Təxminən iki ay əvvəl Azərbaycanın ədliyyə naziri postunu tutan Fərid Əhmədovun faəliyyəti sələfi Fikrət Məmmədovdan xüsusi olaraq seçilmir.

Ötən müddət ərzində yeni nazirin ancaq vətəndaşlarla görüşləri baş tutub ki, bunu sabiq nazir də həyata keçirirdir.

Gununsesi.info-nun araşdırmasına görə, burada yeganə fərq Fərid Əhmədovun vətəndaşlarla görüşündə onları diqqətlə dinləməsi və vətəndaşlara öz dərdini deməsi üçün vaxt məhdudiyyəti qoyulmamasıdır.

Ancaq bu nə zamana qədər davam edəcək, bunu da gələcək göstərəcək.

Bütün bunlarla yanaşı Ədliyyə Nazirliyinin fəaliyyətində xüsusi həllini tapmalı olan bir neçə məsələ var.

Bunlardan biri də Azərbaycanda QHT-lərin dövlət qeydiyyata alınması məsələsidir.

Bu mövzunu xatırlatmağımıza səbəb isə ABŞ Dövlət Departamentinin insan haqlarına dair son hesabatının Azərbaycanla bağlı bölümündə bu problemə xüsusi yer ayrılmasıdır.

Qeyd edək ki, həmin hesabatda Azərbaycanda QHT-lərin qeydiyyatı çətinləşməsindən söhbət açılır.

Bildirilir ki, qanunlar QHT-lərin fəaliyyətini ciddi şəkildə məhdudlaşdırıb. Bir sıra qanunvericilik müddəaları siyasi partiyaların, dini qrupların, bizneslərin və QHT-lərin fəaliyyətini məhdudlaşdırırdı, o cümlədən QHT-lərin Ədliyyə Nazirliyində qeydiyyatdan keçməsini tələb edir. Qanun hökumətin QHT-lərin qeydiyyatı ilə bağlı müraciətləri qəbul etdikdən sonra 30 gün ərzində hərəkətə keçməsini tələb etsə də, qeyri-müəyyən, ağır və qeyri-şəffaf qeydiyyat prosedurları vətəndaşların birləşmək hüququnu məhdudlaşdıran uzun gecikmələrlə nəticələnir.

Yeni nazirin bu problemi həll etməsi üçün iradəsinin olacağını da zaman göstərəcək.

Vətəndaş cəmiyyəti quruculuğu ilə məşğul olmaq istəyənlər isə gözləmək qalır.

Elmar Elnuroğlu

Vasif Talıbovun zamanında iməclik adlı məcburi əmək vardı. Məcburi və müftə əmək hüquqi ədəbiyyatda qul əməyi sayıldığından həmişə buna qarşı çıxmışam. Yenə də o qənaətdəyəm ki, iməcliklər könüllülük əsasında olmalıdır. Kim istəyərsə, iməcliyə çıxar, kim istəməsə, istirahət hüququndan istifadə edər.
“Xan” getdi, “canişin” gəldi. Naxçıvanlıların məcburi iməcliyi isə yenə bitmədi. Özü də şair demişkən;
“Davam edir 37,
Daha kəskin, daha ciddi”.
Naxçıvandan aldığım məlumata görə, “canişin” administrasiyası artıq bir neçə gündür ki, sadə vətəndaşları məcburi əməyə cəlb edib. Üstəlik, “xan” dövründən fərqli olaraq, indi Naxçıvan məmurları eynilə Hindistan vətəndaşları kimi müxtəlif kastlara bölünüb: Bakıdan gələnlərə və Naxçıvanda yaşayanlara. Bakıdan gələn ali kastın nümayəndələri iməcliyə qatılmazlar. Onlar uzaqbaşı Sədərəkdə əllərində üzüm tingi tutub şəkil çəkdirərlər. Və özlərini nazir-rəncbər kimi göstərərlər. Zavallı Naxçıvanda yaşayanlar isə mütləq iməcliyə getməlidirlər.
Məlumata görə, bu gün iməclik sırası Naxçıvan MR Fövqəladə Hallar Nazirliyinin imiş.
Vergilər Xidmətinin əməkdaşlarına da tapşırıblar ki, bu gündən onların da növbəsi başlayır. Xidmətin əməkdaşları şöbə-şöbə müəyyənləşdirilmiş ərazilərə gedəcək və oraları suvaracaqlar.
Miqrasiya Xidmətinin növbəsi hələ gəlməyib. Görünür, Vasif Talıbovun böyük oğlu Rzanın üzü suyu hörmətinə, onun kurasiyasında olan bu xidməti mövsüm bitənə saxlayırlar. O vaxta qədər mümkündür ki, iməcliyə ehtiyac qalmasın.
Prokurorluq orqanları da hələ ki iməclikdən yayınan zümrələrdəndir. Necə olsa, onlar dövlətin ittihamçılarıdırlar axı. İməclikdə istiyə düşərlər, fransızı rusdan ayıra bilməzlər, strateji müttəfiqlərimizə ayıb olar.
Amma dövlət hakimiyyətinin 3 qolundan biri sayılan Məhkəmə sistemi Naxçıvanda aşağı kastın nümayəndələri sayıldığından hakimlər nəyi var, iməcliklə sınağa çəkiliblər və s.
Ən maraqlısı isə odur ki, Naxçıvanda İməclik nazirliyi kimi tanınan Ekologiya və Təbii Sərvətlər Nazirliyi Vergilər Xidməti, Məhkəmə sistemi və s. kimi aşağı kastın nümayəndələrinə barmaq silkələyiblər. İsmarış göndərib ki, gəlib sahələrdə monitorinq aparacaqlar. Kim pis işləsə, özündən küssün.
Heydər Oğuz
TEREF

Ağstafa rayon Dağ Kəsəmən kəndinin bələdiyyə sədri işdən azad olunduqdan sonra sözügedən post Solmaz Nağıyevaya həvalə olunub.

32gun.az-a daxil olan məlumata görə, bununla da Ağstafa rayon Mərkəzləşdirilmiş Kitabxana Sisteminin (MKS) direktoru Solmaz Nağıyeva hazırda iki məsul işi icra etməkdədir.

Ağstafa rayon Dağ Kəsəmən kəndində bələdiyyə sədri vəzifəsi və eyni zamanda da Mərkəzləşmiş kitabxana sisteminin direktoru vəzifəsini icra edir.

Maraqlıdır ki, Dağ Kəsəmən kənd bələdiyyə sədri müəyyən ittihamlarla öz vəzifəsindən uzaqlaşdırılandan sonra həmin vəzifəyə rayonda deyəsən alternativ tapılmayıb.

Diqüət çəkən məqam isə sabiq bələdiyyə sədrinilə Solmaz xanımın qohumluq əlaqələrinin olmasıdır.

Redaksiyamıza daxil olan məlumatda iddia olunur ki, kənd sakinləri Solmaz Nağıyevadan arayış almaq üçün onu ya Ağstafa MKS-də ya da ki, Regional idarədə axtarmalı olurlar. Saatlarla qapı qarşıdında növbə gözləməli olurlar.

Ağsatafa sakinləri iş tapmaqda çətinlik çəkir, Solmaz Nağıyeva isə 2 işi eyni zamanda icra edir.

Əlavə olaraq saytımıza verilən məlumatda iddia olunur ki, Solmaz Nağıyeva qızı Fəridə Xudiyevanı Qazax Mərkəzləşmiş Kitabxana Sisteminə direktor vəzifəsinə təyin etdirib. Eyni işi ana Ağstafada qızı isə Qazaxda icra edir.
Yəqin buna mədəniyyət dilində "ailə ansamblı" deyilir. Axı onlar mədəniyyət sahəsində çalışır.

Görəsən bütün bunlardan Qazax-Tovuz Regional Mədəniyyət İdarəsinin yeni rəisi Nail Məmmədov xəbərdardırmı?
Belə anlaşılır ki, Solmaz Nağıyevanın əsas işi bələdiyyə sədri kimi arayış verib, torpaq satmaq, daha sonra MKS-nin işini görməkdir. Belə anlamaq olar ki, kitabxanada da nə iş Sakinlər tərəfindən qapısı açıla bilməyən Ağstafa Rayon MKS-də direktora da ehtiyac yoxdur.
Xatırladaq ki, Qazax rayon icra başçısının birinci müavini Məmməd Alıyevin öz doğma bacısı oğlu Kamil Eyyubovun iki vəzifədə işləməsi barədə xəbər vermişdik.

Bakıda səki qanunsuz olaraq zəbt olunub.

TEREF bildirir ki, bu barədə Baku.ws-in “qaynar xətti”nə məlumat daxil olub.

Söhbət Xətai rayonu, Afiyəddin Cəlilov küçəsi, 80 ünvanındakı səkisindən gedir.

Görüntüdən məlum olur ki, ərazi qanunsuz olaraq özəlləşdirilib və piyadaların keçidinə maneə yaradılıb.

Məsələ ilə bağlı Dövlət Şəhərsalma və Arxitektura Komitəsinin yanında Bakı Şəhər Memarlıq və Şəhərsalma Baş İdarəsindən sorğuya cavab olaraq bildirilib ki, komitə yanında Bakı Şəhər Memarlıq və Şəhərsalma Baş İdarəsinin əməkdaşları tərəfindən şəhərsalma nəzarəti qaydasında monitorinq keçirilib və sözügedən ünvanda səkinin parklanma yeri üçün qanunsuz olaraq zəbt edilməsi faktı aşkarlanıb.

Qeyd edilib ki, fakt üzrə müvafiq qaydada akt tərtib edilərək ərazinin saxlanılması, qısa zamanda lazımi tədbirlərin həyata keçirilməsi üçün aidiyyəti üzrə Bakı Şəhər İcra Hakimiyyəti və yerli icra hakimiyyəti orqanına məlumat verilib.

Göyçay rayonu 1-ci Ərəbcəbirli kənd sakini birinci qrup hərbi əlil, ictimai fəal Məhəmmədəli Səmədov tərəfindən

ŞİKAYƏT

Bildirmək istəyirəm ki, Göyçay Rayon İcra Hakimiyyəti yanında Şəhər Təsərrüfatı Birliyi həm millətə, həm də dövlətə zərər vurur. Belə ki, rayonun Qarabaqqal kənd ərazisində böyük zibil poliqonu mövcuddur. 11 fevral 2024-cü il tarixdə sözü gedən poliqonu sosial şəbəkələrdə içtimailəşdirdim. Bundan sonra Ekologiya və Təbii Sərvətlər Nazirliyi 8 saylı Ekologiya və Təbii Sərvətlər İdarəsi tərəfindən mənimlə əlaqə saxlanıldı. İdarənin əməkdaşı Rübail Allahverdiyev "Şəhər Təsərrüfatı Birliyi"nin sədri Murtuz Salahovun və mənim iştirakımla poliqona yerində baxış keçirdi. Şikayətimdə qeyd etdiyim nöqsanlar aşkarlandı. 8 saylı Ekologiya və Təbii Sərvətlər İdarəsi poliqonda qalaqlanmanın qarşısının alınması üçün 15.02.2024-cü il tarixdə Göyçay "Şəhər Təsərrüfatı Birliyi"nə "Məcburi Göstəriş" verdi. Lakin, Rübail Allahverdiyev məsələyə soyuq yanaşırdı. Aprel ayının 1-də onunla əlaqə saxladım və o, mənim iştirakım olmadan Murtuz Salahovla birlikdə poliqon ərazisində baxış keçirmiş, beləliklə onlar müəyyən razılığa gələrək Göyçay Rayon İcra Hakimiyyəti yanında Şəhər Təsərrüfatı Birliyinə qanuna müvafiq cərimə tətbiq edilməsindən imtina edilmişdir.
Həmçinin, bildirmək istəyirəm ki, Göyçay Rayon İcra Hakimiyyəti yanında "Şəhər Təsərrüfatı Birliyi"nin 24165, 74 (iyirmi dörd min yüz altmış beş min manat yetmiş dörd qəpik) manat vergi borcu var. Ancaq idarə vergi borcunu ödəmək istəmir. Bu məsuliyyətsizlik və qanunsuzluqdur. Azərbaycan Respublikası Cinayət Məcəlləsinin 213.1-ci maddəsinə əsasən xeyli miqdarda vergiləri və ya məcburi dövlət sosial sığorta haqlarını ödəməkdən yayınma üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə min manatdan iki min manatadək miqdarda cərimə və ya iki ilədək müddətə islah işləri və ya üç ilədək müddətə azadlıqdan məhrum etmə ilə cəzalandırılır. Bu maddədə ≪xeyli miqdar≫ dedikdə, iki min manatdan əlli min manatadək olan məbləğ, ≪külli miqdar≫ dedikdə isə, əlli min manatdan yuxarı olan məbləğ başa düşülür. Vergi dövlətin güc mənbəyidir. Göyçay Rayon İcra Hakimiyyəti yanında "Şəhər Təsərrüfatı Birliyi"nin müdiri Murtuz Salahov məsuliyyətli olub dövlətə olan vergi borcunu ödəməlidir. Əks təqdirdə qanuni qaydada cinayət məsuliyyətinə cəlb edilməlidir.
Azərbaycan Respublikasının Konstitusiyasının 25-ci maddəsinə əsasən, hamı qanun və məhkəmə qarşısında bərabərdir. Həmçinin həmin Qanunun 73-cü maddəsində "Qanunla müəyyən edilmiş vergiləri və başqa dövlət ödənişlərini tam həcmdə və vaxtında ödəmək hər bir kəsin borcudur." - qeyd olunmuşdur.
Mən mətbuat vasitəsilə Azərbaycan Respublikasının Prezidenti cənab İlham Əliyevdən çox xahiş edirəm, şikayətimdə göstərdiyim zibil poliqonunun təcili şəkildə təmizlənməsi, vəzifə səlahiyyətlərindən sui-istifadə edən 8 saylı Ekologiya və Təbii Sərvətlər İdarəsinin əməkdaşı Rübail Allahverdiyevin cəzalandırılması, Göyçay Rayon İcra Hakimiyyəti yanında Şəhər Təsərrüfatı Birliyinin dövlətə olan 24000 (iyirmi dörd min) manat vergi borcunun ödənilməsi və 10 hektardan daha artıq ərazinin çirkləndirilməsi səbəbilə onlara cərimə tətbiq olunması üçün aidiyyəti qurumlara tapşırıq verəsiniz. Ümidvarıq ki, bu il ölkəmizin ev sahibliyi etdiyi 29-cu "Tərəflərin Konfransı (COP)" noyabrın 11-dən 24-dək Bakıda keçiriləcək böyük tədbir zamanı Göyçaydakı bəzi vəzifəli şəxslərin ücbatından Respublikamız biabırçılıqla üzləşməyəcək.