Neçə müddətdir Bakıdakı “İstanbul NS” klinikasında Şükürov Böyükağa Böyükkişi oğlunun müəmmalı şəkildə ölməsi faktının Nərimanov prokurorluğunda lazımınca araşdırılmaması ilə bağlı mətbuatda, sosial şəbəkələrdə yazılar, məlumatlar yayılır. Mərhumun qardaşı Qabil Şükürov Azərbaycan Respublikasının Baş Prokuroru Kamran Əliyevlə, Bakı Şəhər Prokuroru Elşən Abbasovla, Nərimanov Rayon Prokuroru Hidayət Nurəlibəyovla görüşüb. Amma hələ ki, konkret nəticə yoxdur – hələ də cinayət işi başlamayıb. Ona görə də Q.Şükürov Azərbaycan Respublikası Prezidenti cənab İlham Əliyevə müraciət edib. Müraciətdə deyilir:

“Hörmətli, cənab Prezident!

Çox böyük ümidlə Sizə müraciət edirəm! Ümummilli liderimiz Heydər Əliyevin başlatdığı müstəqilliyimizin qorunub saxlanması, möhkəmləndirilməsi istiqamətində dövlət quruculuğu işini Siz layiqli və yüksək səviyyədə davam etdirirsiniz. Sizin rəhbərliyinizlə 2020-ci ilin sentyabrın 27-də başlayan və 44 günə qələbəylə başa çatan Vətən Müharibəsi, 2023-cü ilin sentyabrında bir günlük anti-terror əməliyyatı bütün xalqımızın, dünya azərbaycanlının gözləri önündə baş verdi. Siz və ordumuz bununla bütün Azərbaycana elə bir sevinc bəxş etdiniz ki, sözlə ifadə etməkdə insan çətinlik çəkir. Allah bütün Şəhidlərimizə rəhmət eləsin, Qazilərimizə və Sizə can sağlığı versin. Yeri gəlmişkən, qeyd edim ki, mən özüm də birinci Qarabağ müharibəsinin iştirakçısıyam. İkinci Qarabağ müharibəsində isə 43 gün ön cəbhədə əsgərlərimizin yanında oldum. Əlimdən gələn köməyi etdim. Azərbaycanımızın inkişafı üçün digər sahələrdə də gördüyünüz işlər, apardığınız islahatlar danılmazdır. Sizin tapşırığınız və nəzarətinizlə ölkəmizdə məhkəmə, prokurorluq sistemlərində, hüquq-mühafizə orqanlarında aparılan çox ciddi islahatların da şahidiyik.

Hörmətli, cənab Prezident!
Müraciətimin səbəbi qardaşım Şükürov Böyükağa Böyükkişi oğlunun “İstanbul NS” klinikasında müəmmalı şəkildə ölməsi faktının lazımınca araşdırılmamasıdır. Bildirirəm ki, bu məsələnin araşdırılması ilə bağlı istintaq orqanlarına müraciət etmişəm. Azərbaycan Respublikasının Baş Prokuroru Kamran Əliyevlə, Bakı Şəhər Prokuroru Elşən Abbasovla, Nərimanov Rayon Prokuroru Hidayət Nurəlibəyovla görüşmüşəm. Onlardan da bu işin obyektiv və təcili araşdırlmasını xahiş etmişəm. Faktla bağlı Bakı şəhəri, Nərimanov rayon prokurorluğunda araşdırma aparılır. İş üzrə iki dəfə ekspertiza təyin edilmişdir və ilkin ekspertiza Azərbaycan Respublikası Səhiyyə Nazirliyinin Ekspertiza İdarəsinə tapşırılmışdır. Lakin Səhiyyə Nazirliyinin Ekspertiza İdarəsi tərəfindən göstərilən suallar, ümumiyyətlə, cavablandırılmamış, ekspertiza tədqiqatı aparılmamış və rəydə təsviri-əsaslandırıcı tədqiqat metodları göstərilməmişdir. Bu məsələyə həmin ekspertiza müəssisəsi tərəfindən çox qeyri-obyektiv və səthi yanaşılmışdır. Məhz buna görə də ölüm səbəbinin və həkim səhlənkarlığının olub-olmamasının müəyyən olunması ilə bağlı ikinci dəfə ekspertiza təyin olunmuş və həmin ekspertiza Azərbaycan Respublikası Müdafiə Nazirliyinin “Məhkəmə-Tibbi Ekspertiza və Pataloji Anatomiya Mərkəzi”nə həvalə olunmuşdur. Həmin ekspertiza tərəfindən ekspertiza qarşısında qoyulan suallar müfəssəl şəkildə cavablandırılmış və ekspertiza rəyindən məlum olmuşdur ki, mərhum qardaşımın vəfatına səbəb məhz həkimlər tərəfindən xəstəyə dinamik nəzarətin aparılmaması və cərrahi müdaxilənin vaxtında edilməməsi olmuşdur.

Hörmətli, cənab Prezident!

Nəzərinizə çatdırmaq istəyirəm ki, fakt üzrə cinayət işi başlanılmalı olduğu halda Nərimanov Rayon Prokurorluğu tərəfindən cinayət işi başlanılmır. Bildirmək istəyirəm ki, ekspertiza rəyindən də göründüyü kimi bir sıra sualların cavablandırılması üçün ekskumasiyaya zərurət yaranmışdır. Müstəntiqin mənə verdiyi izaha əsasən cinayət işi başlanılmadığına görə ekskumasiya etmək mümkün deyil. Lakin ekskumasiyanın həyata keçirilməməsi ilə ölümün birbaşa səbəbini tapmaq mümkün olmur. Lakin həmin iş üzrə cinayət işi başlanılması müxtəlif səbəblərdən yubadılır və cinayət işi başlanmasının bu qədər yubadılması isə uzun müddət keçməsinə səbəb olur və gələcəkdə ekskumasiyanın aparılması nəticə verməyə bilər. Ona görə də hesab edirəm ki, bir sıra istintaq hərəkətləri vaxtında və operativ şəkildə aparılmalıdır. Hal-hazırda istintaq orqanı bu məsələni yubadır. Baxmayaraq ki, Müdafiə Nazirliyinin “Məhkəmə-Tibbi Ekspertiza və Pataloji Anatomiya Mərkəzi” tərəfindən ekspertiza rəyi təqdim olunmuşdur. Lakin yenidən Səhiyyə Nazirliyinin Tibb İdarəsində ekspertiza təyin olunmuşdur. İş üzrə ilkin ekspertiza rəyi də həmin idarəyə təyin olunmuş və həmin ekspertin rəyi qeyri-obyektiv olmuş, hərtərəfli və tam olmamışdır. Lakin ikinci dəfə Müdafiə Nazirliyinin “Məhkəmə-Tibbi Ekspertiza və Pataloji Anatomiya Mərkəzi” tərəfindən rəy verildikdən sonra təkrar ekspertiza tədqiqatın aparılmasının yenidən Səhiyyə Nazirliyinin Tibb İdarəsinə həvalə olunması istintaqın obyektiv və hərtərəfli operativ aparılmasına şübhə yaradır. Hesab edirəm ki, buna zərurət yoxdur və burada məqsəd işin lazımsız uzadılmasıdır. Çünki həkim səhvlərinin araşdırılmasına dair Baş Prokurorluğun istintaq orqanlarına göndərdiyi tövsiyələrdə də, açıq-aşkar qeyd olunmuşdur ki, göstərilən faktlar üzrə məhkəməyə qədər araşdırmada maraqlı ekspertiza subyektlərinin ekspertiza tədqiqatının aparılması məqsədəmüvafiq deyil. Göründüyü kimi, artıq Səhiyyə Nazirliyinin ekspertiza müəssisəsində ilkin ekspertiza tədqiqatı hərtərəfli və tam araşdırılmamışdır. Bu isə həmin ekspertiza müəssisəsinin göstərilən məsələlərin nəticəsində dolayı yolla maraqlı olduğunu göstərir. Ona görə də təkrar ekspertizanın həmin müəssisəyə tapşırılması Baş Prokurorluğun göstərilən tövsiyələrinə zidd olmaqla məsələnin hərtərəfli araşdırılmasına maneə yarada bilər.

Bildirirəm ki, hüquq-mühafizə orqanları və Nərimanov Rayon Prokurorluğu, o cümlədən də, işin istintaqını aparan müstəntiq bu məsələnin tam, sürətli və operativ və hərtərəfli həllində maraqlı deyillər. Ona görə də sizdən artıq dərəcədə xahiş edirəm ki, işin istintaqı Nərimanov Rayon Prokurorluğundan alınaraq başqa istintaq orqanına göndərilsin. Eyni zamanda, üçüncü dəfə ekspertiza tədqiqatı Səhiyyə Nazirliyinin Ekspertiza İdarəsinə həvalə olunub. Həmin idarədə ekspertizanın obyektiv aparılmasına inanmırdıq. Çünki bir dəfə bunlar başdan sovdu, 2 vərəqlik, şikayətimiz üzrə suallara cavab verməyən bir qeyri-obyektiv rəy veriblər. Ondan fərqli bir qərar da gözləmirdik. Elə də oldu. Artıq Səhiyyə Nazirliyinin ekspertiza müəssisəsindən verilən 3-cü rəydən sonra cinayət işinin açılmasını gözləyirik.

Hörmətli, cənab Prezident!

Siz bizim gözümüzdə, qəlbimizdə ədalət carçısı, haqq-ədalət müdafiəçisiniz. 2020-ci ildə 44 gündə öz ədalətinizi həm də bütün dünyaya sübut etdiniz. Çox xahiş edirəm, qardaşımın ölümü ilə bağlı cinayət işinin başlanmasında - ədalətin bərpa olunmasında bizə köməklik edəsiniz.

Allah Sizdən razı olsun!

Hörmətlə,
Şükürov Qabil Böyükkişi oğlu
09.06.2024-cü il.”

Qaziler.az

Paytaxtın Nəsimi rayonunun Ağadadaş Qurbanov, Əli bəy Hüseynzadə, Cəlil Məmmədquluzadə və Balababa Məcidov küçələrində yaşayan sakinlər ərazidə söküntü işləri aparan Mənzil Tikinti Kooperativindən şikayətçidirlər.

Sakinlərin sözlərinə görə, şirkət onlara evlərini tərk etmək üçün yetərli məbləği ödəməyib və üstəlik, söküntü işləri onlar mənzillərini tərk etmədikləri halda aparılır.

Mövzuya Mənzil Tikinti Kooperativinin müdiri Ramil Qasımov münasubət bildirib.

O, qeyd edib ki, sözügedən ünvanları əhatə edən ərazidə 150-yə yaxın fərdi yaşayış evi var ki, onların da sahibləri ilə danışıqlar aparılıb və mənzillərin 80 faizinə qədəri şirkət tərəfindən alınıb, söküntü işləri də buna əsasən aparılır.

Ətraflı Baku TV-nin süjetində:

TEREF-ın Qafqazinfo-ya istinadən məlumatına görə, Zaur Mikayılov daha bir qudasını özünə müşavir təyin edib.

Belə ki, o, qudası Şirinov Əsəd Əli oğlunu müşavir vəzifəsinə gətirib.

11:58


Azərbaycan Dövlət Su Ehtiyatları Agentliyinə yeni Aparat rəhbəri təyin edilib.

TEREF manşet.az-a istinadən xəbər verir ki, agentliyin sədri Zaur Mikayılovun müvafiq əmri ilə qurumun aparat rəhbəri vəzifəsinə Fuad Quliyev təyin edilib.

Fuad Quliyev 2021-ci ildən Azərbaycan Meliorasiya və Su Təsərrüfatı Açıq Səhmdar Cəmiyyətində sədrin müşaviri vəzifəsində çalışıb.
Qeyd edək ki, yeni təyin edilən aparat rəhbəri agentliyin sədri Zaur Mikayılovun qudasıdır.

Azərbaycanda bank sektorunda yaşanan gərgin vəziyyət artıq pik həddə çatıb. Vəziyyət belədir ki, yüksək faiz dərəcəsi ilə kredit verən banklar, onları geri almaqda ciddi problemlərlə üzləşirlər. Səbəb isə həmin faizləri müştərilərin ödəyə bilməməsidir. Tribunainfo.az xəbər verir ki, məhz bu səbəbdəndir ki, əhali ilə banklar arasında sözün həqiqi mənasında müharibə gedir. Bu “müharibə”nin təzahürləri isə məhkəmə çəkişmələri müstəvisində daha qabarıq şəkildə özünü göstərir. Məsələn, son bir ildə məhkəmə çəkişmələrində problemli bankların sayı getdikcə artır. İlk “beşlik”də isə kifayət qədər nüfuzlu bankların adı məlum olub. “UNİBANK” ASC 795 məhkəmə prosesi ilə siyahıya liderlik edir.
Onunla parallel gedən “KAPİTAL BANK” ASC isə 477 məhkəmə çəkişməsi ilə ikinci yerdə qərarlaşıb. “AZƏRBAYCAN BEYNƏLXALQ BANKI” ASC 253 məhkəmə prosesi ilə üçüncü yerdə qərarlaşıb, “ACCESSBANK” QSC isə 202 məhkəmə prosesi ilə onu izləyir. “Beşlik”I bağlayan isə “BANK OF BAKU” ASC-dir. Onların məhkəmə sayları 123-dür.
“YELO BANK” (112), “BANK RESPUBLİKA” (100), “RABİTƏBANK” (96), “EXPRESSBANK” (92), BANK VTB (AZƏRBAYCAN) (61), BANK “BTB” (58) isə ilk “onluq”un “üzvləri”dir.

Ən az məhkəmə prosesi olan bank isə “PREMİUM”dur. Onun cəmi 1 məhkəmə çəkişməsi var. Problemin kökündə təkcə, yüksək faiz dərəcəsi dayanmır. Həm də bankların kredit götürmək istəyənləri aldatmasıdır. Tribunainfo.az xəbər verir ki, “Unibank”, “Kapitalbank” və “Rabitəbank”ın əməkdaşları az qala qapı düşərək, iş adamlarına, kiçik sahibkarlara, habelə kiçik dükan sahiblərinə “güzəştli kredit” təklif edirlər. Bunun müqabilində (məbləğ 10 min manata qədər olarsa) girov istəmədiklərini bildirməklə yanaşı, yalnız biznes gəlirlərinə dair yazılı sənəd verilməsini istəyirlər. Problem bunda deyil. Problem odur ki, adlarını çəkdiyimiz bankların əməkdaşları açıq şəkildə kredit götürmək istəyənləri əvvəlcə şirnikləndirir, daha sonra isə aldatmağa nail olurlar. Məsələn, banklar “effektiv faiz dərəcəsi”ndən şirnikləndirmə vasitəsi kimi istifadə edirlər. Şəxsə bildirirlər ki, ona krediti illik 14 faizlə versələr də, “effektiv faiz dərəcəsi” 9 faiz olacaq. Guya ki, şəxs pulu vaxtından əvvəl bağlayarsa, faiz dərəcəsi də aşağı düşəcək. Halbuki vaxtından əvvəl kredit bağlansa belə, faiz dərəcəsinin aşağı düşməsi mümkün deyil. Çünki banklar verdikləri kredit üzrə faizlərini ödənişin ilk 6 ayı ərazində götürürlər. Belə ki, kredit üzrə ödəniş cədvəlinə diqqət etsəniz aydın şəkildə görəcəksiz ki, ilk 6 ayda faiz dərəcəsi əsas məbləğdən çoxdur.
Yəni vətəndaş 6 ay ərzində illik faizi ödədikdən sonra, yerdə qalan dönəmlərdə yalnız borc götürdüyü ana məbləği ödəməkdə davam edir. Diqqət etsəniz, aydın şəkildə görə bilərsiz ki, heç bir bank faiz dərəcələrini aylar üzrə bərabər bölünməsini həyata keçirmirlər. Çünki bu onlara sərf etmir. Onlar illik faizlərini bəri başdan əldə etməyi qarşılarına məqsəd qoyublar.

“Effektiv faiz dərəcəsi” oyunundan ən çox istifadə edən bank isə “Kapital Bank”, “UniBank” və “Rabitə Bank”dır. Elə bu səbəbdəndir ki, hər üç bank müştərisi ilə problem ən çox olan banklar siyahısına daxil olublar.
Bu azmış kimi, banklar “kargüzarlıq xərcləri” adı ilə də müştəridən əlavə pul qoparmağı bacarırlar. Maraqlıdır ki, qeyd olunan banklarda “kargüzarlıq xərcləri” ümumi məbləğin 1 və ya 2 faizinə bərabər olur. Halbuki həmin məbləğlə bankın bir aylıq bütün kağıza, printerə, habelə digər vasitələrə olan ehtiyacını qarşılamaq mümkündür.
Qeyd edək ki, “effektiv faiz dərəcəsi” oyunu adları çəkilən bankların kredit şöbələrinin müdirləri tərəfindən müştərilər üçün qurulmuş “tələ”dir.

Azərbaycan Dövlət Su Ehtiyatları Agentliyinə yeni aparat rəhbəri təyin edilib.

Manset.az-ın əldə etdiyi məlumata görə, agentliyin sədri Zaur Mikayılovun müvafiq əmri ilə qurumun aparat rəhbəri vəzifəsinə Fuad Quliyev təyin edilib.

Fuad Quliyev 2021-ci ildən Azərbaycan Meliorasiya və Su Təsərrüfatı Açıq Səhmdar Cəmiyyətində sədrin müşaviri vəzifəsində çalışıb.

Qeyd edək ki, yeni təyin edilən aparat rəhbəri Dövlət Su Ehtiyatları Agentliyinin sədri Zaur Mikayılovun qudasıdır.

Ucar rayonu, Yuxarı Şilyan kənd sakini Xələfov Məhəmməd Molla oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi polisdən və məhkəmənin qərarından narazıdır:

“Mən, Xələfov Məhəmməd Molla oğlu, yazaraq bildirirəm ki, mənim dərdim mal-mülk deyil, övlad dərdidir.

39 yaşlı oğlumu evimin yaxınlığında maşınla vurub öldürüblər. Bu günə kimi nə mərhum oğlumun, nə də özümün hüquqlarımı bərpa edə bilməmişəm.

Qeyd edim ki, oğlum ölən gündən bizə qarşı çirkin oyunlar oynayırlar. Əziyyətini isə 67 yaşlı ata-ana çəkir.

Belə ki, 29.08.2022-ci ildə öz ad gününü qeyd edən 1990-cı il təvəllüdlü Qasımov Fuad Bəkir oğlu sürücülük vəsiqəsi olmadan, sərxoş şəkildə idarə etdiyi maşınla kənddən rayon istiqamətində hərəkətdə olarkən, öz hərəkət zolağından çıxaraq, evimin yaxınlığında qarpız alaraq geri dönən 1984-cü il təvəllüdlü oğlum Xələfov Vüsal Məhəmməd oğlunu vuraraq, hadisə yerindən qaçmışdır.

Hadisədən xəbərdar olaraq, oğlumu özümüz xəstəxanaya aparmışıq. Həkimlərin səyləri nəticəsiz qaldı və oğlum orada dünyasını dəyişdi.

Törədilən cinayət barədə Ucar rayonu Polis Şöbəsində ibtidai istintaq işi başlanmışdır. Bundan əvvəl etdiyim müraciətlər əsasında Respublika Prokurorluğu toplanmış materiallar və aftoekspertiza rəyinə əsaslanaraq, müvafiq maddələr qoyub, işi baxılması üçün Şəki Şəhər Ağır Cinayətlər məhkəməsinə göndərmişdir.

25.01.2023-cu il tarixində hakim Bilal Məmmədovun sədrliyi ilə birinci məhkəmə iclası keçirilmişdir. Elə həmin gündən sonra keçirilən bütün məhkəmə iclasları vəkil Əliyev Emil Namik oğlununun diqtəsi və təqsirləndirilən şəxs Qasımov Fuadın, eləcə də onun anasının arzu-istəkləri ilə müxtəlif bəhanələrlə 1il süründürülmüş və sona çatmışdır.

14.08.2023-cü il tarixində məhkəmə qarşı tərəfin təkidi ilə hadisə yerinə baxış keçirdi. Bu prosesdə də ciddi nöqsanlara yol verilmişdir. Biz zərərçəkən tərəf olaraq, prosesdə iştirak etmədik. Yəni bizim fikilərimiz nəzərə alınmadan, təqsirləndirilən şəxsin göstərdiyi yalanlar ilə təkrar aftoekspertiza video-çəkilişi aparıldı.

Zərərçəkən tərəf olaraq, bizi bir il müddətində Şəki şəhəri ilə Ucar rayonu arasındakı 150 km yolu 16 dəfə gedib-gəlsək də, məhkəmə qarşı tərəfin "nazıyla oynadı". Bizə məhkəmədə söz deməyə imkan vermədilər.

23.01.2024-cü il tarixində keçirilmiş sonuncu məhkəmə iclasında törənən cinayət öz təsdiqini tapdığı halda və dövlət ittihamçısı Tofik Mirzəyev təqsirləndirilən şəxsə 9 il 6 ay iş istədiyi halda prosesə sədrlik edən hakim Bilal Məmmədov müşavirədən qayıdıb, məhkuma 6 il cəza verdi.

Sonradan xəbər tutdum ki, iş kəsildikdən sonra müttəhimi islah olunmaq üçün təcridxanaya deyil, müalicə mərkəzinə aparıblar. Həm övlad itirmişəm, həm də hakim tərəfindən belə bir qanunsuzluğa rast gəlmişəm.

Bütün bunlara səbəb, qarşı tərəfin imkanlı, vəzifəli qohum-əqrabasının olmasıdır.

Oğlum yeni öldürülən vaxtları müttəhimin anası həyat yoldaşıma demişdi ki, "gəl barışaq". Biz razı olmadıqda demişdi ki, barışsan da özün bilərsən, barışmasan da, pulumu verib oğlumu qurtaracam, mənim oğlum türmədə yatmayacaq”.

Gedişatla bəlli oldu ki, belə adamların pulu varsa məhkəmə də, qanun da onlardır. Sənin oğlun ölüb, evin dağılıb, heç kəsin vecinə deyil.

Qərardan sonra Şəki şəhər Apelliyasiya Məhkəməsinə apellyasiya şikayəti vermişəm. Qarşı tərəfin Xəyal İbrahimovun da adından apellyasiya şikayəti vermişəm. Demək olar ki, Apellyasiya Məhkəməsi də Ağır Cinayətlər Məhkəməsində keçirilən qeyri-obyektiv və qarşı tərəfin xeyrinə yekunlaşan qərəzli iclasların davamıdır. Prosesə sədrlik edən hakim Xəqani Səmədov iki dəfə məhkəmə iclası keçirsə də, qarşı tərəfdən heç məhkəməyə dəvət olunan olmayıb. İkinci məhkəmə iclasında hakim mənə bildirdi ki, "müttəhimi müalicə mərkəzindən onlayın qoşacam". Elə də etdi. Əsas bu işləri qurub-qoşan, məhkəmə iclaslarında mərhum oglumun ruhun təhqir etməkdən belə çəkinməyən, məhkəmədə vəkillik fəaliyyəti ilə məşğul olan Əliyev Emil Namik ogludur.
O, keçirilən ikinci iclasda gəlib ki, mən müttəhimin hüquqların müdafiə edirəm, müttəhimə bəraət istəyirəm. Hansı ki, Agır Cinayətlər Məhkəməsinə proseslər gedəndə müttəhim yazılı ərizə ilə rəsmi etiraz etmiş, onun müdafiəsini rədd etmişdi.

Oğlumun ölüm işi hələ ibtidai istintaqda olandan haray çəkirəm ki, cinayət işi Ucar rayonunun istintaqçıları işə qarışmadan, başqa rayonlardan birində baxılmaqla, ibtidai istintaqa qaytarılsın. Harayımı eşidən yoxdur".

Jalə FAMİLQIZI

Redaksiyadan: Yazıda adları qeyd olunan şəxslərin və qurumların mövqeyini dərc etməyə hazırıq.