 |
|
|
“Dünya çempionatının finalını heç vaxt unutmayacam, bir tək gözəl futbola, Argentinanın qələbəsinə görə yox, həm də ona görə ki, maşınımı itirmişdim”.
DİA.AZ pravda.az-a istinadla xəbər verir ki, bunu ekspert Natiq Cəfərli deyib.
N.Cəfərli bildirib ki, oyun bitib, "ayıq sürücü" çağırıb: "1-2 bokal pivə içmişdik, Yoldaş Məmmədovla birgə evə getmək istəyirik, sürücü ilə maşını saxladığım yerə çatdıq, maşın yoxdur. “Orada olan "stoyanşikdən" soruşdum, dedi ki, yəqin "ştrafnoya" aparıblar. Həmən "102"-yə zəng edib şikayət etdim, çünki o küçədə saxlamağı qadağan edən işərə yoxdur. Heç 3 dəqiqə keçməmiş polisdən zəng gəldi, çox ədəblə məsələni soruşdular, danışdım, dedim ki, yaxınlıqdakı bölməyə və cərimə meydançasına gedirik. Bölməyə çatdıq, çox ədəb-ərkanla qarşıladılar, operativ şəkildə polis maşını, 3 əməkdaş ayırdılar, gəldik cərimə meydançasına - maşın orda yoxdur. Polislər tez digər dayanacaqlarla, YPX əməkdaşları ilə əlaqə saxladılar - maşından xəbər yox. Düşündüm ki, maşını oğurlayıblar, bu da Messinin mənə xeyri. Tez hadisə yerinə tərəf getdik, sağ olsunlar, polis işçiləri həmən istintaqa başlamağa, kameralara baxmağa qərar verdilər”.
“Mən polislərlə onların maşınında hadisə yerinə elə təzə çatmışdıq, Yoldaş Məmmədov gülə-gülə təksidən düşdü (onlar arxada gəlirdilər) ki, maşın o biri, paralel küçədədir. İlk dəfədir o tərəflərdə - Keşlə bazarının yanı futbola baxırdıq, həmişə getdiyimiz yerlər deyil, həyacandan maşının yerini unudub insanlara da əziyyət verdim. Polislərə təşəkkür edib, onları məşğul etdiyimiz üçün üzr istəyib ayıq sürücü ilə evə gəldik. Yol boyu da Yoldaş Məmmədov mənimlə "Mimino" filmindən sitatla məzələnirdi. Bir sözlə, möhtəşəm, maraqlı, yaddaqalan final yaşadıq” – ekspert əlavə edib.
DİA.AZ: - "Şikayətim TƏBİB-dəndir". DİA.AZ bildirir ki, bu barədə "Mənim Şikayətim Var" sosial qrupundakı paylaşımda qeyd olunur. Daha sinra narazıl vətəndaş yazır:
"Hər ay icbari sığortaya maaşımın 2-3%i ayrılır. Vöendə gəlir olanda da aylıq 12 manat hesablanır. Bütün bunların müqabilində sağlamlıq haqqında arayış almaq üçün əlavə 40 manat da rüsum almağa qərar verirlər.
40 manatla iş bitsə cəhənnəm. Əgər xəstəliyim yoxdursa sağlamam da. Bunlar sağlamlığı yoxlamaq üçün də səni 88 yerə analiz verməyə göndərirlər.
Əgər işləyirsinizsə, özəlliklə də 6cı gün də işləyirsizsə, bu analizləri vermək praktiki olaraq mümkün deyil. Ona görə də əlavə 20 manat alırlar. Yəni bir sağlamlıq haqqında arayış adama 60 manata başa gəlir.
Dəhşətdi..."
Məsələ ilə bağlı dia.az olaraq qarşı tərəfi də dinləməyə hazırıq...
Daşkəsəndə 14 yaşlı qız intihar edib.
Teref.az APA-ya istinadən xəbər verir ki, hadisə Mədənçilər qəsəbəsi ərazisində qeydə alınıb.
2008-ci il təvəllüdlü qız hələki məlum olmayan səbəbdən özünü tövlədə asıb.
Hadisənin səbəbləri araşdırılır.
Artıq Şuşa-Xankəndi yolunda etiraz aksiyasının 5-ci günüdür. Aksiyada iştirak edənlərin əksəriyyəti Qeyri Hökumət Təşkilatları və onların nümayəndələri olsalar da, sadə vətəndaşlar arasında da Şuşaya getmək, yardım göndərmək, dəstək olmaq istəyənlər var. Bu barədə redaksiyamıza daxil olan çoxsaylı müraciətlərdə əsas sual “Şuşadakı aksiyaya necə qoşula bilərəm?” olub.
DİA.AZ bildirir ki, Bizim.Media ünvanlanmış müraciətlərə cavab tapmaq üçün Qeyri Hökumət Təşkilatlarına Dövlət Dəstəyi Agentliyi ilə əlaqə saxlayıb.
Agentlikdən verilən məlumata görə, hələ ki, vətəndaş cəmiyyətləri üzvləri, jurnalistlər könüllü şəkildə bu aksiyaya qoşulurlar. Sadə vətəndaşların aksiyaya qoşulması barədə məlumatlı deyillər. Yardıma gəlincə isə buna hələ ki, ehtiyac olmadığını bildirdilər.
DİA.AZ-ın məlumatına görə, mövzu ilə bağlı Bizim.Media-ya danışan deputat Hikmət Babaoğlu isə bildirib ki, hazırda Xankəndi-Şuşa yolunda vətəndaş cəmiyyəti institutlarının keçirdikləri aksiya özlərinin təşəbbüsləridir:
“Düşünürəm ki, Azərbaycanın Qeyri Hökumət Təşkilatları bu aksiyaları ardıcıl və məqsədyönlü şəkildə təşkil etməyi bacarıblar. Aksiyalar özlüyündə kütləvidir, daha kütləvi olması vətəndaş cəmiyyətləri institutlarından asılıdır”.
Digər QHT nümayəndələrinin orada iştirakı ilə bağlı icazəyə qaldıqda isə deputat bildirib ki, bunun üçün standart müraciət qaydası var:
“Müvafiq qaydada müraciət etməklə digər QHT üzvlərinə yaradılmış şərtlərdən istifadə edə bilərlər”.
Sadə insanların iştirakına gəlincə, millət vəkilinin buna cavabı yoxdur. Göründüyü kimi aksiyada hələlik Qeyri Hökumət Təşkilatlarının üzvləri, media nümayəndələri və bir sıra qurumların əməkdaşları, universitet xətti ilə tələbələrin iştirakı mümkündür.
Bu aksiyalarda ən vacibi insanlarımızın təhlükəsiliyi olduğundan buraya kütləvi axınların icazə verilməsi mümkün görünmür. Ermənilər tərəfindən minalanmış ərazilərin hələ də mövcud olması kifayət qədər diqqətli olmağa sövq etdiri.
Amma hər bir vətəndaşın bu aksiyada iştirak etmək və ermənilərin törətdiyi ekofəlakətlərə qarşı etiraz hüququ olduğundan müraciətlər gələcəkdə sıra prinsipi ilə nəzərə alına bilər.
Milli Məclisin iclasında 25 məsələ müzakirəyə çıxarılıb – Deputatlar təkliflərini səsləndiriblər
Milli Məclisin bu gün keçirilən iclasında “Siyasi partiyalar haqqında” yeni qanun layihəsi üçüncü oxunuşda müzakirəyə çıxarılıb. Layihəni Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli təqdim edib. Komitə sədri layihənin hazırlanmasında dünyanın qabaqcıl ölkələrinin təcrübəsinin öyrənildiyini, ölkənin siyasi sisteminin və milli xüsusiyyətlərinin, bununla yanaşı, Venesiya Komissiyasının siyasi partiyaların fəaliyyətinin tənzimlənməsi haqqında tövsiyələrinin nəzərə alındığını bildirib.
“Qanun demokratiya baxımından münasibdir”
Dövlət quruculuğu və hüquq siyasəti komitəsinin sədri Əli Hüseynli deyib ki, qanunun ikinci oxunuşu zamanı 16 deputat çıxış edib, onlar müəyyən suallar və təkliflər irəli sürüb: “Deputatlarla fərdi şəkildə, eləcə də onlayn formada müzakirələr aparılıb”.
Qeyd edək ki, qanunda müvafiq icra orqanı anlayışı qurultaylararası dövrdə idarə orqanı kimi verilir. Eyni zamanda Reyster və ianələr mövzusunda identifikasiya nömrəsi ilə bağlı tələb qanundan çıxarılıb.
İnsan hüquqları komitəsinin sədri Zahid Oruc isə deyib ki, sədri olduğu komitə qanuna müsbət rəy verib və onun qəbul edilməsini dəstəkləyir.
Deputat Sabir Rüstəmxanlı bildirib ki, qanun demokratiya baxımından münasibdir: “Bu qanun siyasi mühitin inkişafına, siyasi partiyaların oturuşmasına yardım edəcək”.
Müzakirələrdən sonra 6 fəsil, 30 maddədən ibarət qanun layihəsi üçüncü oxunuşda qəbul edilib.
ABŞ-da imzalanan Konvensiya təsdiq edildi
İclasda “Demokratiya və İqtisadi İnkişaf naminə Təşkilat-GUAM iştirakçısı olan dövlətlərin konsulluq məsələlərində qarşılıqlı yardım göstərilməsi haqqında” Konvensiyanın təsdiq edilməsi barədə layihə də müzakirəyə çıxarılıb. Layihəni deputat Sevinc Fətəliyeva təqdim edib.
Müzakirələrdən sonra “Demokratiya və İqtisadi İnkişaf naminə Təşkilat-GUAM iştirakçısı olan dövlətlərin konsulluq məsələlərində qarşılıqlı yardım göstərilməsi haqqında” 2022-ci il sentyabrın 20-də Nyu-York şəhərində imzalanan Konvensiya təsdiq edilib.
İki yeni medal təsis edildi
Toplantıda Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012-2022)” Azərbaycan Respublikasının yubiley medalının və “ASAN xidmət” ilə səmərəli əməkdaşlığa görə” Azərbaycan Respublikasının medalının təsis edilməsi ilə əlaqədar “Azərbaycan Respublikasının orden və medallarının təsis edilməsi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi ikinci oxunuşdan keçib. Layihəni deputat Nurlan Həsənov təqdim edib.
Millət vəkili qeyd edib ki, dəyişiklik ASAN xidmətin yaranmasının 10 illiyi ilə bağlıdır. Deputat bildirib ki, dəyişikliklərlə “ASAN xidmət” ilə səmərəli əməkdaşlığa görə” Azərbaycan Respublikasının medalı və yubiley medalı təsdiq edilir.
N.Həsənov birinci oxunuş zamanı deputat həmkarlarından hər hansı təklif daxil olmadığı üçün layihənin səsə qoyulmasını təklif edilib. Layihə müzakirəsiz qəbul edilib.
“Qaz limitlərinin sıfırlanması vaxtında həyata keçirilməlidir”
İclasda “Qaz təchizatı haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi ikinci oxunuşda müzakirə olunub. Müzakirə zamanı deputatlar fikirlərini bildiriblər.
Millət vəkili Vüqar Bayramov deyib ki, 2022-ci il sona çatır və 2023-cü ilin əvvəlində qaz limitləri yenidən sıfırlanacaq: “2022-ci ildə qaz limitlərinin sıfırlanması 10 gün yubandı. Hesab edirəm ki, “Azəriqaz” İstehsalat Birliyi tərəfindən limitlərin sıfırlanması vaxtında həyata keçirilməlidir ki, problem olmasın. Çünki bütün hallarda ilin sonuna doğru insanlar qaza görə daha yüksək limitlərlə ödəniş edir və limitlərin sıfırlanması yubandığı halda onlar yeni ildə də mavi qazdan istifadəyə daha yüksək ödəniş etməli olurlar”.
“Elə kəndlər var ki, qonşuda qaz yanır, amma qarşı evə qaz verilmir”
“Ölkə ərazisində qazlaşma prosesi yekunlaşmalıdır. Seçicilərlə görüşə biz gedirik. Qurumlar seçicilərə cavab vermir. Tovuz rayonunda elə kəndlər var ki, qonşuda qaz yanır, amma qarşı evə qaz verilmir”. Bu sözləri isə deputat Qənirə Paşayeva deyib.
Millət vəkili deyib ki, Tovuzda 2 min 781 evə ümumiyyətlə, hələ qaz verilməyib: “Cavabdeh qurum deyir ki, vətəndaş özü qazı çəksin. Niyə vətəndaş qaz çəkməlidir?! İcra hakimiyyəti də, deputat da Baş nazirə, aidiyyəti qurumlara məktub yazıb, amma məsələyə baxılmır. Təklif edirəm ki, bu sahəyə cavabdeh qurumlar gəlib Milli Məclisdə cavab versinlər. Aidiyyəti qurumları parlamentin Təbii ehtiyatlar, energetika və ekologiya komitəsinə dəvət edək”.
Müzakirələrdən sonra qanun layihəsi ikinci oxunuşdan keçib. Bu gün keçirilən iclasda ümumilikdə 25 məsələ müzakirə olunub.
Müəllif: Anar Bayramoğlu
ayna.az
Bu il indiyədək Azərbaycanda 2951 zəlzələ qeydə alınıb.
Bu məlumat Respublika Seysmoloji Xidmət Mərkəzinin apardığı seysmoloji tədqiqatların nəticəsində məlum olub.
Respublika Seysmoloji Xidmət Mərkəzinin baş direktoru Qurban Yetirmişli Xəzər Tv-yə bildirib ki, təkanların hazırkı sayı ötən illə müqayisədə azdır.
Qurban Yetirmişli əlavə edib ki, ən aktiv zəlzələ ocaqları Şamaxı, İsmayıllı rayonları ərazisindədir. Rixter cədvəlinə əsasən, bu il ən güclü zəlzələ işğaldan azad olunmuş ərazilərdə qeydə alınıb.
Mərkəzin baş direktorunun sözlərinə görə, tədqiqatların nəticələrinə əsasən böyük dağıdıcı gücə malik zəlzələnin qeydə alınması gözlənilən deyil.
Qeyd edək ki, il ərzində hazırkı vaxta qədər ümumi olaraq 12 762 yeraltı təkan qeydə alınıb. Onlardan 2 949-u yerli, 4 645-i regional, 3 776-ı uzaq zəlzələlərdir. Bundan başqa, 1 391 yeraltı partlayış qeydə alınıb. Bu il 17 hiss olunan zəlzələ qeydə alınıb. Maqnitudası 3-dən yuxarı olan 56 zəlzələ olub. Təkcə ötən 24 saat ərzində isə 29 yeni təkan qeydə alınıb.
Bakı Baş Gömrük İdarəsinin "İpək-Yolu" gömrük postunda Çindən gələn yük maşınının üzərindəki konteynerə baxış keçirilib.
Yoxlama zamanı konteynerdəki mallarının arasında gömrük bəyənnaməsində göstərilməyən 17 ədəd M1 markalı elektromoped açkarlanıb.
Həmin nəqliyyat vasitələri Bakı şəhərində qeydiyyatda olan hüquqi şəxs tərəfindən gətirilib.
Berlində yerləşən dünyanın ən böyük akvariumu partlayıb.
“Qafqazinfo” xəbər verir ki, bu barədə məlumatı Almaniya polisinə istinadən “Associated Press” agentliyi yayıb.
Məlumata görə, silindr formalı 25 metr hündürlüyə sahib akvariumda müxtəlif növ 1500 balıq olub. Onlar sırasında nadir tropik balıq növləri də yer alıb. Balıqların hamısının tələf olduğu bildirilir.
Hadisənin hansı səbəbdən baş verdiyi hələ ki məlum deyil. Versiyalardan birinə görə, akvarium hava temperaturunun enməsi səbəbindən çatlayıb, daha sonra isə partlayıb.
İnsident nəticəsində iki nəfər yüngül xəsarət alıb.
Qeyd edək ki, sözügedən akvarium Berlində Aleksanderplats meydanına yaxın hotellərdən birində yerləşir.
Həftənin əvvəlində "DogruXeber.az" informasiya portalında Samux rayon Sərkar bələdiyyəsindən şikayətçi olan Anar Məmmədovun "Kanal14" YouTube kanalımızda, "Kamalın zamanı" proqramına danışdıqları barəsində məlumat yayımlamışdıq.
Məlumatların sonunda, dərc etməzdən əvvəl Sərkar kənd bələdiyyəsinin rəsmi internet səhifəsində qeyd edilən əlaqə nömrəsinə zəng etdiyimizi, telefona bir xanımın cavab verdiyini, həmçinin xanımdan mobil nömrəsini alaraq, Şəmistan Yusifovun özünə zəng etdiyimizi və həmin nömrəyə zəng çatmadığını, ardından həmən sonra müavini Əfqan Ələkbərovun bizə zəng edib, deyilənləri təkzib etdiyini qeyd etmişdik.
Samuxun oliqraxı Şəmistan Yusifov "suyun qabağını kəsən div" kimidir - VİDEO//FOTO
Lakin, bu dəfə daha maraqlı bir mövzu ortaya çıxdı. Daha doğrusu Sərkar kənd bələdiyyəsinin sədri Şəmistan bəyin daha bir yalanına şahid olduq.
Belə ki, məlumat yayımlandıqdan bir gün sonra elektron poçt ünvanımıza bir məktub gəldi.
Məktubda yazılmışdı ki, "Xahiş edirəm bu məlumatı hazırlayan şəxsin əlaqə nömrəsini mənə yazın. Yazıda adı çəkilən Əfqan bəy mənəm, mənimlə də heç kim əlaqə saxlamayıb".
Ardından, həmin şəxs öz telefon nömrəsini qeyd edib.
Biz dərhal zəng edib, özünü müavin Əfqan adı ilə təqdim edən telefon nömrəsinə zəng etdik, zəngimizə cavab verilmədi və həmin nömrə "Getcontakt" mobil tətbiqində "Şəmistan" adı ilə qeydli çıxdı.
Ardından məktubda qeyd edilən nömrəyə zəng etdik. Bu dəfə telefona cavab verən səs tamamilə fərqli idi. Zəng edən şəxs özü də bizim əməkdaşlarımızla ümumiyyətlə danışmadığını etiraf etdi və hətta belə bir mövzuda adının çəkilməsindən narahatlığını bildirdi.
Burdan da belə məlum oldu ki, sən demə bizə zəng edib, özünü sədrin müavini Əfqan Ələkbərov kimi təqdim ədən, "Şəmistan müəllim xəstədir, işə çıxmır, mənə deyin məsələni", deyən şəxs, elə Samux rayon Sərkar kənd bələdiyyəsinin sədri Şəmistan Yusifovun özü imiş. Özünü müavini kimi təqdim edib, sədri müdafiə edən bələdiyyə sədrinin bu hərəkəti etməkdə fikri, məqsədi nə idi deyə bilmərik. Amma, bu davranışları ilə Şəmistan Yusifov kənd sakini Anar Mammadovun iddiaları barəsindəki bütün şübhələri aradan qaldırdı.
Belə çıxır ki, elementar bir məsələdə mətbuata yalan danışan bələdiyyə sədri nəinki sakinin haqqını yeyər, onlara yalan danışar, hətta daha betər saxtakarlıqlara da qadirdir.
Yeri gəlmişkən, onu da qeyd edək ki, söhbət yeyintidən getdiyində, "adi bir kənd bələdiyyəsində nə var ki, nə yeyək" deyən kənd bələdiyyələrindən birinin sədri olan Şəmistan Yusifov yay aylarında istirahət etmək və xəstələndiyində müalicə olunmaq üçün buraları bəyənməyib, xarici ölkələrə üz tutur.
Anar Məmmədov kimi binəva kənd sakinləri də bir ömür çarpışaraq, 1 hektar torpaq əldə edir, əldə etdiyi torpaqla da nə edəcəyinə qərar verə bilmir. Plan çox, ərazi az. Yəni, sadəcə acından ölməmək üçün qullara verilən bir parça arpa çörəyi, bir parç su.
Şəmistan bəy də deyir, "Siz araşdırmısınız o kimdir? O hər yerə şikayət etdiyi üçün, axırda "Dost " iş mərkəzində onun yoldaşına iş verdilər ".
O zaman belə çıxır ki, şikayət etməsəydi adama iş verilməyəcəkmiş. Üstəlik də yol təmizliyi işini də Şəmistan bəy elə pafosla dedi ki, sanki böyük vəzifə verilib.
Hə, unutmadan onu da bildirək ki, məsələyə "DogruXeber.az"ın facebook səhifəsində Samux rayon İcra Hakimiyyəti də münasibət bildirib. Görünür, rayon İcra Hakimiyyətində əməlli -başlı "araşdırma" aparılıb və araşdırma zamanı da belə məlum olub ki, bələdiyyə kənd sakini Anar Mammadova 1 ha torpaq verib.
Vallah bizi qınamayın, həqiqətən, gülünc cavabdır. Vətəndaşın "Kanal14"ün efirində bələdiyyənin ona 1 ha torpaq verdiyini özü öz dili ilə dediyi halda, bunun üçün "araşdırma" aparmaq lazım idimi?
Araşdırılmalı olan o qədər məsələlər varkən, qosqoca icra hakimiyyətinin araşdırdığı məsələyə baxın.
Üstəlik də həmişəkindən fərqli olaraq, bu dəfə İcra Hakimiyyəti kənd sakininin qərəzli olduğunu qeyd edib.
Hay..hay... Hər zaman bizi və onların barəsində mənfi məlumatlar yayımlayan digər mediya mənsublarını qərəzli olmaqda ittiham edən İcra Hakimiyyəti bu dəfə də vətəndaşın qərəzli olduğunu iddia edir.
Bütün ölkənin Alı Qocayevə qarşı qərəzli olduğunu düşünən idarə, qərəzin səbəbləri barəsində nə düşünür görəsən?
Yəni, bu qədər adam hansı səbəbdən bir araya gəlib, onlarla qərəz aparmaq qərarına gəlsin ki?
Hər halda "DogruXeber.az" olaraq, öz adımızdan deyə bilərik ki, bizim ümumiyyətlə heç bir şəxs və heç bir qurum ilə qərəzimiz yoxdur.
Yalnız doğruları deyib, doğruları yazmaqla şəxsi missiyamız olan adımızın haqqını verməyə çalışırıq.
Zalimin deyil, məzlumun yanında olmaqla həm insanlıq, həm müsəlmanlıq, həm də vəzifə borcumuzu yerinə yetiririk.
Redaksiyamız hər kəsin söz haqqını tanıyır.
DogruXeber.az
Teref.az yazır ki, Azinform.az saytının baş redaktoru sosial şəbəkədə maraqlı bir məqalə ilə çıxış edib. Məqaləni oxuculkara təqdim edirik:
Naxçıvanda gizlənən İbrahim Cəfərov Arayik Arutunyanandır ki…
Azərbaycan siyasi rəhbərliyinin, hüquq - mühafizə orqanlarının, mediasının və ictimaiyyətinin diqqətinə ciddi bir faktı çatdırıram. Məlumatın doğruluğuna adım kimi əminəm və buna görə bütün məsuliyyəti öz üzərimə götürürəm.
Azərbaycan Cinayət Məcəlləsinin 13 ağır maddəsi ilə ittiham edilən və barəsində rəsmi axtarış elan olunan, Naxçıvan Tütün Fermentasiya Zavodunun sabiq rəhbəri, 2000-2005-ci illər Naxçıvan Ali Məclisinin deputatı olmuş - Cəfərov İbrahim Mustafa oğlu məhz Naxçıvanın indiki rəhbərliyinin dəstəyi ilə məsuliyyətdən yayındırılaraq, orada gizlədilir.
İbrahim Cəfərov hazırda Kəngərli rayonunun Xok kəndində yaşayır. Özünün Bakıdakı və Naxçıvankakı geniş biznes şəbəkəsini oradan idarə edir. İbrahim Cəfərovla bağlı cinayət işini Bakı Şəhər Prokurorluğu aparıb, ona yaxın olan adamlar həbs edilib, əslində girov götürülüb ki, İbrahimdən lazım olan pulu alsınlar. Bu adam həmin vaxt deputat toxunulmazlığından istifadə edərək , Naxçıvana qaçıb. Barəsində qaldırılan cinayət işi ayrı icraata verilib.
Həmin vaxt sabiq Baş Prokuror Zakir Qaralovun təqdimatı əsasında Naxçıvan Ali Məclisi onun deputat toxunulmazlığını götürüb. Məntiqlə, sonrakı addımda bu adam həbs edilməliydi. İbrahim Cəfərov isə o vaxt deyirdi: “Vasif Talıbovun qorxusundan heç kim gəlib burada məni həbs edə bilməz”. Doğrudan da belə oldu. Həmin vaxtdan indiyə kimi, həbsdən yayınmaq üçün İbrahim Cəfərov bir addım da olsun Naxçıvandan kənara çıxmayıb.
Hətta deyilənə görə 2000-ci illərin ortalarında onu həbs etmək üçün arxasınca Naxçıvana gedən hüquq - mühafizə işçilərinə ciddi basqı olub. Onları təhqir edilmiş halda təyyarəyə mindirib geri qaytarıblar. İbrahim Cəfərov deyir ki, azadlıqda qalmaq üçün var-dövlətinin əhəmiyyətli hissəsindən Naxçıvan rəhbərliyinin xeyrinə imtina edib.
Şəxsən mən bununla bağlı Naxçıvanın iki sabiq daxili işlər naziri: Əhməd Əhmədov və Fazil Ələkbərovla söhbət etmişəm. Onlar mənə deyiblər ki, İbrahimi həbs etmək şəlahiyyətində deyillər. Bu barədə rəsmi müraciətlərim də olub.
Sual oluna bilər: bəs Naxçıvanın indiki daxili işlər naziri Rəşad İsmayılov niyə İbrahim Cəfərovu həbs etmir?
Çünki Rəşad müəllim İbrahim Cəfərovla yaxın qohumdur. Hər ikisi Xok kəndindəndir. Qohumluq əlaqələri isə belədir: nazir İbrahim Cəfərovun bacısı qızı ilə evlidir.
Bir jurnalist kimi mənə məlumdur ki, bizim hüquq-mühafizə orqanları Qarabağda gizlənən Arayik Arutunyan və digər separatçılar barədə cinayət işi açaraq, onları beynəlxalq axtarışa verib. Onların yaşadığı ərazidə bizim yurizdiksiyamız hələ ki tam təmin edilmədiyi üçün , həmin adamları ədalət mühakiməsinı təqdim edə bilmirik.
Naxçıvan bizim yurizdiksiyamızdadırsa, onda niyə ağır maddələrlə axtarışda olan bir şəxs əlini-qolunu salayaraq orada gəzib, 20 ildir ölkənin hüquq sisteminə meydan oxuya bilir?
Mövzu barədə daha ətraflı yazacam!
Məhəmmədəli Qəribli
Teref.az