Ağcabəd irayon Taxtakörpü ərazisindəki Canavarlı obasından Qara ağac oobasına 3 km uzunluğunda yol çəkilməliydi...

Biz çəkilməliydi, yazırıq, əslində sənədlərə görə bu yol çəkilib və 3 km-lik bu yola nə az, nə çox, 109000 pul ayrılıb. Amma şəkillərdən də görünür ki, bu yola 110 min manatın 10 faizi belə sərf edilməyib.

Ağcabədi rayonunun Taxtakörpü ərazisində Laçınlılar üçün salınan “Qayğı” qəsəbəsindən Poliqon-a daxil olan şikayət məktubunda bildirilir ki, Taxtakörpü ərazisindəki Canavarlı obasından Qara ağac oobasına 3 km uzunluğunda yol çəkilməliydi və bu yolun elan olunan tender satışından da məlum olur ki, yolun çəkilişi üçün 109 291 manat ayrılıb. Lakin Laçın rayon İcra Hakimiyyəti ancaq yolun bir hissəinə çınqıl tökməklə kifayətlənib.

Sakinlər bildirirlər ki, ayrılmış vəsaitə Qara ağac obasında cəmi 300 metr ara yol çəkiblər. Bunun üçünsə 4 gün ərzində yola 70 maşin çınqıl tökülüb.

Sakinlər qeyd edirlər ki, bir maşın çınqıl Ağcabədidə 130 manata satılır və bu halda yola çəkilən xərc də cəmi 9100 manat edir. Əlavə 300 metr xam yola da çınqıl tökülüb. İndi isə həmin ərazidə çınqıldan əsər belə qalmayıb.

Şikayətçilər həmçinin onu da bildirirlər ki, sakinlər qapılarına öz pullarıyla çınqıl tökdürüblər. Lakin icra hakimiyyəti həmin çınqılları da sənədləşdirərək öz adlarına çıxıblar.

Bununla bağlı sakinlər haqlı edərək sual edirlər ki, ilkin vəziyyətində olan yola ayrılan 110 min manat vəsait hara yoxa çıxıb?

Biz də bu sualla Laçın rayon İcra Hakimiyyətinə sorğu ilə müraciət etdik. Lakin sorğumuza cavab ala bilməmişik.

Bu gün şəhid ailələri dövlət qayğısı ilə əhatə olunur.
Azərbaycanın ərazi bütövlüyü uğrunda canından keçmiş şəhid ailələrinə dövlət tərəfindən böyük diqqət və qayğı göstərilir.
Şəhid ailələrinə yeni mənzillər və avtomobillər verilir.
Sosial cəhətdən həssas əhali qruplarına,şəhid ailələrinin sosial müdafiəsinin gücləndirilməsi dövlət başçıs ı cənab İlham Əliyevin birbaşa nəzarətindədir.
Bu gün ölkəmizdə həyata keçirilən sosial siyasətin əsas istiqamətlərindən birini də,şəhid ailələrinə göstərilən dövlət qayğısı təşkil edir.
Əfsuslar olsun ki,bu gün bəzi iİcra başçıları və dövlət məmurları şəhid ailələrinə ögey münasibət göstərirlər.
Aprel döyüşlərində şəhid olmuş, əslən Zəngilan rayonundan olan və Abşeron rayonunda yaşayan şəhadətə ucalmış şəhid Rəşid Baxşəliyevin anası Baxşəliyev Çimnaz Abşeron rayon İcra Hakimiyyətinin başçısı Abdin Fərzəliyev və Zəngilan rayon İcra Hakimiyyətinin başçısı Ramiz Həsəniv cənablarına rəsmi ərizə formasında müraciət edərək bildirmişdirlər ki,11.04.2024-cü il tarixdə saat 10-da Sumqayıt şəhərində şəhidlər xiyabanında şəhidimizin anım günü olacaq,daha sonra şəhidimizin evində ehsan süfrəsi təşkil olunacaq.
İstəyən hər kəs dəvətlidir.

Lakin şəhid valideyinlərinin bu müraciətinə Abşeron və Zəngilan rayon İcra Hakimiyyətlərinin icra başçıları məhəl qoymamış və şəhid anasının çağırışına,səsinə səs vermənişlər və saymamazlıq edərək səhidin anım günündə iştirak etməmişdilər.
Bu cür sayqısızlıq və hörmətsizllik şəhid ruhuna qarşı yönəlmiş bir hörmətsizlikdir.
Bu cür məmurların laqeyitsizliyi bütün şəhidlərin xatirəsinə qarşı olan diqqətsizliyin təzahürüdür.
Unutmayaq ki,vətən uğrunda şəhid olan qəhrəman oğullarımızın məzarlarını ziyarət etmək,önlərinə tər çiçəklər düzmək,əziz xatirələrini ehtiramla yad etmək hər bir məmurun və Azərbaycan vətəndaşının borcudur.

Bu borc qarşısında hər bir məmurun öhdəçiliyi var və təbii ki bu öhdəçilik layiqli formada həyata keçirilməlidir.
Şəhidlərə ögeylik göstərən məmurların özləri bu xalqın və bu vətənin ögeyləridirr.Belələrinə aidiyyəti qurumlar tərəfindən ciddi reaksiya verilməlidu və belələri tənbeh olunmalı,qınaq abyektinə çevrilməlidilər.
Bu xislətdə olan insanları içıqlandırmaq bizlərdən,ölçü götürmək,hüquqi qiymət vermək isə aidiyyəti qurumlardan.
Şəhidlər ölməz vətə bölünməz deyiblər.
Sima Babayeva
REDAKSİYADAN: Qarşı tərəfin mövqeyini dərc etməyə hazırıq!
TEREF

Azərbaycan Respublikasının Konstitusiyasına və “İnformasiya əldə etmək haqqında” Azərbaycan Respublikasının Qanununa əsasən 27 mart 2024-cü ildə Saatlı rayon İcra Hakimiyyətinə 12 sualdan ibarət informasiya sorğusu ünvanlamışam. Bütün suallarım Saatlı rayon İcra Hakimiyyətinin Mənzil Kommunal Təsərrüfatı İstehsalat Birliyi (MKTİB) ilə bağlı olmuşdur. Çünkü mən dəfələrlə MKTİB-yə sorğu ünvanlasam da heç cür sorğuma cavab ala bilməmişdim. Düşündüm ki, MKTİB Qanunun tələbini pozsa da İcra Hakimiyyəti belə etməz və sorğuma cavab verər. “İnformasiya əldə etmək haqqında” Azərbaycan Respublikasının Qanununun 24.1-ci maddəsinə əsasən informasiya sorğusu ən qısa müddətdə, lakin 7 iş günündən gec olmayaraq icra edilməlidir. Lakin 7 iş günü keçsə də Saatlı rayon İcra Hakimiyyəti sorğuma cavab vermədi. Təsəvvür edin ki, mən 2021-ci ildən bu günə qədər MKTİB-yə sorğu ünvanlasam da nə MKTİB nə də Saatlı rayon İcra Hakimiyyəti sorğuma cavab vermir. Hər dəfə mənə şablon cavab verərək sorğuda istədiyim ictimaiyyət üçün açıq məlumatları Dövlət sirri kimi qoruyaraq vermirlər. Axı nəyə görə MKTİB-də çalışan işçilərin siyahısı dövlət sirri kimi qorunmalıdır? Axı nəyə görə MKTİB-nin texnika və inventarları gizlin saxlanmalıdır? Axı nəyə görə MKTİB-nin maliyyə xərcləri gizlin saxlanılmalıdır?

İnformasiya azadlığı insan hüquq və azadlıqlarının əsas elementlərindən biridir, cəmiyyətdə baş verən dinamik proseslərdən xəbər tutmaq isə vətəndaşların əsas ehtiyaclarındandır. İctimai mühitə təsir göstərən, insanlar üçün maraqlı və əhəmiyyətli olan bütün hadisə və faktlar barədə hər bir fərdin informasiya almaq hüququ vardır, bu hüquq vətəndaşların fikir azadlığının tərkib hissəsidir.

Belə ki, mən məcburiyyət qarşısında qalıb Saatlı rayon İcra Hakimiyyəti barəsində iddia ərizəsi ilə həm Məhkəməyə müraciət etdim həm də Ombudsmana şikayət ərizəsi ünvanladım. 10.06.2024-cü il tarixində Məhkəmə hazırlıq icraatıdır və Ombudsman Aparatı da 16.04.2024-cü il tarixli məktubla Saatlı rayon İcra Hakimiyyətindən (surəti mənə göndərilib) sorğuya cavab verilməsini tələb etmişdir. Mən 2021-ci ildən bu günə qədər Saatlı rayon MKTİB-yə sorğu ünvanlayıram və bu müddət ərzində MKTİB-də 7 direktor dəyişib.

Mənim üçün ən maraqlı məqam bilirsiz nədir? Saatlı rayon İcra Hakimiyyəti mənim onları Məhkəməyə verməyimə razıdır lakin mənə məlumat verməyə razı deyil? Axı səbəb nədir? Saatlı rayon İcra Hakimiyyəti MKTİB-nin işçilərinin siyahısını mənə verməyə razı deyil, lakin bir vətəndaşın onları Məhkəməyə verməsinə razıdır, səbəb? Sizcə də burada müəmmalı məqamlar yoxdurmu? Bu və digər məlumatlar əslində ictimaiyyət üçün açıq məlumatlar olduğu halda nəyə görə Dövlət sirri kimi qorunur? Televiziyalarda belə həmin bu MKTİB-nin direktoru ilə bağlı xəbərlər yayıldı. Əgər Saatlı rayon İcra Hakimiyyətinin tabeliyində olan Mənzil Kommunal Təsərrüfatı İstehsalat Birliyində heç bir korrupsiya halı yoxdursa, heç bir qanunsuz hal yoxdursa və hər bir iş Qanun çərçivəsində aparılırsa bəs nəyə görə mənim sorğuma cavab verməyib Məhkəmədə cavabdeh qismində iştirak etməyə razı olurlar?

Media nümayəndələrindən xahiş edirəm siz də zəng edin Saatlı rayon İcra Hakimiyyəti ilə əlaqə saxlayın və sual verin ki, vətəndaşın sorğusuna cavab verməmək üçün əsas səbəbiniz nədir? Təbii ki, özlərinə haqq qazandırmağa çalışacaqlar lakin fakt budur ki, mənim sorğuma cavab verilmədiyi üçün həm Məhkəmə həm də Ombudsmanın icraatında bununla bağlı iş var. Hətta eşitdiyimə görə kimlərsə mənimlə bağlı məkirli plan qurur ki, görəsən onu necə şərləyə bilərik! Təbii ki, bunu da bacara bilməyəcəklər çünkü haqq-ədalət və hüquq-mühafizə orqanları var, heç kim əsassız yerə məni şərləyə bilməz! Mən ictimai-siyasi fəal olaraq hər zaman Dövlətinin və Xalqının yanında olan şəxsəm, həmçinin qeyri-hökumət təşkilatlarının fəal üzvüyəm. Mən öz hüquqlarımı da kifayət qədər yaxşı bilirəm. Bir sorğuya cavab vermək bu qədərmi çətindir İcra Hakimiyyəti üçün?

“İnformasiya əldə etmək haqqında” Azərbaycan Respublikasının Qanununun məqsədi Azərbaycan Respublikası Konstitusiyasının 50-ci maddəsi ilə təsbit olunmuş məlumat əldə etmək hüququnun sərbəst, maneəsiz və hamı üçün bərabər şərtlərlə, açıq cəmiyyətin və demokratik hüquqi dövlətin prinsipləri əsasında təmin edilməsinin hüquqi əsaslarını müəyyənləşdirməkdən, həmçinin, ictimai vəzifələrin yerinə yetirilməsinə vətəndaşlar tərəfindən nəzarət olunmasına şərait yaratmaqdan ibarətdir.

“İnformasiya əldə etmək haqqında” Azərbaycan Respublikasının Qanununun 9.1.1-ci maddəsinə əsasən Saatlı rayon İcra Hakimiyyəti informasiya sahibi hesab edilir. Həmin Qanunun 10.1-ci maddəsinə əsasən informasiya sahibi öz informasiya ehtiyatlarından hər kəsin sərbəst, maneəsiz və hamı üçün bərabər şərtlərlə informasiya əldə etmək hüququnu bu Qanunla müəyyənləşdirilmiş qaydada təmin etməyə borcludur. Həmin Qanunun 11.2-ci maddəsinə əsasən bu Qanunun 9-cu maddəsində nəzərdə tutulan informasiya sahibləri informasiyanın əldə olunmasının təşkilinə görə qanunvericiliklə müəyyənləşdirilmiş qaydada məsuliyyət daşıyırlar.

Cənab Prezident İlham Əliyev 30 aprel 2019-cu ildə Nazirlər Kabinetinin iclasında etdiyi çıxışında ictimai nəzarətin vacibliyindən danışıb. İlk dəfə deyil ki, Cənab Prezident ictimai nəzarətin mühümlüyünü vurğulayıb. Cənab Prezident hesab edir ki, harada ki, insanları narahat edən məsələlər, nöqsanlar, çatışmazlıqlar var, onlar deyilməlidir. "Bütün dövlət məmurları bilməlidirlər ki, onlar vətəndaşlara vicdanla xidmət etməlidirlər. Mən də Azərbaycan Respublikasının vətəndaşı olaraq, Cənab Prezidentimin bu çağırışlarına qoşulub, ictimai nəzarət mexanizmlərinin həyata keçirilməsi üzrə ictimaiyyətin nümayəndəsi olaraq, İnformasiya əldə etmək haqqında Azərbaycan Respublikasının Qanunu maddə 1-də yazıldığı kimi ictimai vəzifələrin yerinə yetirilməsinə vətəndaşlar tərəfindən nəzarət olunması prinsiplərini də nəzərə alaraq Saatlı rayon İcra Hakimiyyətinin Mənzil Kommunal Təsərrüfatı İstehsalat Birliyinin fəaliyyətini öyrənmək məqsədi ilə onlara sorğu ünvanlamışam. Lakin Saatlı rayon İcra Hakimiyyəti həm Prezidentimizin tapşırıqlarına məhəl qoymur həm də Qanunun tələblərini pozaraq sorğuma cavab vermir.

Mən hesab edirəm ki, Saatlı rayon İcra Hakimiyyətinin Mənzil Kommunal Təsərrüfatı İstehsalat Birliyinin fəaliyyəti çox ciddi şəkildə araşdırılmalıdır. Orada olan bütün işçilər yoxlanılmalıdır, idarəyə ayrılan vəsaitin dəqiq olaraq hansı istiqamətlərdə xərclənməsi araşdırılmalıdır və.s. Hesab edirəm ki, mənim bu müraciətimdən sonra həm Saatlı rayon İcra Hakimiyyətinin Mənzil Kommunal Təsərrüfatı İstehsalat Birliyinin fəaliyyəti ciddi şəkildə yoxlanılacaq həm də Saatlı rayon İcra Hakimiyyəti tərəfindən mənim informasiya sorğuma cavab veriləcəkdir.
Saatlı rayon sakini Asim Əliyev
REDAKSİYADAN: Qarşı tərəfində mövqeyini dərc etməyə hazırıq!
TEREF

Son vaxtlar ölkəmizdə dələduzluq faktları ilə bağlı şikayətlərin sayı kəskin artıb. Mediada, sosial şəbəkələrdə rast gəlinən şikayətlərdən məlum olur ki, dələduzlar müxtəlif adlar altında vətəndaşları aldadırlar. Problemin bu qədər genişlənməsinin bir səbəbi də odur ki, bəzən dələduzluq cinayətini törədənlərin aldatdıqları vətəndaşların pulunu geri qaytarması təmin edilmir. Bəzən isə cinayət törədən şəxs ağır həbs cəzasına məhkum olunmur, ya da az cəza verilir. Bu da dələduzların sayının artmasına, onların qurbanlarının çoxalmasına səbəb olur.

“AzPolitika.info”-ya verilən məlumata görə, bu yaxınlarda daha bir qrup insan dələduzluq faktı ilə üzləşib. Belə ki, Nizami rayon 2 saylı Mənzil Kommunal Təsərrüfatı Birliyində (MKTB) - "JEK"də (MKTB) baş mühəndis vəzifəsində çalışan Məmmədov Rafiq Fərəməz oğlu və Elşən Məmmədov 5 nəfərə ümumilikdə 40 min manat məbləğində ziyan vurub.

Zərərçəkmişlər iddia edir ki, Məmmədov Elşən xaricdən avtomobil gətirəcəyi vədi ilə ayrı-ayrı şəxslərdən aldığı pul vəsaitini mənimsəyərək ailə problemlerinin həllinə yönəldib. Uzun müddət müxtəlif bəhanəlrlə onları aldadıb, əlavə vəsaitlərini alıb.

Xeyli müddət sonra dələduzluğun qurbanı olduqlarını başa düşən zərərçəkmişlər hüquq-mühafizə orqanlarına müraciət ediblər. Bundan sonra Elşən Məmmədov saxlanılıb, istintaq başlayıb.

Ancaq həmin vaxtdan 7 ay keçsə də, zərərçəkmişlərin heç birinin vəsaiti qaytarılmayıb. Zərərçəkmişlər bu müddət ərzində də davamlı aldadıldıqlarını bildirirlər.

“Hazırda külli miqdarda dələduzluq maddəsi ilə məhkəmə prosesi davam edən Məmədov Elşənin "JEK"də rəhbər vəzifəsində çalışan atası da zərərçəkmişləri aldatmaqla məşğuldur. Belə ki, o, aylardır şəxsi evini satıb borcu bağlayacağını bildirsə də, vədinə əməl etmir. Zərərçəkmişlər dəfələrlə evə müştəri göndərsə də, Rafiq Məmmədov müxtəlif bəhanələrlə müştəriləri geri qaytarır”, – deyə saytımıza verilən məlumatda bildirilir.

Buna görə də zərərçəkmişlər onların aldadıllmasını ata və oğulun birlikdə planlaşdırdıqlarını düşünürlər. Rafiq Məmmədovun da istintaqa cəlb olunmasını tələb edəcəklərini bildirirlər.

O da iddia edilir ki, Rafiq Məmmədov pensiya yaşını keçməsinə baxmayaraq hansisa yollarla tutduğu vəzifədə qalmağa nail olub. Bunun da araşdırılmasını zəruri hesab edirlər.

Zərərçəkmişlər dəymiş ziyan ödənməyəcəyi təqdirdə şikayəti geri götürməyəcəklərini və Məmmədov Elşən barəsində ən ağır cəza verilməsini, eləcə də atasının məsuliyyətə cəlb olunmasını tələb edəcəklərini qeyd edirlər.

Məsələni diqqətdə saxlayacaq, qarşə tərəfin və müvafiq orqanların da mövqeyini işıqlandırmağa çalışacağıq.

Rusiyada "Krokus" konsert zalında, İranda Kirman şəhərində anım yürüşündə terror törədilirsə, şimal və cənub qonşularımızdan fərqli olaraq, Azərbaycan təhlükəsizlik adası olaraq nümunəvi dövlətdir. Lakin bizim ölkəmizdə olan "terror" və "təhlükəsizlik" problemi qida sektorundadır. Respublikada "qida terroru" ən dəhşətli şəkildə tüğyan etməkdədir. Buna şərait yaradan isə müftəxor, korrupsioner, xalqın övladlarının genefonduna qənim kəsilmiş "qida terrorçu" su olan məmurlardır. Bir qədər sonra təqdim edəcəyimiz faktlar Niderlandda, Avstriyada, Yaponiyada açıqlansaydı, nəinki bu cinayətə qol qoyan məmurlar işdən qovulardılar, ən ciddi rejimli cəzaçəkmə müəssisəsinə göndərilərdilər. Amma Azərbaycanda toxunulmaz şəxs kimi özlərini aparan bu yırtıcı məmurların xalqa düşmən kəsilməsi ucbatından hər gün milyonlarla insan orqanizmə zərərli, ağır xəstəliklər yaradan, onkoloji problemlərə yol açan qidalardan istifadə edir. Bəs, deyə bilərsiniz ki, konkret olaraq nəyi nəzərdə tutursunuz? Gəlin onda tanış olaq:
Əvvəla, Azərbaycan yeyinti məhsulları istehsal etsə də, əsasən idxaldan asılıdır. Yəni "Azərsun", "Milla" və bazarda digər qida istehsal edən müəssisələr mövcuddur. Hərçənd onların istehlakçıya təklif etdiyi məhsullar da keyfiyyətli deyil. Lakin əsasən qida məmulatları xaricdən idxal olunur. Bunu marketlərin vitrinlərində hər gün müşahidə edirik. Amma ölkəyə gətirilən məhsulların nə dərəcədə keyfiyyətli olduğunu söyləmək gülməli olar. Çünki Rusiya, İran və digər ölkələrin "üçüncü respublikalar üçün" istehsalı olan məhsulları gətirilir. Təbii ki, buna nəzarət iki qurumun üzərindədir - Dövlət Gömrük Komitəsi və Qida Təhlükəsizliyi Agentliyi...
Hazırda hər iki orqan xalqa zəhərli, xəstəlik mənbəyi olan və övladlarımızın inkişafına zərbə vuran məhsulların idxalına şərait yaradır. Biri gömrükdən zay malları buraxır, digəri də həmin qidanın keyfiyyətini və təhlükəsizliyini başdansovdu yoxlayıb yola verir. Bununla da məlum olur ki, gömrük şefi Şahin Bağırov və qida təhlükəsizliyinə cavabdeh Qoşqar Təhməzli Azərbaycan xalqına zəhər yedirir. Anaxeber.info bildirir ki, bu iddianı biz səsləndirmirik, Huriyyet TV efirində aparıcı və verilişə səs göndərərək faktlar təqdim edən bir yük maşını sürücüsü təsdiq edirlər. TIR sürücüsü bildirir ki, Rusiyadan Azərbaycana 100 tonluq yağ gətirilib. Ancaq məhsulun nəinki marqarin olduğu, ümumiyyətlə, marqarinin əvəzləyicisi olduğu üzə çıxıb. Belə desək, bir var zay məhsul, bir də var zir-zibil... Sürücü bu barədə xəbər tutanda səbəbini soruşub, ona cavab verilib ki, tort bişiriləcək. Hər halda, bütün ölkə tort yemir ki, bu qədər marqarin əvəzi bir öldürücü yağa tələbat olsun. Həmin məhsul gömrükdən keçirilib və "Meyvəli"yə gətirilib, oradan da satış məntəqələrinə paylanıb. Bu qədər sadə bir "qida terroru" və nə Şahin Bağırov, nə də Qoşqar Təhməzli bu cinayətdən narahat olurlar. Axı özləri və yaxın çevrələri bu yağlardan istifadə etmir, niyə də veclərinə olsun ki?!
Sürücü həmçinin, başqa məhsullar haqda da oxşar məlumatları canlı efirdə açıqlayıb. Və görünən budur ki, tükürpədici qida cinayətləri törədilir, di gəl, aidiyyatı orqanlar göz yumur, millətin apteklərdə, xəstəxanalarda qalmasına rəvac verir. Bu, birbaşa cinayət məsuliyyəti yaradır və araşdırma aparılmasını zəruri edir. O baxımdan aparıcı efirdə Baş Prokuror Kamran Əliyevə müraciət edərək bu istiqamətdə təhqiqat aparılmasını xahiş edib. Jurnalist bildirib ki, gömrük şefi Bağırov və agentlik sədri Təhməzli barəsində yoxlama olmalıdır. Hər iki məmur xaricdən idxal olunan keyfiyyətsiz məhsulların bazarlara çıxmasına şərait yaradırlar. Halbuki əhali və dövlət onlara güvənib, inanıb ki gömrük və qida agentliyi bu sahəyə nəzarət edir. Onlar isə...

Anaxeber.info