 |
|
|
"Rəqibi təbrik edirəm, vacib qələbə qazandılar. Təəssüf ki, standart vəziyyətlərdən bəsit qollar buraxdıq. Halbuki "Sabah"ın üstün tərəfləri barədə oyunçulara məlumat verilmişdi".
"Report"un məlumatına görə, bunu "Qarabağ"ın baş məşqçisi Qurban Qurbanov səfərdə "Sabah"a 1:2 hesabı ilə uduzduqları Azərbaycan Premyer Liqasının XXX tur oyunundan sonra mətbuat konfransında deyib.
51 yaşlı mütəxəssis ikinci topu çox tez buraxdıqlarını bildirib: "Görünür, bu gün rəqib qələbəyə daha layiq idi. Futboçularıma hər hansı etirazım yoxdur. Bir ildən çoxdur uduzmurduq. İnanıram ki, bu məğlubiyyətin bizə çox faydası olacaq. Qalib gəliblərsə, deməli, bu, onların haqqıdır. Bizim də qol epizodlarımız oldu. Amma futbol elə oyundur ki, hər fürsəti qola çevirmək asan deyil".
O, Filip Ozobiçin ehtiyatda qalmasına da toxunub: "Bunun hər hansı səbəbi yoxdur. Sadəcə, digər oyunçular özlərini daha yaxşı tərəfdən göstərirlər. Qarşıdakı matçlarda Ozobiç də oynayacaq".
Qurbanov zədəsini sağaldan Şahruddin Məhəmmədəliyevin son durumunu da açıqlayıb: "Hər şey yaxşılığa doğru gedir. Bir neçə məşqdə tam iştirak edib. Növbəti görüşlərdə oynamaq ehtimalı var".
“Ermənistanda keçirilən ağır atletika üzrə Avropa çempionatının açılış mərasimində Azərbaycanın dövlət bayrağının yandırılmasını pisləyirik”.
Bunu Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə “Twitter”də yazıb.
O bildirib ki, bu cür nifrət aksiyasına qarşı təşkilatçılar tərəfindən heç bir təhlükəsizlik tədbirinin görülməməsi narahatedicidir:
“Günahkarlar müvafiq olaraq cəzalandırılmalıdır!”
We condemn burning of national flag of #Azerbaijan at the opening ceremony of the European #Weightlifting Championship in #Armenia. It is worrying that no security measures were taken by organisers against such hate action. Perpetrators should be accordingly punished! #EWC2023 pic.twitter.com/KTfZoM7A6e
— Aykhan Hajizada (@Aykhanh) April 14, 2023
İtaliyanın "sportcafe24.com" saytında "Qarabağ"ın futbolçusu Musa Qurbanlının "Torino" klubuna mümkün keçidi haqda xəbər tirajlanıb.
Bu gün 21 yaşı tamam olan hücumçunun İtaliya klubuna keçid ehtimalı 25 faiz olaraq göstərilib.
Bundan başqa, Qurbanlının dəyərinin təxminən 5 milyon avro olduğu da vurğulanıb.
Qeyd edək ki, Musa Qurbanlı bu mövsüm Misli Premyer Liqasında 20 qolla bombardirdir. Onun Ağdam təmsilçisi ilə müqaviləsi 2026-cı ilin yayına qədərdir.\\Offsideplus.az
PSJ-nin baş məşqçisi Kristof Qaltye futbol azarkeşləri tərəfindən ölümlə hədələnib.
“Qafqazinfo” “RMC Sport”a istinadən xəbər verir ki, buna səbəb onun “Nitsa”da işləyərkən idman direktoruna komandada “bu qədər qaradərili və müsəlman ola bilməz” söyləməsidir.
Bu məlumat ortaya çıxdıqdan sonra Qaltyeyə açıq-aşkar ölüm təhdidləri də daxil olmaqla 5000-ə yaxın zəng və mesaj gəlib. Bununla bağlı PSJ məşqçi və onun ailəsini mühafizə altına alıb.
Mütəxəssis onun haqqında səsləndirilən “təhqir və böhtan xarakterli ifadələr”lə bağlı məhkəməyə müraciət etmək niyyətindədir. O, artıq bu barədə PSJ-yə xəbərdarlıq edib .
Paris klubu da bu məsələ haqda öz araşdırmasını aparır.
Qeyd edək ki, daha əvvəl Qaltyenin sözügedən ifadələri işlətdiyi təsdiq olunacağı təqdirdə, PSJ-nin çalışdırıcını istefaya gönədiləcəyi bildirilmişdi.
Türkiyə I Liqasından Superliqaya yüksələn ilk komanda bəlli olub.
"Samsunspor" sona 6 tur qalmış elitaya vəsiqəni təmin edib.
Buna XXXII turda "Eyüpspor"un "Gənclərbirliyi"nə 0:2 hesbı ilə uduzması səbəb olub.
Qeyd edək ki, "Samsunspor" 11 ildən sonra Superliqaya qayıdıb.
Səudiyyə Ərəbistanı Liqasının bitməsinə 7 həftə qalmış lider "Əl-İttihad"dan 3 xal geri qalan "Əl-Nassr"da böhran yaşanır.
Bakupost.az xəbər verir ki, İngiltərənin məşhur nəşri "Mirror"da yer alan məlumata görə, Portuqaliyalı futbolçu Ronaldo ilə baş məşqçi Rudi Qarsiya arasında mübahisə yaranıb.
Məlumata görə, portuqaliyalı münasibət və davranışından narazı olaraq fransalı çalışdırıcıdan rəhbərliyə şikayət edib.
Həmçinin “Əl-Nassr” rəhbərliyinin Ronaldonun şikayətindən sonra Rudi Qarsiya ilə yollarını ayırmağa qərar verdiyi iddia edilib.
Qeyd olunub ki, Səudiyyə Ərəbistanı komandasının qısa müddətdə ayrıldığını rəsmən elan edəcəyi deyilir.
Almaniyanın "Bavariya" komandasında xoşagəlməz hadisə baş verib.
Teref.az "Report"a istinadən məlumatına görə, Münhen təmsilçisinin iki futbolçusu - Sadio Mane ilə Leroy Sane İngiltərədə "Mançester Siti"yə uduzduqları UEFA Çempionlar Liqasının 1/4 final mərhələsinin ilk oyunundan sonra dava ediblər.
Hadisəyə almaniyalı yarımmüdafiəçinin seneqallı hücumçu ilə kobud rəftarı səbəb olub. Sanenin danışıq tərzini bəyənməyən Mane qəflətən ona yumruq zərbəsi endirib. Bundan sonra əlbəyaxa dava etməyə başlayan futbolçuları komanda yoldaşları çətinliklə sakitləşdiriblər.
Qeyd edək ki, qarşılaşma "Bavariya"nın 0:3 hesablı məğlubiyyəti ilə başa çatıb.
İngiltərə Premyer Liqasının XXXIV turunun "Arsenal" - "Çelsi" oyunu təxirə salınıb.
Cebhe.info çempionatın rəsmi saytına istinadən xəbər verir ki, buna London polisinin müraciəti səbəb olub.
Qərara əsasən, aprelin 29-da keçirilməli olan qarşılaşma mayın 2-də oynanılacaq.
Qeyd edək ki, "Arsenal" aprelin 26-da "Mançester Siti" ilə qarşılaşacaq. Bu isə o deməkdir ki, "topçular"ın "Çelsi" ilə görüşə hazırlaşmaq üçün 5 gün vaxtı olacaq.
İspaniya La Liqasında XXVIII tura yekun vurulub.
Oxu.Az xəbər verir ki, bağlanış matçında “Barselona” “Jirona”nı qəbul edib. Matçda hesab açılmayıb - 0:0.
Xalını 72-yə çatdıran “Barsa” əvvəlki kimi vahid liderdir. Kataloniya klubu ən yaxın izləyicisi “Real Madrid”i 13 xal üstələyir. “Jirona” 35 xalla 11-cidir.
Ötən il qətl hadisəsi baş verən Şağan Olimpiya İdman Kompleksində növbəti qalmaqal yaşanıb.
Hurriyyet.Az xəbər verir ki, aprelin 8-də kompleksdə peşəkar boks üzrə reytinq döyüşü keçirilib. Boksçulardan Ağacan Dərgahovla Sənan Mehdiyev arasında keçirilən döyüşün nəticələri qalmaqala səbəb olub.
Hadisənin şahidləri iddia edir ki, döyüş Ağacan Dərgahovun üstünlüyü ilə keçib. Lakin hakim Anar Nağdiyev bunu görməzdən gəlib və onun rəqibinə xal verib. Bu da döyüşün bərabərliklə başa çatmasına səbəb olub.
Ağacan Dərgahovun elə rinqdəcə buna etiraz etməsi onun məşqçisini və azarkeşlərini ayağa qaldırıb. Onlar hakimin ədalətsilik etdiyini və dərhal buna son qoyulmasını tələb ediblər. Qarşı tərəfin heç bir tədbir görməməsi insidentin daha da böyüməsinə səbəb olub.
Hətta hadisə yerinə polisin çağırıldığı da bildirilir.
Şahidlər redaksiyamıza videogörüntü də göndərirlər. Görüntülərdə Ağacan Dərgahov və onun məşqçisi Ramin Məmmədzadənin hakimlərə etiraz etdiyi, zalda qalmaqal yaşandığı aydın şəkildə görünür.
Xatırladaq ki, ötən il də Şağan Olimpiya İdman Kompleksində qətllə nəticələnən qalmaqal baş vermişdi. "Arifoğlu” cüdo klubunun Şağan Olimpiya İdman Kompleksində təşkil etdiyi cüdo turnirində Sumqayıt şəhər sakini Ruslan Səfixanov şəxsi münaqişə zəminində Tural Rüstəmovu bıçaqlayaraq qətlə yetirmişdi.