Yevlax rayon Aran bələdiyyəsinin sabiq sədri Qəşəm Əkbərova hökm oxunub.

Keçmiş bələdiyyə sədrinə Şəki Ağır Cinayətlər Məhkəməsinin hakim Bilal Məmmədovun hökmü ilə 2 il sınaq müddəti olmaqla 5 il 6 ay müddətinə şərti cəza verilib.

Bundan başqa, Qəşəm Əkbərov 2 il müddətinə dövlət və yerli özünüidarəetmə orqanlarında rəhbər və maddi məsul vəzifə tutmaq hüququndan məhrum edilib.

Qəşəm Əkbərov Cinayət Məcəlləsinin 179.3.2 (Mənimsəmə və ya israf etmə - şəxs tərəfindən öz qulluq mövqeyindən istifadə etməklə törədildikdə) və 310-cu (Vəzifəli şəxsin səlahiyyətlərini mənimsəmə) maddələri təqsirli bilinib.

İş materiallarından məlum olur ki, Qəşəm Əkbərov vəzifə səlahiyyətlərindən sui-istifadə edərək 135 min 246 manat məbləğində bələdiyyə əmlakını mənimsəyib.

Bundan başqa, o, 1145 hektar sahəsi olan ərazini hissə-hissə satıb. Sənədlərə formal olaraq möhür vuraraq imzalayıb. Qəşəm Əkbərov bu zaman qızı Ülviyyə Əkbərovanın səlahiyyətlərini mənimsəyib. Həmin vaxt qızı Aran bələdiyyəsinin sədri vəzifəsini icra edib.

İş materiallarında keçmiş icra başçıları Elmar Vəliyevlə Qoca Səmədovun da adı keçir. Elmar Vəliyev 2004-2011-ci ildə Yevlaxın icra başçısı vəzifəsində çalışıb. Qoca Səmədov isə 2011-2019-cu illərdə Yevlaxa rəhbərlik edib.

Qəşəm Əkbərovla bağlı cinayət işin materiallarından belə məlum olur ki, onun satdığı torpaq sahələrindən bir hissəsini Elmar Vəliyev alıb. Hər halda o, aktda özünü Fikrət Məmmədov kimi təqdim edən şəxsin Elmar Vəliyevin sürücüsü olduğunu "güman" etdiyini deyib.

Qoca Səmədova gəlincə, keçmiş bələdiyyə sədri deyib ki, sabiq icra başçısının xidməti kabinetində ona 10 000 manat pul verib. Ümumiyyətlə, Qəşəm Əkbərovun ifadəsindən belə anlaşılıb ki, o, icra başçısının göstərişlərini yerinə yetirib.

Qoca Səmədov 2019-cu ildə Dövlət Təhlükəsizlik Xidmətinin əməliyyatı nəticəsində saxlanılıb. Ona Cinayət Məcəlləsinin 179.4-cü (mənimsəmə və ya israf etmə, yəni təqsirkara etibar edilmiş özgə əmlakını talama, külli miqdarda ziyan vurmaqla törədildikdə), 308.2-ci (vəzifə səlahiyyətlərindən sui-istifadə, əməllər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə), 311.3.2-ci (təkrar rüşvət alma), 311.3.3-cü (külli miqdarda rüşvət alma) və 313-cü (vəzifə saxtakarlığı) maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.

Şəki Ağır Cinayətlər Məhkəməsinin hökmü ilə Qoca Səmədov 7 il 3 ay müddətinə azadlıqdan məhrum edilib. Şəki Apellyasiya Məhkəməsinin qərarı ilə Qoca Səmədovun cəzası 6 ilə endirilib. Ali Məhkəmə isə keçmiş icra başçısınn cəzasını 3 ay azaldıb. \\Qaynarinfo.Az

Namiq Süleymanov ayda bir neçə dəfə Əhəd Abıyevlə görüşərək ondan göstərişlər aldığı iddia olunur...

Bir ilə yaxındır icra başçısız qalan Daşkəsən rayonu ilə bağlı xəbər var. AzFakt.com-a daxil olan məlumatda bildirilir ki, Prezidentin 17 iyul 2023-cü ildə Daşkəsən icra başçısı vəzifəsindən çıxartdığı Əhəd Abıyev hələdə bu rayonda "kölgə" icra başçısı rolunu oynayır.

Əhəd Abıyevə bu məsələdə yardımı isə hazırda Daşkəsən rayon İcra Hakimiyyətində başçının müavini, İctimai-siyasi və humanitar məsələlər şöbəsinin müdiri vəzifəsində çalışan Namiq Süleymanovun etdiyi bildirilir.

Daşkəsəndəki mənbəmiz bildirir ki, hazırda Daşkəsəni Əhəd Abıyevin göstəriş və məsləhəti ilə Namiq Süleymanov idarə edir. Namiq Süleymanovun ayda bir neçə dəfə Əhəd Abıyevlə görüşərək ondan göstəriş və təlimatlar aldığı deyilir.

Məlumatda qeyd edilir ki, Əhəd Abıyev bütün əlaqələrini işə salaraq Namiq Süleymanovun Daşkəsən rayon icra başçısı olmasına çalışsada, hələki bu istəyi reallaşmır.

Qeyd edək ki, Namiq Süleymanov Əhəd Abıyev deputat olanda onun sürücüsü, daha sonra köməkçisi və icra başçısı işlədiyi dövrdə isə müavini vəzifəsinə yüksəlib. Onun diplomunun da saxta olması ilə bağlı iddialar var.

Qarşı tərəfin mövqeyini dərc etməyə hazırıq.

Xarici ölkələrə səyahət, iş vizası adı altında 70-dən çox vətəndaş aldadılıb.

Xezerxeber.az-ın məlumatına görə, şikayətçilər sosial şəbəkədə gördükləri elan əsasında müraciət etdikləri turizm şirkəti tərəfindən dələduzluğa məruz qaldıqlarını iddia ediblər.

Belə ki, şikayətçi olduqları şirkətin qapıları aylardır onların üzünə açılmır.

Zərərçəkmişlər bildiriblər ki, şikayətçi olduqları "Vork time travel 2" turizm şirkətinin sonradan adı dəyişdirilərək "Nextstation" MMC adlandırılıb.

Aldadılan vətəndaşların bəzilərinin pasportları onlara geri qaytarılıb.

Qeyd edək ki, vətəndaşlardan pul alan şəxsin xaricə qaçdığı iddia edilib.

Ətraflı süjetdə:

İyunun 5-də Mirzəyev Pərviz Gülağa oğlu Fövqəladə Hallar naziri Kəmaləddin Heydərova müraciət edərək probleminin həll olunmasını xahiş etmişdi. O, bildirmişdi ki, 2005-ci ildən Dövlət Yanğından Mühafizə Xidmətinin Xətai rayon bölməsində işləyib, 2023-cü ilin dekabrında isə təqaüdə çıxıb. P.Mirzəyev nazirə müraciətində qeyd etmişdi ki, təqaüdə çıxandan sonra ona hesablama pulu verilməyib. Onun sözlərinə görə, iki dəfə 112 Xidmətinə zəng edib, oradan isə deyilib ki, müraciətinizə baxılacaq. Amma indiyə qədər nə o müraciətə cavab gəlməyib, nə də onun nazir K.Heydərova media üzərindən etdiyi xahişə...
Vətəndaş növbəti dəfə saytımız vasitəsi ilə müraciət edərək "raşot" pulunu ona niyə vermədiklərinə aydınlıq gətirilməsini istəyib. P.Mirzəyev Prezident İlham Əliyevə üz tutaraq qeyd edib ki, Fövqəladə Hallar naziri Kəmaləddin Heydərova etdiyi müraciət indiyə qədər nəticəsiz qalıb və rəsmi bir söz də deyilməyib.
Təqaüddə olan P.Mirzəyev dövlət başçısından xahiş edir ki, bu məsələ ilə bağlı FHN rəhbərliyinə, aidiyyatı struktura müvafiq tapşırıq verilsin, onun üçün böyük, nazirlik üçün kiçik bir məsələ olan bu problem həllini tapsın. Dövlət Yanğından Mühafizə Xidmətinin peşəkar əməkdaşlarından olmuş P.Mirzəyev təəssüf edir ki, uzun müddət işlədiyi qurumun rəhbərliyi onun bu müraciətlərini susqunluqla qarşılayır və cavabsız qoyur.
O, ümid edirdi ki, nazir Kəmaləddin Heydərov təqaüdə çıxmış keçmiş işçisinə münasibətdə qayğıkeş, diqqətcil olacaq: “Çünki həmişə eşitmişik ki, cənab nazir ona edilən müraciətlərə həsasslıqla yanaşır, vətəndaşlara kömək etməyə çalışır. Amma nədənsə mən hesablama pulumu almaq üçün etdiyim xahişə quru cavab da gəlməyib. Odur ki, cənab Prezidentə müraciət edərək bu işin müsbət həllini tapması üçün göstəriş verməsini xahiş edirəm”.

Anaxeber. info

"Azərbaycan Reallığı"na müraciət edən Mustafayeva Məlahət bildirir ki, 8 il bundan öncə müəyyən səbəblərə görə həyat yoldaşı Yaşar Mustafayev İqtisad Üniversitetinin zam dekanı Vüsal Quliyevdən notariat vasitəsi ilə 221 min manata imza ataraq 160 min manat faizə pul götürüb.

Həmin puldan 68 min manatını qaytarıb. Vəziyyətimiz çətinləşdi, pulun yerdə qalan hissəsini verə bilmədik. Ondan gözləməsini xaiş etdik amma gözləmədi. Getdi Nərimanov rayon icra şöbəsinin rəisi Zaur Abdullayev və natariusla əlbir olaraq pul müqavilində girov kimi qoyduğumuz evi hərraca çıxardılar.

Şəhərin mərkəzində olan 800 minlik evimə əvvəl 300 min manat qiymət qoydular, sonra 250 min manat oldu. Öz aralarında qapalı hərrac keçirib evi özləri ələ keçirdilər. Məsələ ilə bağlı məhkəməyə müraciət etmişik, indi məhkəmənin qərarı olmadan gəlib məni 800 minlik evimdən məcburi çıxarırlar.

Həyat yoldaşım hazırda ölkədə deyil, müəyən vasitələrlə onun ölkə çıxışına da stop qoydurub barəsində axtarış qərarı verdiriblər. İndi o ölkəyə qayıdarsa həbs edəcəklər. Evimin bütün əşyalarını Nərimanov rayon icra şöbəsinin əməkdaşlarının iştırakı ilə çölə atırlar. Deyirəm, mənim evimi boşaltmaq haqqında məhkəmənin qərarını gətirin göstərin, icra şöbəsinin əməkdaşları deyir qərar yoxdur.

İcra şöbəsinin rəisi Zaur Abdullayev belə göstəriş verib. İqtisad Üniversitetinin zam dekanı və müəllimi icra şöbəsinin rəisi ilə əlbir olub sual edən yoxdur ki, bu universitet müəllimi ayda nə qədərpul qazanır?

Bu qədər pulları haradan əldə edib? Millətin evini yıxıb bu cür faizə pul verərək bir neçə nəfərin evini qanunsuz yollarla ələ keçiriblər - deyə şikayətçi Məlahət Mustafayev bildirir.

TEREF olaraq yazda adı hallanan hər kəsin mövqeyini tanıyırıq