"Ruslan Əliyev, Siz bu işçiləri cəngəllikdən tapıbsınız?" - "Azəriqaz"ın analoqsuz qaz çəkilişi və ya 500 manat oyunu (FOTOLAR)

Yaradılıb 18.08.2023 10:48 | Baxış sayı: 62

Ardını oxu...
"Şikayətim Şirvan şəhər Qaz İstismar Sahəsinin məsuliyyətsizliyindən, səriştəsizliyindən, qanun və qaydalara riayət etməməklərindən, vətəndaşa verdiyi əsəb-stresslə yanaşı dövlətin əmlakını göyə sovurmaqdandır".

Bu sözləri Mia.az-a ünvanladığı şikayət məktubunda Şirvan şəhəri, Xaqani küçəsi ev 128-də yaşayan Rzayev Tofiq Niftulla oğlu deyib.

O, bildirib ki, 2013-cü ildə yaşadığı küçəyə (7-8 evə) qaz xətti çəkmək qərarına gəlirlər: "Küçənin başına gətirib TIR-larla boru, sement, qum və s. lazım olan hər şey boşaldırlar. Başlıyırlar işi görməyə, yerə dayaq təxminən 50-70 sm uzunluğunda turba basdırırlar, amma "turba"nın dibində sement-qum qarışığından əsər-əlamət yoxdur. Xülasə keçək əsas məsələyə....

Hörmətli baş direktor Ruslan Əliyev, Siz bu işçiləri cəngəllikdən tapıb işə götürmüsüz? Bu işçilərinizin evi-eşiyi yoxdur? Bu işçiləriniz anlamırlar ki, darvaza üzərinə qoyulan borunun hündürlüyü gözlənilməlidir? Bu işi görən işçilərinizin həyətlərində darvazaları üzərindəki boru 2 metrə hündürlükdən keçir? Dövlət Neft Şirkəti tərəfindən (Azəriqaz İstehsalat Birliyi - Qaz təsərrüfatında texniki istismar ,əməyin mühafizəsi, yanğın təhlükəsizliyi, ətraf mühitin mühafizəsi qaydalarına və beynəlxalq standartların tətbiqinə dair 1000 sual-1000 cavab kitabı) sizin əməkdaşlar üçün hazırlanan kitabda bütün normativlər qeyd edilib. Əcəba bu normativlərə riayət etmək kimin vəzifəsidir?".

Şikayətçinin sözlərinə görə, Salyan regional qaz istismar idarəsi onun müraciuətinə "gül vuraraq" cavab yazıb: "Bu idarə utanmaz-utanmaz mənim məktubuma cavab yazır ki, darvaza üzərindəki "turba"nı hündürlüyə qaldırmaq üçün vətəndaş tərəfindən 500 manat ödənməlidir. Bu qədər həyasızlıq olar? Sabah həyətimdə yanğın olsa, yanğınsöndürən maşını, yükmaşını necə girəcək həyətimə?

İndi Sizə darvazamın və onun üzərindən keçən qaz xəttinin şəklini göndərirəm. Baxın, görün bu işi hansı "ağıl sahibi" edib.

Mən belə düşünürəm ki, bunu bu hündürlükdən çəkdirən adam yadplanetli olar, yəqin ki. Halbuki, qanunla darvaza ola yerdə boru 4.5 metr hündürlükdən çəkilməlidir. Cəmisi 7-8 evə qaz xətti çəkiblər, onu da üz-gözlərinə bulaşdıırblar.

Bütün yuxarıda qeyd etdiklərimi nəzərə alaraq, xahiş edirəm, mənim şikayətim yerində araşdırılsın və lazımı tədbirılər görülsün".

Ardını oxu...
Ardını oxu...
Ardını oxu...
Ardını oxu...

27 yerli icra hakimiyyəti dövlət başçısının sərəncamını yerinə yetirməyib? – ARAŞDIRMA

Yaradılıb 18.08.2023 08:57 | Baxış sayı: 59
Ardını oxu...
Bu qurumların rəsmi veb saytlarında narkomaniyaya qarşı mübarizə tədbirləri barədə informasiya yoxdur
Uzun illərdir ölkəmizdə narkomanlığa və narkobiznesə qarşı mübarizənin daha effektli və davamlı aparılması, genişmiqyaslı tədbirlərin həyata keçirilməsi nəticəsində müsbət və əhəmiyyətli nəticələr əldə edilir. Hər il olduğu kimi 2023-cü ildə də insanların həyat və sağlamlığına, cəmiyyətə, sosial-iqtisadi inkişafa mənfi təsir göstərən, gəncliyimizin gələcəyi və sağlamlığı üçün ciddi təhlükə törədən problemə çevrilən narkomaniya ilə mübarizə sahəsində ciddi addımlar atılır. Bu baxımdan sözügedən mübarizənin gücləndirilməsi məqsədilə təhsil müəssisələrində yeniyetmə və gənclər arasında çoxsaylı tədbirlərin icrası da çox önəmli və dövləti əhəmiyyətə malikdir.
Xatırladaq ki, Azərbaycan Respublikasının Prezidenti İlham Əliyevin imzaladığı 22 iyul 2019-cu il tarixli sərəncamla təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün Dövlət Proqramı”nın 2023-cü ilin birinci yarımilliyi üzrə icrası artıq yekunlaşıb. Qeyd edək ki, sözügedən proqramın həyata keçirilməsi üzrə “Tədbirlər Planı”na əsasən, müvafiq səlahiyyətli dövlət orqanları tərəfindən müəyyənləşdirilmiş bir sıra tədbirlərin icrası nəzərdə tutulub. Belə ki, yerli icra hakimiyyəti orqanları tərəfindən narkomanlığın qarşısının alınması ilə bağlı təbliğat və maarifləndirmə işlərinin təşkili, gücləndirilməsi və davamlılığının təmin edilməsi üçün mütəmadi tədbirlərin keçirilməsi planlaşdırılıb. Biz də öz növbəmizdə Bakı şəhəri və Naxçıvan Muxtar Respublikası istisna olmaqla yerli icra hakimiyyətlərinin bu ilin yanvar ayının 1-dən avqust ayının ortalarınadək olan dövrdə hansı tədbirləri reallaşdırmasını araşdırmaq qərarına gəldik. Bunun üçün rayon icra hakimiyyətlərinin (RİH) və şəhər icra hakimiyyətlərinin (ŞİH) rəsmi veb saytlarının “Xəbərlər” bölümü üzrə yerləşdirilən informasiyalar üzrə araşdırma apardıq.

23 rayon və 4 şəhər icra hakimiyyəti narkomaniyaya yox demir?

Öncəliklə bildirək ki, Qubadlı RİH-in http://www.qubadli-ih.gov.az/az rəsmi veb saytının http://qubadli-ih.gov.az/az/xeberler.html bölümündə hər hansı bir xəbər yerləşdirilməyib.
Araşdırmalarımıza görə, 23 RİH-in və 4 ŞİH-in rəsmi veb saytında xeyli sayda məlumat yerləşdirilsə də, onların arasında yuxarıda haqqında danışdığımız tədbirlər planında nəzərdə tutulmuş tədbirlərin icrası ilə bağlı hər hansı bir informasiya yoxdur. Həmin icra hakimiyyətlərinin siyahısını təqdim edirik.
1. Abşeron RİH-in http://absheron-ih.gov.az/az rəsmi veb saytında 20 yanvar – 8 avqust tarixlərində 44 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
2. Ağdaş RİH-in http://agdash-ih.gov.az/az/ rəsmi veb saytında 5 yanvar – 4 avqust tarixlərində 103 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
3. Ağstafa RİH-in http://agstafa-ih.gov.az/az rəsmi veb saytında 6 yanvar – 2 avqust tarixlərində 168 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
4. Ağsu RİH-in http://agsu-ih.gov.az/az rəsmi veb saytında 7 yanvar – 7 avqust tarixlərində 80 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
5. Astara RİH-in http://astara-ih.gov.az/az rəsmi veb saytında 5 yanvar – 8 avqust tarixlərində 58 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
6. Biləsuvar RİH-in http://www.bilesuvar-ih.gov.az/az rəsmi veb saytında 6 yanvar – 1 avqust tarixlərində 89 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
7. Füzuli RİH-in http://www.fuzuli-ih.gov.az/az rəsmi veb saytında 5 yanvar – 8 avqust tarixlərində 48 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
8. Gədəbəy RİH-in http://www.gedebey-ih.gov.az/az rəsmi veb saytında 20 yanvar – 4 avqust tarixlərində 62 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
9. Xocalı RİH-in http://xocali-ih.gov.az/az rəsmi veb saytında 10 yanvar – 11 avqust tarixlərində 45 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
10. Kəlbəcər RİH-in http://kelbecer-ih.gov.az/az rəsmi veb saytında 5 yanvar – 14 avqust tarixlərində 99 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
11. Qax RİH-in http://www.qax-ih.gov.az/az rəsmi veb saytında 20 yanvar – 14 avqust tarixlərində 71 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
12. Qazax RİH-in http://www.qazax-ih.gov.az/az rəsmi veb saytında 1 yanvar – 14 avqust tarixlərində 334 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
13. Qobustan RİH-in http://qobustan-ih.gov.az/az rəsmi veb saytında 5 yanvar – 27 iyul tarixlərində 64 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
14. Qusar RİH-in http://www.qusar-ih.gov.az/az rəsmi veb saytında 6 yanvar – 10 avqust tarixlərində 49 rəsmi xəbər yerləşdirilsə də, onların arasında narkomanlığa mübarizə tədbirləri barədə məlumat yoxdur.
15. Lerik RİH-in http://lerik-ih.gov.az/az rəsmi veb saytında 5 yanvar – 25 iyul tarixlərində 72 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
16. Saatlı RİH-in http://www.saatli-ih.gov.az/az rəsmi veb saytında 12 yanvar – 27 iyul tarixlərində 54 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
17. Salyan RİH-in http://salyan-ih.gov.az/az rəsmi veb saytında 5 yanvar – 3 avqust tarixlərində 124 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
18. Şabran RİH-in http://shabran-ih.gov.az/az rəsmi veb saytında 6 yanvar – 27 iyul tarixlərində 33 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
19. Şamaxı RİH-in http://www.shamaxi-ih.gov.az/az rəsmi veb saytında 13 yanvar – 1 avqust tarixlərində 92 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
20. Şəmkir RİH-in http://shamkir-ih.gov.az/az rəsmi veb saytında 5 yanvar – 14 avqust tarixlərində 223 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
21. Siyəzən RİH-in http://siyezen-ih.gov.az/az rəsmi veb saytında 20 yanvar – 14 avqust tarixlərində 73 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
22. Zərdab RİH-in http://zerdab-ih.gov.az/az rəsmi veb saytında 9 yanvar – 9 avqust tarixlərində 157 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
23. Quba RİH-in http://www.quba-ih.gov.az/az rəsmi veb saytında 20 yanvar – 11 avqust tarixlərində 108 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
24. Gəncə ŞİH-in http://ganja-ih.gov.az/az rəsmi veb saytında 12 yanvar – 11 avqust tarixlərində 205 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
25. Sumqayıt ŞİH-in http://www.sumqayit-ih.gov.az/az rəsmi veb saytında 5 yanvar – 14 avqust tarixlərində 105 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
26. Lənkəran ŞİH-in http://lenkeran-ih.gov.az/az rəsmi veb saytında 10 yanvar – 15 avqust tarixlərində 144 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.
27. Mingəçevir ŞİH-in http://www.mingechevir-ih.gov.az/az rəsmi veb saytında 6 yanvar – 14 avqust tarixlərində 147 rəsmi xəbər yerləşdirilsə də, onların arasında narkomanlığa qarşı mübarizə tədbirləri barədə məlumat yoxdur.

2 ŞİH-ə və 12 RİH-ə 7 ay ərzində 1 tədbir kifayət edib…

Yuxarıda qeyd etdik ki, dövlət başçısının sərəncamına əsasən hazırlanmış tədbirlər planında yerli icra hakimiyyətləri tərəfindən tədbirlər mütəmadi keçirilməlidir. Ancaq 12 RİH və 2 ŞİH 7 ay ərzində yalnız 1 tədbir keçiriblər. Siyahını təqdim edirik.
1. Naftalan ŞİH-in http://naftalan-ih.gov.az/az rəsmi veb saytında 5 yanvar – 14 avqust tarixlərində 181 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyulun 5-də baş tutub.
2. Ağdam RİH-in http://agdam-ih.gov.az/az rəsmi veb saytında yanvar ayının 6-dan avqustun 7-dək 109 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin yanvarın 13-də baş tutub.
3. Cəlilabad RİH-in http://celilabad-ih.gov.az/az rəsmi veb saytında 6 yanvar – 9 avqust tarixlərində 127 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin mayın 5-də baş tutub.
4. Hacıqabul RİH-in http://haciqabul-ih.gov.az/az rəsmi veb saytında 13 yanvar – 11 avqust tarixlərində 92 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 24-də baş tutub.
5. Xaçmaz RİH-in http://www.xachmaz-ih.gov.az/az rəsmi veb saytında 12 yanvar – 7 avqust tarixlərində 138 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 10-da baş tutub.
6. Xızı RİH-in http://www.khizi-ih.gov.az/az rəsmi veb saytında 18 yanvar – 1 avqust tarixlərində 36 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 23-də baş tutub.
7. İmişli RİH-in http://www.imishli-ih.gov.az/az rəsmi veb saytında 7 yanvar – 8 avqust tarixlərində 141 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 8-də baş tutub.
8. Kürdəmir RİH-in http://kurdemir-ih.gov.az/az rəsmi veb saytında 5 yanvar – 2 avqust tarixlərində 104 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyulun 1-də baş tutub.
9. Laçın RİH-in http://www.lachin-ih.gov.az/az rəsmi veb saytında 5 yanvar – 11 avqust tarixlərində 115 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin fevralın 10-da baş tutub.
10. Oğuz RİH-in http://www.oguz-ih.gov.az/az rəsmi veb saytında 13 fevral – 11 avqust tarixlərində 27 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 13-də baş tutub.
11. Tovuz RİH-in http://tovuz-ih.gov.az/az rəsmi veb saytında 7 yanvar – 14 avqust tarixlərində 492 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 22-də baş tutub.
12. Yardımlı RİH-in http://www.yardimli-ih.gov.az/az rəsmi veb saytında 11 yanvar – 9 avqust tarixlərində 90 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin fevralın 14-də baş tutub.
13. Zaqatala RİH-in http://www.zaqatala-ih.gov.az/az rəsmi veb saytında 1 yanvar – 14 avqust tarixlərində 65 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 16-da baş tutub.
14. Şəki ŞİH-in http://www.sheki-ih.gov.az/az rəsmi veb saytında 5 yanvar – 14 avqust tarixlərində 134 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə yalnız 1 məlumat var. Sözügedən tədbir bu ilin iyunun 14-də baş tutub.

9 RİH-dən hər biri 7 ayda 2 tədbir keçirib

1. Şuşa RİH-in http://www.shusha-ih.gov.az/az rəsmi veb saytında 6 yanvar – 1 avqust tarixlərində 87 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin fevralın 21-də və martın 9-da baş tutub.
2. Ağcabədi RİH-in http://agcabedi-ih.gov.az/az rəsmi veb saytında 4 yanvar – 9 avqust tarixlərində 141 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin mayın 19-da və iyulun 6-da baş tutub.
3. Bərdə RİH-in http://berde-ih.gov.az/az rəsmi veb saytında 19 yanvar – 7 avqust tarixlərində 176 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin fevralın 6-da və 16-da baş tutub.
4. Göyçay RİH-in http://goychay-ih.gov.az/az rəsmi veb saytında 6 yanvar – 14 avqust tarixlərində 221 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin yanvarın 26-da və iyunun 26-da baş tutub.
5. Göygöl RİH-in http://www.goygol-ih.gov.az/az rəsmi veb saytında 1 yanvar – 14 avqust tarixlərində 278 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin fevralın 7 aprel və mayın 13-də baş tutub.
6. Xocavənd RİH-in http://www.xocavend-ih.gov.az/az rəsmi veb saytında 1 yanvar – 11 avqust tarixlərində 141 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin mayın 17-də və iyunun 22-də baş tutub.
7. İsmayıllı RİH-in http://ismayilli-ih.gov.az/az rəsmi veb saytında 5 yanvar – 14 avqust tarixlərində 201 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin iyunun 8-də və 22-də baş tutub.
8. Sabirabad RİH-in http://www.sabirabad-ih.gov.az/az rəsmi veb saytında 12 yanvar – 11 avqust tarixlərində 128 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin fevralın 6-da və 14-də baş tutub.
9. Samux RİH-in http://www.samux-ih.gov.az/az rəsmi veb saytında 11 yanvar – 14 avqust tarixlərində 176 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 2 məlumat var. Sözügedən tədbirlər bu ilin fevralın 7-də və iyulun 26-da baş tutub.


8 yerli icra hakimiyyətindən hər biri 3 tədbirlə kifayətlənib

1. Qəbələ RİH-in http://www.qebele-ih.gov.az/az rəsmi veb saytında 6 yanvar – 14 avqust tarixlərində 231 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin iyunun 14-də və 22-də, iyulun 17-də baş tutub.
2. Goranboy RİH-in http://www.goranboy-ih.gov.az/az rəsmi veb saytında 1 yanvar – 14 avqust tarixlərində 450 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin mayın 16-da, iyunun 25-də və iyulun 22-də baş tutub.
3. Daşkəsən RİH-in http://dashkesen-ih.gov.az/az rəsmi veb saytında 6 yanvar – 11 avqust tarixlərində 199 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin yanvarın 19-da, fevralın 16-da və martın 31-də baş tutub.
4. Beyləqan RİH-in http://www.beyleqan-ih.gov.az/az rəsmi veb saytında 11 yanvar – 8 avqust tarixlərində 112 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin yanvarın 26-da, fevralın 17-də və aprelin 7-də baş tutub.
5. Balakən RİH-in http://balaken-ih.gov.az/az rəsmi veb saytında 13 yanvar – 4 avqust tarixlərində 101 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin martın 3-də, iyunun 14-də və 24-də baş tutub.
6. Zəngilan RİH-in http://www.zengilan-ih.gov.az/az rəsmi veb saytında 6 yanvar – 12 avqust tarixlərində 66 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin martın 30-da, mayın 5-də və iyunun 7-də baş tutub.
7. Yevlax ŞİH-in http://www.yevlax-ih.gov.az/az rəsmi veb saytında 3 yanvar – 15 avqust tarixlərində 207 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin fevralın 4-də, aprelin 29-da və mayın 5-də baş tutub.
8. Şirvan ŞİH-in http://www.shirvan-ih.gov.az/az rəsmi veb saytında 2 yanvar – 15 avqust tarixlərində 461 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 3 məlumat var. Sözügedən tədbirlər bu ilin fevralın 22-də, aprelin 19-da və mayın 12-də baş tutub.

Ucar və Tərtər RİH-lər siyahıya liderlik edirlər

Ucar RİH-in http://ucar-ih.gov.az/az rəsmi veb saytında 6 yanvar – 9 avqust tarixlərində 492 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 20 məlumat var. Sözügedən tədbirlər bu ilin yanvarın 10-da, fevralın 3-də, 8-də, 17-də və 24-də, martın 1-də, 3-də, 7-də və 10-da, aprelin 5-də, 12-də, 14-də, 18-də, 19-da, 20-də və 28-də, mayın 5-də və 19-da, iyunun 2-də və 9-da baş tutub.
Tərtər RİH-in http://terter-ih.gov.az/az rəsmi veb saytında 6 yanvar – 16 avqust tarixlərində 493 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 10 məlumat var. Sözügedən tədbirlər bu ilin fevralın 18-də və 22-də, martın 4-də, aprelin 27-də, mayın 19-da, 24-də və 31-də, iyunun 7-də və 24-də, avqustun 16-da baş tutub.
Neftçala RİH-in http://www.neftchala-ih.gov.az/az rəsmi veb saytında 6 yanvar – 15 avqust tarixlərində 393 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 6 məlumat var. Sözügedən tədbirlər bu ilin fevralın 10-da, 23-də və 24-də, martın 15-də, mayın 24-də və avqustun 15-də baş tutub.
Masallı RİH-in http://www.masalli-ih.gov.az/az rəsmi veb saytında 6 yanvar – 14 avqust tarixlərində 393 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 5 məlumat var. Sözügedən tədbirlər bu ilin fevralın 7-də, aprelin 12-də, mayın 8-də və 26-da, iyunun 8-də baş tutub.
Cəbrayıl RİH-in http://www.cabrail-ih.gov.az/az rəsmi veb saytında 9 yanvar – 8 avqust tarixlərində 133 rəsmi xəbər yerləşdirilib. Onların arasında narkomanlığa qarşı mübarizə tədbirləri barədə 4 məlumat var. Sözügedən tədbirlər bu ilin aprelin 13-də və 18-də, mayın 25-də və iyunun 21-də baş tutub.

Təbriz VƏFALI,

Tədqiqatçı jurnalist, Azərbaycan İnformasiya Mərkəzinin direktoru, analoq.az saytının baş redaktoru

Zaur Hüseynovun 3 milyonluq servis xidməti - Metropoliteninin qalib etdiyi şirkət kimindir?

Yaradılıb 18.08.2023 08:25 | Baxış sayı: 284
Ardını oxu...
"Bakı Metropoliteni" Qapalı Səhmdar Cəmiyyəti (QSC) qurumun avtonəqliyyat parkında mövcud olan nəqliyyat vasitələrinə servis və təmir işlərinin satın alınması ilə bağlı tenderə yekun vurub.

TEREF.AZ qaynarinfo-ya istinadla xəbər verir ki, tenderin qalibi "Yurd.MR” MMC seçilib. Tərəflər arasında bağlanacaq satınalma müqaviləsinin maliyyə dəyəri 2 790 865,56 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Yurd.MR” MMC 16 avqust 2021-ci ildə qeydiyyata alınıb. Nizamnamə kapitalı 10 AZN olan şirkətin hüquqi ünvanı Bakı şəhəri, Səbail rayonu, Mərdanov qardaşları, ev 34, mənzil 4-də yerləşir. MMC-nin qanuni təmsilçisi Məmmədov Rafiq Kərəm oğludur.

Şirkət yarananda isə qanuni təmsilçisi Məmmədov Ruhin Rafiq oğlu olub. O, 11 avquts 2023-cü ildə Rafiq Məmmədovla əvəzlənib.
Ətraflı

Açıq mənbələrdə bu şəxslər barəsində heç bir məlumat yoxdur. Şirkət haqqında da hər hansı məlumata rast gəlinmir.

Dövlət satınalmalarının elektron portalında yerləşdirilən məlumatlardan aydın olur ki, "Bakı Metropoliteni” QSC ilə bağlanan satınalma müqaviləsi "Yurd.MR” MMC-nin qalib gəldiyi ilk tenderdir. Hər halda şirkətin bundan başqa tenderdə qalib gəldiyi barədə heç bir məlumat yoxdur.

"Bakı Metropoliteni” QSC-nin sədri Zaur Hüseynovdur. O, 2014-cü ildən bu vəzifədədir.

 Nədən turistlər Azərbaycanı seçmir... Çünki bizlər Azərbaycanı sevmirik... - BU FAKTDIR!!!

Yaradılıb 17.08.2023 11:22 | Baxış sayı: 63
Ardını oxu...
DİA.AZ: - Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Tovuz rayonu ərazisindəki “Nazlı bulaq”, Göygöl rayonu ərazisindəki “Göygöl” istirahət mərkəzlərindən ətrafa tullantıların atıldığı və çirkab axıdıldığı, Ağcabədi şəhərində fəaliyyət göstərən “Ucuzluq" marketdə formalaşan tullantıların isə yandırıldığı müəyyən edilib.

DİA.AZ-ın məlumatına görə, xidmət rəsmisi Bəhruz Məhəmmədov bildirib ki, faktlarla bağlı “Nazlı bulaq” istirahət mərkəzinin icarədarı Akif Məhərrəmov, “Göygöl” istirahət mərkəzinin sahibi Məmməd Süleymanov və “Ucuzluq" marketin nümayəndəsi Təbriz İsmayılov barəsində akt, protokol tərtib olunub və qanunamüvafiq tədbirlər görülüb.

“Gələcəkdə belə hallara yol verilməməsi üçün hər üç obyektin sahibinə məcburi göstəriş verilib”, - o deyib.

Bütün bunlar gözəldir. Və təqdirəlayiqdir ki, ETSN əməkdaşları az-çox öz işlərinin öhdəsindən gəlməyə çalışırlar. Amma digər əlaqədar qurumlar isə rəsmən yatıblar. Məsələn elə Göygöl rayonu, Toğanalı kəndinin bələdiyyəsi və yaxud da həmin kəndə baxan bələdiyyə...

DİA.AZ olaraq aşağıda təqdim etdiyimiz fotolar Göygöl-Toğanalı yolunun üstündəki "Gəncəbasar" Ailəvi (guya ki...) İstirahət Mərkəzindən və Toğanalı kəndinin içindən keçən çaydan çəkilib. Fotolardan da göründüyü kimi əslində çox gözəl təbii gözəlliyə malik olan bu ərazilər məhz əlaqədar qurumların baxımsızlığının və öz vəzifələrini yerinə yetirməmələrinin qurbanıdır...

Hər halda, sonra deməyin ki, nədən turistlər Azərbaycanı seçmir... Çünki bizlər Azərbaycanı sevmirik...

Məsələ ilə bağlı dia.az olaraq bütün maraqlı tərəflərin mövqelərini işıqlandırmağa hazırıq...

Ardını oxu...
Ardını oxu...
Ardını oxu...
Ardını oxu...
Ardını oxu...
Ardını oxu...
Ardını oxu...
Ardını oxu...

“Həbsdə qalmaq üçün açılmayan cinayətləri boynuma aldım...” – EVİ SAXTA SƏNƏDLƏRLƏ ƏLƏ KEÇİRİLƏN ŞƏXSDƏN ŞOK AÇIQLAMALAR

Yaradılıb 17.08.2023 11:19 | Baxış sayı: 207

Ardını oxu...
Gəncə şəhər sakini Hüseynov Anar Telman oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, anası öləndən sonra ona qalan evi saxta sənədlərlə mənimsəyiblər:

"Mən, Hüseynov Anar Telman oğlu, yazaraq sizdən xahiş edirəm ki, problemimin araşdırılması üçün mənə kömək göstərəsiniz.

Bildirim ki, 1978-ci ildə Gəncə şəhərində anadan olmuşam. Uşaq evinin sakini olmuşam. Bütün başıma gələnlər savadsızlığımdan və yiyəsizliyimdən olub.

1983-cü ilə kimi 2 nömrəli uşaq evindən Hüseynova Lətafət xanım tərəfindən övladlığa götürülmüşəm. Lətafət xanım ağır xəstəlikdən vəfat edənə qədər məni saxlayıb. Vəfat etdikdən sonra məni Şüvəlanda 2 nömrəli internat məktəbinə yerləşdirdilər. Mənə analıq edən şəxs ölməmişdən qabaq mülkünü sənədlə mənə əmanət etmişdir.

Artıq böyüyüb yaş həddini doldurduqdan sonra internatdan çıxaraq, Ağdaş rayonuna getdim. Ağdaş İcra Hakimiyyətinin qəbulunda oldum və ondan xahiş etdim ki, anamdan qalan evi yaşamağım üçün mənə versin. İcra Hakimiyyəti də sənədləri təqdim etdi və həmin evdə məskunlaşmağa başladım.

Bir neçə ay olardı ki, yaşadığım evdə qonşum Nahidə tərəfindən şərlənərək həbs edildim. Sən demə, həmin qonşumun qərəzli məqsədi var imiş. Həbsdən çıxandan sonra evimə gəldim və bildirdilər ki, mənim adıma olan ev başqa adama satılıb. Hər yerə getdim, müraciət etdim, sübut etdim ki, mən ev satılan vaxt həbsdə olmuşam, evimi kim, necə sata bilərdi?! Mənə qonşum və s. adamlar hədə-qorxu gəlirdilər, amma heç birinə məhəl qoymurdum. Çünki mənim olan evi saxta sənədlərlə satıblar.

Növbəti dəfə məni həbs etdirdilər, ümüdimi kəsdim, başladım açılmayan cinayətləri boynuma alıb, həbsdə qalmağa. Çünki gedəcək yerim yox idi. Həbs həyatı çətin olsa da, ən azından yeməyimizi verirdilər. Dəfələrlə "srok" yatmışam.

Hazırda vərəm xəstəsiyəm. Ağdaş rayonuna getməyə qorxuram, yenidən həbs etdirəcəklər. Xahiş edirəm, yetimçiliklə böyüyən mənə səlahiyyəti çatan çəxslər kömək etsin. Küçələrdə qalmışam, heç kəsim yoxdur. Evimi alan şəxs Baxşəliyev Şəkər və onun oğlanları məni təhdid edirlər. Hansısa dövlət kanalında müxbir işləyən qohumlarının əli ilə məni yenidən həbs etdirəcəklərini deyirlər. Müxbir bir xanımın əli ilə, onun tanığı adamlar vasitəsilə saxta sənədlər düzəldərək, evimi mənimsəyiblər.

Bu yazı efirdə və yaxud saytda gedəndən sonra mən bilirəm ki, yenidən bir yol tapıb məni həbs etdirəcəklər, ya da döydürəcəklər. Amma yaşamağa yerim yoxdur, çarəsizəm. Ağdaş rayonu, Müşviq İsayev küçəsi, dalan 1, ev 29-da qeydiyyatdayam. Sənədlərim də var. Məhkəməyə müraciət edirəm, baxılmır. İcra Hakimiyyəti qarışmır. Mən kimdən kömək istəyim? Xahiş edirəm, mən ölənə kimi evimi mənə versinlər, məni çox çarəsiz vəziyyətə salıblar".

Redaksiyadan: Yazıda adları çəkilən şəxslərin mövqeyini dərc etməyə hazırıq.

Astarada tamam... başçı məşğuldur: BƏS BƏLƏDİYYƏ? - Sakinlər GİLEY EDİR

Yaradılıb 17.08.2023 09:46 | Baxış sayı: 89

Ardını oxu...
     

Azərbaycanın İranla sərhəddə yerləşən Astara şəhərinin əhalisi 20 min nəfərə çatır. Yayda bu şəhərdə əlavə turistlər də olur.

"Mərkəzdə bir ayaqyolu var"

Astara şəhər sakini, ictimai fəal Asən Həşimli deyir ki, əhalinin artmasına baxmayaraq, illərlə həllini gözləyən problemləri çoxdur. Onun deməsinə görə, şəhərdə sovetdənqalma kanalizasiya sistemi dağılıb: "Yenisini tikmək barədə söhbətlər getsə də, hələlik, ortada ciddi iş görülmür. Şəhərin heç yerində içməli su yerləri yoxdur. Mərkəzdə bir ayaqyolu var, o da pis vəziyyətdədir. Çox vaxtı şəhərdə yığılıb qalan zibilləri vaxtında daşımırlar".

Ardını oxu...

Şəhərdə zibillərin atıldığı ərazinin hasarı yoxdur. İnəklər zibillikdə eşələnirdilər. Adının çəkilməsini istəməyən bir sakinin deməsinə görə, külək onların yaşadığı evlərə tərəf əsəndə üfunət iyindən və tüstüdən həyətdə qalmaq olmur: "Tüstü bizi boğur, üfunət iyindən bezmişik. Zibilxananı yaşayış yerindən uzaqda yerləşdirmək lazımdır. Heç olmasa, buranı hasara alsınlar. Elə vaxtlar olur, qarğalar orada dolaşır. Gecələr çaqqallar zibilxanaya daraşırlar. Xəstəlikdir".

"İnəklər kanala yaxın durmurlar"
Söhbətə başqa bir yerli sakin də qoşulur: "Külək zibili göyə qaldırır, ətrafa səpir. Orada nə istəsən var. Siçan basıb oranı. Əhaliyə ziyandır".

Astaranın Əhəd Muxtar küçəsində sakinlər zibili ərazidən keçən kanala atırlar. Sakinlərdən biri Mikayıl Əhmədov zibillərə görə kanal suyunun çirkləndiyini söyləyir: "Yaxınlıqda otlayan inəklər adətən kanal suyu içirdilər. İndi kanala yaxın durmurlar, su həddindən artıq çirklənib. Burada yaşayanlara dəfələrlə demişəm ki, zibili kanala atmayın. Deyirlər ki, kanala atmayaq bəs nə edək? Bura şəhərin küçələrindən biridir. Kənd yolu burdan yaxşıdır".

Astara Gömrük Məntəqəsinin qarşısında vəziyyət bir qədər fərqlidir. Amma orada da şikayət eşidilir: "Balaca maşınlar var, evləri gəzib zibil yığırlar, buna görə pul alırlar. Gətirib həmin zibilləri bura tökürlər. Bunun hesabına xəstəxanaya gedən yolun üstündə həmişə qalaqlanmış zibil olur".

"Hasar nəzərdə tutulub"
Rayon Mənzil Kommunal Tikinti Təsərrüfatı İstehsalat Birliyindən isə deyirlər ki, şəhərdə zibillər vaxtında daşınır: "Qaldı mərkəzi zibilxanaya, ora üçün hasar nəzərdə tutulub. Utilizasiya ilə bağlı heç nə deyə bilmərik. İcra hakimiyyəti aparatına müraciət edin".

Astara şəhər icra nümayəndəliyindən isə bildirirlər ki, onlara əhalidən bu məsələlərlə bağlı şikayət daxil olmayıb.

AzadlıqRadiosu © 

 AQTA-nın da öz TENDER KRALI var... - QANUN-MANUN HƏRLƏMİRLƏR...

Yaradılıb 17.08.2023 09:37 | Baxış sayı: 160

Ardını oxu...
Azərbaycan Qida Təhlükəsizliyi Agentliyi “Dövlət Satınalmaları haqqında” Qanunu pozub. Bu sözləri iqtisadçı Allahverdi Aydın bildirib. Onun sözlərinə görə, son 3 ildə AQTA-nın keçirdiyi və ümumi dəyəri 600 min manata yaxın olan 6 tenderin qalibi “Duohıve” MMC (VÖEN – 1503672811) adlı şirkət olub: “Şirkət təsis olunan zaman (2017-ci il) rəhbəri Rəşad Xalıqov adlı şəxs olub. Bu şəxs 2020-ci ilin yanvar ayından 2021-ci ilin aprel ayına kimi AQTA-nın İnformasiya texnologiyaları və innovativ həllər sektorunun müdiri olub. Sektor müdiri olan kimi “Duohıve” MMC AQTA-nın informasiya texnologiyaları ilə bağlı keçirdiyi 3 tender müsabiqəsinin qalibi olub. Bəs qanun nə deyir?

“Dövlət Satınalmaları haqqında” Qanunun 13-cü maddəsində açıq şəkildə yazılır ki, satınalma prosedurlarından əvvəlki üç il ərzində satınalma prosedurlarında iştirak edən iddiaçının əməkdaşı və ya vəzifəli şəxsi olanlar satınalma prosedurları zamanı satınalan təşkilatın təmsilçisi, məsləhətçisi və satınalmalarla əlaqədar digər vəzifələrin icraçısı ola bilməzlər. Qanunun tələbindən də göründüyü kimi, tender keçirilən zaman (2020-ci ildə) satınalan təşkilatın, yəni AQTA -nın təmsilçisi (İnformasiya texnologiyaları və innovativ həllər sektorunun müdiri) 3 il əvvəl – 2017-ci ildə iddiaçının, yəni “Duohıve” MMC -nin vəzifəli şəxsi (qanuni təmsilçisi) olub”.

Qanunun tələbindən də göründüyü kimi, tender keçirilən zaman (2020-ci ildə) satınalan təşkilatın, yəni AQTA -nın təmsilçisi (İnformasiya texnologiyaları və innovativ həllər sektorunun müdiri) 3 il əvvəl – 2017-ci ildə iddiaçının, yəni “Duohıve” MMC -nin vəzifəli şəxsi (qanuni təmsilçisi) olub.

Onu da bildirək ki, 2017-ci ildə “Duohıve” MMC-yə, 2020-ci ildə isə AQTA-nın İnformasiya texnologiyaları və innovativ həllər sektoruna rəhbərlik edən Rəşad Xalıqov “2007-2015 Dövlət Proqramı” çərçivəsində 2007-2012-ci illərdə bakalavriat və 2012-2013-cü illərdə magistratura səviyyələri üzrə Fransada “Université de Franche-Comté Besançon” ali təhsil müəssisəsindən məzun olub. Xalıqov hazırda Nəqliyyat, Rabitə və Yüksək Texnologiyalar Nazirliyinə məxsus “AzInTelecom” MMC-də informasiya və kommunikasiya texnologiyaları üzrə müşavir vəzifəsini icra edir.

Diqqət çəkən məqamlardan biri də odur ki, açıq internet resurslarında “Duohıve” MMC ilə bağlı olan azsaylı məlumatlardan biri AQTA sədri Qoşqar Təhməzlinin qardaşı oğlu Şahbaz Təhməzlinin rəhbərlik etdiyi “İPE Group” MMC-yə məxsus “rahatyasam.az” saytının bu şirkət tərəfindən hazırlamasıdır. //cumhuriyyet.az//
 

GƏTİR-GÖTÜR` biznesi kimin marağında idi ki... - “Wolt Azerbaijan” NƏDƏN HƏDƏF OLDU?

Yaradılıb 17.08.2023 09:32 | Baxış sayı: 112
Ardını oxu...
Avqustun 15-də “Wolt Azerbaijan” Qida Təhlükəsizliyi Agentliyinin pozuntulara görə şirkətin fəaliyyətinin dayandırılması ilə bağlı bəyanatını təkzib edib.

“Tətbiqimiz aktivdir və müştərilər normal qaydada sifarişlərini verə bilərlər. Qida Təhlükəsizliyi Agentliyinin tələblərinə gəlincə, ”Wolt" heç bir qanun pozuntusu olmadan fəaliyyət göstərir və bu, məhkəmənin qərarı ilə təsdiqlənir. “Wolt AZƏRBAYCAN” MMC-nin fəaliyyətində qanun pozuntularının aşkarlanması ilə bağlı məlumatların reallıqla heç bir əlaqəsi yoxdur.

Təəssüflər olsun ki, agentlik şirkətimizə təzyiq göstərmək məqsədilə bizim reputasiyamıza xələl gətirən natamam və qeyri-dəqiq məlumatların yayılması yolunu tutub", - deyə məlumatda vurğulanıb.

Doğrudan da, son iki gündə şirkətin sifariş icraçıları öz nəqliyyat vasitələri ilə yollardan əvvəlki qaydada işləyiblər. Yada salaq ki, AQTA “Wolt Azərbaycan” MMC-yə məxsus qida məhsullarının çatdırılması (daşınması) müəssisəsində aparılmış planlı yoxlama çərçivəsində qida təhlükəsizliyi sahəsində texniki normativ hüquqi aktların bir sıra tələblərinin pozulması faktlarının aşkarlandığını açıqlayıb.

Müəssisənin “Qida təhlükəsizliyi haqqında” Qanuna zidd olaraq qida təhlükəsizliyi qeydiyyatından keçmədən fəaliyyət göstərdiyi, qida məhsullarının istehlakçılara çatdırılması zamanı isti və soyuq zəncirin qorunmadığı, məhsulların temperatur rejimi və mal qonşuluğu qaydaları pozulmaqla daşındığı, həmin nəqliyyat vasitələrində dezinfeksiya işlərinin aparılmadığı, qida məhsullarının çatdırılmasında iştirak edən şəxslərin tibbi müayinədən keçmədikləri müəyyən olunub.

Aşkarlanmış nöqsanlarla əlaqədar sözügedən müəssisə tərəfindən qida məhsullarının çatdırılması fəaliyyətinin dayandırılması, ilkin və dövri tibbi müayinədən keçməyən şəxslərin müəssisədən kənarlaşdırılması ilə bağlı məhdudlaşdırıcı tədbirlərin tətbiqi barədə qərar qəbul edilib.

Eyni zamanda MMC-nin məsul şəxsi barəsində müvafiq tədbir görülüb. Daha sonra isə qəbul edilmiş qərarın icra vəziyyətinin yoxlanılması ilə əlaqədar MMC-də plandankənar yoxlama keçirilib. Yoxlama zamanı şirkət tərəfindən nöqsanların aradan qaldırılmadığı, həmçinin fəaliyyətinin dayandırılmasına baxmayaraq, fəaliyyət göstərdiyi müəyyən olunub. Bununla əlaqədar, qanunvericiliyin tələblərinə uyğun olaraq, həmin müəssisənin fəaliyyətinin dayandırılması ilə bağlı məhdudlaşdırıcı qərarın təkrar tətbiqi barədə qərar qəbul edilib.

“10 ildən çox ölkədə fəaliyyət göstərən, artıq oturuşmuş bir şirkətə çevrilən, minlərlə gənc üçün iş yeri və çörək pulu qazanmaq yerinə çevrilən, cəmiyyətin elə bir ciddi narazılığı olmayan bir strukturun fəaliyyətini dayandırmaq və ya bağlamaq qərarı ağlabatan bir addım kimi görünmür”. Bu sözləri Azərbaycan İnternet Forumunun prezidenti Osman Gündüz deyib.

Onun sözlərinə görə, AQTA digər əlaqədar dövlət qurumları və “Wolt”la birgə şirkətin qanunvericiliyin tələblərinə əməl etməsinə, qaydalara uyğunlaşdırılmasına köməklik göstərə bilərdi, daha hövsələ ilə yanaşa bilərdi, cərimələr tətbiq edə bilərdi.

TEREF.AZ-ın məlumatına görə, iqtisadçı ekspert Eldəniz Əmirov “Yeni Müsavat”a bildirdi ki, heç bir halda iş yerlərinin bağlanması çıxış yolu deyil. Ekspert deyib ki, qanun pozuntularının aradan qaldırılması üçün radikal qərar qəbul etmədən öncə bütün mümkün tədbirləri görməyə çalışmaq lazımdır: “İş yerlərinin bağlanmasının qəti əleyhinəyəm. Kuryerlik çətinliyi çox olan sahədir. Kimi ailəsini dolandırmaq, kimi də tələbə olduğu üçün kuryerlik edir. Bu günün reallığı çərçivəsində ən dəhşətli xəbər hansısa müəssisənin və ya xidmətin bağlanması, ən qiymətli xəbər isə hansısa müəssisənin açılmasıdır (milli təhlükəsizlik və hərbi xəbərlər istisna). "Wolt"u bağlamaq niyyəti pis xəbərdir. Avqustun sonuna kimi Quba şəhərində 500 min dollarlıq sərmayəli şokolad fabriki açılacaq. Hələ gələcəkdə bu zavodun genişləndirilməsinə daha 10 milyon dollar sərmayə qoyulacağı bildirilir. Bu xəbər mətbuatda hansısa müğənninin itinin ad günündən daha az işıqlandırıldı. Amma bu ciddi xəbər idi. Burada yüzlərlə insanın gələcəkdə işlə təminat məsələsi vardı. “Butterfly effect” nəzəriyyəsi boşuna yaranmayıb. Bir fabrikin işi doğru qurularsa və maneələr olmazsa, “butterfly effect”lə digər rayonlara və sahələrə müsbət təsirini göstərər. Burada fabrikin işlədiyi zaman xammal təchizatına yaranan tələb rayonda kənd təsərrüfatının inkişafına, bu isə digər sahələrə stimul verə bilər. Nəzərə alsaq ki, prioritet sahə olan kənd təsərrüfatının (k/t) ÜDM-də payı çox az olduğundan hər adi kimi görünən məqam k/t üçün vacibdir. Əlqərəz, açılan bir müəssisə həm təcrübəyə, həm sahəyə, həm məşğulluğa, həm dolayı sahələrə və həm də buradan evinə çörək aparan insanların həyatına ciddi qatqılar verər, amma müəssisə bağlanarsa, bunların əksi olar. Bütün təsirlənən sahələrin “suyu” quruyar. Bu isə yüzlərlə, minlərlə insanın xəyallarını və ümidlərini öldürür. Bu heç də obrazlı ifadə deyil. Hər ay evinə 5 manat pul aparan adama “sənin iş yerin bağlandı” və ya “sən ixtisara düşdün” deyəndə adamın ilk düşündüyü nə olur? Evlidirsə, “uşağıma axşam nə aparacam”, - deyə beyni quruyur, subaydırsa, evlənmək üçün qurduğu xəyalları. Buna görə də iş yerlərinin bağlanmaması üçün bütün mümkün tədbirlərə əl atmaq lazımdır.

Bir müəssisə açılanda isə xəyallar da çiçək açır, ümidlər də. Elə buna görə də ölkə rəhbərliyinin də ən vacib tapşırıqlarından biri məhz ölkədə yeni iş yerlərinin yaradılması ilə bağlıdır. Odur ki, iş yeri yaradan hər kəs həm ölkə üçün, həm iqtisadiyyat, həm də insanlıq üçün qiymətlidir, istər o böyük investor olsun, istər kiçik sahibkar, istərsə də kiçik bir kənd bələdiyyəsi".

Xatırladaq ki, “Wolt” 2014-cü ildə Finlandiyanın paytaxtı Helsinkidə yaradılıb, hazırda 23 ölkədə, 120-dən çox şəhərdə fəaliyyət göstərir. Şirkətin 40 mindən artıq kuryerı var və onların işi 15 min restoranı əhatə edir. Azərbaycan bazarına “Wolt” 2019-cu ildən daxil olub.
 

“Subartezian quyusu qazılmasa, gərək 40 ailə kənddən köçsün...” - Sakinlər Prezidentdən kömək istəyirlər

Yaradılıb 17.08.2023 09:01 | Baxış sayı: 56
Ardını oxu...
Goranboy rayonu Səfikürd kəndinin Qaş məhəlləsinin sakinləri Prezident İlham Əliyevə və Dövlət Su Ehtiyatları Agentliyinin rəhbəri Zaur Mikayılova media vasitəsi ilə müraciət edib.

“AzPolitika.info”nun redaksiyasına daxil olan müraciətdə bildirilir ki, Qaş məhəlləsinin 40-dan çox fərdi yaşayış evi, həyətyanı və əkin sahələri uzun illərdir su çatışmazlığından əziyyət çəkir: “Ağaclarımız, əkinlərimiz quruyur. Sizin Sərancamınız əsasında hər il bölgələrdə subartezian quyuları qazılır. Bu məqsədlə, 2 il bundan əvvəl kollektiv olaraq, Sizə müraciət ünvanlamışdıq və buna görə bizim əraziyə 1 ədəd quyu salınmışdı. Meliorasiya və Su Təsərrüfatı ASC tərəfindən həmin yerin koordinatları vurulmuşdu. Lakin sonradan Rayon icra hakimiyyətinin və Suvarma Sistemləri İdarəsinin süni müdaxiləsi ilə həmin quyu qanunsuz olaraq, başqa əraziyə salınıb. Buna görə də 2022-ci ildə Sizə və aidiyyəti qurumlara müraciət etdik. Bundan sonra müvafiq sərəncamınızla rayonumuza ayrılan 31 subartezian quyusundan 1-i yenidən bizim məhəlləyə ayrıldı və bu barədə ASC və Goranboy Rayon İcra Hakimiyyəti tərəfindən bizə rəsmi məktub ünvanlandı. Həmin məktubda qeyd olunub ki, 31 quyudan 1-nin Qaş məhəlləsində qazılması nəzərdə tutulub və qazılması təmin ediləcək”.

Şikayətçilər yazırlar ki, həqiqətən də, 2022-ci ilin sonunda aidiyyatı qurumların məsul şəxsləri, mütəxəssislər yerində baxış keçiriblər və təkrar koordinatları vurulub. Lakin 6 aydan çox müddət keçməsinə baxmayaraq, hələ də quyunun qazılmasına başlanılmayıb. “Açığı, narahatıq ki, 2021-ci ildəki kimi yenə də dövlətimizin bizə verdiyi quyunu yenə başqa yerə salarlar”, - Səfkürd sakinləri bildirirlər.

Sakinlər Prezidentdən və Zaur Mikayılovdan kömək istəyirlər. Yazırlar ki, subartezian quyusu qazılmasa, gərək 40 ailə kənddən köçsün...
Ardını oxu...
 
 
 

16 yaşlı doğma qızını ərəb Veysələ 100 minə satan ata… - Azərbaycan vətəndaşı olan Elnarə Prezidentə müraciət etdi…

Yaradılıb 17.08.2023 08:51 | Baxış sayı: 70
Ardını oxu...
İnsan Alverinə qarşı Mübarizə İdarəsi hara baxır..? Biz bir media olaraq bir neçə gün əvvəl konkret olaraq Azərbaycan vətəndaşı olan bir qadının – əslən İmişlidən olan, 1977-ci il təvəllüdlü Darviq Elnarə Parış qızının başına gələnlər əsasında yazı dərc etdik.
Qısa xatırlatma üçün qeyd edək ki, Elnarə İmişlinin Gövhərli kəndində anadan olub, birinci evliliyindən 2 övladı var, sonra boşanıb, Bakıda yaşayıb, məcbur olub övladlarını 2 saylı Uşaq evinə verib və özü “Dialoq” firmasının köməkliyi ilə Türkiyədə işə düzəlib. Burada aldığı 1200 dollar qazancla Bakıda bankda hesab açıb, pullar yatırıb və Binəqədidə torpaq sahibi olub.
Sonra Birləşmiş Ərəb Əmirliyində işə düzəlib və orada ərəb olan Basemlə tanış olub. Və onunla ailə qurmalı olub. Sonda Basemlə birlikdə Bakıya qayıdıblar. Onların nikahından 2 övladları -qızı və oğlu dünyaya gəlib. Bakıya qayıtdıqdan sonra Elnarə və həyat yoldaşı Basem müxtəlif yerlərdə çalışıblar. Məsələn, Basem Elnarənin tikinti sahəsində çalışan qardaşlarının yanında işləyib. Elnarə özü isə bankda olan pullarını xırda tikinti biznesinə yönəldib və nəticədə binaların birindən mənzil alıb, özü üçün restoran açıb və orada çalışıb. Evləri, maşınları olub.
Bir gün Basem Elnarəyə gecə klublarında çalışacağını, böyük pullara sahib olacağını deyib. Sözün qısası, Elnarənin dediklərindən bəlli olur ki, əri Basem Darviş Neftçilərdə yerləşən "X Life" gecə klubunda işləyib, orada Zeynəb Quliyeva ilə tanış olub və hər ikisi fahişə biznesinə girişiblər.
Belə ki, Zeynəb Quliyeva cavan qızlar, Basem Dərviş pullu ərəb turistlər taparaq onları görüşüdürüb pullar qazanıblar.
Sözün qısası, Elnarənin dediklərindən belə başa düşdük ki, ərəb Basemlə 18 illik ailə münasibətləri dağılmağa başlayıb. Və Zeynəb Quliyeva ilə Basem Dərvişin qurduğu oyunların nəticəsində Elnarə ömrü boyu qazandığı mülklərini, evlərini, maşınlarını, qızıl-zinət əşyalarını itirib, daha doğrusu, hamısını Basem Dərviş ələ keçirib.
İndi Elnarə qalıb çıxılmaz vəziyyətdə. Və deyir ki, indi də Basem Dərviş ikimizin izdivacından olan 16 yaşlı qızımızı ərəb Veysələ 100 minə satmaq istəyir. Elnarə deyir ki, dəfələrlə onu bu yoldan çəkindirməyə çalışmışam, amma Basem deyir ki, nə olsun qızım az yaşlıdır, iki ildən sonra kəbin kəsdirəcəklər… amma mən 100 min qazanacağam…
Sözün qısası, Elnarənin dediklərindən belə aydın oldu ki, Basem Dərviş və Zeynəb Quliyeva gecə klublarında fahişə satmaqla milyonçuya çevilriblər. Elnarə qorxur ki, Basem Dərviş 16 yaşlı qızını oğurlayıb ərəb Veysələ sata bilər. Elnarə həm də bu il ilk dəfə məktəbə gedəcək oğlundan da nigarandır. Düşünür ki, Basem ona təzyiq üçün uşağı oğurlaya bilər. Ona görə də, Azərbaycan vətəndaşı olan Elnarə Parış qızı üzünü cənab Prezident İlham Əliyevə, Birinci Vitse-Prezident xanım Mehriban Əliyevaya tutaraq onlardan İMDAD diləyir, uşaqlarının və özünün gələcək təhlükəsizliyinə təminat istəyir.
Yeri gəlmişkən, Elnarə Parış qızı onu da bildirdi ki, EXTRA gecə klubunda çalışan, Basemin dostu Dilsuz Dəmirçiyev həbsxanadan çıxıb və yenidən Basemlə, Zeynəblə iş birliyi qurmağa başlayıblar.
P. S. Elnarə xanım haray çəkir ki, əri Basem ərəb olduğu üçün ailəsini oranın qanunları ilə idarə edir. Amma bizim qanunlarımızda 16 yaşlı qızı məcburən Veysəl adlı ərəb şeyxinə ərə vermək yoxdur. Hüquq Mühafizə Orqanlarını Azərbaycan xanımı olan Elnarəni ərəb Basemin təzyiqlərindən xilas etməyi xahiş edirik.
Sabahnews.az
 
 
 

Dünyapress TV

Xəbər lenti