 |
|
|
DİA.AZ: - "Mənim şikayətim Ayna Sultanova ərazisində yerləşən "Fərid Palace" ilə üzbə üz olan "Sərfəli" mağazasındandı". DİA.AZ bildirir ki, bu barədə "Müştərinin Səsi" sosial qrupundakı paylaşımında Fərid Həsənov adlı istifaadəçi giley edir.
Daha sonra narazı vətəndaş yazır: "Bu mağazada alınan məhsullara ƏDV qeyd olunan çek verilmir. Verdikləri çekdə isə "Bizi seçdiyiniz üçün təşəkkür edirik" dən başqa demək olar heç nə yoxdur.
Bu mağazada ciddi nöqsan pozuntuları var. Xahiş edirəm bu mağaza haqda aidiyyatı qurumlar qısa zamanda tədbir görsün və ciddi nöqsan pozuntuları aradan qaldırılsın, şəffaf kassa sistemi qurulsun".
Məsələ ilə bağlı dia.az olaraq bütün maraqlı tərəfləri dinləməyə hazırıq...
Yunanıstanın Afina ətrafındakı Psixiko qəsəbəsində naməlum şəxslər İran səfirliyinin binasına hücum edib.
Motosiklet sürən iki kapüşonlu şəxs gecə saat 1 radələrində səfirliyin binasına “Molotov kokteyli” atıblar.
Yunanıstan polisinin məlumatına görə, “Molotov kokteyli” ciddi ziyan vurmadan səfirliyin inasının xarici divarına çırpılıb.
Ukraynanın Xarici İşlər Naziriyi vətəndaşlarına Rusiya hərbçiləri tərəfindən ələ keçirilmiş ərazisini Azərbaycan, Gürcüstan və ya Qazaxıstan vasitəsilə tərk etmək barədə izahat xarakterli məlumat yayıb.
Bu barədə “Report” Ukrayna Xarici İşlər Nazirliyinin mətbuat xidmətinə istinadən xəbər verir.
Qeyd edilir ki, həyat və sağlamlıq üçün təhlükə olduğuna görə, bu gün Krımda və ya digər müvəqqəti ərazilərdə qalmaq təhlükəlidir.
Ukrayna XİN xarici ölkələrə giriş və tranzit rejiminin aktuallığını yoxlamaq, xüsusən onların ərazisində olma şərtlərini öyrənmək üçün nazirliyin interaktiv xəritəsinə müraciət etməyin kifayət oduğunu bildirib.
Bakıda dönmə işığını yandırmayan sürücü digər avtomobilə təhlükə yaradıb.
Avtosfer.az xəbər verir ki, 10-YY-054 qeydiyyat nişanlı “BMW” markalı avtomobilin sürücüsü sentyabrın 22-də, paytaxtın Neftçilər prospektində hərəkətdə olarkən qəfildən dayanmaq fikrinə düşür.
Bu zaman dönmə işığından istifadə etmədən yolun hərəkət hissəsində dayanıb və görüntünü qeydə alan sürücüyə təhlükə yaradıb.
Qazaxda ildırım vurması nəticəsində ölən və xəsarət alan məktəblilərin adları məlum olub.
APA-nın məlumatına görə, rayonunun Birinci Şıxlı kənd tam orta məktəbinin altıncı sinif şagirdi Nuray Osmanova və onun bacısı - dördüncü sinif şagirdi Ayan Osmanova ilə qohumları - beşinci sinif şagirdi Əfsanə Məmmədzadəni ildırım vurub.
Nəticədə Nuray Osmanova aldığı xəsarətlərdən yerindəcə dünyasını dəyişib.
Onun bacısı və qohumu isə Qazax Müalicə və Diaqnostika mərkəzinə yerləşdiriliblər.
Əfsanə Məmmədzadəyə ambulator müayinə və müalicə tədbirləri görüldükdən sonra evə buraxılıb.
Ayan Osmanovanın isə reanimasiya şöbəsində müalicəsi davam etdirilir.
16:09
Azərbaycanda iki nəfəri ildırım vurub.
Oxu.Az-ın məlumatına görə, hadisə Qazax rayonunda qeydə alınıb.
Onların təcili olaraq Qazax Müalicə Diaqnostika Mərkəzinə yerləşdirildiyi bildirilir.
Qazax Müalicə Diaqnostika Mərkəzindən faktı Oxu.Az-a təsdiq ediblər. Bildirilib ki, 22.09.2022-ci il tarixində ildırım vurması nəticəsində tibb müəssisəsinə iki nəfər yerləşdirilib:
“Onlardan biri 2011-ci il təvəllüdlü olan zərərçəkən xəstəxanaya gətirilərkən ölüb. Digər zərərçəkən - 2012-ci il təvəllüdlü pasiyentin reanimasiya şöbəsində müalicəsinə davam edilir. Hazırda vəziyyəti orta ağırdır”.
Könül Cəfərli
Nəqliyyat vasitələrini idarəetmə hüququnun verilməsi üçün imtahanlar Daxili İşlər Nazirliyinin Baş Dövlət Yol Polisi İdarəsinin mərkəzi informasiya sistemi vasitəsilə təşkil ediləcək.
Bu, Prezident İlham Əliyevin Fərmanı ilə təsdiqlənən “Daxili İşlər Nazirliyinin (DİN) Baş Dövlət Yol Polisi İdarəsinin (BDYPİ) mərkəzi informasiya sistemi haqqında Əsasnamə”də əksini tapıb.
Əsasnaməyə əsasən, sistem vasitəsilə nəqliyyat vasitələrini idarəetmə hüququnun verilməsi üçün imtahanların təşkili, sürücülük vəsiqələrinin doldurulması və verilməsi həyata keçiriləcək.
Rusiya Federal Təhlükəsizlik Xidməti (FTX) təbii qaz kəmərində terror aktının qarşısını alıb.
“Report” Rusiya KİV-nə istinadən xəbər verir ki, xidmət terror aktı hazırlayan Rusiya Federasiyası vətəndaşını saxlayıb.
Həmin şəxsin Ukrayna Təhlükəsizlik Xidmətinə işlədiyi iddia edilir.
Kəmər Türkiyə və Avropaya təbii qaz nəqli həyata keçirir.
Sakinlərin sözlərinə görə, Elşən Məmmədov Salyanda kütləvi olaraq, gəncləri narkotiklə zəhərləyib məhv edir…
Bir neçə il öncə evindən külli miqdarda narkotik vasitələr aşkar olunaraq həbs edilən Salyan rayonunun Qaraçala qəsəbəsinin sakini, 1965-ci il təvəllüdlü Məmmədov Elşən Ağalar oğlu yenidən köhnə əməlini davam etdirir.
Bununla bağlı Qaraçala qəsəbəsindən olan bir qrup sakin Demokrat.az-a müraciət edərək, Elşən Məmmədovun həbs edilməsini tələb edir.
Sakinlərin sözlərinə görə, Elşən Məmmədov Salyanda kütləvi olaraq, gəncləri narkotiklə zəhərləyib məhv edir.
“Elşən Məmmədov 2017-ci ildə külli miqdarda narkotiklə vasitələrlə həbs olunub, evindən 10 kiloqrama yaxın narkotik maddələr aşkar olunub. Bu qədər ağır cinayətlər törətməsinə baxmayaraq, Elşən Məmmədov bir neçə ay sonra naməlum səbəblərdən azadlığa buraxılıb. Ona Lənkəran Ağır Cinayətlər Məhkəməsinin qərarı ilə 9 il həbs verilsə də, bir neçə aydan sonra Şirvan Appelsiya Məhkəməsinin qərarı ilə azadlığa çıxıb. Hazırda yenə narkotik alverçisi kimi fəaliyyət göstərir, övladlarımızı kütləvi şəkildə narkotikə aludə edir”, – deyə Qaraçala sakinləri bildiriblər.
Sakinlərin iddiasına görə, Elşən Məmmədov Bakıda yüksək vəzifədə işləyən həmkəndlisi tərəfindən himayə olunur.
“Bir ölkə göstərin ki, o ölkədə vətəndaş 20-25 ildir dövlətin verdiyi torpağa mülkiyyət hüququ əldə etmək üçün qurumlar arasında qalsın… 25 ilə yaxındır torpaqlarımızı sənədləşdirə bilmirik. Torpağın sxem-xəritəsinə görə bələdiyyə məsələni Dövlət Reyestr Xidmətinin üstünə atır, gedirik ora, onlar da atır bələdiyyənin üstünə, qalmışıq ortada…”
Uzun illərdir Xaçmazdakı Qobuqırağı yaşayış massivində torpaq sahəsi olan Tərlan Tahirov hələ də torpağının sahibi deyil. O, istifadəsində olan torpaq sahəsinə mülkiyyət şəhadətnaməsi ala bilməməsinin səbəblərindən danışır.
Yüzlərlə vətəndaş sənəd ala bilmir
Tərlan Tahirov deyir, bu ərazidəki torpaq sahələri 1996-cı ildən vətəndaşlara icra hakimiyyətinin sərəncamlarıyla verilib. Ancaq hələ də torpaq üzərində mülkiyyətçi deyillər. Yüzlərlə vətəndaş torpağa sənəd əldə edə bilmir:
“Daşınmaz Əmlakın Dövlət Reyestr Xidmətində bizdən torpaqlarımızın sxematik xəritələrini istəyirlər. Deyirlər, bu xəritəni Xaçmaz Şəhər Bələdiyyəsi verməlidir. Ancaq bələdiyyə üzərindən atır. Xəritələrimiz verilmədiyi üçün Reyestr Xidməti torpaq sahələrinin mülkiyyət formasını tanımır. İki qurum arasında qalmışıq, dərdimizə çarə axtarırıq”.
“Bu iş düyünə düşüb”
Azər Tahirov da illərdir ki, eyni problemlə qarşılaşıb. İstifadəsindəki 4 sot torpaq sahəsinə mülkiyyət şəhadətnaməsi ala bilmir:
“Qusarda, Qubada, Şabranda, Siyəzəndə bu sxematik xəritələri vətəndaşlara şəhər bələdiyyəsi verib. Bircə Xaçmazda bu iş düyünə düşüb. İllərdir ki, iki qurum arasında qalmışıq. Nəticədə torpaqlarımız üzərində hər hansı əməliyyatlar apara bilmirik, çünki həmin torpaqlara mülkiyyətçi hüququmuzu tanıdan sənədimiz yoxdur”.
Xaçmaz Şəhər Bələdiyyəsindən isə Meydan TV-yə bildirilib ki, barəsində danışılan torpaqlar bələdiyyə torpaqları deyil. Torpaqlar vətəndaşlara 1996-cı ildə Xaçmaz Şəhər İcra Hakimiyyətinin sərəncamıyla verilib. Bələdiyyələrsə 1999-cu ildə yaradılıb. Torpağın kimə məxsus olmağı, harda yerləşməsi barədə bələdiyyədə heç bir məlumat yoxdur.
Dövlət Reyestr Xidmətindənsə Xaçmazın Qobuqırağı ərazisindəki torpaqlarla bağlı qeyd olunan məsələylə əlaqədar vətəndaş müraciətlərinin daxil olmadığı bildirilib:
“Araşdırılmalıdır, sənədləri görmədən heç nə demək olmaz, rəsmi müraciət etsinlər”.
Hüquqşünas Namizəd Səfərov deyir, ümumiyyətlə, torpaqların sxem-xəritəsini nə bələdiyyələr, nə də icra hakimiyyətləri verir. Bu məsələ Dövlət Reyetr Xidmətinə aiddir:
“Bu, çox sadə bir prosesdir. Vətəndaş ərizəylə müraciət edir, qurumdan göndərilən mühəndis torpaq sahəsində ölçüləri götürür, sərhədlərini müəyyənləşdirir, xəritəni hazırlayır, vətəndaş rüsum ödəyərək o xəritəni alır və sənədləriylə birlikdə təqdim edir”.
Hüquqşünas bildirib ki, vətəndaşlar yaxınlıqlarındakı ASAN Xidmətə yaxınlaşıb, bu məsələlərlə məşğul olan bölmədən daha ətraflı məlumat ala bilərlər. //meydan.tv//
Xəbər verdiyimiz kimi, bu gün Binəqədi Rayon Məhkəməsində Əvəz Zeynallının ev dustaqlığına buraxılması ilə bağlı vəsatət təmin edilməyib.
TEREF.AZ “Qafqazinfo”ya istinadla xəbər verir ki, məhkəmə zamanı məlum olub ki, Əvəz Zeynallıya qarşı yeni ittiham irəli sürülüb.
Sentyabrın 10-da Cinayət Məcəlləsinin 311.3.3 (külli miqdarda rüşvət alma) maddəsilə ittiham edilərək həbs olunan jurnalist bu dəfə də məcəllənin 312-1 (Vəzifəli şəxsin qərarına qanunsuz təsir göstərmə - nüfuz alveri) maddəsilə də təqsirli bilinib.
Onun vəkili Aqil Layıc Əvəz Zeynallı ilə bağlı qərardan apellyasiya şikayəti verəcəklərini qeyd edib.