Məlum olduğu kimi, 22 dekabr tarixində AZAL 2023-cü ilin yay cədvəli çərçivəsində 9 istiqamət üzrə 29 avroya aviabiletlərin satışa çıxarılacağını elan etmişdi. DİA.AZ bildirir ki, sonradan bunun fırıldaq olduğu tam olaraq təsdiqləndi və bu barədə geniş materialımızı da diqqətinizə çatdırdıq. Maləsəf hələ də açıqladığımız faktlara hansısa izahat verilməyib...

YAZI BURADA: İndi hardan bilək ki SATIŞDA UCUZ BİLET VAR İDİ?.. - "Yetər millətin cibini soyduğunuz!"

Qeyd edək ki, vətəndaşlar əsasən kampaniyanın saxta olduğundan və bilet ala bilmədiklərindən, almaq üçün müraciət imkanlarının olmamasından giley edirdilər. İndi təqdim edəcəyimiz şikayətin müəllifi isə bilet almış kimi görünsə də, bunun rəsmiləşməməsindən giley edir. Yəni nə olursa-olsun, kimsə bilet əldə edə bilməyəcək bu kampaniyadan... Təbii ki möhtəkirlər xaric... (bu barədə növbəti materialımız olacaq -dia.az)

"Şikayətim "Buta Airways"-dəndir". DİA.AZ bildirir ki, bu barədə "Müştərinin Səsi" sosial qrupundakı paylaşımında Abdulla Şabanov adlı istifadəçi giley edir.


Dahas sonra narazı vətəndaş yazır: "Srağa gün (23 dekabr tarixində -dia.az) gücnən birtəhər bir dənə bilet aldım 52 manata, Kazana gediş-gəliş üçün... Amma bilet elektron ünvanıma gəlmədi.

Dünəndən bu günə 10 dəfə bəlkə zəng etmişəm, hər dəfəsində də 6-7 dəqiqə gözləmişəm. Nə whatsappa cavab verirlər, nə zəngi götürürlər. Olmaz da belə..."

Hər halda, görünəni odur ki, elan edilən məlum kampaniyada məqsəd heç də vətəndaşları ucuz biletlə təmin etmək olmayıb... Bunun adına ən yaxşı halda məzələnmək demək olar...

Məsələ ilə bağlı dia.az olaraq bütün əlaqədar qurum və şəxsləri dinləməyə hazırıq...

Naxçıvan Muxtar Respublikasının Ali Məclisinin keçmiş sədri Vasif Talıbovun antiAzərbaycan addımları haqda son günlər mediada iddialar səslənməkdədir.

TEREF.AZ qeyd edir ki, belə məlumatlardan növbətisini də “Yeni Sabah”a MR-da xidmət edən yüksək rütbəli şəxslərdən biri verib. O, bildirib ki, İran Azərbaycanla sərhəddə ilk təlimi keçirdiyi vaxtdan Naxçıvanda Talıbov tərəfindən anlaşılması mümkün olmayan addımlar atılıb. Bunlarda biri də həmin vaxt bütün MR ərazisində küçələrdə, dövlət idarələrində Azərbaycan bayraqlarının yığışdırılması olub:

“Nə üçün belə bir qərar verildiyini anlaya bilmədik. Bir günün içərisində hər yerdən bayraqlar yığışdırıldı. Təkcə mərkəzdəki Bayraq Meydanındakı bayraq saxlanıldı. Bizim hərbi hissəyə də Əlahiddə Ümumqoşun Ordusunun komandanı, general-polkovnik Kərəm Mustafayev tərəfindən belə bir tapşırıq gəldi. Bayraqların hamısını yığışdırıb anbara qoydular.

Təkcə bu deyildi. Həmin təlimdən sonra Naxçıvan ordusunda rütbəni bildirən şevronların qola vurulması da Azərbaycan ordusundan fərqli şəkildə yerləşdirildi. Sanki Naxçıvan Ordusu tamamilə başqa bir ölkənin ordusu idi”.

Müsahibimiz deyir ki, Naxçıvan ordusunda yüksək rütbəli zabitlərin, Vətən Müharibəsi iştirakçılarının məcburi olaraq iməcliklərə aparılması böyük narazılıqlara səbəb olub: “Təsəvvür edin ki, polkovnik, polkovnik-leytenant, Vətən Müharibəsində Şuşaya qədər döyüşlərdə iştirak edən xüsusi təyinatlıların əlinə bel verirlər ki, küçədə ağac dibi belləməlisən, zibil yığmalısan. Etiraz etmək mümkün deyil. Ən xırda etiraz belə Kərəm Mustafayevə çatdırılır, o isə dərhal həmin zabitlə bağlı tədbir görür: vəzifədən azad edir, rütbəsi kiçildilir və yaxud da müxtəlif yollarla o adamı şərləyin cinayət işi açırlar”.

Vasif “xan” əyyamının sonlarında, Naxçıvanda analoqu olmayan bir avtoqəza hadisəsi baş verib.
Bu ilin 13 oktyabr tarixində Əliabad qəsəbəsinin 75 yaşlı sakini Qüdrət Mustafayevin idarə etdiyi maşın Naxçıvan şəhərinin 57-ci məhəlləsində bir başqa maşınla toqquşur. Qüdrət kişinin iddiasına görə, günah qarşı tərəfdə olur. Bəxtsizlikdən qarşı tərəf Vasif “xan”ın bacısı oğlu İmoş çıxıb.
“Xan” həzrətlərinin qohumları ilə nəinki toqquşmaq, hətta yolda qarşısına çıxmağın belə cinayət olduğu Naxçıvanda Qüdrət kişinin bu “cəsarəti”, sizcə, nə ilə nəticələnə bilər?

Gəlin, ən yaxşısı, Qüdrət kişinin özünü dinləyək.
Teref.az

Bakı Apelyasiya Məhkəməsində “Röyal Bank”ın direktoru olmuş Fuad Cam və onun atası, bankın Müşahidə Şurasının sədri olmuş Əli Camın şikayəti üzrə qərar olunub. Camlar Kənd Təsərrüfatı Nazirliyi və Əmanətlərin Sığortalanması Fondunun külli miqdarda vəsaitini mənimsəməkdə təqsirli biliniblər.

İran mənşəli ABŞ vətəndaşı Əli Cam uzun illər Azərbaycanda yaşayıb və burada işləyib. 2013-cü ildən barəsində istintaq başlandığından ölkəni gizlincə tərk edərək istintaqdan yayınıb. Buna görə Azərbaycanın hüquq-mühafizə orqanları Əli Cam barəsində həbsli axtarış elan ediblər. Yalnız 2020-ci ilin iyununda Əli Cam Birləşmiş Ərəb Əmirlikləri ərazisində tutularaq Azərbaycana ekstradisiya edilib.

İttihama görə, Əli Cam və Fuad Cam öz qulluq mövqeyindən istifadə edərək onlara etibar edilən külli miqdarda özgə əmlakını mənimsəyərək talayıblar. Ata-oğul rəsmi sənədlərə bilə-bilə yalan məlumatlar daxil etməklə vəzifə saxtakarlığı törədiblər. Pul vəsaitlərinin əldə edilməsinin həqiqi mənbəyini gizlətmək üçün həmin pul vəsaitlərindən istifadə etməklə əqdlər bağlayıblar, saxta maliyyə əməliyyatları həyata keçiriblər. Beləliklə, külli miqdarda pulu leqallaşdıraraq mənimsəyiblər.

İstintaqla Əli Cam və Fuad Camın qabaqcadan əlbir olaraq öz qulluq mövqeyindən istifadə edərək Azərbaycan Respublikasının Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyindən kənd təsərrüfatı kreditlərinin verilməsi üçün “RoyalBank” ASC-nin hesabına köçürülmüş pul vəsaitlərini 2007-2012-ci illər ərzində rəsmi sənədlərə bilə-bilə yalan məlumatlar daxil etməklə 31 müxtəlif hüquqi və fiziki şəxslərin adına sənədləşdirməklə krediti həmin şəxslərə verməyərək onlara etibar edilmiş 8 milyon 500 min manat məbləğində pul vəsaitlərini mənimsəmələrinə əsaslı şübhələr müəyyən edilib. Bundan başqa, Əli və Fuad Camın qanunsuz rəsmiləşdirdikləri iri məbləğli kreditlər üzrə ümumilikdə 7 milyon 300 min manat məbləğində pul vəsaitini Hindistan, Fransa və digər ölkələr olmaqla, cəmi 19 ölkədə yerləşən bank hesablarına və şirkətlərə köçürüb həqiqi mənbəyini gizlətməklə leqallaşdırmalarına şübhələr üçün əsaslar müəyyən edilmişdir.

“Royal Bank”ın əsas səhmdarı olan Əli Cama qarşı hələ 2012-ci ildə Vergilər Nazirliyi yanında Vergi Cinayətlərinin İbtidai Araşdırılması Departamentinin İstintaq İdarəsində Cinayət Məcəlləsinin 213.2.2-ci (külli miqdarda vergidən yayınma) maddəsi ilə ittiham irəli sürülüb, barəsində “başqa yerə getməmək haqqında iltizam” qətimkan tədbiri seçilib. Bundan təxminən 1 il sonra Əli Cama qarşı Cinayət Məcəlləsinin 179.3.2 –ci (mənimsəmə-külli miqdarda olmaqla törədildikdə) maddəsi ilə ittiham irəli sürülüb, barəsində Binəqədi rayon məhkəməsi tərəfindən 3 aylıq həbs qətimkan tədbiri seçilib. Lakin Əli Cam istintaqdan qaçıb gizlənib.

Həmçinin, Əli Camın 2013-cü ildən eyni maddələrlə ittiham olunan və istintaqdan yayınan oğlu Fuad Cam da ötən il Azərbaycana qayıdarkən tutulub.

Bakı Apelyasiya Məhkəməsində qəbul olunan qərara əsasən, Fuad Camın həbs müddəti 5 il azaldılaraq 8 ilə, Əli Camın həbs müddəti isə 2 il azaldılaraq 6 ilə endirilib.

Cinayət işi üzrə zərərçəkmiş qismində Kənd Təsərrüfatı Nazirliyi və Əmanətlərin Sığortalanması Fondu tanınıb.

Bakı Ağır Cinayətlər Məhkəmsəsinin hökmü ilə Fuad Cam 13 il, Əli Cam isə 8 il müddətinə azadlıqdan məhrum edilib.

Xatırladaq ki, Azərbaycan Mərkəzi Bankının İdarə Heyətinin (AMB) 2012-ci il 13 iyul tarixli qərarı ilə “Royal Bank”a verilən lisenziya ləğv olunub.

DÇ-2022-nin ən yaxşı qolu açıqlanıb.

Qol.az FİFA-nın rəsmi saytına istinadən xəbər verir ki, Braziliya millisinin üzvü Rişarlisonun Serbiyaya vurduğu qol birinci olub.

“Tottenhem”də çıxış edən hücumçunun qolu Salem Əl-Davsari (Səudiyyə Ərəbistanı), Kodi Qakpo (Niderland), Enzo Fernandes (Argentina), Vinsent Abubakar (Kamerun), Luis Çaves (Meksika), Kilian Mbappe (Fransa),Pek Sın Ho (Cənubi Koreya) və Neymarın (Braziliya) qolunu üstələyib.

Əmlakları qumarda uduzdu, məhkəmənin qarşısında yatan qardaşı donub öldü
Bakı Ağır Cinayətlər Məhkəməsində külli miqdarda dələduzluq etməkdə təqsirləndirilən Mövsüm Mövsümovun məhkəməsi başa çatıb.

Mövsüm Mövsümov tanışı Nabil Zeynalovu məktəb tikintisinə görə elan edilmiş tenderin qalibi edəcəyinə söz verib. Buna görə ondan 240 min manat alıb. Qısa müddətdən sonra Nabil Zeynalov aldadıldığını anlayıb və hüquq-mühafizə orqanlarına şikayət edib.

Bu cinayət işi məhkəmədə araşdırılarkən Nabil Zeynalov ifadəsində göstərib ki, Mövsüm Mövsümov onun tələbə yoldaşı olub, uzun zamandan sonra təsadüfən qarşılaşıblar. Daha doğrusu, keçmiş tələbə yoldaşının ona zəng vuraraq anasının vəfat etdiyini bildirməsi Nabil Zeynalovu kədərləndirib. Həmin vaxtdan da keçmiş tələbələrin dostluq münasibətləri təzələnib: “Təxminən 2 ay sonra yanımda bir söhbət açdı. Dedi ki, Təhsil Nazirliyi ilə əlaqəsi olan bir şirkətə işə düzəlib. Şirkətin rəhbərliyi ilə görüşməlidir. Mən onu öz maşınımla Xətai metrostansiyası yaxınlığındakı “Ağa Plaza”ya apardım, guya şirkət rəhbəri orada onu gözləyirmiş”.

Tez-tez görüşdüklərini deyən zərərçəkmiş Mövsüm Mövsümovun ona şirkətin Təhsil Nazirliyinin tabeliyindəki məktəblərin təchizat məsələləriylə məşğul olduğunu söyləyib:

“Hətta bir neçə dəfə telefonda görüntülü zəng vurub, mənə anbardan parta və stulların daşınmasını da göstərib. Əvvəl təklif etdi ki, pul qoy, təchizat işləriylə məşğul olaq. Dedim, mənim belə işlərdən başım çıxmır. Tikinti sahəsi olsa, pul buraxmaq olar, qazanclı yerdir”.

Nabil Zeynalov məhkəməyə deyib ki, başına nə gəlibsə, bundan sonra gəlib. Onun sözlərinə görə, dostu görüşlərin birində ona Təhsil Nazirliyində tender məsələlərinə baxan yaxın adamı olduğundan, 2020-ci ilin oktyabrında Şəkidə smetası 6 milyon 200 min manat olan məktəb tikintisi ilə bağlı tender elanından danışıb. Mövsüm Mövsümov həmin tenderi qazanmaq üçün əvvəlcədən 400 min manat rüşvət vermək lazım gəldiyini, Nabil Zeynalovsa razılaşdığını bildirib:

“Dedim, bu başdan 240 min manat, tenderi udandan sonra qalan pulu verməklə bu işə girişə bilərəm. Noyabrın 30-da Mövsüm zəng vurub pulu istədi. Sabahı gün oğluma zəng vurub əvvəlcədən paketlədiyim 100 min dolları və 70 min manatı gətirməsini tapşırdım. Oğlum və Mövsümlə “Qəbələ” restoranında görüşüb nahar elədik. Birlikdə Ağ şəhərə getdik, çünki Mövsüm demişdi ki, pulu bu işlərdə bizə kömək edəcək Paşa adlı dostuna verməliyik. Bizi bir binanın altındakı qaraja apardı, dedi ki, Paşa bu binada yaşayır. Elə qarajda oğluma tapşırdım, pulu bizim maşından götürüb, Mövsümün maşınına qoydu. Guya biz gedəndən sonra evə qalxıb pulları Paşaya verəcəkdi, bir həftə ərzində də bütün sənədləşmələr olacaqdı”.

Onun sözlərinə görə, bir neçə gün sonra Mövsümov zənglərə ya cavab verməyib, ya da vacib görüşdə olduğunu bildirərək telefonu qapadırmış. Daha sonra isə yerli-dibli zənglərə cavab verməyib. O zaman dostunun evinə gedib və binanın komendantından öyrənib ki, Mövsümov Kiyevdədir:

“Sonra başa düşmüşəm ki, Mövsüm çoxdan gedibmiş, telefonu da rominqdəymiş. Nə qədər zəng vurdumsa, daha mənə cavab vermədi, araşdırdım ki, heç belə bir iş də yox imiş, məni aldadıb”.

Mövsüm Mövsümov da məhkəmədə ifadə verib. O, deyib ki, Nabil Zeynalovdan aldığı pulları onlayn kazinoda uduzub: “Mobil telefonum vasitəsiylə kazino oyunlarına girişmişdim. O pulun 10 min manatını elə Nabildən götürdüyüm gün uduzmuşam. Sonra daha çox hissəsini uduzdum, əlimdə cəmi 43 min manat qalmışdı. Nabildən canımı qurtarmaq üçün Ukraynaya getdim, düşündüm ki, əlimdə qalan pulla iş qurub, yavaş-yavaş Nabilin pulunu qaytararam. O da alınmadı. Nabil məndən şikayət etmişdi deyə, həbs olundum, Bakıya göndərildim”.

Mövsüm Mövsümov məhkəmənin hökmüylə 8 il müddətinə azadlıqdan məhrum edilib. Ancaq təxminən bir neçə ay idi ki, jurnalistlər məhkəmə qapılarının bu tayında – binanın qarşısındakı parkda onun qardaşı Sənanın acı hekayətiylə üz-üzə qalmışdı. Sənan Mövsümov məhkəmə başlayan gündən parkdakı skamyada yatırdı. O, aylarla məhkəmə binasının içərisinə keçmək istəsə də, nəzarətçilər imkan vermirdi.

Sənan Mövsümov Toplum TV-yə açıqlamasında qardaşına nifrətindən danışmışdı: “Atam çox imkanlı idi. Başqa bir qadınla evlənib, Rusiyaya köçmüşdü. Bütün varını, əmlakını bizə buraxmışdı. Əmlaklarımız milyon manatla ölçülürdü. Qardaşım bütün əmlaklarımızı, pulumuzu həm real, həm də onlayn qumar oyunlarında uduzmuşdu. Qapımızı o qədər adam döyürdü ki... Biz tamamilə evsiz-eşiksiz, pulsuz qaldıq. İki il əvvəl anamın ürəyi dözmədi, onu itirdim. Həmin vaxtdan qarşıma məqsəd qoydum ki, qardaşıma əlim harda çatsa, ondan qisas alacam”.

Anasının ölümündən sonra küçələrdə gecələyən Sənan Mövsümov onda spirtli içkilərə aludəçilik yarandığını, düşdüyü durumla barışa bilmədiyini bildirmişdi: “Binəqədinin Mühafizə Xidmətinin rəisi olmuşam, ondan əvvəlsə bir neçə bankda baş mühafizəçi işləmişəm, idmançı olmuşam”.

Sənan Mövsümova hər kəs hörmətlə davranırdı. Hər gün məhkəmə binasından çıxan nəzarətçilər onunla salamlaşır, hal-əhval tutur, yemək, qalmağa yer təklif etsələr də, o, imtina edirdi. Yaxınlıqdakı yeməkxananın sahibi ona hər gün pulsuz yemək yeməsi üçün talon da vermişdi. Sənan Mövsümov yeməyi alıb, küçədəki başqa ac insanlar arasında dağıdırdı. Həmin ərazidə işləyən bir satıcı isə deyirdi: “Adam çox hörmətlidir, abırlıdır, təmizkardır. Bakı İstintaq Təcridxanasının rəisi ona dolanışıq üçün pul göndərib. Polislər hörmətlə yanaşır. Çoxu ilə əvvəllər iş yoldaşı olub. Yanına arada vəzifəli adamlar gəlir, xahiş edirlər ki, aparıb hansısa evə yerləşdirsinlər. O isə qardaşının məhkəməsi bitməyincə burdan heç yerə getməyəcəyini deyir. Ümidlənib ki, nə vaxtsa qardaşıyla buralarda üzləşəcək, ondan qisas alacaq”.

Aylardı məhkəmə qarşısından uzaqlaşmayan Sənan Mövsümovu sonuncu dəfə yerində görmədim. Maraqlananda məhkəməyə gələn jurnalistlərdən öyrəndim ki, bir neçə gün əvvəl elə oradaca soyuqdan canını tapşırıb. Təcili yardım maşını gəlib, cəsədi ərazidən götürülüb.

Toplum TV

Naxçıvanda “Nəqşicahan” holdinqə məxsus olan bir sıra obyektlərin bağlanacağı elan olunub.
Bu barədə Baku TV-də məlumat verilib.
Qeyd edilib ki, holdinqə məxsus ticarət obyektlərində mallar dəyər-dəyməzinə satışa çıxarılıb.
Daha ətraflı süjetdə:

Məlum olduğu kimi, bir çox xəbər portalları Vasif Talıbovun Naxçıvanda olmasına baxmayaraq, Ali Məclisin son iclasına qatılmadığını, səsvermə zamanı orada olmadığını, hətta səhhətinin pisləşdiyini yazıb.

“AzPolitika.info” isə özünün Naxçıvandakı mənbələrinə istinadla xəbər verir ki, ötən gün vəzifəsindən “səhhətinə görə” istefa verən Vasif Talıbov, ərizəsi səsverməyə çıxarılan zaman Naxçıvan Ali Məclisinin binasında olub.

Qeyd olunur ki, Talıbov həmin gün səhər saatlarından Ali Məclis binasındakı iş kabinetində oturub. Özü səsvermədə iştirak etməyən sabiq Ali Məclis sədri təxminən axşam saat 19-a kimi kabinetindən çıxmayıb. Yalnız hava qaralandan sonra artıq keçmiş iş yerindən və kreslosundan ayrılan Talıbov Ali Məclis binasını arxa qapıdan tərk edib və orada onu gözləyən oğlu Seymurun avtomobilinə minərək, uzaqlaşıb.

Təbii ki, Talıbovun Ali Məclis binasını arxa qapıdan tərk etməsi və hətta bunun üçün havanın qaralmasını gözləməsi təsadüfi deyil. Görünür, mənəvi-psixoloji durumu və siyasi mədəniyyət səviyyəsi özünün verdiyi istefa ərizəsi müzakirə edilən iclasda iştirak etməsinə imkan verməyən Talıbov, həm də insanların arasına çıxmağa cəsarət və “üz” tapa bilməyib...

Yeri gəlmişkən, hazırda xüsusilə də Naxçıvanda Vasif Talıbovun bundan sonra harada yaşayacağına dair müzakirələrə tez-tez rast gəlinir. Sual olunur ki, Talıbov indiyə qədər Naxçıvan əhalisinə etdiklərinin müqabilində, camaatın ona hansı münasibəti göstərəcəyinə dair nə düşünür?

Bu “baqajla” Naxçıvanda yaşamağı gözə ala bilirmi? Bundan sonra naxçıvanlıların qarşısına artıq “cənab sədr” ədalarından məhrum edilmiş sıravi vətəndaş qismində çıxa biləcəkmi? Hər halda, Ali Məclis binasını qaranlıq vaxtı, arxa qapıdan tərk etməsi onun Naxçıvanda yaşamaq həvəsində və imkanında olmadığının göstəricisi sayıla bilər...

P. S. Yeri gəlmişkən, dünən Naxçıvanda restoranlarda bir dənə də olsun boş masa tapılmayıb. Naxçıvanda Talıbovların erasının bitiməsi coşqu ilə qeyd olunub...