 |
|
|
Azərbaycan Dövlət Mədəniyyət və İncəsənət Universitetinin (ADMİU) nəzdində fəaliyyət göstərən Humanitar Kolleclə keçmiş işçiləri arasında məhkəmə çəkişməsi davam edir.
Qaynarinfo xəbər verir ki, kollecin keçmiş işçiləri Vəliyeva Aidə Zakir qızı, Nağıyev Ramil Əvəzağa oğlu, Babayeva Səidə Rasim qızı, Səməd Xəqani Səfər oğlu, Qədimli Aytəkin Yusif qızı və Əsgərova Arifə Nadir qızı apellyasiya mərhələsində bir nəticə əldə edə bilməyiblər. Bu baxımdan, Ali Məhkəməyə müraciət ediblər.
Onların kassasiya şikayətinə hakim Zaur Əliyevin sədrliyi ilə baxılacaq. Məhkəmə prosesinin vaxtı barədə məlumat yoxdur.
Kollecin keçmiş işçilərinin iddia tələbi işə bərpa və əmək haqqının ödənilməsi ilə bağlıdır. Birinci məhkəmə instansiyası onların iddiasını təmin etməyib. Müəllimlər apellyasiya şikayəti verib. Şikayətə Bakı Apellyasiya Məhkəməsində hakim Elnur Həsənovun sədrliyi ilə baxılıb və birinci instansiya məhkəməsinin qərarı qüvvədə saxlanılıb.
Müəllimlər ümid edir ki, Ali Məhkəmə yenidən baxılması üçün işi geri qaytaracaq.
Humanitar Kollecin direktoru Nərmin Qaralovadır. Nərmin Qaralova bir müddət əvvəl tələbə qızı təhqir etməsi ilə gündəmə gəlmişdi. Direktor onlayn imtahan zamanı işlətdiyi ifadəyə görə tələbələrdən üzr istəmiş və onunla bağlı inzibati tənbeh tədbiri görülmüşdü.
Şikayət.
Ölkəmizin əmək qanunvericiliyi,əsasən də İnsan faktoru həm də, gəmiçiliyə ,orda fəaliyyət göstərən insanlara, işəgötürəninə və s.aiddir.
İgidəli müəllim İsgəndərov !!!
PSK-dan yazdılar
Gəmi Çilov adasında dayanmışdı.Hava bu gəminin hərəkəti üçün əlverişli deyildi.
Buna baxmayaraq gəmiyə komanda verdi ki,əvvəl Neft Daşlarına,ordan da Günəşli yatağına gedin və orda gözləyin. Etirazlara baxmayaraq məcburi yola saldi. Çətinliklə Neft Daşlarına çatanda anladı ki, hava şəraiti PSK üçün təhlükəlidir.Yenidən komanda verdi ki,yaxşı Neft Daşlarında qalın. Niyə,cənab rəis. Niyə bizi məcburi ,çətin havada dənizə çıxmağa məcbur edirsiniz ,əziyyət verirsiniz? .Təhlükə,insan həyatı , xərc və s. sizi narahat etmir ki? Etiraz edənə də: get kimə istəyirsən şikayət et deyir.
Qeyd: hal hazırda sahildə güclü külək olmasa da dənizdəki külək kiçik çay gəmiləri hesab olunan PSK-n məcburi açıq dənizə göndərilməsi işçi heyəti üçün təhlükə yarada bilər.
Mirvari Gahramanli
Teref.az
Hörmətli media, bu dəfə "Bahar" karqoyla bağlı daxil olan şikayətin üzərində durmaq qərarına gəldik. Çünki, müştərinin təqdim etdiyi sübutlar onu deməyə əsas verir ki, sözügedən karqo, aşkar şəkildə istehlakçı hüquqlarını pozur və heç bir qaydaya məhəl qoymur. Digər vətəndaşların bu karqonun "tor"una düşməməsi və maarifçilik adına bu şikayətin mediada getməsini lazımlı və önəmli hesab edirik.
Hər halda müvafiq dövlət qurumuna göndərilən şikayət təəssüf ki,
nəticəsiz qalib. Daha doğrusu. qurumun geridönüş edən əməkdaşı, çox əcaib şəkildə, belə karqo barədə məlumat olmadığını bildirib və bununla bağlı başqa quruma müraciət etməyi tövsiyyə edib.
Halbuki, əgər bir karqo özbaşına fəaliyyət göstərirsə, bu da zatən QANUN POZUNTUSUDUR və həm elə "Antiinhisar" qurumunun məsuliyyət arealına daxil olan bir məsələdir.
Düşünürük ki, bu cür qaydasız karqoların ifşa olunması və layiqli cəzasını alması üçün vətəndaşın ümid yeri, mediadır.
Bundan dolayı da "Bahar" karqonun müştərisi olmuş Loğman Hüseynov adlı vətəndaşın haqlı və dramatik şikayətini, gündəmə gətirməniz üçün sizə təqdim edirik.Təşəkkürlər!
Əvvəla onu bildirməliyik ki, "Bahar karqo" adı daşınma şirkətindən ilk dəfə yayda istifadə etmişdik. Hələ o zaman əcaib bir problemlə qarşılaşmışdıq: yay fəslində "Neftçilər anbarı"nda kondisioner yoxdur!
Şirkətin əməkdaşı problemin tezliklə həll olacağını desə də, sonradan bunun səbəbini, "əlavə xərc olması" ilə əsaslandırdı.
Lakin, artıq bağlama çoxdan sifariş edilib gəlmişdi və tez xarab olan məhsul, zərər görmüşdü. Etirazlardan sonra, şirkət, məhsulun dəyərini qismən kompensasiya etməyə razılaşdı.
Bu qüsur, böyük bir problem demək idi, çünki çoxlu müştəri, yay fəslində qida maddələri və kosmetika məhsulları sifariş edir..
Lakin, məsafə yaxınlığı, vəd edilən qiymətin ucuzluğu səbəbindən, sonradan yenidən "Bahar" karqodan istifadə etməli olduq. Təbii ki, sərinlər düşdüyü zaman. Bu dəfə isə daha dramatik və əcaib problemlə qarşılaşdıq: şirkət, SAYTINDA VƏD ETDİYİ TARİFƏ əməl etmədi! Bağlamanın çəki haqqını çox hesabladı.
Belə ki, rəsmi saytında elan etdiyi tarifə əsasən, 10kq və üstü bağlamaların çəkisini 1,1 dollardan hesablayacağını vəd etsə də, 1,5 dollardan hesabladı. Şirkətə dəfələrlə etdiyimiz xəbərdarlıqlara, məsulu ilə apardığımız telefon danışığına baxmayaraq, inadından və səhvindən dönmədi. Karqo, bu qərarını belə bir absurd arqumentlə əsaslandırdı ki, onlar sosial mediada başqa cür tarif qeyd ediblər və müştəri də saytı deyil, sosial medianı əsas götürməliymiş. (!!)
Halbuki bir şirkət üçün əsas olan məhz saytıdır və üstəlik də 2 fərqli tarif elan etmək, zatən müştəri haqlarını və müvafiq qanunları aşkar şəkildə pozmaqdır! Şirkət bəlkə də bundan sonra sudan quru çıxmaq üçün problemi, hansısa texniki səhvlə əsaslandırmağa çalışacaq, lakin xəbərdarlıqdan sonra da səhvlərini düzəltməmələri, bu arqumenti bəribaşdan inkar edir. Və bu da o deməkdir ki, Ortada, AŞKAR SAXTAKARLIQ VƏ İSTEHLAKÇI HAQLARI POZUNTUSU VAR!
Qeyd: Şəkildə gördüyünüz kimi, BHK1450634 nömrəli bağlamanın çəkisi 10kq-dır və tarifə əsasən 11 dollar hesablanmalıydı, lakin 15 dollar hesablanıb!
___
P.S. Məsələnin mediada gündəmə gəlməsindən öncə, bu gülünc saxtakarlıq barədə rəsmi istehlakçı hüquqlarının müdafiəsi qurumunu xəbərdar etsək də, onlar tədbir görmək bir yana, belə bir şirkəti tanımadıqlarını bildirdilər.
Odur ki, ümidimiz siz dəyərli mediayadır!
Sizə, karqoyla yazışmanı və onun əcaib izahını da göndəririk.
Loğman Hüseynov
Teref.az olaraq qeyd edilən iddialarla bağlı qarşı tərəfin mövqeyini dərc edə bilərik!
Teref.az
“5 oktyabr – Beynəlxalq Müəllimlər Günü” yaxınlaşdıqca bəzi məktəblərdə də pul yığma kampaniyası başlamaqdadır. Sosial şəbəkələrdə artıq paytaxtda fəaliyyət göstərən bir neçə məktəbdə pul yığımına başlanıldığı deyilir.
Qlobal.az-ın əldə etdiyi məlumata görə müəllimlər günü ilə əlaqədar valideynlərdən pul toplanan məktəblərdən biri də Nərimanov rayonunda fəaliyyət göstərən 177 saylı məktəbdir.
177 saylı orta məktəbdə “valideyn komitəsi” tərəfindən aparılan pul toplama kampaniyasının əsasən ibtidai siniflərdə aparıldığı deyilir.
Məktəbin ibtidai siniflərində ümumilikdə 350-ə yaxın şagirdin təhsil aldığı, hər şagirdə görə isə valideynlərdən 20 manat pul yğıldığı iddia edilir.
Arzu Süleymanova, direktor
Məlumata görə məktəbdə baş verənlərdən direktor Arzu Süleymanovanın xəbəri olsa da, nədənsə heç bir müdaxilə etmir.
Qlobal.az məsələ ilə bağlı Bakı Şəhər Təhsil İdarəsindən mövqe öyrənməyə çalışıb. İdarədən məsələnin araşdırılıb cavab veriləcəyini bildirsələr də, sonradan qurum məsələyə mövqe bildirmədi.
Elgiz Şirinovun “Həyat üçün Şans” Reabilitasiya Mərkəzində 5 ildir baş verən cinayət əməllərini dövlət qurumları görmür..?
Əsrimizin bəlası olan, adına AĞ ÖLÜM deyilən narkomaniya kimlər üçünsə fəlakət, faciə, kimlər üçün isə milyonlar deməkdir. Müdriklər deyib ki, başqasının faciəsi üzərində xoşbəxt olmaq mümkün deyil. Kimlər ki, bu faciənin üzərində milyonlar qazanır, onlar gec-tez özləri fəlakətə düçar olacaqlar. Elgiz Şirinov və arvadı kimi...
Diqqətli oxucularımız bilir ki, xeyli vaxtdır Elgiz Şirinovun təsisçi və direktor olduğu, 18 filialı olan, üstəlik lisenziyası olmadan 5 ildir gizli fəaliyyət göstərərək heç bir vergi verməyən “Həyat üçün Şans” Reabilitasiya Mərkəzində baş verən cinayət əməlləri barədə araşdırma yazıları dərc edirik. Fikir verdinizmi..?
Birincisi, söhbət hansısa bir guşədə gizlin fəlaiyyətdən söhbət getmir ee... 18 filaldan söhbət gedir.
İkincisi, bu boyda cinayət məkanı 5 ay deyil, 5 ildir fəaliyyət göstərir.
Üçüncüsü, bu cinayət obyekti lisenziyası olmadan işləyir... Yaxşı bütün bunları dövlət qurumları, vəzifəli şəxslər görmür..? Əlbəttə, görürlər. Həyət evində tualet tikən kimi, daşı daş üstə qoyan kimi sahə müvəkkili gəlir.
Keçən dəfə yazdığımız kimi küçədə 5-6 dəstə kəklikotu satan kimi Vergi əməkdaşları gəlib lisenziya tələb edir... Amma 5 ildir cinayət əməlləri ilə məşğul olan Elgiz Şirinovun və onun arvadının əməllərini dövlət məmurları görmək istəmir. Niyə..?
Bir az konkret mövzudan haşiyə çıxmaq istəyirik. Bu gün mütəşəkkil cinayətkar dəstələr özlərinə humanist, bəzəkli adlar seçirlər. Gözəllik salonu...Reablitasiya mərkəzi...və s. Yeri gəlmişkən, Gözəllik salonlarında vəzifəli şəxslərin ailə üzvlərinə nələr təlkif olunmur...? Arıqlamaq adı altında hansı cinayət əməlləri baş vermir..? Gözəllik salonu və cinayətkar dəstə... Bu obyektlərə ancaq və ancaq imkanlı şəxslər gedə bilər.
Deməli, bu obyektlər həm də...KOMPRAMAT yuvasıdır. Yəqin ki, fikrimizi çatdıra bildik. Sonra bu cinayətkar dəstə bu KOMPRAMAT-lardan özlərini MÜDAFİƏ üçün istifadə edir, vəzifəli şəxsləri ŞANTAJ edirlər. Bu qədər sadə və bəsit.
Biz yuxarıda əbəs yerə yazmadıq ki, Elgiz imkanlı şəxslərin oğlanlarını, arvadı isə qız-gəlinləri müalicə etmək adı altında biznes qurublar.
Xatırlatma üçün qeyd edək ki, Elgiz Şirinovun cinayət əməlləri təkcə vergidən yayınma, qanunsuz sahibkarlıq fəaliyyəti və s ilə məhdudlaşmır.
Ötən yazılarımızda qeyd etdiyimiz kimi Elgiz Şirinov dövlətin içində sanki dövlət yaradıb. Bəli, Elgiz Şirinovun Reabilitasiya Mərkəzinin özünün “həbsxanası”, “əməliyyat qrupu”, “cəza dəstəsi” və daha nələri...
Təsəvvür edirsiniz, kimlərinsə “zakazı” ilə hansısa imkanlı adamların nakoman yaxınlarını müalicə adı ilə maşına basıb Reabilitasiya Mərkəzinə gətirirlər. Elgiz hər yerdə çox yüksək vəzifəli şəxslərin adını çəkir və deyir ki, Reabilitasiya Mərkəzinin sahibləri onlardır. Elgiz hətta sponsorlarının da adlarını çəkir, amma özü hər narkomanın valideynlərindən 1500-6000 manat arası pul alır... Bu adam başına 2500 narkomanı toplayıb, özünü muzdlu dəstənin başçısı kimi aparır.
Onu da qeyd edək ki, vaxtilə bir “cırıq 3-lüyə” görə ona-buna ağız açan Elgiz Şirinov hazırda milyonçuya çevrilib, 200 minlik avtomobil alıb, Yasamal rayonu, Nazim Hikmət küçəsindəki evini 100 minə təmir etdirir. Dəyəri 1 milyon olan bağ evi almaq istəyir. Bütün bunlar azmış kimi Elgiz Şirinov və dəstəsi öz müştərilərinə cəza verir, suda boğur, hətta asırlar. Və bunun nəticəsi olaraq Mərkəzin sakinlərindən biri işgəncələrə dözməyərək dünyasını dəyişib. Və bununla bağlı cinayət işi açılıb, mərkəzin 3 əməkdaşı 10-11 il müddətinə azadlıqdan məhrum edilib, amma... Əmması odur ki, Elgiz Şirinov azadlıqda əməllərini yenə davam etdirir..? Niyə..?
Yazının girişində əbəs yerə yazmadıq ki, Elgiz Şirinovun və arvadının əlində daşdan keçən kompramatlar var. Xatırlatma üçün onu da qeyd edək ki, Elgiz Şirinov və onun cinayətkar dəstəsi ilə bağlı hazırda Abşeron rayon polisində təhqiqat və istintaq prosesi gedir.
Ümid edirik ki, nəhayət bu cinayətkar dəstənin əməllərinə son qoyulacaq və Elgiz Şirinov həbs olunacaq.
Məlum olduğu kimi, hazırda Qarabağ bölgəsinin erməni sakinlərinin cəmiyyətimizə reinteqrasiyası dövrü başlayıb. Prosesin sürətli, problemsiz və Azərbaycan Respublikasının qanunları əsasında baş tutmasının tərəfdarı olan Azərbaycan sakinlərə öz təkliflərini edib. Məlumdur ki, gedənlər də Ermənistanda bir o qədər xoş qarsalamırlar. Bunun obyektiv və subyektiv səbəbləri var. Ən azından onu demək olar ki, daxildən parçalanmış Ermənistanda “Qarabağ ermənisi” və “İrəvan ermənisi” qarşıdurması uzun illərdir davam edir. Amma əsas məqam bu deyil. Azərbaycan sülh əlini 30 ildir destruktiv mövqe sərgiləyən Ermənistana uzatmaqda davam edir. Bu, milli kimliyimizin siyasətdə əks olunan simasıdır. Hazırda iki ölkə arasında danışıqlar davam edir. Buna baxmayaraq, ermənilər hər yerdə öz “tarixi torpaqlarından”, “dədə-baba yurdlarından” qovulduqlarını, deportasiya məruz qaldıqlarını car çəkirlər. Belə bir zamanda Azərbaycan tərəfi həm səbirlə, həm də məntiqlə öz mövqeyini göstərir. İki ölkə arasında yenidən müharibəni olmaması və tez bir zamanda sülh müqaviləsinin bağlanması üçün addımlar atır. Bu addımlardan vacib olanı isə təbii ki, erməniəsilli vətəndaşların Azərbaycan daxilində qanuni şəkildə, digər millətlər kimi, bu ölkənin vətəndaşlarının hüquqlarına sahib olmaqla yaşamasını təmin etməkdir.
Belə həssas məqamda Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Prezidentinin xüsusi nümayəndəliyinin böyük məsləhətçisi Araz İmanov sosial şəbəkələrdə Xankəndidə çəkilmiş fotosunu paylaşıb. Foto şəhərin girişindəki “Nənə və baba” abidəsinin qarşısında çəkilib. Abidənin üzərində Azərbaycan bayrağı vurulub.
Belə bir incə məqamda bu cür paylaşım etmək nə qədər doğrudur? Bu addım kifayət qədər gərgin olan mühiti bir az da alovlandıra bilər. Durduq yerə belə qıcıqlandırıcı post paylaşmağın hansı məntiqi əsası var, anlamaq çətindir sözün düzü. Və ən əsası, bu addım sənə nə qazandırdı? Sosial şəbəkə hesabında “like”? Yoxsa, “hər kəsin şəkili var, mənim niyə olmasın?” prinsipini əldə bayraq tutaraq axmaq qərar vermək bacarığı.
Üstəlik mülki bir şəxsin hərbi mundir geyinib Xankəndindən şəkil paylaşması nə mənəvi, nə də hüquqi tərəfdən doğrudur. Axı bu günlərdə ölkəmiz keçirdiyi lokal xarakterli antiterror tədbirlərində 204 şəhid verib. O formanı geyinən hər bir şəhid geriyə baxmadan, yağı düşmən üzərində qələbənin xəyalını quraraq canından keçib. Canından keçib ki, həm Qarabağ azad olsun, həm bu torpaqlarda Azərbaycanın müqəddəs üçrəngli Bayrağı dalğalansın, həm də gələcək günlərdə mülki şəxslər bu torpaqlarda 30 il öncəki kimi normal həyatlarını yaşasınlar. O formanı geyinənlər bu ali dəyərlər, bu ulu məqsədlər üçün düşünmədən canlarından keçiblər. İndi belə bir məqamda mülki şəxs olaraq necə formanı geyinib poz verərək şəkil çəkdirə bilirlər? Həm də şəhidlərin qanı qurumamış.
Bu heç bir halda erməni təəssübkeşliyi deyil, əksinə, bu Azərbaycan əsgərinə verilməli olan dəyərin bir daha ön plana çıxardılmasıdır. Həmçinin orada yaşayan ermənilərə verilən mesajdır ki, necə ki, Azərbaycan Bakının mərkəzində erməni kilsəsini illər boyu toxunulmaz şəkildə saxladı, elə indi də Qarabağdakı tarixi abidələri, kilsələri və sənin üçün dəyərli olan tikililəri qorumağa davam edəcək. Yetər ki, bu absurd iddialardan əl çək və birgəyaşayış normaları çərçivəsində, rahat şəkildə bu torpaqlarda yaşa. Bütün bu çağırışların fonunda kifayət qədər məsuliyyət və siyasi savad tələb edən vəzifədə çalışan birinin belə bir addım atması ən yumşaq tərzdə desək, anlaşılan deyil.
Onu da qeyd edək ki, öz mənbələrimizdən aldığımız məlumata görə, bu hadisə Prezident Aparatında da olduqca pis qarşılanıb. Təbii ki, bu da anlaşılandır. Dövlətin siyasi xəttini heçə sayan, bu qədər əziyyət və səyləri axmaq bir qərarla puç edən birinə qarşı münasibət başqa cür ola da bilməz. Bununla bağlı ciddi tədbirlərin görüləcəyi bildirilib!
Qeyd edək ki, Araz İmanov sabiq deputat, AMİP partiyasının sabiq sədr müavini, professor - Nazim İmanovun oğludur.
moderator.az
Teref.az yazır ki, mövzunun aktual olduğunu nəzərə alaraq bu araşdırmanı yenidən saytımızda oxuculara təqdim edirik.
Hər halda meşələrimizin, Vətənimizin ciyərini, kislorod mənbəyini həqiqətən qoruyan məmurları mütləq tanımaq və onları qorumaq lazımdır! Bəs görəsən nəyə görə ona qarşı belə hücumlar düzənlənir? Araşdırmada bunu aydın şəkildə görmək olur!
Beləliklə Teref.az araşdırmanı təqdim edir:
Dünən ölkənin bir sıra saytlarında və sosial şəbəkələrdə Quba Regional Meşə Təsərrüfatı Mərkəzi ilə bağlı bir məlumat yayılıb.
Bir çox həmkarlarımız bu videoya istinad edərək, arxayıncasına məsələnin ictimailəşməsində, bəzi maraqlı qüvvələrə yardımçı olduqlarını bilməyiblər. Ona görə də, mənz belə ciddi saydığımız həmkarlarımızın prolemdən tam agah olması üçün, böyük bir araşdırma aparmışıq, gələn həftə təbii ki, ortalıqda olan bütün sənədlər, sübutlarla geniş bir reportaj təqdim edəcəyik. Hələlik isə, bu gün yayılan qərəzli, məqsədli informasiyaların mənbəyini və məqsədini bildiyimizə görə, reallığı bir neçə kəlmə ilə qısa çatdırmaq istəyirik.
Adıçəkilən idarə ilə, daha dəqiq desək, bu idarənin müdiri Elvin Baxışovla bağlı çoxdandır ki, şimalda reket jurnalistlər və böyük bir “parket mafiyası”nın arasında, amansız savaş gedir.
Bundan nəinki bölgədəki hər kəsin, hətta bildiyim qədər paytaxtda da bəzi qurumların xəbəri var.
Məsələnin mahiyyəti ondan ibarətdir ki, Quba Regional Meşə İdarəsinə bir müddət öncə təyin olunan gənc, gənc olmasına baxmayaraq, hamı tərəfindən savadlı və bacarıqlı kadr kimi xarakterizə olunan Elvin Baxışov, meşələrdəki qanunsuz ağac qırıntılarına konkret qadağa qoyub.
Bundan qəzəblənən “ağac oğruları”, bölgədə fəaliyyət göstərən reket jurnalistlərə müraciət edərək, onlardan yardım istəyib. Onlar da müdirdən, təbii ki, öz xislətlərinə uyğun müəyyən imtiyazlar, pul və sairə tələb ediblər. Doğru işlədiyini, buna görə də heç kəsə bir qəpik də verməyəcəyini vurğulayan gənc meşəçi, bu cavabı ilə reket dəstəsinin hədəfinə tuş gəlib. Durmadan köhnə, saxta, hətta bəzən bir yerin videosunu, köhnə olduğu üçün, başqa bir yer kimi təqdim edərək, bu gənc dövlət qulluqçusuna hücuma keçən reket jurnalistlər, bu gün də öz istəklərinə çatmadıqları üçün, öz dırnaqarası mübarizələrini davam etdirirlər.
Təəssüf ki, bu reket jurnalistlər, bəzi yaydıqları inandırıcı videolarla, ciddi saytların da diqqətini özlərinə çəkə biliblər.
Teref.az
Cənab Əmirxan Hüseyinli, şəhid qardaşına bu münasibətin kökündə nə dayanır? Niyə axı? Araşdırılmasına ciddi ehtiyac duyulur.
Siyəzən şəhər sakini şəhid qardaşı Baxışov İbadi Canbaxış oğlu yazır:
-Mən SOCAR 2 saylı nəqliyat departamentin Siyəzən sahəsində 25 tonluq traktor kranda calışıram. 25 ildir ki calışdığım müddətdə tərəfimdən hec bir qanun pozuntusu olmamışdır. Mənim öz müdüriyyətimdən hec bir narazıcılığım yoxdur Şikayətim SOCAR KQİT Abşeron İB nin Siyəzən sahəsi üzrə rəisi Əmirxan Hüseyinlidəndir.Mənim texnikam burda ola ola başqa yerlərdən Siyəzən sahəsinə kran ezam eləyib mənə ancaq deyir ki sənlik iş yoxdur. Bu halda mənim iş günlərim boşdayanma kimi qeyd olunur. Niyə ğörə axı mən Siyəzəndə yaşayıram mənə iş yoxdur olara isə var.? Əmirxan Hüseynlinin nə maddi marağı var ki basqa yerlərdən işçi gətirib islədir?. Mənə deyir ki rəhbərliydən deyirlər ki xərcləri azaldmaq lazımdır.Siyəzənə ezam olunanlar ğünü 65 manat olmaqla ezamiyyə pulu alırlar ancaq mən Siyəzənli olaraq evimə cörək pulu aparmamalıyam? Mən bu haqda Ali Baş Komandanımız İlham Əliyev cənablarına teleqram vurduğuma görə Əmirxan Hüseyinli iş yoldaşimla mənə xəbər göndərib ki prezidentə məktub yazdığına ğörə ona deyin ki yanı mənə iş yoxdur və olmayacaq da və Əmirxan Hüseyinli orda olduğu halda mən işləməyəcəm. Mən bunu da əlavə etmək istəyirəm ki boş dayanmada olduğum ücün və aldığım maaş kireditlərimi ödəmədiyi ücün oktyabrın 2 -dən növbəti məzuniyyətə cıxmağa məcbur oldum . Sonrası isə nə olacaq bilmirəm.
Mirvari Gahramanli
Teref.az
Azərbaycan ordusu Ermənistana qarşı lokal xarakterli antiterror əməliyyatı keçirdiyi dönəmdə ordumuzun 192 əsgər və zabiti qəhrəmancasına torpağlarımızın süverenliyi uğrunda canlarından keçib şəhid oldular.
Amma təəsüflər olsun ki, bəzi vəzifəli şəxslər xüsusən də icra hakimiyyətinin məhul və vəzifəli şəxsləri istər şəhidin dəfni zamanı, istər "Anım günü" vaxtı bir neçə dəqiqə olsun üzlərində olan gülüş sevinc hissin saxlaya bilmirlər, sanki yasa yox hansısa övlad uşaqlarının toy məclisinə gəliblər.
"Azərbaycan Reallığı" xəbər veri ki bunlardan birdə "Anım günü" Quba rayon Şəhidlər Xiyabanında keçirilən tədbirdə rayon icra hakimiyyəti başçısının müavini Səidə Abasovanın üzündə olan gülüş hissi tədbirdə iştırak edən media nümayəndələrinin kamerasından yayınmayıb. Maraqlıdır ki, ordumuz bu qədər şəhid verdiyi bir dönəmdə Səidə xanımı bu qədər xoşbəxt edən mövzu nədir ki, belə gülür?
Bu cür xoşagəlməz mənzərə son vaxtlar demək olar neçənci dəfədir ki baş verir. Xəbər saytlarında və sosial şəbəkələrdə dəfələrlə belə halla qarşılaşırıq, tənqid olunsalar da nəticə çıxarmırlar. Nə demək olar, insanda ruh hiss olsun gərək
Qarşı tərəfində mövqeyini dərc etməyə hazırıq... //"Azərbaycan Reallığı"//
