Bakıda Adəm Zindani kimi tanınan heykəltaraş Adəm İsmayılov Səbail Rayon Məhkəməsinin qərarı ilə 2 il müddətinə həbs olunub.

Teref.az yazır ki, “Qafqazinfo”nun məlumatına görə, 1978-ci il təvəllüdlü heykəltaraş sevdiyi qadını şantaj etdiyi üçün hakim qarşısına çıxarılıb.

O, Cinayət Məcəlləsinin 151 (Seksual xarakterli hərəkətlərə məcbur etmə), 156.1 (Şəxsi həyatın toxunulmazlığını pozma) və 176-1.1-ci ( Qadını nikaha daxil olmağa məcbur etmə) maddələri ilə ittiham olunub.

Məhkəmədə Adəm İsmayılov ona elan edilmiş ittihamla özünü qismən təqsirli bilib.

Məlum olub ki, o, zərərçəkmiş Nigar Qasımova (ad-soyad şərtidir) ilə 2017-ci ildə tanış olub.

Cinayət hadisəsinə gəlincə, Adəm 2021-ci ilin dekabrında özünə məxsus emalatxanada Nigara qarşı seksual hərəkətlər edib və bunu gizli olaraq telefonu ilə lentə alıb. O, növbəti dəfə Nigarı münasibətə dəvət etsə də, qadın bundan imtina edib.

Adəm buna cavab olaraq, lentə aldığı görüntüləri Nigara göndərərək onu hədələyib. O, bir müddət sonra ona ya Qasımla (ad şərtidir), ya da onun özüylə evlənməyi təklif edib. Nigar bu təklifdən də imtina edib.

Qadının imtinasına baxmayaraq, Adəm İsmayılov özünə məxsus instaqram hesabında qızın adi şəkillərini paylaşaraq onun fahişə kimi təqdim edib. Davamında isə Nigara girib həmin paylaşıma baxmasını deyib.

Adəmin həmin paylaşımları etməkdə məqsədi izləyiciləri vasitəsilə Nigarın ailə üzvlərinə məlumat verməkdən ibarət olub. Nigar onun etdiyi paylaşımları gördükdən sonra mesaj yazaraq həmin paylaşımları silməsini xahiş edib və Qasımla görüşə razılıq verdiyini bildirib. Sonrakı günlərdə Nigar onun mesajlarını cavabsız qoyub.

Adəm isə qisas almaq məqsədilə Nigarın intim fotolarını A4 kağızında çıxartdırıb onun müalicə üçün getdiyini dediyi tibb müəssisəsinin giriş qapısına yapışdırıb. Bu azmış kimi, qələmlə qadının adını və onun fahişə olduğunu, sözügedən tibb müəssisəsinə müalicə gəldiyini girişə yapışdırdığı kağıza qeyd edib.

Adəm İsmayılov daha sonra tibb müəssisəsinin qarşısında olması ilə bağlı mobil telefonla şəkil çəkərək Nigara göndərib və onun çılpaq foto şəkillərini tibb müəssisəsinin giriş qapısının yaxınlığındakı divara yapışdırdığını deyib.

Nigar hədələrin bitməyəcəyini başa düşərək polisə şikayət edib. 2022-ci ilin fevralında isə Adəm İsmayılov İçərişəhərdə Yasamal RPİ-nin 26-cı PB-nin əməkdaşları tərəfindən saxlanılaraq polis bölməsinə aparılıb.

Qeyd edək ki, A.Zindani ağac oduncaqları üzərində oyma işləri edərək müxtəlif fiqurlar hazırlayıb onları İçərişəhər ərazisində satırdı. Bu səbəbdən heykəltaraş bir neçə media orqanına müsahibələr də verib.

Məlum olduğu kimi, bu gün AZAL 2023-cü ilin yay cədvəli çərçivəsində 9 istiqamət üzrə 29 avroya aviabiletlərin satışa çıxarılacağını elan edib.

Qaynarinfo xəbər verir ki, bu barədə şirkətin sosial şəbəkə hesablarında məlumat paylaşılıb. Məlumatda martın 26-dan oktyabrın 29-dək həyata keçiriləcək uçuşların hava yollarının aşağıbüdcəli “Buta Airways” aviaşirkəti tərəfindən minimal “Büdcə” tarifi ilə həyata keçiriləcəyi və 10 000 biletin onlayn satışının planlaşdırıldığı bildirilib.
Bu gün saat 16:00-da biletlər satışa çıxarılmalı olsa da, qeyd edilən saatdan etibarə saytın onlayn satış bölməsi işləməyib. Bu barədə vətəndaşlar sosial şəbəkədə yazıblar. Qeyd olunub ki, biletlərin satışa çıxarılacağı vaxtdan bir saatdan çox keçsə də, saytdan bilet almaq qeyri-mümkündür.
Qeyd edək ki, sözügedən təklif Ankara, İzmir, İstanbul (Sabiha Gökçen Hava Limanı), Tbilisi, Aktau, Həştərxan, Mineralnıye Vodı, Kazan və Ufa şəhəri üzrə keçərlidir. Biletə əl yükü və baqaj daxil deyil.

BMT-də Laçın dəhlizi ilə bağlı müzakirələr aparılıb və Qərb dövlətləri yenə də məsələyə birtərəfli yanaşaraq ikili standartlardan çıxış ediblər. Belə ki, Ermənistanın “əkiz bacı”sı olan Fransa Azərbaycanın Laçın dəhlizini bağlamasını pisləyib və ölkəmizi humanitar fəlakət yaratmamağa çağırıb. Təəssüf ki, ABŞ və Böyük Britaniya da təxminən eyni mövqe sərgiləyib. BƏƏ və Albaniya tərəfləri sülh yolu ilə razılığa gəlməyə çağırsa da, Rusiya və Çin Laçın dəhlizi ilə hərəkətin mümkün qədər tez bərpa olunmasının vacibliyini bəyan edib. Görünən odur ki, dünyaya demokratiya dərsi keçməyə çalışan Qərbin özünə sözün əsl mənasında “dərs vermək” lazımdır.

Mövzunu Konkret.Az-a şərh edən politoloq Oqtay Qasımov bildirib ki, Azərbaycan ekoloqlarının Laçın yolundakı aksiyası konkret tələblə keçirilir: “Rusiya sülhməramlılarından öz missiyalarına uyğun fəaliyyət göstərmələri tələb edilir. Belə ki, Azərbaycan dövlət qurumlarının nümayəndələrinin Ağdərə ərazisində yerləşən qızıl və mis mədənlərində monitorinq aparmasına şərait yaradılması tələb kimi səsləndirilir. Rusiya sülhməramlıları onlara verilən təlimatlar əsasında Laçın yolunu bağlamaqla Azərbaycanın bu addımı atdığına dair görüntü yaratmağa çalışır. Yəni Kreml Ermənistanla birlikdə Azərbaycana qarşı beynəlxalq təzyiqi təşkil etməyə səy göstərir. BMT isə hazırda Təhlükəsizlik Şurasında sədrliyini həyata keçirən Hindistanın vasitəsi ilə toplantı çağırıb və burada Laçın yolundakı məsələ müzakirə olunub. Əslində, faktiki olaraq Azərbaycanın mövqeyinə zidd fikirlər səsləndirilib. ABŞ, Böyük Britaniya və digər dövlətlər məsələyə birtərəfli yanaşıblar. Rusiya təbii ki, bölgədəki maraqlarına görə, Ermənistan-Azərbaycan arasında sülhün yaranmasını istəmir. Ona görə də, Kremlin yanaşması təəccüb doğurmamalıdır. Təəssüf ki, Cənubi Qafqazda və Ukraynada Rusiya ilə geopolitik mübarizə aparan ABŞ və İngiltərə Kremlin qurduğu tələyə düşərək onun mövqeyini dəstəkləyir və rəsmi Bakıya təzyiq edir. Xarici dövlətlərin BMT-dəki çıxışları və Azərbaycan əleyhinə səsləndirilən bəyanatlar ikili standartların göstəricisidir. Ancaq burada Azərbaycan diplomatiyasının nöqsanlarını da qeyd etmək lazımdır. Çünki bizim diplomatik korpus bir çox ölkələrdə sistemli və məhsuldar işləyə bilməyib. Biz bunu Baltikyanı dövlətlər olan Estoniya və Litvanın bəyanatlarında da görürük. Hərçənd bu ölkələrdə çox güclü erməni diasporu mövcud deyil”.



Oqtay Qasımov: “Türkiyə çox çətin problemlə üzləşib” » Reyting.az

Politoloq əlavə edib ki, Azərbaycan tərəfi daha ciddi işləməli, xüsusən də təbliğat, diplomatiya və informasiya sahəsində fəaliyyət intensiv xarakter almalıdır: “Ən azı Azərbaycana qarşı olan dövlətlər neytrallaşdırılmalı, bitərəf mövqe sərgiləyənlər isə tərəfimizə çəkilməlidir. BMT-də əleyhimizə bu cür çağırışların olmasına baxmayaraq hesab edirəm ki, Laçın yolunda aksiya davam etməlidir. Azərbaycanın tələbləri yerinə yetirilməlidir, əks halda sözügedən ərazidə sərhəd-keçid məntəqəsi qoyulmalıdır. Beynəlxalq müşahidəçiləri də bu prosesi izləməyə dəvət etmək olar. Yəni Avropa Birliyinin monitorinq missiyası Ermənistanda fəaliyyət göstərib. Azərbaycan da sərhəd-keçid məntəqəsini qurduqdan sonra orada müşahidəçi missiyası kimi BMT nümayəndələrinin iştirakını təmin edə bilər. Orada yalnız humanitar yüklərin buraxılması mümkündür. 10 noyabr razılaşmasında da Laçın dəhlizinin sırf humanitar məqsədlər üçün nəzərdə tutulduğu qeyd olunub. Buradan hansısa silah-sursat, mina və texnika daşınması qadağandır. Amma Ermənistan bundan isifadə edərək təxribatlar törədib və terrorçuları Qarabağa daşıyıb. Ümumiyyətlə, Azərbaycan gücləndikcə və yaratdığı reallıqlar özünü daha açıq şəkildə göstərdikcə, ölkəmizə qarşı hücumlar artacaq. Bunu təbii qarşılamaq lazımdır. Sadəcə olaraq təzyiqləri neytrallaşdırmaq üçün daha aktiv fəaliyyət göstərməyimizə ehtiyac var”. \\KONKRET.az

Polis orqanlarının inzibati binasına smartfon telefonlar daxil olmaqla, heç bir foto-video çəkiliş cihazlarının keçirilməsinə icazə verilmir.

Hurriyyet.Az-ın məlumatına görə, bu barədə DİN-in mətbuat xidmətinin şöbə rəisi Elşad Hacıyev bildirib.

"Bu qadağa, polis orqanında çalışan əməkdaşlarla yanaşı, müraciət üçün gələn, dəvət edilən, gətirilən, yaxud digər şəxslərin təhlükəsizliyindən irəli gəlir. Nəzərə alınmalıdır ki, fasiləsiz xidmət göstərən polis cinayət və ya digər hüquqpozmalar törədən şəxsin tutulması və polisə gətirilməsi üçün tədbirlər görür".

“Yük maşınlarının kralı” və ya “yükdaşımalar kralı” kimi tanınan milyarder, iş adamı Lindsey Foksun nəvəsi Harri Foks uzun müddətdir bərabər olduğu Kristen Fouler ilə evlənib.

TEREF.Az xəbər verir ki, cütlüyün 50 milyon dollarlıq villada keçirdiyi toy məclisinə məşhur iş adamları, idman və mədəniyyət sahəsindən tanınmış similar qatılıb. Məclis səhərə kimi davam edib.

Kristeni dəbdəbəli gəlinlikdə görən və həyəcanını gizlətməyən Harri göz yaşlarına hakim ola bilməyib. Onu sağdışları sakitləşdirməyə yardımçı olublar.

Fotoları təqdim edirik:



lent.az

Azərbaycanda malların gömrük dəyərinin müəyyən edilməsinin sadələşdiriləcəyi bildirilir. Bununla bağlı “Gömrük tarifi haqqında” Qanunda dəyişiklik edilməsi ilə bağlı layihə Milli Məclisə təqdim olunub və artıq birinci oxunuşdan keçib. Layihəyə görə, malların gömrük dəyərinin müəyyən edilməsi sadə, ədalətli meyarlara əsaslanmalı və gömrük dəyərləndirilməsinin prosedurları malların təchizat mənbələrindən asılı olaraq fərqlənməməlidir.

Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov “Turan”a bildirib ki, hazırda gömrükdə tariflərin düzgün müəyyənləşdirilməməsi ən ciddi problemlərdən biridir. Onun sözlərinə görə, qanuna dəyişikliyinin əsas məqsədi gömrük dəyərinin düzgün müəyyənləşdirilməsi və gömrük mallarının vaxtlı-vaxtında buraxılmasıdır: “Gömrük dəyərinin müəyyənləşdirilməsi ilə əlaqədar şəffaflığın təmin edilməsi əsas məsələlərdən biridir. Həm də gömrük qaydaları Nazirlər Kabineti tərəfindən təsdiq edilib. O qaydalara da müəyyən dəyişikliklər təmin ediləcək. Mal gətirən şəxs verdiyi bəyannaməyə artıq bir gün ərzində cavab alacaq. Artıq aylarla, illərlə mal gömrükdə qala bilməz”.

O qeyd edib ki, malların dəyərinin düzgün müəyyənləşməsindən çox şey asılıdır: “Ona əsasən vergilər müəyyən edilir”.

Bundan əvvəl ayrı-ayrı iş adamları AzadlıqRadiosuna da mallarının gömrükdə aylarla saxlanması və buna görə ziyana düşmələri ilə bağlı şikayətlər səsləndiriblər. Belə şikayətlərə rəsmi qurumlardan cavab almaq çətin olub.

İqtisadçı Natiq Cəfərli isə AzadlıqRadiosuna bildirib ki, qanun layihəsinin hansı formada və necə qəbul edilməsindən çox şey asılıdır: “Əslində bu dəyişikliklərə ehtiyac da yoxdur. Bunu ayrıca tənzimləməkdənsə, qəbzlərdə göstərilən qiymətlər ilə gömrük rüsumlarının ödənilməsi qaydalarına əməl olunsaydı, problem yaranmazdı”.

İqtisadçının sözlərinə görə, iş adamları gətirdikləri malların qəbzlərinin gömrükdə qəbul olunmasında həmişə çətinliklərlə üzləşirdilər: “Gömrüyün öz daxili qərarı ilə özünə qiymətləndirmə səlahiyyəti verilmişdi. Malı qiymətləndirərkən bəzən malın dəyəri artırılırdı, bazar qiymətlərinə uyğunlaşdırmağa çalışırdılar. Bu da zaman-zaman malların daha çox bahalaşmasına səbəb olurdu”.

İqtisadçı hesab edir ki, vergi və gömrük orqanlarının bir mərkəzdən idarə olunması daha məntiqli olardı: “İkincisi, “Dövlət Gömrük Komitəsi haqqında Əsasnamə”nin özündə kifayət qədər subyektivliyə yer saxlayan məqamlar var. Yəni, gömrük orqanlarına dəyərləndirmək, qiymətləndirmək icazə verilir. Bu, məntiqsizdir”.

N.Cəfərlinin fikrincə, tariflərlə bağlı dördpilləli sistem subyektivliyə yol açır: “0, 5, 10, 15 faizli gömrük rüsumlarının olması subyektiv şəkildə dəyərləndirməyə yol açır ki, kim 5, kim isə 15 faiz ödəyəcək. Bu çox vaxtı subyektiv amillərdən asılı olur və qanunvericilikdə dəyişməlidir”.

Layihə və yazıda səslənən fikirlərə, hələlik, Dövlət Gömrük Komitəsindən münasibət almaq mümkün olmayıb. Amma bu qurum təmsilçiləri bu vaxta qədər malların düzgün dəyərləndirilməməsi ilə bağlı fikirləri, əsasən, qəbul etməyiblər.

Tovuzun Qovlar şəhər sakinlərinin “bal ağac”, “beşbarmaq çinar”, “mayak çinar” adlandırdıqları nəhəng çinar ağacı bölgənin ən yaşlı ağacı hesab edilir.

Ağacın əhatə etdiyi altı sot sahənin ətrafına hasar çəkilib və ayrı giriş qapısı qoyulub.

Diyametri 21 metrdən artıq, hündürlüyü 50 metrdən çox olan ağacı deyilənən görə, yaz-yay aylarında 30-40 kilometr məsafədən də görmək mümkündür.

Baku TV-nin mövzu ilə bağlı hazırladığı süjeti təqdim edirik:

Güclü külək nəticəsində Bakının mərkəzində yerləşənn restoranlardan birinin tavanı çöküb.

Bu barədə görüntülər sosial şəbəkələrdə paylaşılıb.

Nizami küçəsində yerləşən restoranın tavanının çökməsi nəticəsində xəsarət alanların olub-olmadığı barədə məlumat yoxdur.