Vətən ancaq üzərində gəzdiyimiz, yaşadığımız torpaq parçası deyil. Vətən uğrunda nə qədər qurbanlar verilib. Özünün bayrağı, müstəqilliyi, suverenliyi, milli dövlət himni, sərhədləri olan torpağa Vətən deyilir. Vətən azadlıqdır.
Torpağın Vətən olması üçün düşmənlərlə mübarizə aparmaq, onun üzərində zəfər qazanmaq lazımdır. Vətən xalqın qorunması vacib müqəddəs dəyərlərindən biridir. Xalq yalnız öz Vətənini qorumaqla gələcəyinə təminat verə bilər. Vətənə olan sevgimiz bizi ucaldır. Vətənin müdafiəsi bizim üçün inanc, iman olmalıdır. Uğrunda minlərlə şəhid verdiyimiz bu torpağın mənəvi dəyəri çox yüksəkdir.
Bugün Laçınımız bir qrup yaltaqın yalağın haq bilməzin, özlərindən başqa heç kimi düşünməyən, "vətən" "dövlət" "xalq" deyənlərin cəngindədir. Bərpa və yenidənqurma, abadlıq işləri altından milyonlarla pul vəsaitləri göyə sovrulur. Tikilən evlərin çoxundan rayon sakinləri narazıçılıq edir. Evlər keyfiyyət baxımından çox aşağı səviyyədə tikilib bərpa edilib. Keyfiyyətli və komfortlu evlərdə tikilib. Laçında qiymətlər od tutub yanır. Bahalıq pik həddədir. Ora köçürülən rayon sakinlərinin çoxu hal-hazırda işsizlikdən əziyyət çəkir.
Haqqı demək haqqı müdaifə etmək lazımdır. Laçın kiminsə şəxsi mülkü deyil ki, monopoliya edib özəlləşdirsin.
Ali Baş Komandan Cənab Prezident İlham Əliyevin göstərişləri nöqtə vergülünə kimi icra olunmalı idi. Təəssüf ki, Cənab Prezidentin etimad edib nümayəndə təyin etdiyi hörmətli Məsim Məmmədov Laçında baş verən özbaşınalıqlarla göz yumur. Mənim tanıdığım onlarla şəxslər var ki, evləri tikilməyib. Ata yurdumuz bərpa olunub tikilmək əvəzinə hələ evə gedən yolu kəsib başqasının həyətini genişləndiriblər. Bütün bunların məsuliyyətini kim daşıyır?! Laçında tikilib "hazır" olan biabırçı nöqsanlara görə sökülən evlərin məsuliyyətini kimlər daşıyır? Cənab Prezident İlham Əliyevin müharibə bitər- bitməz abadlıq və quruculuq işlərinin başlamasına göstəriş verib ayırdığı pulları nəyə görə göyə sovururlar?!
Maraqlı mənzərə ortaya çıxıb. Laçınlılar bir neçə qrupa bölünüb. Əsas iki qrupu qeyd edəcəm. Laçında baş verən haqsızlıqla bağlı etiraz edənlər, və Laçında baş verən haqsızlıqları malalayanlar.
Bəylər və xanımlar haqqı demək vətənini, dövlətini sevməmək deyil. Əksinə sevib can yandırmaq deməkdir. Biz dövlətimizi, vətənimizi sevirik. Dövlətimizin malını mülkünü talan edənlərə qarşı mübarizə aparırıq. Bununla bağlı Cənab Prezident İlham Əliyev dəfələrlə bəyan edib ki, harada haqsızlıq, məmur özbaşınalığı gördünüz yazın şikayət edin. Əminəm ki, Laçında baş verən neqativ halların qarşısı alınacaq. Xoşbəxt firəvan şəkildə bütün laçınlılar doğma Laçında yaşayıb yaradacaqlar.
Teref.az yazır ki, daha sonra müəllif bir Laçın sakininin yazdığı sttusu paylaşıb. Statusda Laçında bu günki gün üçün qiymətlərlə bağlı faktlar öz əksini tapıb.Statusuda təqdim edirik:
"Yusif Şamil Oğlu
Laçın şəhər sakinin şərhini olduğu kimi şərh bölümünə yerləşdirirəm.
MƏN LAÇIN ŞƏHƏRİNDƏ YAŞAYIRAM. HƏMİŞƏLİK SAKİN OLARAQ DEYİRƏM. RAHAT MARKETDƏ. 300qr.lıq çörək 1 bir manat. Smith 1man 20. qəpik. Qold əkbər çay 250.qramlıq.7man 52qəpik. Bakıda 3man.52. qəpik. Şəkər tozu 5kq.lıq 10.man. 50. Qəpik. Paçkada qreçka, düyü, vermişik, makaron. BAKIDAN çox baha.
Araq zəhərə qalsın nə məcburdu araq içənlər? Şəhidlərin qanı qurmayan o müqəddəs torpaqlarda araq heç ki lazımda deyil. Həkəri çayın kənarında bir çaynik çay 6mdan 8 man.qədər mürəbbə, pletka şokoladlı mütləqdir. Satıcı belə dedi.avtobus yoxdu RAHAT MARKET köhnə opitin yerində çıxmaq olmur. Hərbiçilər, fəhlər çoxdu deyə alver yaxşıdı. Quzu əti 1kq. 20manat. Kələm, pomidor, badımcan, bibər 1kq.=1man .50.qəpik. eləbil LAÇIN CAMAATI banklardan faiz alır.
Çox bahalıdır.
Ответить
7 ч."
Yusif Şamil Oğlu

Laçın rayonu, Ərikli kənd sakini, hal-hazırda Şirvan şəhərində yerləşən qaçqın qəsəbəsində yaşayan Aslanzadə Yaşar Elbrus oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, bütün sənədləri qaydasında olsa da, Əmək və Əhalinin Sosial Müdafiəsi Nazirliyi ona sosial yardım təyin etmir:

"Mən, Aslanzadə Yaşar Elbrus oğlu, yazaraq sizdən xahiş edirəm ki, problemimizi işıqlandırasınız.

İki azyaşlı övladım var. Ailədə işləyən təkcə mənəm. Ümumi evin gəliri 120 manat, çörək pulu və "OBA" marketdən aldığım cəmi 350 manatdır. Adımızda torpaq sahəsi, yaxud da maşın yoxdur.

2 dəfə sosial yardım üçün müraciət etmişəm, hər dəfə bir bəhanə ilə imtina ediblər. Əvvəlcə dedilər ki, abonent kodunuz yoxdur, 2-ci dəfə isə “əmək haqqınız sistemdə görünmür”, - dedilər. Rəsmi qaydada çalışıram, qanuni əmək haqqı alıram, amma, guya onların sistemində görünmür.

Bütün sənədlərim hazırdır, qanunla mənə sosial yardım düşür, amma bəhanələr edərək vermirlər. Bir adam var, mənə deyir ki, 1000 manat ver, düzəldək. Mənə düşür ki, o adam düzəltmək istəyir.

142 qaynar xəttə zəng vurmaqdan yorulmuşam. 15 iş günü sənədi yoxlamalı olduqları halda, sənədi 25 günə göndərirlər. Əsas səbəb nədir onu bildirsələr, mən də həmin problemimin həlli üçan çalışardım".

Məsələ ilə bağlı Əmək və Əhalinin Sosial Müdafiəsi Nazirliyi ilə əlaqə saxladıq. Vətəndaşın müraciətinin araşdırılacağı bildirildi.

Jalə FAMİLQIZI

Son zamanlar yerli icra hakimiyyətlərinin fəaliyyəti ciddi tənqid olunur. Nöqsanları ilə gündəmə gələn bəzi icra başçıları işdən çıxarılsa, həbs olunsa belə, yenə vəziyyət dəyişmir. Dəfələrlə adları şikayət və tənqid olunanlar siyahısında hallanan icra başçılarının fəaliyyətində dönüş yaranmır.

DİA.AZ bildirir ki, yerli KİV-də əhalinin ən çox narazı qaldığı icra hakimiyyətləri barədə araşdırma materialı təqdim olunub. Aydın olur ki, narazılığa səbəb olan RİH-lərdən biri də Goranboy rayon İcra Hakimiyyətidir.

Araşdırma materialında deyilir:

"Bu rayonun sakinləri yerli icra hakimiyyəti və məmurların süründürməçiliyindən təngə gəldiklərini bildiriblər. İcra hakimiyyətinin fəaliyyətsizliyindən şikayətlənən vətəndaşların bildirdiyinə görə, Goranboy rayonu son dövrlər tamamilə diqqətdən kənarda qalıb və burada heç bir şikayətə, müraciətə məhəl qoyulmur.

Rayonun icra başçısı Məhərrəm Quliyev dörd ilə yaxındır ki, bu rayona rəhbərlik edir, amma sakinlər indiyə qədər icra başçısı ilə normal görüşüb, ünsiyyətə nail ola bilmədiklərini deyirlər".

Qeyd edək ki, buna qədər Məhərrəm Quliyev Ağstafaya rəhbərlik edirdi, onu həmin postda isə 4 il əvvəl Goranboyun keçmiş mərhum icra başçısı Nizaməddin Quliyev əvəzləmişdi və məlum olduğu kimi, o, rüşvət-korrupsiya ittihamı il həbs olundu, sonradan da həbsxanada dünyasını dəyişdi.

Goranboy saakinləri gileylərində iddia edirlər ki, əslində Nizaməddin Quliyvin vaxtında Goranboy daha yaşamalı yer idi, nəinki indi...

Məsələ ilə bağlı dia.az olaraq qarşı tərəfi də dinləməyə hazırıq...