"Expressbank” 2024-cü ilin I rübü üzrə maliyyə hesabatlarını açıqlayıb.

"APA-Economics” banka istinadən xəbər verir ki, 2024-cü ilin I rübündə "Expressbank”ın xalis mənfəəti ötən ilin müvafiq dövrü ilə müqayisədə 1.3% azalaraq 3 milyon 396 min manat təşkil edib. 2023-cü ilin müvafiq dövründə bank 3 milyon 441 min manat xalis mənfəət əldə etmişdi.

Hesabat dövründə bankın faiz gəlirləri 21% artaraq 15 milyon 707 min manat, faiz xərcləri isə 26.9% artaraq 4 milyon 214 min manat təşkil edib. Bu dövrdə bankın qeyri-faiz gəlirləri 4.5 milyon manata ( illik müqayisədə 10.6% az ), qeyri-faiz xərcləri isə 10.9 milyon manata ( illik müqayisədə 1.3% çox) bərabər olub. Beləliklə bank bu dövrdə 5 milyon 40 min manat əməliyyat mənfəəti əldə edib ki, bu da illik müqayisədə 30% çoxdur.

Bu ilin ilk üç ayı ərzində "Ekspressbank” kiçilib. Belə ki, cari ilin aprel 1-nə bankın aktivləri ilin əvvəli ilə müqayisədə 5% və ya 28.4 milyon manat azalaraq 531 milyon 812 min manata enib. Cari ilin ilk 3 ayında "Expressbank”ın kredit portfeli (müştərilərə verilmiş kreditlər) 2% və ya 8.5 milyon manat artaraq 417 milyon 763 min manata çatıb. Bankın kredit portfelində istehlak kreditləri 196 milyon manat, biznes kreditləri 115.2 milyon manat, daşınmaz əmlak kreditləri isə 106.5 milyon manat təşkil edib.

Bu dövrdə "Ekspressbank”ın cəmi öhdəlikləri 398.4 milyon manat təşkil edib ki, bu da ilin əvvəlinə nisbətən 7.4% və ya 31,8 milyon manat azdır.

Şirkətlər üç ay ərzində bankdan 25 milyon manatdan çox depoziti geri çəkiblər. Belə ki, fiziki şəxslərin depozitləri ilin əvvəlinə nisbətən 3.1% və ya 4.7 milyon manat artaraq 156 milyon 882 min manat, hüquqi şəxslərin(şirkətlərin) depozitləri isə 32.9% və ya 25 milyon 726 min manat azalaraq 52 milyon 550 min manat təşkil edib. Bankın ümumi depozit portfeli də cari ilin ilk 3 ayında 9.1% və ya 20.8 milyon manat azalaraq 209 milyon 432 min manata enib.

2023-cü il aprel ayının 1-nə "Ekspressbank”ın cəmi kapitalı ilin əvvəli ilə müqayisədə 2.6% və ya 3 milyon 421 min manat artaraq 133 milyon 239 min manat təşkil edib.

Hər iki aydan bir qapımızı özünü Mənzil Kommunal İstismar Sahəsinin əməkdaşı kimi təqdim edən şəxslər döyərək, “zibil pulu” istəyirlər. Düzü, istədikləri məbləğ də 2 manatdır. Sözüm bunda deyil. Xatırlayıram ki, bir müddət əvvəl MKİS-lərin ləğv edildiyi barədə məlumatlar var idi. MKİS-lər ləğv edildimi? Əgər edilibsə qapımızı döyən kimdir?
“Bələdiyyələrin fəaliyyətinin təbliği” İctimai Birliyinin sədri Vüqar Tofiqli Bizimyol.info xəbər portalına açıqlamasında bildirib ki,

2009-cu ildə qəbul edilmiş Mənzil Məcəlləsində konkret olaraq, Mənzil Kommunal İstismar Sahələri ilə bağlı heç bir müddəa, məqam yoxdur. Yəni bu da o deməkdir ki, MKİS-lərin bu gün faktiki olaraq, fəaliyyəti rəsmiləşdirilməyib. Rəsmi fəaliyyətin icrası formasında hesab olunmur. Sadəcə olaraq, Mənzil Kommunal Təsərrüfat Birliyinin bir strukturu kimi fəaliyyət göstərir.

Bu gün MKİS rəisinin əmək haqqı 450 manatdır. Orada çalışan mühəndisin maaşı 430 manatdır. Əslində, 200-dən artıq formalaşdırılmış Mənzil Kommunal İstismar sahəsi, Bakı şəhəri Mənzil Kommunal Təsərrüfat departamentinin, o cümlədən də rayon üzrə rayon təsərrüfat birliklərinin bir strukturu hesab olunur. Bunlar hansısa biri dövlət qulluğu deyil, təsərrüfat hesabına bir qurum kimi fəaliyyət göstərir.

Vüqar Tofiqli hesab edir ki, bu gün əhalidən yığılan zibil pulları həmin MİS-lərin balansında olan binaların məişət tullantılarının atılması və müəyyən istismar xərcləri ilə bağlı olan məsələnin həllinə yönəldilir.

“Bu istiqamətdə kifayət qədər də maliyyə vəsaiti toplanılır. Bu maliyyə vəsaitinin toplanması ilə yanaşı dövlət büdcəsindən də bu strukturun da saxlanılması üçün kifayət qədər vəsait ayrılır. Təsəvvür edin ki, həm dövlət tərəfindən kifayət qədər vəsait ayrılır, həm də əhalidən də “zibil pulu” adı altında vəsait toplanır. Amma problem ondandır ki, əldə olunan vəsaitlə bağlı hər hansı şəffaflıq təmin edilmir. Yəni vətəndaşın xəbəri olmur ki, onun ödədiyi vəsait hara gedir, necə gedir, kimə verilir. Və yaxud da MİS binasında hər hansı bir məlumatlandırıcı lövhələr varmı, asılıbdırmı?

Bələdiyyələr qarşısında tələb qoyulub ki, bələdiyyənin inzibati binasındahesabat öz əksini tapmalıdır və yaxud vətəndaş ödədiyi vəsait haqqında bilgiləri əldə edə bilir. Bələdiyyələr qarşısına oyulan tələb MİS-lər qarşısında qoyulmayıb. Və ən problemli məsələ odur ki, yığılan o vəsait haqqında vətəndaşın bilgisi olmur”-deyən Vüqar Tofiqli qeyd edib ki, bu səbəbdən də, bu struktur qarşısında da belə bir tələb qoyulmalıdır. Çünki belə bir addımın atılması istənilən halda vətəndaşın məmnunluğuna xidmət edir.

Ekspert hesab edir ki, MİS-ləri və onlara dövlət büdcəsindən ayrılan vəsaitin bir hissəsini bələdiyyələrə vermək olar. Onsuz da mərkəzi icra orqanlarına inzibati nəzarət Ədliyyə Nazirliyi tərəfindən həyata keçirilir. Bu strukturun təkmilləşdirilməsinə, yeniliklərin bu istiqamətə gətirilməsinə, ödənişlərin onlayn şəkildə həyata keçirilməsinə bu gün çox zərurət var. İstənilən halda bu vəsaitin az toplanılması və yaxud da şəffaflığın təmin edilməməsi, hesabatların olmaması bu və digər halda həm vətəndaş, həm də MİS-lərin özü üçün müəyyən problemlər yaradır.

“Bələdiyyələr həm də vətəndaşla birbaşa işləyən bir qurum olduğu üçün bu addımın atılması daha məqsədə uyğundur. Eyni zamanda yeni tikililərin idarə etmə məsələsi var. Hansı ki, Mənzil Məcəlləsində xüsusi olaraq, Mənzil Mülkiyyətçilərin Müştərək Cəmiyyətinin yaradılması ilə bağlı müəyyən proseslərin idarə edilməsi bələdiyyələrə həvalə edilib. Bu səbəbdən də, MİS-lərin bələdiyyələrə verilməsi və bələdiyyələrdən də prespektlivli tələb edilməsi ümumi prosesdə islahatlar aparılmasına, xidmətin təkmilləşdirilməsinə, yüksəldilməsinə müəyyən mənada öz təsirini göstərmiş olacaq”-deyə V. Tofiqli vurğulayıb.

İradə Cəlil, Bizimyol.info

2024-cü il mart ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 24629,1 milyon manat təşkil edib, onun 20615,8 milyon manatı uzunmüddətli kreditlər olub.

Bu barədə Dövlət Statistika Komitəsindən (DSK) məlumat verilib.

Qeyd edilib ki, 2024-cü il mart ayının 1-nə ödəmə vaxtı keçmiş kreditlərin məbləği ümumi kredit portfelinin 1,9 faizini təşkil edib.

Əhalinin banklardakı əmanətlərinin milli valyuta ekvivalentində məbləği 2024-cü il mart ayının 1-nə 13267,2 milyon manat olub.

2024-cü ilin yanvar-mart aylarında manatın 1 ABŞ dollarına nisbətdə orta məzənnəsi 1,70 manata bərabər olub. 1 Avro – 1,85 manat, 100 Türk lirəsi – 5,50 manat, 100 Rusiya rublu- 1,87 manat təşkil edib.

2024-cü ilin mart ayında Azərbaycanda ən çox şikayət edilən bank 5,03 indeksi ilə "Bank of Baku" seçilib.

Bu barədə İqtisadiyyat.az-a Azərbaycan Mərkəzi Bankından bildirilib.

Ən çox şikayət edilən banklar siyahısında “Bank VTB Azərbaycan” 3,88 indeksi ilə ikinci, 2,53 indeksi ilə "Accessbank" üçüncü, “Yapı Kredi Bank Azərbaycan” isə 2,46 indeksi ilə dördüncü olub. Digər banklar üzrə göstəricilər şikayət indeksi orta və aşağı səviyyədə hesab edilir.

Tam siyahı isə belədir:

Endirim, yoxsa müştəri cəlb etmək üsulu?...

Əksər mağazalarda endirim adı altında qoyulan məhsullar elə endirimsiz qiymətinə satılır. Belə hallarla rastlaşan sakinlərin sözlərinə görə, çox vaxt kassada bununla bağlı problem yaşayırlar.

Ekspertlər də təsdiqləyir, xüsusilə paytaxt Bakıda bu cür reklam üsuluna əl atanların sayı çoxdur.

Qiymət uyuşmazlığının qəsdən həyata keçirildiyi hallarda isə inzibati xəttalar məcəlləsinin 445 və 447 ci maddələrinə əsasən cərimələr tətbiq edilir.

Belə ki, 445-ci maddə qiymət intizamının pozulmasi ilə əlaqədardır. Bu qayda pozulduğu zaman 800-dən-1100 manata qədər cərimə təbiq edilir. Maddə 447 isə istehlakçının birbaşa aldadılması kimi qiymətləndirilir bu zaman fiziki şəxslər 350-500, vəzifəli şəxslər 1500 -2000, hüquqi şəxslər isə 4000- 6000 min manat aralığında cərimə edilir.

Arktika bölgəsində ABŞ və Rusiya Federasiyası arasında əsl qarşıdurma yaranıb. Qaz hasilatı maneəyə çevrilib.

Qayanrinfo xəbər verir ki, bunu "The Wall Street Journal" yazıb.

Nəşr qeyd edib ki, Moskva mayeləşdirilmiş təbii qaz istehsalı üçün nəhəng yeni dəniz kompleksi tikir - bu, Vladimir Putinin əsas layihəsidir.

ABŞ Rusiyanın "Arctic LNG 2" layihəsini pozmaq üçün sanksiyalardan istifadə edir. Vaşinqton Moskvanın qazın nəqli üçün lazım olan ixtisaslaşdırılmış tankerləri almasına mane olmağa çalışır.

LNG bazarında vəziyyət

Arktika mübarizəsi keçən il ən böyük LNG ixracatçısına çevrilən ABŞ-ın enerji siyasəti üçün çətin bir vaxta təsadüf edir. Bayden administrasiyası ətraf mühitlə bağlı narahatlıqlara görə yeni LNG ixracatının təsdiqini dayandırıb. Bu addım Yaponiya və Almaniya kimi aşağı enerjili müttəfiqlərdəki işgüzar qrupları və müştəriləri qəzəbləndirib və bəziləri bunun ABŞ-ın Rusiyanın təbii qaz satışından qazancını məhdudlaşdırmaq səylərinə mane olacağını deyir.

Nümayəndələr Palatasının spikeri Mayk Conson məhdudiyyətləri qaldırmağa çalışır, ehtimal ki, bunu Nümayəndələr Palatasında Ukraynaya yardıma dair səsvermə ilə əlaqələndirir. Qeyd edək ki, onun vətəni Luiziana ştatında Baydenin qərarından təsirlənən mümkün LNG ixrac terminalı yerləşir.

Eyni zamanda, Putin yaxın illərdə LNG ixracını üç dəfədən çox artırmaq niyyətindədir. Məqsədi Ukraynaya qarşı müharibəni maliyyələşdirmək üçün daha çox pul cəlb etmək və boru kəmərləri vasitəsilə Rusiya qazının ixracının azalmasını kompensasiya etməkdir.

Keçən dekabr ayında sənayedə "qatarlar" kimi tanınan üç mayeləşdirmə zavodundan birincisi "Arctic LNG 2"də tamamlanıb və müəssisədə istehsala başlanıb. Bu hadisə analitiklər və Rusiya rəsmiləri tərəfindən Moskvanın qələbəsi kimi qəbul edilib.

"Arctic LNG 2" problemləri

Ancaq bir neçə ay sonra qələbə o qədər də qəti görünmür, çünki Rusiya daşınması üçün lazım olan gəmiləri almayıb. Cənubi Koreyanın gəmiqayırma şirkəti olan "Hanwha Ocean" sanksiyalara görə "Arctic LNG 2" üçün üç gəmi inşa etmək planlarını ləğv etdiyini bildirib. Yapon gəmiçilik şirkəti "Mitsui O.S.K. Lines", üç daşıyıcı kirayə verməyi planlaşdırsa da, "Arctic LNG 2" üçün gəmi təmin etməyəcəyini bildirib.

Logistika probleminə görə LNG istehsalı dayandırılıb. Rusiya Sakit okean sahilində yerləşən gəmiqayırma zavodunda öz təyyarədaşıyan gəmilərini yaratmağa çalışır, lakin sanksiyaların yaratdığı problemlərlə üzləşib. Məsələn, Moskva Fransanın "Gaztransport & Technigaz" şirkətinin istehsal etdiyi anbarlar üçün membranları ala bilmir.

Ümumilikdə, ABŞ sentyabr ayından bəri Rusiyanın LNG sənayesinə qarşı dörd sanksiya dalğası tətbiq edib. Sanksiyalara "Arctic LNG 2" layihəsinin əməliyyat şirkətləri, saxlama gəmiləri, onların fikrincə, layihə üçün ixtisaslaşdırılmış gəmilər almağa çalışan gəmiçilik şirkətləri, həmçinin Baltik dənizi ərazisində ikinci obyektdə işləyən şirkətlər daxil olub.

"Arctic LNG 2"nin ikinci və üçüncü mərhələlərinin tikintisini başa çatdırmaq çətin məsələ olacaq. Rystadın sözlərinə görə, Novatek birinci mərhələnin tikintisini başa çatdıra bilər, çünki o, Ukraynanın tammiqyaslı işğalından əvvəl başlayıb. Konsaltinq şirkəti ikinci və üçüncü fazaların tikintisi zamanı əhəmiyyətli ləngimələr gözləyir. Ehtiyat hissələrinə məhdud çıxış şəraitində layihənin saxlanması da çətin bir iş ola bilər.

2023-cü ilin nəticələrinə əsasən, Çin, Vyetnam və İtaliya dünya bazarına ən çox ayaqqabı tədarük edib,

Qaynarinfo bu barədə BMT-nin "Comtrade" platformasının məlumatlarına və milli statistikaya istinadən xəbər verir.

Çin siyahıda lider olub. 2023-cü ildə ölkə xaricə 53 milyard dollarlıq ayaqqabı satıb. Vyetnam və İtaliya dünya bazarına müvafiq olaraq 20 milyard dollar və 15 milyard dollarlıq məhsul verib.

Ötən ilin sonunda xaricə ayaqqabı satışı üzrə ilk 5 ölkə arasında Almaniya (11 milyard dollar) və İndoneziya (6 milyard dollar) da qərarlaşıb.
Ümumilikdə beş ölkə 105 milyard dollarlıq ayaqqabı ixrac edib.

İlk "beşlik" son 9 il ərzində dəyişməz qalıb. İstisna 2019-cu ildə İndoneziyanın Fransanı keçməsi olub.

Bu ilin yanvar ayı ərzində Azərbaycana xarici ölkələrdən 5 milyon 325,5 min dollar dəyərində 1004,14 ton kərə yağı gətirilib.

Yeniavaz.com-un açıqlanan rəsmi məlumatlara istinadən apardığı hesablama göstərir ki, ötən ilin eyni dövrü ilə müqayisədə bu ilin ilk ayında idxal etdiyimiz kərə yağının miqdarı 22,8% və ya 186,9 ton artıb.

Məlumat üçün qeyd edək ki, bu ilin yanvar ayında ixrac olunan kərə yağının gömrük dəyəri ötən ilin eyni dövrü ilə müqayisdədə 16% ucuzlaşıb. Kərə yağının 1 kiloqramının gömrük dəyəri ötən ilin yanvar ayında 6,3 dollar (10,6 manat) olduğu halda, bu ilin ilk ayında 5,3 dollara (9 manat) düşüb.

Azərbaycan kərə yağını ən çox İrandan gətirib. Bu ölkədən Azərbaycana 1 ay ərzində 416,5 ton kərə yağı idxal olunub. Ən az kərə yağı isə İtaliyadan gətirilib. Yanvar aylarında İtaliyadan cəmi 10 kiloqram kərə yağı idxal edilib.

Bu ilin yanvar ayında idxal edilən kərə yağının ölkələr üzrə miqdarı və 1 kiloqramının gömrük dəyəri (ölkəyə giriş qiyməti) aşağıdakı kimi olub:

İran – 416,52 ton (7 manat)
Yeni Zelandiya – 382,47 ton (10,2 manat)
Belarus – 73,3 ton (9,9 manat)
Ukrayna – 40 ton (115 manat)
Finlandiya – 39,84 ton (11,2 manat)
Fransa – 21,99 ton (10,8 manat)
Almaniya – 20,27 ton (10,3 manat)
Türkiyə – 5,39 ton (15,3 manat)
Belçika – 3,36 ton (14,6 manat)
Litva – 720 kq (15,8 manat)
Latviya – 250 kq. (15,3 manat)
Polşa – 200 kq. (12,3 manat)
İtaliya – 10 kq. (86,7 manat)

Moskvanın mərkəzində, Lubyankada yeləşən məşhur "Mərkəzi Uşaq Mağazası" yəhudi əsilli azərbaycanlı iş adamlarına satılıb.

APA-nın Moskva müxbiri xəbər verir ki, "Mərkəzi Uşaq Mağazası"nı Qod Nisanov və Zarax İliyevin sahibi olduqları "Kiyevskaya ploşad" şirkəti alıb.

1957-ci ildən fəaliyyət göstərən Lubyankadakı Mərkəzi Uşaq Mağazasını hansı məbləğə satıldığı açıqlanmayıb.

Qeyd edək ki, "Kiyevsakay Ploşad" Rusiyada kommersiya daşınmaz əmlakının nəhənglərindən hesab olunur. Şirkət "Forbes"ə görə ölkənin icarəçilər reytinqində birinci yerdədir. Nəşrin hesablamalarına görə, onun 2023-cü il üçün icarə gəliri 1,76 milyard dollar təşkil edib.

Şirkətə Moskvada yerləşən “Yevropeyski” və “Food City” ticarət mərkəzləri, “Depo” qida mərkəzi, “Olimpiyskiy” idman kompleksi və “Şolkovski” ticarət mərkəzləri daxildir.