“Zəlzələnin olması ilə bağlı daşınmaz əmlak sahəsində əsas problem qiymət artımı və ya enməsi deyil”.

Sfera.az bildirir ki, bunu əmlak məsələləri üzrə ekspert Elnur Fərzəliyev deyib. O, qeyd edib ki, indi əsas müzakirə mövzusu Bakının zəlzələyə hazırlıq səviyyəsi olmalıdır:

“Bu gün paytaxtda minlərlə istismar müddətini bitirmiş və yüzlərlə qəzalı vəziyyətlə olan çoxmənzilli bina və fərdi həyət evləri var. Xüsusən də bir-birinə yaxın tikilmiş yeni binalar, yaşayış kompleksləri kifayət qədərdir. Güclü zəlzələ halında onların vəziyyəti necə olacaq? Əsas problem budur”.

Ekspert qeyd edib ki, bu cür hadisələrdən qorunmaq ücün toplanış meydançaları və sığınacaqların kifayət qədər olmadığı da nəzərə alınmalıdır.

Qeyd edək ki, Respublika Seysmoloji Xidmət Mərkəzinin məlumatına görə, Xəzər dənizində, Azərbaycan sahillərində 5,5 bal gücündə zəlzələ baş verib. Yeraltı təkanlar bir sıra rayonlarda və Bakıda hiss edilib.

"Murdar olmuş heyvan ətlərini satanlar qısa vaxtda bəraət alıb işinə davam edir"
“Ümumiyyətlə, tarix boyu insan xəstəliklərinin 70-75% insanlara heyvanlardan keçib. Deyirlər ki, həkimlər insanları, baytarlar da bəşəriyyəti müalicə edir. Bütün heyvan xəstəliklərinin insana keçmə şansı var. Mən kənd adamlarıyla görüşəndə həmişə deyirəm ki, inəklə, qoyunla təmasda olanda mütləq ağzınıza bir örtük bağlayın. Heyvanın nəfəsindən heyvan xəstəliyi insana keçməməlidir. Amma insanda müəyyən zəiflik olanda, müəyyən xəstəlik əlamətləri olanda heyvan virusları insanın virusu ilə birləşir və yeni ştam əmələ gətirir. Yeni xəstəlik meydana çıxır. Ortaya çıxan yeni xəstəliyin insandan insana keçməsi də, mümkündür. Tarix boyu bu baş verib”.
TEREF.AZ-ın məlumatına görə, bu barədə Bizimyol.info xəbər portalına danışan “Azad İstehlakçılar” Birliyinin sədri Eyyub Hüseynov bildirib ki, insanın orqanizmi zəif olarsa heyvan xəstəliyinin insana keçməsi mümkündür.

Ekspertin sözlərinə görə, murdar olmuş, yəni ölmüş heyvanlaırn əti insan sağlamlığı üçün təhlükəlidir. Çünki heyvan xəstəlikdən ölübsə, insan onu istehlak edəndə, ona əl ilə toxunanda, iyləyəndə insana xəstəlik ehtimalı böyük olur.

“20 ildən artıqdır ki, təşkilatımız murdar olmuş heyvan ətlərinin tədarük olmasını təqib edir. Ölkənin demək olar ki, hər yerində “leşyığanlar” mafiyası var. Bunun qarşısını almaq üçün ən uğurlu işi Daxili İşlər Nazirliyi yanında Baş Mütəşəkkil Cinayətkarlığa qarşı Mübarizə İdarəsi görüb. Onlar digər məsul qurumlardan fərqli olaraq, ekspertizalar keçirir və işbazları həbs edirlər. Başqa qurumlar cərimə edib, buraxırlar. O qurumlar hesab edir ki, bölgədə hər bir əti satmaq olar. Təkcə, istehlakçını aldatmasınlar və ətin adını yazsınlar. Yəni Kənd Təsərrüfatı Nazirliyinin idarə rəisinin bir zamanlar belə bir bəyanatı da var idi. Biz bu bəyanatla razı deyildik, çünki bu yolverilməz idi.

“Azad İstehlakçılar” Birliyində 1963-cü ildə dərc olunmuş bir kitab var. Orada 15 respublika arasında bir dənə Azərbaycanda eşşək əti yeməli ət hesab olunur. Onun qiymətləri yazılıb və s. Sonra öyrəndik ki, bunu ermənilər edib. Belə çıxır ki, ermənilərin apardığı o siyasəti dəstəkləyən insanlar hələ də mövcuddur. Daxili İşlər Nazirliyinin adını çəkdiyim qurumu çox effektli iş görsə də məhkəmələr nədənsə tezliklə belə adamlara bəraət verib buraxır və onlar yenidən bu işlərlə məşğul olur. Bunun kökü kəsilməlidir”-deyə ekspert vurğulayıb.

Eyyub Hüseynov qeyd edib ki, burada ictimai nəzarətin böyük rolu var. Təəssüflər olsun ki, ölkədə ictimai nəzarət həddindən artıq zəif bir vəziyyətdədir. Ən ciddi vəziyyətlərdən biri budur ki, ictimai nəzarəti ən yüksək səviyyədə həyata keçirən kütləvi informasiya vasitələrinin işləri dövlət orqanları tərəfindən təqib olunmur. Onlara bir təşəkkür yazılmır, sorğu göndərilmir ki, bunu hardan tapmısınız və s.

“Murdar olmuş heyvan ətlərinin dönərxanalara, şadlıq evlərinə daşınması vətəndaşların, kənd axundlarının, müəllimlərin, valideynlərin, sahə müvəkkilərinin gözü önündə baş verir. Əhalini ictimai nəzarəti gücləndirməyə çağırıram. Belə olarsa, bu əcaib vəziyyət Azərbaycanımızdan yığışdırılar. Bu, yol verilməzdir. İnsanların xəstəxanalarda dolu olması, aptek şəbəkəsinin ölkədə digər ölkələrdən 20 dəfə artıq olması, insan uzun ömürlüyünün 198 ölkə arasında Azərbaycanın aşağıdan 115-ci yerdə olması və s. bu məsələlərdə bunun da rolu var. Vətəndaşları belə hallarla qarşılaşdıqları zaman AQTA-nın 1100 qaynar telefon xəttinə və yaxud adını çəkdiyim dövlət orqanına məlumat vermələrini tövsiyyə edirəm”-deyə ekspert qeyd edib.

“Zəlzələnin ən güclü hiss olunduğu rayon Xaçmaz olub”.

Rayon Fövqəladə Hallar Komissiyasının sədri Anar Oruclu AZƏRTAC-a bildirib ki, ilkin məlumatlara görə, zəlzələ nəticəsində rayonda hər hansı fəsad, dağıntı qeydə alınmayıb.
Rayon mərkəzində çoxmərtəbəli binada yaşayan sakinlər arasında müəyyən narahatlıq yaşanıb.

Azərbaycanda dövlətə xəyanətdə ittiham edilən daha iki nəfər tutulub.
TEREF.AZ APA-ya istinadən xəbər verir ki, Azərbaycan vətəndaşları Əliyeva Fidan Teymur qızı və Abbasov Tərlan Mirbəşir oğlu dövlətə xəyanət etməkdə təqsirləndirilir.Onların hər ikisinə Cinayət Məcəlləsinin 274-cü maddəsi ilə ittiham verilib. Lakin onlara verilən ittihamın mahiyyəti açıqlanmayıb.

Hər iki şəxs barəsində cinayət işinin istintaqı Dövlət Təhlükəsizliyi Xidməti tərəfindən başa çatdırılaraq Bakı Ağır Cinayətlər Məhkəməsinə göndərilib.
Fidan Əliyevanın cinayət işinə hakim Eldar İsmayılov, Tərlan Abbasovun işinə isə hakim Leyla Əsgərova-Məmmədovanın sədrliyi ilə baxılacaq.

“Fikrimcə, ofşorlar xüsusi xidmət orqanları tərəfindən yaradılır”.
Haqqın.az xəbər verir ki, bu sözləri tanınmış maliyyəçi, Azərbaycan
Beynəlxalq Bankının səs-küylü işi üzrə təqsirləndirilən şəxslərdən biri,
Lüksemburqdakı “VES Consultancy” MMC-nin rəhbəri Xaqani Bəşirov
azərbaycanlı jurnalist Eynulla Fətullayevə müsahibəsində deyib.
Uzun illər Qərb və Azərbaycan mətbuatı Xaqani Bəşirovu Azərbaycanın əsas
bankının aktivlərini ofşora yerləşdirməkdə və milyardların talanmasında əli olmaqda
ittiham edirdi.
Lakin Xaqani Bəşirov bütün ittihamları sükutla qarşılayırdı. Nəhayət, maliyyəçi
azərbaycanlı jurnalist Eynulla Fətullayevin suallarını cavablandırmağa və Azərbaycan
maliyyə sisteminin tarixindəki bilinməyən məqamlara işıq salmağa razılıq verib.
Bəşirovun öz etirafına görə, bu, onun ilk və sonuncu müsahibəsidir.
Xaqani Bəşirov ofşorların onun üçün maraqlı olmadığını bildirib. “Mən həmişə
ofşorlara qarşı olmuşam, bu mənim subyektiv fikrimdir. Çünki zənnimcə, ofşorlar
xüsusi xidmət orqanları tərəfindən yaradılır ki, bütün sadəlövh insanlar ora öz
pullarını köçürsünlər, onların hamısına eyni zamanda nəzarət etmək mümkün olsun
və hamısını birlikdə ələ keçirə bilsinlər. Ofşorlar mənim üçün elə də maraqlı mövzu
deyil”, - deyə o qeyd edib.
Xaqani Bəşirov təqsirləndirildiyi məsələ ilə bağlı təəssüf hissi keçirdiyini də deyib.
“Gərək Beynəlxalq bankla əməkdaşlıq etməzdim, bütün bu məsuliyyəti üzərimə
götüməzdim, amma çox maraqlı idi, gözəl imkanlar var idi və bunlar maddi anlamda
deyil, məhz peşəkar anlamda gözəl imkanlar idi. Tamam başqa bir səviyyə idi,
olduqca maraqlı idi”, - deyə o vurğulayıb.
Daha ətraflı videosüjetdə:

Türkiyənin Bursa şəhərində yeni qadağa qüvvəyə minib.

Axar.az Türkiyə mediasına istinadən xəbər verir ki, Karaağız mahalında qadın və kişilərin toy, xına və digər kütləvi məclislərdə birlikdə əylənməsi dini cəhətdən uyğun olmaması əsas gətirilərək qadağan edilib.

Həmdulla əfəndi Əfəndizadə ermənilərin 1918-ci ildə Azərbaycanlılara qarşı həyata keçirdiyi soyqırımı zamanı daşnakların vəhşiliklərinin qarşısını almaqda xüsusi xidmətlər göstərən şəxslərdən olub.
O Quba qəza komissarı Əli Bəy Zizikskinin komandanlığı altında ermənilərə qarşı təşkil olunan mübarizə dəstələrində vuruşub. 1918-ci ilin aprelində Dəvəçi nahiyəsinə soxulmuş erməni daşnakları dinc azərbaycanlılara qarşı soyqırımına başladıqda, Həmdulla əfəndi "sağ əli" və müttəfiqi Qaçaq Mayılla birlikdə xalqı ayağa qaldıraraq ermənilərə qarşı vuruşmuşdur.
1920-ci il aprelin 27-də bolşeviklərin zirehli qatarı Azərbaycana soxulduqda, Əfəndizadə öz tərəfdarları ilə birlikdə onun qarşısını kəsməyə cəhd göstərmiş, lakin qüvvələr qeyri-bərabər olduğundan geri çəkilməyə məcbur olmuşdur.
Ümumiyyətlə Həmdulla əfəndi, 18-ci illərdə David Gelovaninin, Amazapsın, Martıkyanın, Çurayevin, Abraab Velnutsun, 20-ci illərdə isə İ. Miluninin, Moravskinin, Şalomovun, Molonovun, Moyerin orduları ilə dəfələrlə üz-üzə gəlmiş, Şamaxıda qırğın törədən Lalayanı şəxsən öldürmüşdür.

Zəngəzur (Sünik) vilayətinin keçmiş qubernatoru Surik Xaçatryanın oğlu Tiqran Xaçatryan 46 yaşlı vulkanizasiya işçisini güllələyib.

TEREF.AZ erməni mediasına istinadla xəbər verir ki, ötən gün T.Xaçatryan əvvəlcə şəhərin mərkəzində polislərdən birinin arvadını təhqir edib, daha sonra tərəvəz satıcısını döyüb. Axşam saatlarında isə Gorus rayon sakini olan vulkanizasiya işçisini güllələyib. Güllə onun əlinə dəyib. Zərərçəkmiş xəstəxanaya yerləşdirilib.

Tiqran Xaçatryan axtarışa verilib.

İnsidentin səbəbi kimi isə T.Xaçatryanın qardaşının həbsi göstərilir. Bildirilir ki, 29 iyunda Ermənistan DİN Tavuşda əməliyyat keçirib və xeyli sayda vətəndaşı saxlayıb. Saxlanılanlardan biri də Zəngəzurun keçmiş qubernatoru Surik Xaçatryanın oğludur.

Axar.az