Torpaq sahələrinin qanunsuz olaraq ələ keçirildiyini iddia edən Göyçay və Ucar sakinlərindən ölkə rəhbərliyinə müraciət

Göyçay və Ucar rayon sakinləri tərəfindən “Hürriyyət” qəzetinin redaksiyasına şikayət məktubu daxil olub. Hümbətov Asif Atəş oğlu (Ucar rayonu Küçəkənd kəndi), Umarov Şəmsəddin İslam oğlu (Göyçay rayonu Çaxırlı kənd sakini), Əliyev Rasim Kamil oğlu (Göyçay rayonu Yeniarx kəndi), Məmmədov Fizuli Əli oğlu (Ucar rayonu Qazyan kəndi), Nuriyev Paşa Bəşir oğlu (Ucar rayonu Qaradağlı kəndi) iddid edir ki, Əmlak Məsələləri Dövlət Xidmətinin Daşınmaz Əmlakın Dövlət Kadastrı və Reyestri publik hüquqi şəxsi 16 saylı Ucar Ərazi İdarəsinin rəisi Fikrət Nuşiyev və onun müavini Aqşin Həmidov əlbir olub vəzifə səlahiyyətlərindən sui-istifadə edir, korrupsiya əməlləri ilə məşğul olurlar:

“Nəticədə də vətəndaşlara ziyanlar dəyir, qanuni mülkiyyətlərində olan torpaqları qanunsuz olaraq saxtakarlıq yolu ilə başqa şəxslərin mülkiyyətinə verilir, çoxlu sayda vətəndaşın torpaq sahələri azaldılıb və yoxa çıxarılıb. Bütün bunlar isə rüşvət müqbilində baş verib. Bəhanə kimi isə yeni elektron kadastr planında olunan dəyişiklik göstərilir. Bu isə tam yalan və əvvəlcədən düşünülmüş məkirli plandır.

Fikrət Nuşiyev

Dövlət Kadastrı və Reyestri publik hüquqi şəxsi 16 saylı Ucar Ərazi İdarəsinin rəisi Fikrət Nuşiyev və onun müavini Aqşin Həmidovun bu cinayət əməlləri barədə vətəndaşlar baş idarəyə şikayətlər etsələr də, araşdırıb tədbir görən yoxdur. Bu da onu deməyə əsas verir ki, quldurluq, cinayət yolu ilə əldə olunan puldan baş idarəyə ötürülür, bu səbəbdən də onlar barədə tədbir görən yoxdur, əksinə onların cinayət əməllərinə “yaşıl işıq” yandırılıb”.

Şikayətçilər xatırladır ki, Dövlət Kadastrı və Reyestri publik hüquqi şəxsi 16 saylı Ucar Ərazi İdarəsi Ucar, Göyçay, Zərdab və Kürdəmir rayonlarını əhatə edir. “Bu idarənin keçmiş rəisi Qərib Həsənov bir neçə ay əvvəl 5 saylı Xaçmaz Ərazi İdarəsinə, oranın rəisi Fikrət Nuşiyev isə 16 saylı Ucar ərazi idarəsinə rəis vəzifəsinə rotasiya ediliblər (yerdəyişmə). Sövdələşmə isə belə olub ki, sən mənim, mən də sənin qanunsuz əməllərinin üstünü ört-basdır edəcəm. Ancaq Aqşin Həmidov 16 saylı Ucar Ərazi İdarəsində uzun illərdir ki, vəzifədə işləyir. Onların əməlləri araşdırlarsa, törətdikləri cinayət əməlləri tam subut olunacaq”, - deyə şikayətçilər yazırlar.

Məktubda da o da əlavə olunur ki, Fikrət Nuşiyevlə Aqşin Həmidovun cinayət əməllərindən bezar olan insanlar çox hiddətlidirlər: “Göyçay rayonu Yeniarx kənd sakinləri Süleymanov Əli Bəxtiyar oğlu və Soltanov Yaqub Maarif oğluna Göyçay Aqrar İslahat Komissiyasının 06 yanvar 1998-ci il tarixli qərarı ilə Göyçay rayonunun Yeniarx kəndində verilmiş fərdi yaşayış evi həyətyanı torpaq sahələrini Fikrət Nuşiyev və Aqşin Həmidov başqa şəxslərin mülkiyyətinə veriblər.

Ucar rayonu Yuxarı Şilyan kənd sakini Novruzov Şöhrət Atakişi oğluna məxsus torpaq sahəsnin müəyyən hissəsi rüşvət alınaraq, başqa şəxin mülkiyyətinə verilib.

Ucar rayonu Gəraybəyli kənd sakini Bünyətov Mübariz Faiq oğluna və atası Bünyətov Faiq Lətif oğluna məxsus torpaq sahələrinin müəyyən hissəsi rüşvət alınaraq, başqa şəxsə verilib.

Göyçay rayonu Cəyirli kənd sakini Feyzullayev Rahim Zülfi oğlunun torpaq sahəsinin müəyyən hissəsi rüşvət alınaraq, başqa şəxsin mülkiyyətinə verilib.

Göyçay rayonu Hacıalıkənd kənd sakini Şıxəliyev Şövqi Muxtar oğlunun topraq sahəsinə 2 km aralıda yerləşən başqa şəxsə məxsus torpağı rüşvət alıb, sürüşdürüb qanunsuz sənəd veriblər.

Belə cinayət faktları yüzlərlədir ki, bunu Fikrət Nuşiyevlə Aqşin Həmidov əlbir olub vətəndaşlara qarşı ediblər. Fikrət Nuşiyev və Aqşin Həmidovun qanunsuz fəaliyyətləri yerində obyektiv araşdırılıb, barələrində ciddi tədbirlər görülməlidir.

Onu da qeyd edək ki, Aqşin Həmidov bu cinayətin çox hissəsini əvvəlki rəis Qərib Həsənovla əlbir olub etmişdir. Yuxarıda qeyd etdiyimiz kimi, hazırda Qərib Həsənov 5 saylı Xaçmaz Ərazi İdarəsində, oranın rəisi Fikrət Nuşiyev isə 16 saylı Ucar Ərazi İdarəsində rəis vəzifəsində işləyir. Onların yerini dəyişiblər. Elə bu rotasiya özü də qanunsuzluqdur. Çnüki onlar biri-birilərinin qanunsuz əməllərinin üstünü ört-basdır edirlər.

Biz mətbuat vasitəsi ilə Prezident İlham Əliyevdən, Birinci vitse-prezident Mehriban Əliyevadan, Baş prokuror Kamran Əliyevdən, Korrupsiyaya Qarşı Mübarizə Baş İdarəsinin rəisi Nazim Rəcəbovdan, İqtisadiyyat naziri Mikayıl Cabbarovdan, Əmlak Məsələləri Dövlət Xidmətinin rəisi Mətin Eynullayevdən və Reyestr Xidmətinin rəisi Nigar xanım Alimovadan xahiş edirik ki, müraciətimizi yerində, obyektiv araşdırıb, vəzifələrindən sui-istifadə edərək cinayət əməlləri ilə məşğul olan 16 saylı Ucar Ərazi İdarəsinin rəisi Fikrət Nuşiyevin, onun müavini Aqşin Həmidovun və 5 saylı Xaçmaz Ərazi İdarəsinin rəisi Qərib Həsənovun barələrində ciddi tədbirlər görəsiniz”.

Hazırladı: Jalə FAMİLQIZI

Hurriyyet.az

Redaksiyadan: Yazıda adları qeyd olunan şəxslərin və qurumların mövqeyini dərc etməyə hazırıq.

Səttar Möhbalıyevin Azərbaycan Həmkarlar İttifaqları Konfederasiyası (AHİK) sədri postundan gedişindən sonra geridə qalan bu illər ərzində onun yol verdiyi maliyyə maxinasiyaları, korrupsiya əməlləri ilə bağlı araşdırmalar aparılması gözlənilir.
Təbii ki, 30 ildən artıq müddətdə Səttar Möhbalıyev bu yeyintiləri təkbaşına həyata keçirə bilməzdi. Ona bu işdə, bu mənimsəmələrdə həm də komandası dəstək olub və bu proseslərdə iştirak ediblər. İndisə AHİK-də sədr dəyişsə də, sözügedən şəxslər vəzifələrində qalmaqdadırlar. Söhbət AHİK-də sədr müavini və digər postlarda olanlardan gedir.

Tribunainfo.az xəbər verir ki, onlardan biri AHİK-in maliyyə şöbəsinin müdiri Qalib Ataş oğlu Qəribovdur. O, 1983-cü ildən Azərbaycan Həmkarlar İttifaqları sistemində çalışır. 1993-cü ildən AHİK-in maliyyə şöbəsinə rəhbərlik edir, 2006-cı ildən isə AHİK-in katibi-maliyyə şöbəsinin müdiridir.

Təsəvvür edin ki, qurumun maliyyə işlərinin kurasiyası 30 ildən çoxdur eyni şəxsdədir. Q.Qəribovun 1993-cü ildən bəri şəffaf işlədiyini söyləmək isə gülüş doğura bilər.
Onun Möhbalıyevlə birgə maliyyə mənimsəmələrini icra etdikləri şübhə doğurmamalıdır. Ümumiyyətlə, bir şəxsin 30 ildən çox maliyyə şöbəsində olmasının özü belə bir anormallıqdır.

Ancaq təkcə Qəribovla Möhbalıyevin komandası məhdudlaşmır. Digər şəxslər isə müavinləri və birinci sədr müavinidir. Hazırda AHİK-də birinci müavin İlyas Əliyevdir. O, 1996-ci ildən sədr müavini olub. 1998-ci ildən isə birinci müavindir. 1998-ci ildən İlyas Əliyev AHİK-də müavin vəzifəsindədir. Ona görə onun da maliyyə maxinasiyalarına qarışmaması mümkün deyil və Möhbalıyevlə birlikdə bu işləri həyata keçirdikləri istisna deyil. Çünki 28 ildir bu vəzifədədir.

Digər müavin isə Aqil Dadaşovdur. Aqil Dadaşov da 1998-ci ildən müavin vəzifəsindədir və indiyə qədər eyni postda oturub. Və bu da suallar doğurur ki, niyə bu adamlar illər keçməsinə, Azərbaycanda nazirlər, vəzifəli şəxslər dəyişməsinə baxmayaraq hələ də vəzifədədirlər?!

Ondan geri qalmayan həmkarı – müavin Cavanşir Alxasovdur. O, 2001-ci ildən sədr müavinidir. Onun da Möhbalıyevlə sıx əlaqələrinin olduğu bildirilir. Müavinlərdən bol olan Möhbalıyevin başqa bir adamı isə Əbil Ağasıyevdir. 2018-ci ildə müavin vəzifəsinə təyin edilib. Hələ ki, ən az müavin postunda qalanlardandır.
Digər müavin isə Hikmət Osmanovdur. H.Osmanov həm də I və II çağrış üzrə deputat olub. Eyni zamanda, 2005-ci ildən AHİK-də vəzifə tutur. 2021-ci ildən isə o müavin vəzifəsindədir. Bu şəxslər təbii ki, Möhbalıyevin komandası olub və uzun illər onunla birlikdə korrupsiya əməliyyatlarında iştirak ediblər. Bu səbəbdən də sual yaranır ki, bu qədər müavin Həmkarlar İttifaqında niyə lazım olub? Təbii ki, bu Möhbalıyevlə bağlı korrupsiya araşdırmaları aparılacaqsa, adıçəkilən müavinlərin də əməllərinin təftiş edilməsi mümkündür…
Tərəflərin mövqeyini dinləməyə hazırıq.

Tribunainfo.az

Kürdəmir şəhər 9 illik orta məktəbdə “Zərdab yolu” kommersiya kursu fəaliyyət göstərir.
Bu barədə Qaynarinfo-ya sözügedən məktəbdə təhsil alan şagirdlərin valideynləri məlumat verib.
Onlar iki təhsil sisteminin bir arada olmasından narahat olduqlarını qeyd edir:
“9 illik məktəbdə 11 sinif fəaliyyət göstərir. Məktəb tam təmirlidir. İstilik sistemi və sanitar qovşağı var. Amma bir böyük problemimiz var ki, “Zərdab yolu” kommersiya təhsil kursu bu məktəbdə fəaliyyət göstərir. Kurs kiminsə himayəsi altında məktəbdə qeyri-qanuni olaraq yerləşdirilib. Valideynlər, müəllim və şagird kontingenti kursun məktəbdə yerləşməsindən narahatdır və buna görə rayonda səfərdə olan Mərkəzi Aran Region Təhsil İdarəsinin müdiri Elçin Kərimovla görüşmək istəyiblər. Lakin görüşə getmək istəyən müəllimlərə məktəb drektoru Nüsrət Kərimov təzyiq göstərib, onları təhdid edib”.
Məsələ ilə əlaqədar Kürdəmir şəhər 9 illik orta məktəbin direktoru Nüsrət Kərimovla əlaqə saxladıq. Direktor “Zərdab yolu” kommersiya kursunun rəhbərini tanımadığını bildirib:
“Biz Mərkəzi Aran Region Təhsil İdarəsinin tabeliyindəyik. Kursun rəhbəri ilə müqaviləni region təhsil idarəsi bağlayır. Yəni məktəbin bütün tabeçiliyi onlara aiddir. Mənim müqavilə bağlamağa nə hüququm çatır, nə də səlahiyyətim çatır. Kursun mənə heç bir aidiyyatı yoxdur. Mən kiməm ki? Kursun rəhbərini tanımıram, heç adını da bilmirəm. Cavan bir oğlandır, saat 3-ə kimi bizim məktəbdəki dərslər yekunlaşır. Saat 3-dən sonra isə onlar burada tədrisə başlayır. Burada mənlik heç nə yoxdur”.
Kürdəmir Rayon Təhsil İdarəsinin müdiri Rəfael Məmmədov isə Qaynarinfo-ya bildirib ki, “Təhsil haqqında qanun”da büdcədənkənar fəaliyyət üçün məktəbin digər məqsədlər üçün istifadəsi üçün nəzərdə tutula bilər:


“Orada kurs tədrisə heç bir maneçilik törətmir. Kursla qanuni şəkildə müqavilə bağlanılıb”.

Göyçay rayonu, Çərəkə kənd sakini Məmmədov Rəvan İdris oğlu tərəfindən “Hürriyyət”in redaksiyasına şikayət məktubu daxil olub. Şikayətçi kənd məktəbinin təmirinə ayrılan vəsaitin rəsmi şəxslər tərədindən “yeyildiyini” iddia edir:

“Bildirirəm ki, bəzi vəzifəli şəxslərin yarıtmaz fəaliyyəti nəticəsində dövlətin vəsaiti əyri yollarla talan edilir.

Qeys Baxışov adına Göyçay rayon Çərəcə kənd tam orta məktəbin binasının təmir edilməsi üçün dəfələrlə prezident İlham Əliyevə müraciətlər etmişəm. Bundan sonra cənab prezidentin göstərişi ilə nümayəndələr yerdə olub, baxış keçirdilər.

Məktəbin əsaslı təmir edilməsi başlanıldı və son tamamlama işləri gedəndə məlum oldu ki, əsaslı təmir olunmuş məktəbdə kombi qızdırıcı sistemi yox, odun peçindən istifadə ediləcək. Bu isə açıq-açkar qanunsuzluq və biabırçılıqdr ki, vəzifəli şəxslər həyata keçirirlər.

Çünki hər bir yerdə orta məktəb binası inşa ediləndə və ya əsaslı təmir olunanda ora kombi istilik sistemi quraşdırılır. Çərəcə kənd tam orta məktəbinin təmirinə ayrılmış vəsaiti, düzgün istifadə edilmədən, mənimsəyiblər. Bunun isə ağrı-acısını müəllim və şagirdlər çəkəcəklər.

Təsəffür edin, yeni təmir edilmiş məktəbin siniflərində soyuqda odun peçinin hisi-tüstüsü otaqları yararsız hala salacaq, normal tempratur əldə etmək mümkün olmayacaq.

Mən Prezident İlham Əliyevdən xahiş edirəm, Göyçay rayon Çərəcə kənd tam orta məktəbinin əsaslı təmirinə ayrılmış vəsaitin təyinatı üzrə xərclənməsini obyektiv araşdırıb, qanuni tədbirlər görülməsinə tapşırıq verəsiniz”.

Azərbaycan Mərkəzi Bankının sabiq sədri Elman Rüstəmovun adı 5 milyon manatlıq dələduzluq hadisəsinin ardından restoran biznesinə qarışıb.

Belə məlum olur ki, Elman Rüstəmov baş bankir postunu tutan günlərdə Bakının Nizami rayonu ərazisində özünə dəbdəbəli, nataraz şadlıq sarayı, restoran inşa etdirib, adını da “Planet” şadlıq sarayı qoydurub. Bu günlərdə isə Elman Rüstəmovun “Planet”inin ətrafında yaşayan sakinlər müxtəlif dövlət qurumlarına şikayət yazıblar. Bildirirlər ki, gecə yarısına qədər davam edən dəbdəbəli şənlik mərasimlərinin səsi onları narahat edir, yatmağa qoymur. Bu cür tədbirlər qış aylarında restoranın içərisində keçirildiyindən yüksək səs ətrafda yaşayanları bir o qədər də narahat etmir. Lakin yay aylarında açıq havada keçirilən tədbirlərin səsi insanları “səs terroru”na məruz qoyur. Məhsəti küçəsinin sakinləri restoranın səsindən gecələr gözlərinə yuxu getmədiyini deyirlər.

Digər bir problem isə baş bankirin “Planet”inin yolda tıxac yaratmasıdır. Şadlıq evi yolun düz kənarında yerləşdiyindən burada avtomobillərin hərəkətinə ciddi problem yaranır. Şadlıq evinin idarəçiliyini Elman Rüstəmovun yaxınları həyata keçirir.

Maraqldır ki, Elman Rüstəmov baş bankir postunda olduğu günlərdə Azərbaycan vətəndaşı Nizami Kərimova qarşı cinayətə bərabər addım atıb. Özünün dəbdəbəli restoranı ola-ola vətəndaş Nizami Kərimovun restoranını girov qoydurub, Mərkəzi Bankdan 2 banka olduqca aşağı faizlə istehlak krediti ötürüb. 5 milyon manatlıq kreditin tən yarısı “Deka bank”a, digər hissəsi isə “Premium Bank”a ötürülüb.

Vətəndaş Nizami Kərimov restoranının Elman Rüstəmovun göstərişinə əsasən ondan xəbərsiz girov qoyulmasından xəbər tutandan dərhal sonra məhkəməyə müraciət edib.

Elman Rüstəmov özünü bu işdən xəbərsiz aparıb, ortada Azad Nağıyev çox pis vəziyyətdə qalıb. Nizami Kərimov bu gün də məhkəmələrdə özünə məxsus olan restoranın tam qanunsuz olaraq, ən əsası isə ondan xəbərsiz girov qoyulmasını isbatlamağa çalışır. Elman Rüstəmovun şəriki olmuş Azad Nağıyev bu fırıldaqçılıq üzündən bu gün həbs həyatı yaşayır. Nizami Kərimovun başlatdığı məhkəmədə 5 milyonluq kredit maxinasiyasının arxasında Elman Rüstəmovun durmasını təsdiqləyən faktlar üzə çıxıb, buna baxmayaraq sabiq baş bankir şərikini qabağa, yaxasını kənar çəkir.

Nizami Kərimov öz restoranını Elman Rüstəmovun kredit-yeyinti maxinasiyalarına yem etmək fikrində deyil, halal gəliri ilə əldə etdiyi restoranını girovluqdan çıxarmaq üçün Azərbaycan məhkəmələrində illərdir ki, əzmlə çalışır. Bu haqda “Elman Rüstəmova qarşı ittiham- 5 milyonluq dələduzluq sxemi – Mərkəzi Bankdan milyonlar belə çıxarılıb?” sərlöhvəli yazı dərc etmişdik.

Həmin yazıda (https://musavat.com/news/elman-rustemova-qarsi-ittiham-5-milyonluq-deleduzluq-sxemi-merkezi-bankdan-milyonlar-bele-cixarilib_1096997.html) sabiq baş bankirin qanunsuzluğu barədə ətraflı məlumat verildiyindən mahiyyətinə çox da varmırıq.

Nizami Kərimov məhkəmələrdə Elman Rüstəmova dava açdığı bir vaxtda sabiq baş bankirin özünün restoranı üzə çıxıb. Bəlkə Azərbaycan məhkəməsi ədalətli mövqe sərgiləyib Nizami Kərimovun restoranını girovdan çıxarıb Elman Rüstəmovun “Planet”ini 5 milyonun təminatı kimi girov götürməsinə qərar versin? Bu, daha ədalətli olmazmı?

E.MƏMMƏDƏLİYEV,

Abşeron rayonunun Qobu qəsəbəsinin Qəzənfər Xalıqov adına 1 nömrəli tam orta məktəbin ziyalıları adından yazaraq sizə bildirmək istəyirik ki, Məktəbin Direktoru Şərəf Qasımovadır. İşlədiyimiz təhsil müəssisəsində hüquqlarımız kobudcasına pozulur və qeyri-qanuni proseslər gedir. Bizlər təhsildə baş verən problemləri işıqlandıramağımızın əsas səbəbi odur ki, artıq bizləri müəllim olaraq işləməkdən iyrəndiriblər.
İşıqlandıracağımız bir çox məsələlər var, korrupsiya, təhsil konustusiyasının qanunlarına hörmətsizlik (yəni qanunlara riayət edilməməsi), müəllimə rəhbərlik tərəfindən yuxardan aşağı baxılması, Sertifikasiya və MİQ nəticəsi yüksək olan müəllimlərə Pedoqoji Şurada hörmətsizlik, Dərs bölgüsünün bağlı qapılar ardında keçirilməsi (yəni 1 saat dərsi 100-120 manata satılması yəni hər tədris ilinin əvvəlində hər müəllimdən 30-36 saat dərs vermək üçün 1000-1700 manat arası pul alır dərs saatına görə ), məktəbdə fond pulu yığılması (hər ay hər müəllimdən 20 manat), müəllimləri hər il dərs saatlarını vakansiyaya çıxarmaqla hədələməsi hər bir halda bu bir cinayətdir, çünki müəllimlər pul verməyə məcbur olur, əgər verməsə növbəti tədris ili dərs saatı azalacaq və az maaş alacaq. Bu maaşla ailə saxlamaq olmur, (xüsusilə barmaqla sayılacaq qədər az olan kişi müəllimlərimiz üçün daha faciəvidir), 10-11 siniflərdən məktəbə gəlməmək müqablinda hər bir şagirdin valideynindən hər 2-3 aydan bir 100 manat pul yığılması, xəstə uşaqların dərs pulunun mənimsənilməsi, fakültətiv dərsləri müəllimlərin adına yazaraq mənimsənilməsi (dərs keçirilmir), Zəfər tarixi dərsini məktəbin Labarantların keçməsi (yəni direktorun hədəsi altında), hər il məktəbin təmiri adıyla müəllimlərdən pul yığılması, ən önəmlisi isə Vətənimizin azadlığı uğrunda savaşan məktəbimizin veteran müəllimlərinə dərs saatlarının pulla satılmasıdır. Bu dövlətə və Azərbaycan xalqına qarşı cinayətdir və xəyanətdir. Yığılan küllü miqdarda pullar regionalda bildirdiklərinə görə arxasında duran şəxslərə göndərilir. Həmdə karrupsiya yolu ilə əldə etdiyi qazanc sayəsində Bakının mərkəzində özünə 3 bina evi alıbdır. Bütün bunlar bir məktəbdə iyrəncilik yaradır, təhsil sistemin ləkəliyir, hər bir halda bu proseslərlə bağlı qəti tədbir görülməlidir.
Ən şərəfli peşə müəllimlik olsada zamanəmizdə bu peşəni çox ucuza satanlar, aşağı görənlər var.
Ancaq artıq müəllimlik peşəsini bu məktəbdə ən ucuz alverçi peşəsinə çeviriblər. Direktor heç bir hüquq qaydalarına riayət etmədən, müəllimlərin dərs saatlarını vakansiyaya çıxarır, halbuki müəllimlərin dərs saatı ilə bağlı imtinası yoxdur. Bu isə müəllimin əmək hüquqlarının kobutcasına pozulmasıdır.
Bu cür xoşagəlməz halların olmaması üçün yazıb Sizdən xahiş edirik ki, bu mövzu ilə bağlı müvafiq tədbirlər görülməsinə köməklik edəsiniz.

Aytən Bəxtiyarqızı
BakuNews.az