 |
|
|
Sakinlər nazir Vilayət Eyvazovdan kömək istəyir
Son illər DYP sistemində aparılan islahatlar, yollara çoxlu sayda radarların, müşahidə kameralarının, digər texniki qurğuların quraşdırılması bu sahədə kifayət qədər şəffaflığın yaradılmasına zəmin yaradır.Hazirda, demək olar ki, sürücülərlə yol polislərinin birbaşa təması minimum səviyyəyə endirilib. Ancaq təəssüf ki, bütün bu yeniliklər hələ də Samux rayonuna gedib çatmayıb. Bu bölgədə hələ də "dədə-baba" üsulu hökm sürməkdədir. Özü də çox kobud və çox rəzil bir formada...
Konkret faktlara müraciət edək: rayonun Qarayeri qəsəbəsinin girişində sürücülərin kabusuna çevrilən bir "post" var. " Post" deyəndə ki, DYP- nin ELGÜN və ZAUR adlı 2 əməkdaşı (99- 613 nömrə nişanlı maşınla) burada keçilməz bir" məntəqə yaradıb, sürücülərə qan uddurmaqla məşğuldurlar.
Hər gün ordan keçən yüzlərlə KAMAZ-in hər birindən 10 AZN alırlar. Minik avtomobilləri heç bir səbəb olmadan saxlanılır, müxtəlif bəhanələrlə sürücülərdən pul alınır. Cana doymuş sürücülər dəfələrlə onları videoya çəkərək sosial şəbəkələr vasitəsilə ictimailəsdiriblər. Ümid ediblər ki, bəlkə Elgün və Zaur haqqında ölçü götürülər.
Ancaq hər şey tərsinə olub. Polisi icazəsiz çəkmək ittihamı ilə vətəndaşlar özləri cəzalandiriliblar- döyülüb təhqir edilən kim, cərimə edilən kim... Hətta 10-15 sutkalıq həbs edilənlər də olub.
Adıçəkilən bu 2 DYP əməkdaşı barəsində dəfələrlə DİN- in 102 xidmətinə müraciət edilsə də, heç bir tədbir görülməyib. Ozləri də bəzi şəxslərin yanında deyiblər ki, biz o pulları özbaşına yigmiriq ki... Bizə də tapşıran var...O tapşıran kimdirsə, elə onları himayə edən də odur.
Elgünlə Zaurun son qurbanlarindan biri də Samuxun Qarayeri qəsəbəsinin sakini Əliyev Əflatun Nəcəf oğludur. Onun DYP əməkdaşları və eyni zamanda DİN-in 102 xidmətinin xanım əməkdaşı ilə olan söhbəti hər şeyi bütün çılpaqlığı ilə ortaya qoyur. Gerçəkdən də tam bir rəzalətdi...
İndi söz DİN rəhbərliyinindir. İnanırıq ki, Samuxdakı real vəziyyət ciddi şəkildə araşdırılacaq və qanun çərçivəsində lazımi ölçü götürüləcək. Daha ətraflı VİDEODA tanış ola bilərsiniz:
/azia.az/
"Bu korrupsioner məmurların qarşısı niyə alınmır? Kim onlara şərait yaradır? Rüşvəti necə rəsimləşdirib nazirlərə verirlər? Nədən Azərbaycanda kasıb-kusub bir qrup məmurun yemi rolunu oynamalıdır? Bunlar azmış kimi indi də millətin boğazına kal armud olub keçən “Azərlotoreya” hoqqabazlığı..." Bu barədə DİA.AZ-a göndərilən məqalədə deyilir.
Məqalə müəllifi daha sonra yazır: ""Azərbaycan xalqın pulları ilə Türkiyədə, Rusiyada qurulan zavodlar, şirkətlər....Bizim pulları oğurlayırlar biz isə susuruq...
“Azərlotoreya”nın himayə edənlər təkcə kasıb-kusubu müflisləşdirmirlə, onlar hal-hazırda İqtisadiyyat və Maliyyə nazirliklərində mühüm vəzifələri tutub dövlət büdcəsini dağıdır, talayırlar.
Xalqın pulları ilə özlərinə bisnes qurur, kef edirlər. Keçmiş iqtisadi inkişaf naziri, indi baş nazirin muavini olan Şahin Mustafayev də burda pay sahibidir. Əslində İqtisadiyyat naziri Mikayıl Cabbarov əsas fiqurdur. Çünki hər yerdə onun adından istifadə edirlər. Niyə göz yumulur bütün bunlara? Niyə onlara şərait yaradıblar? Bu gü ölkədə "Azərlotoreya" adı ilə külli miqdarda pullar mənimsənilir. Rüşvəti rəsimləşdirib “sponsor” adı ilə “Azərlotoreya”dan istifadə edərək külli miqdarda pulları silirlər...
Şahin Mustafayev stolüstü tenis federassiyasının prezidentidir. “Azərlotoreya” isə o tenis federassiyasının sponsoru sayılır... Başqa faktlar da var. Bu faktları da təqdim edəcəyik..."
DAVAMI VAR...
İddia olunanlarla bağlı dia.az olaraq bütün maraqlı tərəfləri dinləməyə hazırıq...
Akademik C. Abdullayev adına Elmi-Tədqiqat Kardiologiya İnstitutunda növbəti kuryoz hadisə baş verib. Dünən institutun direktoru Gülnaz Dadaşova bu vəzifəyə təyin olunmasının 5 illiyini təntənəli şəkildə qeyd edib.
Harda görünüb ki, ciddi bir elm ocağının rəhbəri, özünü professor adlandıran şəxs vəzifə təyinatının ildönümünü (?!) qeyd etsin, çələnglər (bəli, gül dəstələri deyil, məhz çələnglər!), hədiyyələr, zərflər qəbul etsin?!(Sosial şəbəkələrdə bunu əks etdirən video və fotolar yayılıb)
Ölkə rəhbəri öz ad günlərini qeyd etmədiyi, yaxud çox sadə şəkildə, xalqın arasında qeyd etdiyi halda, institut direktorunun vəzifə təyinatını təmtəraqlı şəkildə qeyd etməsini necə başa düşmək olar? Bu, hansı məntiqə sığır?
Özü də bu hadisə nə vaxt baş verir?
Ölkə üçün taleyüklü məsələlərin həll olunduğu, Qarabağda lokal antiterror tədbirlərinin keçirildiyi, Azərbaycanın az qala hər şəhərinə şəhid cənazələrinin göndərildiyi, şəhid analarının gözüyaşlı qaldığı, millətin şəhidləri dəfn etməyə səfərbər olduğu bir vaxtda! Dünyanın əksər güclərinin, beynəlxalq təşkilatların, böyük dövlətlərin Azərbaycanın üzərinə gəldiyi bu günlərdə institut direktorunun, özünü bu millətin ziyalısı sayan şəxsin belə addım atmasına nə deyəsən?
Elmi-Tədqiqat Kardiologiya İnstitutunun direktoru Gülnaz Dadaşovanın bu addımı presedenti olmayan, elm aləmində görünməyən bir hadisə, bəlkə də bir “ilk”dir. Yəqin, o, bir alim kimi bu “yeniliyi” ilə Ginnesin “Fəxri Rekordlar Kitabına” düşməyə “layiqdir”!
O da maraqlıdır ki, Gülnaz Dadaşova bu addımı kollektivin böyük əksəriyyətinin iradəsinin ziddinə olaraq atıb. İddialara görə, kollektivin iradı, narazılığı nəzərə alınmayıb. Məhz elə buna görə də “yubiley” tədbirində direktorun yaxın ətrafı – Kardiologiya İnstitutunun baş həkimi, elmi və klinik bölmədə çalışan həkimlər, inzibati şöbənin rəhbərliyi iştirak ediblər. Bir sıra şöbə müdirləri, adlı-sanlı həkimlər isə direktorun “yubileyini” boykot ediblər.
Əldə etdiyimiz məlumata görə, məhz direktorun yarıtmaz idarəçiliyi nəticəsində Kardiologiya İnstitutunun əməkdaşlarının böyük əksəriyyəti ondan narazıdır. Bəlkə direktor təntənəli “yubiley” tədbirini elə onlardan qisas almaq üçün keçirib? Sözün düzü, bu olayın komik, yoxsa tragik olduğunu ayırd etmək çətindir. Ancaq bir məsələ dəqiqdir ki, Kardiologiya İnstitutunun direktoru belə şahşahlı tədbirləri, yubileyləri çox sevir. Əgər belə olmasaydı, o, bu yaxınlarda 44 yaşı tamam olan institutun 45 illik yubileyini keçirməzdi! Elə buna görə institutda deyirlər ki, əgər həyatda olsaydı, yəqin ki, tanınmış müğənni İlhamə Quliyeva belə bu cəhətinə görə Gülnaz Dadaşovaya qibtə edərdi!
Və sonda. Görəsən, hörmətli səhiyyə naziri Teymur Musayev institut direktorunun vəzifəyə təyin olunmasının 5 illiyini qeyd etməsinə, kollektivdən bahalı hədiyyələr qəbul etməsinə necə baxır? Yəqin ki, normal. Çünki o, hələ 44 yaşı tamam olan institutun 45 illik yubileyini keçirəndə institut direktoru barədə ölçü götürməli idi… Nə etmək olar, burası Azərbaycandır və biz hələ deyəsən, uzun müddət səhiyyə sistemində belə anormal hadisələrin şahidi olacağıq…
Məsələ ilə bağlı Kardiologiya İnstitutunun direktoru Gülnaz Dadaşovanın mövqeyini dərc etməyə hazırıq.
www.cumhuriyyet.net
Patrul.az-a illərdir Lənkəran meşələrinin bir şəxs tərəfindən talanması ilə bağlı məlumat ünvanlanıb.
İddiaçın sözlərinə görə Lerik rayonu Bırkandul kənd sakini Hüseynov İltifat Sərhəng oğlu artıq 20 ildir Lənkəran meşələrini talayır, meşədən topladığı çox saylı taxta materiallarını satır.
"Ekalogiya nazirliyinin, polis əməkdaşlarının, prokurorluq və məhkəmə əməkdaşlarına təhqirlər ünvanlayaraq - heçkim mənə heçnə edə bilməz, mən heç kimdən qorxmuram, qorxsaydım 20 ildir meşədən ağac oğurlamazdım, hər gün tırlarla material satmazdım."
"Yaz səsimi apar ver söydüyüm adamlar, gör onlardan kiminsə hünəri çatır mənə nəsə desin?!"
Hüseynov İltifatın bu kimi ifadələr işlədərək heç kimdən qorxmadığını deyən iddiaçı, təqdim etdiyimiz video görüntünün də ona aid olduğunu deyir:
DogruXeber.az: - Şəmkir rayon Su anbar idarəsinin rəisi Vaqif müəllim ekologiyanın qorxulu kabusuna çevrilib. Vaqif Lətif oğlu Məmmədov bu gün bütün var gücü ilə ekologiyanin məhvi üçün əlindən gələni əsirgəmir.
Şəmkir rayon Kür qəsəbəsi Vaqif müəllim sayəsində günü-gündən geri gedir. Vaqif müəllim sözügedən ərazidə yalnız qanunsuz yolla fəaliyyət göstərərək öz cibini doldurmaqla məşğuldur. Əraziyə baxdıqda hər yerde qazıntı işinin aparildigini görürük. İri çaplı maşınlar öz fəaliyyəti ilə diqqət çəkirlər.
Vaqif müəllim kimə və nəyə arxayın olaraq qorxmadan çəkinmədən ekologiyanı məhv edir? Aidiyyatı qurumlar bu qanunsuzluğu heçmi görmürlər? Yoxsa görürlər özləri görməzdən gəlirlər.
Ekologiyanın qorunması üçün daima islahatlar keçirən bir ölkədə bu cür qanunsuzluq etmək çox böyük bir məsələdir. Məsələ ilə bağlı üzümüzü tuturuq aidiyyatı qurumlara. Vaqif müəllim və onun etdiyi bu qanunsuz hərəkət araşdırılmalı və ciddi tədbirlər görülməlidir.
Məsələ ilə bağlı araşdırmamız davam edir, qarşı tərəfin mövqeyini dinləməyə hazırıq. //regionxeberlericom.az//
Sosial şəbəkədə yayılan bu görüntü ikrah hissi oyadıb. Polis serjantı Ramil Şirinov dəfn mərasimi zamanı bir nəfərin gülməsi sosial şəbəkədə reaksiyalara səbəb olub. Əldə etdiyimiz məlumata görə şəhidin dəfn mərasimi zamanı polislərin havaya güllə atmasından diksinib və daha sonra özünə hakim olmayıb “qəşş” edib gülən şəxs Qartal Tikinti Firmasının Direktoru, laçınlı tanınmış iş adamı, xeyriyyəçi Şahin Məmmədovdur. Onun yanında dayanan şəxslər isə Sumqaylt şəhər ucra hakimiyyəti nümayəndələridir. Xatırladaq ki, sentyabrın 19-da qanunsuz erməni silahlı birləşmələrinin təxribat-diversiya qrupu tərəfindən Xocavənddə yerləşdirilən minanın partlaması ilə törədilən terror aktı nəticəsində həlak olan polis əməkdaşı Ramil Şirinov Sumqayıt Şəhidlər Xiyabanında dəfn olunub.
Qartal Tikinti Firması ilə bağlı mediada çox az, hətta cüzi informasiyaya rast gələ bildik. Məlumdur ki, ötən əsrin 90-cı illərindən başlayaraq Azərbaycanda yüzlərlə, bəlkə də minlərlə tikinti kooperativləri, firmaları açılıb, fəaliyyət göstərib. Bunlardan biri də “Arzu” adlı şirkət olub. Sonradan bu firma adını dəyişərək Qartal Tikinti Firmasına çevrilib. Firmanın adını niyə dəyişməsi başqa bir yazının mövzusudur. Və niyə məhz QARTAL..?
Beləliklə Qartal Tikinti Firmasının fəaliyyəti ilə tanışlıq üçün firmanın https://qartal.az/ adlı saytına daxil oluruq. Və adi bir tikinti firmasının bu boyda sturuktura malik olması təəccübümüzə səbəb olur. Vallahi heç nazirliklərin, komitələrin bu boyda stukturu yoxdur. Firmanın saytında qeyd olunur: Qartal Tikinti Firması Azərbaycanda İnşaat Bazarında hündürlükdə işlər, telekomunnikasiya obyektlərinin tikintisi, xüsusi təyinatlı obyektlərin tikintisi, hərbi obyektlərin tikintisi, radar izləmə sistemlərinin tikintisi, radio-quraşdırma və digər tikinti – quraşdırma işləri ilə məşğul olur.
Deməli, bu firma Azərbaycanda hündür qüllələr tikir, amma o qüllələrdən neçə nəfərin yıxılması və…bağlı mediada bircə xəbər də yoxdur. Bunlar hələ harasdır..?
Qartal Tikinti Firmasının hətta Təlim-Tədris Mərkəzi də var və ona bu icazəni vaxtilə “Qosstandart” deyilən qurum verib.
Deməli Qartal Firması müxtəlif şəxslərə inşaat işləri ilə bağlı sertifikat verə bilər. Görəsən adi bir firmaya bu boyda səlahiyyətləri nə üçün veriblər. Biz hələ hərbi obyektlərin tikintisindən, radar quraşdırılmasından-zaddan danışmırıq.
Məlumat üçün qeyd edək ki, firmanın direktoru Şahin İdris oğlu Məmmədovdur. Firmanın saytından görünür ki, bu adamın xeyli sayda müavini, müşaviri-zadı var. Və ən əsası vəzifəli şəxslərin çoxu öz qonum-əqrəbasıdır. Şübhəniz varsa, buyurun firmanın saytına daxil olub baxın: Firma direktorunun birinci müavini Tural Məmmədovdur, Firma direktorunun digər müavini, BP layihəsi üzrə layihə meneceri Tərlan Məmmədovdur, Firmanın baş mühasibi Anjela Məmmədovadır, Baş mühasibin müavini Dünyaxanım Məmmədovadır.
Bir sözlə, Məmmədovların ailə firması. Bəli, cənab Şahin Məmmədov firmada baş verən bütün maxinasiyaları, tikinti zamanı baş verən qəzaları, xəsarət alanları, hətta ölüm hallarını, vergidən yayınmaları, “obnaliçka”nı, çirkli pulların yuyulmasını və s gizlətmək üçün ətrafına ancaq öz qohumlarını yığıb. Çox maraqlıdır bu boyda firmaya rəhbərlik edən şəxs öz tərcümeyi-halında özü barəsində çox mətləblərə toxunsa da, 1990-1993-cü illərdə Bakı şəhərində Azərbaycan Assosiasiyasının Qartal Firmasının direktoru olmasından bəhs etsə də….keçmiş şəriklərindən , onlara necə atmasından, onların haqqını necə yeməsindən qəti söz açmır. Və demir ki, keçmiş şəriki Oqtay Mustafayev onun üzünə nə deyib, daha dəqiq desək, onun üzünə nə …edib….? Bu adam hətta siyasətə də baş vurur, deyir ki, istədiyim adamı icra başçısı, deputat qoya bilərəm. Amma hökumətin fəaliyyətini bəyənmir.
Görəsən bu adam kimə bu qədər güvənir..? Biz əbəs yerə yazmadıq ki, Şahin Məmmədov firmasının adını niyə dəyişib QARTAL qoydu..? Biz əbəs yerə yazmadıq ki, bu adam hərdən siyasətə də başını soxur. Qardaş Türkiyədə keçirilən sonuncu prezident seçkilərində Ərdoğana deyil, Kılıcdaroğluna dəstək verib…. Bizə elə gəlir ki, hələlik bu qədər yazmağımız Hüquq Mühafizə Orqanlarının, onun barəsində istintaq işinin başlanmasına bəs edər…. //cumhuriyyet.az//
VİDEO BURADA: https://www.youtube.com/shorts/EVo_RaDmKmE
Xatırladım ki, Azəriqaz İB-nə 01 noyabr 2019 cu ildən Ruslan Əliyev baş direktor kimi rəhbərlik edir. Həmin müddətdən milyonlarla istehlakçıların əsasız olaraq Azəriqaz İB tərəfindən Standart Laboratoriya keçməklə Qoyulmuş Sayğaclar kütləvi halda dəyişdirilir və birmənalı şəkildə bütün dəyişən sayğaclarda güya “labarator” qaydada itkinin olduğunu bildirerek yüksek mebləğdə əlavə ödəniş yazılır və dərhalda sistemə otuzdururlar. Səndə qaz istifadəçisi kimi vəsait ödəyən kimi dərhal həmin pul Azəriqaz İB yükləməsinə yönəlir. Bir anlıq Təsəvvür edin Milyonlarla Abuneçi Sayqacı məcburi- daha doğrusu bəhanə ilə dəyişən zaman( 868m, 1276m, 670 m məbləğlərdə və sarə) əksər abunəçi bu cür maddi yüklənsə nəticədə toplanan məbləği düşünmək belə insanın başını gicəlləndirir. Bir onu nəzərə alın kı, Azəriqaz İB abonetnlərinin sayı bir neçə milyondu. Adi altı illik riyazi təhsili olan biri həmin məbləğlərin cəmini hesablamağı kifayət edir (Sayğacı Labaratoryadan keçirib quraşdıran özü, sonradan sayğacın labarator qaydada yoxlayıb itkinin olduğunuda bildiren özü yazıq camahat məttəl qalıb).
Əvəzində nə ilə raslaşırıq Əlahəzrət Ruslan Əliyev öz piyarına babat maya buraxır. Müxtəlif kənd-qəsəbələrdə güya vətəndaşları ayaqüstə dinləyir özünü qayğıkeş rəhbərə bənzədərək ictimayətin gözünə soxub, Öz Piar və Reklamını Sosial şəbəkədə, KİV də yüksək səviyyədə qurmağı bacararaq öz əməllərini tam şəkildə pərdələyir.
Minlərlə şəxsi narazı salmağa heç kəsin haqqı yoxdu. Hörmətli Ruslan müəllim öz reklamına ayırdığı vaxtın 1/10 sayğac oyununa ayırsa məncə daha səmərəli olar..
P.S Azərbaycan Respublikasının Baş Prokurorluğu üçün Araşdırma Materialı…
Araşdırma materialını hazırladı:
Ceyhun Yusifov
Azərbaycan mühərrik və sənaye yağlarının istehsalçısı olan "Technoil” MMC daha bir tenderin qalibi olub.
Şirkət Təcili və Təxirəsalınmaz Tibbi Yardım Stansiyasının "Mersedes-Benz Vito” və "Mercedes-Benz Sprinter” markalı avtomaşınlar üçün mühərrik və transmissiya yağlarının satın alınması ilə bağlı elan etdiyi tenderin qalibi seçilib. Tərəflər arasında bağlanacaq satınalma müqaviləsinin maliyyə dəyəri 121 982,5 AZN-dir.
Beləliklə, şirkətin cari ildə qalib seçildiyi tenderlərin sayı11-ə çatıb. Bundan əvvəl şirkət, "Azərbaycan Meliorasiya və Su Təsərrüfatı” ASC-nin Samur-Abşeron Kanalının İstismarı İdarəsinin, Təcili Yardım Avtobazasının, "Azəraliminüm” MMC-nin, "Azərpambıq Aqrar Sənaye Kompleksi” MMC-nin, Ağdam Mexaniki Suvarma İdarəsinin, İmişli Suvarma Sistemləri İdarəsinin, Oğuz Suvarma Sistemləri İdarəsinin, Daxili Qoşunlar Baş İdarəsinin və Xocavənd Suvarma Sistemləri İdarəsinin keçirdiyi satınalma müsabiqələrinin qalibi olub.
Bu müsabiqələrin ümumi maliyyə dəyəri 1 964 646, 24 AZN-dir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, MMC 10 mart 2015-ci ildə qeydiyyata alınıb. Nizamnamə kapitalı 11 688 495 AZN olan şirkətin hüquqi ünvanı Sumqayıt şəhəri, Sülh küçəsi, məhəllə 76-da yerləşir. MMC-nin qanuni təmsilçisi Zeynalova Rumidə Ağabəy qızıdır.
Şirkətin təsisçilərindən biri fövqəladə hallar nazirinin müavini Orucəli Hacıyevin oğlu Elvin Hacıyevdir. Elvin Hacıyev müsahibələrinin birində bu faktı gizlətməyib. "Technoil” bizim ailədən gələn layihədir”, deyə o bildirib.
Bəzi iddialara görə, şirkətin tenderlərdə qalib seçilməsində bu amilin mühüm rolu var.
Bu ilin iyun ayında "Technoil” MMC məhkəməyə verilib. Şirkətə qarşı İnzibati Xətalar Məcəlləsinin 430.4-cü (Avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmaması) maddəsi ilə inzibati iş başlanıb və baxılması üçün Sumqayıt Şəhər Məhkəməsinə göndərilib. Nəticə barədə açıq mənbələrdə heç bir məlumat yoxdur. \\Qaynarinfo
Xatırladaq ki, “Elşad Həsənov Yasamalı səhraya çevirir” və bu yaxınlarda aktualxeber.az saytında “İcra başçısının Ümid adlı qoçusu” başlıqlı məqalələr dərc etmişdik. Məqalələrdə Elşad Həsənovun “xeyir-duası” ilə A.M.Şərifzadə 144 ünvanında “Qəbələ Residence” yaşayış massivinin sol tərəfində ağacların kəsilərək yerində tikinti aparılmasından, Yasamalın icra başçısının yaşıllıqların məhv edilməsinə şərait yaratmasından bəhs edilirdi.
Bundan əlavə qeyd etmişdik ki, redaksiyamıza müraciət edən Bakı şəhəri Nəsimi rayonu, Azadlıq prospekti ev 70 mənzil 12-də yaşayan Hümmətov İlham Heybət oğlu da Yasamal rayon İcra Hakimiyyətindən şikayətçidir. Vətəndaş iddia edir ki, 18.09.2023-cü il tarixdə saat 15:00 radələrində İH-nin Rayon təsərrüfatı şöbəsinin Baş məsləhətçisi Əsgərov Ümid Elxan oğlu özü ilə gətirdiyi işçilərlə birlikdə onun ailəsinə məxsus və bütün sənədləri qaydasında olan A.M.Şərifzadə 140a ünvanında yerləşən “Kanon” Aptekin pilləkənlərini zorla sökmüşdür. Vətəndaşın dediyinə görə Ümid icra başçısı Elşad Həsənovun tapşırığını yerinə yetirdiyini və ona çatacaq məbləği verməsələr göstərişi icra edəcəyini israr edibdi. Ona mane olmağa çalışan qadınları təhqir etməkdən belə çəkinməyən Ü.Əsgərov apteki işlədən Səidə Ağamirzadəyə xəsarət belə yetirilməsinə bais olubdu.
DİA.AZ bildirir ki, şikayətçi yeni məlumatlar və sənədlər təqdim edibdi. Həmin sənədlərdən məlum olur ki, Yasamal RİH-nin dəllal məmurları vətəndaşa məxsus aptekin qarşısını “Mansur” firmasının sahibi İlqar adlı şəxsə qanunsuz olaraq sataraq, hətta oranın özəlləşdirilməsinə belə nail olublar. Bundan xəbər tutan İ.Hümmətov məhkəməyə müraciət edərək həmin yerin çıxarışını ləğv etdirməklə haqlı olduğunu sübuta yetirmişdir. Belə ki, Bakı İnzibati Məhkəməsinin 02.06.2022-ci il tarixli qərarını 14.02.2023-cü il tarixdə Bakı Apellyasiya Məhkəməsinin İnzibati Kollegiyası, 15.05.2023-cü il tarixdə isə Ali Məhkəmənin İnzibati Kollegiyası qüvvədə saxlamışdır. Buradan belə nəticəyə gəlmək olur ki, Yasamal rayon İcra Hakimiyyətinin başçısı üçün rüşvət məhkəmə qərarından daha üstündür. Belə olmasaydı öz qoçu dəstəsini sahibkarın üstünə göndərərək hədə-qorxu ilə ona məxsus obyektini zorla, dəyər-dəyməzinə İlqara satdırmağa çalışmazdı. Onu da qeyd edək ki, vətəndaş ona qarşı olan haqsızlıqla bağlı dövlət başçısına və hüquq-mühafizə orqanlarına müraciət etmişdir. Ümidvarıq ki, Elşad Həsənov kimi məmurların belə özbaşınalığı yəqin ki, cəzasız qalmayacaqdır.
Mövzuya qayıdacağıq və yazıda adları keçən şəxsləri də dinləməyə hazırıq.