“Hüquq mühafizə orqanları cinayətin qarşısını almaqdansa, cinayətə yol açırlar” - ŞİKAYƏT
Gəncə şəhəri, D.Bünyadzadə küçəsi 106 ünvanında yaşayan Hüseynova Esmira Əli qızı tərəfindən “Hürriyyət” qəzetinin redaksiyasına şikayət məktubu daxil olub. Şikayətçi qəzetimiz vasitəsilə Daxili İşlər naziri Vilayət Eyvazova, Baş prokuror Kamran Əliyevə və Ali Məhkəmənin sədri İnam Kərimova müraciət edir:

“Hörmətli cənablar!

Bildirirəm ki, 07.07.2013-cü il tarixdə qardaşım Hüseynov İsmayıl həyat yoldaşı Hüseynova Nahidə ilə birgə əşyalarını bizim həyətə yığdılar. Atamın razılığı olmadan, həyətdə olan 1 otağımızı uçurub, yerində barı hördülər. Bununla da hər gün evdə söz-söhbət başladı. Üstəlik, qardaşım Nahidəni dəfələrlə bəzi adamlarla tutub, gətirib evdə döyürdü. Atam da belə şeyləri qəbul etmir, onların evdən getmələrini tələb edirdi. Bu zaman isə İsmayıl atama qarşı sərt rəftar edir, onu söyürdü. Həmçinin, Nahidə də əxlaqsız hərəkətlər, söyüş söyür, atamı vururdu.

Atam bütün bunlarla bağlı məhkəməyə müraciət etdi. 07.03.2016-cı ildə məhkəmə onların fərdi yaşayış evindən çıxarılması haqda qərar verdi. İsmayıl qərardan apellyasiya şikayəti verdi. 13.01.2016-cı il tarixdə hakim İsfəndiyar Şəfiyev onlara yaşamaq hüququ verdi.

Məhkəmə qərarı əvvəlcədən hazırlanmışdı. Şahidlərin hamısı onların yaxınları idi. Bizim şahidlər isə dindirilmədi.

Atam İsmayılın evdən çıxarılması ilə əlaqədar Ali Məhkəməyə şikayət verdi. 28.12.2016-cı il tarixdə məhkəməyə gedəndə İsmayıl dedi ki, xərc çəkib getməyin, onsuz da mənim xeyrimə qərar veriləcək. Elə də oldu, hakim Ələsgər Əliyev atamın iddiasını rədd etdi. Məhkəmədən bir həftə qabaq İsmayıl Bakıya hakimi görmək üçün getmişdi, gələndən deyirdi işi həll etdim.

Hakimlərin haqsızlığı ucbatından əziyyət çəkən atam yenidən məhkəməyə “Ləyaqətsiz vərəsə” iddia ərizəsi verdi. 03.08.2016-cı ildə hakim Mahir Niftəliyev iddianı rədd etdi. Bundan sonra atam Apellyasiya şikayəti verdi. Hakim Fikrət Mehdiyev 16.12.2016-cı il, saat 15:00-da məhkəmə baxışı olmalı idi. Gözlədik, hakim gəlmədi. 18:15-də hakimin köməkçisi zəng vurdu ki, məhkəməyə gəlin. Yenidən məhkəmə getdik və zalının qapısının ağzındaca iddiamızın rədd edilməsi haqda qərar verildi. Qərarı bizə vermədilər ki, vaxt keçsin, Ali Məhkəməyə müraciət edə bilməyək.

Nəhayət, Ali Məhkəməyə müraciət etdik. Aylar keçdi, məhkəmədən xəbər çıxmadı. Sonradan məlum oldu ki, hakim Vafəddin İbayev iddiaçının xəbəri olmadan qərar verib.

28.01.2017-ci ildə atam rəhmətə getdi. Həmin gün Nahidə atamı yenə döymüşdü. Ortaya vərəsəlik söhbəti çıxanda, əsəbləşdilər və mənim üstümə hücum çəkdilər ki, səni də atanın arxasınca göndərəcəyik.

İsmayıl evə Əmlak Komitəsindan nümayəndə gətirdi ki, özü üçün sənəd çıxarsın. Mən razılıq vermədim ki, notarius pay ayırıb və möhürü ilə təsdiq edib. Bu zaman İsmayıl təhqiqatçıya zəng vurdu ki, dünən rəisinizin yanında söbət etdik, indi ölçü götürülməsinə mane olur. Biraz keçmişdi ki, polis gəldi, mənə təzyiq göstərmək istədi. Mən, “DİN-ə zəng vuracam, polis rəisi nə vaxtdan ev bölür?”, - dedim.

Atam mənə vaxtilə vərəsəlik vermişdi. Qardaş və bacım da öz paylarını mənə vermişdilər, 7/8 pay mənə, 1 pay da qardaşım İsmayıla ayrılmışdı. Evə ekspert gətirdilər. 24.07.2018-ci il tarixdə məhkəmə oldu və ekspertin “ev bölünmür” rəyi təsdiq olundu. 06.09.2018-ci il tarixində mənim xəbərim olmadan Nahidə evə qeydiyyata düşüb.

Evdə hər gün dava düşürdü, elə gün olurdu ki, 2 dəfə polis gəlirdi. Nahidə sayğacdan qazı kəsir, sonra açırdı ki, nəticədə 6 nəfər evdə zəhərlənə bilərdi. Bir sözlə, yaşamağa imkan vermirdilər. Evin pəncərələrini daşla qırırlardılar. Dəfələrlə başımdan xəsarətlər almışam. 10 ildən artıqdır ki, hər gün polisə şikayət edrik.

Yaşamaq mümkün olmadığından, İsmayıla kompensasiya verib ayırmaq məqsədilə məhkəməyə iddia ərizəsi verdim. 13.03.2020-il tarixdə məhkəmə oldu. Hakim Zaur Hümbətov evə baxış keçirdi və gedəndən 20 dəqiqəq sonra keçmiş köməkçisi Ayaz zəng vurdu ki, məhkəməyə gəl. Məhkəmə başlayana kimi Ayaz İsmayıl və Nahidəni zala saldı, mənə dedi ki, gözlə. Nəhayət, hakim iddiamı rədd etdi, İsmayıl ilə birlikdə yaşamaq hüququ verdi.

Məhkəmədən sonra Ayaz İsmayılla birgə zaldan çıxdı. Belə hərəkətlər məhkəməyə müdaxiləni təsdiq edir. Mən şikayət edəcəyimi deyəndə Ayaz mənə bildiridi ki, səndən Prokurorluğa şikayət edib, cəza verdirərəm.

03.06.2021-ci il tarixdə apellyasiya şikayəti verdim. Hakim Rəşad Məmmədov dedi ki, ev hərraca çıxarılmalı, pulu bölünməlidir, çünki yola getmirsiniz.

01.03.2024-cü il tarixdə “evə köçrülmə və yerin təyini” haqda Apellyasiya Məhkəməsi oldu. Hakim Fikrət Mehdiyevdən etiraz etdim, buna baxmayaraq məhkəmə davam etdi.

Apellyasiya Məhkəməsindən sonra həyət qapısının ağzında Nahidə taxta ilə üstümə hücum çəkdi. Evə qaçdım, İsmayıl və Nahidə evə girərək məni döydülər. İsmayıl əlindəki biçaqla başımdan xəsarət yetirdi, “çıx evdən, məhkəmə məni evə köçürüb, çıxmasan atanın arxasınca səni də göndərəcəm”, - dedi. Polis gəldi, evdə divarda qan izləri var idi.Lakin polis cinayət işi yoxdur deyib getdi. Gərək mən ölüm, sora cinayət olsun?!

Mən evin hərraca çıxarılması ilə bağlı Gəncə Şəhər Məhkəməsinə iddia ərizəsi verdim. Lakin bu dəfə də qəbul edilmədi. Başa düşə bilmirəm, mənə 7/8 pay düşməsinə baxmayaraq, nə payımdan istifadə edə, nə də evi sata bilmirəm. Belə vərəsəlik qanununu kimə lazımdı?! Huquq mühafizə orqanları da hər şeyi bilir, nəyinsə xətrinə susur, göz yumurlar. Yəqin cinayət olacağını gözləyirlər.

Başda hakimlər olmaqla, hüquq mühafizə orqanlarının qanunsuzluğa imza atmaları məni artıq usandırıb. Bu qurumlar cinayətin qarşısını almaqdansa, cinayətə yol açırlar”.

Jalə FAMİLQIZI

Redaksiyadan: Yazıda adlarıq qeyd olunan şəxslərin və qurumların mövqeyini dərc etməyə hazırıq.

“Ziyəddinoğlu” MMC məhkəmə qərarını icra etmir – əziyyət çəkən isə əlil və qazidir
Ölkə Prezidenti, Silahlı Qüvvələrin Ali Baş Komandanı cənab İlham Əliyev müharibə veteranlarına qayğının olmasını nəinki dövlət qurumlarından, o, cümlədən özəl sektordan da, həmişə tələb edib. Təsadüfi deyil ki, cənab Prezident çıxışlarının birində bu məsələ ilə bağlı kifayət qədər aydın tələblərini diqqətə çatdırıb. “Dövlət və özəl qurumlar müharibə veteranlarına çox böyük diqqət və qayğı göstərməlidir. Onları incitməməlidirlər. Aidiyyatı qurumlara göstəriş verirəm. Həm dövlət, həm də özəl təşkilatlar onların sosial problemlərinin həlli istiqamətində çalışın, onlara qarşı ədalətsizlik qətiyyən qadağandır. Bu dövlət siyasətidir, mənim tələbimdir”. Göründüyü kimi cənab Prezident vətən uğrunda fədakarlıq göstərmiş hər bir şəxsə xüsusi önəm verir. Lakin təəssüflə qeyd edək ki, bəzi qurumlar, əsasən də, özəl sektorda cənab Prezidentin bu tələbinə əməl olunmur.
Conflict.az-a müraciət edən İbrahimov Xaliq Həsən oğlu bildirdi ki, 12.04.2017-ci il tarixində 41 №-li müqaviləyə əsasən “Ziyəddinoğlu” MMC adından Sultanzadə Orxan Kamal oğlu ilə Bakı şəhəri N.Rəfiyev küçəsi ev 29 ünvanında yerləşən 2 mərtəbəli 54 mənzilli yaşayış binasının söküntüsünü, bu sahədə yeni yaşayış tikintisini həyata keçirərərk, həmin binada mülkiyyəçinin mülkiyyətində olan 2 ədəd 73 kv.m. olan 2 otaqlı, tam təmirli, cəmi 146 kv.m. olmaqla və qarajı ilə mülkiyyətçinin mülkiyyətinə verməyi öhdəsinə götürüb. “Ziyyəddinoğlu“ MMC eyni zamanda müvəqqəti yaşayış məqsədilə mənzil üçün aylıq 400 azn olmaqla, 24 ay, 9600 manat ödəməyi də, öz öhdəlikolaraq qəbul edib. Müqavilədə o, da qeyd edilib ki, tikinti işləri müqavilə müddəti başa çatdırılmadığı təqdirdə müqvilənin 2.1.2-ci bəndində nəzərdə tutulmuş ödənişin müddətini mənzil təhvil verilən vaxta qədər uzadılmasını təmin etməyi MMC öhdənisə götürüb. Şikayətçinin bildirdiyinə görə MMC bu günə qədər öz öhdəliyinə yerinə yetirməməkdə israr edir. Belə olan təqdirdə İbrahimov Xaliq Həsən oğlu Xətai rayon məhkəməsinə MMC-nin öhdliyinin yerinə yetirməməsindən Xətai rayon Məhkəməsinə iddia ərizəsi ilə müraciət eedib. 19 yanvar 2023-cü il tarixli 2(011)-5954/2022 №-li iş üzrə məhkəmə araşdırmasından sonra hakim Pərviz Zamanlının sədrliyi ilə keçirilən məhkəmə iclasında hakimin çıxardığı qətnaməyə əsasən Bakı şəhəri Xətai rayonu, N.Rəfiyev küçəsi, ev 29 ünvanında inşa edilmiş yaşayış binasında hər biri 73 kv.m-dən ibarət, 2 ədəd, 2 otaqlı, cəmi 146 kv.m-dən ibarət tam təmirli mənzillər və qaraj “Ziyəddinoğlu” MMC-dən alınaraq İbarihimov Xalq Həsən oğluna verilməsi ilə bağlı Qətnamə çıxarılmışdır. Onu da qeyd edək ki, MMC-nin yaşayış binasənda müqavilədə göstərilən ölçüdə mənzillərin və qarajın olmamsı ilə bağlı iddiası məhkəmə araşdırması zamanı təsdiqini tapmammışdır. Məhkəmə araşdırması zamanı müəyyən edilmişdir ki, müasir tələblərə cavab verən yeni çoxmərtəbəli (20 mərtəbəli) yaşayış binasının 4,5,6,7,8,9,13,14,və 15-ci mərtəbələrində həmin ölçüdə mənzillər layihələndirilmişdir. Bundan başqa hakim Pərviz Zamanlılnın sədrliyi ilə keçirilən məhkəmə iclasında hakimin çıxardığı qətnaməyə əsasən 2021-2022-ci illər üçün 9600 manat kirayə haqqının və Bakı şəhəri, Xətai rayonu, N.Rəfiyev küçəsi, ev 29 ünvanında inşa edilmiş yaşayış binasında hər biri 73 kv.m-dən ibarət, 2 ədəd, 2 otaqlı, cəmin 146 kv.m-dən ibarət tam təmirli mənzillər İbarihov Xaliq Həsən oğluna təhvil verilənədək hər ay 400 manat kirayə haqqı “Ziyəddinoğlu” MMC-dən alınaraq İbarimov Xaliq Həsən oğluna ödənilməlidir.
“Qətnamə rəsmi qaydada verildiyi gündən 1 ay müddətində Bakı şəhəri Xətai Rayon Məhkəməsinin vasitəsi ilə Bakı Apelliyasiya Məhkəməsinin mülki kollegiyasına apellyasiya şikayəti verilə bilər”.
“Ziyəddinoğlu” MMC özünün müqavilə öhdəliyini yerinə yetirməməsinə rəğmən Bakı Apelliyasiya Məhkəməsinə Xətai Rayon məhkəməsinin çıxardığı Qətnamənin ləğv olunması ilə bağlı iddia ərizəsi ilə müraciət etmişdir. Beləliklə Bakı Apelliyasiya Məhkəməsinin 5 may 2023-cü il tarixli 2(103)-3067/2023 qətnaməsi ilə Xətai rayon Məhkəməsinin 2(011)-5954/2022 saylı iş üzrə 23 dekabr 202-ci il tarixli qətnaməsi mübahisələndirilən hissələrdə dəyişdirilmədən saxlanılmışdır. Lakin MMC hər iki Məhkəmə instansiyasının qərarını hələ də icra etməməkdə israrlıdır. Onu da qeyd edək ki, Bakı şəhər Xətai rayon İcra şöbəsinin rəis müavini, kiçik ədliyyə müşaviri Vüqar Hüseynovun imzası ilə 24.04.2024-cü iltarixli 17/74 №200276/2023-23 nömrəli məktubla 07.05.2024-cü il tarixində saat 11.00-da qeyd olunan icra sənədinin vaxtı təyin edilmişdir. Xətai RPİ-dən ərazi üzrə sahə müvəkkilinin, rayon MKTB-nin səlahiyyətli nümayəndəsinin iştirakının təmin olunması həmin məktubda xahiş edilsə də, məhkəmə qərarı yenə də “Ziyəddinoğlu” MMC tərəfindən icra olunmayıb.
Onu da qeyd edək ki, İbarimov Xaliq Həsən oğlu I Qarabağ müharibəsi veteranı, II qrup əlildir.
-İllərdir ki, öz halal mülkümü almaq üçün mübarizə aparıram. Artıq səhhətim də, imkan vermir ki, bu işin ədalətlə başa çatması üçün mübarizəmi davam etdirim. Mətbuat vasitəsilə cənab Prezidentdən xahiş edirəm Sizin və Azərbaycan Məhkəmələrini qərarlarına hörmət etməyənlərin cəzasının qanunla verilməsi üçün aidiyyatı strukturlara göstəriş verin. Mən bu vətən üçün sağlamlığımdan keçmişəm. Lakin rahat kabinetlərdən kənara çıxmayanların hərəkətlərinə artıq dözə bilmirəm.

Məlumatda adı çəkilən qurum v ya şəxslərin də, cavab haqlarını tanıyırıq, dərc etməyə hazırıq.

Çiyələk bu il çox tez ucuzlaşıb. Mövsümün əvvəlindən üç manata satılan çiyələyin qiyməti iki həftə keçməmiş bir manata düşüb. Cəlilabadda çiyələyin qiyməti dörd dəfə ucuzlaşıb. Fermerlər deyirlər ki, hazırda toplanan məhsul çeşidinə görə xarici bazara bir manat, daxili bazar üçün isə 80 qəpiyə satılır. Lakin qazanc əldə etmək üçün çiyələyin hər kiloqramını azı iki manata satmalıdırlar. Bu ucuzlaşma fonunda məhsuldarlıq hansı səviyyədədir? Gələcəkdə çiyələyin qiymətində artım baş verə bilərmi?

“Kaspi” qəzetinin mövzu ilə bağlı məqaləsini təqdim edirik:

“Satışımız çox zəifdir”

Fermer Rafət Abbasovun sözlərinə görə, bu il hava şəraiti daha mülayim olduğu üçün məhsul həddindən artıq boldur: “Son 2-3 ildir ki, məhsul cəhətdən heç bir problem yaşamırıq. Bu da istilərin daha tez düşməsi ilə bağlıdır. Ancaq bazar qiymətləri bizi qane etmir. Daxili bazarımıza məhsulu göndəririk, 70 qəpikdən alırlar. Bu, heç sahədə işləyən fəhlənin pulu deyil. İstər daxili, istərsə də xarici bazarda satışımız çox zəifdir. Əvvəl çiyələk az əkilirdi. Daxili bazarda satış normal idi. İndi isə kütləvi hal alıb. Havaların dəyişməsinin təsiri də yoxdur. Çünki çiyələk istixanada yetişdirilir, yağış tutmur. Açıq sahələrdə qaldıqda isə ziyan dəyir. Çiyələk tez xarab olan giləmeyvədir, tağında qaldıqda çürüyür. Yağışlı havalarda məhsulun 80 faizi atılır, satışa çıxarılmır”.

Hər gün bir ton çiyələk toplanır

R.Abbasov qeyd etdi ki, məhsulu xarici bazara çıxarmaq üçün bol əkirlər, daxili bazarın bu qədər məhsula ehtiyacı yoxdur: “Bir də işçi çatışmazlığımız mövcuddur. Gömrük rüsumları aradan qalxıb. Sadəcə, xarici bazarda da alıcı yoxdur. Bu səbəbdən vəziyyətimiz ağırdır. Bir hektar çiyələk sahəsindən gün ərzində minimum bir tona yaxın çiyələk toplanır. Rayonlarımızda 1000 hektara yaxın çiyələk sahələri var. Bu qədər məhsulu daxili bazara çıxarmaq mümkün deyil. Hazırda may ayıdır. Bu ayda çiyələyi sadəcə yemək üçün bir-iki kiloqram alırlar. Amma iyun-iyul aylarında mürəbbə və cem bişirmək üçün daha çox alırlar. Həmin vaxt məhsul satılsa da, qiymət yenə də ucuz olur”.

30 kiloqram da satılmır

Fermer bildirdi ki, Rusiyada alıcılıq qüvvəsi zəiflədiyi üçün ödənişlər də ləngiyir: “Son 3-4 ildə əsasən Rusiya, Qazaxıstan bazarlarına satış həyata keçirirdik. İndi isə Rusiya bazarında çiyələk satışı həddindən artıq zəifdir. Göndərilən çiyələklərin ödənişi hələ gəlib çıxmayıb. Bu il çiyələkdən fayda götürən olmayacaq. Çox adam ziyanla çıxacaq. Çünki çiyələk əsasən bu vaxtlar baha satılırdı. Keçən il Rusiya bazarına 3-3,5 manatdan göndərirdik, bu il isə 90 qəpik-1 manatdır. Bu, məhsulun maya dəyəri də etmir. Moskva bazarlarında əvvəllər gündə üç ton çiyələk satılırdı. İndi isə heç 30 kiloqram da satılmır”.
Atılan məhsulun miqdarı artır

İqtisadçı Pərviz Heydərovun sözlərinə görə, hər il fermerlərin məhsulunun bir hissəsi məhv olur: “Rusiya-Ukrayna müharibəsi başladıqdan sonra kənd təsərrüfatı məhsullarımızın Rusiya bazarlarına çıxış imkanları əvvəlki kimi deyil. Bunu bir ildən çoxdur görürük. Belə vəziyyətdə fermer ya digər bazarlara çıxış üçün yol tapmalıdır, ya daxili bazarda maya dəyərindən aşağı qiymətə satmalıdır. Ən pis halda isə məhsulunun məhv olmasını seyr etməlidir. Statistika da məhsulun məhv olub atılmasının ildən-ilə artdığını göstərir”.

Alternativ bazarlar tapılmalıdır

P.Heydərov bildirdi ki, alternativ bazarlar taparaq fermerlərimizi çətinlikdən xilas edə bilərik: “Bu cür vəziyyətin əsas səbəbi bir bazardan asılı olmağımızdır. Vaxtında alternativ bazarlar axtarıb tapmalı idik. Türkiyə, Yaxın Şərq, ərəb ölkələrini düşünmək olardı. Onlar bu məhsulların satışı üçün gəlirlilik baxımından daha uyğun hesab olunur. Amma indi də yeni bazarlar axtarmaq gec deyil”.

Daxili bazarımız idxaldan asılı olacaq

İqtisadçının fikrincə, qarşıdakı günlərdə çiyələyin qiymətinin ucuzlaşması davam edəcək. Amma bu, fermerlər, ən sonda isə ölkəmiz üçün müsbət nəticələnməyəcək: “Belə davam edərsə, fermerlər növbəti illərdə bu məhsulun istehsalı ilə məşğul olmaq istəməyəcəklər. Çünki daxili bazarda satmaqla heç bir gəlir əldə etmirlər. Nəticədə daxili bazarımız idxaldan asılı olacaq. Bu zaman da hibrid, qatqılı məhsullardan asılı hala düşəcəyik. Qiymət tələb və təklif əsasında formalaşır. Əgər tələb indiki səviyyədə qalmağa davam edərsə, qiymətlər elə bu səviyyədə qalacaq”.

Azərbaycan Avtomobil Yolları Dövlət Agentliyinin (Azəravtoyol) 13 saylı Xüsusi Təyinatlı Yol İstismar İdarəsinin rəisinin ölkədən çıxışına məhdudiyyət qoyula bilər.
Buna səbəb idarənin İqtisadiyyat Nazirliyi yanında Dövlət Vergi Xidmətinin Milli Gəlirlər Baş İdarəsinə 5092012.36 manat vergi borcunun olmasıdır.

DVX tərəfindən idarənin direktoru, qanuni təmsilçisi Pərviz Bəhramov Fərman oğlu barəsində məhkəməyə müraciət edilib.

Məhkəmədə idarə barəsində “Vergilərin, Rüsumlarin Ödənilməsi, Maliyyə Və Siğorta Qaydalari Əleyhinə Olan Inzibati Xətalar - 469.3 maddəsi” ilə iddia qaldırılıb.

İşə 21.05.2024-cü il tarixində Bakı Şəhəri Binəqədi Rayon Məhkəməsinin hakimi Elçin Ağayevin sədrliyi ilə baxılacaq.

Ehtimal edilir ki, vergilər xidməti tərəfindən "13 №Li Xüsusi Təyinnatlı Yol İstismarı" Məhdud Məsuliyyətli Cəmiyyətinə yoxlama aparılıb. Yoxlama nəticəsində 5 milyondan çox vergidən yayınma halı aşkarlanıb.

Qeyd edək ki, Pərviz Bəhrəmov 2019-cu ildə Azərbaycan Avtomobil Yolları Dövlət Agentliyinin idarə heyətinin sədri Saleh Məmmədovun əmri ilə sözügedən idarəyə rəis təyin edilib.

Əmək və əhalinin sosial müdafiəsi naziri Sahil Babayevin bu gün Fəxri Xiyabanı ziyarəti zamanı geyimi diqqət çəkib.

TEREF Demokrat.az-a istinadən xəbər verir ki, bu gün müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın Ümummilli Lideri Heydər Əliyevin anadan olmasının 101 illiyidir. Bu münasibətlə Azərbaycanın hökumət və dövlət rəsmiləri, millət vəkilləri və ictimaiyyət nümayəndələri Ümummilli Lider Heydər Əliyevin məzarını ziyarət edib, məzarı önünə gül dəstələri qoyublar.

Ziyarətçilər sırasında yer alan əmək və əhalinin sosial müdafiəsi naziri Sahil Babayev tədbirə qalstuksuz geyimdə qatılıb. Nazirin bahalı brend olan “Stefano Ricci”dən geyimi ətrafdakı insanların da diqqətini çəkib.

“Stefano Ricci”-nin rəsmi internet saytında isə Azərbaycanlı nazirin geyindiyi “Stefano Ricci – Polo” modelinin qiyməti 1450 avro (2660 AZN) təşkil edir.

Qeyd edək ki, Bakıda ən bahalı geyim mağazalarından hesab olunan “Stefano Ricci”dən geyinən məmurlar arasında Sahil Babayev tək deyil. Buna qədər də Diasporla İş üzrə Dövlət Komitəsinin sabiq sədri Nazim İbrahimov və məşhur iş adamı olan qardaşı hacı İbrahim Nehrəmli sözügedən brendə müraciət ediblər.