Azərbaycanda dövlət qurumlarında son illər aparılan islahatlara baxmayaraq, hələdə bir çox təşkilatlarda ciddi nöqsanlar, kadr çatışmamazlığı, rəhbərliyin qurumu düzgün idarə edə bilməməsi, gizli korrupsiya və sair problemlər mövcud olaraq qalmaqdadır.

AzFakt.com-a daxil olan məlumatda bildirilir ki, belə qurumlardan biri də Dövlət Su Ehtiyatları Agentliyinin Sabirabad Suvarma Sistemləri İdarəsidir.

Sabirbad rayon sakinlərinin iddialarına görə Şafiq Heydərovun rəhbərlik etdiyi bu idarədə çox ciddi gizli maliyyə maxinasiyaları mövcuddur. Bildirilir ki, Şafiq Heydərovun gizli maxinasiyası əsasən Suvarma idarəsinin balansında olan 91 ədəd nasos stansiyası və səyyari dizel nasos stansiyalarıdır. Məlumata görə Şafiq Heydərov 91 nasos stansiyasının bir hissəsində adı olub özü olmayan işçilərin əmək haqqı kartını öz cibinə qoyub. İdarə rəisinin məhz nasos stansiyalarının hesabına 40-a yaxın əmək haqqı kartına sahib olduğu bildirilir. Hə ay Şafiq Heydərovun bu kartlar vasitəsi ilə 15 (on beş) min manata yaxın vəsait əldə etdiyi deyilir. İdarə müdirinin nasos stansiyalarının hesabına əldə etdiyi əmək haqqı kartlarının bir hissəsini müavinlərinə və lazımı olan işçilərə verdiyi qeyd olunur.

Rayon sakinləri bildirirlər ki, Dövlət Su Ehtiyatları Agentliyi Sabirabad Suvarma Sistemləri İdarəsində qəfil yoxlama apararsa qeyd edilən faktlar ortaya çıxacaq. Çünki nasos stansiyalarında baş verən maxinasiyalardan Sabirabad Suvarma Sistemləri İdarəsində hər kəsin xəbəri var.

Məsələ ilə bağlı araşdırmamız davam edir.

Qarşı tərəfin mövqeyini dərc etməyə hazırıq.

Tenderlər “kralı” kimi bilinən, dövlət qurumlarının, ən əsas da Saleh Məmmədovun rəhbərlik etdiyi Azərbaycan Avtomobil Yolları Dövlət Agentliyinin (AAYDA-da) “sevimli” şirkəti olan ATF MMC əl dəyişdirib.
Təbriz Muradov milyonluq tebderlərin qalibi olmuş nizamnamə kapitalı 20 AZN olan şirkətin qanuni təmsilçiliyindən çıxıb.

Onun yerinə qanuni təmsilçi olaraq qardaşı Azad Muradov yazılıb.

Bununla bağlı bir çox qalmaqallı iddialar səslənir. Lakin hələlik heç bir dəqiqləşmiş rəsmi məlumat əldə etmədiyimiz üçün iddialarla bağlı məlumat vermirik, ancaq Məsələni diqqətdə saxlayırıq.

Xatırladaq ki, mətbuatda gedən məlumatlara görə, AAYDA bahalı layihələrin icrasını adətən özü həyata keçirir. Amma AAYDA sədri Saleh Məmmədov bəzən istisnalara yol verir və bu vaxt onun köməyinə öz himayədarlığı ilə yaranan “ATF” MMC şirkəti gəlir.

Həmçinin yerli mətbuatda gedən məlumatlarda qeyd edilib ki,

Saleh Məmmədovun “ATF” MMC ilə “iş birliyi” yalnız tenderlərlə yekunlaşmır. Hətta iş o yerə çatıb ki, Göyçayda yerləşən 17 saylı Yol İstismar İdarəsinin müdiri Rəşad Kərimovu işdən çıxarıb, yerinə “ATF” MMC-nin təsisçilərindən olan Təbriz Muradovun oğlu Tehranı müdir təyin ediblər. Bundan sonra dövlətin idarəsi olan 17 saylı Yol İstismarı İdarəsinin bütün texnikaları qanunsuz olaraq “ATF” MMC-nin tenderdə “udduğu” yol tikintisi işlərinə cəlb edilib. Bu isə korrupsiya cinayətidir.

Hələ 2021-ci ildə mətbuatın yazdığına görə, “ATF” MMC-nin təsisçisi və faktiki rəhbəri Fəxrəddin Muradov Cinayət Məcəlləsinin müxtəlif maddələri ilə təqsirləndirilərək məhkəmə qərarı ilə həbs olunub. Rəhbərlikdə isə onu qardaşları Azad və Təbriz Muradovlar əvəzləyib. Buna baxmayaraq, Saleh Məmmədovun agentliyi şirkətlə “işləməyə”, “ATF” də qurumun tenderlərinin rəqibsiz qalibi olmaqda davam edir.

Yerli mediada gedən məlumatlara görə bütün bu “seçimlər” S.Məmmədovun müavini Əvəz Qocayevlə arasında problemə səbəb olub. Hətta iddiaya görə S.Məmmədov hətta Qocayevi və onun vəzifəyə gətirdiklərini ozundən uzaq tutmağa çalışır.

Yerli mediada gedən məlumatlara görə, Əvəz Qocayevin fəaliyyəti sədr Saleh Məmmədov tərəfindən də lazımınca qiymətləndirilmir. Artıq müəyyən çevrələrdə Saleh Məmmədovla Əvəz Qocayevin yollarının ayrıldığı da söylənilir. Belə bir səbəbdən də, sədr Saleh Məmmədovun öz müavinini işindən uzaqlaşdıracağı ilə bağlı sərəncam verəcəyini, bu gün tam əksəriyyət səbirsizliklə gözləməkdədir. Buna əsas səbəb, Əvəz Qocayevin adının daha çox qalmaqallı məsələlərdə hallanmasıdır. Bir sözlə, AAYDA-nın sədri artıq Əvəz Qocayev yükündən azad olunmaq istəyinə düşdüyü də söylənilir. Söz yox ki, vəziyyətin belə bir həddə gəlib çatmasında Əvəz Qocayevin danılmaz xidmətləri var.

Yazıda adı çəkilən hər kəsin mövqeyini dinləyə bilərik. (32gun)

Optik kabelləşdirmə adı altında milyonlarla manat dövlət vəsaiti necə mənimsənilir?

Rəqəmsal İnkişaf və Nəqliyyat Nazirliyinə (RİNN) məxsus “Aztelekom” MMC-nin “Şimal-Şərq” regional filialının müdiri Nazim Əliyev şimal zonasındakı dövlət əmlakına qənim kəsilib. at oynatmaqdadır. Bununla bağlı cumhuriyyet.net-i məlumatlandıran mənbənin sözlərinə görə, Nazim Əliyev şimal-şərq zonasında optik kabelləşdirmə adı altında min tonlarla mis kabelləri mənimsəməkdə, bundan milyonlarla manat məbləğində qanunsuz gəlir əldə etməkdədir. Təsadüfi deyil ki, Nazim əliyev sadə vətəndaşlar arasında filial müdirindən daha çox “misyığan” kimi tanınmaqda, “Mis nazim “ ləqəbi ilə populyarlaşmaqdadır. Hər ay vaxtiylə torpağa basdırılan yüz tonlarla mis kabeli çıxararaq bunları şəxsi əlaqələri vasitəsilə “əridən” və “cibinə axıdan” Nazim Əliyev, Aztelekom” MMC-nin “Şimal-Şərq” regional filialını şəxsi təəsrrüfatı kimi idarə etməkdədir.

Nazim Əliyevin qanunsuz əməllərindən biri də ondan ibarətdir ki, filial müdiri bəzi hallarda mis kabelləri çıxarsa da, onun əvəzində həmin ərazidə optik kabelləşdirmə işi həyata keçirmir. Mənbənin cumhuriyyet.net-ə bildirdiyinə görə, lakin sənəd üzərində həmin ərazisinin kabelləşdirilməsi qeyd olunur ki, bu da Nazim Əliyevə optik kabelləşdirmə üçün nəzərdə tutulan vəsaiti də mənimsəməyə imkan verir. Başqa sözlə desək, Nazim Əliyev bir daşla iki quş vurur ki, bu da filial müdiri üçün ikiqat gəlir deməkdir.

Nazim Əliyev bütün bu qanunsuzluqları iki yaxın adamı – texniki müdir Rasim Dərgahquluyev və baş mühəndis Elnur Abduləzizovun iştirakı ilə həyata keçirir. Hər iki şəxs “Mis Nazim”in qanunsuz əməllərinin reallaşmasında yaxından iştirak etməkdə, bu qanunsuzluqlara qanuni don geyindirməkdədir.

Məlumat üçün qeyd edək ki, Nazim Əliyev uzun müddət sabiq MTN şefi Eldar Mahmudovun sevimli kadrlarından olan Beytullayevin rəhbərliyi altında işləyib. (Turantv)

Beyləqan rayon sakini Aydın Şükürlü tərəfindən “Hürriyyət” qəzetinin redaksiyasına şikayət məktubu daxil olub. Şikayətçi iddia edir ki, onu Beyləqan Rayon Mərkəzi Xəstəxanasından qanunsuz yerə işdən çıxarırlar: “Bildirim ki, hal-hazırda Beyləqan Rayon Mərkəzi Xəstəxanasında işləyirəm. Bu xəstəxanada qanunsuzluqlar baş alıb gedir. Burada mənə qanunsuz olaraq aktlar tərtib edilir və razılığım olmadan qanunsuz olaraq işdən çıxarmaq istəyirlər. 3 ildir ki, bu xəstəxanada çalışıram. İş saatından artıq işlədilirik, lakin əmək haqqımızda heç bir fərq olmur. Xəstəxananın rəhbərliyi ciddi qanunsuzluqlara yol verir.
İndiki zəmanədə iş tapmaq necə çətindir, bilirsiz. Heç bir səhvim olmadan məni işdən çıxarmaq istəyirlər. Sanki məni məcbur edirlər ki, canıma qəsd edim. Bir gün bu addımı atsam günahkar Təhlükəsizlik bölməsinin növbə rəisi Əliyev Asim və Beyləqan RMX-nın Publik hüquqi şəxsi Muradov Bayramdır. Mən heç kəsdən artıq heç nə istəmirəm, hüquqlarımın bərpa olunmasını xahiş edirəm. Əliyev Asim qazi olduğu üçün Bayram həkim ondan ehtiyat edir və çirkin əməllərinə şərik olur.

Xəstə qadınların otaqlarına kameralar qoyublar, qadınlara iynə vurulması, əyinlərinin dəyişdirilməsi – hamısı kameraya düşür. Və bu kameraya Əliyev Asim baxır. Hətta ikisi birləşib qanunsuz aktlar tuturlar.
Qeyd edim ki, bəzi sənədlərin saxtalaşdırılması ilə də məşğul olurlar. Səlahiyyətli qurumlardan xahiş edirəm ki, biz mühafizəçilərin haqlarının əlimizdən alınmasına imkan verməyin”.
Məsələ ilə bağlı Beyləqan Rayon Mərkəzi Xəstəxanası ilə əlaqə saxlamağa çalışsaq da, zənglərimiz cavabsız qaldı.
Jalə FAMİLQIZI
Redaksiyadan: Qarşı tərəfin mövqeyini dərc etməyə hazırıq.

Elmi Tədqiqat Kardiologiya İnstitutunun işçilərinə Ürək Çatışmazlığında Yeniliklər konqresinə qatılmağa niyə icazə verilmədi?

Səhiyyə Nazirliyinin akademik C.Abdullayev adına Elmi Tədqiqat Kardiologiya İnstitutunda direktor Gülnaz Dadaşovanın özbaşınalıqları və qanunsuz əməlləri davam edir.

Bu barədə AzToday.az -a İnstituta yaxın mənbələrdən bəlli olub.

Əldə etdiyimiz məlumata görə, hazırda məzuniyyət götürən və xarici ölkələrdən birində istirahət edən Gülnaz Dadaşova öz səlahiyyətlərinin icrasını müavini Rafael Daşdəmirova həvalə edib. Mənbə bunun tamamilə qanunsuz olduğunu bildirib. Belə ki, bu yaxınlarda Səhiyyə naziri Teymur Musayevin əmri ilə Azad Hacıyev Elmi Tədqiqat Kardiologiya İnstitutunun baş həkimi təyin olunub. G.Dadaşova məzuniyyətə gedərkən, qanuna görə, onun səlahiyyətlərini baş həkim Azad Hacıyev icra etməli idi. Hətta nazirlikdən bununla bağlı G.Dadaşovaya müvafiq göstəriş də verilib. Lakin nazirin göstərişini heçə sayan G.Dadaşova səlahiyyətlərinin icrasını qeyd etdiyimiz kimi, Azad Hacıyevə deyil, müavini Rafael Daşdəmirova həvalə edib.

Bunun səbəblərinə gəlincə, hazırda G.Dadaşova ilə A.Hacıyevin münasibətlərinin gərgin olduğu bildirilir. Hətta hüquqları pozulduğu üçün baş həkim baş direktoru məhkəməyə də verib. AzToday.az bir müddət öncə bu barədə yazmışdı (https://aztoday.az/news/270740.html)

Beləliklə, aralarındakı konflikt və A.Hacıyevə etibar etməməsi səbəbindən baş direktor ölkədə olmadığı müddətdə İnstituta rəhbərliyi Rafael Daşdənirova həvalə edib. Hətta vacib sənədlərin imzalanması bir neçə gün R. Daşdəmirov tərəfindən həyata keçirilib.

Digər maraqlı məsələ isə G.Dadaşovanın İnstitutun elmi işçilərinə Azərbaycan Kardioloqlar Cəmiyyətinin 28-29 iyun 2024-cü il tarixlərində keçirdiyi 3-cü Ürək Çatışmazlığında Yeniliklər konqresinə qatılmasına qadağa qoymasıdır. Maraqlıdır, bu axı kardiologiya konqresidir və məntiqlə direktor öz elmi işçilərinin bu yüksək səviyyəli tədbirdə iştirak etməsində maraqlı olmalıdır. Bəs, onun bu məntiqsiz, həm də qanunsuz tələbinin səbəbi nədir? Mənbəmizin sözlərinə görə, bunun bir səbəbi Gülnaz Dadaşovanın öz kollektivinin üzvlərini belə tədbilərdə görmək istəməməsidir:

“Xaraktercə özündənrazı, karyerist olan bu adam hesab edir ki, bütün tədbirlərdə özü iştirak etməlidir. O, işçilərinin belə tədbirlərə qatılmasına qısqanclıqla yanaşır” – deyə institutun əməkaşlarından biri deyir. Digər tərəfdən, görünür, Azərbaycan Kardioloqlar Cəmiyyətinin rəhbərliyinə xoş münasibət bəsləməməsi də bu məsələdə ciddi rol oynayb.

Direktorun özbaşınalığından ehtiyat edən bir çox elmi işçilər, həkimlər və hətta məruzəçilər konqresdə iştirak etməyiblər. Bu baxımdan tədbirdə yaranan boşluq ciddi şəkildə nəzərə çarpıb. Axı ETKİ-nun alim, elmi işçi və həkim kollektivi bundan əvvəlki bütün konqreslərdə iştirakçıların əsas hissəsini təşkil edib. Başa düşmək olmur, direktor Gülnaz Dadaşova niyə öz şəxsi intriqalarına niyə bütün kollektivi qoşur? Axı bu əməli ilə o kardiologiya elminə və kardioloqlar cəmiyyətinin birliyiinə zərbə vurur”.

Ən maraqlı məqamlardan biri də bu günlərdə Səhiyyə Nazirliyində Avropa Kardioloqlar Cəmiyyətinin (ESC) prezidenti, Sürix Universitetinin (İsveçrə) Molekulyar Kardiologiya Mərkəzinin direktoru Tomas F.Lüşerlə görüş zamanı baş verib. Nazir Teymur Musayevin Avropa Kardioloqlar Cəmiyyətinin sədri ilə görüşünə də G.Dadaşova Azad Hacıyevin deyil, öz etibarlı adamı Rafael Daşdənirovun getməsini istəyib. Yalnız T.Musayevin məsələyə müdaxiləsi və G.Dadaşovanın ondan çəkinməsi ilə A. Hacıyevin görüşdə iştirak etməsi ilə nəticələnib.

Məlumatlı mənbə onu da qeyd edib ki, G.Dadaşova Səhiyyə sistemində yüksək vəzifə tutan şəxs tərəfindən himayə olunur:

“Bu məsələ onu o qədər ərköyünləşdirib ki, o, bəzən Səhiyyə Nazirliyindən verilən göstərişləri belə heçə sayır, qanuna zidd olaraq, bir çox ciddi məsələlərdə özünün şəxsi istək və mülahizələrinə əsasən, qərar verir”.

İnstitunun əməkdaşları G.Dadaşovanın əməllərindən ciddi narazıdırlar. Hətta bu məsələ ilə əlaqədar dəfələrlə onun fəaliyyətindən Nazirliyə şikayət də edilib. Maraqlıdır, G.Dadaşovanı müdafiə edən şəxs kimdir ki, nazir T.Musayev onun haqqında tədbir görmək istəmir?

Narazılıq doğuran daha bir məqam isə hazırda G.Dadaşovanın əmri ilə İnstitutda aparılan təmir ilə əlaqədar tətbiq olunan qanunazidd addımlarla bağlıdır. Belə ki, həkim və elmi işçilər sanitar-gigiyenik normalara uygun olmayan şəraitdə işləməyə məcbur edilirlər:

“Təmirin tozu-torpağı yayın bu istisində tibbi personalın başına yağır. Direktorun işsiz-gücsüz qoyduğu insanlar ikinci mərtəbənin dəhlizinə səpələniblər. Təmirlə əlaqədar İnstitutda çarpayı yerlərin sayı azaldığından iş həcmi də azalıb. Buna baxmayaraq, işçilər ancaq növbəti əmək məzunuyyəti və yaxud da öz hesabına məzuniyyət götürməyə məcbur edilir. Həkimlərə isə boş olan palatalara növbələr yazılır. Qəbul şöbəsinin işçisi Əsmər iki gün dalbadal sutkalıq növbəyə çıxmaq məcburiyyətində qalıb. Ikinci növbədən sonra özünü pis hiss etdiyindən ETKİ-nin həyətinə çıxıb. İşçini yerində görməyən direktorun inzibati məsələlər üzrə müavini Azər Mirzəxanlı onun dalınca adam göndərib və iş otağında olmadığı üçün cəzalandırılacağı ilə hədələyib. Fasiləsiz növbədən onsuz da zəifləmiş qız bu hədəyə görə huşunu itirib”.

Məsələ ilə bağlı yazıda adı çəkilən tərəflərin mövqeyini işıqlandırmağa hazırıq.

Orxan Məmmədli

AzToday.az

Paytaxtın Nərimanov rayonu ərazisində Təbriz küçəsi ilə Ceyhun Hacıbəyli küçəsinin kəsişməsində yerləşən "Olyumpus Park" layihəsi yerli sakinlər üçün bir kabusa çevrilib. 6 ilə yaxındır vəyəndaşlar evlərindən didərgin salınıb. Pilot layihə adı ilə evləri sökülənlərin yeni mənzillərinə qovuşmaqları bir yana, son aylar heç kirayə pulları da ödənilmir.