Müharibə veteranı: Mirhəsən Seyidovun Neftçala “Aqrarpark”ın fəaliyyətə başlamasına, eyni zamanda ölkə prezidenti möhtərəm İlham Əliyevin fərmanının icra olunmasına qarşı sərgilədiyi bu mövqe anlaşılmazdır...

Neftçala şəhər məhəllə 7, ev 177 ünvanda yaşayan Qarabağ müharibəsi veteranı Aslanov Aydın Balağa oğlu Poliqon-a müraciət edərək ölkə prezidentinin Neftçalada “Aqropark”ın yaradılması ilə bağlı fərmanının 7 il müddətində yerinə yetirilməməsinə diqqət çəkib. Aydın Aslanov müraciətində qeyd edir ki, prezident fərmanının icra olunmamasının əsas səbəblərindən biri yerli icra orqanının “Aqropark” üçün ayrılan torpaq sahələrindən öz məqsədləri üçün istifadə etmək olub və nəticədə həmin torpaqlar yarasız hala düşüb.

Maraqlı iddiaların səsləndirildiyi müraciəti olduğu kimi oxucularımızın və bu məsələ ilə əlaqəli olan dövlət qurumlarının diqqətinə çatdırırıq:

“Hörmətli media nümayəndələri!

Bu müraciəti etməkdə məqsədim 2017-ci ildə ölkə prezidenti möhtərəm İlham Əliyevin fərmanına uyğun olaraq Neftçalada yaradılmalı olan “Aqropark”ın hələ də yaradılmamsını diqqətinizə çatdırmaqdır.

Qeyd edim ki, Azərbaycan Respublikasının Prezidentinin 2016-cı il 6 dekabr tarixli Fərmanı ilə təsdiq edilmiş Azərbaycan Respublikasında kənd təsərrüfatı məhsullarının istehsalına və emalına dair “Strateji Yol Xəritəsi”nə əsasən torpaq ehtiyatlarının potensial imkanlarından səmərəli istifadə edilməsi, əkin dövriyyəsinə əlavə torpaqların cəlb olunması, əhalinin ərzaq məhsullarına artan tələbatının yerli istaehsal hesabına ödənilməsi, əhalinin rifahının yaxşılaşdırılması, ölkədə qeyri-neft sektorunun inkişafı, işsizliyin azaldılması məqsədi ilə yeni iş yerlərinin yaradılması, investisuya mühitinin daha da yaxşılaşdırılması əsas hədəf olaraq müəyyən edilmişdir. “Strateji Yol Xəritəsi”ndə torpaq bazarının inkişaf etdirilməsi strateji hədəf kimi qeyd edilmiş, kənd təsərrüfatına yararlı olub istifadəsiz qalan torpaq sahələrinin əkin dövriyyəsinə qaytarılması hesabına ümumi əkin sahələrinin həcminin artırılması, heyvandarlığın inkişafı prioritet məsələ kimi qarşıya vəzifə qoyulmuşdur.

Həmçinin Azərbaycan Respublikasının Prezidentinin 2016-cı il 6 dekabr tarixli Fərmanı ilə təsdiq edilmiş Azərbaycan Respublikasında kənd təsərrüfatı məhsullarının istehsalına və emalına dair “Strateji Yol Xəritəsi”nə uyğun olaraq aqropark yaratmaqla pambıq sahələrinin genişləndirilməsi və bitkiçiliyin inkişafı məqsədi ilə Azərbaycan Respublikasının Nazirlər Kabinetinin 2017-ci il 28 fevral tarixli 151s nömrəli Sərəncamı ilə Neftçala rayonunun inzibati ərazisində yerləşən qış otlaq sahələrindən 2285,65 hektar torpaq sahəsi kənd təsərrüfatı torpaqları kateqoriyasına keçirilib.

Həmin qərarda göstərilir ki, Neftçala rayonunun inzibati ərazi sərhədləri daxilində, Dövlət Torpaq Fonduna aid kənd təsərrüfatı təyinatlı, uqodiyası əkin və örüş olan torpaq sahələrinin fiziki və hüquqi şəxslərin icarə hüququ ilə istifadəsinə ayrılmasıəkinçiliyin və heyvandarlığın inkişafına, məhsul bolluğunun artmasına, əhalinin məşğulluq səviyyəsinin yüksəlməsinə öz töhfəsini verməklə yanaşı, torpaqlardan səmərəli istifadə olunmasına müsbət təsir göstərəcək.

Bütün bu fərman və qərarlardan çıxış edərək Azərbaycan Respublikasının Nazirlər Kabinetinin 2017-ci il 28 fevral tarixli 151s nömrəli Sərəncamı ilə Azərbaycan Respublikasının Prezidentinin 2016-cı il 6 dekabr tarixli Fərmanı ilə təsdiq edilmiş Azərbaycan Respublikasında kənd təsərrüfatı məhsullarının istehsalına və emalına dair “Strateji Yol Xəritəsi”nə uyğun olaraq Neftçala rayonunun inzibati ərazisində 3000 hektar sahədə “Aqropark” yaradılıb.

Normalda bu “Aqropark” artıq 7 ildir ki, fəaliyyət göstərməli, istər rayonda işsizliyin aradan qaldırılmasına rayon sakinlərinin rifahının yüksəldiləməsinə xidmət göstərmələ yanaşı, ölkədə kənd təsərrüfatının inkişafına da öz töhfəsini verməliydi. Çox böyük təəssüf hissi ilə bildiririk ki, Neftçala rayonu üçün strateji əhəmiyyəi olan bu “Aqropark” hələ də yalnız kağız üzərində mövcud olub və hələ də belə olmaqda davam edir.

Biz öz tərəfimizdən bu məsələ ilə bağlı rayon və ölkə səviyyəsində bir çox dövlət qurumlarına müraciət etsək də, problemin həlli ilə bağlı heç bir addım atılmayıb. Son olaraq təqribən iki ay əvvəl biz problemlə bağlı Azərbaycan Respublikası prezidentinə və İqtisadiyyat Nazirliyinə müraciət etmişik və inanırıq ki, ölkə prezidenti möhtərəm İlham Əliyev bu barədə məlumatlandırılarsa həm problem öz həllini tapacaq, həm də fərmənın icrasını 7 il müddətində yubadanlar cəzalandırlacaqlar. İqtisadiyyat Nairliyindən müraciətimizə aldığımız cavab da bunu deməyə əsas verir.

Lakin, müraciətimizə Neftçala rayon İcra Hakimiyyətindən aldığımız cavab bizdə ancaq təəssüf hissi doğurdu. Neftçala rayon İcra Hakimiyyətinin mənə ünvanladığı cavab məktubunda bildirilir ki, ölkə prezidentinin Neftçalada “Aqropark”ın yaradılması ilə bağlı fərmanının icra olunmamsını Kür çayında suyun azlığı ilə əlaqəlidir. Öncəliklə qeyd edək ki, 2017-ci ildə Neftçalada “Aqropark”ın yaradılması ilə bağlı fərman verilirkən Kürdə su problemi yaşanmırdı. Digər tərəfdən 2015-ci ildə həmin vaxt Neftçaladan deputat olan Arif Rəhimzadənin təşəbbüsü ilə əraziyə beton su kanalı inşa edilib. Doğrudan da son bir neçə ildə Kürdə suyun səvəyyəsi aşağı düşdüyündən problemlər yarandı. Lakin hazırda Kürdə suyun səviyyəsi kifayət qədərdir və biz bu üzdən fərmanın icra Neftçala rayon İcra Hakimiyyətinin irəli sürdüyü səbəbləri əsassız hesab edirik və su ilə bağlı problemə də aşağıda bir daha qayıdacağıq.

Həmin vaxt Neftçalada icra başçısı olan İsmayıl Vəliyev (hazırda məhkəmə qərarı ilə həbsdədir) ayrılan 3000 hektarı özü əkərək böyük gəlirlər əldə etməyə üstünlük verdi və bu zaman onsuz da şoran olan əraziyə heç bir sərmayə qoyulmadı, torpaq sahələri sadəcə vandalcasına istismar olundu. İsmayıl Vəliyevin yerinə gələn Mirhəsən Seyidov da problemin həlli üçün heç bir addım atılmadı. Halbuki məsələnin həlli ilə bağlı gənc başçıya dəfələrələ müraciət olunmuşdu.

İsmayıl torpaqların şoran olmasını əsas gətirərək 3000 hektar ərazini ayrı-ayrı adamlara verdi və onlar da bir neçə il müddətində torpaqların istismarını davam etdirdilər. Hazırda isə vandalcasına istismardan sonra həmin ərazilər əkinə yararsız hala düşüb və ərazini əkmək mümkün olmadığından son iki ildə ərazi boş qalıb. Minlərlə hektar torpaq sahəsinin yararsız hala düşməsinin tək səbəbi isə torpaqların asan qazanc vasitəsi ilə amansızcasına istismar olunmasıdır. Halbuki icra hakimiyyəti və mərkəzi hökümət Neftçalada “Aqropark”ın yaradılması üçün əraziyə sərmayə cəlb edilməsini təmin etməli və işlər bu sahədə planlı şəkildə aparılmalıydı. Çox təəssüf ki, bu baş verməyib və yerli məmurlar prezidetin fərmanıyla ayrılan torpaq sahəsini özləri üçün asan qazanc yeri görərək ərazinin şoranlığa çevrilməsi üçün bütün imkanlarını səfərbər ediblər. Hansı ki, onlar imkanlarını əks istiqamətə, yəni çox illik sərmayə qoyulmasnı təmin edərək “Aqropark”ın fəaliyyətə başlamasına səfərbər etməliydilər.

Bir daha Neftçala rayon İcra Hakimiyyətindən aldığım məktuba qayıdaraq qeyd edim ki, əgər su problemi var idisə onda beş il müddətində həmin ərazilər necə əkilirdi. Və hazırda da ərazinin ətrafında 10 min hektarlarla torpaq sahələri becərilir və suvarılır.

Həmin dövlət torpaqları Neftçala rayon icra hakimiyyəti tərəfindən rayondan olmayan ayrı-ayrı adamlara verilib və çoxlarıylada müqavilə imzalanmayıb. Müqavilənin imzalamaması isə o deməkdir ki, faktiki olaraq əkilən həmin sahələr qeydiyyatdan kənardadır və onlardan alınan icarə haqqı və su pulu dövlətə deyil, məmurların cibinə gedir.

Buna görə də mən Neftçala rayon İcra Hakimiyyətinə və şəxsən icra başçısı Mirhəsən Seyidova müraciət edərək soruşuram: Neftçala “Aqrarpark” üçün su tapa bilmədiyiniz halda, “Aqrarpark”ın ətrafında qeyri-qanuni olaraq əkilən torpaqlara su necə çatdırılır və qanunsuz əkilən sahələrə suyu kim satır?

Biz artıq yararsız torpağa çevrilən Neftçala “Aqrarpark”ın ətrafında 10 minlərlə hektar torpağın qeyri-qanuni olaraq kimlərə verildiyini də açıqlaya və siyahını mediaya təqdim edə bilərik. Qeyd edim həmin şəxslər Neftçaladan deyil və əraziyə sərmayə qoymaq onalrın maraqları kənarındadır. Bu üzdən də bir neçə ildə sonra həmin torpaqlar da şoranlaşacaq və yararsız hala düşəcək. Yəni faktiki olaraq Neftçala icra hakimiyyətinin məsul şəxsləri, başda başçı olmaqla öz gəlirləri naminə Azərbaycan iqtisadiyyatına və ekoloji sisteminə ağır zərbə vururlar və düşünürəm ki, artıq bu şəxslər durdurulmalıdır.

Neftçala “Aqrarpark” üçün ayrılan torpaqların tamamilə yararsız vəziyyətə salınmasına baxmayaraq, həmin əraziyə sərmayə qoymağa, ərazini şorandan təmizləməyə, torpaqları yumağa və su ilə təchizatı daha da yaxşılaşdırmağa hazır olan şirkət var. Həmin şirkət il yarımdan artıqdır ki, Neftçala “Aqrarpark”ın fəaliyyətini təmin etmək, əraziyə çox illik sərmayə qoymaq üçün Neftçala rayon İcra Hakimiyyəti ilə 49 illik müqavilə bağlamaq üşün müraciət edib və bu məsələ ətrafında başçı ilə danışıqlar aparır. Amma nə sirrdisə başçı Mirhəsən Seyidov prezident İlham Əliyevin fərmanının icrası üçün maraqlı tərəf kimi görünmür və müqaviələnin imzalanmasından yayınmağa çalışaraq müxtəlif sözlər verərək həmin vədlərini yerinə yetirmir. Neftçala rayon İcra Hakimiyyətinin prezidentə etdiyim müraciətə cavab olaraq göndərdiyi məktub da bunu bir daha sübut edir.

Qeyd edim ki, mən uzun illər boyu I Qarabağ veteranlarının təşkilatına rəhbərlik etmişəm və rayonun sosial-ictimai məsələlərinin həllində iştirak rol alımışam. Bu məsələnin həlli də Neftçala üçün xüsusi strateji əhəmiyyət daşıyır və hazırda Qarabağ veteranlarına rəhbərlik etməsəm də, bu məsələnin həlli üçün mənə yüzlərlə insan müraciət edib və etməkdə davam edirlər. Həddindən artıq kasıb vəziyyətdə yaşayan bu insanlar üçün “Aqrarpark”ın fəaliyyətə başlaması iş və çörək yeridir və düşünürəm ki, icra başçısı bu insanların da vəziyyətini göz önünə alaraq prezidentin fərmanının yerinə yetirilməsi üçün nəhayət hansısa addım atmalıdır.

Son olaraq qeyd etmək istəyirəm ki, Mirhəsən Seyidovun Neftçala “Aqrarpark”ın fəaliyyətə başlamasına, eyni zamanda ölkə prezidenti möhtərəm İlham Əliyevin fərmanının icra olunmasına qarşı sərgilədiyi bu mövqe anlaşılmazdır və inanmaq istəyirəm ki, başçı tez bir zamanda öz mövqeyini dəyişərək prezidentin fərmanının icra olunmasını təmin edəcək və “Aqrarpark”ın fəaliyyətə başlaması üçün sərmayə cəlb olunması üçün real addımlar atacaq.

İmza: Aslanov A.B. Tel: 050 589 68 03”

Redaksiyadan: Ümid edirik ki, Neftçala rayon İcra Hakimiyyəti 7 il müddətində prezidentin fərmanının icra olunmaması ilə bağlı daha əsaslı bir səbəb taparaq ictimaiyyətə təqdim edəcək. Digər tərəfdən Neftçala “Aqrarpark”ın torpaqlarının yarasız hala gətirən şəxslərin də məsuliyyətə cəlb olunması üçün əlaqədar dövlət qurumlarının da hərəkətə keçməsini arzu edirik...

Poliqon.info

Maliyyə Nazirliyinin ən prinsipial və ən savadlı kadrlarından olan, Maliyyə Nazirliyinin Aparat rəhbəri, Namiq Süleymanov 65 yaşı tamam olduğundan dərhal təqaüdə göndərilmiş, ondan yaşca böyük olan Dövlət Maliyyə Nəzarəti Xidmətinin rəisi- Cavanşir Əmralı oğlu Yusifov həmin vəzifəyə təyin edilmişdir. Hazırda da, Cavanşir Yusifov 70 yaşını haqlasa da, həmin vəzifədə çalışmaqdadır və bu yerdəyişməni o, çox sadə formada izah etmişdir: “Ağa deyir sür dərəyə, sən də sür də… Ağa iləmi höcətləşəcəksən?”
Beləliklə, Maliyyə Nazirliyində Nazirin bütün göstərişlərinin müzakirəsiz qəbuluna boyun əyməyən Namiq Süleymanovu işindən azad etməklə, Samir Şərifov hazırda özünü- “Bağdadda kor xəlifə, burda mənəm” kimi aparır. Bütün bu halın isə yeganə səbəbi, törətdikləri cinayət əməllərindən Prezidentimizin və aidiyatı qurumların xəbər tutacaqlarının qarşısını ala biləcəyini düşünmüşdür.
Maliyyə Nazirliyində nələr baş verirdi ki?
Nazir Samir Şərifov tərəfindən Naziriyinin işlərinin bu cür təşkili, əvvəlcədən düşünülərək məqsədli şəkildə olmuş və bu ona və əlbir olduğu şəxslərə, 100 milyonlarla dövlət vəsaitinin mənimsənillməsinə əlverişli şərait yaratmış və indiki zamanda, işğaldan azad olunmuş ərazilərimizin yenidən qurulması işlərinin görüldüyü, qaçqın qüşmüş insanlarımızın yurdlarına qaytarılmasının təmin edilməsində hər manata ehtiyacın olduğu bir zamanda, bu pulların geri qaytarılaraq bu işlərə sərf edilməsi başlıca vəzifəmiz olmalıdır.
Prezidentin, “Biz tezliklə doğma Qarabağımızı cənnətə çevirəcəyik” səsləndirdiyi şüar, bu sətrlərin qələmə alınmasına səbəb olmuş və baş vermiş maliyyə pozuntuları nəticəsində büdcədən oğurlanmış 100 milyonlarla vəsaitin geri qaytarılaraq işğaldan azad edilmiş əraziərimizin maliyyələşməsinə yönəldilməsinə yardımçı olmaq hər bir azərbaycan vətəndaşının şərəf borcu olmalıdır.
“Sovetski” deyilən ərazinin sökülməsinə 2014-cü ildə başlanıldı. 26 hektardan çox sahəni əhatə edən ərazidə 4500-ə yaxın yaşayış və qeyri-yaşayış obyektləri satın alınıb, sökülüb. İkinci mərhələdə isə 1920 evin söküldüyü bildirilir və hər kəsə də məlum olduğu kimi, bu işlər Maliyyə Nazirliyinin rəhbərliyi və nəzarəti ilə aparılmışdır.
Sakinlərin və onların vəkillərinin cumhuriyyet.az-a bildirdiyinə görə görə isə, keçmiş “Sovetski” sakinlərindən heç biri torpağa görə təzminat almayıb: “Sahib olduqlarını təsdiqləyən sənədləri, yəni “kupçaları olmamış, əslində heç buna ehtiyacları da yaranmamışdır. “Torpaq islahatı haqqında” Azərbaycan Respublikası Qanununun 8-ci maddəsinə əsasən, vətəndaşların fərdi evlərinin altındakı qanuni istifadəsində olan torpaqlar onların şəxsi mülkiyyətidir”.
Bundan əlavə, təzminat məbləğinin hansı meyarlara əsasən, necə təyin olunduğu sonadək aydın olmamışdır. “Çünki qeyri-yaşayış sahəsi üçün bir məbləğ kompensasiya təyin olundu və yaşayış sahəsi üçün tamamilə fərqli bir məbləğ.”
Yasamal rayon İcra Hakimiyyətinin təşkil etdiyi daşınmaz əmlakın dövlət ehtiyacları üçün alınması ilə əlaqədar Komissiyayanın özünün tərtib etdiyi sənədlərə belə məhəl qoyulmamışdır.
Hətta müvafiq məhkəmə qətnamələri ilə, sakinlərin hər birinin payına düşən məbləğin verilməsindən imtina edilərərk Maliyyə Nazirliyinin əməkdaşlarının onlara təklif etdiyi daha az miqdarda kompensasiya razılıq verilməsi üçün onlara təzyiqlər olunmuşdur.
Ən başlıcası isə, Maliyyə Nazirliyinin rəhbərlliyinin, kompensasiyaların verilməsində “tətbiq etdiyi” sxem üzrə 100 milyonlarla mənimsəmələrin aparılması olmuşdur.
Belə ki, bu işlərin görülməsi zamanı, Əmlak Məsələləri üzrə Dövlət Komitəsinin, Yasamal Rayon İcra Hakimiyyətinin və sakinlərinin də Komissiyaya təqdim etdikləri sənədlərdən görünürdü ki, sökülməsi nəzərdə tutulan evlərə dair mülkiyyət hüququnu təsdiq edən çıxarışlar olmamış və bu amil sonda, kompensasiyaların ödənilməsi üzrə, ödənilən məbləğlərin hər sakinin yaşadığı evin sahəsinə uyğun olub-olmamasının yoxlanılmasını mümkünsüz edir.
Bu amildən istifadə edən Maliyyə Nazirliyi, Yasamal Rayon İcra Hakimiyytinin əməkdaşları ilə əlaqəyə girərək, evlərin sökülməsindən bir gün əvvəl, həmin evlərin mülkiyyətçiləri ilə cinayət əlaqəsinə girərək, sökülməsi nəzərdə tutulan evlərin sahələrini süni surətdə artırmaqla əldə edilən pulu aralarında bölüşdürməklə, faktiki olaraq dövlət büdcəsinin pulunu mənimsəmişlər, evin söküntüsündən sonra isə, onların cinayət əməllərinin aşkar edilməsinim mümkünsüz olduğunu düşünmüşlər.
Kompensasiyaların verilməsi üzrə Komissiyaya aid sənədlərin bir qismi Yasamal rayon İcra Hakimiyyətində, bir qismi də Maliyyə Nazirliyində saxlanılır. Həmin sənədlərin də hazırda, Dövlət Arxivinə təhvil verilmədən daxili əmrlə məhv edilməsinin aparılması nəzərdə tuutulmuşdur ki, bununla da, bu sxem üzrə mənimsənilmiş 100 milyonlarla vəsaitin kimlər tərəfindən mənimsənilməsinin müəyyən edilərək geri qaytarılması mümkün olmasın.
Lakin, Azərbaycan Respublikasının aidiyyatı qurumları tərəfindən tətbiq ediləcək sadə üsulla, bu vəsaitlərin kimlər tərəfindən mənimsənildiyinin müəyyən edilməsi mümkündür.
Belə ki, “Sovetski” ərazisində sökülməsi nəzərdə tutulan evlərə dair mülkiyyət hüququnu təsdiq edən Çıxarışların olmaması səbəbindən, həmin ərazidəki sökülən evlərin ümumi ərazisinin müəyyən edilməsi mümkünsüz olsa da, Yasamal rayon İcra Hakimiyyətinin Mənzil Kommunal İstehsalat Birliklərinin, ərazi üzrə Mənzil İstismar Səhələrinin əhatəsində olan ünvan üzrə bütün evlərin “Ev kitabçaları” (“Domovaya kniqa”) mövcuddur. Məhz bu “Ev kitabçaları” əsasında da, sakinlərlə bütün hesablaşmalar aparılır və həmin kitabçalrda da, hər evin texniki pasportu və ümumi sahələrinin ölçülərinin qeydiyyatı da aparılırdı.
Beləliklə, Kompensasiyaların verilməsinə məsul edilən Komissiyanın sərəncamına verilən həmin Mənzil İstismar Sahələrinin “Ev kitabçaları” (Domovaya kniqaları) hazırda da onların ixtiyarındadır və Yasamal Rayon İcra Hakimiyyətində və ya Maliyyə Nazirliyinin müvafiq qurumunda saxlanıldığından həmin evlərin ümumi sahəsini hesablamaqla, bu sahəyə düşən kompensasiya məbləğinin miqdarını, faktiki ödənilmiş kompensasiya məbləği ilə üzləşdirməklə, arada yaranan fərq məbləğini- mənimsənilmiş 100 milyonlarla vəsaitin kimlər tərəfindən mənimsənildiyini də müəyyən edə bilərik.
Yuxarıdakı sxemin, məhz, Cavanşir Əmralı oğlu Yusifov tərəfindən tətbiqini nəzərə alsaq, onun ahıl yaşında, bu günədək Maliyyə Nazirliyinin Aparat rəhbəri vəzifəsində saxlanılmasının səbəbini də ifşa etmiş oluruq…

Məşhur sovet lətifəsi var: orta yaşlı adam küçədə xoşbəxt uşaqlığına görə Stalinə minnətdar olduğunu qışqırmağa başlayır. Ətrafdakılar isə ona havalanmış bir nəfər kimi baxırlar. Eyni sözləri təkrarladıqca çevrəsindəkilər ona yaxınlaşaraq "a kişi, nə danışırsan, sən doğulanda Stalin çoxdan ölmüşdü, necə xoşbəxt uşaqlığın üçün ona minnətdar ola bilərsən?"- deyirlər. O da qayıdır ki, elə buna görə minnətdardır, yəni o doğulana qədər Stalin öldüyü üçün...
İndi Respublika Klinik Xəstəxanasında baş verənləri görəndə bu lətifə lap yerinə düşdü. Çünki başıbəlalı tibb işçilərinin hüquqlarını müdafiə etməli olan xəstəxananın Həmkarlar İttifaqı Stalin kimi çoxdan "ölüb", kollektiv buna görə həmin sovet adamı kimi çox minnətdardır. Yəni onsuz da hal hazırda yüzlərlə həkimin , yüzlərlə tibb işçisinin bir işə yaramayan Həmkarlar İttifaqı və onun indiyiyə qədərki sədri hazırda "silahı götürüb" keçmişdi direktor Elviz Qasımov tərəfə, təmirlə əlaqədar 1-ci korpusun Bilgəhə köçürülməsinə görə "əlahəzrət hökmdar” Elviz Qasımova haqq qazandırırdı. Lap "Sehirli xalat" filmindəki vəzir kimi özünü aparırdı. Vəzir necə demişdi –qibleyi aləm bir günahkardansa, min günahsızın başını kəsmək yaxşıdır. İndi Həmkarlar İttifaqının sədri bilinmir ki, haradadır, qeybə çəkilib. Minlərlə işçinin, xəstələrin əziyyət çəkməsini üstün tutur, nəinki "padşah” Elviz Qasımova qarşı çıxmağı. Ümumiyyətlə, Həmkarlar İttifaqının sədri öz missiyasının nədən ibarət olduğunu bilmirdi. O, işçilərin haqlarını qorumalı, onların Bilgəhə sürgün olunmasına etiraz olaraq Prezidentə məktub yazmalı, məhkəmələrə üz tutmalı idi. Ancaq o, direktor Elviz Qasımovun yanında dayanmağı seçdi. Bu, saraylarda, xanlıqlarda, sultanlıqlarda məzlumun haqqını zalıma verməyə oxşayır. Hətta belə desək, xəstəxananın Həmkarlar İttifaqı sədri "Yeddi oğul istərəm" filmindəki Kələntər dayı obrazını xatırladırdı. Maraqlıdır, bu qədər gərginliyin, qalmaqalın, narazılıq və etirazların fonunda sədr hara yoxa çıxdı?
Hə, məlum oldu ki, yaş məsələsinə görə Elviz Qasımov onu da yola salıb vəzifəsini heç kəsə etibar etmr. Hazırda isə bu vəzifəni icra edərək köçən terapiya şöbələrinin kollektivi ilə ayrı ayrı vaxtlarda görüş təşkil edir. "Pakazuxa” xatirinə verdiyi qərara haqq qazandırır. Prezidentə, Mehriban xanım Əliyevaya, prezidentin köməkçisi Anar Ələkbərova müraciətlər ünvanlanır, şikayətlər göndərilir, xəstəxanada böyük bir mərəkə qopub, həngamə olub, di gəl, Həmkarlar İttifaqı sədri yoxdur ki, şikayyətlərə baxılsın, tədbir görülsün. heç nə olmamış kimi hər kəs öz kefindədir. . Halbuki Həmkarlar İttifaqı Bilgəh müsibətinə görə səsini çıxaran ilk təşkilat olmalı idi. Məlumdur ki, İnsanlara zülm olacaq bir qərar qəbul edilib, saysız-hesabsız şikayətlər var, media davamlı olaraq yazır, amma nə TƏBİB 1-ci korpusun işçilərinin Bilgəhə köçürülməsi qərarına yenidən baxır, nə də yeni yer haqda müzakirələr aparır. Xəstəxana rəhbərliyi bir addım belə atmır. İnsanlara bu qədər işgəncə verməkdən həzz almaq olarmı? Hər gün yüzlərlə tibb işçisi və onların pasientləri Bilgəhə necə gedib-gəlsinlər?
Ona görə də Həmkarlar İttifaqı ortaya çıxmalı, işçilərin hüquqlarını müdafiə etməli, gizlənməməlidir. Eləcə də Səhiyyə İşçilərinin Həmkarlar İttifaqı da bu məsələyə dair bəyanat verməli, tibb işçilərinin problemi ilə maraqlanmalıdır.
Səhiyyə İşçiləri Həmkarlar İttifaqı Respublika Komitəsinin sədri Emin Əfəndiyev baş verənlərlə bağlı indiyə qədər münasibət bildirməyib. Məşhur kinoda deyildiyi kimi, "padşahdan alıb yediyin məvacib iki birnunun deşiyindən gəlsin Mirzə Səfər". O zaman tibb işçilərinin hüquqları nə zaman, hansı şəraitdə qorunacaq?
Həkimlərin Azərbaycan respulikasının 1-ci Vitse-Prezidenti Mehriban xanım Əliyevaya, Azərbaycan Respublikası Prezdentinin köməkçisi Anar Ələkbərova, Tibbi İcbari suğortanının icraçı direktoru Zaur Əliyevə, TƏBİB-in icraçı direktoru Vuqar Qurbanova ünvanlanan müraciətdə xəstəxanada gələcəkdə aparılacaq təmir işləri ilə əlaqədar, "Terapiya” şöbəsinin Bilgəh qəsəbəsindəki Modul Tipli Xəstəxanaya köçürüləcəyini qeyd edirlər. Təmir işlərini alqışlayan həkimlər, köçürülmə nəticəsində, işlədikləri şöbənin xəstəxanadan uzaq məsafədə olması işlədikləri xəstəxana ilə gələcəkdə tibbi əlaqənin kəsilməsinə gətirib çıxaracağı və bununla da, onların professional iş fəaliyyətlərinə və xüsusən də regionlardan müalicə və müayinəyə gələn xəstələrin vaxtında operativ şəkildə müalicə və müayinə olunmasında çətinlik yaranacağını bildirirlər. Həkimlər belə olduğu halda həm özlərinin, həm də xəstələrin çox əziyyət çəkəcəyindən, məsafə baxımdan çox uzaq olduğundan çoxlarının tezliklə işlərinin itirəcəklərindən şikayətçidirlər.
Həkimlər şəhərdən kənara çıxmamaq şərtilə istənilən uyğun şəraitdə müvəqqəti yerləşmələrini xahiş edirlər. Onlar həmin imkan mexaniziminin bu gün TƏBİBdə mümkün olduğuna əmin olduqlarını bildirirlər.

7news.az

Bir müddət əvvəl Bakıda bəh-bəhlə yeni bir şirkətin əsası qoyulmuşdu. Tribunainfo.az xəbər verir ki, istehsalat, xidmət və logistika mərkəzi kimi özünü təqdim edən GemZA Holdinqin rəsmi açılış mərasiminə isə ölkənin sayğın, seçkin adamları, deputatlar, səfirlər, hətta rəsmi şəslər də qatılmışdı.
Amma bu yaxınlarda məlum olub ki, GemZA Holdinq haqqında cinayət işi açılıb. Tribunainfo.az xəbər verir ki, Baş Prokurorluq yanında Korrupsiyaya Qarşı Mübarizə Baş İdarəsi sözügedən şirkətin sənədləri saxtalaşdırmaqla külli miqdarda kreidt götürməsini araşdırıb və fakt təsdiqlənib.

Qaldırılan cinayət işi barədə yazmamışdan öncə, GemZA-nın hansı işlər görməsi barədə yazaq. Rəsmi məlumatlarda iddia olunur ki, şirkət 105 işçiyə malikdir və mürəkkəb təmir işlərini həyata keçirmək, daha geniş çeşidli ehtiyat hissələri istehsal etmək, habelə xərcləri və təhvil vaxtını optimallaşdırmaq üçün yeni istehsal müəssisəsi yaradıb.

GemZA Holdinq 2005-ci ildə, mühəndislik, təchizat və inşaat şirkəti olaraq qurulub. Hətta o da qeyd edilir ki, şirkət Xəzər regionu, Türkiyə və Orta Şərqdə xüsusi əhəmiyyətə malik neft və qeyri-neft sektorunda istifadə olunan avadanlıqların tədarükü, təmiri və istehsalıyla da məşğul olub.
Bildirək ki, şirkətin rəhbəri Zamin Əliyevdir.
Şirkət haqqında daha çox şey yazmaq olardı. Lakin bura qədər bəsdir. Bəs, GemZA bu qədər ciddi bir şirkətdirsə, o zaman niyə sənədləri saxtalaşdırıb? Və ya saxtakarlıqla kredit almasına səbəb nə olub? Tribunainfo.az xəbər verir ki, 03.05.2023 tarixində Baş Prokurorluq Avropa Yenidənqurma və İnkişaf Bankının Azərbaycanda olan nümayəndəliyinə saxta sənədlər təqdim edilməklə həmin bankdan külli miqdarda kredit götürülməsi barədə daxil olmuş məlumatlar Korrupsiyaya qarşı Mübarizə Baş İdarəsində araşdırma aparılıb. Aparılmış araşdırma zamanı “HAND M AGRO” MMC, “GEMZA GROUP” MMC və “PKF Audit Azerbaijan” MMC-nin vəzifəli şəxsləri tərəfindən Avropa Yenidənqurma və İnkişaf Bankı tərəfindən kredit ayrılması üçün zəruri olan maliyyə və təsərrüfat sənədlərinin saxtalaşdırılmasına və qanunsuz olaraq kredit götürülməsinə əsaslı şübhələr müəyyən edilib.
Baş Prokurorluğun rəsmi məlumatında qeyd edilir ki, fakta görə Cinayət Məcəlləsinin müvafiq olaraq 195.2 (külli miqdarda ziyan vurmaqla qanunsuz kredit alma və ya kreditdən təyinatı üzrə istifadə etməmə), 308.2 (ağır nəticələrə səbəb olmaqla vəzifə səlahiyyətlərindən sui-istifadə), 320.1 və 320.2-ci (rəsmi sənədləri saxtalaşdırma və bilə-bilə saxta sənədlərdən istifadə etmə) maddələri ilə cinayət işi açılıb.
Maraqlıdır ki, belə bir cinayət işinin ortada olmasına rəğmən, GamZA haqqında heç bir yerdə məlumat verilmir. Üstəlik, Holdinq fəaliyyətini hələ də davam etdirir. Şirkəti rəhbəri Zamiq Əliyevin isə müxtəlif biznes saytlarında şəkilləri boy-boy dayanır. Halbuki qanuna əsasən belə bir əməl törətmiş şəxs və ya şəxslər ictimai təhlükə yarada biləcəkləri səbəbindən həbs olunmalı, müvəqəti istintaq təcridxanasına yerləşdirilməlidirlər. Di gəl, bu müşahidə olunmur. Səbəbi bizə hələ ki, məlum deyil. Amma adamın oturub-durduğu çevrəsinə diqqət etdikdə, işin müəyyən boyutları diqqəti çəkir. Hətta işdə xarici ölkə səfirlərinin birinin əli ola biləcəyi də müəyyən şübhələr üçün əsas yaradır.
Araşdırmamız davam edir.

"Azərbaycan Dəmir Yolları” Qapalı Səhmdar Cəmiyyətinin sədri Rövşən Rüstəmovun üç xanım əməkdaşına jest etdiyi iddia olunur.

Bizim.Media-nın əldə etdiyi məlumata görə, Rövşən Rüstəmovun tapşırığı ilə adları məlum olmayan 3 nəfər xanım əməkdaşa, o cümlədən yeni müşavir Aysel Soltanovaya “Toyota Carolla” markalı avtomobil verilib. Bildirilir ki, hədiyyə 8 Mart - Beynəlxalq Qadınlar Günü ərəfəsində təqdim olunub.

Məlumatı dəqiqləşdirmək üçün Rövşən Rüstəmovun müşaviri Aysel Soltanova ilə əlaqə yaratdıq. Xanım müşavir Bizim.Media-ya açıqlamasında ona avtomobil hədiyyə olunduğunu inkar etsə də, sonradan məlumatı qismən təsdiqləyərək, ona “Azərbaycan Dəmir Yolları” QSC tərəfindən xidməti avtomobil verildiyini deyib:

“Mən 19 yaşından rəsmi işləyirəm və kifayət qədər normal əməkhaqqı alıram. Aldığım əməkhaqqının da vergisini verirəm. Kifayət qədər də peşəkar karyeram var. Mənim nəinki işəgötürənin, heç kəsin, şəxsi həyatda belə kiminsə mənə avtomobil və ya nəsə başqa hədiyyə verməsinə ehtiyacım yoxdur. “Azərbaycan Dəmir Yolları”nda müavin, müşavir və departament direktoru heyətinə imtiyaz olaraq avtomobillər təhkim olunub. Bunu təsdiq edə bilərəm”, - deyə Aysel Soltanova qeyd edib.

Məsələ ilə bağlı ADY-nin rəsmi cavabını almaq üçün quruma müraciət etsək də, hər hansı cavab ala bilmədik.

Azərbaycanda peşə-ixtisas təhsili sahəsində dövlət siyasətinin həyata keçirilməsini təmin etmək məqsədilə Prezident İlham Əliyevin 2016-cı il 20 aprel tarixli fərmanı ilə Təhsil Nazirliyi yanında Peşə Təhsili üzrə Dövlət Agentliyi yaradıldı. Sözügedən Agentliyin yaradılmasında əsas məqsəd peşə təhsili sahəsində peşə hazırlığının səmərəliliyini artırmaq və rəqabətqabiliyyətli ixtisaslı kadrların hazırlanmasını təmin etmək olub. Həmçinin əmək bazarının tələblərinə uyğun müasir tədrisin təşkilinə nail olmaq və bu istiqamətdə ölkəmizdəki peşə təhsil müəssisələrinin müasirləşdirilməsinə yardım etmək, işəgötürənlərin kadr ehtiyaclarına uyğun mütəxəssislər hazırlaması, istedadlı tələbələrin potensial bilik və bacarıqlarının real iş yerlərində aşkar edilməsini həyata keçirmək olub. Bu bir daha onu göstərir ki, ölkəmizdə peşə-ixtisas təhsilinə böyük ehtiyac var və bu məsələ ölkə rəhbərliyinin ciddi nəzarətindədir.

Bəs görəsən ölkəmizdə peşə-ixtisas təhsilinin inkişaf etdirilməsinə cavabdeh olan qurum, Peşə Təhsili üzrə Dövlət Agentliyi üzərinə düşən öhdəlikləri yerinə yetirə bilirmi? Agentliyin rəsmi internet portalına yerləşdirilmiş xəbərlərdə 2023-2024-cü tədris ili ərzində təhsil müəssisələri tərəfindən şagirdlərin, valideynlərin və bütün maraqlı tərəflərin peşə təhsili pilləsi və onun yaratdığı imkanlar haqqında məlumatlandırılması məqsədilə infotur və “açıq qapı” tədbirləri keçirilib. Cari tədris ili ərzində təşkil olunmuş tədbirlərdə ümumilikdə 39,544 şagirdə peşə təhsil pilləsi haqqında məlumat verilib. Agentliyin keçirdiyi bu kimi tədbirlər barədə məlumatlar çoxdu. Agentliyin may ayında yaydığı bir məlumatda isə bildirilir ki, bu il ərzində keçirilən monitorinqlərin nəticəsi əsasında vəzifə səlahiyyətlərini yerinə yetirə bilməyən 11 şəxslə bağlı tədbir görülüb. Belə ki, 1 nəfərə şiddətli töhmət, 4 nəfərə töhmət verilib. 2 nəfərə şifahi, 3 nəfərə yazılı xəbərdarlıq edilib. 1 nəfərin məsələsi isə hüquqi qiymətin verilməsi üçün aidiyyəti üzrə hüquq mühafizə orqanlarına göndərilib.

Qeyd edək ki, Aktualinfo.org hələ ötən il Peşə Təhsili üzrə Dövlət Agentliyinin tabeliyində fəaliyyət göstərən peşə təhsil müəssisələrindən birində, Emal Sənayesi üzrə Bakı Peşə Təhsil Mərkəzində baş verən bir çox qanunsuzluqlarla bağlı məlumat yaymışdı. Xatırladaq ki, Bakıda, Sabunçu rayonundakı Emal Sənayesi üzrə Bakı Peşə Təhsil Mərkəzi bir neçə peşə məktəbinin bazasında yaradılıb. 1996-ci ildən Azərbaycan Respublikası Təhsil Nazirliyi 12 saylı Bakı Peşə Liseyi Azərbaycan Respublikası Təhsil Nazirliyi 02 sentyabr 1996-ci il tarixli, 440 saylı əmrinə əsasən 84 saylı Texniki Peşə Məktəbi Bakı Texniki Liseyi ilə birləşdirilərək 12 saylı Bakı Peşə Liseyi adlandırılmışdır. Nazirlər Kabinetinin 405 saylı, 11 oktyabr 2016-cı il tarixli qərarına əsasən 1 nömrəli Bakı Peşə Liseyi, 12 nömrəli Bakı Peşə Liseyi, 17 nömrəli Bakı Peşə Liseyi və 10 nömrəli Bakı Peşə Məktəbi birləşdirilərək onların bazasında Emal Sənayesi üzrə Bakı Peşə Təhsil Mərkəzi yaradılmışdır.

Ötən yazıda 2019-cu ildə 4 peşə məktəbini özündə birləşdirən Emal Sənayesi üzrə Bakı Peşə Təhsil Mərkəzinə Mətləb Hüseynovun direktor təyin olunmasından sonra orada ciddi dəyişikliklərin baş verdiyini yazmışdıq. Belə ki, Təhsil Mərkəzinin direktoru olduqdan sonra Mətləb Hüseynov bütün peşəkar kadrları işdən çıxararaq və öz komandasını yığmağa başladığını bildirmişdik. Həmin məlumatlarda ilkin olaraq peşə mərkəzinin 40 ilə yaxın peşə təhsili üzrə ixtasaslı kadrının müxtəlif bəhanələrlə işdən çıxarıldığı göstərilirdi. İndi məlum olur ki, Mətləb Hüseynov bütün bunları heç də peşə məktəblərinin inkişaf etdirilməsi üçün etməyibmiş. Bu barədə az sonra.

Qeyd edək ki, gənc olmasına baxmayaraq Mətləb Hüseynov peşə təhsili sahəsində çoxdan çalışır. Onun 9 saylı Bakı Peşə Liseyinə direktoru olduğu dövrdə törətdiyi qanunsuz əməllərindən elektron media resurslarında kifayət qədər geniş məlumatlar yayılıb. Mətbuatlarda yazılanlara görə Mətləb Hüseynov vaxtı ilə Təhsil naziri olmuş, hazırda isə iqtisadiyyat naziri olan Mikayıl Cabbarovun kadrıdır. Amma bizə verilən məlumatlara görə bu heç də belə deyil. Onu vəzifəyə keçmək üçün pulunu verdiyi şəxslər sabiq təhsil nazirinin adından istifadə ediblər. Amma əslində isə Mikayıl Cabbarov onu bəlkə də heç görməyib.

Mətbuatın yaydığı məlumatlara belə aydın olur ki, Mətləb Hüseynov karyerası boyu işlədiyi bütün vəzifələrdə dövlətin malını talamaqla məşğul olub. İstər Bakı Sənaye-Pedoqoji Kollecində çalışanda, istər 9 saylı Bakı Peşə Liseyinin direktoru olduğu dövrdə, istərsə də Emal Sənayesi üzrə Bakı Peşə Təhsil Mərkəzinə rəhbərliyi dövründə ancaq qanunsuz işlərlə məşğul olub. Əvvəlki iş yerlərindən fərqli olaraq Emal Sənayesi üzrə Bakı Peşə Təhsil Mərkəzində Mətləb Hüseynov qanunsuz əməllərinin üstü açılıb. Bu ötən il Maliyyə Nazirliyinin Dövlət Maliyyə Nəzarəti Xidməti tərəfindən aparılan yoxlamalardan sonra məlum olub.

Xatırladaq ki, ötən yazıda Emal Sənayesi üzrə Bakı Peşə Təhsil Mərkəzində aparılan yoxlamadan sonra Peşə Təhsili üzrə Dövlət Agentliyi mərkəzin baş mühasibini işdən çxardığını qeyd etmişdik. Səbəb isə Emal Sənayesi üzrə Bakı Peşə Təhsil Mərkəzindəki maliyyə pozuntu hallarını güya baş mühasib özbaşına törətdiyi bildirilirdi.

Amma bizə verilən ən son məlumatlara görə bu heç də belə olmayıb. Dövlət Maliyyə Nəzarəti Xidmətinin apardığı yoxlamada məlum olub ki, Mətləb Hüseynov Emal Sənayesi üzrə Bakı Peşə Təhsil Mərkəzinə rəhbərli etdiyi dövrdə, yəni 2019-2023-cü illərdə beş yüz min manat dövlət vəsaitini mənimsəyib. O bunu hansı yollarla edib? Qeyd etdiyimiz kimi, Mətləb Hüseynov vəzifə başına keçən kimi sözügedən Təhsil Mərkəzinə öz kadrlarını yerləşdirməyə başlayıb. Sonra da həmin müəllimlərin adına ildə bir neçə dəfə min manat mükafat, yardım yazıb onlardan geri alaraq mənimsəyib.

Qeyd edək ki, Maliyyə Nazirliyinin Dövlət Maliyyə Nəzarəti Xidməti yoxlamaların nəticələrini Baş prokurorluq yanında Korupsiyaya qarşı Mübarizə Baş İdarəsinə təqdim edib. Hazırdsa Korupsiyaya qarşı Mübarizə Baş İdarəsində Emal Sənayesi üzrə Bakı Peşə Təhsil Mərkəzində yol verilən maliyyə pozuntularla bağlı Cinayət Məcəlləsinin bir neçə, vəzifə səlahiyyətlərini aşma, vəzifə saxtakarlığı, rüşvət alma maddələri ilə cinayət işi başlanılıb və istintaq işi aparılır. Adına min manat mükafat yazılmış müəllimlərin hər birindən izahat alınır. Digər müəllimlər də bir -bir istintaqa çağırılır. İstintaqın gedişindən asılı olmayaraq mövzuya daha ətraflı bir daha qayıdacağıq.

Qeyd edək ki, Peşə Təhsili üzrə Dövlət Agentliyinin direktoru Ceyhun Kərəmovdur. O, bu vəzifəyə Təhsil naziri Emin Əmrullayevin əmri ilə ötən ilin oktyabrında təyin olunub. Buna qədər Ceyhun Kərəmov Peşə Təhsili üzrə Dövlət Agentliyinin direktoru vəzifəsini icra edib.

Aktualinfo.org