Rəşad Dağlının qətl törətməsi onu canidən çox qəhrəman elədi. Öz tanışını gecə saat 5-də 14 bıçaq zərbəsi ilə öldürüb, sonra da meyiti yolun ortasına atıb gedən bir adama çox təəssüf ki, cəmiyyətdə qəribə yanaşma var. Yerindən duran qatilə azadlıq tələb edir. Hətta onun həbsdən buraxılması üçün ölkə başçısına müraciət edənlər də tapılır.

Heç bir ay qabaq Fransa ilə bağlı petisiyada bu qədər fəallıq yox idi.

Bu qədər ictimai fəallıq və canfəşanlıq istər-istəməz suallar doğurur. Bu nəyin nəsidir? Bu qədər canfəşanlıq və fəallıq nəyə söykənir?

Məsələ ilə bağlı əvvəlcə Millət vəkili, politoloq Elman Nəsirlinin fikirlərini öyrəndik. TEREF.AZ bildirir ki, Bizim.Media-ya açıqlamasında o Azərbaycanın hüquqi dövlət olduğunu bildirdi:

“Hüquqi dövlətdə hər kəs qanun qarşısında bərabərdir. Heç kim qanunun fövqündə dayana bilməz. Heç kimin toxunulmazlıq hüququ yoxdur. Cinayət törətmisənsə, cavab verməlisən.

Bütün hüquqi dövlətlərdə və eləcə də, Azərbaycanda bu birmənalı belədir. Çox təəssüf ki, məlum hadisə ilə bağlı kimlərsə manipulyasiya edir, bundan bir şou yaratmaq istəyirlər. Amma bir həqiqət də var ki, hadisə hüquq mühafizə orqanları tərəfindən diqqətlə araşdırılır”.

Sosioloq Əhməd Qəşəmoğlu isə məsələyə başqa aspektdən yanaşdı.

Bizim.Media-ya açıqlamasında bildirdi ki, bütün bunlar ondan qaynaqlanır ki, biz cəmiyyətimizdə baş verən prosesləri başlı-başına buraxmışıq:

“Sosiologiya sahəsində dünyaca məşhur alimlərin yekdil fikri budur ki, cəmiyyətdəki prosesləri öz axarına buraxmaq olmaz. Dövlət və QHT-lər mütəmadi olaraq cəmiyyətdəki trendlərə və proseslərə müdaxilə etməlidir.

Bəllidir ki, cəmiyyətdəki trendləri çox zaman nadan adamlar yaradır. Çünki, ictimai-siyasi yükə malik məsələyə cəmiyyətdə hər adam münasibət bildirmir. Daha doğrusu bildirə bilmir. Amma yüngül, məişət səviyyəli məsələyə ixtiyari vətəndaş müdaxilə edə bilir.

Nəticədə, savadsız, lakin ictimai çəkisi olmayan adamlar trend yaradır. Necə ki, Rəşad Dağlı ətrafında bu trendi yaradıblar. Və gəlin baxaq Rəşadı bu gün kimlər müdafiə edir. Bunlar əsasən hüququ və dövlətçiliyin təməl prinsiplərini bilməyənlərdir. Orta səviyyədən də aşağı savada malik belə adamlar kimlər üçünsə qanunda istisnaların tələbini irəli sürür. Bu sadəcə nadanlıqdır”.

Sosioloq vəziyyətdən çıxış üçün üçün öz təkliflərini də söylədi:

“Bizdə də ciddi elmi-tədqiqat mərkəzləri yaradılmalıdır. Bu mərkəzlər cəmiyyətdə gedən prosesləri öyrənib, çıxarışlar etməlidir. Milli konsepsiyalar hazırlanmalıdır. Çox təəssüf ki, bu gün “vor zakonlar”ın həyatı daha çox təbliğ olunur. Bu çox qorxunc bir prosesin işartılarıdır.

Qatili müdafiə etmək hansı ölkədə caiz hesab edilir? Bəs onda bizdə niyə qatil qəhrəman səviyyəsinə qaldırılır?

Deməli, biz nələrisə nəzərdən qaçırmışıq. Və bizim diqqətsizliyimizdən istifadə edən bəzi qüvvələr cəmiyyəti yanlış yola istiqamətləndirməyə çalışır”.

Ukraynadakı qazimizi qazamatdan necə xilas edək?
Bir ildən çoxdur Ukraynada saxlanılan soydaşlarımız Misir Qasımlı və Sübhan Quliyevlə bağlı hələ də məhkəmə qərarı verilməyib. Kiyev vilayəti Obuxovski Rayon Məhkəməsində keçirilən növbəti prosesdən sonra Misir Qasımlı Baku TV-yə açıqlama verib. Həbsdə olan Qarabağ qazisi bildirib ki, onlar haqqında irəli sürülən ittihamlar yalandır.

“Bütün hüquqlarımız apelyasiya məhkəmələri tərəfindən pozulur. 8 aydır bizi heç bir məhkəməyə aparmırlar. Tərcüməçisiz, vəkilsiz məhkəmələr keçirirlər”, - deyə o əlavə edib.

M.Qasımlı nə Xarici İşlər Nazirliyindən, nə Ombudsman Aparatından, nə də səfirlikdən vəkillərinin müraciətlərinə cavab verilmədiyini də qeyd edib.

Xatırladaq ki, bu günlərdə Misir Qasımlının vəkili Aygül Rəfiyeva da Musavat.com-a açıqlamasında dəfələrlə Ombusdman və Azərbaycanın Ukraynadakı səfirliyinə müraciət edildiyini, lakin müraciətlərin nəticəsiz qaldığını bildirmişdi:

“Dəfələrlə Misir Qasımlının şəxsi zaminliyə götürülmə məsələsi ilə bağlı səfirliyə müraciət edilsə də, səfirlik hər dəfə bundan imtina edib. Halbuki səfirlik Misir və Sübhanın zaminliyə götürülməsi məsələsini qaldırsa, vəsatətin təmin edilib-edilməməsindən asılı olmayaraq, artıq proses iştirakçısına çevrilərək məhkəmədə söz sahibi ola bilər. Lakin, bunu etmək istəmirlər. Görünür ki, bir qazinin taleyi onlar üçün heç maraqlı deyil.

Elmira Axundova qazinin ailəsini səfirliyə buraxmadı: Kiyevdə utancverici olay - Video Yenipress.az

Eyni zamanda Azərbaycanın Ombusdmanına dəfələrlə müraciət edirik ki, vətəndaşlarımızın haqqları tapdalanır, köməklik edin, cavab verirlər ki, heç bir qanun pozuntusu yoxdur, ümumiyyətlə bu bizim səlahiyyətlərimizə aid deyil. Görünən odur ki, heç kəs öz işini vicdanla görmək istəmir. Şablon cavab məktubları ilə kifayətlənirlər".

Məsələ ilə bağlı “Yeni Müsavat”ın əməkdaşı Azərbaycanın Ukraynadakı fövqəladə və səlahiyyətli səfiri Elmira Axundovanın mövqeyini öyrənməyə çalışıb. Səfir səslənən iddiaları rədd edib: “Biz Misir Qasımlı ilə əlaqədar nə lazımdırsa etdik. Səfirlik notalar yazdı, məhkəmədə konsulumuz iştirak etdi. Lakin biz məhkəmə işlərinə qarışa bilmərik axı”.

“Yeni Müsavat” səslənən iddialara cavab almaq üçün Ombusdman Aparatına sorğu göndərib. Qurumdan məsələyə bu cür mövqe bildirildi: “Ukraynada həbsdə olan Azərbaycan Respublikası vətəndaşları Misir Qasımlı və Sübhan Quliyevin vəkili Dobranitsa Valeriy Mixayloviç Azərbaycan Respublikasının insan hüquqları üzrə müvəkkili (ombudsman) Səbinə Əliyevaya müraciət edib. O, hüquqlarını müdafiə etdiyi Qasımlı Misir Elman oğlu və Quliyev Sübhan Babək oğlu barəsində başlanmış cinayət işinin istintaqı zamanı prosessual hüquq pozuntularına yol verildiyini, Ukraynanın Kiyev vilayəti üzrə Obuxov Rayon Məhkəməsində işə qeyri-obyektiv baxıldığını bildirib. Ombudsman Səbinə Əliyevaya həmin məsələ ilə bağlı Ukrayna Ali Radasının insan hüquqları üzrə müvəkkili Dmitri Lubinetsə müraciət edib. İnsan hüquqları üzrə müvəkkil S.Əliyeva vətəndaşlarımızın hüquqlarının səmərəli müdafiəsi və təminində səlahiyyətləri çərçivəsində kömək göstərilməsini xahiş edib. Ukrayna Ali Radasının insan hüquqları üzrə müvəkkili tərəfindən verilmiş cavab əsasında vəkil Dobranitsa Valeriy Mixayloviçə rəsmi məktub ünvanlanıb”.

Qarabağ qazisi, jurnalist Rey Kərimoğlu isə bildirdi ki, Azərbaycan hökuməti Misir Qasımlının hələ də həbsdə saxlanılması ilə bağlı ortaya mövqe qoymalı, qazini vəkil və hüquqşünasla təmin etməlidir: “Azərbaycanın bir qazisi Ukraynada şərlənib, həbs edilir, dövlətin hüquq sistemi, Ombusdmanı isə susub. Bu, yolverilməzdir, dərhal tədbir görülməlidir! Məlum məsələdir ki, Ukraynadakı səfirliyimizin adı var, özü yoxdur. Heç olmasa, digər aidiyyəti orqanlar hərəkətə keçməlidir”.

Bəs Azərbaycan Qaziləri İctimai Birliyi qazi Misir Qasımlı ilə maraqlanırmı? Qurumun sədri, Qarabağ qazisi Asəf Əliyev sorğumuza bu cür cavab verdi: “İlk növbədə Ombusdman, Ukraynadakı səfirliyimiz işə keçməlidir. Araşdırılmalıdır ki, Misir Qasımlı hansı şəraitdə, niyə həbs edilib? Bütün bunlar araşdırılandan sonra məsələyə müdaxilə edilməlidir. İctimai təşkilat olaraq bizim əlimiz Ukrayna çatmır, əsasən ölkə daxilindəki qazilərimizin problemləri ilə maraqlanır, onlara dəstək olmağa çalışırıq. Tutaq ki, burdan onlara müraciətlər ünvanlasaq, hara gedib çıxacaq ki?

Xatırladım ki, bir müddət bundan əvvəl Misir Qasımlı ilə bağlı məsələ Milli Məclisdə də qaldırıldı və QHT-lər də müraciətlər etdi. Lakin nəticəsi olmadı. Bunun üçün də bir daha qeyd edirəm ki, bu məsələni dövlət qaldırmalıdır. Əgər Ukraynada yaşayan bir Vətən müharibəsi qazimiz Azərbaycanın müstəqilliyi, bütövlüyü uğrunda döyüşlərə qatılıbsa, canın, qanın fəda edibsə, onu qorumaq hər birimizin borcudur".

Xalidə GƏRAY,

Bakının Ramanı qəsəbəsində dəhşətli hadisə baş verib. Belə ki, iki azyaşlı qardaş siçan zəhərini "jelibon" bilərək yeyib və zəhərlənərək ölüb.

Qeyd edək ki, ailənin bunlardan başqa uşaqları olmayıb.
Ətraflı

Daha ətraflı Baku TV-nin süjetində:

“Təcridxana rəhbərliyi ilə müqavilə bağlamışdım ki...”

Sabunçu rayon Məhkəməsində Vətəndaş və İnkişaf Partiyasının sədri Əli Əliyevin məhkəməsi davam edir. Noyabrın 11-də keçirilən prosesdə Əli Əliyev 2 vəsatətlə çıxış edib. Vəsatətlərdən biri İstintaq Təcridxanasındakı 10 saylı korpusda saxlandığı müddətdə evdən göndərilən sovqatların siyahısının məhkəməyə təqdim olunması ilə bağlı olub. Əli Əliyev iddia edir ki, hazırda zərərçəkmiş kimi tanınan Zabit Nəzərovla eyni kamerada yaşadığı müddətdə kamera yoldaşları ona evdən gələn sovqatlarla dolanıb. 2-ci vəsatətində isə Əli Əliyev 47-ci kamerada saxlanılan məhkumlar Elçin Abbasovla Xəlilhüseyn Həsənovun məhkəməyə əlavə şahid qismində gətirilməsini xahiş edib. Hakim vəsatətlərin heç birini təmin etməyib. Məhkəmə Əli Əliyevin ifadə verməsi ilə davam etdirilib. O, məhkəməyə bildirib ki, qısa müddətdə dördüncü məhkəməsidir. Bu məhkəmələrin hamısı onun siyasi fəaliyyətiylə bağlıdır. Siyasi hakimiyyət onu siyasi arenada zərərsizləşdirmək məqsədilə cəmiyyətdən və ictimaiyyətdən təcrid vəziyyətdə saxlamaq qərarına gəlib. Buna görə DSX, DTX, ölkənin prokurorluq, məhkəmə, saxta rəylər vermiş ekspertiza qurumları ona qarşı birləşib. Əli Əliyevin sözlərinə görə, ona qarşı qurulmuş hazırkı qurama cinayət işində narkotik ticarətçilərindən və dələduzlardan istifadə olunub. 4-cü dəfədir ki, mühakimə olunan Əli Əliyev deyib ki, bu ilin yanvarında Yasamal məhkəməsi barəsində hökm çıxarandan sonra saxlandığı Bakı İstintaq Təcridxanasının rəhbərliyi ona cəzası başa çatanadək təsərrüfat işçisi kimi təcridxanada qalmasını təklif edib. O da təklifi qəbul edib və kitabxana işçisi kimi rəhbərliklə müqavilə bağlayıb. Bundan sonra əvvəlcə 10-cu korpusun 47, sonra 4-cü kamerasına köçürülüb. Orada məlum ona olub ki, narkotikə görə 4 dəfə məhkum edilmiş narkoticarətçi və 149 nəfəri aldatmış keçmiş yol polis işçisi ilə eyni kamerada yaşamalı olacaq.

Əli Əliyev deyib ki, 4-cü kamerada qaldığı müddətdə onun kiminsə otaq yığışdırmasına ehtiyacı olmayıb:

“Mən o kameraya evdən hər ay 250-300 manatlıq ərzaq, şirniyyat, təmizləyici vasitələr gətizdirmişəm, bu da (zərərçəkmiş) daxil olmaqla özümdən başqa üç dustağı yeməklə təmin etmişəm. Mən sizdən sovqat siyahısının məhkəməyə gətirilməsini ona görə istədim ki, görəsiniz ki, mənim kiminsə otaq yığışdırmasına ehtiyacım olmayıb. Hamı bilir ki, həbsxanalarda “şustryak” statuslu məhbuslar var. 2-5 manat arası məbləğə otaq da yığışdırırlar, qab da yuyurlar. Mən də aylıq belə statuslu məhbuslardan birinə 150-170 manat verib otağı yığışdırtdırmışam. Buna görə niyə kiminsə başına banka vurmalıydım ki?...”

Əli Əliyev ifadəsinə davam edərək bildirib ki, Zabit Nəzərov hər gün kamradan çıxıb yük daşımağa gedir, sonra kameraya qayıdırmış. Avqustun 23-də də səhər o başdan kameradan çıxan Zabit Nəzərov 10.30 radələrində geri qayıdıb. Zabit Nəzərovun kameraya ərzaqla dolu sellofan torbayla qayıtması həmin vaxt divanda uzanaraq televizora baxan Əli Əliyevi təəccübləndirib. O, məhkəmədə iddia edib ki, kamera yoldaşı ilk dəfəymiş kameraya əlidolu gəlirmiş:

“Torbada kartof, soğan, kolbasa, toyuq vardı. Bir də diqqətimi boş banka çəkdi. 800 qramlıq banka idi. Torbanı masanın üstünə qoydu, həyəcanlı, gərgin idi. Bilirdim ki, Zabit Nəzərov Lənkəran MERO-nun rəsinin sürücü olduğu müddətdə sürücülük vəsiqəsi düzəltmək və sair bəhanələrlə 149 nəfərdən pul alıb, dələduzluq edib. Onlardan yalnız 9 nəfərinin şikayəti qəbul edilib, həbs olunub. Ancaq qalan 140 nəfərin şikayəti araşdırılır. Bir neçə gün əvvəl Zabit demişdi ki, araşdırmalar başa çatmaq üzrədir, vəziyyəti yaxşı olmayacaq. Mən də həmin anda düşündüm ki, gərginliyi, narahatçılığı buna görədir. Torbadakı ərzaqları masaya düzdü, bankanı da çıxartdı. Sonra digər masanın üstündəki iki boşqabı bir birinin ardıyca divara çırpıb sındırdı. Sonra da bankanı götürüb iki dəfə öz başına vurdu. Banka sınmadı. Çünki zərblə vurmağa əli gəlməmişdi. Mən reaksiya vermirdim, sakitləşməyini gözləyirdim. Birdən bankanı yerə çırpdı, sındı. Şüşə parçasını götürüb ayaqyolunun açarına tərəf gedəndə narahat oldum. Düşündüm ki, bəlkə ayaqyolunda şüşə parçasıyla damarını doğramaq fikrinə düşüb. Təcridxana işçilərini köməyə çağırmaq üçün dəhlizə çıxdım”.

Təqsirləndirilən şəxsin ifadəsinə görə, dəhlizdə isə artıq hadisələrin sonunu gözləyən təcridxananın zabit heyəti toplaşıbmış. Əli Əliyev onları köməyə çağırıb. Təcridxana nəzarətçiləri kameraya girib, bir neçə işçi isə onun qoluna girib, onu da kameraya gətirib. Kameraya daxil olanda görüb ki, Zabit Nəzərov şüşə parçasıyla öz alnını cızıb. İstintaq Təcridxanasının rəis müavini Əhəd Abdıyev ona deyib ki, bunu sən etmisən.

Əli Əliyevin ifadəsindən: “Elə kameradaca qollarımı burdular, yalnız o anda anladım ki, keçmiş ədliyyə işçisi, hər gün təcridxanaya mülki geyimdə gələn, telefonlara nəzarət edən İxtiyar adlı şəxsin kamera yoldaşım Zabit Nəzərovu tez-tez yanına çağırması, dəhlizdə bir yerdə görünmələri, külli miqdarda narkotik alverinə görə dördüncü məhkumluğunu keçirən digər kamera yoldaşımın son günlər tez-tez inzibati binaya çağırılması və sair mənə qarşı bu planın hazırlanmasına görə imiş”.

Əli Əliyev deyib ki, təcridxananın inzibati binasının üçüncü mərtəbəsində ondan izahat ala bilməyib, ikinci mərtəbəyə düşürəndə təəccüblənib:

“Orada məni prokurorluğun müstəntiqi və tibbi ekspert gözləyirdi. Dedilər ki, sən gəl yaxşılıqla izahat yaz, biz də çıxıb gedək, səhərdən ac-susuz burda oturmuşuq”.

Əli Əliyev daha sonra bildirib ki, təcridxana işçiləri ona “sən vurmusan, boynuna al” deyə-deyə mənəvi-psixoloji təzyiqlər göstəriblər. Təcridxana rəhbərliyi isə onu 3 günlük karsa salıb. Karsdan çıxandan sonra qolları arxasında qandallı vəziyyətdə yenə inzibati binaya gətirilib, rəis müavinin otağında ağ xalatlı iki nəfər onun barmaqlarını şüşə bankaya sürtərək barmaq izlərini götürüblər: “Ekspertiza rəyində mənim ovuc izlərimlə bağlı heç nə yoxdur. Çünki ağıllarına gəlməyib ki, əgər mən adamı bankayla vurmuşamsa, bankanın üzərində ovuc izlərim də olmalıydı”. Əli Əlyev deyib ki, kamera yoldaşının onun üzünə durması üçün hədələyiblər: “Deyiblər, ya dediyimizi edəcəksən, ya da 140 nəfərin şikayətinin araşdırması bitir, sənə bu dəfə daha ağır maddələrlə cinayət işi açacağıq. O da çarəsiz qalaraq qəbul edib”.

Əli Əliyev ifadəsinin sonunda hakim Anar Rzayevdən siyasi oyunun bir parçası olmamasını xahiş edib və ifadəsini belə bitirib: “Əgər siyasi hakimiyyət bir siyasətçiyə qarşı narkomandan, dələduzdan istifadə edirsə, mən siyasətdən getməyə hazıram. Qoy hakimiyyət bu duruma düşməsin”.

Əli Əlyev danışdıqca məhbus-zərərçəkən Zabit Nəzərov tez-tez ona “yalan danışırsan” deyib.

Prokuror, hakim və vəkillər təqsirləndirilən şəxsə suallar veriblər.

Bundan sonra proses noyabrın 18-nə qədər təxirə salınıb.

“Yeni Müsavat”

MDB ölkələri və Ukraynada tibb təhsili almış şəxslərin diplomunun tanınması üçün imtahan keçiriləcək.

Cebhe.info xəbər verir ki, bu barədə Səhiyyə Nazirliyinin Kadr Məsələləri üzrə Komissiyası qərar qəbul edib.

Qərar 2011-ci ildən tibb təhsilində rezidentura səviyyəsi tətbiq edildikdən sonra xarici ölkələrdə diplomdan sonra tibb ixtisasları üzrə təhsil almış şəxslərə aiddir.

İmtahanda iştirak etmək istəyən şəxslər Səhiyyə Nazirliyinin rəsmi internet saytının (www.health.gov.az) “Elektron Səhiyyə xidmətləri” bölməsində “Xarici ölkələrdə ali və orta ixtisas təhsili almış, diplomdan sonra ixtisaslaşma keçən tibb və əczaçılıq işçilərinin işə buraxılması üçün müraciətin və sənədlərin qəbulu” xidməti vasitəsilə noyabrın 11-dən başlayaraq sənədlərini təqdim etməli və “Namizədin elektron ərizəsi”ni dolduraraq təsdiq etməlidirlər. Sənəd qəbulu dekabrın 1-dək davam edəcək.

İxtisaslar üzrə sual topluları Səhiyyə Nazirliyinin rəsmi internet saytında yerləşdirilib:

Anesteziologiya-reanimatologiya

Daxili xəstəliklər

Dermatovenerologiya

Kardiologiya

Qastroenterologiya

Mamalıq-ginekologiya

Nevrologiya

Neyrocərrahiyyə

Oftalmologiya

Onkologiya

Ortodontiya

Otorinolarinqologiya

Pediatriya

Plastik cərrahiyyə

Travmatologiya-ortopediya

Urologiya

Ümumi cərrahiyyə

Ürək damar cərrahiyyəsi

Şua diaqnostikası

Psixiatriya

Neonatologiya Endokrinologiya

İmtahanın nəticəsi barədə məlumatı imtahan keçirildiyi gündə elektron səhiyyə portalında “Şəxsi kabinet” vasitəsi ilə əldə etmək mümkün olacaq. İmtahanın nəticələrindən narazı qalan iştirakçıların müraciətlərinə onların iştirakı ilə Komissiya tərəfindən baxılacaq.

İmtahanda uğur qazanmış şəxslər göndəriş verilməklə Ə.Əliyev adına Azərbaycan Dövlət Həkimləri Təkmilləşdirmə İnstitutunda 6 aylıq kurslara cəlb ediləcəklər. Kursu bitirən şəxslərə Komissiyanın qərarı əsasında Azərbaycan Respublikasında tibb və əczaçılıq fəaliyyəti ilə məşğul olmağa buraxılma barədə şəhadətnamə təqdim olunacaq və Səhiyyə Nazirliyi tərəfindən müəyyən edilən dövlət tibb müəssisələrinə müqavilə əsasında 1 (bir) il müddətinə iş yerinə göndəriş veriləcək.

Ərizə qəbulu bitdikdən sonra ixtisaslar üzrə imtahan tarixləri barədə əlavə məlumat Səhiyyə Nazirliyinin rəsmi internet saytında veriləcək.

Qeyd edək ki, bu tədbirlər müvəqqəti xarakterli olub, qüvvəsi xarici ölkələrdə hazırlıq alan tibb və əczaçılıq işçilərinin rezidenturaya qəbulu ilə bağlı aidiyyəti normativ hüquqi aktlara dəyişikliklər barədə Səhiyyə Nazirliyi tərəfindən hazırlanmış layihə təkliflərinin qüvvəyə minməsinə qədərdir.

Qətlə yetirilmiş narkobaron Rəşad Dağlını “tavana” otuzdurub 3000 manat almaq istəyirmiş. Qətlin yeni təfəvvüratları.

Tanınmış meyxanaçı Rəşad Dağlının qətl törəməsi ilə bağlı yeni detallar ortaya çıxıb.

Rəşad Dağlı və qətlə yetirilən İskəndər Mehdiyev arasında münaqişəyə narkotik satanlarla bağlı meyxananın, daha dəqiqi, bu meyxanaya görə ikincinin söyüş söyməsinin səbəb olduğu bildirilsə də, əslində onların arasında münasibətlər bu olaya qədər gərginləşib.

Məlumatlı mənbənin bildirdiyinə görə, uzun illərdir dostluq edən Rəşad və İskəndərin münasibəti pul məsələsinə görə korlanıb. Belə ki, qətldən bir neçə gün öncə İskəndər Rəşaddan 3 min manat pul istəyib. Hətta İskəndərin bu istəyini xahiş yox, tələb kimi irəli sürdüyü və son günlər bu tələbi bir neçə dəfə səsləndirdiyi bildirilir. Rəşadın ona hər dəfə “yox” cavabı verməsi isə İskəndərin xoşuna gəlməyib.

Mənbə onu da bildirdi ki, bundan sonra İskəndər Rəşadın narkotik satanlarla bağlı meyxanasına “ilişib” və onun ünvanına söyüş söyub. Bu isə Rəşadı təbdən çıxaran “son damla” olub və o, İskəndəri qətlə yetirib.

Qeyd edək ki, bu hadisədən sonra tərəflər münasibətlərini aydınlaşdırmaq üçün görüşüblər. Aralarında yaranan mübahisə zamanı Rəşad İskəndərin ürək nahiyəsinə 9 bıçaq zərbəsi vurub. Nəticədə o, ölüb. Qətli törədən Rəşad Dağlı isə könüllü Yasamal polisinə gələrək təslim olub.

Xatırladaq ki, İskəndər Mehtiyev 15 gün əvvəl həbsdən çıxıb. O, Cinayət Məcəlləsinin 234.4.3-cü (külli miqdarda narkotik vasitələrin qanunsuz dövriyyəsi) maddəsi ilə ittiham olunaraq, həbs edilib.

İ.Mehdiyevin digər məşhur meyxana ustası Ələkbər Yasamallının dayısı oğlu olduğu bildirilir.

Hazırda onun qətli ilə bağlı Qaradağ rayon Prokurorluğu tərəfindən araşdırmalar davam etdirilir.

Azərbaycanda qadın ölü bildiyi ərindən 22 il sonra xəbər alıb.

ATV kanalında yayımlanan “Bizimləsən” verilişinə müraciət edən qadın ərindən xəbərsiz olduğunu bildirib. Aparıcı qadının ərinin Rusiyaya getdiyini bildirib.
Qadının əri Fərəcov Suliddin Firidun oğlu uzun illər Sovet pasportu ilə yaşayıb. Sonradan onun ölməsi ilə bağlı sənəd alınıb. Kişinin öldüyü təsəvvürünü yaratmaq üçün onun həyat yoldaşı qaynanasının yasında iştirak etməyə buraxılmayıb.

Bakıda növbəti köçürlümə prosesinə başlanılacaq.

Publika.az xəbər verir ki, söhbət paytaxtın Yasamal rayon ərazisindən gedir.

Yasamal Rayon İcra Hakimmiyyəti aparatının şöbə müdiri Xəqan Teymurov "Xəzər Xəbər"ə bildirib ki, bununla bağlı aidiyyəti qurumlar tərəfindən qəzalı binaların siyahıya alınması ilə bağlı tapşırıq verilib. İstismar müddəti bitmiş qəzalı binalar siyahıya alınıb və artıq aidiyyəti üzrə təhvil verilib.

Xəqan Teymurov qeyd edib ki, sakinlərin köçürlməsi istiqamətində iş adamları ilə danışıqlar aparılıcaq. Əgər tərəflər qarşılıqlı razılığa gələ bilsələr sakinlər həmin binada yeni təmirli mənzillərlə təmin olunacaq və yaxud da sakinlərə kompensasiya ödəniləcək.

Böyük Britaniya kralı III Çarlz və həyat yoldaşı Kamilla Yorkşirə səfəri zamanı yumurta atəşinə tutulublar.
Məlumata görə, monarx kraliça yoldaşı ilə birlikdə York şəhərinə rəsmi səfərə gəlib. Hadisə III Çarlz şəhər rəsmiləri ilə söhbət edərkən baş verib. İzdihamın arasından krala üç toyuq yumurtası atılıb. Hadisəni “Sky News” telekanalının operatoru lentə alıb.

Kral cütlüyünə yumurta atan şəxs saxlanılmazdan əvvəl “Bu ölkə qulların qanı üzərində qurulub”, - deyə qışqırıb. Ətrafdakı insanlar isə “Tanrı Kralı qorusun!”, - deyərək əlahəzrəti dəstəkləyiblər.

Məktəblilərin payız tətili başlayır - Noyabrın 16-dan ...

“Ümumi təhsil müəssisələrinin 2022-2023-cü tədris ili üçün tədris planlarının təsdiqi haqqında Azərbaycan Respublikası təhsil nazirinin əmri”nə əsasən, ümumi təhsil müəssisələrində dərs məşğələləri sentyabrın 15-də başlayıb iyunun 14-də başa çatır.

Hurriyyet.Az xəbər verir ki, məktəblilərin tədris ili ərzində 5 gün payız (16-20 noyabr), 5 gün qış (27-31 yanvar) və ibtidai siniflər üçün 5 günlük əlavə yaz (1-5 may) tətili müəyyən edilib.

Beləliklə növbəti həftə 16 noyabr tarixindən məktəblilərin payız tətili olacaq.