Bakının Qaradağ rayonunda yanğın hadisəsi baş verib.

APA xəbər verir ki, hadisə Lökbatan qəsəbəsindəki “Qobu park 2” yaşayış kompleksindəki 18-ci binada qeydə alınıb.

Belə ki, 10-cu mərtəbədə yerləşən 50-ci mənzilin sahibi Coşqun Mehdiyev ailəsi ilə birgə yaşadığı mənzili yandıraraq dama çıxıb.

Qonşular alovun qarşısına almağa çalışsa da onların köməyinə FHN-in Dövlət Yanğından Mühafizə Xidmətinin əməkdaşları çatıb.

Alovun qarşısı qısa zamanda alınıb.

Qonşular bildirir ki, Coşqun ruhi əsəb xəstəsidir. O, birgə yaşadığı ailə üzvlərini də döyərək evdən qovub.

Hadisə yerinə polislər gəlib.

Ev sahibi Coşqun Mehdiyev bölməyə dəvət edilib.

Hadisə araşdırılır.

21:23
Bakıda çoxmərtəbəli yaşayış binasında yanğın olub, sakinlər təxliyə edilib.

Bu barədə Fövqəladə Hallar Nazirliyi (FHN) məlumat yayıb.

Məlumata görə, Qaradağ rayonunda çoxmərtəbəli yaşayış binasının 10-cu mərtəbəsində ümumi sahəsi 55 kvadratmetr olan 2 otaqlı evin 1 otağının qapısı və divar üzlüyü 2 kvadratmetr sahədə yanıb. Yanğın zamanı 6 nəfər bina sakini yanğınsöndürənlər tərəfindən təhlükəsiz əraziyə təxliyə olunub.

Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

21:08

Bakının Qaradağ rayonunda yerləşən “Qobu Park-2” yaşayış kompleksində yanğın olub.

Oxu.Az-ın məlumatına görə, hadisə yaşayış kompleksindəki 18-ci binanın 10-cu mərtəbəsində baş verib.

Yanğın nəticəsində xəsarət alanlar barədə məlumat yoxdur.

Şahzadə Harri və Meqan Markl Frogmore kottecinin kral evindən qovulublar.

Publika.az xəbər verir ki, bu barədə "Daily Star" məlumat yayıb.

Bildirilib ki, Kral tərəfindən qovulan cütlük açarları da geri təhvil veriblər.

"Privy Purse"nin gözətçisi ser Maykl Stevens təsdiq edib ki, hazırda Kaliforniyada yaşayan Sussex hersoqu və hersoginyası, yürüş əmri verildikdən altı ay sonra "Windsor" əmlakındakı beş otaqlı mülkü tərk edib.

Bu məzarlıq nazirliyin siyahısındadır.

Hövsanda orta əsrlərə aid qəbristanlıq dağılır. Məzarlıq dövlət mühafizəsi altında olsa da onun saxlanılmasına yetərli diqqət verilmir.

Daha ətraflı aşağıdakı videoda:

Cəlilabad şəhərinin Qurtuluş prospektində 80 yaşlı kişini minik avtomobil vurub.

“Report”un məlumatına görə, hadisə zamanı 1943-cü il təvəllüdlü Yaqub Əliyev xəsarət alıb.

Y.Əliyev Cəlilabad Rayon Mərkəzi Xəstəxanasına aparılıb. Yaralıya açıq kəllə küt travması, sağ təpə gicgah nahiyəsinin əzilmiş-cırılmış yarası, sağ baldırın orta aşağı açıq-qapalı və çoxsaylı sınıqları diaqnozu qoyulub.


Y.Əliyev həkimlərin səyinə baxmayaraq, xəstəxanada vəfat edib.

Faktla bağlı araşdırma aparılır.

Saatlı Rayon Polis Şöbəsinə rayon ərazisində yerləşən fərdi yaşayış evlərinin birindən külli miqdarda pul və qızıl-zinət əşyaları oğurlanması barədə məlumat daxil olub.
DİN-in Mətbuat Xidmətinin Şirvan regional qrupundan verilən məlumata görə, daxil olan məlumatla əlaqədar polis əməkdaşları tərəfindən keçirilən əməliyyat-axtarış tədbirləri nəticəsində qeyd edilən cinayət əməlini törətməkdə şübhəli bilinən zərərçəkənin qardaşı oğlu, əvvəllər məhkum olunmuş Elvin Vəliyev saxlanılıb.
Aparılan araşdırmalar zamanı məlum olub ki, adıçəkilən şəxs cari ilin mart-iyun ayları ərzində qohumlarının ölkə hüdudlarından kənarda olmasından istifadə edərək dəfələrlə onlara məxsus evə qanunsuz daxil olub və otaqların birində olan seyfdən 5000000 rubl, 128800 dollar, 12000 avro, 50000 manat pul və 100000 manat dəyərində qızıl-zinət əşyaları oğurlayıb. Zərərçəkənlərə ümumilikdə 490000 manatdan çox maddi ziyan vuran E.Vəliyev oğurluq yolu ilə əldə etdiyi qənimətləri isə onlayn mərc oyunlarında uduzub.
Faktla bağlı Saatlı RPŞ-nin İstintaq Bölməsində cinayət işi başlanılıb, araşdırmalar davam etdirilir.

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi "Olar səni qucaqlayım?” şeirinə görə işdən qovduğu sürücünün məhkəmə şikayəti təmin edilməyib.

Teref.az Qaynarinfo-ya istinadən xəbər verir ki, Dövlət Xidmətinin ştatdankənar sürücüsü Sərxan Həmzəyev (soyad şərti) sözügedən şeirə görə Əmək Məcəlləsinin 70-ci maddəsinin "ç” bəndinə əsasən işdən (qeyri-iş vaxtında) azad edilib.

Sərxan izahatında bildirib ki, işlədiyi müddətdə bütün kollektivlə mehriban, söz-söhbətsiz, səmimi davranışına görə hər kəsin yanında hörməti olub. Heç kimlə mübahisə etməyib. Hər zaman bayramlarda və yaxud adi günlərdə belə "WhatsApp” proqramı vasitəsilə iş yoldaşları ilə bir-birlərinə videoroliklər, şeirlər göndəriblər. Son günlər sosial şəbəkələrdə Aytac Vəlibəylinin "Olar səni qucaqlayım?” şeiri paylaşılıb. Bu şeirə qulaq asanda o, çox kövrəlib, çünki əzizlərini itirmiş insanlara aid şeir olub. O, da insan olaraq atasını, anasını və bacısını itirib. Həmin şeiri telefonuna yükləyib həyat yoldaşına, bacısına, qohumlara, tanışlara, özünə yaxın bildiyi, ərk etdiyi iş yoldaşlarına göndərib. Göndərdiyi hər kəsdən müsbət cavab alıb. Lakin onların arasında Dövlət Xidmətinin Mədəni irsin inkişafı və bərpası şöbəsinin aparıcı məsləhətçi vəzifəsini müvəqqəti icra edən Nərmin Bayramova onun göndərdiyi şeiri qeyri-adekvat başa düşərək, bunu etik normalardan kənar bir şeir kimi qəbul edib.

Sürücü "şeiri niyə belə mənada başa düşdüyünü" ondan soruşub. Lakin Nərmin xanım ona cavab verməyib və danışmaq istəməyib. Səhər isə rəhbərliyə ondan şikayət edib. Qurumun rəhbəri bununla bağlı həm Sərxana, həm Nərmin xanıma izahat yazdırıb.

Nərmin Bayramova izahatında qeyd edib ki, qeyri-etik ifadələrlə dolu olan "TikTok" videoçarxını şərəf və ləyaqətə təhqir, kollektivdəki nizama xələl gətirən bir hal kimi qəbul edir. Şeiri göndərdikdən sonra Nərmin Bayramova sürücüyə "Sərxan müəllim, yanlışlıqla videoçarxı mənə göndərmisiz” yazdığını, sürücünün isə "xeyr, düz göndərmişəm, şeir çox təsirlidir” cavabını verdiyini bildirib.

Nərmin Bayramova izahatında onu qeyd edib ki, Sərxan onun şərəf və ləyaqətini alçaldıb. Lakin sürücü belə bir niyyətinin olmadığını və onunla danışmağa çalışdığını bildirib.

Xidmətin rəis müavini Ağacavid Ramazanovun imzası ilə təcili şəkildə əmr hazırlanıb. Sənəd xidmət rəisinə təqdim olunub və Sərxan Əmək Məcəlləsinin 70-ci maddəsinin "ç” bəndinə əsasən işdən (qeyri-iş vaxtında) azad edilib.
Məhkəmə Sərxanın Dövlət Xidmətinə qarşı 3-24-1/3-3-K-12/2023 saylı, 2023-cü il tarixli əmrin ləğv edilməsi və işə bərpa olunması barədə iddia tələbini iddia müddətinin ötürülməsi ilə əlaqədar təmin

“Yeganə Palace” şadlıq sarayı mənə məxsus deyil, Azərbaycan Qida Təhlküəsizliyi Agentliyi (AQTA) yalan məlumat yayıb”.
Bu sözləri Qaynarinfo-ya “Yeganə Palace” şadlıq sarayının sahibi kimi təqdim edilən Təmkin Əliyev deyib.
AQTA iyunun 25-də “Yeganə Palace” şadlıq sarayında aparılan yoxlamalar barədə məlumat yayıb. Həmin məlumatda Təmkin Əliyev şadlıq sarayının sahibi kimi təqdim edilib.
Təmki Əliyev bizimlə söhbətində bildirib ki, o, “Zəngəzur” İdman Cəmiyyətinin sədri və Həzi Aslanov metrostansiyasının yaxınlığında fəaliyyət göstərən “Zəngəzur” kafesinin sahibidir: “Yeganə Palace” şadlıq sarayının mənə heç bir aidiyyatı yoxdur. Mən orda sonuncu dəfə 10 il əvvəl Qarabağ qazisi Zeynalabdin Məmmədovun övladının toyunda olmuşam”.
Sahibkar deyib ki, AQTA-nın onu “Yeganə Palace” şadlıq sarayının sahibi kimi təqdim etməsi məqsədlidir: “Mənim Azərbaycan Qida Təhlükəsizliyi Agentliyi ilə məhkəmə çəkişməm olub. Özü də iddiaçı mən olmuşam. Məsələnin kökündə isə onların qanunsuzluğu dayanır. Təsəvvür edin, bunlar sahibi olduğum kafedən nümunə kimi quzu əti götürüblər. Laboratoriyada isə çıxıb mal əti. Bunun məndə videogörüntüləri də var. Məhkəməyə müraciət etdim. Amma məhkəməyə təsir edildi və onların xeyrinə qərar çıxarıldı. Mən də qanunsuz olaraq yazılan cəriməni ödəmirəm. İndi bilmirəm məndən qisas alırlar, yoxsa başqa məqsədləri var. Hər halda bu boyda uyğunsuzluq olmaz. Ona görə də hesab edirəm ki, bu məqsədlidir”.
Təmkin Əliyevin sözlərinə görə, AQTA həmin məlumatı yaydıqdan sonra qurumun qaynar xəttinə zəng edib. “Onlar əvvəl dedilər heç nə bilmirik. Sonra gecə 1-də şöbə müdirlərindən biri zəng eləyib deyir ki, niyə səs-küy salırsan. Bilirsən ki, “Yeganə Palace” sənin deyil. Cərimə sənə gəlməyəcək. Dedim, məmin deyilsə. adımı niyyə hallandırırsınız? Hamı oxuyur, zəng vurur və s. Dedim sizi məhkəməyə verəcəm və bu barədə də sosial şəbəkədə paylaşım etdim. Bundan sonra gecə saat 2-də yenə zəng vurdular. Dedilər gəlin Azərbaycan Qida Təhlükəsizliyi Agentliyinə. Mən də dedim sizin ayağınıza niyə gəlməliyəm?! Bu məsələni belə qoymayacam. Həmin məlumatı silməsələr, məhkəməyə müraciət edəcəm”, deyə Təmkin Əliyev vurğulayıb.

Qeyd edək ki, dünən AQTA “Yeganə Palace” şadlıq sarayında istehlaka yararsız məhsullar aşkarlanması barədə məlumat yayıb. Bildilib ku, yoxlama zamanı müəssisədə müvafiq sənədləri olmayan, üzərində aşkar saxtakarlıq əlamətləri olan 27 ədəd 0,7 litrlik “Kremlin” əmtəə nişanlı, 4 ədəd 0,7 litrlik “Северная столица” əmtəə nişanlı, 5 ədəd 1 litrlik “Beluga” əmtəə nişanlı, 14 ədəd 0,7 litrlik “Булбашъ” əmtəə nişanlı, 79 ədəd 0,7 litrlik “Мънскъ” əmtəə nişanlı, 21 ədəd 0,7 litrlik “Босс” əmtəə nişanlı, 32 ədəd 0,7 litrlik “Almaz” əmtəə nişanlı, 7 ədəd 0,7 litrlik “Chivas Regal” və 12 ədəd 0,5 litrlik “Chivas Regal” əmtəə nişanlı spirtli içkilər aşkar edilib. Eyni zamanda mənşəyi məlum olmayan, orqoneleptik görünüşündə qaralma və istehlaka yararsız 24 kq sub məhsulu (qaraciyər, bağırsaq və s.), 19,8 kq balıq məhsulu, 80 kq piy və 250 kq ət, həmçinin çəkisi 20 kq olan son istifadə tarixi bitmiş “kartof fri” məhsulu aşkar edilib. Bundan əlavə, müəssisənin sanitar-texniki və sanitar-gigiyenik vəziyyətinin qənaətbəxş olmadığı, dondurucularda istifadə müddəti bitmiş məhsullarla istehlaka yararlı məhsulların bir arada saxlanıldığı, işçi heyətin ilkin və dövri tibbi müayinədən keçmədiyi müəyyən edilib.

Azərbaycanın hərbi prokuroru Xanlar Vəliyevin qardaşı, iş adamı kimi tanınan Şahmar Vəliyevə məxsus 3 iri müəssisə fəaliyyətini dayandırır.

Bu barədə məlumatla araşdırmaçı-jurnalist Hafiz Babalı çıxış edib. Onun yazdığına görə, bu müəssisələr Yevlax və Mingəçevirdə yerləşir.

Həmin müəssisələrin bağlanmasına dair elanlar bu gün dərc olunub.
Birinci elan: “Yevlax Kənd Təchizat” ASC (VÖEN 2200077471) bildirir ki, cəmiyyətin səhmdarlarının ümumi yığıncağının iclası 11 avqust 2023-cü il tarixə saat 09:30 təyin olunmuşdur. Ümumi yığıncağın iclasında gündəliyə çıxarılacaq məsələlər aşağıdakılardır: 1. “Yevlax Kənd Təchizat” ASC-nin ləğv edilməsi barədə cəmiyyətin səhmdarı Vəliyev Şahmar Rüstəm oğlunun ərizəsinin müzakirə edilərək, ərizənin təmin edilib-edilməməsi barədə qərar qəbul edilməsi;

İkinci elan: “Yevlax-Mərkəzi Bazar” ASC (VÖEN 2200069371) bildirir ki, səhmdarlarının ümumi yığıncağının iclası 10 avqust 2023-cü il tarixə saat 14:00 təyin olunmuşdur. Ümumi yığıncağın iclasında gündəliyə çıxarılacaq məsələlər aşağıdakılardır: 1. “Yevlax-Mərkəzi Bazar” ASC-nin ləğv edilməsi barədə cəmiyyətin səhmdarı Vəliyev Şahmar Rüstəm oğlunun ərizəsinin müzakirə edilərək, ərizənin təmin edilib-edilməməsi barədə qərar qəbul edilməsi;

Üçüncü elan: “Mingəçevir Maşın Təmir” ASC (VÖEN 2700235941) bildirir ki, cəmiyyətin səhmdarlarının ümumi yığıncağının iclası 10 avqust 2023-cü il tarixə saat 10:00 təyin olunmuşdur. Ümumi yığıncağın iclasında gündəliyə çıxarılacaq məsələlər aşağıdakılardır: 1. “Mingəçevir Maşın Təmir” ASC-nin ləğv edilməsi barədə cəmiyyətin səhmdarı Vəliyev Şahmar Rüstəm oğlunun ərizəsinin müzakirə edilərək, ərizənin təmin edilib-edilməməsi barədə qərar qəbul edilməsi.

Qeyd edək ki, bu 3 şirkətdən başqa Şahmar Vəlyevin Azərbaycanda digər şirkətləri də var. Ş.Vəliyev “Azneftemaş” ASC-nin, onun oğlu Ruslan Vəliyev aktivləri 10 milyon dollar həcmində dəyərləndirilən “Bakı Mexanikləşdirmə-1” ASC-nin əsas səhmdarıdır. Bundan başqa, R.Vəliyev daha bir neçə şirkəti də nəzarətdə saxlayır. Dövlət reyestr məlumatlarına əsasən, bunlar 2006-cı ildə yaradılan “R. Avadanlıq və Material Ehtiyatları” ASC, “İndependent” MMC (2001-ci il), “Bakı Mexanikləşdirmə-1” Mənzil Tikinti Kooperatividir.