Şıx çimərliyində qoyulan lövhələrdən birindəki yazı ilə real vəziyyət bir-birinin tam əksini ifadə edir.
TEREF xəbər verir ki. bununla bağlı Oxu.Az-a şikayət edən paytaxt sakini bildirir ki, Şıx çimərliyi ərazisində qoyulan lövhələrdə nə yazıldığına məhəl qoyan yoxdur.
“Lövhədə masaların pulsuz olduğu yazılsa da, hər masaya görə 15 manat ödəniş tələb olunur. Əgər masalar ödənişsizdirsə, niyə ödəniş tələb olunur, yox əgər ödənişlidirsə, bu lövhələr niyə burada qoyulub? Bu suala cavab verən yoxdur”, – deyə paytaxt sakini bildirib.
Fotonu təqdim edirik:

Milli Məclisə seçkilərin zamanı yaxınlaşdıqca, uzun illərdir parlamentdə kök salan bəzi deputatlar adətləri üzrə yenidən seçki marafonu ilə bağlı hay-həşirə düşüblər.

Adları qalmaqallardan əsirgənməyən, yaxud milyonluq villaları ilə yerli medianın manşetlərini oxşayan bəzi deputatlar, nə hikmətdirsə, kreslo sevdasından əl çəkmir və ömrünün axır çağlarını 5 il öz kreslosuna yayxanaraq, səssiz-səmirsiz keçirmək istəyir.

Bu şəxslərdən biri də adı qalmaqallardan düşməyən, Böyük Britaniyadakı 50 milyonluq villası ilə saytların gündəminə gələn VI çağırış Milli Məclisin deputatı Cavanşir Feyziyevdir. Belə ki, Milli Məclisin bitərəf deputatlarından olan Cavanşir Feyziyevin 115 saylı Şəki kənd seçki dairəsindən namizədliyini irəli sürməsi ilə bağlı ötən gün məlumat yayılmışdı.

Yenicag.az-ın qalmaqallı deputatları rubrikasının ilk “qonağı” da məhz odur.

Qısa araşdırma ilə C. Feyziyev və onun mülkləri haqqında bir çox məlumatlar tapmaq olar. 2010-cu ildən bəri Azərbaycan parlamentinin deputatı olan C. Feyziyev, eyni zamanda, Azərbaycan-Britaniya parlamentlərarası işçi qrupun rəhbəri olub. O, 2022-ci ilə qədər Aİ-Azərbaycan Parlament Əməkdaşlıq Komitəsinə həmsədrlik edib.

Bu ilin fevralında C.Feyziyevlə bağlı araşdırma yazısında qeyd edilmişdi ki, Britaniya məhkəməsinin onun qohumlarının hesablarındakı 5,6 milyon funtun dondurulması barədə qərarından sonra Feyziyev tutduğu vəzifələrdən çıxıb.

Qeyd edək ki, cari ilin fevralında Böyük Britaniya Ali Məhkəməsi keçirilən prosesdə C. Feyziyevin Londondakı 22 mülkünə həbs qoyulması barədə qərarı açıqlamışdı. Məhkəmənin bununla bağlı açıqlamasında isə bildirilmişdi ki, deputat və həyat yoldaşının bu mülklərin “qeyri-qanuni yollarla əldə edilən gəlir” vasitəsilə aldıqlarına dair şübhələr var. Bundan əlavə, dövri mətbuatda gedən informasiyalardan da bəlli olur ki, 39.5 milyon funt (təxminən 85 milyon AZN) dəyəri olan mülklər Böyük Britaniya Ali Məhkəməsinin 2023-cü ilin iyunundakı qərarından sonra dondurulub.
Hətta həmin vaxt Böyük Britaniyanın Milli Cinayət Agentliyi (NCA) bildirmişdi ki, dondurulma qərarı mülklərin pulyuma vasitəsilə əldə olunan gəlirlə satın alınmasına dair “güclü dəlil” var.
Yeri gəlmişkən, jurnalistlərlə də münasibəti yaxşı olmayan C. Feyziyev 2022-ci ilin fevralında London məhkəməsində 5.5 milyon funt-sterlinq dəyərində olan mülklərlə bağlı yayılan informasiyalarla əlaqədar mətbuata göndərdiyi məktubu da rezonans doğurmuşdu. Belə ki, deputat mülkləri ilə bağlı araşdırma aparan jurnalistləri təhqir edib, hətta bəzilərini “Kürdəxanı “ziyarətinə” gedib çata bilməmişlər” belə adlandırmışdı.

Xülasə, media ilə arası yaxşı olmayan, parlamentdə keçirdiyi 12 illik vaxtını var-dövlət yığmağa həsr edən cənab Feyziyev maraqlıdır ki, yenidən hansı həvəslə deputatlığa namizədliyini verir? Axı onu bu cəmiyyətin ən sadə vətəndaşı belə topdağıtmaz mülkləri ilə xatırlayırsa, belə bir şəxsin parlamentdə xalqın dərdinə yanacağına inanan varmı?

Mövzunu davam etdirəcəyik…

Bakı şəhəri Abbas Mirzə Şərifzadə küçəsi 492 ünvanda yaşayan sakinlər "Azərbaycan Reallığı"na müraciət edərək bildirirlər ki, sözügedən ünvanda qanunsuz olaraq tikinti işi aparırlar.

Tikilən qanunsuz obyektin qarşısında isə qazıntı işləri aparılır. Diqqəti cəlb etməsin deyə işbazların iş gördüyü ərazi ətfafında özlərinə məxsus olan xüsusi avtomabillər saxlayırlar. Rayon aidiyyəti qurumlarına dəfələrlə şikayət olunsa da məsələni görməməzliyə vururlar.

Sakinlərin vediyi məlumata görə qanunsuz tikilidən Yasamal rayon icra başçısı Elşad Həsənovun şəxsən xəbəri var amma buna baxmayaraq heç bir müvafiq tədbir görülmür.

Sakinlər məsələnin ictimailəşdirilməsini xahiş edərək bildirirlər ki, bəlkə aidiyyəti qurumlar bundan sonra səsimizə səs verər - deyə ərazidə yaşayan vətəndaşlar bildirir.

Qarşı tərəfin də mövqeyini dərc etməyə hazırıq

Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov yaxın dostunu çalışdığı qurumda vəzifəyə təyin edib.
Qaynarinfo-nun məlumatına görə, Anar Bayramovun müvafiq əmri ilə Niftiyev Yalçın Sakit oğlu agentliyin Tibbi-sosial ekspertiza xidmətinin təşkili departamentinin müdiri təyin edilib.

Qeyd edək ki, bu ilin iyun ayında Yalçın Niftiyev 2012-ci ildən çalışdığı “A-Qroup Sığorta” ASC-nin İdarə Heyətinin sədr müavini vəzifəsindən ayrılıb.

Xatırladaq ki, Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov “A-Qroup Sığorta” ASC-nin Direktorlar Şurasının üzvüdür və uzun illər bu şirkətin sədri vəzifəsində çalışıb.
Əsasən tibbi sığorta üzrə ixtisaslaşmış şirkətin səhmləri 100% Sabir Adna oğlu Adnayevə (Direktorlar Şurasının sədri) məxsusdur.

Bakı Şəhər İcra Hakimiyyətinin tərkibində fəaliyyət göstərən “Bakı Şəhər Əsaslı Tikinti və Təmir” MMC yeni satınalma müqaviləsi imzalayıb. JAMAZ.İNFO xəbər verir ki, həmin müqavilə Bakı şəhəri, Yasamal rayonu, Mərkəzi parkın davamı (S.Tağızadə, A.Şaiq, N.Aşurbəyova küçələrinin əhatəsində salınacaq yeni park) üçün layihə-smeta sənədlərinin hazırlanmasını şərtləndirəcək.

Qeyd edək ki, MMC bununla əlaqədar “AZ.ARXİTEKTURA” MMC-ni tenderin qalibi elan edib. Həmin layihə-smetanın hazırlanmasına isə 1.429.000,06 manat pul ayıracaq.

JAMAZ.İNFO bu məsələ ilə bağlı internet resurslarında apardığı araşdırma zamanı müəyyən edib ki, bu, “Bakı Şəhər Əsaslı Tikinti və Təmir” MMC-nin “Az.Arxitektura” MMC ilə ilk tender satınlaması deyil. Belə ki, MMC-nin qanuni təmsilçisi Əliyev Abit Sadiq oğlu hələ ötən ildə sözügedən MMC ilə tender oyununun içində olub. Həmin vaxt “Bakı Şəhər İcra Hakimiyyəti Başçısının tabeliyində Dendrologiya parkı”nın abadlaşdırılması işləri üzrə layihə-smeta sənədlərinin hazırlanmasına görə, “Az Arxitektura” MMC-yə 312 000 manat pul ayırıb.

Lakin araşdırma zamanı məlum olub ki, “Az Arxitektura” MMC heç də etibarlı partnyor deyil. Çünki ötən il nəzərdə tutulan layihənin hazırlanması prosesini yarımçıq həyata keçirib. Nəticədə, Abit Əliyev yeni bir tender keçirərək, həmin işləri başqa bir şirkətə həvalə edib.

Maraqlıdır ki, ötən il “Bakı Şəhər Əsaslı Tikinti və Təmir” MMC-nin sifarişini yarımçıq həyata keçirən şirkətlə yenidən niyə tender satınalma müqaviləsi imzalayıb? Abit Əliyevin “Az Arxitektura” MMC ilə bağlantısı nədir? Əgər bir şirkət işinin öhdəsindən gələ bilmirsə, yarımçıq iş görürsə, onunla yenidən əməkdaşlıq etməkdə məqsəd heç də yaxşı münasibətə səbəb olmur. Əksinə, bir çox şübhələrə yol açır.

Bakının Nərimanov rayon Məhkəməsində hakim Ramin Quliyevin sədrliyi ilə “Evrostroy” MMC, hazırkı adı “Sipark” olan şirkətə qarşı iddiaya baxılıb. Tribunainfo.az-ın verdiyi xəbərə görə, onlarla vətəndaş tərəfindən məhkəməyə verilmiş şirkət hələ də mənzil alan insanların problemlərini həll etmir. Həmin şikayətçilərdən biri də Həsənov Namiq Rizvan oğludur ki, onun iddiasına məhkəmədə baxılıb. Ümumiyyətlə, Təbriz küçəsində bina tikintisi başa çatmayan “Sipark” uzun illərdir ki, vətəndaşları süründürür, aldadır. Şirkətin sahibi Seymur İsayevdir. Onun adı MTN generalı Akif Çovdarovla keçib.
Şirkətin rəhbəri Seymur İsayev şəriki Rafael Qarayevi özündən uzaqlaşdırmaq üçün onu o vaxtkı Milli Təhlükəsizlik Nazirliyinə apardıb. General Akif Çovdarovla əlaqələrə malik olmuş Seymur İsayev şərikindən ayrılmağa bəhanə gəzirmiş.
MTN generalına etdiyi xahişlə R.Qarayevi esktremist vəhhabi ittihamı ilə nazirliyə çağırıb sorğu-sual edib, dindirib, təzyiq göstəriblər. Bu barədə mətbuatda gedən məlumatlar var.
İsayevin “Evrostroy” şirkətinə həmyerlilərini şərik etmək istəməsi o dövrdə R.Qarayevin ciddi narazılığı ilə qarşılanır. Aralarında mübahisə yaranır. Kik-boks üzrə idman ustası olan R.Qarayevin şəriklikdən uzaqlaşdırmaq üçün başlanan, dava-dalaşla müşayiət olunan mübahisə “Sipark” rəhbərinin Çovdarova müraciəti ilə nəticələnib.
Seymur İsayev
A.Çovdarovun MTN əməkdaşı olan Təhmasib adlı köməkçisi S.İsayevin Nərimanov rayonu, Həsən Əliyev küçəsindəki 7 mərtəbəli ofisinin daimi qonaqlarından olub.
Hacı Rafael Qarayevi A.Çovdarova sifariş edəndən sonra onu vəhhabi təriqətinə pul ötürmək, bu təriqətin ardıcılı olmaq suçu ilə MTN-ə aparıblar.
Rəfael Qarayevdən S.İsayevlə şəriklikdən imtina etmə haqda vəd və 150 min manat pul almaqla azad ediblər. Yada salaq ki, “Sipark” şefinin digər ortaqlarından biri iş adamı Famil Xəlilov olub. F.Xəlilovun adı müğənni Şəbnəm Tovuzlu ilə sevgili olmaqda hallanıb. Sonra iş adamı da sevgilisini MTN-ə çağırdıb. Çovdarova müğənniyə təzyiq göstərib ki, sevgilisinin ona bağışladığı mülklərdən imtina eləsin.
Qeyd edək ki, “Sipark Qrup” bir neçə qurumdan təşkil olunmuş böyük şirkətdir. Bu şirkətin tərkibində “Sipark İnşaat”, “Sipark Turizm”, “Sipark Otelçilik”, “Sipark Əmlak”, “Sipark Media” kimi qurumlar fəaliyyət göstərir. “Sipark”ın baş ofisi İstanbuldadır.
Çox maraqlıdır ki, Çovdarova məxsus olduğu deyilən “Evrostroy-S.S” Məhdud Məsuliyyətili Cəmiyyət (MMC), “Zaman-İ” Mənzil Tikinti Kooperativi (MTK) və SİPARK Yaşayış Kompleksinin rəhbəri Taleh Abbasov məhkəməyə verilib.
Taleh Abbasovla bağlı məhkəməyə “Yapı Kredi Bank Azərbaycan” Qapalı Səhmdar Cəmiyyəti (QSC) müraciət edib.
Cavabdeh qismində iş adamının şərikləri – Abdullayev Rizvan Əhməd oğlu, İsayev Seymur Nizami oğlu, Ələsgərov İsmayıl Əziz oğlu, Abbasov Rəşad Cəmil oğlu və Məmmədov Ramin Bəxtiyar oğludur.
Evrostroy-S.S” MMC-nin hazırda dövlət büdcəsinə 8 milyon 969 min 636 manat 7 qəpik vergi borcu var.
Onu da deyək ki, Seymur İsayevin adı ilk olaraq müğənni Damla ilə sevgili olması haqda xəbərlə həftələrlə medianın və sosial şəbəkələrin gündəmi oldu.

Səid Mehdili

„Yaxınlarınız, valideynləriniz hansı korrupsiya əməllərinə bulaşıblar, bunu biz və cəmiyyət yaxşı bilir! Biz də bunu araşdırqcağıq!“. Bu sözlər Naxçıvan Dövlət Televiziyasının baş redaktoruna aiddir və Hesablama Palatasının əməkdaşlarına ünvanlanıb. Onun „NTV-yə iki zərbə“ adlı məqaləsində televiziyada maliyyə pozuntusu aşkarlayan palata sərt tənqid olunur.
Bu günlərdə Hesablama Palatası Naxçıvan Dövlət Televiziyasında (NTV) dövlət vəsaitinin xərclənməsində ciddi pozuntularla bağlı prokurorluq orqanlarına müraciət ünvanlayıb. İctimaiyyət üçün verilən məlumatda konkret detallar göstərilməsə də, söhbət əməkdaşlara çatacaq qonorarlar və mükafatların mənimsənilməsindən gedir.
Bunu yuxarıda adı çəkilən məqalə də sübut edir. Baş redaktor Müzəffər Əsgərov məqaləsində qonorarların əslində təyinatı üzrə xərcləndiyi iddia edir. Müəllif öncə televiziyada maaşların aşağı olmasından şikayətlənir. Onun sözlərindən belə çıxır ki, bunu kompensasiya etmək üçün qurumun rəhbəri Sahil Kərimli əməkdaşlara əlavə mükafat və qonorarlar yazmağa məcbur olub. Yazıda bildirilir ki, bunu maliyyə pozuntusu kimi təqdim etmək yoxlama qurumlarının haqqı deyil.
Müəllif həmçinin iddi edir ki, palatada işləyənlərin heç də hamısı qanuni yolla işə götürülməyib və buna görə onların dövlət qulluqçusu adını daşımağa haqqları yoxdur.
Mətbuatda yayılan məlumatlara görə isə, televiziyanın dövlət büdcəsindən mənimsədiyi vəsait yarım milyon manata yaxındır. Televiziya həmin mətbuat orqanlarını məhkəməyə verməklə hədələyir.