 |
|
|
Teref.az-a bire qrup Ucar vətəndaşı şikayət məktubu ünvanlayıb. Şikayəti oxuculara təqdim edirik:
Ucar rayon sakinləri tərəfindən
ŞİKAYƏT
Biz 2019-cu ildən “DOST” İş Mərkəzinin əmək müqaviləsi ilə Ucar rayon Kommunal Müəssisələri Kombinatında (Komxozda) işə qəbul olunmuşuq. Hər gün bizə verilən tapşırıq əsasında küçələri süpürüb təmizləmişik.Həttda aylıq pul verib işə gəlməyənlərin yerinidə bizə süpürtdürüblər.Bunu subut edən süpürdüyümüz küçələrdəki obyektlərin müşahidə kameralarına açıb baxmaq kifayət edər.
2022 və 2023-cü ildə 3 dəfə “DOST” İş Mərkəzi tərəfindən Ucarda video çəklişlə yoxlama keçirilib. Həmin gün biz artlıq verilən tapşırığı yerinə yetirib evimizə getmişdik.Təmizlik işləri səhər saat 6-00 radələrindən təxminən saat 11-00 radələrinə kimi bizə verilən tapşırıları yerinə yetirib evimizə gedirik.DOST İş Mərkəzindən yoxlama saat 12-00 da gəlib monitorinq aparılıb.Həmin vaxt komxozun rəhbərliyi aylıq pul verib işə gəlməyənlərə tez zəng etdirib çağırıb gətizdirirlər. Bizə isə xəbər verilməyib.Həttda elə olub ki, yoxlama zaman aylıq haqq verənlərin 80 % işə gəlməyib.Ancaq yoxlamaya pul və siyahı verilib deyə onlara gözün üstə qaşın var deyən olmadı.Biz isə gündəlik işə çıxıb aylıq haqq vermədiyimiz üçün hədəfə tuş gəldik.Bizim əmək müqaviləmizə qanunsuz xitam verildi.
Tələbimiz 3 dəfə aparılan yoxlama zamanı aparılan video çəkilişə bizim iştirakımızla baxış keçirilsin.Həmin videoda aylıq haqq verib işə gəlməyənlərin çoxu yoxdur.Belə olan təqdirdə gələn yoxlamanın korrupsiyaya qurşanması subut olunacaq.
Bizim hər birimizin evinə azyaşlı uşaqlarımız və ciddi xəstələrimiz var heç bir yerdən gəlirimiz yoxdur.
“DOST” İş Mərkəzi Ucarda komxozun rəhbərliyi ilə əlbir olub korrupsiya şəbəkəsi yaradıb.Həmin yoxlamalar zaman aparılmış video çəklişə baxılarsa bu tam subut olunacaq.
Prezident cənab İlham Əliyev “DOST” İş Mərkəzini yaratdı ki, kasıb ailələr işlə təmin olunub ailəsin dolandırsın.Ancaq Ucarda “DOST” İş Mərkəzinin əmək müqaviləsi ilə Komxoza əksəriyyəti imkanı olan adamlar götürüldü.Buna isə şəraiti icra başçısı Mənsur Məmmədov şəxsən yaratdı.İcra başçısı 50.000 manat pulun müqabilində Asəm Kərimov kimi korrupsioneri komxoza müdir vəzifəsinə təyin etdi sondada guya etdiyi səhvi düzəldirmiş kimi onu işdən öz ərizəsi ilə çıxartdı.
İndi biz bir qrup korrupsionerin qanunsuz əməllərinə görə aclıq işində yaşamağa məhkum olmuşuq.
Xahiş və tələbimiz “DOST” İş Mərkəzinin apardığı yoxlama zamanı çəkilmiş videoya bizim iştirakımızla baxılsın korrupsiyaya qurşanmış şəxslərin barəsində ciddi tədbirlər görülsün qanunsuz çıxarıldığımız üçün işimizə bərpa edilməliyik.
İmza; Cəfərova Kəmalə Qədir qızı
Hacıyeva Zərinə Eyvaz qızı
Əhmədova Sevinc İsmayıl qızı
Əlizadə Elnarə Məhərrəm qızı
Qurbanova Mətanət Şahin qızı
Cəfərov Həsən Cəmşid oğlu
Teref.az olaraq qarşı tərəfində mövqeyini dərc etməyə hazırıq!
Teref.az
Bu gün əksər inkişaf etmiş ölkələrdə özəl pensiya fondları fəaliyyət göstərir.
Tribunainfo.az xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov deyib.
“Dünya təcrübəsində görür ki, vətəndaşlar özəl pensiya fondlarından çox sıx şəkildə istifadə edir. Özəl pensiya fondu imkan verir ki, vətəndaşlar pensiya yaşına çatdıqda yalnız dövlətdən deyil, özəl pensiya fondundan pensiya ala bilsin.
Bu da təbii ki, pensiya məbləğinin artmasına gətirib çıxarır. Oxşar praktikanın Azərbaycanda tətbiq edilməsi məqsədəuyğundur.
Əgər özəl pensiya fondu yaradılarsa, vətəndaş pensiya çıxan zaman əgər onun pensiya məbləği 500 manatdırsa, özəl pensiya fonduda ödədiyi ödənişlər nəticəsində əlavə olaraq 300 manat almaq imkanı qazanacaq”,- deyə o əlavə edib.
V.Bayramov həmçinin bildirib ki, özəl pensiya fondunun etibarlılığı da çox önəmlidir.
“Çünki adətən pensiya fondunda vəsaitlər manatla yığılır və onun idarə edilməsi həyata keçirilir. Ona görə də, burada ilkin kapitalın formalaşdırılması, etibarlılığın artırılması önəm daşıyır.
Hətta biz təklif edirik ki, özəl pensiya fondlarının yaradıldıqdan sonra orada yığılan vəsaitlərin indeksasiyası həyata keçirilsin, valyuta riskləri sığortalansın. Ona görə də mexanizmin daha təkmil şəkildə hazırlanıb, təqdim edilməsinə ehtiyac var”,- deyə o əlavə edib.
Azərbaycan Respublikasının Əmək və Əhalinin Sosial Müdafiəsi Naziri cənab Sahil Babayevə
Ucar şəhəri, Heydər Əliyev prospekti, ev 87, mənzil 7-də yaşayan Tağıyev Əli Əlövsət oğlu tərəfindən
MÜRACİƏT
Cənab nazir, mən mətbuat vasitəsi ilə Sizə bildirirəm ki, təcili olaraq məni şəxsən özünüz qəbul edəsiniz. Sizin qəbulunuza düşməkdə məqsədim rəhbərlik etdiyiniz nazirliyin əsassız və qanunsuz əməlləri barədə Sizə məlumat verməkdir.
Belə ki, aztəminatlı ailə olaraq ünvanlı dövlət sosial yardım almaq üçün 03.06.2023-cü il tarixində elektron qaydada Əmək və Əhalinin Sosial Müdafiəsi Nazirliyinə müraciət etmişik. Bu müraciətimiz VEMTAS tərəfindən qeydiyyata alınsada dərhal imtina verilib.ÜDSY-dən imtinaya səbəb kimi göstərilib ki, «Ailənin mülkiyyətində və istifadəsində nəqliyyat vasitəsinin olması (dövlət tərəfindən reabilitasiya məqsədləri üçün verilmiş nəqliyyat vasitələri istisna olmaqla)» Həmin imtinanı bu ərizəmə əlavə edirəm.
Rəhbərliki etdiyiniz nazirlik tərəfindən bizə verilmiş bu imtina əsassızdır.Ona görə ki, mən Azərbaycan Respublikası Baş Dövlət Yol Polisi İdarəsi tərəfindən bizə verilmiş arayışda göstərilib ki, yoldaşımın adında umumiyyətlə maşın olmayıb. Həmin arayışlarıda ərizəmə əlavə edirəm. Mənim adımda olan maşın (1984-cü ilin buraxılışı, vaz 2102 markalı minik avtomobili) 2020-ci ilin iyul ayında satmışam başqa şəxsə. İmtinada göstərilən maşın tamamilə başqa maşındır. Belə ki, ailəmizə məxsus olan 01 BA 494 dövlət qeydiyyat nişanlı qaz-53 yük maşını göstərilib.
Polis İdarəsindən bizə məlumat verdilər ki, bu maşın Tağıyev Əli Əlimirzə oğluna məxsusdur. Yəni bizim ad, soyadlarımız eynidir. Ata adlarımızı fərqlidir. Əmək və Əhalinin Sosial Müdafiəsi nazirliyinin qurub-yaratdığı VEMTAS sistemi ata adları müxtəlif olan şəxsləri ayırd edə bilmir. Azərbaycan Respublikası Baş Dövlət Yol Polisi İdarəsinin sistemindən çıxarılmış arayışları bu müraciətimə əlavə edirəm.
Cənab nazir, mətbuat vasitəsi ilə Sizdən xahiş məni şəxsən özünüz təcili qəbul edəsiniz Əlimdə olan bu subutları Sizə təqdim edim.
Əlillərin, o cümlədən sosial müdafiəyə xüsusi ehtiyacı olan və işə düzəlməkdə çətinlik çəkən şəxslər barədə Azərbaycan Respublikası Qanununvericiliyinin tələblərinə əməl etmək hər bir idarə, müəssisə və təşkilatların borcudur:
1. Qanunvericilyə əsasən sosial müdafiəyə xüsusi ehtiyacı olan və işə düzəlməkdə çətinlik çəkən şəxslər aşağıdakılardır: əlilliyi olan şəxslər, o cümlədən sağlamlıq imkanları məhdud 18 yaşınadək uşaqlar, şəhid ailəsinin üzvləri, 20 yaşadək gənclər, məcburi köçkünlər, yetkinlik yaşına çatmamış uşaqları tərbiyə edən tək və çoxuşaqlı valideynlər, 18 yaşadək əlilliyi müəyyən edilmiş uşaqları tərbiyə edən valideynlər, pensiya yaşına iki ildən az qalmış şəxslər, cəzaçəkmə yerlərindən azad edilmiş şəxslər.
2. Bu işçilər barədə Kvotanın miqdarı müvafiq inzibati ərazi vahidində əmək bazarındakı vəziyyətdən asılı olaraq, müəssisələrdəki işçilərin orta siyahı sayının 5 faizindən (orta illik siyahı sayının 2,5 faizi əlilliyi olan şəxslər, o cümlədən sağlamlıq imkanları məhdud 18 yaşınadək uşaqlar üçün nəzərdə tutulmaqla) çox olmamaq şərti ilə müəyyən edilir.
3. İşəgötürənlər: Məşğulluq xidməti tərəfindən göndəriş verilmiş və sosial müdafiəyə xüsusi ehtiyacı olan və işə düzəlməkdə çətinlik çəkən şəxsləri, onlar üçün kvota üzrə müəyyən olunmuş iş yerlərinə qəbul etməyə borçludurlar.
4. İdarə, müəssisə və təşkilatlarda qanunla nəzərdə tutulam qaydada Kvotanın saxlamaq məqsədilə, ştatların ixtisarı və ya işçilərin sayının azaldılması zamanı, sosial müdafiəyə xüsusi ehtiyacı olan və işə düzəlməkdə çətinlik çəkən işçilərə üstünlük verməklə onları işdə saxlamaq və ya digər müvafiq işlə təmin etmək
5. "Əlilliyi olan şəxslərin hüquqları haqqında” Azərbaycan Respublikasının Qanununa uyğun olaraq əlilliyi olan şəxslərin digər şəxslərlə bərabər səviyyədə əmək fəaliyyəti ilə məşğul olmasını təmin etmək, eyni zamanda sosial müdafiəyə xüsusi ehtiyacı olan, işə düzəlməkdə çətinlik çəkən digər işçilərini işə qəbul edilməsi və ya işdə saxlanılması Əmək Məcəlləsi üzrə işəgötürənin əsas vəzifələrindən biridir.
6. Məşğulluq xidməti tərəfindən göndəriş verilmiş, sosial müdafiəyə xüsusi ehtiyacı olan və işə düzəlməkdə çətinlik çəkən şəxsləri onlar üçün kvota üzrə müəyyən olunmuş iş yerlərinə qəbul etməkdən imtina edən işəgötürənlər qanunla müəyyən edilmiş qaydada məsuliyyət daşıyırlar.
7. Məşğulluq xidməti tərəfindən göndərilmiş və sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin onlar üçün kvota üzrə müəyyən olunmuş iş yerlərinə qəbul edilməməsinə, yaxud dövlət büdcəsinə vəsait köçürülməməsinə görə: min beş yüz manatdan iki min manatadək məbləğdə cərimə edilir.
Azər Quliyev.
Teref.az
Prezidentin, MM-in, KM-in, məhkəmənin ləğv edə bilmədiyi qərarı Filial necə ləğv edib?
İllərdir pensiya , sosial təminat hüququ ilə bağlı iki qurumun – son xidmət yerim olan DİN-lə ƏƏSMN-
in özbaşınalığı arasında yaşam uğrunda savaşdayam. DİN Maliyyə Plan İdarəsi “Hərbi qulluqçuların
pensiya təminatı haqqında” qanunun 15v , 23b maddələrinə əsasən, uyğun olaraq minimum
pensiyanın 300 və 100 faizi həcmində pensiyaya əlavəni, 58-ci maddə əsasında dolanışıq xərcləri
indeksinin dəyişməsi ilə bağlı pensiyamı yenidən hesablamayıb; ƏƏSMN tabeliyində DSMF ( Xüsusi
Şərtlərlə Təyinat üzrə Mərkəzi Filialı) pensiyam Fonda keçəndən sonra “Əmək pensiyaları haqqında”
qanunun 26.1 maddəsinə qarşı çıxaraq, DİN-də təyin edilən pensiyanı 45.10 manat azaldıb, 19-cu
maddəyə əsasən, 1-ci dərəcəli əlilə qulluğa görə 11 manat, 1-ci dərəcəli Qarabağ əlilinin pensiyasına
110 manat əlavəni hesablamaqdan imtina edib. 1 saylı Bakı İnzibati-İqtisadi Məhkəməsi (hakim Elçin
Məmmədov) 05.07.2017-ci il tarixli 2-1(81)-1889/17 saylı qərarla pensiyama 110 manat əlavənin
hesablanmalı olmasını qərara alıb və qərar 2023-cü ilin aprelinə kimi icra olunub.
Pensiyamın düzgün hesablanmamasından şikayətlərimə cavab olaraq Xüsusi Şərtlərlə Təyinat üzrə
Mərkəzi Filialın (XŞTÜMF) direktoru Şahin Əliyev 26.01.2023 tarixli, onun müavini Elnur Qurbanov
22.02.2023 tarixli eyni məzmunlu məktublarla pensiyamın məhkəmə qərarı ilə əlavə olunan 110
manatla birlikdə 1112.44 manat hesablandığını, 30 gün müddətində məhkəməyə müraciət etmək
hüququmu bildiriblər. 25.02.2023-cü ildə Bakı İnzibati Məhkəməsinə iddia təqdim edilib və martda
icraata götürülüb. Məhkəmə (hakim Bəhlul Cəlalov) mayın 2-ə hazırlıq iclası təyin edəndə, apreldən
pensiyama məhkəmə qərarı ilə əlavə olunan 110 manatı kəsməklə yenidən 138.79 manat azaldıb
973.65 manata salıblar. Özbaşınalığa baxın, XŞTÜMF rəsmi məktublarla məhkəmə qaydasında
hüququmu təmin etməyi bildirir, məhkəməyə müraciət edəndə isə pensiyamı daha da azaldır. Belədə
deyiblər, yumurtlamadı-yumurtlamadı, falı da yedi?
“Əmək pensiyaları haqqında” qanunun Qarabağ qaziləri ilə bağlı heç bir tələbinə əməl etməyən Filial ,
pensiyadan məbləğ tutmaqda da özbaşınalıq edir. Sözügedən qanunun 39-cu maddəsinə görə,
pensiyadan tutulma yalnız pensiyaçının razılığı ilə olmalıdır, razılıq olmadıqda məhkəmə yolu ilə
tutula bilər. Belə çıxır, pensiya ödəyən orqanın pensiya qanunvericiliyindən xəbəri yoxdur ?! Bəs
Konstitusiyadan necə? Konstitusiyanın 129-cu maddəsinə görə, məhkəmə qərarları dövlətin adından
çıxarılır və icrası məcburidir. Məhkəmə qərarlarının icra olunmaması qanunla müəyyən edilmiş
məsuliyyətə səbəb olur.
Xüsusi Şərtlərlə Təyinat üzrə Mərkəzi Filialının Konstitusiyaya hörmətsizliyi o həddədir ki,
PREZİDENTİN, MİLLİ MƏCLİSİN, KONSTİTUSİYA MƏHKƏMƏSİNİN, MƏHKƏMƏ HAKİMİYYƏTİNİN LƏĞV
EDƏ BİLMƏDİYİ MƏHKƏMƏ QƏRARINI LƏĞV EDİR?! Bunun bir adı var: ÖZBAŞINALIQ!
Hələ ki özbaşınalıq sürür...
Məğrur Bədəlsoy
QAZİ kimi mənzil qeydiyyatına alınmam üçün 2008-ci ildə müvafiq sənədləri toplayaraq Naxçıvan MR Əmək və Əhalinin Sosial Müdafiəsi Nazirliyinə təqdim etdim və oradan da mənə Nazir müavini Qadir Əliyevin imzası ilə mənzil qeydiyyatına alınmam barədə müvafiq cavab verildi.Sonrakı illər də növbəm ilə maraqlananda mənə başdan sovdu cavablar verilirdi...Şikayət etdim əvəzində oğlumun işdən çıxarılması ilə təhdid etdilər və məni dövlətimuzə və dövlətçiliyimizə qarşı narahat adam kimi tanıtmağa başladılar. HALBU Kİ, MƏN BU DÖVLƏT VƏ MİLLƏT ÜÇÜN 1990-cı ilə qədər qulluq etdiyim Rusiyada bütün şəraitimi,o cümlədən xidməti karyeramı ataraq vətənin müdafiəsinə gəldim və bu yolda vuruşaraq Qazi oldum.Ən nəhayət oğlumu işlədiyi Sədərək rayon İcra Hakimiyyətində heç bir səbəb olmadan işdən çıxardılar...Son zamanlar məlum oldu ki, Naxçıvan MR ƏƏSM Nazirliyində mənim qeydiyyatım olmayıb və yoxdur.Onlar mənə yenidən mənzil qeydiyyatına alınmam üçün Şərur rayon İH müraciət etməmi tövsiyə etdilər...Sağ olsunlar Şərur rayon İcra Hakimiyyətinin şöbə müdiri Ceyhun müəllim və müvafiq əməkdaşları müraciətimə operativ olaraq baxıldılar. Şərur rayon İcra Hakimiyyəti Başçısının müvafiq sərəncamı verilərək mənzil qeydiyyatına alınmam üçün sənədlər yenidən NAXÇIVAN MR ƏƏSM Nazirliyinə göndərildi... Məni incidən bax bu 15 ilin haqsızlığıdır.Oğlumun haqsız olaraq işdən çıxarılmasıdır...İndi mən bir 15 ildə gözləməliyəm ki, mənzil ala biləm. Amma bunlar unudurlar ki, bu gün mənim 66 yaşım var və nəinki,15 il heç 15 gün belə yaşamağa ümid yoxdur...
Vidadi Kərimbəyli
Teref.az
“Aylıq 300-400 manat əmək haqqı alan kasıb adam niyə istirahət mərkəzinə gedib istirahət etməlidir ki? Ümumiyyətlə, 300-400 manat alan adamlarına yadına belə yerlərdə istirahət etmək düşür? Onlar ancaq axşam evə gedəndə nə yeyə biləcəyi haqqında düşünür”.
Bunu Valyuta.az-a açıqlamasında iqtisadçı ekspert Xalid Kərimli istirahət mərkəzlərinin qiymətindən danışarkən deyib. Ekspertin fikirincə, kasıb işləməli, gəlirlərini artırmalıdır:
“Kasıb varlı kimi istirahət edəcəksə, varlı ilə kasıbın nə fərq olacaq ki? Sahibkarlar istirahət mərkəzlərinə istədiyi qiyməti təyin edə bilər, heç kim qiymətin enməsi ilə bağlı sahibkara tapşırıq verə bilməz. Hamının dincəlməsi üçün yeganə ümid hökumətin minumum əmək haqqını artırmasından keçir”.
Xalid Kərimli istirahət mərkəzlərinin əksəriyyətinin özəl, şəxsi kapitalla qurulan biznes olduğunu vurğulayıb:
“İstirahət mərkəzlərinin tikilməsi üçün sahibkarlar bəlkə də milyonlarla pul xərcləyirlər. Bundan əlavə orada mərkəzin əməkdaşları işləyir, onların əmək haqqı, kommunal, vergi və s. xərcləri də var. İstirahət mərkəzləri sosial, xeyriyyə obyektləri deyil, sahibkarlar oradan pul qazanmalıdır. Bu gün Azərbaycanda orta aylıq əmək haqqı 900 manatdır. Hərə öz büdcəsinə görə ayağını uzatmalıdır. Elə istirahət mərkəzləri var ki, günü 250 manat təşkil edir”.
Bir-iki gün əvvəl Gəncədə idim. Bakıdan sonra ən çox rusca danışılan şəhərin Gəncə olduğunu hələ sovet dövründən bilirdim. Burada sanki "biz də urusca bilirik, Bakıdan əskik döyülük" kimi kompleksləri o vaxtdan müşahidə etmişdim.
Bu son dəfələrdə isə Bakıdan sonra ən çox it, yəni bahalı, baxımlı əyləncə itləri gəzdirilən şəhərin Gəncə olduğunu gördüm... görünür bu məsələdə də "əskik döyülük..." şüuru rol oynayır...
Bu dəfə gördüyümü isə heç görməmişdim.
Çox əziz bir insanın qonağı idik. Məclisdə Gəncədən, Bakıdan, Moskvadan qonaqlar vardı. Bir də ata türk (azərbaycanlı), ana rus olan, Moskvada doğulub böyüyən Gəncə əsilli gözəl balalar... on yaşın altında oğlanlar... onaltı yaşlı qız... onların heç biri - Türk tarixi qəhrəmanlarının adlarını daşıyan bu balaca igidlərin heç biri ata dilini bilmirdilər... ənənəvi olaraq...
Gəncədən olan ailənin iki oğlu da qonaqlar arasında idi... onlar da rusca danışırdılar... Söhbətin əvvəli haradan başladı bilmədim... Gəncəli uşaqların anası rus qadına dedi:
- Yox, başa düşürlər, ancaq yaxşı bilmirlər, aksentlə danışırlar.
Görünürdü ki, bu "aksent" məsələsi ananın qürur mənbəyidir.
Bu qüruru üzündə ifadə edən qadının özü də rusca "aksentlə" danışırdı, hiss olunurdu ki, rus dili onun işlək dili deyil.
Moskvalı qadın russayağı "arvad" çılğınlığı ilə dedi:
-Necə yəni?! Bu uşaqlar azərbaycanlıdırlar, Azərbaycanda yaşayırlar və Azərbaycan dilini bilmirlər... mən bunu başa düşmürəm... bu, nə deməkdi?!
Gənc qadın, xoş simalı, göyçək, gəncəli ana rus qadının etirazına incə-incə gülümsünməkdə, bəzi izahlar verməkdə idi...
Həmin gün, həmin məclisdə axşama kimi o rus qadın soyuq mavi gözlərini bərəldib bəlkə dörd-beş dəfə səsini qaldıraraq eyni söhbətə qayıtdı:
- Mən heç cür anlaya bilmirəm... Necə ola bilər ki azərbaycanlı Azərbaycanda doğulur, böyüyür, yaşayır və Azərbaycan dilini bilmir? Mən bunu anlamıram... bu necə olur?
Gənc qadın isə gülə-gülə: "onlar böyüyüb Rusiyaya gedəcəklər" dedi.
Rus qadın bir az da coşdu:
- Qətiyyən anlamıram! Axı bu uşaqlar Azərbaycanda yaşayır... azərbaycanlıdırlar...
Gənc qadın yenə incə-incə gülür və rusun hayqıran soruları qarşısında qısıq səslə izahlar verirdi. Onun dediklərinin bəzilərini eşidir, bəzilərini eşitmirdim. Məsafəli oturmuşduq... rusun səsi isə aləmi başına götürmüşdü...
Olaya uzaqdan tamaşa edirdim...
Məni bilirsiniz nə maraqlandırırdı? Gənc qadın rus qadının hayqıraraq söylədiyi bu ağır sualları qarşısında, görəsən, hansı hissləri keçirir? Ümuniyyətlə, hər hansı bir hiss, rahatsızlıq, utanc yaşayırmı?
Çox istəyərdim bunu ondan soruşum.
Amma belə bir fürsətim olmadı... uzaqdan gördüyüm isə həyat verib böyütdüyü oğullarına ana dilini, dövlət dilini öyrətməyi lazımsız hesab edən, "aksent" sevinci yaşayan bir qadının... nə analığını, nə vətəndaşlığını, nə kimliyin idrak etmiş birinin məmnun təbəssümü idi...
Mehriban Vezir
Teref.az
Bu şərtlər, əmək hüquqları pozulmuş hər bir işçinin bilməsi üçün vacib olan şərtlərdir:
1. Əmək hüquqlarınızın pozulmasında əsas şərt: əmək münasibətlərində işəgötürən tərəfindən sizə qarşı həqiqətən əmək qanunvericiliyinin tələblərinin pozulması halları baş verməlidir.
2. Pozulmuş əmək hüquqlarınızın bərpasında imkanınız və gücünüz çatan səviyyədə mübarizə aparmaq və bütün qanuni yollardan istifadə etmək.
3. Hüququnu müdafiə etməklə işçi məhkəmə qərarı ilə öz əmək hüquqlarını tam bərpa edə bilər.
4. Məhkəmə qərarı ilə dəymiş ziyanın (maddi və mənəvi) ödənilməsinə nail ola bilərsiniz.
5. Məhkəmə qərarı ilə iddianızı qismən də olsa təmin edə bilərsiniz.
6. İşəgötürənlə qarşılıqlı razılıq əsasında iddia tələbləriniz barədə qismən də olsa razılıq əldə edə bilərsiniz.
7. İddia tələbləri hətta qanunsuz olaraq təmin edilmədikdə belə, haqqım üçün əlimdən gələni etdim deyə özünüzü rahat hiss edə bilərsiniz.
8. Əmək hüquqlarını müdafiə etmək üçün əsas şərtlərdən biri də əmək qanunvericiliyini bilən hüquqşünas və vəkilin hüquqi xidmətlərindən istifadə edilməsidir.
9. İddia tələblərinin qanunvericiliyin tələblərinə uyğun əsaslandırılmasıdır.
10. Əmək hüquqlarının bərpa olunması uzun bir prosesdir, həmkarlar təşkilatı, məhkəməyə qədər, mediasiya prosesi, məhkəmələr və s. Hər hansı bir mərhələdə uğursuzluqdan həvəsdən düşməmək və yekun məhkəmə qərarı qəbul edilənədək öz haqqınızı müdafiə etmək.
11. Əmək hüquqlarınızın bərpa olunması üçün əsas şərtlərdən biri də sizin öz mübarizənizdə haqlı olmağınız, haqlı olmağınıza inanmaq, heç bir çətinlikdən qorxmadan prinsipial mübarizə aparmağınızdır.
12.Mediasiya prosesində mübahisənin İşəgötürənlə sülh yolu ilə həll olunmasıns nail ola bilərsiniz.
13. Yekun olaraq nəzərə lazımdır ki, əmək hüquqlarınızı pozan işəgötürən də güclüdür, müəyyən maddi və digər əlaqələrə malikdir, hüquqşünas, kadr, iqtisadçı və sair kimi mütəxəssislərə malikdir, öz müdafiənizi düzgün qurmadıqda uğur qazana bilmək şansınız da azalmış olur.
Praktikaya və təcrübəmə əsasən deyirəm, tam olmasada, öz əmək hüquqlarını axıra qədər prinsipial müdafiə edən işçilərin əksəriyyəti bu hüquqlarını bərpa etmıyə nail olur.
Azər Quliyev.
Naxçıvanın Əmək və Əhalinin Sosial Müdafiəsi Nazrliyi ötən həftə məlumat yayaraq, 650 nəfər əlilə ümumilikdə 70 min manatdan artıq birdəfəlik yardım verildiyini bildirmişdi. Sakinlər tərəfindən redaksiyamıza daxil olan çoxsaylı təkzib müraciətlərindən sonra, Naxçıvanda qeydiyyatda olan birinci dərəcəli əlillər arasında müxtəlif vasitələrlə sorğu keçirdik. Məlum oldu ki, sorğuda iştirak edən 100 nəfər əlilin heç birinə bu yardımdan verilməyib. Halbuki, nazirlik məlumatında H. Əliyevin 100 illiyi münasibəti ilə baş tutan bu aksiyada müxtəlif dərəcəli 105 əlilə 200 manat, 514-ünə 100 manat, bir nəfərə isə 500 manat yardım verdiyini iddia edirdi.
Sorğuda iştirak edənlərin cavablarından belə məlum olur ki, tək onlar yox, ətrafda tanıdıqları digər əlillər də adı çəkilən yardımdan bəhrələnməyib. Digərləri kimi birinci qrup əlil olan Y. Babayev də onlara ayrılan yardımların mənimsənildiyini iddia edir:
“Belə bir yardım haqda birinci dəfədir ki, sizdən eşidirəm. Tanıdığım çoxsaylı əlillərin də heç biri belə bir yardım almayıb. Alsaydılar, xəbərimiz olardı. Çünki, belə bir şey olsa mütləq bir-birimizə xəbər verərdik. Mən özüm ağır dializ xəstəsiyəm. Əgər yardım verilirsə, birinci növbədə mənim kimi xəstələr nəzərə alınmalı idi. Mənim müalicəm üçün xeyli vəsait lazımdır, imkanımız çatmır, borc-xərc edirik. Dəfələrlə həmin nazirliyə müraciət etsəm də, nəticəsi olmayıb. Sonuncu dəfə iki həftə öncə müraciət etmişəm. Yardım verirdilərsə, niyə nəzərə almayıblar? Belə çıxır ki, nazrlik yardım adı altında bizə ayrılan 70 min manatı mənimsəyib“.
Yataq xəstəsi olan birinci qrup əlil Şərur rayon sakini F. Cəfərov da tanıdığı xeyli sayda əlilin bu yardımı almadığını bildirir:
“Yalan söhbətdir. Tanıdığım 10-larla əlil var, heç birinə yardım verilməyib. Bu birinci dəfə deyil. Ehtiyacı olmayan öz adamlarının adına yazıb, pulları mənimsəyirlər“.
Naxçıvan şəhər sakini S. Musayev isə deyir ki, iki həftə öncə pul yox, küçədə əlillər üçün ərzaq yardımının paylandığını eşidib. Ancaq, vəsiqəsini götürüb, hadisə yerinə gedib çatana kimi yardım bitib:
“Dedilər ki, Naxçıvan MR Prokurorluğunun qarşısında əlillərə ərzaq paylayırlar. Cəmi 10-15 bağlama olub. Mən çatdım ki, qurtarıb. Bağlamanın hər birinin içində iki makaron, iki litr duru yağ, düyü, çay və qənd olub. Demək olar ki, şəhərdəki bütün əlilləri tanıyıram. Heç kimə bir manat da olsun yardım verilməyib. Belə bir yardım haqda da eşitməmişik. Varsa da özləri mənimsəyib”.
Məsələyə münasibət öyrənmək üçün Naxçıvan MR Əmək və Əhalinin Sosial Müdafiəsi Nazrliyi ilə əlaqə saxlasaq da, əlillərin iddiaları ilə bağlı cavab ala bilmədik. Qarşı tərəfin də mövqeyini işıqlandırmağa hazırıq.