Yerüstü Nəqliyyat Agentliyindən çox yazmışam.
Dedim bir az müşahidə edim,bəlkə nəticə çıxardalar.

Görürəm yox,agentliyin rəhbəri Anar Rzayev yenə öz əməllərini davam etdirir.
Şikayətlər də yenə davam edir.Çünki qaldırılan məsələlərə heç baxılmır da.
Bu adam Azərbaycan Yerüstü Nəqliyyat Agentliyini (AYNA) şəxsi mülki kimi idarə edir.

Arxasında nazir müavini Rəhman Hümmətov,qabağında da əlaltıları,ətrafına yığdığı qohum-əqrəbası.
Qaz vurub qazan doldururlar.Anar müəllim dövlətin işini,büdcəsini öz biznesinə çevirib.

Beynəlxalq yükdaşımaları,nəqliyyatdakı bütün yükdaşımalara az qala inhisara alıb.Dövlət rüsumu bir yana,Anar Rzayevin qoyduğu öz rüsumları var.
Razılaşmayan günlərlə gözləməli olur. Hələ TIR-lar saxladığı qarajları demirəm.
Məsələn,Xırdalanda 1 000 000 (bir milyon) dəyərində avtoqarajlarını qeyd etmək olar.

Bunlar barədə əvvəlki məqalələrdə ətraflı yazmışam.
Yerüstü Nəqliyyata cavabdeh şəxsin “yer altından” gördüyü işləri,işçilərə qarşı haqsızlığı,ixtisaslı işçilərin yerinə qohumlarını,dost-tanışı necə yığdığını göstərmişəm.

Anar Rzayev bu yeyintiləri hesabına yaxşı sərvət sahibi olub.
Qubada daş karxanası,müxtəlif yerlərdə iaşə obyektləri,Bakıda 60 mənzil,Novxanıda malikanə,Sədərək Ticarət Mərkəzində biznes əlaqələri Anar Rzayevi lap kommersant oliqarxa çevirib.

Onun hazırki fəaliyyəti,şikayətlər barədə qeydlərim olacaq.
Bunu isə xatırlatma kimi yazdım ki, Anar müəllim bəlkə mövqeyini bildirmək istəsə, buyursun.



Boyukmillet.com olaraq hər zaman həm şikayətçilərin, həm də qarşı tərəfin mövqeyini əks etdirməyə hazırıq.
Sima Babayeva

Son dövrlərdə ökəni bürüyən özəl kilinikalarla bağlı problemlər bitmək bilmir. Bu klinikaların bir çoxunun adı çox bahalı qiymətləri və riskli xidmətləri ilə tez-tez mediada hallanır. Belə ki, fasiləsiz reklam yolu ilə özlərini peşəkar və yüksək savadlı həkim kimi qələmə verən bəzi şəxslər bu klinikaların pərdəsi altında pasiyentlərin başına oyun açır, lakin heç bir məsuliyyətə cəlb olunmurlar. Belə klinikalardan biri də Bakıda fəaliyyət göstərən “Doktor Med İnternational” klinikasıdır.

Klinikanın fəaliyyəti haqda saytımıza məlumat verən mənbənin dedyinə görə, klinikada həkim adı ilə təqdim olunan şəxslərin çoxunun ali tibbi təhsili yoxdur. Onlar hardasa 1-2 aylıq kursun kağızını alaraq həkim kimi pasiyentlərə xidmət gösfərir, onların xeyli pulunu alır, amma müalicələri heç bir effekt vermir.

Məsələn, exo-kardioqramma işi məşğul olan şəxs heç bir ali və ya orta ixtisas tibb təhsili olmadan, yalnız bir neçə aylıq kurs keçməklə bu müraciət edən xəstələri müayinə edir, laborator analiz götürür və təyinat verir, halbuki bu işlərə səlahiyyəti yoxdur, klinikanın qəbul şöbəsində (reseption) işləyir.

Klinikada cərrahiyə şöbəsi olmadığı halda burada kiçik cərrahi əməliyyatlar da aparılır, həm də adi otaqlarda xüsusi cərrahi təchizat olmayan yerlərdə. Xüsusən də, əli, ayağı şişmiş, qanqrena olmuş və ya olmaq üzrə olan şəkər xəstələrinin üzərində yarma üsulu ilə əməliyyatlar aparılır.

USM müayinəsini də tibbi təhsili olmayan, sertifikasiyadan keçməyən şəxs aparır. Saç əkilməsi üzrə lisenziyası olmayan şəxs tərəfindən bu əməliyyatlar aparılır.

İş o yerə gəlib ki, xəstənin rentgen aparatından keçirilməsini klinikanın mühafizəçisi aparır. Heç bir tibbi təhsili və bu sahədən anlayışı olmayan bir şəxsin belə təhlükəli bir müayinə aparatını işlətməsi insanların həyatı üçün ciddi təhlükə yaradır.

Mənbəmizin məlumatına görə, klinikadakı tibbi cihazların çoxu köhnə və qeyri-standart aparatlardır və çox vaxt düzgün diaqnoz qoya bilmir, başqa klinikalarda təkrar diaqnostika zamanı fərqli nəticələr çıxır. Üstəlik də, diaqnostika, müayinə və müalicə qiymətləri çox yüksəkdir.

Klinikada müxtəlif sahələr üzrə işləyən həkimlərin çoxunun həmin sahədə ali tibbi təhsili yoxdur. Onların arasında kosmetologiya, exo-kardioqramma, fizioterapiya, USM müayinəsi və sair sahələrdə çalışan şəxslər var. Əksər həkimlər sertifikasiyadan keçməyib və faktiki olaraq qanunsuz şəkildə həkim fəaliyyəti göstərirlər.

Bu şəxslər özlərini sosial şəbəkələrdə reklam etməklə müştəri cəlb edir və onların pulunu alır, amma müalicələrinin heç bir xeyri olmur. Müştəri sözünü elə-belə yazmadıq, bəli pasiyentlərə məhz müştəri gözü ilə baxırlar.

Klinika rəhbərliyi bu tibbi təhsilsiz şəxsləri həkim kimi işə götürə bilmədiyindən müxtəlif rəhbər və texniki vəzifələrə təyin edərək faktiki həkim kimi işlədir.

Mənbəmiz əgər Səhiyyə Nazirliyi və digər aidiyyatı orqanlar tərəfindən yoxlama aparılsa, klinikada çox sayda qanunsuzluq üzə çıxacağını deyir.

Yeri gəlmişkən, klinikanın xidmətlərindən istifadə etmiş və aldadılmış vətəndaşlar şikayətlərinin işıqlandırılması və araşdırılması üçün bizə müraciət edə bilərlər.

Məsələ ilə bağlı əlavə məlumat toplamağa çalışırıq. Mövzunu davam etdirəcəyik.
Qarşı tərəfin mövqeyini dərc etməyə hazırıq

Analoq.az

Dünyasını dəyişmiş yaxın-uzaq qohumlarının dəfni ilə qayğılanan hər kəs, xüsusilə də paytaxt sakinləri yaxşı bilirlər ki, Bakıda qəbir yerlərinin satılması əməlli-başlı gəlir gətirən biznesə çevrilib. Məlum olduğu kimi, qəbir yerləri rəsmi qiymətindən yüz dəfələrlə baha qiymətə satılır. Mental dəyərlərə sadiq olan azərbaycanlılar vəfat edən əzizlərini son mənzilə ehtiramla yola salmaq üçün pullarını əsirgəmir, narazı qaldıqları “od tutub yanan” qiymətlərə görə mübahisə etməyi ən azından təziyə mərasiminin davam etdiyi müddətdə qeyri-məqbul hesab edirlər.
Mediatv.az xəbər verir ki, Azərbaycan Respublikası Nazirlər Kabinetinin 2018-ci il 4 dekabr tarixli 522 nömrəli Qərarı ilə “Qəbiristanlıqların salınması və idarə olunması qaydaları” təsdiqlənib. Azərbaycan Konstitusiyasının, Mülki Məcəlləsinin və Şəhərsalma və Tikinti Məcəlləsinin, “Bələdiyyələrin statusu haqqında”, “Dini etiqad azadlığı haqqında” qanunun və başqa normativ hüquqi aktlarının tələbləri nəzərə alınmaqla hazırlanmış Qaydalara əsasən, qəbiristanlıqların idarə olunması bələdiyyələrə həvalə edilir. Yeni qəbiristanlığın salınması barədə qərarlar da bələdiyyə tərəfindən qəbul edilir. Həmçinin qəbiristanlığın ərazi planlaşdırılmasının sifarişçisi qismində bələdiyyə çıxış edir.

Fəqan Məlikov Rəfail Mehrəliyevi necə aldadır?

Ancaq çox maraqlıdır ki, paytaxtda bir sıra böyük qəbiristanlıqların (Sabunçuda “Birinci Zabrat qəbiristanlığı, Qaradağ rayonunda “Qurd qapısı” qəbiristanlığı,Buzovna qəbiristanlığı,Yasamal rayonunda Dövlət İmtahan Mərkəzinin arxasındakı qəbiristanlıq,Nizami rayon NZS qəsəbəsindəki qəbiristanlıq) idarə olunması yerli bələdiyyələrin ixtiyarına verilməyib, əvvəlki kimi Bakı Şəhər İcra Hakimiyyətinin tabeçiliyində olan Vətəndaşlıq Xidməti Trestinin sərəncamında qalıb.
Nazirlər Kabinetinin qəbul etdiyi qərarın tam icra olunmaması özü-özlüyündə müəyyən suallar doğurur. Elə bu sualları ehtiva edən 05.07.2023-cü il tarixli məktubla Bakı ŞİH-nin başçısı cənab Eldar Əzizova müraciət etdik və bu sualları doğuran məlumatların qanunauyğun surətdə tərəfimizdən araşdırılmasına şərait yaradılmasını xahiş etdik.
Bakı ŞİH-nin Mənzil – Kommunal Təsərrüfatı Departamenti (MKTD) bizim məktubumuzu ay yarım sonra 28.08.2023-cü il tarixli məktubuna qoşma edərək, müraciətimizə baxılması, nəticəsi barədə qısa müddətdə redaksiyamıza və Departamentə məlumat verilməsi üçün Əhaliyə Vətəndaşlıq Xidməti Trestinin müdiri Fəqan Məlikova göndərdi.

Öz növbəsində Əhaliyə Vətəndaşlıq Xidməti Trestinin müdiri F.Məlikov 02.11.2023-cü il tarixli (Departamentin məktubundan düz iki ay sonra) məktubu ilə redaksiyaya necə cavab göndərsə yaxşıdır: “Məlumat üçün bildiririk ki, “Qəbiristanlıqların salınması və idarə olunması qaydaları”nın təsdiq edilməsi barədə Azərbaycan Respublikası Nazirlər Kabinetinin 2018-ci il 4 dekabr tarixli 522 nömrəli Qərarına əsasən balansımızda olan qəbiristanlıqların 90%-i Bakı şəhəri üzrə müvafiq rayon və qəsəbə bələdiyyələrinə təhvil verilmişdir (Fəxri və Şəhidlər Xiyabanı istisna olmaqla). Balansımızda olan Xəzər rayonu Buzovna, Sabunçu rayonu 1 və Qaradağ rayonu Ümumşəhər (“Qurd qapısı”) qəbiristanlıqlarında “Şəhidlər sektoru” olduğundan, həmin sektorlara tərəfimizdən xüsusi qulluq və nəzarət həyata keçirilir. Balansımızda qalan qəbiristanlıqların təhvil prosesi heç bir problem olmadan davam etdirilir”.
Göründüyü kimi, bu cavab məqbul olsaydı, onu bizə elə MKTD özü verərdi, Trestə həvalə etməzdi. Deməli, Departament sədri Rəfail Mehrəliyev Trest müdiri Fəqan Məlikovun işdəycələri barədə tam məlumatlı olmaya bilər və o üzdən təxmin edə bilər ki, Məlikov sadəcə redaksiyanın iddialarını birmənalı şəkildə rədd edəcək. İkincisi, Nazirlər Kabinetinin məlum tarixdə qəbiristanlıqların 90 %-nin deyil, hamısının, yəni 100%-nin bələdiyyələrə təhvil verilməsini qərara alıb, özü də üç ay (!) müddət ərzində.Görünür Fəqan Məlikov özünü Nazirlər Kabinetinin məsul şəxslərindən "ağıllı"sayır. Qəbiristanlıqların F.Məlikovun məktubunda qeyd edilən 90 %-i isə Trestin sabiq müdiri mərhum Cavanşir Tağıyevin rəhbərlik etdiyi dövrün son bir ilində yerli özünüidarəetmə qurumlarına təhvil verilib. C.Tağıyev 2019-cu ilin sonunda vəfat edəndən sonra Trestə müdir təyin olunanşəxs və hal-hazırki müdir F.Məlikov isə bu istiqamətdə heç bir addım atmayıb və qalan qəbiristanlıqları əlində saxlamağa çalışıb.
F.Məlikovun şəhid ruhları ilə alver etməsinin heç bir məntiqli izahı yoxdur. Ona görə ki,2-ci Vətən müharibəsindən sonra respublikanın hər yerində olduğu kimi, Bakıda da demək olar bütün qəbiristanlıqlarda, o cümlədən bələdiyyələrin balansına verilmişlərdə şəhid məzarları var. Bələdiyyələrin həmin şəhid məzarlarına laqeyd yanaşması barədə statistika yoxdur. Bundan başqa, Trestin şəhid məzarları üçün ayrılmış sektorlara görə bütöv qəbiristanlıqları öz balansında saxlamasına gərək yoxdur. Bundan başqa, Trest rəhbərliyi istəsəydi, yuxarıda adları çəkilən qəbiristanlıqları da NK-nın qərarına uyğun olaraq bələdiyyələrə təhvil verər, yalnız şəhid məzarlarına xidmət etmək ixtiyarının özündə qalması təşəbbüsü ilə çıxış edərdi. Yəni, Trestin yalnız şəhid məzarları üçün ayrılmış sektorlara görə bütöv qəbiristanlıqları öz balansında saxlamasına gərək yoxdur. Demək, Trest müdiri şəhidlərə məxsus olmayacaq qəbir yerlərinə nəzarəti özündə saxlamaqda maraqlıdır. Marağın da nədən ibarət olduğunu məqaləmizin əvvəlində bildirmişik.Bir də görəsən hansı qəbirastanlıqda “Şəhidlər sektoru” mövcuddur və Fəqan Məmmədov onlara hansı xüsusi qulluq gösdərir?
Davamı var....

Nyus.Az olaraq məqalədə qaldırılan iddialarla bağlı qarşı tərəfin mövqeyini işıqlandlrmağa hazırıq!

Nyus.Az

"Azərbaycan Reallığı" xatırladır ki, bu gün respublikamızda demək olar ki hər sahədə inkişaf var. Demək olar ki, hər sahədə yeniliklər yaranır. Mən “demək olar ki” sözünü çox işlətməyimi yəqin ki oxucularımız heç də yaxşı qarşılamayacaq.

Ancaq sözümü belə başlamaqda fikrimi bildirmək üçün şərait yaratmaq istədim. Çünki bu gün Qazax Mərkəzi xəstəxanasının da demək olar ki baş mühasibi Namazov Məmməd Həsrət oğlu da demək olar ki özünü baş mühasib kimi aparır. Yəni ki Namazov Məmməd hər şeydən bacarır, təkcə mühasiblikdən başqa.

Misal göstərmək olar ki əvvəllər saç ustası (dəllək) işləyəndə pis deyildi. Bir xoşbəxtliyi də o idi ki, Qazax Rayon İcra Hakimiyyətinin birinci müavini Məmməd Alıyevin də dəlləyi idi. Sonralar bu dostluq M. Alıyevin hesabına dəllək Məmmədi daxili imkanlar hesabına Qazax Mərkəzi xəstəxanasına baş mühasib düzəltdirdi. Bilirəm yenə də deyəcəklər “düzəltdirdi” nədir.

Ona görə belə deyirəm ki axı Namazov Məmmədin Baş mühasib nədir, heç mühasibatlıqdan xəbəri yoxdur. Elə olmasaydı heç olmasa bir dəfə M. Namazov öz hesabatını özü yazardı. Yoxsa ki hər dəfə başqa başqa mühasiblərə pul verib hesabat işlətməzdi.

Aldığımız məlumata görə bu gün də Məmməd Namazov sərbəst hesabat apara bilmir. Hörmətli və dəyərli oxucularımız soruşa bilər ki bəs onda Məmməd Namazov nəyi bacarır? Bəli bu sualın cavabı var. Birincisi dəlləkliyi bacarır. Hər cürə yozsanız elə o cürə də dəlləkliyi bacarır.

Məsələn saç da kəsir, cib də kəsir, hətta işçilərinin əmək haqqından da kəsir. Amma bir xasiyyəti var ki, işləyən işçilərin əmək haqqından kəsdiyi pul vəsaitini xoşuna gələn digər işçilərə yazır. Bu da Namazovun lazımlı adam olma reytinqini qaldırır. Misal göstərmək olar ki, adını çəkmədiyimiz bir xanım işçinin əmək haqqını çox yazmaq üçün bir müddət dil tökdükdən sonra M. Namazov həmin xanımı öz maşını ilə qonaqlığa aparan zaman bəxti gətirməyib.

Yolda həmişə ayıq və diqqətli olan polis işçilərinə ilişib. Bu hadisə zamanı bütün rayon əhalisi danışmağına baxmayaraq yenə də Namazov Məmmədin köməyinə Alıyev Məmməd çatıb. (Bu əhvalat barədə gələn dəfə ətraflı məlumat veriləcək). Belə ki, Qazax polis idarəsi bütün olanları tam açıqlığı ilə Qazax rayon İ.H.-nə bildirmişdir. Lakin M. Alıyev yenədə öz mahir bacarığı ilə Rayon İcra Başçısını aldada bilmiş və mövzunu bağlaya bilmişdir. Bəlkə də M.Alıyev düz etmişdir. Axı Məmməd Namazovun da ailəsi var.

Həmin qadın da ailəlidir. Əziz oxucilar! Mənim məqsədim kiminsə ailəsinə təsir etmək deyil, məqsədim odur ki Qazax rayonu kimi ziyalısı olan bir rayonda normal savadlı və tərbiyəsi yerində olan bir mütəxəsis yoxdurmu ki, bu boyda Qazax Mərkəzi xəstəxanasına savadsız və tərbiyəsi yerində olmayan bir dəllək baş mühasib işləyir. Aldığımız çoxsaylı müraciətlərin hamısını açıqlasaq, vallah utanc verici bir hal alınar.

Bizə yazılanlardan həmişə Qazax Rayon İcra hakimiyyətinin başçısı haqqında çox yaxşı sözlər eşitmişik. Qazax Rayon I.H. həmişə təriflənib. Ancaq heç cürə başa düşülən deyildir ki N. Məmməd hansı yüksək keyfiyyəti ilə belə möhtəşəm bir postu tutub.

Söz yenə də Məşədi İbadın fikrinə gəlir. “VALLAH TARİXİ NADİRİ TAM OXUMUŞAM HEÇ NƏ BAŞA DÜŞMÜRƏM. BU CAMAAT NƏ BAŞA DÜŞSÜN” Oxucuların fikirlərinə hörmətlə yanaşaraq qarşı tərəfi dinləməyə həmişə hazırıq. Mövzu davam edəcək!