44 günlük Qarabağ müharibsinin iştirakçısı, Masallı rayonu, Köçəkli kənd sakini Kərimov Araz Nəzər oğlu tərəfindən “Hürriyyət”in redaksiyasına şikayət məktubu daxil olub. Şikayətçi iddia edir ki, ruhi xəstəxanada yatmasına baxmayaraq, ona sosial müavinat verilmir:

“Mən, Kərimov Araz Nəzər oğlu, yazaraq sizdən xahiş edirəm ki, Əmək və Əhalinin Sosial Müdafiəsi Nazirliyinin başıma açdığı oyunu mətbuatda işıqlandırasınız.

44 günlük II Qarabağ müharibəsində iştirak etmişəm. Bunu fəxrlə deyirəm. 2 dəfə orta ağır səviyyədə yaralanmışam. Müharibə bitdikdən sonra 42 gün Maştağa ruhi əsəb dispanserində müalicə almışam. Müalicə vaxtı aşkar olundu ki, məndə şəxsiyyət pozuntusu xəstəliyi var. Yaddaşsızlıq və 1 gözümün zəifləməsi aşkar edilmişdir.

Bütün bu xəstəliklərə aid sənədlərimi Sosial Müdafiə Fonduna təqdim etsəm də, mənə imtina cavabı verirlər, əlillik dərəcəsi vermirlər.

1 övladım var, ailəmin yanında carəsiz vəziyyətdə qalmışam. Müalicə almağa, ailəmi dolandırmağa imkanım yoxdur. Əlimdə sənədlərim ola-ola Sosial Müdafiə Fondu imtina cavabı verir, guya sağalan xəstəyəm.

Mən sizin qəzet vasitəsilə Sahil Babayevə səslənirəm: “Sənin oğlun da, əzizin də mənim günümə düşsün və sənin kimi millətin qanını içənlərə möhtac qalasınız”.

Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq. Nazirlikdən qəzetimizə verilən açıqlamada vətəndaşın şikayətinin araşdırılacağı bildirildi.
Jalə FAMİLQIZI
Teref: Xocanın Blogu

Soz zamanlar Bakıda ağac soyqiırırmının əsas ocaqlarından biri Nizami rayonu olub. Nizami rayonu əvvələr də ağacların kəsilməsi ilə məbuatın gündəminə gəlirdi. Amma son aylar bu rayonda ağac soyqırımı çox geniş vüsət alıb. Demək olar ki, artıq hər həftə Nizami rayonunda hansıssa küçədə ağacların kəsilməsi ilə bağlı şikayətlər mətbuatda işıqlanır. Elə yola saldığıməz son həftədə iki ünvanda ağaların qırılması ilə bağlı xəbərlər mətbuatın gündəmi oldu. Bunlardan biri Elşən Süleymanov küçəsi 72 A ünvanında, digəri isə Çəkir Çobanzadə küçəsində baş verib. Ondan əvvəlki həftələrdə də Nizami rayonunun müxtəlif ünvanlarında ağacların kəsilməsi ilə bağlı xəbərlər mətbuatın gündəmində xüsusi yer alıb.

Belə görünür ki, Nizami rayonunda hər həftə bir, ya da iki ünvanda ağacların məhv edilməsi isə məsul şəxsləri, o cümlədən Nizaminin icra hakimiyyətini qətiyyən narahat etmir. Belə olmasaydı rayonda planlı və davamlı olaraq aparılan ağac soyqırımı ilə bağlı İcra hakimiyyəti heç olmasa bir dəfə mövqe bildirərdi. Amma yox, İcra Hakimiyyəti ağzına su alaraq oturub və görünən odur ki, onların qətiyyən nə danışmaq, nə də ağac soyqırımının qarşısını alamq üçün barmaqlarını belə tərpətməyəcəklər.

Azərbaycanda və Bakıda yaşıllıqların qorunmasında bir başa məsuliyyətli olan Ekologiya və Təbii Sərvətlər Nazirliyi isə hər dəfə kəsilən ağaclarla bağlı araşdırma apardığını söyləyir. Bu araşdırmaların sonu bəzən kimlərinsə bir neçə min manat cərimələnməsi ilə nəticələnir. Amma bu da ağacların kəsildiyi ərazilərdə sonradan tikinti işlərinin aparılmasına mane olunmur. Yəni ETSN məhv edilmiş yaşıllıqların yerində yeni ağacların əkilməsini təmin etməli olduğu halda nədənsə bunu etmir.

Bu da onu göstərir ki, əslində Bakıda yaşıllıqları məhv edən mütəşşəkil dəstələr dövlət qurumları ilə əlaqəli şəkildə çalışırlar. Yaşıllıqları məhv edən bu mütəşşəkil dəstələrin devizləri isə belədir: “Olduyla öldüyə çarə yoxdur”. Əslində bu olanlara çarə var və yuxarıda da qeyd etdiyimiz kimi, yaşıllığı məhv edilən ərazilərdə yenidən ağac əkmək heç də problem deyil və bu dünyanın ən asan işidir. Amma gördüyümüz kimi, bu asan iş olmur. Kimlərsə “olduya çarəni öldü” formuluna gətirir. Çünki oldu da, öldü də dövlət qurumları ilə yaşıllıqları məhv edənlər arasında əvvəlcədən razılaşdırılır.

Nizami rayonunda 28 kvadrat metrlik obyektin qapısının dəyişdirilməsini görən və buna görə obyekt sahibinin başına min oyun açan Nizami rayon İcra Hakimiyyətində isə yaşıllıqların, meşə zolaqlarının qəsdən məhv edilməsini görə bilmirlər. Görəsən niyə?

Bəlkə ona görə ki, il yarım əvvəl Azərbaycan prezidenti tərəfindən yüksək etimada layiq görülən Coşqun Cəbrayılov ona göstərilən etimadı doğrulda bilmir? Çünki Nizami rayonunda baş verən özbaşınalıqların ancaq iki izahı var. Ya cənab Cəbrayılov bu özbaşınalıqları özü birbaşa idarə edir, ya da rayonu idarə etmək kimi bir idarəçilik keyfiyyətinə sahib deyil.

Bizim bildiyimizə görə hazırda bu iki halın hər ikisi qismən Nizami rayonunda özünü doğruldur. Bir tərəfdən Coşqun Cəbrayılov rayonda baş verənlərdən tamamilə xəbərdardır. Digər tərəfdən isə Nizami rayonu hələ də Arif Qasımovun və Sədaqət Vəliyevanın adamlarının idarəetməsi altındadır. Yəni ötən il yarım ərzində Coşqun Cəbrayılov Nizami rayonuna hələ də tam nüfuz edə bilməyib. Bu barədə isə növbəti yazımızda...

Mənbə: Poliqon.info
Teref: Xocanın Blogu
Səhifəmiz bütün maraqlı tərəflərin rəyləri üçün açıqdır...

Bərdədəki məcburi köçkün şəhərciyində mənzillərə verilən su istifadəyə yararsız çıxıldığı deyilir.
Sakinlər iddia ediblər ki, Qarabağ su kanalından götürülən texniki su onlara içməli su kimi verilir.

Su kanalının natəmiz olması və ölmüş heyvanların oraya atılması bu sudan istifadəni təhlükəli edir. Bu kanalın suyundan 1400-dən çox ailə içməli su kimi istifadə edir.

Sakinlər bildiriblər ki, su xətlərindən axan maye həm rəngi, həm də dadına görə içməli sudan fərqlənir. Bu səbəbdən insanlar digər ərazilərdən icməli su gətirirlər.

Onlar qeyd ediblər ki, 5 və 7 mərtəbəli binaların yerləşdiyi şəhərciyə içməli su anbara toplanaraq nasoslar vasitəsi ilə verilir. 10 il öncə istifadəyə verilən şəhərciyin sakinlərinin sözlərinə görə, çoxmərtəbəli binalara verilən su içmək üçün yox, suvarma üçün yararlıdır.

Sakinlər üzləşdikləri problemlə bağlı dəfələrlə Bərdə Su və Kanalizasiya İdarəsinə və digər dövlət qurumlarına müraciət etdiklərini bildiriblər. Amma bu günə qədər sakinlərin müraciətinə müsbət cavab verilməyib.

Məsələ ilə bağlı Bərdə rayon Suvarma Sistemləri İdarəsindən bildirilib ki, sakinlərin qaldırdıqları problem həqiqətə uyğun deyil:

"Qarabağ su kanalından götürülən su ən son avadanlıqlarla təchiz edilmiş xüsusi filtirlərdən keçərək təmizlənir. Sonra həmin su anbara yığılır. Anbarda suyun keyfiyyətini artırmaq üçün xüsusi maddələr vurulur. Bundan sonra əhaliyə içməli su verilir. Yəni məcburi köçkün şəhərciyinə verilən içməli suyun keyfiyyətinə hec bir problem yoxdur”.
Teref: Xocanın Blogu
Səhifəmiz bütün maraqlı tərəflərin rəyləri üçün açıqdır...