Quba rayon sakini Tarverdiyev Zeynal Teymurşah oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi deyir ki, evinə oğurluğa girən şəxslər cəzalandırmır və hər biri azadlıqdadır:

“Mən, Tarverdiyev Zeynal Teymurşah oğlu, yazaraq sizdən xahiş edirəm ki, problemimi işıqlandırasınız.

Mayın 30-da, saat 12 radələrində işdə olarkən qonşular mənə zəng vurub dedilər ki, tez gəlin, evinizə oğru girib, evdə olanları daşıyıb aparırlar.

İşdən gəlməyim və 102 xidmətinə məlumat verməyim 2 saat çəkdi. Quba polis şöbəsinin 4 əməkdaşı gəlib işlə tanış olub, araşdırma başlatdılar. Oğurluq olan yerdən şəkillər çəkdilər. Əlimdə olan məlumata görə, oğrular 99 NX 686 nömrəli "Qazel" markalı avtomobillə gəliblər.

Oğurluq edilən vaxt çəkilən video kadrları da polislərə verdim. Evdən 1 ədəd "elektrofrez", 1 ədəd elektrik rəndəsi, 1 ədəd elektrik mişarı, 1 ədəd manqal, 1 ədəd dəmir stol və s. oğurlanıb. Aktlaşdırıb yazsalar da, bu günə qədər də oğrular azadlıqda gəzir.

İşi Sənan adlı müstəntiq aparır. Hər zəngdə "səbrli ol" deyir.

Şikayətimlə bağlı yenidən 102 xidmətinə zəng vurdum. Bildirdilər ki, 10-15 dəqiqəyə sizinlə əlaqə saxlanılacaq. Lakin yenə xəbər yoxdur.

İcraçı isə bildirir ki, "mənlik deyil, işini kim aparırsa ona zəng vur".

Ən maraqlısı da odur ki, oğurluq olan vaxtı qonşular oğruları qova bilməmişdilər. Qonşular səs-küy salsalar da oğrular öz işlərini rahatlıqla görüblər. Qonşular soruşanda bildiriblər ki, dəmir alırıq. Onlar isə deyiblər ki, yığdığınız tullantı metal deyil, işlək alətlərdir.

Qazi oğlumun alminium əlillik oturacağı da oğurlanıb. Belə şikayətlər cavabsız qaldıqca oğurluq halları günü-gündən artacaq”.

Jalə FAMİLQIZI

Redaksiyadan: Qarşı tərəfin mövqeyini dərc etməyə hazırıq.

Ölkədə açıq şəkildə kibercinayətlə məşğul olan bir dəstə fəaliyyət göstərir. Ən maraqlısı budur ki, bu dəstənin üzvləri arasında: tanınmış müğənnilər, iş adamları və İT sahəsi ilə məşğul olan proqramçılar var.

Nə qədər təəccüblü olsa da, bu dəstə heç kimdən çəkinmədən , yaratdıqları qruplaşmadakı şəxslərin imkanları vasitəsilə: jurnalistlərə, xəbər saytlarına öz şərtlərini diqtə edirlər.

Xoşlarına gəlməyən tənqidi videoları və yazıları şikayət etmək adı ilə saytlardan və sosial şəbəkə hesablarından sildirirlər, hətta yeri gələndə kanalları belə bağladırlar.

Şəxsən mənim başıma belə bir iş gəlib, bir aydır ki, bu qruplaşma ilə mübarizə aparıram, faydası yoxdur. Elə bu səbəbdən də, mövzunu içtimailəşdirmək, əlaqədar rəsmi qurumların diqqətini bu məsələyə yönəltmək qərarına gəldim.

Təxminən bir ay bundan əvvəl, MTV adlı televiziya kanalında Tarix Əliyevin (Tolik) aparıcısı olduğu verilişdə belə bir məlumat səsləndi ki, Rusiyada tanınmış iş adamlarından olan – “Pokrov Məhərrəm” kimi tanınan Məhərrəm Quliyev müğənni Manaf Ağayevin doğum günü şənliyində əməkdar artist Vasif Məhərrəmli ilə dava edib.

Həmin ad günü “partisi” Manaf Ağayevin Novxanıdakı bağ evində keçirilib. Belə məlumat verildi ki, dava müğənni Mətanət Əsədovanın üstündə düşüb. Bu xəbəri bir çox saytlar kimi biz də tirajladıq.

Sonra gördüm ki, xəbər saytlardan silinib. Bizim “yotube” və “tik-tok” kanallarımızda həmin xəbərə kütləvi baxış oldu. Ümumi baxış sayı milyonları keçdi.

Bir çox tanınmış və nüfuzlu adamlar vasitəsilə məndən məlumatın silinməsi xahiş olundu və əvəzinfə istənilən hörməti edə biləcəklərini dedilər. Həmin adamlar mənim “Pokrov Məhərrəm”lə telefon danışığımı da təşkil etdilər.

Ozünə də izah etdim ki, yayılan informasiya başqa kanallara istinadən verilib və şəxsinə qarşı heç bir qərəzim yoxdur. Məhərrəm xeyriyyəçi olduğunu bildirdi, məscid tikdirdiyini, kimsəsizlərə yardım etdiyini mənə xatırlatdı.

Dedim ki, göndən xeyriyyəçilik etdiyinə dair videoları da paylaşaq. Razılaşmadı, israrlı tələbi bu oldu ki, videolar silinsin.

Təbii ki, razılaşmadım. Sonra arada olan adamlar hədə tonu ilə bildirdilər ki, onda “Pokrov Məhərrəm” deyir ki, nə qədər lazımdırsa, pul buraxıb, həmin məlumatların getdiyi hesabları dağıtdıracaq.

Bunu deyən adama bildirdim ki, Məhərrəm belə addım atarsa, cinayətə yol vermiş olar. Çünki bu, killer tutub məni öldürməyə bərabər bir addımdır. Nə fərqi var, ya məni öldütdür, ya da min bir əziyyət hesabına ərsəyə gətirdiyim kanalları dağıt…

Qeyd edim ki, “Pokrov Məhərrəm” Rusiyadan 5 illik deport edilib, bu səbəbdən də Azərbaycanda yaşayır. Bu adam şou biznes nümayəndələri arasında görünməyi əsl hobbisinə çevirib.

Üstündən bir gün keçdi, baxdım ki, “yotube” kanalımızda yerləşdirilən həmin videodan şikayət edilib. Maraqlandım və gördüm ki, şikayəti edən Xalid adlı bir adamdır. Tapıb onunla əlaqə saxladım, mənə açıq dedi ki, o, proqramçıdır və ödəniş müqabilində belə işləri görür. Mənə dedi ki, belə şikayət verməkdə qanunsuz nəsə yoxdur.

İzah etdim ki, mediada gedən materialları bu üsulla saytdan sildirmirlər. Bunun üçün Məhkəmələr var. Kim narazıdırsa, gedib ora müraciət etsin və sənin bu işlərə müdaxilən kibercinayət sayılır. Dediklərimi anlayışla qarşılayıb, şikayətini geri çəkdi.

Amma sonra ard-arda iki şikayət Manaf Ağayevin, bir şikayət isə Məhərrəm Quliyevin (“Pokrov”) adından edildi. Şikayətlərə zamanında cavab vermədiyimiz üçün “yotube” kanalımız bağlandı.

İşə jurnalist həmkarımız Məhəmməd Türkmən qarışdı və Xalid şikayəti geri çəkdiyi üçün kanalımızı aça bildik. Ancaq iki şikayət geri çəkilməlidir ki, gələcəkdə kanalımızın bağlanma risqi aradan qaldırılsın.

Adından şikayət edilən Manaf Ağayevlə əlaqə saxladım. Bu işlərdən xəbəri olmadığını dedi. Təklif etdim ki, şəxsiyyət vəsiqəsilə birlikdə video çəkib, videonu “yotube”a göndərək ki, bizdən şikayəti olmadığı təsdiqlənsin Görüşüb, bunu etdik. Hətta birlikdə bu görüşə dair video da paylaşdıq.

Ən maraqlısı bundan sonra oldu. Həmin görüşdən yarım saat sonra Manaf Ağayev məni yığıb dedi ki, “Pokrov”la danış

ıb, mən “tik-tok”da 800 min baxışı olan videonu silsəm, Məhərrəm iki şikayəti də geri çəkə bilər.

Manaf Ağayevdən soruşdum ki, bəs deyirdin Məhərrəmin bu işlərdə əli yoxdur… Manaf cavab verdi ki, Məhərrəmə hörməti olan dostları bunu edib, xahiş etsə, onu eşidəcəklər. Manafın bu təklifindən sonra tam əmin oldum ki, mənim kanalımı bağladan məhz bu şəbəkədir.

İş burasındadır ki, bu şəbəkə xarici şirkət vasitəsilə Azinforum.az saytından da şikayətlər edib. Saytın fəaliyyətini iflic ediblər. Saytdan edilən şikayətlər də birbaşa Məhərrəm Quliyevin adından olunub. Bütün bunları təsdiq edən sənədləri şərh bölümündə paylaşıram.

Bunun bir adı var, dövlətin qanunlarına meydan oxumaq. Hesab edirəm ki, əlaqədar qurumlar mütləq mənada bu cür pullu adamlara proqramistlik adı ilə “killerlik” fəaliyyəti göstərən çevrəni müəyyənləşdirib, məsuliyyətə cəlb etməlidir.

Bunlar bir toyu 10-15 min manata oxuyub, heç vergisini də ödəmirlər. İndi də bu pullarla da gəlib ölkənin informasiya təhlükəsizliyinə açıq təhdid yaradırlar. Əgər belə bacarıqları varsa, onda niyə xaricdən ölkəmizə söyüş yağdıran kanalları bağlatmırlar?

Əminəm ki, əlaqədar qurumlar bu qruplaşma barədə lazımi ölçünü götürəcək. Çünki bunların qarşısı alınmasa, daha ciddi fəsadlara yol açan addımların şahidi ola bilərik…
Məhəmmədəli QƏRİBLİ,
Azinforum.az

"Lənkəran Müalicə və Diaqnostika Mərkəzində acınacaqlı vəziyyət hökm sürür. Xəstəxananın birinci mərtəbəsində su krantları sınıb, su yoxdur, ayaqyolu bərbad vəziyyətdədir".
Bunu Bakupost.az -ın əməkdaşı ilə söhbətində Cəlilabad rayon sakini Lalə Qasımova (ad-soyad şərtidir - red.) deyib.
O, iyunun 8-də doğuş üçün xəstəxanaya yerləşdirildiyini və iyunun 17-nə kimi mərkəzdə dəhşətli mənzərənin şahidi olduğunu bildirib:
“Yerləşdirildiyim palatada anti-sanitariya vəziyyəti hökm sürürdü. Məni palataya qəbul edəndə yataq dəstlərini belə dəyişmədilər. Məcbur qalıb çirkli, məndən əvvəlki pasiyentin yatdığı yatağa gödəkcəmi sərib yatmalı oldum. Pəncərəlin qarşısında qarışqalar gəzirdi. Hətta qarışqalar körpə uşağıma da daraşırdı. Bununla bağlı etdiyim müraciətlərə isə məhəl qoyan yox idi”.
Şikayətçi bildirib ki, mərkəzdə hamam işləmədiyi üçün xəstələr yayın istisində əziyyət çəkirlər:
“Xəstəxanada hamam işləmir. Təsəvvür edin, artıq vəziyyət o yerə çatdı ki, Lənkərandan Cəlilabada evimizə gəlib yuyundum və bir gün sonra xəstəxanaya qayıtdım. Mərkəzin personalı da çox diqqətsizdir, xəstəylə maraqlamaq istəmirlər. Yalnız ayın 16-da Bir yaxınımın xəstəxanaya zəng vurub şikayət etməsində sonra əl-ayağa düşdülər. Ondan sonra mənə dedilər ki, “niyə şikayət edibsən?”. Həmin gün palatanı təmizlədilər, yataq dəstimi dəyişdilər və mənə diqqət göstərməyə başladılar. Amma axı bu belə olmamalıdır”.
Məsələylə bağlı Lənkəran Mərkəzi Xəstəxanasının ictimaiyyətlə əlaqə şöbəsindən Bakupost.az-a bildirilib ki, mərkəzdə həqiqətən də hamam problemi var:
"Xəstəxanada hamam problemi var və bunu hələ ki, həll etmək mümkün olmayıb. Qurban bayramına görə işçilər xəstəxanada azlıq təşkil edir. Ona görə palatada müəyyən təmizlik işlərinə ehtiyac yaranıb. Amma bütün bunlar dərhal aradan qaldırılacaq və xəstələrə lazım olan bütün xidmətlər göstəriləcək".

Şamaxı rayon sakini, “Vətəndaş Hüquqlarının Müdafiəsinə Dəstək” Müstəqil Həmkarlar Birliyinin Şamaxı rayon şöbəsinin sədri Tapdıq Manafov müqavilə müddəti bitmədiyi halda işdən uzaqlaşdırıldığını deyir.

Meydan TV-yə müraciət edən Manafov işdən uzaqlaşdırılmasını ictimai fəaliyyəti ilə əlaqələndirir.

“2019-cu ilin oktyabrın 5-də beş illik müqavilə əsasında DOST Agentliyinin Şamaxı rayon şöbəsinin vasitəsilə rayonda kommunal təsərrüfat işlərində işlə təmin edildim. Bu ilin mayın 14-də xəstə olduğum, xəstəlik vərəqəsi təqdim etdiyim halda müqaviləmə xitam verilib. Halbuki müqavilənin müddətinin bitməsinə aylar var”,-şikayətçi deyib.

Bildirib ki, yalnız təqaüdlə dolana bilmir, indiyədək 325 manat maaşla xərclərini güclə qarşılaya bilib:

“65 yaşım var, bu yaşımda işləmək məcburiyyətindəyəm, 6 nəfər ailə üzvü dolanmalıdır. Amma yaşlı vaxtımda məni çörəklə imtahana çəkirlər. Əmək və Əhalinin Sosial Müdafiə Nazirliyinə etdiyim şikayətlər cavabsız qalıb. Təqaüdlə dolana bilmirəm, fəhləyəm, onu da çox görürlər. Halbuki mənimlə çalışanların çoxu elə mən yaşdadır”.

DOST Agentliyindən Meydan TV-yə məsələni araşdıracaqlarını deyiblər.

“Deputata “hücuma keçən” ekspert” ƏƏSMN yanında İctimai Şuranın sədridir

Son günlər əksər media səhifələrini “Ekspert deputata “hücuma keçdi”, “ Deputat qeyri-peşəkar fikirlər səsləndirir” başlıqlı, qaynağı “bakupost.az”dan götürülən informasiya zəbt edib. Azərbaycan Texniki Universitetinin professoru Elşad Məmmədovun millət vəkili Vahid Əhmədovu müharibə veteranlarına verilən 80 manatın artırılması ilə bağlı təklifinə görə “sosial-iqtisadi” yöndən qınaması məntiqə sığmır.

Millət vəkilinin işi müzakirələrdə çıxış etmək, sorğu, təklif vermək, seçicilərinin problemlərini diqqətə çatdırmaq və s. deyilmi? Millətin sözünü deyən millət vəkilini, iqtisadçı alimi Texniki Universitetin professoru, ekspert nədə qeyri-peşəkar sayır? Bəyəm veteranlara əlavə 3-4 milyonun ayrılmamasını irad bildirmək diletantlıqdır? Nədənsə ekspertin ƏƏSMN yanında İctimai Şuranın sədri olması açıqlanmır. Niyə? ƏƏSMN rəhbərliyinin eksperti danışdırmasını pərdələməkdən yana? İctimai Şuranın işi isə nazirliyi qınaqlardan qorumaq yox, əyər-əskiklikləri deməkdir.

Hörmətli millət vəkili bildirir ki, ilkin mərhələdə veteranlarının təqaüdünün 20-40 manat arası qaldırılması üçün 3-4 milyona ehtiyac var. Düz demir, deyin düz demir, pul yoxdur. Pulun yerini də deyə bilərik. DSMF-də 4 ildir Konstitusiyaya zidd yaradılan MƏHKƏMƏ FİLİALI- 39 saylı vəkil bürosuna min kvadrat metrlik ili bir milyon manat civarında ofis icarəyə götürülüb. 40 nəfər civarında məmur-vəkil “ordusu”nun toplam aylıq gəliri yuz min manatı keçir. Bu da ilə bir milyondan çox büdcə vəsaiti deməkdir. Ümumiyyətlə, dövlət orqanında, sosial müdafiə sistemində MƏHKƏMƏ FİLİALI adına bütöv 39 saylı vəkil bürosunun fəaliyyət göstərməsi dövlətin hüquqi, demokratik adına ləkədir. Bu filialın, vəkil bürosunun başlıca işi pensiyaçıların, Qarabağ veteranlarının, əlillərin, qazilərin Konstitusiyanın 25, 26, 60, 61 maddələri ilə təminat verilən bərabərlik, hüquq və azadlıqların müdafiəsi, məhkəmə təminatı , hüquqi yardım hüququna qadağa qoymaqdır. Belə hüquq olar? Əksinə, dövlətin , sosial müdafiə orqanın işi əlillərin, qazilərin hüquqlarını məhkəmədə də müdafiə etməkdir. DSMF isə 39 saylı vəkil bürosunu özünə dövlət qulluğunda vəkil , məhkəmədə müdafiəçi edib. Bilərəkdən mənzil-məişət, sosial xidmət, əlillik təyinatı sahələrindəki şişirtmə yeyintiləri demirik. Bunlar büdcədən yox, əhalidən yeyilir. Amma mənzil alınmasında büdcədən şişirtmə vəsaitin silinməsi də faktdır. ƏƏSMN yanında İctimai Şura bu neqativləri qınamaq, şəffaflığa nail olmaq yerinə, sözünü deyən deputatlara “hücuma keçib”. Şura üzvlərinin özlərinin də aylıq “paketi” var, bu heç kimə gizlin deyil.

...Hələ ƏƏSMN yanında İctimai Şuranın ƏƏSMN-i deputatlardan qoruması, bir çox deputatlara baxanda “toya getməlidir”. Elə deputatlar var ki, nazir(liy)i (ünlü komediya filmində deyildiyi kimi, nazir(liy)i yox, onun pulunu) deputat həmkarlarından da çox istəyir.

Məğrur BƏDƏLSOY
hurriyyet.az