Nefçala rayonu, Aşağı Surra kənd sakini Abdulhəmid Ağasadiq oğlu Həsənov tərəfindən Hurriyyet.az saytının redaksiyasına şikayət məktubu daxil olub. O, saytımız vasitəsilə Prezident İlham Əliyevə, Kənd Təsərrüfatı naziri Məcnun Məmmədova müraciət edir. Şikayətçinin məktubunu olduğu kimi dərc edirik:

“Hörmətli Prezident!

Hörmətli Məcnun Məmmədov!

Sizə müraciət edərək, aşağıda göstərilən ciddi faktlarla bağlı tədbir görməyinizi rica edirəm.

Kənd Təsərrüfatı Nazirliyindən 22.01.2025-ci ildə e-mail ünvanıma, 21.12.2024-ci ildə Məcnun Məmmədovun nazirlikdə keçirdiyi vətəndaş qəbulunda verdiyi tövsiyyəsinə əsasən, mənim qərəzli işimlə və işlə təmin olunmağım məqsədilə nazirliyin daxili prosedur və kriteriyalarından keçməyim təklif olundu. Mən nazirliyə dəvət alıb, 14.01.2025-ci ildə daxili test və müsahibədə iştirak etdim. Testdən kecid balı 50 olduğu halda, 56 bal topladım. Müsahibədən kecid balı 15 olduğu halda, 30 bal topladım və nəticə etibarilə qazandım. Yerindəcə məlumat ballarımı öz şəxsi arxivimə göndərdim.

15.01.2025-ci ildə nazir müavini Sarvan Cəfərovun imzası ilə elektron poçt ünvanıma 3-22/2-H-1063/5-1-128/2025 nömrəli məktub daxil oldu və saxta olduğundan qəbul etmədim.

22.01.2025-ci ildə nazirliyin kadrlar sektorunun müdiri İlham Süleymanov və Elnur Atayevlə bir daha əlimdə olan keçid bal qiymətləri əsasına ümumi nəticəyə baxış keçirdik. Bu zaman təsdiq olundu ki, 14.01.2025-ci ildə keçid balı 15 bal olduğu halda 30 bal, kompüter sınağından 50 keçid balı nəzərdə tutulduğu halda 56 bal toplamışam. Yəni hər iki halda peşəkar mütəxəssis olduğumu bir daha təsdiq etdim. Ancaq Neftçala DAİM-də heyvandarlıq sektorunda bir nəfərdə olsun kadr və ya işçi yoxdur. Sənədlər qalaqlanıb, işlər icra olunmur.

Kənd təsərrüfatında iflic vəziyyət yaranıb. Süni mayalanma mütəxəssisləri vətəndaşlar qarşısında hər baş balaya verilən 100 manat subsidiyaya görə başı aşağıdırlar. Sənəd təqdim etməyə sektorda kadr yoxdur. Nazirliyin presedur qaydalarından keçməyimə baxmayarq, hələ də əmrimi qərəzli surətdə sektora vermirlər. Və mənə nazirliyin məsul şəxsi bildirir ki, “bizlik iş yoxdur, siz peşəkarsız, nazir imkan vermir”.

Hörmətli Nazir!

Bu tərzdə birtərəfli məktubun şəxsimə göndərilməsi, yəni saxta "keçməmisiniz" cavabını qəbul etmək mənim üçün ayıb olar. Xahiş edirəm, dəqiqliyi gözləyin, səhvləri etmək cəmiyyətimizdə birmənalı qarşılanmır. İnsan taleyi ilə oynamaq Tanrıya həqarətdir. Şəxsimə gələn saxta məktub nazirlik əməkdaşlarının qərəzli olduğunu ortaya qoyur. Xahiş edirəm, bir daha belə saxta məktubların tərtibinə yol verməyəsiniz. Müraciətlərimizə cavablar həm yubanır, həm də başdansovdu yola vermək tərzli cavablar verirlər. Nəzərə almağınızı xahiş edirəm.

Kənd təsərrüfatı strateji sahədir. Lakin bu sahədə çalışan qeyri-peşəkarlar səriştəsizliklərindən ölkəmizi idxaldan aslı vəziyyətə salıblar və getdikcədə vəziyyət daha da pisləşir. Kənd Təsərrüfatı naziri, hörmətli Məcnun Qadir oğlu Məmmədov 14.04.2023-ci ildən bu vəzifədə calışır. Axrıncı iş yeri 2018-ci il "Agro Food İnvestment" MMC-də direktor olub. O, bu vəzifəyə keçdikdən sonra "qaş qayırdığı yerdə vurdu göz cıxartdı". Belə ki, baytarlıq sahəsini kurasiya edən müavin ştatına vaksinasiya - revaksinasiyanın nə olduğunu bilməyən qeyri-peşəkar, sahədən xəbərsiz, aqranom ixtisaslı Namazov Elməddin Şəmsi oğlunu təyin etdi. Belə paradoksal siyasətlə kənd təsərrüfatı məhvə gedəcək. Necə ki, idxaldan asılılıq son ildə ötən illə müqayisədə 14,5 % artaraq 2,3 milyard dollara çatmışdır. Dəhşət budur. Ölkəmizin resursları coxdur, peşəkarlar yerində yoxdur. Deyiləsi söz də çoxdur...

Jalə FAMİLQIZI

Redaksiyadan: Qarşı tərəfin mövqeyini dərc etməyə hazırıq.

Yanvar ayında Biləsuvar rayonunun İsmətli kəndindən keçən və milyonlarla manat xərclənmiş betonlanmış su kanalına dəmir boru atılaraq, üzərinin torpaqla örtülərək "salınan qanunsuz" "körpü"dən yazmışdıq.

Həmin vaxtı Su Ehtiyatları Agentliyinin Regional Su Meliorasiya Xidmətindən Mia.az-a bildirilib ki, Orta Muğan kanalı üzərində yerləşən suburaxıcıdan Saatlı rayonu ərazisindəki torpaq istifadəçilərinin əkin sahələrinə su çıxarılması mümkün olmadığı üçün həmin su buraxıcının aşağı hissəsində 2(iki) ədəd boru atılaraq torpaqlanmış, səviyyəqaldıran yaradaraq suyun verilməsi təmin olunub: "Həmin ərazilərə su verildikdən sonra torpaqlanmış səviyyəqaldırıcı təmizlənərək, kanal əvvəlki vəziyyətinə gətirilib və həmin ərazidə səviyyəqaldıran paylayıcı tikilməsi nəzərdə tutulib".

Bəs görəsən, həqiqətən ötən bir aydan çox müddətə səviyyəqaldıran paylayıcı tikilib, yoxsa?

Bəlli olub ki, Su Ehtiyatları Agentliyinin Regional Su Meliorasiya Xidməti, əslində, kustar üsulla salınmış "səviyyəqaldıran paylayıcı"nın yerində bu dəfə torpaq və borudan istifadə etməklə deyil, nisbətən "müasir" "tikinti" aparıb (Yazının sonundakı ikinci videoda fakt aydın göstərilib - Mia.az).

Halbuki, burada Şlyuz (hidrotexniki qurğu) deyilən və o qədər də çox vəsait tələb olmayan sistem qurmaq çətin deyil.

Mia.az həm əvvəlki, həm də hazırkı real vəziyyəti əks etdirən videogörüntüləri təqdim edir, ümid edir ki, qudaları ilə əl-ələ verən Agentlik sədri Zaur Mikayılov bu dəfə üzərinə düşən vəzifənin məsuliyyətini anlayacaq.

Qazax rayon İcra hakimiyyətinin başçısı Rəcəb Babaşovun oğlu Elşən Babaşzadə yeni avtomobil alıb.

32gun.az-a daxil olan məlumata görə, Elşən Babaşzadənin yeni avtomobili “Range Rover”dir. Sözügedən avtomobilin bazar qiyməti orta hesabla 500 min manatdır

Bahalı avtomobilləri ilə gündəm olan E.Babaşzadənin yeni “Range Rover”i nömrəsi ilə də diqqət çəkib. – 77-RR-777…

Xatırladaq ki, Qazax Rayon İcra başçısı Rəcəb Babaşov Elşən Babaşzadə 275 min dollar (450 manat) dəyərində olan “Mercedes Benz G-63 AMG” markalı avtomobili, həm də özünün 99 FF 099 dövlət nömrə nişanlı 250 min manatlıq “Rang Rover”i ilə medianın gündəminə düşmüşdü.

Həmçinin ötən illərdə Elşən Babaşzadə 275 min dollar (450 min manat) dəyərində olan avtomobilinə dövlət nömrə nişanı almaqla gündəm olmuşdu.

Bildirilib ki, E.Babaşzadə “Mersedes Benz G-63 AMG” markalı maşının 10 LL 077 nömrə nişanını 77 LL 077 ilə əvəzləyib. 77 LL 077 Elşən Babaşzadənin öz adına qeydiyyata alınıb.

İcra Hakimiyyətindən bununla bağlı münasibət öyrənməyə çalışsaq da, mümkün olmayıb.

PS: Qarşı tərəfin mövqeyini işıqlandırmağa hazırıq.

Tovuzun icra başçısı Məmməd Məmmədov rayonun Ağdam və Vahidli kəndlərinin bir-birinə düşmən edir. Bununla bağlı Vahidli kənd sakinləri Prezident İlham Əliyevə, Birinci vitse-prezident Mehriban Əliyevaya və ölkənin aidiyyatı orqanlarının rəhbərlərinə müraciət ünvanlayıblar.
AFN.az həmin müraciəti olduğu kimi təqdim edir:

Çox möhtərəm cənab prezident!
Çox hörmətli Mehriban xanım!
Çox hörmətli rəhbərlər!

Bununla yazıb məlumunuz edirik ki, Tovuz rayonunun Vahidli kəndi 12(on iki) km bir məsafədə Ermənistanla dövlət sərhəd zolağında yerləşir.

Xatırladırıq ki, yağı düşmənlərin torpaqlarımıza hücumlarının qarşısını almaq üçün ilk milli müdafiə batalyonlarından birinin yaradıcıları və iştirakçıları məhz Vahidli kənd sakinlərinin igid oğulları olmuşdur. Kənd sakinləri yağı düşmənlərin aramsız hücumlarına cəsarətlə sinə gərərək, iri çaplı silahlardan atılan mərmilər başlarına tökülsə də kəndi tərk etməmişlər, düşmənlərlə mərdliklə vuruşaraq vətən torpaqlarını göz bəbəyi kimi qorumuşlar. Eyni zamanda müqəddəs Qarabağ torpaqlarının işğaldan azad olunmasında, antiterror əməliyyatlarında Vahidli kəndinin igid oğulları bir çox qəhrəmanlıqlar və igidliklər göstərmişlər.
Onu da məlumunuz edirik ki, vətənimizin bütövlüyü uğrunda gedən qanlı döyüşlərdə Vahidli kənd sakinlərinin 106(bir yüz altı) nəfəri müharibə veteranı statusu almış, 4(dörd) nəfəri şəhid olmuş, 4(dörd) nəfəri isə əlil olmuşdur.
Böyük Vətən müharibəsi illərində (1941-1945) qanlı döyüşlərdə çoxsaylı Vahidli kənd sakinləri həlak olmuş, itkin düşmüş, 44(qırx dörd) nəfər isə sağ qalaraq müharibə veteranı statusu daşımışdır.
Tovuz rayonunun Vahidli kəndi qədim türk elatı olmaqla yanaşı, çox böyük tarixi dəyərə malik yeraltı və yerüstü maddi və mədəniyyət abidələri ilə zəngin olan bir ərazidə yerləşir.
Belə ki, həmin ərazidə orta əsr aran memarlıq abidələrinin nadir nümunələri, qədim oğuz tayfalarının yurd yerləri, Səfəvilər dövlətinin Tovuz rayonununda yeganə yadigarı olan məscid-mədrəsə, qədim qala yeri, qala divarları, memarlıq və tikinti mədəniyyəti baxımından orta əsr Azərbaycan inşaatçılarının yüksək mühəndis düşüncəsinin çox dəyərli örnəklərindən sayılan məşhur Sultan körpüsü, qədim qəbiristanlıq, daş plastikasının gözəl nümunələri, qədim bazar yeri, aşıq ozanlarının qədim qəbir abidələri və eləcə də ulularımızın gələcəyə yadigar naxışları olan tarix mədəniyyət abidələrimizi yaşadaraq gələcək nəsillərə daşıyan çoxsaylı maddi mədəniyyət abidələri vardır.
Məlumat üçün onu da nəzərinizə çatdırırıq ki, haqqında bəhs edəcəyimiz ərazi xalqımızın, eləcə də Türk-İslam mədəni irsinin tarixi pasportu hesab edilən, tarix və memarlıq abidələri baxımından çox böyük dəyərə malik olan “Qala düzü” abidələr kompleksi 5200 inventar nömrəli məhşur Sultan körpüsü, 5201 inventar nömrəli Məscid-mədrəsə, 6044,6045,6046 inventar nömrələri ilə qeydə alınmış “Qala yeri”, “Qədim Oğuz tayfalarının yurd” yerləri və “Qədim qəbirstanlıq” Azərbaycan Respublikasının Nazirlər Kabinetinin 02 avqust 2001-ci il tarixli 132 saylı qərarı ilə Tovuz rayonunun Vahidli kəndinin ərazisi kimi dövlət qeydiyyatına alınmışdır. (Ağdam kəndinin ərazisi kimi yox)
Məlumat üçün nəzərinizə çatdırırıq ki, Vahidli kəndi Sovet dövründə uzun illər qonşu Ağdam kəndi ilə eyni sovetliyə daxil olub, bir sovxozda fəaliyyət göstərib və hətta sovxoz bir olsa da da hər iki kəndin sakinləri öz inzibati əraziləri hüdudlarında təsərrüfat işləri ilə məşğul olmuşlar. Dövlət tərəfindən sənədləşdirilmiş, hüquqi dövlət aktları, fotoplanalma və 1936-cı ildə SSRİ rəhbərliyi dövründə təsdiqlənmiş xəritədə Ağdam və Vahidli kəndinin inzibati ərazisi sərhədləri dəqiq müəyyən olunmuşdur. Hər iki kənd öz torpağının inzibati ərazilərini tanıyır və bu müzakirə mövzusu ola bilməz.
Azərbaycan Respublikası müstəqil olduqdan sonra, hər iki kənddə mövcud olmuş öz inzibati ərazi hüdudları daxilində ayrılıqda İcra Hakimiyyətinin yerli nümayəndəliyi formalaşdırılıb.
Daha sonra 1996-cı ildə Ulu Öndər Heydər Əliyevin mövcud fərmanı, “Torpaq islahatı” haqqında qanunun tələbləri və Milli Məclisin qərarı ilə kəndlərin 1965-ci ilə qədər olan inzibati ərazilərinin sərhədləri dəyişdirilməzdir prinsipi əsasında 1999-cu ildə hər iki kəndi birləşdirən S.Ağamalı oğlu adına sovxozda da torpaq islahatının aparılması qərara alınmışdır.
Onu da nəzərinizə çatdırırıq ki, Tovuz rayonu keçmiş S.Ağamalı oğlu adına sovxoz təsərrüfatında da vahid təsərrüfat bazası üzrə torpaq islahatı aparılmış və təsərrüfat üzrə 614(altı yüz on dörd) ailənin adına (Ağdam kəndi üzrə 323(üç yüz iyirmi üç) ailə, Vahidli kəndi üzrə 291(iki yüz doxsan bir)ailə) “Torpağın mülkiyyət hüququna dair Dövlət aktı” hazırlanaraq vətəndaşlara paylanmışdır.
Xatırladırıq ki, “Torpağın mülkiyyət hüququna dair Dövlət aktı” ailələrə paylandıqdan sonra, torpaq paylarının plan ölçülərinin naturada tanıdılması zamanı məlum olmuşdur ki, sakinlərə verilən torpaq payları parça-parça edilərək 4(dörd) və 5 (beş) yerdən verilmiş, su tutar torpaqlar yerli aqrar islahat komisiyasının maraqlarına uyğun olaraq, öz dostlarına və yaxın bildiyi sakinlərə paylanmış və 50(əlli) ailənin həyətyanı torpaq sahələri nəzərə alınmadan onlara pay torpaqları verilmişdir. Eyni zamanda bir çox torpaq əraziləri sovxozun balansında olsa da islahatdan kənarda saxlanılmışdır. Bu isə əksəriyyət pay hüququ olan sakinlərin arasında ciddi narazılığa səbəb olmuşdur.
Bu zamanda fürsətdən istifadə edən bir qrup Ağdam kənd sakinləri və eləcə də pay hüququ olmayan, 01 avqust 1996-cı ilə qədər kənd qeydiyyatında olmayan şəxslər birləşərək çoxluq təşkil edərək islahata etiraz etmişlər.
Əslində pay hüququ pozulan şəxslərin etirazının səbəbi torpaq islahatının dayandırılması məqsədini daşımırdı, sakinlərin əsas məqsədi qüsurlu aparılmış torpaq islahatında kobud şəkildə buraxılmış səhvlərin düzəldilməsi və ədalətli bölgü prinsipinin həyata keçirilməsi, eyni zamanda torpaq islahatında yol verilmiş qüsurların aradan qaldırılaraq qismən dəyişikliklərin edilməsi şərti ilə aktların yenidən paylanması tələbi idi.
Yaranmış vəziyyətin qarşısında çıxılmaz durumda qalan yerli aqrar islahat komissiyası çıxış yolunu “Torpaq islahatı haqqında” Qanunun 24-cü maddəsini əsas gətirərək təsərrüfatın ərazisində torpaq bölgüsünün dayandırılması, özəlləşəcək torpaqların məlum hadisələr nizama salınanadək təxirə salınması haqqında Respublika Dövlət Aqrar İslahat Komissiyasına müraciət etmişdir.
Respublika Dövlət Aqrar İslahat Komissiyası Aqrar İslahat Komissiyasının rəyini nəzərə alaraq 09.04.2001-ci il tarixində, Qarabağ münaqişəsi həll olunana qədər islahatın müvəqqəti dayandırılaraq, pay hüququ olan sakinlərə torpaq payları qədər istifadə hüququ vermişdir.
Bu əsassız qərar vətəndaşların sahibkarlıq fəaliyyəti ilə məşğul olmasına və torpaq mülkiyyətçisinə çevrilməsinə ciddi maneçilik törətdi. Belə ki, biz bununla da beynəlxalq və yerli qurumların maliyyə yardımından, dotasiya, subsidiya, investisya yatırımından və eləcə də güzəştli kreditlərdən kənarda qalaraq sahibkarlıq fəaliyyəti ilə məşğul ola bilmədik.
Vahidli kənd sakinləri Axıncı çayı boyunca yerləşən dədə-baba torpaqlarını əkib-becərməyə davam edərək güzəranlarını təmin etmişlər. Ötən müddət ərzində Vahidli kəndinin suvarma imkanı olan torpaqlarının xeyli hissəsi inşa olunan Tovuzçay su dəryaçasının sututarına düşdüyündən dövlət ehtiyacları üçün geri alınmış, hal-hazırda sakinlərin istifadəsində cuzi torpaq sahəsi qalmış, bu isə sakinlərin güzaranının pisləşməsi ilə nəticələnmişdir.
Bir müddət əvvəl bizə məlum olmuşdur ki, kəndimizin suvarılma imkanı olan torpaqlarının hamısının yerləşdiyi ərazi sakinlərin heç bir xəbəri olmadan, hansısa fırıldaqçılıq və saxtakarlıq yolu ilə Ağdam kəndinin inzibati ərazisinə daxil edilib. Bir qrup Ağdam kənd sakinlərinin iddia edərək, xəritələşdirərək öz inzibati ərazilərinə daxil etmək niyyətində olduğu həmin torpaq ərazisi, keçmiş zamanlarda və sonrakı dövürlərdə, rəsmi dövlət aktı əsasında, 1936-cı il inzibati ərazi xəritəsində və hərbi xəritələrində Vahidli kəndinin inzibati ərazisi kimi öz əksini tapmışdır(1936-cı il xəritəsi məktuba əlavə olunur).
Keçmiş S.Ağamalı oğlu adına sovxozun vahid bazası əsasında aparılmış dövlət orqanları tərəfindən möhürlənmiş islahat xəritəsi və hər iki kəndin ayrı-ayrılıqda bələdiyyə xəritələri vardır. Həmin xəritələrdə də Ağdam sakinlərinin iddia etdiyi ərazi birmənalı olaraq Vahidli kəndinin inzibati ərazisi kimi qeyd edilib.
Hal-hazırda iddia olunan ərazidə 22(iyirmi iki) Vahidli kənd sakini öz ailəsi ilə yaşayır, həmin ərazidə Vahidli kənd sakinlərinin pay torpaqları yerləşir və bu torpaq sahələri sakinlərə məxsusdur. Bu ailələrin əksəriyyəti Sovet dövründə-hər iki kənd bir Sovetlikdə fəaliyyət göstərən zaman rəsmi torpaq ayrılması, sənədi əsasında həyətyanı torpaq sahələri əldə edərək evlərini tikib, artıq 50-60 ildən çoxdur ki, orada yaşayırlar.Təəcüblüsü və dəhşətlisi odur ki,ortada bu qədər dövlət tərəfindən tanınan hüquqi sənədlər,subut və fakları olan Vahidli kəndinin bir hissəsinin ərazisinin,Ağdam kəndinin inzibati əazisi kimi göstərilməsidir.Belə qanunsuz əməl vətəndaşların dövlətə olan inam sütunlarını kökündən laxladır,vətəndaşlarla dövlət arasında dərin uçurumlar yaradır və vətəndaşları dövlətdən narazı salır.
İndi bir qrup Ağdam kənd sakinləri həmin ailələri öz evlərindən qovmağa, didərgun salmağa çalışırlar. Bundan əlavə, Vahidli kənd sakinlərini onilliklər boyu əkib-becərdikləri torpaqlara buraxmaq istəmir, əraziyə gedən şəxslərə hücum edərək,bizləri təhqir və təqiblərə məruz qoyurlar.
Biz, çoxsaylı Vahidli kənd sakinləri olaraq 4(dörd) dəfə Tovuz rayon İcra Hakimiyyətinin başçısı Məmməd Məmmədovun qəbulunda olub, Axınca çayının sol sahilinin, Vahidli kəndinin böyük bir ərazisinin (təxminən 500 hektardan çox bir ərazinin) qeyri-qanuni olaraq elektron kadastr baza məlumatlarında plan ölçülərinin naturada nə üçün dəyişdirildiyini müzakirə etdik. Eyni zamanda qəbul zamanı adı çəkilən problemlə bağlı 217(iki yüz on yeddi) nəfər sakinin rəsmi imzası ilə cənab Prezidentə, digər ali dövlət orqanlarına və eləcə də Tovuz rayon İcra Hakimiyyətinin başçısına 45(qırx beş) gündən çox bir müddətdə müraciət ünvanladığımızı və bu günə qədər heç bir əsaslandırılmış cavab almadığımızı bildirdik və bizə rəsmi cavab verilməsini tələb etdik. Lakin biz bu günə kimi Tovuz rayon İcra Hakimiyyətindən hələ də rəsmi cavab ala bilməmişik. Bu qanun pozuntusunun məsuliyyətini yəqin ki, başçı və onun heyəti dərk etmir.
Eyni zamanda bir qrup Ağdam kənd sakininin və onların himayədarlarının bu çirkin işğalçılıq əməllərini nifrətlə qarşıladığımızı, bu qanunsuz əməl bütün Vahidli kənd sakinlərinin dövlət tərəfindən tanınan sosial hüquqlarının kobud şəkildə pozulması, qürur və ləyaqətinə toxunulması kimi qəbul etdiyimizi başçının nəzərinə çatdırdıq.
Lakin Tovuz rayon İcra Hakimiyyətinin başçısı sakinlərin qaldırdığı ciddi mübahisənin mahiyyətini əsaslı şəkildə araşdırıb cavab vermək əvəzinə, əsas hədəflərdən yayınaraq yanlış və yarıtmaz cavab verdi. Daha sonra biz Vahidli kənd sakinləri olaraq bu qanunsuz əməllə (işğalçılıqla) heç vaxt barışmayacağımızı bildirdik və etiraz əlaməti olaraq iclas zalını tərk etdik.
Tovuz rayon İcra Hakimiyyətinin başçısı və onun məmur korpusu Azərbaycan Respublikası “Vətəndaşlarının Müraciətlərinə baxılması haqqında” qanunun 7.5-ci maddəsinin (müraciətdə göstərilən məsələyə baxıldıqda və bu barədə vətəndaşa, kollektiv müraciət edən şəxslərdən birinə əsaslandırılmış cavab verildikdə müraciət baxılmış hesab olunur) tələbini kobud şəkildə pozaraq bu günə qədər müraciətimizə cavab verməyib.
Azərbaycan Respublikasının “Vətəndaşlarının ərizə və şikayətlərinə baxılması haqqında” qanunun 16-cı maddəsinə görə, bu qanunun tələbini pozan şəxslər Azərbaycan Respublikasının Mülki, İnzibati Xətalar, Cinayət Məcəlləsinə uyğun olaraq məsuliyyət daşıyırlar.
Bu isə məmurların cənab Prezidenti və xalqı aldadaraq cəmiyyətin və xalqın xidmətçisi rolundan uzaqlaşaraq vətəndaşı və bütövlükdə xalqı aldadaraq, ona sayğısızlıq göstərməsinin və öz şəxsi kommersiya maraqlarına xidmət etməsinin bariz nümunəsidir.

Çox möhtərəm cənab Prezident!
Çox hörmətli Mehriban xanım!
Çox hörmətli rəhbərlər!

Bildiririk ki, bu işlərin arxasında Tovuz rayon İcra Hakimiyyətinin başçısı Məmməd Məmmədov, Tovuz rayon İcra Hakimiyyətinin ərazi idarə etmə və yerli özünüidarəetmə orqanları ilə iş şöbəsinin müdiri Fuad Rzayev (xatırladırıq ki, Fuad Rzayev, Arif Süleymanovla yaxın qohumdur), Ağdam kənd sakini, hazırda Tovuz rayon Mərkəzi Bazarının sahibi Süleymanov Arif Cavad oğlunun şəxsi biznes maraqları dayanır. Tovuz rayon mərkəzi bazarını zəbt etmiş ailə, Ağdam kənd sakinlərinin maraqlarına deyil, öz şəxsi maraqları naminə Vahidli və Ağdam kənd sakinlərini qarşıdurmaya sürükləyir. Çünki yüz illər boyu Vahidli kəndinə məxsus olmuş torpaqlarımızın zəbt edilməsi ilə heç bir halda barışmayacağıq.
Biz Vahidl kənd sakinləri olaraq bəyan edirik ki, adı çəkilən qurumların və şəxslərin əsassız və qanunsuz tələbləri bizim mülkiyyət hüquqlarımızın kobud şəkildə pozulması ilə nəticələnə bilər, bu isə kəndlə-kənd arasında qardaş qırğınına və qanlı toqquşmaların əsasını qoya bilər.
Bütün qeyd etdiklərimizi nəzərə alaraq, Sizdən iki kənd arasında mümkün qarşıdurmaların qarşısının vaxtında alınmasını, Vahidli kəndinin qanunsuz zəbt olunmuş torpaqlarına mülkiyyət hüququnun bərpa olunması üçün, bu işdə əli olan şəxslərin və onların himadarlarının ciddi cəzalandırılması haqqında zəruri tədbirlərin görülməsini xahiş edirik.
Xahişimizə diqqətlə yanaşılacağına əminliklə əvvəlcədən Sizə öz dərin təşəkkürlərimizi bildiririk.

Hörmətlə: Vahidli kənd sakinləri
aktualinfo.org

Nəsimi rayonunda daha bir obyekt qanunsuz inşa edilib.

Qlobal.az-ın əldə etdiyi məlumata görə rayonun Hüseynabala Əliyev küçəsində inşa edilən 3 mərtəbəli obyekt 33 saylı Mənzil İstismar Sahəsinin rəisi Mirnazir Əliyevə məxsusdur.

Araşdırmamaız zamanı məlum oldu ki, bu obyekt Dövlət Şəhərsalma və Arxitektura Komitəsinin bazasında yoxdur.

Həmçinin, "JEK" müdirinə aid olan bu obyektin tikintisini aparılarkən sahədəki mənzillərin isidilməsi üçün nəzərdə tutulan qazanxananın - 1 saylı İstilik Sistemləri İstismar Sahəsinin 2 saylı məntəqəsinin ərazisinin bir hissəsini də obyektə qatıldığı deyilir.

Hazırda 3 mərtəbə olan zirzəmisi "Məkan" çay evi adı altında fəaliyyət göstərir.

Digər iki mərtəbə hələ ki, istismara verilməyib.

Qeyd edək ki, 33 saylı Mənzil İstismar Sahəsinin rəisi Mirnazir Əliyevin qardaşı Mirkazım Əliyev Nəsimi rayonunda 15 saylı MİS-in rəisidir.

Nəsimi rayon İcra Hakimiyyətindən məsələyə mövqe öyrənə bilmədik.








Qlobal.az

"AzInTelecom” Məhdud Məsuliyyətli Cəmiyyəti cari ilin yanvar ayının 22-də sifarişçi olduğu növbəti satınalmaya yekun vurub.

Qlobal.az xəbər verir ki, "AzInTelecom” MMC-nin "Müəssisə daxili tədbirlərin təşkili xidmətlərinin satın alınması" lotu üzrə yekun vurduğu satınalmada "LAGUNA GROUP" Məhdud Məsuliyyətli Cəmiyyəti (VÖEN: 1004604201) qalib elan edilib.


Tenderin smetası 179.733 manat təşkil edir.

"LAGUNA GROUP" MMC 2017-ci ildə təsis edilib. Şirkətin hüquqi ünvanı Binəqədi rayonu, Əcəmi Naxçıvanı ev 27, mənzil 102 ünvanı, qanuni təmsilçisi Əsgərov Ramil Əsgər oğludur.

Müqaviləyə görə "LAGUNA GROUP" MMC "AzInTelecom” MMC-nin bir neçə tədbirini təşkil edəəck. Bu tədbirlərin sırasında Liderlik bacarıqlarının inkişafı ilə bağlı komanda quruculuq tədbiri, Uşaqlar günü, Maraqlar klubu, Müəssisə daxili tədbir - Ramazan bayramında iftar süfrəsi, Voleybol, Bouling yarışları, Tədbirlər üçün hədiyyə kartları, Azgranata şirkətinin üzüm bağlarına ekskursiya və s. yer alır.

Qalib elan edilən "LAGUNA GROUP" MMC-nin fəaliyyət profili, lisenziyaları, maddi texniki bazası barədə açıq internet resurslarında məlumatlara rast gəlinmir.

Məlumata görə "LAGUNA GROUP" MMC nazir müavini vəzifəsində çalışan Yalçın Rəfiyevin qardaşına məxsusdur.

Yalçın Rəfiyev

"LAGUNA GROUP" MMC-nin hüquqi ünvanında - Binəqədi rayonu, Əcəmi Naxçıvanı ev 27, mənzil 102 - də daha bir şirkət qeydiyyata alınıbdır. "My Vings” MMC (VÖEN – 1002351891) adlı bu şirkətin qanuni təmsiçisi nazir müavini Yalçın Rəfiyevin qardaşı Rəfiyev Müzadil İlqar oğludur.

Qeyd edək ki, "AzInTelecom” MMC Rəqəmsal İnkişaf və Nəqliyyat Nazirliyinin nəzdində fəaliyyət göstərir.

"AzInTelecom” MMC-nin İdarə Heyətinin sədri Elxan Əzizovdur. Elxan Əzizov 2022-ci ildə bu vəzifəyə təyin edilib.


Şirkətin fəaliyyət istiqamətləri bulud həlləri, Azərbaycan və xarici ölkələr arasında mübadilə olunan Beynəlxalq səs trafiki, Biznes həlləri, İnformasiya Təhlükəsizliyi xidmətləri, SİMA rəqəmsal həllər platforması və Mərkəzləşdirilmiş informasiya sistemlərindən ibarətdir.

Qlobal.az nazir müavinin qardaşının şirkəti ilə eyni hüquqi ünvanda olan şirkətin qalib elan edilməsi məsələsi ilə bağlı "AzInTelecom” MMC-dən möve öyrənib.

Açıqlamada deyilir:

"2024-cü il yanvarın 1-dən qüvvəyə minən "Dövlət satınalmaları haqqında” Azərbaycan Respublikasının Qanununa (budan sonra - Qanun) əsasən Azərbaycan Respublikasının beynəlxalq öhdəlikləri ilə nəzərdə tutulduğu və ya dövlət təhlükəsizliyi baxımından müəyyən xarici təchizatçıların və ya müəyyən ölkələrdən (o cümlədən Azərbaycan Respublikasının diplomatik əlaqələri olmadığı ölkələrdən) olan xarici təchizatçıların satınalmada iştirak etməsinə məhdudiyyətlər qoyulduğu hallar istisna olmaqla, istənilən rezident və qeyri-rezident təchizatçı Azərbaycan Respublikasında keçirilən satınalmalarda iştirak edə bilər. Qanuna uyğun olaraq təchizatçıların uyğunluq göstəriciləri təchizatçılara dair ümumi və xüsusi tələblərdən ibarətdir. Təchizatçıların uyğunluq göstəricilərinə dair tələblər şərtlər toplusunda ətraflı izah olunur və bütün təchizatçılara eyni dərəcədə şamil edilir. Həmçinin, Qanunun 8-ci maddəsinə əsasən satınalan təşkilat qanunvericilikdə öz əksini tapmış istisna hallarını nəzərə almaqla (məhkəmənin, nəzarət orqanının, Azərbaycan Respublikasının Hesablama Palatasının və müvafiq icra hakimiyyəti orqanının müəyyən etdiyi orqanın (qurumun) qanunla müəyyən edilmiş hüquq və vəzifələrinin icrası ilə bağlı məlumatların açıqlanması halları), təchizatçıların kommersiya sirri təşkil edən və ya qanunla qorunan digər məlumatlarını açıqlamır və onları məxfi (konfidensial) saxlayır. Əlavə olaraq qeyd etmək istərdik ki, Qanunun 14-cü maddəsinə əsasən satınalan təşkilatlardan və təchizatçılardan keçirilən satınalma proseduru ilə əlaqəli sənədləri (məlumatları) tələb etmək və təkliflərin yenidən qiymətləndirilməsi və ya satınalmanın ləğv edilməsi barədə qərar qəbul etmək səlahiyyətlərini satınalma sahəsində dövlət nəzarətini nəzarət orqanı həyata keçirir".

Cahandar Laçınlı

Qlobal.az