnovasiya və Təchizat Mərkəzi” açıq tender müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş “Referans Pharmaceuticals” MMC ilə satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.

Qeyd edək ki, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “REFERANS PHARMACEUTICALS” (VÖEN: 1502717001) Məhdud Məsuliyyətli Cəmiyyətinin 21.10.2014-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 100 manat olan MMC-nin hüquqi ünvanının BAKI ŞƏHƏRİ NƏSİMİ RAYONU, AK.MİRƏLİ QAŞQAY, ev 76, qanuni təmsilçisi kimi isə Əliyev Abbas Famil oğlu qeyd olunub.

Apardığımız ətraflı araşdırmada məlum oldu ki, MMC 21.10.2014-cü il tarixdə Heydərov İqbal Qəhrəman oğlu tərəfindən təsis edilib. Bəs Heydərov İqbal Qəhrəman oğlu kimdir?

Elektron media tərəfindən 13 yanvar 2016-ci il tarıxində Baş Prokurorluğun yaydığı məlumatda deyilir ki, “Novo Vita P” Məhdud Məsuliyyətli Cəmiyyəti tərəfindən dərman vasitələrinin qiymətinin süni surətdə artırılması barədə Baş prokuror yanında Korrupsiyaya qarşı Mübarizə Baş İdarəsinə daxil olmuş vətəndaş müraciəti əsasında istintaq-əməliyyat tədbirləri həyata keçirilib.
Keçirilmiş istintaq-əməliyyat tədbirləri ilə Bakı şəhəri, Nəsimi rayonu, Mirəli Qaşqay küçəsi, 150A saylı ünvanda yerləşən “Novo Vita P” MMC tərəfindən ölkəmizə idxal olunan dərman vasitələrinin qiymətinin süni surətdə dəfələrlə artırılması, gömrük bəyannaməsi olmayan dərman vəsitələrinin anbarda saxlanması və qanunsuz satılması müəyyən edilib.
Bundan başqa, cəmiyyətin idxal və satışı ilə məşğul olduğu çoxsaylı dərman vasitələrinin ayrı-ayrı həkimlər tərəfindən xəstələrə yazılması müqabilində sonunculara verilən pul məbləğləri (faizlər) yazılmış jurnallar, reseptlər, qara mühasibatlığın aparılmasına dair kitablar və istintaq üçün əhəmiyyət kəsb edən digər qeydlər aşkar edilərək götürülüb.
“Novo Vita P” MMC-nin icraçı direktoru İqbal Heydərov vəzifə səlahiyyətlərindən sui-istifadə etməklə, özü və ya üçüncü şəxslər üçün qanunsuz üstünlük əldə etmək məqsədilə dərman vasitələrinin qiymətini süni şəkildə dəfələrlə qaldıraraq vətəndaşların hüquqlarına və qanuni mənafelərinə mühüm zərər vurmasına şübhələr üçün əsaslar olduğundan Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb, İ.Heydərov şübhəli şəxs qismində saxlanılıb.

Düzdür “Referans Pharmaceuticals” MMC-nin qanuni təmsilçisi Əliyev Abbas Famil oğlu olsa da kim zəmanət verə bilər ki, İqbal Heydərov təsisçilik hüququnu özündə saxlamır və qanunsuz əməllərini indi də satınalmalarda davam etdirmir?

Qeyd edək ki, məqalədə göstərilənlərə aydınlıq gətirilməsi məqsədi ilə “İnnovasiya və Təchizat Mərkəzi”nin Satınalma Komissiyasına ünvanladığımız sorğu cavabsız qaldı. İnternet axtarış sistmləri üzərində “İnnovasiya və Təchizat Mərkəzi”nə kimin rəhbərlik etdiyini öyrənməyə çalışdıq. Bu səylərimiz də boşa çıxdı. Görsənən odur ki, Mərkəzdə əməlli-başlı özbaşınalıqdı. Bəs görəsən Tibbi Ərazi Bölmələrini İdarəetmə Birliyinin icraçı direktoru Vüqar Qurbanov bu haqda nə fikirləşir…

Aktualinfo.org

"...Kəndimizdə Qoca Gözəlov ad- soyadlı böyük bir Kişi var idi... Qarabağ bölgəsində, hətta qan- nəsil düşmənçiliyini belə bir kəlməsi ilə dayandırardı! İndi dünyanın ağsaqqalı yoxdur deyə, iki əmioğlunun- rusların və ukraynalıların qan- ərazi davasını dayandıran yoxdur!" "DİA-AZ" bildirir ki, bu sözlər tanınmış jurnalist, "Təzadlar" qəzetinin baş redaktoru Asif Mərzilinin məqaləsində yer alıb.

Məqalədə daha sonra deyilir: "Sözümün canı var: İsmayıllının bir başçısı var- Nahid Bağırov! Başçı gedəndən 1 ay sonra Prezident Sərəncamı ilə töhmət alan ikinci bir adam tanımıram! 4 ildir ilişib, bəli, məhz ilişib bir əliqabarlı fermerə ki, 25 illiyə icarəyə götürdüyü dəmyə torpaq, sən demə, indi bəlli olur ki, örüş yeridir! Fermer T.Abdullayevdən isə 21 ildir həmin torpağa görə Vergilər Nazirliyi məhz əkinə görə vergi alıb, icarə müqaviləsində də "Kənd təsərrüfatı məhsullarının yetişdirilməsi üçün ayrılır" yazılıb! Taxıl əkənə bu iradı tutub demək olardı ki, gözüm və ağlım əməlli görmür, gəl bundan sonra o torpaqda qoyun otar! Belə demək olardı? Olardı! Amma Nahid Bağırov bu Ağdam sakini olan fermerdən şəhid ailələri adından (fermer isə deyib ki, siyahını verin, özüm yardım edim, onsuz da indiyədək edirəm, bu da gənc başçının xoşuna gəlməyib) pul istədiyinə və ala bilmədiyinə görə 4 ildir əliqabarlı fermerlə məhkəmə müharibəsindədir!
Putin də 4 ildir Zelenski ilə torpaq uğrunda müharibədədir! Nə qazanıb? Bilənlər bilir ki, dünyəvi rüsvayçılıq ortadadır!
Bütün bunların səbəbi birdir: ortada sözü keçən ağsaqqalın olmaması!!!

XXX
...Nahid Bağırov ağsaqqallığın əziyyətini çəkir! Sonda bu intriqada uduzacağını yaxşı bilir! Onu da bilir ki, onsuz da uduzub! Məhkəmələrə zəng etdirib, filan- fulan etdirib qətnamə əldə etməklə deyil. İndiyədək bu əliqabarlı fermerə 4 dəfə uduzub!!! AYIB OLAN NƏTİCƏ!
SONDA: neçə il əvvəl bir MTK vətəndaşa mənzilin divarını satmışdı. Çünki PA- da işləyən bir Həsənağanın qohumu idi! Vətəndaş mənə etibarnamə verdi... Rayon məhkəməsi iddiamızı təmin etdi və 8 min manatın qaytarılmasını qət etdi. MTK sədri PA- dakı "cəddi"nə arxayın idi deyə, apellyasiya şikayəti verdi. Bakı Apellyasiya Məhkəməsi şikayəti rədd etdi... Həsənağanın qohumu bu qərardan Ali Məhkəməyə kassasiya şikayəti verdi. Hakim Vafəddin İbayev yeni qərar qəbul etdi. Bu o demək idi ki, MTK "Mənzil Məcəlləsi"nə tüpürərək sakinlərə divarı da sata bilər.
Qısası, vəkillər bilir, bu hüquqi mübarizəmizə nöqtə demək idi. Zərərçəkən sakinlə birlikdə hakimin Lənkərandakı kəndinə getdik. Məlum oldu ki, atası və anası dünyasını dəyişib. Bir molla götürüb qəbirstanlığa getdik... Məzarın sinə daşına bir məktub qoyub Bakıya qayıtdıq.
Bura qədər bəsdir: səhəri gün həmin MTK sədri məni ofisinə dəvət etdi... Bu gün də onunla dostluğumuz davam edir. Ona görə ki, o mübarizəmizdə haqlı olduğumuzu gördü və ziyanın yarısından da qayıtmağı səmərəli bildi! Onun ağsaqqalı, yəni PA- dakı qohumu başa salmışdı ki, daha bəsdir!!!

XXX
Nahid Bağırovun ağsaqqalı, ona bəsdir deyin! Sonra kompromis yol axtarmamaq üçün... Axı, şəxsən mən sizi tanıyıram. Siz Bəxtiyar Cavadovun sizinlə bağlı 29 ildir çapa verilməmiş müsahibəsinin qəhrəmanısız! Şəxsinizə böyük hörmətimiz var. Ağsaqqallığınızı işə salın... Allah haqqı, fermerlə mübarizə aparıb qalib olmanı heç kim qəbul eləmir. Və hələki elə bir qalibi də tanımırıq...
Nə isə..."

Xəbər verdiyimiz kimi, Azərbaycan Tərəflər Konfransının 29-cu sessiyasına (COP29) sədrlik edir. Dövlətimiz beynəlxalq tədbirlərə ev sahibliyi etmək sahəsində zəngin təcrübəyə malikdir.

COP29-un Azərbaycanda keçirildiyinin əhəmiyyəti çox böyükdür, bunu başa düşməyib pisləyənlər ya cahil, ya da ki..., amma baxaq görək regionlarımızda hazırlıq işləri necə gedib, yerlərə prezidentin təyin etdiyi rayon rəhbərləri, məmurlar və yerli sakinlər arasında hansı səviyyədə maarifləndirici tədbirlər keçirib. Ümumiyyətlə, yerlərdə olan vətəndaşlarımız COP29-un məsuliyyətini, eləcə də nə dərəcədə əhəmiyyətli olduğunu dərk ediblərmi?

COP29 tədbirləri paytaxta geniş vüsət aldığı günlərdə, bu günə və gələcəyə sağlam ekologiya naminə birlik olduğumuz vaxtda regionlarımızda məişət və istehsalat tullantılarının düzgün idarə olunmaması səbəbindən ətraf mühütə və ekologiyaya dəyən zərər kimin ayağına yazılacaq?

Kainat.tv-nin əməkdaşları COP29-la bağlı Hacıqabul və Beyləqan rayonlarında olub. Hər iki rayonda yerli sakinlərlə söhbətləşən əməkdaşlarımız xoşagəlməz mənzərə ilə rastlaşıblar. Bir qisim insan COP29-un yeni xəstəlik, bir qismi isə ümumiyyətlə bu boyda həngamənin nə olduğunu hələ də anlamadıqlarını deyib. Rayonda ekoloji vəziyyətdən danışmağa belə dəyməz - deyən bəzi vətəndaşlar hətta rayon rəhbərlərinin mövcud vəziyyətdən sui-istifadə edib, idarə və müəssisə rəhbərlərindən COP29-la bağlı vəsait topladığı da iddia edilib. Deyirlər, od olmayan yerdən tüstü çıxmaz.

Əcabə, görəsən ölkə başçısının daha da səmərəli iş görmələri üçün, adıçəkilən hər iki rayona təyin etdiyi yeni icra başçılarını buna vadar edən səbəb nədir!? Yerli sakinlərin belə bir iddiası ictimayi yerlərdə nədən müzakirə olunmalıdır. Vəziyyət belə olan halda ortaya çıxan sualların bir neçə cavabı var. Ya, bunlar COP29-un ölkəmizdə keçirilməsinə sevinmək istəmirlər və ya bu dünyəvi Tərəflər Konfransına mənfəət kimi baxırlar, bəlkə də, bəziləri kimi COP29-a müxalif olduqları üçün hazırlıqsızdırlar. Bunu da bildirək ki, biz media olaraq deyilənləri həqiqət olaraq qəbul etməyə borclu deyilik. Amma, necə deyərlər yaşayarıq, görərik...

Əsil məsələ isə bu gündən, yəni noyabrın 14-dən sonra bilinəcək. Davamı Qarabağda keçiriləcək COP29 tədbirlərinə qatılacaq qonaqlar əlbəttə ki, məlum bölgələrdən kecəcək. Hər icra başçısının gördüyü işlərin və hazırlıqların, eləcə də tədarüklərin hansı səviyyədə olduğu onda bilinəcək...!

Xatırladaq ki, Hacıqabul RİH-nin başçısı Sevindik Hətəmov, Beyləqan RİH-nin başçısı isə Əziz Əzizovdur.

Asiman Zeynalqızı
Kainat.tv

"Naxçıvanda gəzən söz-söhbətə görə, Tibb Müəssisələrinin İdarəetmə Birliyinin (Naxçıvanın "TƏBİB"i) direktoru Vüsal Məmmədov, İcbari Tibbi Sığortanın direktoru Elnur İbrahimov və çox sayda səhiyyə işçisi həbs olunub". "DİA-AZ" xəbər verir ki, bunu Naxçıvan Muxtar Respublikası səhiyyə sistemində həbslərin keçirilməsi xəbərinə verdiyi reaksiyasında tanınmış jurnalist Heydər Oğuz qeyd edib.
Jurnalist daha sonra bildirir: "Qeyd olunur ki, Vüsal Məmmədovu öz kabinetindən götürüblər. Bu həmin Vüsal Məmmədovdur ki, başqasının yazdığı məlumata görə məni məhkəmə ilə hədələyirdi. Görünür, ya lorla şoru ayıra bilmir, ya da mən binəvanı olduğumdan daha biçarə, Azərbaycanın Məhkəmə Hüquq Şurasını özünün dəftərxanası olaraq görürmüş. Bu zehniyyətə sahib olmasına baxmayaraq, Naxçıvanın bütün xəstəxanalarına nəzarəti bu adama tapşırmışdılar.
Yadıma Vaqifin dostu Vidadiyə xitabən yazdığı məşhur bir qəzəlindən bu beyt düşdü:
"Qurtaran əndişən ahəngəri-biçarəni,
Şah üçün ol midbəri təbdil olan mismarə bax!".
Yəni loru dillə desək, "Ey mıxı mismara döndərən Allah” məsələsi..."

"DİA-AZ" qeyd edir ki, dünən bu həbslərin xəbərini vermişdik...

YAZISI BURADA: Naxçıvan səhiyyəsində ŞOK HƏBSLƏR: Nazirin qolları da qandallanıb... - TƏFƏRRÜAT

"DİA-AZ" bildirir ki, əslində Vüsal Məmmədov keçmiş Naxçıvan rəhbəri Vasif Talıbovun yaxın adamlarından hesab olunur. Ümumiyyətlə, səhiyyə sistemində Talıbovun kadrları çoxluq təşkil edir və Prezidentin Muxtar Respublikadakı xüsusi nümayəndəsi Fuad Nəcəfli məhz Naxçıvan Səhiyyə Nazirliyində hansısa islahat həyata keçirə bilməyib və hətta nazir təyinatının belə onun iradəsindən kənar baş verdiyi iddia olunur.

Əlavə edək ki, "DİA-AZ"a Vüsal Məmmədovun fəaliyyətindəki qanunsuzluqlarla bağlı məlumatlar daxil olub. Bu barədə növbəti yazıda xəbər verməyə çalışacağıq...