“Müşfiqabad, 28 may qəsəbəsi, 4-cü, 3-cü paralel Həmrəylik küçəsinin yolları pis gündədir. Nəinki adlarını çəkdiyim küçələr, ətraf ərazilər də heç yaxşı deyil. Sanki bu qəsəbənin sakinlərini yaddan çıxarıblar. Dəfələrlə istər Bələdiyyəyə, istərsə də digər aidiyyatı qurumlara müraciətlər olunub, amma problem həllini tapmayıb. Nəinki problem həllini tapmayıb, ümumiyyətlə heç gəlib baxan da olmayıb. Bütün sakinlərin adından mən danışıram, amma hər birini gəlib danışdırsanız hamısı eyni sözü deyəcək”

Bunu Moderator.az-a açıqlamasında Müşfiqabad qəsəbə sakini Niftalıyev Malik deyib. Qəsəbənin daha bir sakini Hidayət Məmmədov əlavə edib.
“Burada yaşayan bütün əhali əziyyət çəkir. Süni göllər əmələ gəlir. Dizə kimi palçıq olur. Sakinlər ayaqlarına sallafan torba keçirib gedirlər. Yoldan keçən maşınlar çirkab suları insanların üstünə sıçradır. Ən acınacaqlı vəziyyət azyaşlılar məktəbə gedəndə olur. Bir bilsəniz onlar necə əzablı yollarla gedirlər. Burada gəlib bir film də çəkib, adını “Əzablı yollarla” qoymaq olar. Yayda da ayrıca bir əziyyət çəkirik. Yollar asfalt deyil deyə hərəkət edən avtomobillər qəsəbəni toz-torpaq edirlər. Uşaqlar məhəllədə oynamağa salamat yer tapmırlar. Nəzərə alsaq ki, qarşıda hələ payız və qış günləri var, onda aqibətimiz daha pis olacaq” deyə şikayətçi bildirib.
Problemlə bağlı aidiyyatı qurumların mövqeyini dərc etməyə hazırıq. Mövzunu davam etdirəcəyik.

İyunun 9-da Mingəçevirə toya getmişdim. Toydan sonra fikirləşdim ki, bu qədər yolu gəlmişəm, buradan çox uzaq olmayan Gəncəyə də gedib oradakı dostumla da görüşüm. Elə də etdim. Gəncədə olarkən çoxdan tanıdığım və Azərbaycan Dövlət Aqrar Universitetində (ADAU-da) işləyən bir tanış ilə də rastlaşdım. Söhbət zamanı o, mənim FB səhifəmdə paylaşdığım yazıların hamısını maraqla oxuduğunu bildirdi və özünün işlədiyi universitetdə baş verənlərdən, hərc-mərclikdən, qanunsuzluqlardan danışdı. Yazılarımın onlara ADAU-da baş verənlərə qarşı ayağa qalxmağa təsir etdiyini, rektora qarşı tədbir görülməsi barədə kollektiv şəkildə Prezidentə müraciət etdiklərini də dedi (https://www.faktinfo.az/.../aqrar-universitetden...). Onu da dedi ki, “Azərbaycan Dillər Universitetində baş verənlər barədə sizin o qədər yazınızdan sonra kollektiv susursa, deməli, Kamal Abdullayev o kollektivə layiq rektordur, amma haqsızlığa, qanunsuzluğa etiraz etməyə cürət etmirlərsə, cəsarətləri çatmırsa, mən gedib onlarla psixoloji treninqlər aparım. Gəncənin ilk paytaxt olduğunu bilirsiniz. ADU-nun oyanışına təsir də qoy Gəncədən olsun”. Sonra o, analogiya kimi Mirzə Ələkbər Sabirdən də bir xatırlatma etdi:

Səs salma, yatanlar ayılar, qoy hələ yatsın,
Yatmışları razı deyiləm kimsə oyatsın,
Tək-tək ayılan varsa da, həq dadıma çatsın,
Mən salim olum, cümlə cahan batsa da, batsın;
Millət necə tarac olur, olsun, nə işim var?!
Düşmənlərə möhtac olur, olsun, nə işim var?!

ADAU-dan olan bu tanışım məndən Kamal Abdullayevin doğrudan ezoterik, həm də şizofrenik olub-olmadığını soruşdu. Mən də ona bunları dedim:
“Ezoterikliyini, mistik dünyada yaşadığını Kamal Abdullayev istər yazılarında, istərsə də televiziya verilişlərində özü də etiraf edir. Gəncə zəlzələsinin baş verdiyi il – 1139 da onun üçün mistik əhəmiyyət daşıyır, çünki orada 11 rəqəmi var. Onun şizofrenikliyi barədə isə bunu deyə bilərəm. Kamal Abdullayevi mən 1982-ci ildən – universiteti bitirib Azərbaycana qayıtdıqdan sonra təyinatla Elmlər Akademiyasının İ.Nəsimi adına Dilçilik İnstitutunda işləməyə başladığım vaxtdan tanıyıram. O vaxt o da həmin institutda işləyirdi. Təkəbbürlü, özündən razı bir gənc idi. O zaman şizofreniyası olduğu hiss olunmurdu. Olunsaydı da, Allahın verdiyi dərdə görə nə demək olardı?! İnsan doğulanda xəstəlikdən sığortalanmır. Kamal Abdullayevin şizofrenikliyi sonradan – vaxtilə indi rektoru olduğu universitetdə kafedra müdiri işləyəndə əxlaqsız hərəkətə cəhd edərkən başına çırpılmış stulun zərbəsindən sonra üzə çıxıb. İndi artıq yaşlanması səbəbindən onda bu xəstəlik özünü daha güclü şəkildə büruzə verir. Onun pula hərisliyi də, görünür, elə xəstəliyi ilə bağlıdır. Yoxsa pula xüsusi ehtiyacı olmayan bu adam niyə müəllimlərin maaşına, tələbələrin cibinə göz diksin, saxta diplom alveri etsin?! Kamal Abdullayev Bakı Slavyan Universitetinin rektoru işləyərkən eyni zamanda AMEA-nın akdemik-katibi kimi böyük bir vəzifə tuturdu (Bu şəraiti onun üçün R.Mehdiyev yaratmışdı). Amma bu adamın gözü heç doymurdu. AMEA-nın İ.Nəsimi adına Dilçilik İnstitutu üçün ayrılmış iki milyon manatı da məhz Kamal Abdullayev mənimsəmişdir. O, İnstitutun, Azərbaycanda dilçiliyin inkişafı üçün nəzərdə tutulmuş həmin maliyyə vəsaitinin cüzi bir hissəsini “tolkuçka”dan radio-maqnitofonlar, köhnə, demək olar ki, yararsız kompüterlər alınmasına, bir neçə elmi kitabın tərcüməsinə sərf etmiş, qalan hissəsini isə mənimsəmişdir. Tərcüməçilərə pul ödəməmək üçün həmin kitablar əsasən “Qoogle” proqramı ilə tərcümə edildiyindən onların hansı vəziyyətdə olduğunu təsəvvür etmək çətin deyil. Onlar poliqrafik cəhətdən də keyfiyyətsiz hazırlanmışdır. Mən FB səhifəmdə bir neçə gün əvvəl dərc etdiyim “İsgəndərin buynuzu var” adlı yazımdan bir hissəni xatırlatmaq istəyirəm: “Azərbaycan Dillər Universitetinin Kamal Abdullayevin bir çox sirlərini bilən əməkdaşları ... onları söyləməkdən çəkindiklərindən Universitetin II korpusunun həyətinin torpaq hissəsində, kameraya düşməyən bir yerdə kiçik quyu qazıblar və bu sirləri o quyuya deyirlər. Orada bitən çiçəklərin ləçəkləri üzərində Kamal Abdullayevin Kiril əlifbası ilə yazılmış sirləri bir anlığa peyda olur və sonra pozulur”. İndi İ.Nəsimi adına Dilçilik İnstitutunda salamat qalmış həmin radio-maqnitifonları açanda onların bütün dalğalarda səsləndirdiyi ilk ifadə bu olur: “İki milyonu Kamal Abdullayev yedi”.
2014-cü ildə Norveçin Tədqiqatlar və ali təhsil Naziri Sandra Borxun magistrlik dissertasiyasının 20 faizdən çoxunun plaqiat olduğu, 2021-ci ildə Avstriyanın Əmək və ailə məsələləri üzrə naziri Kristina Aşbaxerin öz dissertasiyasında bəzi istinadları göstərmədiyi, 2022-ci ildə Rumıniyanın baş naziri Nikolae Çukenin doktorluq dissertasiyasının üçdə biri plaqiat olduğu üzə çıxdıqdan sonra istefa verməsi oxuculara mətbuatdan məlumdur. Lakin Kamal Abdullayevin dövlətin milyonlara manatını mənimsədiyi, vəzifə təyinatlarına və kəsirlərin ləğvinə görə böyük məbləğdə rüşvət aldığı, yüzlərlə saxta diplom satdığı məlum olsa da, nə o, istefa verir, nə də hüquq-mühafizə orqanları onun cinayət şübhəli əməllərini araşdırırlar. Hətta Kamal Abdullayevə öz çörək ağacı kimi baxan Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva ona 2025-ci ildə 75 yaşı tamam olana qədər rektor vəzifəsində qalması üçün əlindən gələni edəcəyinə söz verib və rektor kimi ölməsi üçün də səylərini əsirgəməyəcəyini vəd edib. Allah bu ölkəni daha betərindən qorusun”.
ADAU-nun əməkdaşı ilə söhbətimiz beləcə Allaha dua ilə bitdi. Amin.

Həbib Zərbəliyev
Azərbaycan Dillər Universitetində professor
Dia-az.İnfo

Ağdaş rayon işıq idarəsinin müdiri – özbaşınalıqları ilə rayonda ad çıxaran Nazim Hüseynovla bağlı narazılıq kəskin şəkildə artmaqdadır. Uzun müddətdir ki, öz səlahiyyəindən şəxsi maraqlarını təmin etmək üçün sui-istifadə edən Nazim Hüseynov, öz uzaq qohumlarının ucqar kəndlərdəki tövlələrini belə işıqla təmin etdiyi halda, qazi ailələrinin işıqla təminatına laqeyd yanaşır, onları aylarla sürən süründürməçiliyə məruz qoyur. Məqsəd insanları bezdirərək onları qanunsuz ödənişlərə məcbur etməkdir.

Nazim Hüseynovun “zəhməti” sayəsində artıq rayonda istər yaşayış, istərsə də qeyri-yaşayış obyektlərinin hamısında sayğacların quraşdırılması, habelə istismar müddətini başa vuran sayğacların yeniləri ilə əvəzlənməsi prosesi pulla həyata keçirilir. Vətəndaşlardan pul yığımı qanunsuz olduğu üçün, bu proses sənədləşdirilmir. Vətəndaşlardan yığılan pullar Nazim Hüseynov və onun yaxın çevrəsinin cibinə axır.

Nazim Hüseynovun əsas gəlir mənbələrindən birini isə qeyri-yaşayış obyektlərinə işıq çəkilişi üçün texniki şərtin verilməsi tutur. Bunun üçün sahibkarlardan külli miqdarda pul alan Nazim Hüseynov, pul ödənişindən imtina edən sahibkarlara süni əngəllər yaradır, onların obyektinin işıqla təminatına imkan vermir.

Nazim Hüseynov öz qanunsuz əməlləri ilə baş idarənin də adını ləkələyir, bütün bu ödənişlərin ona deyil, “yuxarılara” çatdığını bildirir.

Bütün bunların nəticəsidir ki, rayonun işıq idarəsinin müdiri çoxlu sayda daşınmaz əmlaka malikdir. Buna nümunə olaraq Nazim Hüseynovun yaxın qohumlarının adına sənədləşdirdiyi “Ləki” marketi, xırda və orta ölçülü çoxsaylı ictimai iaşə müəssisəsini, sahəsi yüz hektarlarla olan otlaq sahələrini göstərmək olar.

Bir sözlə, görünən odur ki, Nazim Hüseynov sadəcə Ağdaş bölgəsində deyil, bütün ölkə miqysında nəhəng əmlak oliqarxına çevrilib. Ümid edirik ki, əlaqədar qurumlar Nazim Hüseynovun qanunsuz yolla əldə etdiyi milyonlarla bağlı araşdırmalar apararaq onu məsuliyyəət cəlb edəcək, dövlətdən oğurlanan pulların dövlət büdcəsinə qaytarılması təmin olunacaq.
M.MƏMMƏDLİ
hurriyyet.az

Və yaxud, Adil Kərimlini nə məcbur edir ki, direktor vəzifəsinə 65 yaşlı, dövlət vəsaitini külli-miqdarda mənimsəmə üstündə məhkum edilmiş birisini 5 il vəzifədə qalmaq şərtilə təyin edir???

Məlumat üçün bildirərk ki, 2010-cu ildə Azərbaycan Respublikasının Hesablama Palatası tərəfindən Şəki şəhər Mədəniyyət və Turizm şöbəsində dövlət büdcəsinin və yerli xərclərdən ayrılan vəsaitlərin proqnozlaşdırılması və istifadəsi vəziyyətinin audit yoxlaması nəticəsində şöbənin məsul vəzifəli şəxsləri tərəfindən vəzifə səlahiyyətlərindən sui-istifadə hallarına yol verilməsi, rəsmi sənədlərə saxta məlumatların daxil edilməsi, habelə göstərilən sənədlərdə onların həqiqi məzmununu təhrif edən düzəlişlərin edilməsi və sair ciddi nöqsan və çatışmazlıqlara yol verilməklə kassadan nağd pul vəsaitlərin əsassız olaraq silinməsi faktları aşkarlanaraq bu barədə Baş Prokurorluqdan məlumat verilmuişdi.
Araşdırmalar zamanı həmçinin ödəniş cədvəllərində yekun məbləğin artırılması, əmək haqqı cədvəllərində işçilərə əsassız olaraq artıq hesablanmış vəsait hesabına yaranmış vəsaitin bir hissəsinin şöbənin işçilərinin, eləcə də kənar şəxslərin adlarına açılmış əmanət hesablarına, digər hissəsinin isə şöbənin strukturlarında işləməyən kənar şəxslərin və şöbənin müxtəlif strukturunda çalışan işçilərin adına saxta açılmış bankomat kartlarına ödənilməklə 1 milyon 394 min 75 manat məbləğində pul vəsaitinin hesabdan çıxarılması, müavinət alanların ödəniş cədvəllərində sayı artırılmaqla 80 min 661 manat vəsaitin əsassız olaraq kassadan silinməsi və xüsusi vəsait üzrə yığılan 7 min 103 manat məbləğində nağd pulun kassaya mədaxil olunmaması (ümumilikdə 1 milyon 481 min 840 manat) aşkar edilmişdi.
Bundan başqa, müxtəlif hüquqi və fıziki şəxslərdən büdcə vəsaiti hesabına alınması rəsmiləşdirilmiş inventar, avadanlıq və mal-material qiymətlilərinin mədaxil edilməməsi və həmin materialların faktiki varlığının müəyyən olunmaması səbəbindən 849 min 592 manat məbləğində çatışmazlıq, balansda olmayan nəqliyyat vasitələrinə, habelə şöbənin işçisi olmayan şəxslərin adına rəsmiləşdirilməklə 34 min 906 manat dəyərində yanacağın artıq silindiyi, elektrik enerjisi haqqının bir sıra mədəniyyət obyektləri üzrə sayğac göstəricilərinin çox göstərilməsi səbəbindən 54 min 228 manat artıq ödənildiyi və sair müəyyən olunmuşdu.
Göstərilənlərlə yanaşı, şöbə üzrə 2007-2009-cu illərdə müxtəlif müəssisələr tərəfindən yerinə yetirilməsi sənədləşdirilib 188 min 101 manat dəyərində cari və əsaslı təmir işlərindən 153 min 586 manat dəyərində təmir işlərinin sənədli və nəzarət-ölçü qaydasında auditi ilə icraçılar tərəfindən iş həcmlərinin 135 min 892 manat şişirdilməsi müəyyən edilmişdi.
Şəki şəhər Mədəniyyət və Turizm şöbəsinin vəzifəli şəxslərinin hərəkətlərində ağır nəticələrə səbəb olan vəzifə səlahiyyətlərindən sui-istifadə, vəzifə saxtakarlığı və onlara etibar edilmiş külli miqdarda dövlət əmlakının mənimsəmə və israf etməklə talama cinayətlərinin əlamətləri olduğundan, toplanmış material üzrə fakta görə Azərbaycan Respublikası Cinayət Məcəlləsinin 179.3.2, 308.2 və 313-cü maddələri ilə cinayət işi başlanmış və sonda iş materialları Şəki Ağır Cinayətlər Məhkməsinə göndərilmişdi.

Şəki Ağır Cinayətlər Məhkəmə binası

Qeyd edilən məsələlərdə adı hallanan 12 nəfər mədəniyyət işçiləri dövlət vəsaitini mənimsəməkdə günahlandırılmışlar.

Şəki Ağır Cinayətlər Məhkəməsində Mədəniyyət və Turizm Nazirliyinin Şəki Mədəniyyət və Turizm şöbəsinin 14 əməkdaşının cinayət işi üzrə məhkəmə baxışı başa çatmaqdadır. 02 oktyabr 2012-ci ildə dövlət ittihamçısı məhkəmədən ittiham olunanlara 4 ildən 11 ilədək (ümumilikdə 100 ilə yaxın) azadlıqdan məhrumetmə cəzası istəmiş və əsa fiqur hasab edilən . Şöbənin müdiri Elmira xanıma 9 il, baş mühasib Sevinc xanım isə 8 il müddətinə azadklıqdan məhrum edilmişlər.

Xatırladaq ki, 2010-cu ildə Şəki Mədəniyyət və Turizm şöbəsinin işçilərinə qarşı Cinayət Məcəlləsinin 179.3.2 mənimsəmə və ya israf etmə), 308.2 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanmış cinayət işi üzrə onlar 2 milyon 200 min manat dövlət vəsaitini mənimsəməkdə günahlandırılmışlar.
Dövlət vəsaitini mənimsəməkdə günahlandırılanların 13 nəfəri, o cümlədən müdir Aydın İbrahimxəlilov hazırda da vəzifələrini həmin vaxt icra etsə də onun dövlətə 340000 manat , 4 saylı Şəki Uşaq Musiqi məktəbinin direktoru və sabiq Şəki Mədəniyyət Şöbəsinin əvvəlki müdiri olmuş İbrahim Rəsulov isə 54000 manat ziyan vurduğu məlum olmuşdur.
Bəli, Şəki Mədəniyyət Şöbəsinin sabiq müdirlərindən İbrahim Rəsulov və Aydın İbrahimxəlilov dövlətə vurduqları ziyanın bir hissəsini ödəməklə 7 il azadlıqdan məhrumetmə cəzaları yüngülləşdirilərək 5 il şərti cəza ilə əvəzlənmişdir. Lakin 2 milyona yaxın vəsaiti ödəmək imkanı olmayan sabiq müdir Elmira və onun baş mühasibi Sevinc xanım 2012-ci ildən 8 il müddətinə azadlıqdan məhrum edilmiş və cəzalarını çəkib evə buraxılmışlar. Lakin dövlətə dəymiş 2 milyon manat civarında pul bu gün də ödənilməmiş qalmışdır. Xüsusi araşdırmalarımız nəticəsində məlum olmuşdur ki, 2 milyon manat mənimsəməkdə ittiham olunmuş Elmira xanım işlədiyi dövrdə və indi də həmişə adi bir ziyalı kimi yaşamışdır. Bu adamın Şəkidə təmirsiz hazırda yaşadığı evdən başqa nə adına, nə də ailə üzvlərindən kiminsə adına elə bir xüsusi mülkiyyəti olmamışdır. Bəs o zaman onun mənimsədiyi pullar kimə qismət olmuşdur? Həmin pullar sabiq icra hakimiyyətinin başçısı Nazim Əsabəli oğlu tərəfindən mənimsənildiyi bildirilir.

Sabiq icra başçısı İbrahimov Nazim

İstintaq zamanı Elmira xanımın dövlət büdcəsindən talanan pulların kimə verilməsi barədə istintaqa ifadə verməməsi təkidlə xahiş olunmuş və həbs edilməyəcəyi barəd narahat olmaması vədi verilmişdir. Lakin hadisələrin sonrakı inkişafı göstərdi ki, sabiq icra başçısı vədinə xilaf çıxmış, dəymiş ziyanı Elmira xanımın adından dövlət büdcəsinə qaytarmadığına görə Şəki tarixində ilk dəfə iki ziyalı xanım göz görə görə həbsə atılmışlar.
Bəli, nəfsinin itiliyindən İbrahimov Nazim digər vəzifəli şəxsi də beləcə “tora salmışdır. Rabitə bank”ın Şəki filialının müdiri olan Natiq müəllim də Elmiranın aqibətini yaşamışdır. Belə ki, o da icra başçısına təxminən tələb olunan 3 milyon civarında nağd pul kütləsini verməyə məcbur olmuşdur. Bu qədər pulların bankın dövriyyəsindən çıxarması isə “Rabitə bankın” mərkəzi ofisində şübhələr yaratmış və Şəkiyə audit yoxlaması göndərilmişdir. Natiq müəllim yolun sonuna çatdığını hiss etmiş və yoxlama komissiyasını qarşılamamışdan əvvəl 3-cü və 5-ci sinifdə təhsil alan övladlarını son dəfə məktəbə şəxsən yola salmış və özünü asaraq intihar etmişdir. İntiharın səbəbini o yazıb cibinə qoyduğu kağız parçasında qeyd etmişdir. Lakin təəssüflər olsun ki, Baş Prokurorluq yanında Ağır Cinayətlərə dair şöbənin mühüm işlər üzrə boylu-buxunlu müstəntiqi işi araşdıran zaman cibdən çıxan kağız parçası müəmmalı şəkildə yoxa çıxmış, lakin bunun qarşılığında N. İbrahimov xeyli ziyana düşdüyü iddia olunmuşdur. Və məsələ beləcə “bağlanmışdır”. N.İbrahimovun Şəkinin digər vəzifəli şəxslərinə qarşı da təşkil etdiyi “pul qoparma” kampaniyası barədə növbəti saylarımızda geniş izahat veriləcəkdir.
İndi əsas məslələrdən biri budur ki, 2012-ci ilin oktyabrın 12-də, 1(091)-063/12 saylı cinayət işi üzrə təqsirləndirilən 13 nəfər mədəniyyət işçilərinə qarşı üst üstə dövlət ittihamçısı tərəfindən 100 il həbs cəzası istənilsə də, onlardan yalnız iki qadının hərəsinə 8 il həbs cəzası verərək həbsxanaya yoladılar. Digər mədəniyyət işçilərinin hamısı şərti cəza ilə məhkum olsalar da onlar hal-hazırda da Şəki-Zaqatala Regional Mədəniyyət İdarəsində bu və digər vəzifələri tutmaqla öz xislətlərində dövlət büdcəsinə ziyan vurmaqda davam edirlər. Belələrindən ən “yaxşıları” olan Bahar xanım yenə mühasibatlıqda, digər məhkum idarənin təsərrüfat şöbəsinin müdiri vəzifəsində, İbrahim Rəsulov isə 4 saylı Şəki Uşaq Musiqi məktəbinin direktoru vəzifəsində çalışır. Sonuncu məhkum direktor haqqında bir az ətraflı məlumat vermək istəyirik:

İki dəfə külli-miqdarda dövlət vəsaitini mənimsədiyinə görə işdən kənarlaşdırılan Rəsulov İbrahim

Belə ki, Ötən sayımızda “Nazir Adil Kərimli 65 yaşlı məhkum olmuşu yenidən direktor təyin edəndə xiyar necə bitər?” başlıqlı məlumat xarakterli yazımızda 2001-2004-cü illərdə Şəki şəhər Mədəniyyət şöbəsinin müdiri işləmiş, külli-miqdarda ( 55000 manat) dövlət əmlakını mənimsədiyinə görə 2004-cü ildə vəzifəsindən kənarlaşdırılan və Şəki Ağır Cinayətlər Məhkəməsinin 2012-ci ilin 12 oktyabr tarixli, 1(091)-063/12 saylı hökmü əsasında Azərbaycan Respublikası Cinayət Məcəlləsinin 179.3.2 maddəsi üzrə 7 il azadlıqdan məhrum edilmiş, sonradan hakimlərin marağı dairəsində hökmün əsassız olaraq 5 il şərti cəza ilə əvəz edilərək məhkum edilmiş 65 yaşlı Rəsulov İbrahim Allahyar oğlunun hansı zərurətdən Şəki 4 saylı Uşaq Musiqi məktəbinə 1 aprel 2024-cü ildə yenidən direktor təyin edilməsi hazırkı kollektiv arasında da birmənalı qarşılanmamasından bəhs edilmişdir.

5 il məhkum ola-ola 2012-ci ildən 2021-ci ilədək yenə 4 saylı uşaq musiqi məktəbinə əsassız olaraq rəhbərlik edən İbrahim müəllim Rəsulovun son 5 illik iş fəaliyyəti 2021-ci ildə Maliyyə Nazirliyinin yoxlama komissiyası tərəfindən geniş araşdırılan zamanı yenə də dövlət vəsaitinin külli-miqdarda mənimsənilməsi kimi ciddi maliyyə maxenaiyalarına yol verildiyi aşkar edilmiş və məhkum direktor yenə vəzifəsindən azad edilmişdir.

Cari ilin aprelin 1-dən Mədəniyyət naziri cənab ADİL Kərimlinin əmri ilə İ.Rəsulov iki dəfə 2004 və 2021-ci ildə külli-miqdarda dövlət vəsaitini yaxşı mənimsədiyi nəzərə alınaraq məhkum mədəniyyət işçisi yenidən Şəki 4 saylı uşaq musiqi məktəbinə direktor vəzifəsinə təyin edilmişdir.


2016-2021-ci illərin əhatə edən bircə faktı qeyd etmək kifayət edir ki, cənab direktorun iştah dərəcəsini ölçmək mümkün olsun. Belə ki, Şəki 4 saylı Uşaq Musiqi Məktəbinin Bəxtiyar adlı müəllimi 2015-ci ildə 63 yaşında təqaüdə çıxsa da, İ. Rəsulov onun işdən azad edilmə əmrini 20 aydan sonra ( yəni 2017-ci ildə vermişdir) Bu da o deməkdir ki, təqaüdə çıxmış Bəxtiyar müəllimin adı “ölü can “ kimi işdə yazılmış və əməkhaqqını isə cənabi direktor mənimsəmişdir. Bəli, Maliyyə Nazirliyinin peşəkar komandası tərəfindən bu kimi faktların gözdən yayınması mümkün ola bilməz. Və sonda verilən məlumata görə İ.Rəsulov yoxlama komissiyasını razı salmaq üçün ən ciddi maliyyə maxenasiyalarını onların köməkliyilə ört basdır etmək üçün kifayət qədər vəsaiti yenidən evdən gətirib düz-qoş edibdir. 2021-ci ildə yoxlama komissiyasını “yola salan”dan sonra İbrahim müəllim özünə qara rəngli PRADO” markalı CİP də alıb ondan şikayət edənlərə gözdağı verməyi də unutmamışdır.Halbuki, evində digər bahalı CİP avtomobili olan ağ rəngli “Tayota LEXUX” markalı bahalı avtomobili indi də həyətində toz basmış formada qalıbdır.
Əldə etdiyimiz sonuncu məlumatların dəqiqləşməsi üçün Maliyyə naziri cənab Samir Şərifova və Mədəniyyət naziri cənab Adil Kərimliyə ünvanladığımız 31 may 2024-cü il tarixli İnformasiya sorğusunda bilmək istəyirdik:
“… Çox təəssüflər olsun ki, məsələ ilə bağlı Mədəniyyət Nazirliyinə göndərdiyimiz 17 may 2024-cü il tarixli informasiya sorğumuza hələ də cavab verilməmişdir. Ona görə də məhkum director İ.Rəsulovun yenidən vəzifə səlahiyyətlərini aşma, qulluq mövqeyindən süi-istifadə etməsindən, sənəd saxtakarlığı törətməsini özündə əks etdirən və nəticədə dövlət büdcəsinə külli-miqdarda ziyan vurması barədə bizə verilən yeni faktların araşdırılmasına zəruriyyət yaranmışdır. Belə ki, Maliyyə Nazirliyinin komissisyasını tərəfindən yoxlama zamanı üzə çıxara bilmədikləri faktları əvvəlcə nəzərinizə çatdırırıq.
Məsələn, Şəki 4 saylı Uşaq Musiqi Məktəbinin Bəxtiyar adlı müəllimi 2015-ci ildə 63 yaşında təqaüdə çıxsa da, İ. Rəsulov onun işdən azad edilmə əmrini 20 aydan sonra ( yəni 2017-ci ilin ortalarında vermişdir) Bu da o deməkdir ki, təqaüdə çıxmış Bəxtiyar müəllimin adı “ölü can “ kimi işdə yazılmış və formal hesablanmış 1200 manat əməkhaqqını isə cənabi direktor mənimsəmişdir. Eləcə də 2016-2021-ci illəri əhatə edən yoxlama zamanı Bəxtiyar müəllim kimi 40 ya, 43 nəfər şəxsin də adı “ölü can” kimi formal qeyd edilərək adlarına hər ay 1000-1200 manat əməkhaqqı yazılmış bank kartları Şəki şəhəri, 20 Yanvar küçəsindəki, 12 saylı DƏK –in Ərazi Reyest İdarəsinin yaxınlığındakı “Kapital bank”a məxsus olan bankomat vasitəsilə director İ.Rəsulov tərəfindən hər ay şəxsən nağdlaşdırma əməliyyatları aparılaraq mənimsənildiyi bildilirlir.
Hörmətli, nazir Samir müəllim və Adil müəllim! Sizlərdən xahiş edirik ki, Maliyyə Nazirliyinin komissiyasının 2016-2020-ci illəri əhatə edən dövr üçün Şəki 4 saylı Uşaq Musiqi məktəbində apardığı yoxlamalar zamanı adları məktəbdə formal yazılan 43 əməkdaşın adına yazılan əməkhaqqı vəsaitlərin (“aşkar edə bilmədikləri” ) qeyd edilən bankomatdan şəxsən kim tərəfindən nağdlaşdırılaraq mənimsənilməsinin araşdırılmasına göstəriş verib nəticəsi barədə redaksiyamızı məlumatlandırasınız. Əvvəlcədən minnətdarlığımızı bildiririk.
Hörmətli, Adil müəllim, etibarlı mənbənin verdiyi məlumata görə 01 aprel 2024-cü ildə yenidən 4 saylı Şəki Uşaq Musiqi məktəbinə director təyin etdiyiniz 65 yaşlı İ.Rəsulovun daha iki il müddətində bu vəzifədə qalmasına razılıq vermisiniz?"

Məlumat üçün bildirək ki, aradan 2 həftə vaxt keçməsinə baxmayaraq hörmətli nazirlərin heç biri sorğumza cavab verməmişlər.

Şəkidə mədəniyyətin "xaç atası" kimi tanınan Şərifov Sərdar

Bizə o da məlum oldu ki, 2021-ci ildən direktor vəzifəsindən azad edilən İ.Rəsulovun adı 4 saylı Şəki Uşaq Müsiqi məktəbində 27 saat dərs yükü ilə adı müəllim kimi jurnalda getsə də, faktiki olaraq bir o qədər dərs yükü ilə dostu Sərdar Şərifovun direktoru olduğu Şəki Regional Musiqi Kollegində onu işlə təmin etmişdir. Xatırladaq ki, S.Şərifov cənab Abid Şərifovun qardaşı oğludur. Və deyilənə Şəki regionunda özünü qüdrətli “mədəniyyətin xaç atası” kimi hiss edərək nazir Adil Kərimliyə də məhz onun təqdimatı əsasında əvvəllər məhkum olmuş, 2021-ci ildə yenə dövlət əmlakının mənimsənilməsinə görə işdən azad edilmiş 65 yaşlı İbrahim Rəsulovun yenidən Şəki 4 saylı Uşaq musiqi məktəbinə direktor təyin etdirmişdir. Yəni, nazir Adil Kərimliyə İbrahim müəllimin əvvəllər məhkumluğu barədə məlumat verməmiş, əksinə gizlətmişdir. Və ona görə də nazirlə edilən gizli sövdələşməyə görə 65 yaşlı məhkum İbrahim Rəsulovun 70 yaşına təyin edildiyi vəzifədə qalması üçün razılıq əldə edilmişdir. Ona görə də biz bilmək istəyirik ki, cənab nazir Adil Kərimli də Rüstəm bəy kimi Məşədi İbadın nəyinə vurulub ki, qızı Gülnaz xanımı ona verir. Açması- cənab nazir Adil Kərimlini nə məcbur edir ki, 4 saylı Şəki Musiqi məktəbinə direktor vəzifəsinə 65 yaşlı, dövlət vəsaitini külli-miqdarda mənimsəmə üstündə məhkum edilmiş birisini 5 il vəzifədə qalmaq şərtilə təyin edir??? Ümidvarıq ki, gənc –hüquqşünas ixtisslı nazir bu sualımızı nəhayət cavablandıracaqdır.

P.S. Qeyd edək ki, Rəsulov İbrahim son günlər Şəkidə özü kimilərin yanında İfadetv.com saytı barəsində ağzına gələnləri danışmaqla məşğuldur. Qoy danışsın. Amma biz də inanırıq ki, Şəkidə Azərbaycan Qanunları 1.7 % işləsə nə baş verər? O baş verə bilər ki, toplanmış sübutlar əsasında İbrahim Rəsulov Cinayət Məcəlləsinin 179.4 (mənimsəmə xüsusilə külli miqdarda ziyan vurmaqla təkrar törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə yenidən ittiham elan edilə bilər və onun yaşı nəzərə alınmaqla barəsində əsas qətimkan tədbiri qismində polisin nəzarəti altına vermə, həmçinin məhkəmənin qərarı ilə əlavə qətimkan tədbiri qismində vəzifədən kənarlaşdırma seçilə bilər. Əgər aidiyyatı dövlət orqanları Azərbaycanın hüquqi dövlət olduğunu nəzərə alsalar.

İfadetv.com-un araşdırma qrupu
Adları çəkilən hər bir şəxsin mövqeyini dərc etməyə hazırıq!
TEREF

Pensiya filialının direktoru Şahin Əliyev , müavini Elnur Qurbanov
Nərimanov məhkəməsində cavab verəcəklər
DSMF-in Xüsusi Şərtlərlə Təyinat üzrə Mərkəzi Filialının direktoru Şahin
Əliyev 26.01.2023 tarixli, müavini Elnur Qurbanov 22.02.2023 tarixli
məktublarla 1-ci dərəcəli Qarabağ qazisinin pensiyasının məhkəmə
qərarı ilə ayrılan 110 manatla birlikdə 1112,44 manat , bir il sonra
21.02.2024 tarixli məktubla isə 1082,70 manat müəyyən edildiyini
bildirib. Yəni pensiya 11,2 faiz indeksləşmədən sonra 155 manat artmaq
yerinə , əksinə 30 manat az hesablanıb. Heç demə, borclu 7 il qabaq
05.07.2017 tarixli, 2-1(81)-1889/17 saylı dövlətin adından çıxarılan
məhkəmə qərarının icrasını 01.04.2023-cü ildən özbaşına dayandırıb və
14 aydır bərpa etmir. Əksinə, internet resursları vasitəsilə ali dövlət
hakimiyyəti orqanlarına, hüquq orqanlarına, Ombudsmana, qərarı çıxaran
Bakı İnzibati Məhkəməsinə yalan məlumat verirlər ki, guya məhkəmə
qərarını qanun ləğv edib. Həmin orqanlar da 14 aydır bu yalanı , korrupsiya
faktını Konstitusiya aktı kimi qəbul edirlər.
Qanunun belə “hüququ”nun olmadığını bildirəndə isə yalandan qərarın
icra olunduğunu bildiriblər. Əslində bu korrupsiya cinayətidir, lakin nə
prokurorluq, nə məhkəmə bu fakta qiymət vermək istəmir. Odur ki,
tələbkar 1-ci dərəcəli qazi Nərimanov məhkəməsinə DSMF-in Xüsusi
Şərtlərlə Təyinat üzrə Mərkəzi Filialının direktoru Əliyev Şahin İbrahim
oğlu və müavini Qurbanov Elnur Eldar oğlu barəsində Cinayət
Məcəlləsinin 147.1 maddəsi əsasında cinayət məsuliyyətinə cəlb
edilmələrinə xüsusi ittiham qaydasında şikayət verib. Xüsusi ittihamçı
şikayətinin daha ağır maddə ilə araşdırılması üçün prokurora
göndərilməsini də xahiş edib.
Hakim Həbib Həsənov cinayət işi üzrə hazırlıq iclasını 13.06.2024-cü ilə
təyin edib. Xüsusi ittihamçı CPM-in 51-2 maddəsi əsasında iclasın
videokonfrans əlaqə sistemi vasitəsilə keçirilməsinə, CPM-in 194-cü
maddəsinə əsasən dövlət hesabına vəkillə təminatına ərizə verib.
İstənilən halda, dövlətin adından çıxarılan məhkəmə qərarının icrasının
özbaşına, yalan məlumatlarla dayandırılması , 14 aydır yalandan icra
olunduğunun bildirilməsi qazinin işgüzar nüfuzuna da xələl gətirir. Yəqin
bununla bağlı mülki iddia da verilər. Məhkəməyə verilən pensiya
məmurları isə özbaşınalıqdan birinci instansiyada əl çəksələr, daha yaxşı
olar. Yoxsa, bu məhkəmə “çox su aparacaq”.
Məğrur Bədəlsoy
P.S. Qarabağ qazisinin yataqda olması məhkəmənin hazırlıq iclasının
20.06.2024-cü il tarixinə keçirilməsinə nədən olub...
TEREF

Son illər ölkədə bankların müflis olaraq, bağlanma tendensiyası xeyli artıb. Bunun obyektiv və subyektiv səbəbləri var ki, onlara toxunmaq istəmirik. Çünki bu çox uzun bir mövzudur və daha geniş araşdırmaya ehtiyac var. Tribunainfo.az xəbər verir ki, bağlanan banklarda depoziti və əmanəti olan vətəndaşların pullarının geri qaytarılması prosesi demək olar ki, məşəqqətə çevrilib. 2016-cı ildə yaradılan Azərbycan Əmanətlərin Sığortalanma Fondu ayrı-ayrı şəxslərin banklarda qalan pullarını sahiblərinə ödəməsini öz üzərinə götürüb. ​Həmin müddətə qədər isə bu prosesi “Azerbaijan İnternational Consulting Company” MMC həyata keçirib.
Qeyd edək ki, Əmanətlərin Slğortalanma Fondu indiyə qədər açıqladığı hesabatlarında ləğv edilmiş banklar üzrə milyonlarla manat pulun sahibinə ödənildiyini bildirir. Lakin bu pulları hansı şəkildə və necə və ya hansı məbləğlərlə geri verdiyi barədə heç bir bilgi qeyd etmir. Bunu da onunla əsaslandırılar ki, guya, məlumatlat konfedensialdır və şəxslərin adları açıqlana bilər.
Əslində isə durum bir qədər fərqliir. Məsələ belədir ki, Əmanətlərin Sığortalanma Fondu vətəndaşların pulunu qaytarmağa məsul olan qurumdan daha çox bazara çevrilib. Məsələn, hal hazırda 2012-ci ildə ləğv edilmiş “Royalbank” ASC-də depozit və əmanəti olan şəxslər pullarını ala bilməyiblər. Və ya onlara hər iki və ya üç aydan bir 300-500 manat ödəməklə kifayətləniblər.
İndi sual oluna bilər ki, Əmanətlərin Sığortalanma Fondu 12 il ərzində 50-60 min manat depoziti və ya əmanəti niyə ödəmir? Qurumun bununla bağlı əsas bəhanəsi budur ki, yığımlar həyata keçirldikcə, onlar da vətəndaşların pulunu geri qaytarırlar. Bəs, necə ola bilər ki, hər hansı ləğv edilmiş bankın 12 il müddətində pulu tam ödənilə bilməyib? Bu illər ərazində bankın yığımları heç olmayıb ki? Mülkləri, inventarları və sairə olmayıb ki, satılaraq camaatın pulunu bağlasınlar?
İddia edə bilərlər ki, yoxdur. Amma yenə yalana bürünəcəklər. Çünki noyabr ayında “Röyal Bank”a məxsus ofisin 1 milyon manata satılması elə Fond tərəfindən təsdiqlənib. Yəni, qaçacaq yer yoxdur. Amma həmin pulla vətəndaşların depozit və əmanətlərini verməkdə “sancı” çəkirlər.
Axı, vətəndaş etibar edib, inanıb, güvənərək pulunu banka qoyub ki, onun mənfəəttini götürsün. Belə deyək ki, güvənib, heç mənfəət güdmədən pulunu bankda saxlayıb ki, dar günündə, xeyir işində və sair məsələlərdə istifadə eləsin. Amma üzləşdiyi durum isə budur ki, həmin pulu nə ala bilir, nə də bir işinə yarayır.
Tribunainfo.az xəbər verir ki, məsələnin kokündə dayanan əsas amil heç də Əmanətlərin Sığortalanma Fondunun pulunun olmaması və ya yığımları lazımi qaydada həyata keçirə bilməməsi deyil. Söhbət burada Fondun bazara çevrilməsidir.
Belə ki, Fonda çıxışı və ya tanışı olan, o cümlədən tapşırmaq imkanı olanlar pullarını çoxdan alıblar. Təbii ki, qarşılıqsız yox. Bunun üçün bankda olan pullarının ən azı 10-20 faizlərindən keçməli olublar. Yəni, adamı, çıxışı, imkanı olmayanlar Fondda olan pullarını ala bilməyərək, illərlə süründürülürlər. Bir növ bazara döndərilmiş fondda mütləq tanışın, bazarlaşa biləcəyin biri olmalıdır ki, illərlə pulun ilişib, qalmasın.
Maraqlı məqamlardan biri həm də odur ki, ləğv edilmiş bankda depoziti və ya əmanəti olan şəxs başqa bankda olan kredit borcunu bağlamaq üçün müraciətinə də baxılmır. Hətta bəzən bu bankların hər ikisi ləğv olunma prosesində olurlar. Məsələn, vətəndaşın “Muğanbank”da depoziti var, amma “Röyalbank”da krediti mövcuddur. Hər iki bankın ləğvedicisi isə Əmanətlərin Sığortalanma Fondudur. Vətəndaş da həmin kreditin öz pulu ilə bağlanmasını təklif edir ki, bu da Fond tərəfindən rədd edilir. Səbəb kimi, bankların ayrı olması göstərilsə də, bu bəhanədir. Eyini zamanda, məntiqsizdir. Çünki hər iki bankın ləğvedicisi eyni fonddur. Həmçinin hər iki bankın bütün rezvizitləri, əməliyyat aparmaq üçün mexanizmləri Fondun ixtiyarındadır. Yəni, bir bankdan pulu digər banka yönəltmək onlar üçün su içim kimi bir şeydir. Amma etmirlər. Səbəb də budur ki, belə işlərdən qazanc əldə etmək olmur.
Bu əsnada, bəzi məlumatlara görə, Fondda bir biri ilə yola getməyən iki qruplaşma var. Onlardan birinə qadın, digərinə isə kişi rəhbərlik edir. Tərəflər arasında münasibətlər heç də mövqe və məqama görə deyil. Bu savaşın başlıca səbəbi kimi daha çox pul qazana biləcəyidir. Yəni, yuxarıda qeyd etdiyimiz kimi, əmanət və ya depozitin qaytarılmasından 10-20 faiz qazanac əldə etmək uğrundadır.
Lakin belə görünür ki, bu iki qruplaşmanın ömrü uzun sürməyəcək. Çünki Əmanətlərin Sığortalanma Fondunun rəhbərliyi və əsas heyəti yaxın günlərdə dəyişdiriləcək. Bunun üçün ən geci mart ayını gözləməyin lazım olacağı deyilir. Bildirilir ki, Fondun rəhbərliyi və əsas heyəti Mərkəzi Bankın kadrları deyillər. Həmçinin haqlarında xeyli sayda şikayətlər də var.
Bir sözlə, Əmanətlərin Sığortalanma Fondu ölkədə təkcə bank sektoruna güvənsizlik, etibarsızlıq yaratmır. Həm də bazara çevrilib. Adamın varsa, bazarlıq edib pulunu ala bilərsən. Əks təqdirdə, bankda olan pulunu dilənçi payı şəklində hissə-hissə qaytarılmasına dözəcəksən.
Qarşı tərəfin də mövqeyini dərc etməyə hazırıq.

Xəzər rayonunun Binə qəsəbəsində eyni torpaq sahəsini 18 nəfərə satan və etdiyi dələduzluq səbəbindən həbs edilən Orxan Cəlilovun daha 20 nəfərin də külli miqdarda pulunu mənimsədiyi məlum olub...

Bu barədə Pravda.az-a zərərçəkənlərdən birinin verdiyi məlumatda bildirilib.

Zərərçəkənin sözlərinə görə, dələduzluq faktı ilə bağlı Xəzər TV reportaj hazırlayanda Orxan Cəlilov adlı dələduz hələ həbs edilməyibmiş: “Bu ilin fevralında məsələni ictimailəşdirdik. Bir neçə nəfərin şikayəti var idi. Eyni dələduzluğa məruz qalmış vətəndaşlar “Xəzər Xəbər”i izləyəndə məsələdən agah oldular. Hazırda 38 nəfər şikayətçi var. O.Cəlilov hansısa yolla Binə Atçılıq yaşayış massivində, Buzovna və Savalan ərazisində boş torpaq sahələrinin sənədini arxivdən tapıb, saxta sənəd düzəldirdi. Bir torpağı iki-üç adama, hətta beş adama satıb. Ortalama 500 min manata yaxın dələduzluq edilib. Ən az məbləğ ödəyən mənəm - 11 min manat. 25 min - 40 min manat ödəyib, torpaq olanlar da var. O.Cəlilov hamıya deyirdi ki, narahat olmayın, torpağın “kupça”sı da olacaq. “Kupça”ya əlavə pul alırdı. Ortada isə heç nə yoxdur. Torpağın əsl sahibi kimdir, bilinmir. Sənədləşmə notarial qaydada olub. Məsələn, Binə Südçülük sovxozu ərazisində 10 sotdan 2 sot üçün bələdiyyə sənədi verib. Zabrat qəsəbəsindəki 39 saylı notarius sənədi təsdiqləyib. Dövlət Şəhərsalma və Arxitektura Komitəsindən də xəritə sənəd aldığını iddia edirdi. Kompüterdən çıxarılmış xəritəni gətirib, onu da notarius təsdiqləyib. Hamıya qarşı eyni dələduzluğu edib. Şikayətimizdən sonra O.Cəlilov həbs edildi. İlk məhkəmə prosesinə hamını çağırdılar. Bakı Ağır Cinayətlər Məhkəməsinin hakimi Əli Məmmədov isə dedi ki, məhkəmə təxirə salınıb, Orxanın əlaltılarını gətiriblər, özünü yox. Guya Orxan özünə qəsdə cəhd edib, xəstəxanadadır. İyunun 2-də baş tutan məhkəmədə Orxan Cəlilov qulağına pambıq tıxayıb üzünü divara çevirmişdi. Heç bir suala cavab vermədi, əməli boynuna almır. Öyrədiblər ki, səsini çıxarma. Növbəti iclas iyulun 1-nə təyin edilib. Bundan böyük Elmir adlı biri var. Onu bir dəfə həbs etdilər, sonra buraxdılar. Orxan onun əlaltısıdır. Bunlar mafiyadırlar, Orxan tək başına o pulları yeyə bilməz. Obyektləri, maşınları var. Elə iş qurub ki, heç biri öz adına deyil. Villasının birini satsa, hamının pulunu qaytaracaq. Tək çarə Prezident Administrasiyasına müraciət etməkdir. Bu kimin adamıdır, arxasında dayanan kimdir? İşimizə niyə baxılmır? Şikayətçilərin tələbi budur ki, O.Cəlilova layiqli həbs cəzası verilsin. Qanunu oxuyuruq, boşluq var. Maksimum 3 il müddət həbsdir, ya da inzibati..."

Məsələ ilə bağlı Xəzər Rayon İcra Hakimiyyətinə sorğu göndərilib.