Bir neçə gün bundan öncə "Azərbaycan Reallığı"-na müraciət edən Zəngilan - Qubadlı istiqamətində gedən döyüşlərin iştirakçısı, Qarabağ veteranı Ümid Kərimlinin "Vimay Klinikasında" Lor estetik cərrah həkimi Şəhla Həsənova tərəfindən uğursuz əməliyyat olunması haqqında məlumat vermişdik.

Qarabağ veteranının şikayətindən sonra sözügedən klinika Abşeron rayon keçmiş icra başçısı adı dəfələrlə korrupsiya əməllərində və adı müxtəlif qalmaqallarda hallanan İradə Gülməmmədovaya məxsus olduğu kimi iddialarda irəli sürüldü amma bu günə kimi sözügedən problem həlini tapmır. Adiyyəti qurumlar nədənsə özünü görməməzliyə vurub susurlar.

Əlacsız qalan 44 günlük "Vətən müharibəsi"nin iştirakçısı Ümid Kərimli ölkənin baş prokuroru cənab Kamran Əliyevə açıq muraciət edərək ondan köməklik istəyib.

"Azərbaycan Reallığı" olaraq sözü gedən müraciəti təqdim edir:

Cənab baş prakuror

Mən Vətən müharibəsi Veteranı Kərimli Ümid Cahid oğlu burnumun çəpər əyriliyi, nəfəs ala bilməmək problemi və burnumun çöl tərəfdən əyriliyi problemləri var idi. 2023 cü ilin iyul ayında tiktok sosial şəbəkəsində lor dr Şəhla Həsənovanın paylaşdığı videoları gördüm və əlaqə nömrəsinə zəng etdim.

Mənimlə Əli adında olan köməkçisi telefonla danışdı və mən burnumda olan problemləri ona dedim və ona bildirdim ki, mən artıq 2 dəfə çəpər əyriliyi əməliyyatı olmuşam amma uğursuz alınıb o mənə cavab olaraq bildirdi ki, bizim həkimimiz ideal bir həkimdi heç bir əməliyyatında problem ola bilməz, əyər bizdə əməliyyat olsanız nəfəs almamaq probleminiz və burnunuzun əyriliyi problemi olmayacaq.

Mən Həkimnən görüşmək üçün klinikaya dəvət olundum. Həkimlə söhbətimdə yenə burnumda olan problemləri dedim, və onu bildirdim ki, mən burnumdan 2 dəfə uğursuz çəpər əyriliyi əməliyyatı keçirmişəm siz mənim nəfəs almaq problemimi və burnumda olan əyriliyi aradan qaldıra biləcəksinizmi?

Oda cavab olaraq bildirdi ki, Bəli mən bunu bacaracam. Daha sonra mənə dedi ki, əməliyyatdan çıxanda artıq siz nəfəs ala biləcəksiniz. 2800 AZN əməliyyatın qiymətin dedi mənə amma mən Müharibə Veteranı olduğum üçün 1550 manat aldılar.

Əməliyyat üçün aldıqları pulun qəbizin və əməliyyat olunmağımla bağlı heç bir sənəd vermədilər mənə. Mən qəbiz soruşduqda isə mənə qəbz nəyə lazımdır deyə cavab verdilər.

Əməmliyyatımdan 4 ay keçməyinə baxmayaq hal hazırda nəfəs ala bilmirəm və bu mənim səhhətimdə ciddi narahatçılıq yaradır. Gecələr yuxusuzluq, təngənəfəslik, baş ağrıları, halsızlıq və s. kimi şikayətlərim var. Bu şikayətləri həkimə bildirdikdə isə mənə çox gülünc cavab verib deyir ki, ən azı 1-2 il gözləməlisən nəfəs almaq üçün.

Mən bu cavaba inanmayıb başqa lor həkimlərinin qəbuluna getdim və bir çox həkim mənə əməliyyatımın uğursuz olunduğunu dediler. Cənab baş prakuror Sizdən bir Vətən müharibəsi Veteranı kimi xahiş edirəm ki, mənim işimə ciddi şəkildə baxılması üçün göstərişlər verəsniz

Hörmətlə: Qarabağ vetranı Ümüd Kərimli

Əlaqə nömrəm (050) 4258916

Email: kerimli.umid20@gmail.com

Əməliyyat olunduğum klinika: Binəqədi rayonu,M.Ə.Rəsulzadə qəsəbəsi, Davudoğlu küç. 12A ünvanında yerləşən. Vimay klinikası.
Teref. Xocanın Blogu
Səhifəmiz hamnın üzünə açıqdır..

Yasamal DYP-də “doğuş”dan sonrakı “barmaq” əməliyatı
By aktualxeber -16 Noyabr 2023 16:440467
Yasamal DYP-də “doğuş”dan sonrakı “barmaq” əməliyatı
Aktualxeber.az-ın dəyərli oxucuları! Hazırlaşın, yarıgülməli, yarıağlamalı bir yazı təqdim edirik.
Deməli, 14 noyabr tarixdə saat 20:59-da saytımızda “Yasamal DYP-nin “doğuş” otağında nələr olur?” sərlövhəli yazı yayımlanandan sonra çox maraqlı bir hadisə baş vermişdir. Yazı oxucuların diqqətini cəlb etdiyindən çoxlu şərhlər almışıq. Şərhlər barədə bir qədər sonra.
Məsələnin ciddi rezonans doğurduğunu və ictimai təpkinin güclü olduğunu görən Yasamal DYP-nin, bəlkə də Respublika BYDP-nin rəhbərliyi necə təpinibsə DYP əməkdaşları 15 noyabr 2023-cü il tarixdə 13 noyabr 2023-cü il tarixə cərimə qəbzi hazırlamağa “müvəffəq” olmuşlar. Anlaşılan bu ki, 13 noyabr 2023-cü il tarixdə, saat 10:52-də Yasamal DYP-də 283 bort nömrəli YPX ekipajının komandiri Nurlan adlı cənabın böyük qəhrəmanlığı sayəsində 99BB453 dövlət nömrə nişanlı, “Ford Transit” markalı yük avtomobilin sürücüsü Məsimov Nemət Əkbər oğlu İnzibati Xətalar Məcəlləsinin 342.2.2 maddəsinin tələbləri pozulduğuna görə 150 manat cərimə edilmiş, 15 noyabr 2023-cü il tarixdə saat 15:40-da (!) bu barədə sürücüyə SMS göndərilmiş və 15:44-də(!) 135 manat cərimə ödənilmişdir.
Bax burda bir “bərəkallah” deyib davam edək.
Vətəndaşın və polisin operativliyinə heyran qalmamaq olmur. Belə ki, 2 gün əvvələ protokol tərtib etməkdə xüsusi məharə göstərən Yasmal DYP əməkdaşlarının elktron xidmətə “barmaq eləmə” əməliyyatından kövrələn, kövrəldikcə vətənpərvər duyğuları coşub-daşan Nemət bəy də dərhal-yəni 4 dəq sonra “cəriməni ödəyərək” vətəndaşlıq borcunu şərəflə yerinə yetirmişdir.
Təsadüfən redaksiyamıza təşrif buyuran hörmətli şairimiz Mirzə Qədim bu qarşılıqlı vətənpərvərlikdən gözləri yaşarınca gülərək dedi:
– Yadıma Molla Nəsrəddinin bir əhvalatı düşdü. Mollanın bir az pulu olur, harada saxlamağa qərar verə bilmir. Çox fikirləşdikdən sonra pulu dəsmala bükür və hündür bir ağacın yuxarı budağındakı quş yuvasında gizlədir. Lotular da bunu izləyirmiş sən demə. Molla gedən kimi dərmaşıb pulu götürür, yerinə də təzək qoyurlar. Bir neçə gündən sonra Mollaya pul lazım olur. Ağaca dırmaçıb pulu götürmək istəyəndə təzəyi görüb deyir:
– Pah atonnan, mən deyirdim bura adam çıxa bilməz, sən demə lap dana da çıxırmış.
Sonra da əlavə etdi ki, ay qardaş, mən elə bilirdim bu elektron xidmətə “barmaq” eləmək olmaz, sən demə Yasamal DYP-də barmaq da edirlər, hələ o yana da keçirlər. Amma mənə qaranlıq qalan bir şey var axı…
Hamı diqqətlə Mirzə Qədimə baxdı. O da saqqalını tumarlayaraq:
-Ayə, yaxşı, bu DYP cəriməni əvvəlcə nağd alıb sonra ödəyir, onu anladım. Axı bu qəbzə görə Nemət bəy 135 manat ödəyib, Rüfət isə ondan 150 manat alıb. Ortada 15 manat qalıb. Bax, o 15 manat kimə çatıb? And olsun Elza Seyidcahanın dalındakı yox, qabağındakı əlinin bərəkətinə ki, əgər Yasamal DYP-nin rəisi çox hörmətli Məmməd Əliyev müəllim o 15 manatın kimdə olduğunu müəyyənləşdirib sahibinə qaytarmasa bu dəfə işə şəxsən müdaxilə edib hörmətli general Ramiz müəllimə bir poetik, romantik, bir az da dramatik bir şeir yazıb göndərəcəm.
Bir sözlə, bu ressor məsləsi əməll başlıca gündəm olub. Saytımızın Tik-tok səhifəsində oxucuların rəylərinə diqqət yetirdikdə bu sahədə 283 bort nişanlı YPX-nin xidmətlərinin çox yüksək olduöunu, xüsusən o ekipajdakı Nemət adlı şəxsin canfəşanlığını duymamaq olmur.
Burda da Nemət qardaşımıza bir “əhsən” deyib keçək digər rəylərə.
Tik-tokda rəy yazan izləyicilərdən:
“ Xari_Bülbül:eyni prosedur mənim mülkiyyətimdə olan nəqliyyat vasitəsindədə rast gəlinib 3 resora göre üç dəfə qayı saxlayıb eyni günde heresine 20 manat verib.
MMM: Hələ binəqədi dyp də 8 ci otaqda nələr baş verir?
Lion: 283 nomreli YPX mashininda Nurlan adli bir mexlug var, o butun YPX ishcilerinin adina leke getirenlerden en boyuyukdur.
Yasamalski@ofıcaal: 9 simvalikdi bu gunde meni caqirdilar nerimanova 9 otaqa Emil 650 m menim dostumu keser elediler.Gosterdiyiniz xidmete gore cox saq olun eziz DYP h.ri
Namiq 359: məndə VAZ 21 04 markali avtomobildi yük baqajina görə məni Xəzər ray dyp si apardı strafnoya dedi ki filan otağa mənən 100 man Aldi dedi get kef elə” və.s. və ilaxır.
Əziz oxuyucular, izləyicilərimizin rəylərinin nöqtə vergüülünə toxunmadan təqdim edirik. Nədən ki, biz Yasamal DYP əməkdaşları kimi hər şeyə barmaq eləmirik.
Bu rəyləri oxuduqdan sonar Mirzə Qədim başını qaşıya-qaşıya buxara papağını gözünün üstünə endirib getdi şeirini yazmağa. Inşallah, şeir hazır olan kimi sizlərə təqdim edəcəyik.
P.S. Yasamal DYP-nin rəisi Məmməd Əliyevdən xahişimiz budur ki, Mirzə Qədimin sualına aydınlıq gətirsin. Yoxsa şairin kövrək qəlbi ondan inciyər, özü də pis inciyər.

Teref. Xocanın Blogu
Səhifəmiz hamnın üzünə açıqdır..

Son günlər sosial şəbəkələrdə kənd rayonlarında məktəb binalarının acınacaqlı, bir çox hallarda qəzalı vəziyyətini təsvir edən şəkillər paylaşılır. Bu kontekstdə Azərbaycan Respublikası Elm və Təhsil Nazirliyi `nin ölkə ərazisindəki bir sıra təhsil müəssisələrində, o cümlədən onların qazanxanalarında, kommunal və kommunikasiya xətlərində cari və əsaslı təmir işlərinə dair son iki ildə elektron satınalma portalı vasitəsilə açıqlanan məlumatları diqqət çəkməyə bilməz. Nazirliyin müqaviq qurumunun təşkil etdiyi bu tenderləin elanlarında görüləcək işlər tam təfsilatı ilə təqdim edilsə də, nə sirdirsə, əksər hallarda həmin işlərin harada, yəni hansı rayonda və hansı kəndindəki məkbətə şamil olduğu ictimaiyyətdən gizli saxlanılır. Bu, lap mollanın arvadlarına bir-birindən xəbərsi göy muncuq verməsi lətifəsini xatırladır: bir rayonda, bir kənddə elə güman edirlər ki, bu il nazirlik onları yox, başqa kəndin məktəbini təmir etdirir. Nəticədə isə məktəbin təmir olunub-olunmaması qalır nazirliyin insafına/tamahına: İş ya görüləcək, ya da saxta bir Forma-2 tərtib olunub bağlanacaq. Bu cür yarıqapalı müqavilələrə ayrılan vəsait isə heç də az deyil: 59,9 milyon manat.
Aşağıda bu ilin yayından başlayaraq ETN-nin məktəblərin təmirinə dair https://etender.gov.az/main/contracts-concluded portalında yerləşdirilmiş müqavilələrin qısa xülasəsini təqdim edirəm. Görün, öz kəndinizin məktəbini tapa bilirsinizmi?
P.S. Güman edirəm ki, Antiinhisar və İstehlak Bazarına Nəzarət Dövlət Xidməti bu məsələdə şəffaflığın qanuna uyğun təmin olunmasına əncam çəkəcək.
Hafiz Babalı
Teref. Xocanın Blogu
Səhifəmiz hamnın üzünə açıqdır..

Diqqət! “Azza” da keyfiyyətsiz məhsullar satılır
Vətəndaş Pərviz Məmmədov aktualxeber.az-a mürciət edərək başına gələnləri, Mehdiabad qəsəbəsindəki “AZZA” mağazasından aldığı məhsulun keyfiyyətsiz və yararsız olmasına baxmayaraq mağazanın satdığı məhsulu geri qaytarmaqdan imtina etdiyini bildirmişdir.
Pərviz bəyin dediyinə görə 3-4 gün bundan öncə adı çəkilən mağazadan Pribaltika ölkələrindən birinin istehaslı olan paştet aldığını, bu gün isə ondan istifadə etdikdə tam yararsız və keyfiyyətsiz olduğunu görmüşdür.
Baxış zamanı müəyyən edilmişdir ki, bankanın bəzi yerlərində göy ləklər var və qapaq şişmişdir. Mağaza işçiləri bu ərzaq məhsulu ilə bağlı belə halların çox olduğunu, buna baxayaraq, geri götürməyəcəklərini bildirmişlər. Vəziyyətin belə olduğunu görən Pərviz Məmmədov məsələyə aydınlıq gətirmək üçün AQTA-ya müraciət etməyə məcbur olmuşdur.
Biz də hələlik AQTA-nın cavabını gözləyək. Yəqin ki, adıçıkilən qurum belə məhsulların satışına görə müəyyən tədbir görəcəkdir.
Qeyd edək ki, Pərviz Məmmədov ixtisasca həkimdir və kifaəyt qədər ciddi olmayan məsələ barəsində belə həyəcan təbiıli çalmaz. Sadəcə “AZZA”mağazalar şəbəkəsinin rəhbərliyinin belə məsuliyyətsiz davranışı, üstəlik də işçilərin yararsız məhsulu geri qaytarmaqdan imtina etməsi təəccüblüdür.
Hər halda biz redaksiya olaraq vətəndaşlara ehtiyatlı olmağı, “AZZA”dan belə məhsullar alarkən diqqət yetirməyi tövsiyə edirik.

2021-ci il aprelin 1-dən etibarən bütün ölkə ərazisində icbari tibbi sığortanın tətbiqinə başlanılıb. İki ildən çox müddət keçsə də, vətəndaşlar ölkə üzrə tətbiq olunan icbari tibbi sığortadan tam yararlana bilmir. Daha doğrusu bu xidmətdən istifadə etməyə çalışan vətəndaşlar İcbari Tibbi Sığorta Agentliyi tərəfindən incidilir. Hazırda bu sahədə narazılıqlar bitmir.

“Sizin xəstəlik sığorta paketinə daxil deyil” BƏHANƏSİ...

Narazılıqların çoxu isə sığorta paketi ilə bağlıdır. Bu gün əksər xəstəyə “sizin xəstəlik sığorta paketinə aid deyil” deyə bəhanələr gətirilir. Halbuki araşdıranda tibbi xidmətin icbari tibbi sığortanın xidmətlər zərfinə aid olduğu ortaya çıxır. Sübut etməyə çalışanda isə qarşı tərəf müxtəlif əsassız bəhanələr gətirir. Bəzən də xidmətlər zərfindəki bilgilərdən o qədər də məlumatlı olmayan vətəndaşlar bilərəkdən aldadılr. Bir sözlə əməkhaqqından tibbi sığorta üçün vəsait tutulan vətəndaş icbari tibbi sığortadan haqqı qədər yararlana bilmir. Daha doğrusu əngəllərlə qarşılaşır.

Agentlik vətəndaşın haqqı olan tibbi sığortasını niyə qarşılamır?

Bu günlərdə buna bənzər hal Sumqayıt sakininin başına gəlib. İnsult keçirən vətəndaş TƏBİB-in təcili yardım briqadası ilə Sumqayıt Tibb Mərkəzinə aparılıb. Xəstəxanadan bildirilib ki, müəssisəsdə xəstəyə tibbi xidmət göstərilməsi üçün lazım olan avadanlıqlar yoxdur. Bu səbəbdən ağır durumda olan xəstə yenidən təcili tibbi yardım briqadası ilə “Sumqayıt hospital”a aparılıb.

Hospitalda 4 gün statisionar qaydada yatırılıb və xərcləri öz hesabına qarşılanıb. Özəl tibb müəssisəsinin günlük qalma xərcləri baha olduğu üçün ailə icbari tibbi sığortadan yararlanmaq qərarına gəlib. Müvafiq qaydalarla hospitalın sığorta bürosu tərəfindən Agentliyə müraciət edib. Amma Agentlik xəstənin hospitalda aldığı xidmətlərin dəyərini qarşılamaqdan imtina edib.

Halbuki icbari tibbi sığortadan istifadə qaydalarıda qeyd olunub ki, təcili və təxirəsalınmaz hallarda tibbi yardım üçün vətəndaş göndəriş vərəqəsi olmadan birbaşa özəl tibb müəssisəsinə müraciət edə bilər. Burada vətəndaşa göstərilən tibbi xidmət icbari tibbi sığortaya daxildirsə, Agentlik tibbi xidmətin dəyərini qarşılayır.
Bəli, onu da araşdırdıq ki, xəstəyə göstərilən tibbi xidmət, yəni stasionar yatış icbari tibbi sığortanın xidmətlər zərfinə daxildir. Üstəlik “Sumqayıt Hospital” İcbari Tibbi Sığorta Agentliyinin müqavilə bağladığı özəl tibb müəssisələrinin siyahısına aiddir. Yəni bəhs etdiyimiz xəstənin icbati tibbi sığorta xidmətlərindən yararlanmaq hüququ var.

Nəticə etibarilə xəstəyə bu imkanlar tanınmayıb və əməkhaqqından tibbi sığorta üçün vəsait tutulan vətəndaşın haqqına girilib.

Maraqlıdır, dövlət tərəfindən İcbari Tibbi Sığorta Agentliyinə pul ayrılır. Vətədaşların əməkhaqqından, işlədiyi müəssisənin büdcəsindən pul tutulur. Bəs hanı bu vəsaitlər? Niyə aidiyyəti üzrə xəsrclənmir? Vətəndaşların haqqına niyə girilir?

Məsələ ilə bağlı İcbari Tibbi Sığorta Agentliyi hələki sorğumuzu cavablandırmayıb. Qurumdan Bizim.Media-ya bildirilib ki, məsələ ilə bağlı müvafiq departamentlərə məlumat verilib.

Həkimlərimiz tibbi sığortanı qəbul etmək istəmirlər...

Milli Məclisin deputatı Razı Nurullayev icbari tibbi sığortanın təkmilləşdirilməsinə ehtiyac olduğunu vurğulayıb:

“İcbari tibbi sığorta özünü doğrultmadı deyə bilərik. Amma başqa alternativ də yoxdur. Bütün dünyada icbari tibbi sığorta var və bizdə də tətbiq olunmalıdır. Söhbət icbari tibbi sığortanın daha da təkmilləşdirilməsindən gedir. Mənim özümə də icbari tibbi sığorta ilə bağlı xeyli müraciətlər olub. Hətta qarşılaşdığım problemlə bağlı birbaşa TƏBİB və Agentlik rəhbərliyi ilə əlaqə saxlamışam, məsələ həll olunub.

Hesab edirəm ki, ümumiyyətlə problem yaşanmamalıdır. Doğrudan da elə olub ki, vətəndaş xəstə valideynini dövlət xəstəxanasına aparır. Onlar onu müxtəlif bəhanələr altında başlarından edib göndərirlər.

Çünki icbari tibbi sığorta ilə bağlı olan xəstələr onlara maraqlı olmur. Azərbaycanda həkimlər əvvəllər başqa sistmlə çalışıblar və pulu birbaşa əllərinə alıblar deyə tam olaraq icbari tibbi sığortanı qəbul etmək istəmirlər. Nümunə üçün bir taksi çağırın və kartla ödəmək istəyin, sürücü dərhal imtina edəcək. Çünki qazancını birbaşa əlinə almaq istəyir. Bu gün xəstəxanalarda da eyni prinsipdir”.

Dövlət xəstəxanalarında tibbi avadanlıq çatışmazlığı gülməlidir...

Deputatın sözlərinə görə müasir dövrdə dövlət müəsissələrində hansısa tibbi avadanlıqların olmaması və ya işləməməsi gülməlidir:

“Dövlət xəstəxanaları daha yaxşı tibbi avadanlıqlarla təmin olunmalıdır. Əksinə özələ müraciət edənlər dövlət tibb müəssisəsinə göndərilməlidir. Bu baxımdan TƏBİB və İcbari Tibbi Sığorta Agentliyinə çağırış edirəm ki, bu məsələyə həm aydınlıq gətirsinlər, həm də həlli ilə bağlı işlər aparsınlar ki, vətəndaşlar çətinliklərlə üzləşməsinlər. İstənilən halda Azərbaycanda icbari tibbi sığortanın oturuşması üçün illər lazım olacaq”.

Qiymətlərlə bağlı ağır şərtlər qoyulub...

Deputat Rüfət Quliyev də icbari tibbi sığortanın əlçatan və rahat olması üçün dövlət xəstəxanalarının müasir tibbi avadanlıqlarla təchiz olunmasını vacib sayır:

“İcbari tibbi sığorta ilə bağlı ötən ilə nisbətən inkişaf var. Deməzdim ki, sıçrayışlı inkişafdır. Burada problem başqadır. Əgər dövlət xəstəxanalarını əsaslı təmir və təmin etsək, xüsusi cihazlarla təchiz etsək o zaman icbari tibbi sığortaya işləmək, eləcə də əhaliyə kömək etmək daha rahat olar.

Düzdür, bütün dünyada dövlət xəstəxanalarının normal fəaliyyəti ilə bağlı ciddi problemlər var. Amma o demək deyil ki, bu problemləri çözmək mümkün deyil. Məsələyə köklü surətdə yanaşmaq lazımdır. Özəl xəstəxanalarımızda isə vəziyyət müqayisəyə gəlməz.
Bu xəstəxanalarda qiymətlərlə bağlı ağır şərtlər qoyulub. Xəstə daxil olmadan ondan 5 min, 7 min və ya daha yuxarı məbləğdə depozit tələb etmək ağır şərtdir. Bəzən xəstə yaxını bu məbləği gecə tapıb xəstəxanaya verir. Fikrimcə, yeganə həll yolu dövlət xəstəxanalarının sürətlə təmiri və yeni avadanlıqlarla təchiz olunmasıdır”.

Digər deputatların da narazılığı...

Xatırladaq ki, Milli Məclisin Səhiyyə komitəsinin sədri Əhliman Əmiraslanov da zaman-zaman icbari tibbi sığortanın təbiqində yaranan problemlərə toxunub. Onun sözlərinə görə narahatedici məqam icbari tibbi sığortanın xidmətlər zərfində 2500-dən çox xidmətin olması ilə bağlıdır. Çünki bir çox xəstəlik üzrə xəstələr uzun müddət növbə gözləyir.

Əhliman Əmiraslanov bildirib ki, elə klinikalar var ki, orada bəzi tibbi avadanlıqlar ya dayanıb, ya dayanmaq üzrədir.

Milli Məclisin deputatı Afət Həsənova isə icbari tibbi sığorta ilə bağlı həkimlərin qəsdən problemlər yaratdığını dilə gətirmişdi. O, bir sıra vətəndaşların onlar üçün lazımi tibbi xidmətlərin siyahıda yer almaması, bəzi vətəndaşların isə həkimlər tərəfindən qəsdən get-gələ salıb pul qazanması üçün icbari tibbi sığortadan yayındırdıqlarını qeyd etmişdi.

Bizim.Media